Dodaj do ulubionych

Hallole Beskurcyje aus Nikischschacht!

17.11.07, 18:49
Byl zech niedowno na bysuchu alte Ecken pofilowac kaj zech za
Bajtla lotou po Placach,Balkana niema,Bloki i snienie wyglondajom
jakby Horda Goroli tam mieschkaua zodyn nic nie remuntuje putz
lodlatuje ze scian Gruba Wieczorek jusz nie robi jak downi remonty
bezto tera wyglondajom te synie-(Klatki)jakby jakes Elwry tam
mieschkauy! tera jeschce stare Nikischschachtry tam mieszkajom
reschta wyjechaua do Reichu a niekery mieschkajom we tych botonowych
silosach jak na Gieschewaldzie
Obserwuj wątek
    • madohora Re: Hallole Beskurcyje aus Nikischschacht! 19.11.07, 16:17
      nikischschachter napisał:

      > Byl zech niedowno na bysuchu alte Ecken pofilowac kaj zech za
      > Bajtla lotou po Placach,Balkana niema,Bloki i snienie wyglondajom
      > jakby Horda Goroli tam mieschkaua zodyn nic nie remuntuje putz
      > lodlatuje ze scian Gruba Wieczorek jusz nie robi jak downi remonty
      > bezto tera wyglondajom te synie-(Klatki)jakby jakes Elwry tam
      > mieschkauy! tera jeschce stare Nikischschachtry tam mieszkajom
      > reschta wyjechaua do Reichu a niekery mieschkajom we tych
      botonowych
      > silosach jak na Gieschewaldzie
      ********************************************************************
      Ja synek jak żeś ty tak z daleka przyjechoł, to niy wiysz, że te
      siynie tak wyglondajom, bo gruba "Wieczorek" zafundowała nom
      centralne ogrzywanie.Zbulili piece i zrobili kaloryfery. I tyn
      remont już trwo od maja, tego roku. Nojpiyrw przyszli jedni i
      spiepszyli a terozki nastypni to poprawiajom. Niy czytosz polskich
      gazet. Ale w "Wyborczy", "Dziennkiu Zachodnim" i "Fakcie" była
      wielko hajo, skuli tego remontu. Terozki już wszystko wraco do
      normy. Ino jeszcze ci murarze lotajom i poprawiajom to co inni
      spiepszyli. Bez toż tak wyglondo jakby miyszkały same elwry.
      A Balkanu, to już ni ma od prawieków. Zrobili tako rekonstrukcjo na
      Karmerze ale to niy jest to samo. Jak se chcesz przypomnieć "Balkan"
      to se przyczytej tyn wontek i dopisz tam jakieś swoje wspomniynia
      zwionzane z "Balkanem". Moj brat mi wczoraj łobiecoł,że napisze
      śpiywka na tymat Balkanu. Przynajmi tyla.
      • nikischschachter Re: Hallole Beskurcyje aus Nikischschacht! 08.12.07, 14:36
        Ja Frelka gryfnie ze tak to widzisz jo zas widza to inacy
        ok nie znom aktualnych problymow na Nikiszu bo jus tam nie mieszkom
        40-lot ale moji Grosseltern,Eltern jusz przed wojnom tam mieszkali,
        jo zech sie tam urodzil 1949 znom lepi Alte Nikisz jak ty dziolschka
        znol zech stare dobte czasy Nikisza tera mieszko duzo "Goroli" co
        prziciongli ze Wulchausu,to co kedys za moich cajtow funkcjonowalo
        dzisioj nie istnieje np, Magla,Waschhaus,Klubhaus-kaj dzisioj jest
        Klubowo frelka tych zeczy nie znocz to ci moze ino Oma polosprawiac
        jak wyglondou Nikisch,tam kaj jest Masosch ze zatku na placu byla
        rozlywnio Piwa za Bajtla kulali my Bierfassy,Staro Schmidtka
        sprzedowala Schur,Gawor Sprzedawou Zeitungi,Zielezno pilnowala Rahji
        przy Sklepie Rybnym jak przyszly Karpie na Swienta bo Baby sie
        hatrusily kero kaj stoi,Stary Konsum,Sklep u Wulca,Waschhaus kaj
        baby lazily sie kompac!"Karmer" to byl Carmer! Grüss nach
        Nikischschacht von Johann F.

        • madohora Re: Hallole Beskurcyje aus Nikischschacht! 10.12.07, 14:30
          No co prowda to prowda. Jo jest od Ciebie młodszo i cołko czos
          miyszkom na Nikiszu.Co do tego, że jo tyż na to wszystko patrza
          inaczy to tyż ni ma dwóch zdań. A wiysz jak to się godo jak kogoś
          widzisz na co dziyń to niy widzisz za bardzo, że łon się durchś
          zmiynio. Prowda jest tako, że faktycznie terozki Nikisz mo inne
          problymy, niż kiedyś.Chcom z niego zrobić „atrakcja turystyczno”
          Katowic. Wszystko to piyknie wyglondo ino w tym wszystkim niy bierom
          po uwaga ludzi co tam miyszkajom. Wtoś się wymyslił, że nojlepi
          jakby to było „miasteczko dla artystów”. I fontanna na rynku, A
          nawet chyba niy wiedzom, że Teofil Ociepka był z Nikisza i że Nikisz
          artystami słynoł. Jedyn fotograf co pomyśloł o ludziach.
          A terozki trocha o twoich wspomniyniach co byś się niy myśloł, że jo
          się tak wyrwałach i chca się porządzić. Przyznaja sie, że niy
          pamiyntom rozlywni piwa. Może bez toż, że jej już niy było a może
          tyż z tego powodu (i teroz się wydo przed Bronkiem) że jo piwa do
          dzisiej niy lubia. Niy lubia zapachu piwa. Ale pamiyntom, że w tym
          placu o kierym godosz był skup falszek.A powiym ci, że jo już tak
          downo tam niy byłach że niy wiym co teroz tam jest. Bo jak lotom to
          ino łod strony downego Domu Kultury a terozki Szkoły. Klubowy już
          downo ni ma. Tam jest dyntysta – syn łod Śmigla i Bank Spółdzielczy.
          Jo miyszkom tak bliży lodowiska to tyż my po żur lotali do Świderki
          a jak łona umarła to do Kandziny. Sklep u „Wulca” pamintom. Tam lada
          była w takim łokiynku i za moich czasow sprzedawoł chop co było dość
          niezwykłe. Terozki jak to pisza, to mi się przypomniało, że tyn
          sklep był pomalowany tak jak kiedyś siynie na zielono i z biołym
          walcym na ścianie. I to tam mojemu bratu pedzieli: „Ty cipko”
          forum.gazeta.pl/forum/72,2.html?f=49353&w=72533071&a=73026652
          Terozki tam jest restauracjo „Stig”. U Tomiski i Wojcicki som
          piwiarnie, na Bacie jest sklep z ciuchami.
          My się niy chodzili kompać ale magiel pamiyntom, bo jako dziecko
          żech się strasznie boła tych wszystkich maszyn co tam były.
          forum.gazeta.pl/forum/72,2.html?f=49353&w=72533071&a=72975942
          I wiysz co ci jeszcze powiym, że jak widziałach tyn film „Angelus”
          to mie strasznie wnerwiło to, że tam sie śmioli z robiynio pranio na
          Nikiszu. Łoni to pokozali jako satyra co by się było z czego
          pośmioć. A chyba i ty i jo wiymy jak to naprowda wyglądało. Godom ło
          praniu w doma. Poniedziałek – na Nikiszu leci woda i idzie prać
          pranie, bo jest pewne, że tak może do drugi poleci…A jak potym
          zakryncom to momy pecha.
          Pamiyntom tuż lody od Szałaja ( bydzie jakiś wiyrszyk na tyn tymat).
          Niy te na Burowcu ino jak łon jeszcze przyjyżdżoł autym na rynek i
          bajtle lotali chyba bardzi na to auto popatrzeć niż te lody kupić. A
          chyba tyż wiysz, że dla bajtli to było na co patrzeć.
          I jeszcze jedno, jo z nojmodszym „Ajzernym” chodziłach przez chwila
          do jedny klasy w podstawowce.
          Jo ci tego niy godom, żeby cosik forsztelować. Jo chyntnie bych
          posłuchała jakichś twoich wspomnień, może takich jak żeś coś nabroił
          abo tak jak godosz coś co pamiyntosz. Jak tu zaś wleziesz to napisz
          mi coś. Jo te FORUM założyłach przede wszystkim do takich ludzi jak
          ty a potym żech się skumplowała z Rudom Ślonskom – stolicom fraszki
          i wyszło mi że to lepi wyłazi na szpasie.
          • nikischschachter Re: Hallole Beskurcyje aus Nikischschacht! 20.12.07, 21:53
            Hm jak mieschkos kolo Eishalli-lodowiska to tam mieschkol Görecki
            starschy byl Kaminfeger-kominiorz,mlodschy lazil ze mnom do schkoly
            we Badyhausie we Sobota lazili my na "Televisor" bo baby sie kompaly
            to za Bajtla wlazili my po drugi stronie po rusche na poddasche i
            filowali my baby ze Nikischu kero mo wieksche ubaw my mieli super az
            nos wykapowali i bylo po Televisorze!!we klubowy byla zawsze Haja ze
            Gorolami bo napasztowali nasche frelki,po placach jezdzil downi
            Kasperle theater na wozku kryncily sie kasperle bajtle mieli uciecha
            downi duzo na Nikischu howali wieprzki,kroliki,a we-8 blocku jedna
            baba miala nawet krowa,przi logrodkach byl Straflager kaj "Zielonki"
            pilnowali wiezniow wieze straznicze reflektory brr straszne Zeity,Omy
            spanowaly Gardiny Hecklowane,abo schkubaly pierze na wesele, jak byl
            Hohzeit to fejerowala calo sien,kuzmino sprzedowala gorzola na
            melinie we 9-blocku,Molle ze 8- blocku lazili na cholda po wongel i
            drzewo bo mieli bieda we doma.za szkolom byla klernanlaga smierdzialo
            we Lato jak pieron ze we szkole trza bylo lokna zawierac,za
            schlabanym richtong Jonow ORMO-pacowka i swietlica ze bibliotekom
            dali przi Bacie Kindergarten,tyla narazie bis bald!!
            Glückauf!! Johann



            • madohora Re: Hallole Beskurcyje aus Nikischschacht! 21.12.07, 09:55
              Niy wiym o kierego Góreckiego ci sie rozchodzi ale był taki, chyba
              dużo starszy ody mie i na niego Knot godali.Miyszkoł w tym bloku kaj
              była Klubowo i tak nad Klubowom ino łokna mieli na Plac. Jak sie
              kiedyś popił to wyskoczył z łokna z piyrwszego piyntra bo sie chcioł
              zabić. o jak to na piyrwszy piyntrze, nic mu sie niy stało ino se
              rynka złomoł.
              A o Kuźminy to słyszałach bo moi rodzice mieli kolegów w 9 bloku to
              my tam tyż lotali.
      • nikischschachter Re: Hallole Beskurcyje aus Nikischschacht! 21.12.07, 11:13
        Ja madohra starschy Görecki byl trocha "Epel"to ten kominiorz
        kolegowol sie ze starym Synowcem hlapali gorzola a lod Synowca
        dzieci graly we hokeja na Jantorze,Fotogescheft Andrzej Nieschporek
        i jego zona Krysia z domu Ligenza z mojego 9-blocku chodzil zech z
        niom do jednej klassy Grundschuli.Przi okazji zycza "Ein Frohes und
        Gesegnetes Weihnachts Fest"!We Deutschland zyje kolo 130 Familijow
        ze Nikischu ze kerymi mom kontakt!!
        • madohora Re: Hallole Beskurcyje aus Nikischschacht! 21.12.07, 18:19
          To my som już w doma Lucek Synowiec (hokeista) chodził z moim
          bracikiym do jedny klasy w podstawowce. A jak ty znosz Góreckich to
          na pewno tyż żeś znoł takiego hokeisty co na niego Ancug godali?!Ino
          zapomniałach jak łon sie nazywoł bo sie zawsze ino na niego Ancug
          godało!!!I jeszcze był taki chop co chodowoł gołymbie i nawet je na
          zawody puszczoł.A terozki bydzie trocha smutne ale tyn synek bydzie
          abo w twoim wieku abo niy wiela modszy Hyniek Czoik? Znosz takiego?
          A smutne je to że Betol to był cołki porzondny chop a terozki tak
          pije że już mu rady ni ma. Co to sie z ludzi robi?!Niy ukrywom że jo
          je modszo od ciebie. No musza sie trocha połechtać ale ty na pewno
          bydziesz pamiyntać Teosia Ociepki i kieregoś Wrobla - tych malyrzy,
          może mosz jakieś wspomniynia z nimi związane? Jo niy chca nikomu
          dokuczyć bo niy pamiyntom kiery to był ale mi sie cosik kojarzy z
          takim zdaniym:"A co ty tam malujesz?" -"A takie cipecki". Może
          pamiyntosz kiery z nich tak godoł?! Napisz nom coś o tym a jo niy
          ukrywom że to przerobia na wiyrsze. A tego chopa to na pewno
          bydziesz pamiyntać, no już tyż niy żyje i to od lot. A na pewno
          pamiyntosz łostatniego żyjącego powstańca ślonskiego z Nikisza (U.)?!
          Pamiyntej że ło tych co niy żyjom to sie źle niy godo. Tym bardzi,
          że w październiku sie umarło jego wnukowi Ryśkowi a mioł synek ino
          50 lot.Acha no i jeszcze tyn co ta pływalnia na Nikiszu łotworzył i
          był tam za ratownika. Tyż już sie chop stracił. A te jego syny to
          szkoda godać.No terozki mi sie jeszcze jedyn chop przypomnioł - no
          tyż już niy żyje, ale ty pamiyntosz takiego co jeździł bioło -
          granatowym mercedesym kabrioletym? To wtedy było wogóle piyrsze auto
          na Nikiszu no i jeszcze miercedes.
          Ale dużo ludzi powyjyżdżało tak jak godosz do Nimiec abo w inne
          regiony naszego kraju a no i jeszcze na Korea a terozki na NIkiszu
          to już niy jest to samo. A jo do 9 bloku lotałach jak jeszcze była
          ulica Dymitrowo. Patrz niy pamiyntom czy 8 czy 9? Ale siyń to
          jeszcze pamiyntom. Ino tyś już był karlus a jo jeszcze taki podciep
          na kierego sie niy zwracało uwagi.
          madohora
          Forum Nikiszowiec
          • nikischschachter Re: Hallole Beskurcyje aus Nikischschacht! 22.12.07, 11:23
            Ja lucek Synowiec wychowywol sie u swoi Tante skonczyl Studia
            mondry Karlus ze taki anfachowy Familiji wybil sie w zyciu,
            matka jego robila we nawijalni na Poniatowkim,ze hokeistow to
            Maryniok sie lozynil ze Kamselom ze 9-bloku jeji lociec howol
            Golymbie i dawol na loty,Wroble ze Nikischu som we Niemcach,
            Malkowski-Witek i Hyniek zyjom kolo Stuttgartu,Duda-Sigmund i
            Gerhard,Pyter Dubas,Marian Wrobel Hokeista ze Gks-u wszyscy
            mieszkajom we BRD,Kozlik ze mojego Bloku tysch grol we Hokeja ale
            we Myslowicach,Jo mieschkol na Gwardi ludowej we syni kaj Synowce
            kedys Mieschkali potym sie wybrali do innego Bloku we moji syni
            mieschkali Kostyra Antek i Adam, Zmija Maks,Dinter Jorgus, przi
            Lodowisku kaj ty mieschkosch mieschkaly dwie gryfne siostry ale
            ta mlodscho Blondynka byla Fajniejscho ta starscho nie mieli okna
            z widokiem na Lodowisko mieschkali na pierwszym pientrze nie znom
            jusch imienia inazwiska!codo Ociepki to jego obrazy wystawiali we
            domu klubowym tam kaj kedys byla klubowo.Jak tam szkola 53 mojom
            wychowawczyniom byla Wilczynsko jeji Chop robil we Rachubie na Grubie
            a syn Robi robi na dole. Tyla narazie bis Bald! Johann
            • madohora Re: Hallole Beskurcyje aus Nikischschacht! 28.12.07, 17:54
              Ja jo znom te wszystkie nazwiska ale jo je modszo. Szukałach
              tych "fajnych frelek" ale dużo ich było i niy wiym kiere ci sie tak
              podobały? To tak bardzi moje ojce by cosik wiedzieli. Mój brat to
              sie bardzo z Luckiym kolegowoł, chodzili razym do podstawowkim i
              siedzieli w jedny ławce. Wilczyńsko oczywiście znom, ale mie niy
              uczyła. My sie tak bardzi nawet zaprzyjaźnili ze Szczepanowskom (już
              ani ona ani jeji chop niy żyjom ale se dożyła fajnych lot)do tego
              stopnia że terozki to chodzymy do nich na groby we Wszystkich
              Świyntych. A pytałach sie o Ociepki, bo żech myślała że może mosz
              jakieś wspomniynia z nim związane.Tyś pisoł żeś sie wyprowadził w
              1967? To potym wybudowali Dom Kultury. Terozki tam jest Szkoła 53
              ale jeszcze jakoś czynść bajtli chodzi do tego starego budynku. Niy
              pamiyntom kiedy ale w kierymś roku zwalili ta ściana w śrdku i
              zrobili tam jedyn budynek. Już ni ma tego podziału co kiedyś na te
              dwa budynki. Z zewnątrz to wyglondo dali tak samo. Widziołeś taki
              film "Angelus" na końcu tam som scyny kryncone w naszy szkole...
              • madohora Re: Hallole Beskurcyje aus Nikischschacht! 02.01.08, 18:11
                Zapomniałam Ci jeszcze napisać, że tam gdzie kiedyś była placówka
                ORMO jest taka knajpka, kiedyś dla tej "straszej młodzieży", dzisiaj
                już nie wiem bo tam nie chodzę. Przedszkole zostało tak jak było bez
                żadnych zmian i w tym samym miejscu. "Ściana płaczu" czyli miejsca
                gdzie się wiesza klepsydry też co najmniej od 20 lat są nie
                zmienione.
                • nikischschachter Re: Hallole Beskurcyje aus Nikischschacht! 03.01.08, 10:26
                  www.um.katowice.pl/de/showphoto-de.php?ogolne/08.jpg
                  madchora Wszystkigo Dobrego w Nowym Roku wienschuja ciebie i
                  Nikischowiokom!Jak tam Foto-Nieschporek wto tom teras prowadzi
                  no chyba syn lod starego Nieszporka Andrzej z jego zona Krysia
                  zdomu Ligenza chodzila ze mnom do jednej Klasy w Podstawowce pozdrow
                  ja przi okazji o demnie.
                    • nikischschachter Re: Hallole Beskurcyje aus Nikischschacht! 03.01.08, 19:45
                      madohora napisała:

                      > Za życzenia pięknie dziękuje
                      > Ja tutaj wchodzisz lepiej się czuję
                      > Fotofrafem i to nie od dzisiaj
                      > Jest Nieszporek Krzysiu
                      Sorry mosch recht Krzysztof miol na imie tyla lot to jusz czlowiek
                      duzo imion zapomniol ale zona jego to napewno krysia ze 9-tego
                      Blocku z domu Ligenza chodzila ze mnom do szkoly podstawowej fajno
                      malo i wesolo Blondynka byla skonczyla liceum we Schopienicach ona
                      mnie zno i jej mąż tysz powiedz jej ze jest program www.nasza klasa
                      tam czekamy na dalszych klasistow z nikiszu szkola 53 tyla narazie
                      • madohora Re: Hallole Beskurcyje aus Nikischschacht! 04.01.08, 16:08
                        nikischschachter napisał:

                        > madohora napisała:
                        >
                        > > Za życzenia pięknie dziękuje
                        > > Ja tutaj wchodzisz lepiej się czuję
                        > > Fotofrafem i to nie od dzisiaj
                        > > Jest Nieszporek Krzysiu
                        > Sorry mosch recht Krzysztof miol na imie tyla lot to jusz
                        czlowiek
                        > duzo imion zapomniol ale zona jego to napewno krysia ze 9-tego
                        > Blocku z domu Ligenza chodzila ze mnom do szkoly podstawowej
                        fajno
                        > malo i wesolo Blondynka byla skonczyla liceum we Schopienicach
                        ona
                        > mnie zno i jej mąż tysz powiedz jej ze jest program www.nasza
                        klasa
                        > tam czekamy na dalszych klasistow z nikiszu szkola 53 tyla narazie

                        Jo cie tam tyż znojda, bo żech jest zalogowano na "naszy klasie".
                        Przeca i szkoła 53 i liceum w Szopynicach to tyż moje szkoły!!!
    • nikischschachter Re: Servus madohora! 08.01.08, 09:22
      Znoloz zech paru znajomych ze nikischu we programie nasza szkola
      Franek Komandera nic sie nie zmienil mieszko dali we 9-tym Blocku
      Maryniok z domu Kamzela mieszko we katowicach zona hokeisty
      Piotr Wrobel chodzol domoji klasy mieszko tera w Niemcach ale moj
      rocznik to malo ich jusz jest to bydom richtig stare Opy co nie
      majom komputera chodzom ino ze wnukami na spacery besto jest nos malo
      Pyrsk bis bald
      • madohora Re: Servus madohora! 08.01.08, 18:27
        Ja jo tyż już tam wsionkła i codyiznnie zaglondom. A le wiysz jak to
        jest czasym wnuki majom komputery i może sie dziadki jeszcze
        dopiszom. W moi klasie to nojpiyrw jo sama tam siedzialach. A tak
        polekutku, polekutku ludzie sie dopisujom. A od jutra mo już lepi
        tyn serwer chodzić.
    • balzack Re: Hallole Beskurcyje aus Nikischschacht! 09.01.08, 18:41
      Ja teraz to mieszkam na Giszowcu ale wychowałem się w familokach na
      Nikiszu. Teraz ani Giszowiec ani Nikiszowiec to nie jest to samo co
      kiedyś. Na Giszowcu jeszcze się coś dzieje jeżeli chodzi o kulturę
      jakieś wystawy, koncerty a na Nikiszu cisza. Nawet jeżeli coś się
      dzieje w Galerii Wilson to nie ma odpowiedniej reklamy.
      • madohora Re: Hallole Beskurcyje aus Nikischschacht! 23.01.08, 17:16
        Niy wiym kiery to był rok. Zresztom to niy jest takie ważne. Nasi
        chopcy za bajtla lotali na takie dwa stawy. Jedyn z nich nazywoł sie
        Upadowa a na drugi sie godało Szachta. I to co chca łopowiedzieć
        dzioło sie na ty Szachcie.To było lato i nasi chopcy poszli sie tam
        łopolać no i wykompać. Zanim tam doszli to po drodze znoleźli
        jakieś stare drzwi z jakiegoś chlywika a może z jaki piwnicy. W
        kożdym razie leżały kaś pociepniynte w trowie. Co by nie pedzieć to
        te bajtle zaczytywali sie wtedy w ksionżkach Juliusza Verne a
        wszyscy abo przynajmi wiynkszość z nos wiy co łon tam wymyśloł. No i
        był jeszcze Robinson Kruzoe co do takich bajtli mog być bohaterym.
        I jeszcze tym Tomek Sojer, bo tak to sie u nos godało.
        Bajtlom to różne gupoty lgnom sie w gowach, no to wziyli te drzwi na
        plecy i zataszczyli nad tym staw. Wymyślili sie, że se z tego
        zrobiom tratwa.Jeszcze po drodze zachachmyncili kaś jakieś stylisko
        od łopaty na kiero sie godało "babsko rzyć" i poszli dali. Jak
        pomyśleli tak tyż zrobili. Dobrze, że łoni umieli pływać.Jedyn z
        nich a godali na niego Hak, niy hok jak sie godo po ślonsku ino Hak
        bo to było w skrocie z tych ksionżek ło Sojerze. No to tyn Hak wloz
        na te drzwi i wypłynoł na środek tego stawu i tam sie zatrzymoł.
        I nic. Tratwa niy chciała sie ruszyć ani w jedna ani w drugo strona.
        Toż stoł na tym środku i wrzeszczoł jakby go ze skory łobdziyrali.
        Niy, niy martwcie sie nic mu sie niy stało. W końcu wskoczył do wody
        i dopłynoł do brzegu a tratwa sie utopiła. I tak sie skończyły
        zabawy w Robinsona.

        A teroz zagodka do Ciebie? Wto to był Hak?
        Podpowydź:Wymiyniłżeś już to nazwisko. To był wtoś duuuuuuuuuuuuużo
        modszy łod ciebie. Ciekawe czy wiysz abo zgodniesz?

        Mie to ino łopowiedzieli!!!
        • nikischschachter Re: Hallole Beskurcyje aus Nikischschacht! 31.01.08, 18:27
          Servusik madohora! downo mie tu nie bylo ze nowym rokym kupa lotanio
          i zalatwianio ruznych zeczy to na internet nie ma czasu jesli mie
          pytosz lo tym zdazyniu ze tratwom tu sie nie umia przipomniec! moze
          mi napiszesz kere "Hundcwoty" ze Nikiszu to byly!! acha Kontakt ze
          Krysia Niesporek z dumu lenza jusz mom jest we moji Seicie nasza
          Klasa 56-63. inni ze Nikisza tysch sie pomalu meldujom ! Tschüss!
          Johann F.
          • madohora Re: Hallole Beskurcyje aus Nikischschacht! 01.02.08, 09:48
            Fajnie, żeś to podoł, bo jo cie tam szukałach. Ino żech cie trocha
            odmłodziła w latach - bo cosik mi pasowało do lot 60-tych, ale jak
            sie tam dostana (to dali źle łazi)to ci sie zamelduja. Ino do
            ciebie, chociaż jo już ni mom 20 lot to byda gówniara.
            Co do tych bajtli, to to był mój brat i pora innych bajtli z Nikisza
            w róznym wieku. Hak - to był nojmodszy Synowiec.
            Suchej, my w takim wątku pt. "Kupiłech se "Czorny Ogrod" dyskutujymy
            o tym, co by my chcieli napisać, jakby wtoś z nos chcioł pisać
            książka o Nikiszu i Giszowcu. Może sie tam do nos dołączysz? I tyż
            coś od siebie dodosz. Na początku miało być bez wątków politycznych,
            ale tak nom wyszło do ty pory, że tego sie niy do minąć.
            • jurek-de1 Re: Hallole Beskurcyje aus Nikischschacht! 21.02.08, 13:06
              Nie umia sie skupic,takinatlok wrazen.Trzeci dziyn to cytom,pelno nowych zdazyn.
              madohora
              Dziekuja Ci piyknie za Twoje pisanie,Bo zas przedymna calo modos stanie.Kolezanka z klasy,mi to pedziala.Ze o Nikiszu forum w internecie dziala.Areraz do rzeczy,ale jak tu zaczac.a calkym normalnie,zeby sie niy zeciac.
              Zonka teroz mi przerwala,ina lobiod zawolala.
              Ale wroca tu za chwila,ino trocha sie posila.
                • jurek-de1 Re: Hallole Beskurcyje aus Nikischschacht! 21.02.08, 18:22
                  By powiedziec cos o sobie,jest zech tu ponownie.Choc lot dzieli nos niewiela,chca Cie rozpracowac frla.(dowiedziec sie kim jestes)
                  Pewnie Ty mie bydziesz znala,jak zes Nikisz lobleciala.Wiadomosci nazbiyrala i na forum to podala.Moze my sie nawet znomy,ale tego juz niy pamietomy.
                  Mieszkolech na Jonowie a moj brat z lojcym (byl ksiegowym na kopalni) na Nikiszu,(nad W Sabatym)lokna miol na kosciol.Jo wiekszosc czasu spedzol na Nikiszu.Dziynnie zech tam lotol bo lod bajtla chodzilech na plywalnio.Kupa nos tam bylo,a trynowol nos H Palasz,plywali tam J i M Palasz,W Sabat,K Nieszporek,H Czaja,Zielosko,Szandar,Piontek,Bywalec,T Halup,P Dombek..Mogbych jeszcze wilu wymiynic ale sie pozapominaloMieli my tyz olimpijczyka P Dlucik.Jezdzili my na zawody a jako dieta Palasz dawol nom po czekoladzie.Prezesem byl pan Tomala,trynowol nos tyz Gienek Gucki potym szycha na kopalni.Jo lazil do 50 na Jonowie a brat Krzysiek do 52 abo 53 na Nikiszu, nikischschachter moze go pamieto.Lata szkolne minyly,i wojsko przelecialo ich na grubie zaczl robic.Zeby kasy i rozrywki wiyncy miec zaczonech sie w dyskoteki bawic.Nojpierw na Giszowcu w Gwarku potym na Jonowie u Zalera grolech a potym w Mlodym Gwarku,klubym zarzadzali G Kowolik P Grzywarczyk A Depta J Rozanski.Widocznie ludziom sie to podobalo ze mie na wesela brali,o pieronie kaj jo nie grol,nojwiecy na Jantorze potym logrodki dzialkowe,Klubowo,Hutnik a nawet i po domach sie grywalo.Kupa tych mlodych par bylo i ponoc wszystkie dobrze i szczynsliwie zyjom,i dej im tak ponbocku dali.A jo sie terozki pauzna,ale lobiecuja ze cdn.
                  A jeszcze wom dom zadanie domowe zebysciesie niy nudzili.Czy znocie tego chopa? (Mo pseudonim Krzk) Podpowiym wom ze to niy jo.
                  www.wiersze.bej.pl/?szukaj=Krzyk&gdzie=autor
                  www.wkn.superhost.pl/WKN/KokotKrzysztof.htm
    • madohora Re: Hallole Beskurcyje aus Nikischschacht! 22.02.08, 18:29
      Zadanie domowe odrobione. Wiersze przepiękne, naprawdę warto
      poczytać. Przyznaję się, że nie miałam czasu aby przeczytać
      wszystkie ale myślę, że nic straconego dla mnie. Zawsze tam mogę
      sobie zobaczyć. Na tym FORUM to wygłupy ale tamte tak mi trafiają do
      duszy, jak mało które.
      • jurek-de1 Re: Hallole Beskurcyje aus Nikischschacht! 23.02.08, 23:52
        Do madohora

        zapomniałach jak łon sie nazywoł bo sie zawsze ino na niego Ancug
        godało!!!

        Mom!!! To co Ty bys chciala wiedziec,i podziela sie z Tobom.
        ANZUG to Janek Dronia Jak byl bajtlym to przy chopcach zawsze godol ze chciolby byc krawcym i szyc anzugi i tak mu to zostalo do tera ANZUG Nojpierw miyszkali na Podgrubie (miol fajno siostra chodzila zymna do 50 ale byla lo rok starszo na imie miala Kasia)potym na Nikiszu a Janek mieszko teraz na Giszowcu.
          • balzack Re: Hallole Beskurcyje aus Nikischschacht! 26.02.08, 10:22
            Ja a Ancuga to jo dobrze pamiyntom, bo my miyszkali w tym samym
            bloku i za bajtla to razym lotali po placu, grali w fuzbal abo w
            hokeja. Dziwia sie ino, że Madohora niy pamiyntała jak łon sie
            nazywoł, chyba wos robiła w konia. Zawsze sie godało, że to niy tyn
            Dronia co hodowoł gołymbie ino tyn drugi jak trza było dokładnie
            wytłumaczyć. No mogła zapomnieć jak mioł na imie, ale nazwiska.
            Jo tyż tu byda zaglondoł, ino dość rzadko bo ni mom takiego dobrego
            dostympu do komputera
            • jurek-de1 Re: Hallole Beskurcyje aus Nikischschacht! 27.02.08, 10:40
              Do balzacka

              Tak sie cytom i kombinuja,i wiysz co mi z tego wyszlo,ze madohora to Twoja siostra.A moze sie myla.Z waszy ulicy coscie razym miyszkali znom,Danka Suchecko,Andrzeja Ryjznera,Betola Hyniek Czoik,a lod parku strony,Kichus Mirek Walach,Pietrek Szajek,narazie tyla moze mi sie jeszcze wtos spomni.Jak zescie kogos znali to dejcie znac.I powiydz wkoncu w kery siyni zescie miyszkali,to morze mi sie cos przypomni,abo cos wykombinuja.Jak mosz problymy z komputerym,to bydziesz musiol czynsci madochora lodwiydzac,chyba ze cie mo dosc? Beskurcyje aus Nikischschacht!
              • madohora Re: Hallole Beskurcyje aus Nikischschacht! 27.02.08, 17:10
                Jo ci za niego łodpowiym. Zgodzo ci sie wszystko. Teraz chciałach napisać że
                "madohora to moja siostra" ale wiysz o co chodzi. Jo jest siostrom "Balzaka" bo
                tak to powinno brzmieć. Moj brat chodził do jedny klasy z "Koparom" czyli z
                Januszym a Andrzej to jest jego starszy brat, "Kościak" to był Marian. Balzak mo
                na imie Krzysiek i groł swego czasu u mandolinistow na konrabasie. Betol poleku
                sie kończy. Niy wiym kaj jest dno ale poleku do niego leci a trocha go szkoda.
                Jo cie zaroz trefia na naszy klasie i ci coś wiyncy napisza, bo niy chca tak
                tukej podawać nazwisk, bo wtoś by sie mog moze za to jeszcze łobrazić. Zresztom
                my wszyscy godali sie po przezwiskach, to czasym sie nawet niy pamiynto jak wtoś
                mioł na imie. A nawet łostatnio to my wspominali, że Danka miała fajne nogi.
                Wiyncy to ci może Krzysiek napisze jak zaś sam wlezie.
    • madohora Re: Hallole Beskurcyje aus Nikischschacht! 06.01.10, 12:36
      Może nie każdemu podoba się to co robimy i staramy się zrobić - miałam jakiś
      czas temu takie prywatne informacje - ale wszystko zmierza ku lepszemu, może się
      uda. No jedyna rzecz do której podchodzę rozsądnie to jest Balkan. Za duże
      nakłady finansowe no i każdy będzie mówił o "względach bezpieczeństwa".

Popularne wątki

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka