V Barborkowy Konkurs Poezyji

06.11.09, 19:55

V Barborkowy Konkurs Poezyji

W grodzie kaj patronkom jest Barbara świynto
Kaj bergmonow ślonskich zdo sie być stolica
Konkurs poezyji - niy łod dzisioj wiym to
Rym abo wiersz bioły tukej krasi lica

Toż chytejcie ludzie drapko za filery
Szkryflejcie ło grubie, bergmonach, patronce
Po polsku i ślonsku - dyć to niy som bery
Yno jako kwiycie na wiosynny łonce

"Wiadomościom Rudzkim" na adres wyślijcie
Z trzecim tydniym grudnia brif tam już być musi
We zocno ideja kunszt swoj wprzongnońć chciyjcie
Tyn szczyńśliwy czowiek co wyny niy dusi

W styczniu sie dowiymy ło piontce wygranych
Kto przi tymu erbnie fiurka Barborki
Mono tref szczyńśliwy Wom tyż bydzie dany
Wiersz niychej kupluje - poleci ze gorki.
==========

Na wiersze Redakcjo czeko do 21 grudnia.
Autor niych podo tyż sposob kontaktowanio.

Adres tygodnika:

"Wiadomości Rudzkie"
ul. Niedurnego 36
41-709 Ruda Śląska
Pełna wersja