"Pisza inaczy - konkurs ślonski liryki"

01.02.09, 19:33
Niy godejcie że to fioł
nasza-klasa.pl/forum/10/6631/37
Kto z Katowic wiersz tam doł?
    • broneknotgeld Re: "Pisza inaczy - konkurs ślonski liryki" 02.02.09, 18:28
      Ślonski kunszt pieronym blyśnie
      nasza-klasa.pl/forum/10/6631/41
      Wiersze jako żdżałe wiśnie!
      • broneknotgeld Re: "Pisza inaczy - konkurs ślonski liryki" 02.02.09, 21:05
        Jak ze moji myjny włosy
        sypły se już piyrsze głosy!
        • broneknotgeld Re: "Pisza inaczy - konkurs ślonski liryki" 03.02.09, 16:49
          Wartko leci głosowanie
          Za jurorow wiela stanie.
          • broneknotgeld Re: "Pisza inaczy - konkurs ślonski liryki" 10.02.09, 10:44
            10 luty

            Luty se ustrzeloł "dycha"
            Prawie z Jackym i Elwirom
            Coś zrymuja niy skiż grzycha
            Na "profile" pozaziyrom

            Coroz bardzi rok dojrzywo
            Straci zima, wiosna przidzie
            Wartko leci czas - niy dziwo
            Szczyńściym "naszo-klasa" bydzie.
            • broneknotgeld Re: "Pisza inaczy - konkurs ślonski liryki" 14.02.09, 12:22
              Walyntynkowo
              =================

              Jako żyć bez drugi duszy?
              Dyć po prowdzie jakoś idzie
              Jako szczyńscio bez niyj ruszyć?
              Łoj - som czowiek już we biydzie!

              Jako zmysłym tyknońć Nieba?
              Tego życie niy poradzi?
              Poprobować zowdy trzeba
              Ponboczkowi niy zawadzi

              Świat ze pszonio Jego przeca
              Nom Łon mustrym - dobrze wiymy
              Zdo mi sie - do Niego leca
              Jakby prawie ślonskim rymym

              Ech - naturom pszonie rzońdzi
              Z tego siyła, szczyńście, życie
              Chocioż czasym bliźni zbłońdzi
              Idejałym kto? -To wiycie

              Toż trza brać co nom szkryflane
              Mieć we zocy ciała cuda
              Tym niych se zaczyno ranek
              Dziyń niy leci jako "gruda"

              Słonko przeca po to świyci
              By natury gryfność widzieć
              Rymym nawet se niy sklyci
              Tego co już za tym idzie

              Tako sami forsztelujcie
              Jako pszonie blysko w nocy
              Na swoj skarb se podziwujcie
              Nawet jak zamkniecie łoczy

              Kaj dwie dusze czucio styknie
              Raj tym wzajym trza łotwiyrać
              Pokuplować idzie piyknie
              By na Niebo stond zaziyrać.
              • broneknotgeld Re: "Pisza inaczy - konkurs ślonski liryki" 20.02.09, 23:49
                Ruda Ślonsko to wygrała
                Bydzie teroz fajrowała.
                • broneknotgeld Re: "Pisza inaczy - konkurs ślonski liryki" 24.02.09, 12:31
                  Ślydź

                  Ślydź dzisioj rzońdzi!
                  Tako świat prawi
                  Ze niym niy zbłońdzi
                  Tyn kto sie bawi

                  Przed Epnym Postym
                  Bajsnij go w łogon
                  Koncept w tym prosty
                  -Niy kopnie nogom

                  Ślydź chocioż fisza
                  Niy guchy przeca
                  Kaj niy brzmi cisza
                  We tan poleca

                  Ślydź lubi pływać
                  Toż trza napitku
                  Jako se dziwać?
                  Chnet koniec zbytkow!
              • sas12 Re: "Pisza inaczy - konkurs ślonski liryki" 02.05.09, 01:27
                walentynkowo - to ni jest i nigdy nie byndzie twoj wiersz, jesli juz tlumaczysz
                z polskiego na godke to wypada podac nazwisko prawdziwego autora i tytul wiersza
                - to rzecz oczywista dla ludzi cywilizowanych
                ale nie dla rudego kundla.
Inne wątki na temat:
Pełna wersja