Ło Grinbergu

28.08.04, 19:20
Lubusko Rozlywnia Wina

W Zielony Gorze zbankrutowała
No bo "lubuske" we mianie miała
Grinberg był ślonskom stolicom wina
Ło tym wiedziała cołko dziedzina.
    • woter Re: Ło Grinbergu 29.08.04, 16:26
      nie jestem Ślązaczką, ale jestem za winną tradycją i winną aktywnością,
      pozdrowienia dla Śląska
      • broneknotgeld Re: Ło Grinbergu 29.08.04, 21:03
        Kaj?

        Kaj winorośli setki hektarow
        kere mioł Grinberg durś w zocy?
        Rumunow cieszom i tych Bułgarow
        Zielono Gora we nocy

        Dyć możno słonko blyśnie im jeszcze
        Coś ło tym szkryfnońć by czeba
        Dobre stond wino - lepi uwierzcie
        Z niym bych poszukoł jo nieba.

        Winszuja udanego "Winobrania 2004" i pozdrowiom z Rudy Ślonski.
        • broneknotgeld Re: Ło Grinbergu 29.08.04, 21:10
          Zielonogorske bachantki

          Jo łod Bachusa bachantki wola
          Ze niymi pija wino czerwone
          Na rauszu lekim już se niy smola
          We gowie przeca som yno łone

          Pszonie jak wino mo kolor taki
          Co zowdy ciongnie do siebie byka
          Choć koniec przeca niy jest jednaki
          Dyć w "świynto wina" idzie pobrykać.
          • broneknotgeld Re: Ło Grinbergu 30.08.04, 16:30
            Zaś bydzie

            Zaś bydzie zocne wino z Grinberga
            Karlusa zrobi nawet ze cwerga.
          • broneknotgeld Re: Ło Grinbergu 30.08.04, 16:33
            Liceum Winiarske

            Zielono Gora po wojnie miała
            Pewno i dzisioj by tego chciała
            Możno historio zwyrtnie sie tako
            Bez "grinberdzkego" Bachus fest płako.
            • Gość: karol Re: Ło Grinbergu IP: *.zgora.sdi.tpnet.pl 30.08.04, 16:47
              może zostaniesz dyrektorem szkoły winiarskiej w Zielonej G. ?
              • broneknotgeld Re: Ło Grinbergu 30.08.04, 23:05
                Kurde bych se tam piyknie jo mioł
                Przi beczce wina durś siedzieć chcioł.
                • broneknotgeld Re: Ło Grinbergu 31.08.04, 12:38
                  BacHOUSEowe Winogranie 10.09.2004

                  Do "Cafe Tattoo" zoglondnońć trza
                  Fest tam zabawić sie pódzie - pra?
                  • broneknotgeld Re: Ło Grinbergu 01.09.04, 20:18
                    Konkurs Win Domowych

                    Wygro "czerwone" Jana Mospana?
                    Po niym ześ zdrowy jest zowdy z rana
                    Bo z winorośli szczepu ślonskego
                    Jo bych postawioł przi tym na niego.
                    • broneknotgeld Re: Ło Grinbergu 03.09.04, 08:06
                      Wdepnij do Zielony Gory

                      Dyć przeca po to choćby se werci
                      By wina wypić nojmni "czi ćwierci".
                      • broneknotgeld Re: Ło Grinbergu 04.09.04, 10:31
                        Na "Kiermaszu Win"

                        Biołe se kupić abo czerwone?
                        Toż łoba biera bo dobre łone.
                        • broneknotgeld Re: Ło Grinbergu 07.09.04, 12:32
                          Na Starym Rynku

                          Na Starym Rynku sztandy ze winym
                          Toż pokosztowoł bych wiela
                          Dyć miołbych buły jo łod rodziny
                          Latoś sie niy łośmiela.
                          • broneknotgeld Re: Ło Grinbergu 07.09.04, 12:35
                            Plac Pocztowy

                            Na Placu Pocztowym łodwiydzim "Winnica"
                            Zowdy jak wyłaża mom czerwone lica.
                            • broneknotgeld Re: Ło Grinbergu 09.09.04, 00:03
                              "Deptakowo Winiarnia"

                              Pod ratuszym jom znojdziecie
                              Przeca wino pić durś chcecie
                              Bych w niym cołki dziob utonkoł
                              Bo to jakby nasze słonko.
                              • broneknotgeld Re: Ło Grinbergu 09.09.04, 07:30
                                "Wspomniynie Lata"

                                Nad Odrom we Gorzykowie
                                Wino do flaszek durś lejom
                                Marzynie łazi po gowie
                                Ciyngym do tego sie śmiejom.
                              • broneknotgeld Re: Ło Grinbergu 09.09.04, 07:31
                                II Targi Winiarske

                                Druge toż wcale to niy nowina
                                Że wszysko kupisz tukej do wina.
                              • broneknotgeld Re: Ło Grinbergu 09.09.04, 07:34
                                Na Targach Winiarskich

                                Czy idzie dostać tam tako beka
                                w kery potoplać szłoby czowieka?
                                Dy sie we winie łokompoł cołki
                                I wyleciały mu z gowy "stołki".
                                • broneknotgeld Re: Ło Grinbergu 10.09.04, 11:51
                                  Piwniczka "Bachus"

                                  Dyć beamtry z magistratu
                                  Tu sie skryjom ze wypłatom
                                  Ślintać potym bydom ślubne
                                  Winko przi geltagu "zgubne".
                                  • broneknotgeld Re: Ło Grinbergu 12.09.04, 20:51
                                    Prziśniyło mi sie

                                    Prziśniyła mi sie dzisiejszy nocy
                                    Pani prezydynt w Bachusa mocy
                                    Coś ło Raculi se "ślubowała"
                                    Dyć niy zrozumiołch bo mamrotała.
                                    • broneknotgeld Re: Ło Grinbergu 15.09.04, 07:33
                                      Na siedmiu wzgorzach

                                      Na siedmiu wzgorzach winorośl rosnie
                                      Zaś tu historio wroco radośnie
                                      Toż przeca dlo wos to niy nowina
                                      Mo smak aroma i kolor wina.
    • broneknotgeld Re: Ło Grinbergu 29.01.05, 15:45
      Z Ksiynstwa Głogowskiego

      Z Ksiynstwa Głogowskiego ta Zielono Góra
      Z niym razym tyż potym we czeskich jest "chmurach"
      Straciyło sie "państwo głogowsko-żagańskie"
      Dyć przeca co prziszło niy było pogańske
      Przi Czechach Austryjokach a tako tyż Prusach
      Ślonzek tu był ciyngym - tela szkryfnońć musza.
Inne wątki na temat:
Pełna wersja