Walyntynki

14.02.04, 10:29
Som sam jakes zakochane? Jak ja to winszuja im tela miuosci az im pudzie w
kosci!
    • ballest Re: Walyntynki 14.02.04, 10:44
      szwager a wiysz kaj tyn Valentyn pochowany je? w Krumbachu!
      • laband Re: Walyntynki 14.02.04, 10:46
        Chyba niywia.

    • meg_s Re: Walentynki 14.02.04, 13:28
      przecież to jest amerykańskie święto komercyjne ;-P
      my mamy swoją noc świętojańską (są wtedy o wiele bardziej sprzyjające
      okoliczności przyrody ;-)
      • laband Re: Walentynki 14.02.04, 13:46
        Margotko, widza izes niy je zakochano w tym forum, hehe!
        • Gość: Ramon Re: Walentynki IP: *.proxy.aol.com 14.02.04, 15:16
          meg_s mo recht, bo w "u nous" do srodka lout osymdziesontych o takym swiencie
          sie nikaj nie godauo.
          Zachyli z tym kwioutkouze aby na wiosna sprzedac drogie we szklarniach wyrosue
          kwioutka.
          ja,ja - cza znejsc jeno jakejs imie i jusz leci interes.

          Dejcie pozur, w "u nous" zaczyno sie pomau przebijac 08.03 (Miedzynarodowy
          dzien kobiet.
          Niemom nic przeciw temu, jeno jak to sie robi jeno ze wzglendu na interes, to
          niech sie to kajs wsadzom!!!

          m.s.m
          Ramon
          • laband Re: Walentynki 14.02.04, 15:18
            Keby byli tysz te geszefciorze take szprytne to by wyciongli inksze nasze stare
            swiynta.
            • Gość: Ramon Re: Walentynki IP: *.proxy.aol.com 14.02.04, 15:22
              Laband,powiedz mi jeno jake?
              Te modziki we wienkszojsci nie znajom juz ani synsu takich swiont jak np.
              wigiliou, Ostern, wszystkich swientych abo 20.04 itd.
              m.s.m
              Ramon
              • laband Re: Walentynki 14.02.04, 15:25
                ja, a kto je tymu winny?

                odnich fatry przeca
                • Gość: Ramon Re: Walentynki IP: *.proxy.aol.com 14.02.04, 15:39
                  Nie jeno Laband.
                  Niewia czy ty sie poradzisz jeszcze koniec lat 60-tych przypomniec, jakou to
                  boua wtedy bitwa o dzieci.
                  Zawsze jak boue we niedzela msze dla modych to puszczaua komuna Bonanza we
                  telewizj.
                  We szkole piepszyli jeno otym jake to nasze vatry byli mordercy bo byli we
                  niemieckym wojsku.
                  Szczytem tej cauyj propagandy bou ten film "czteryj pancerni i..."
                  To boua prymitywnou propaganda komuny. A obejzi sie co TV mo dzisiej za
                  mozliwojsci. Göbels sie musi we grobie kryncic jak kugellager!!!

                  m.s.m
                  Ramon
                  • laband Re: Walentynki 14.02.04, 15:48

                    Mosz recht. Jo som bou wtedy bajtlym, ale przeca mom fatrow kere to dobrze
                    wtedy wiedzieli. Ta bitwa o bajtli to boua gynau tako samo jak za adolfa -
                    wtedy tysz kto szou do koscioua np. do Don Bosco Mom nadzieja ize sam nic niy
                    pomylouech) a niy do tych faszystowskich organizacji muodzierzowych to bou
                    abgesztympelt - prawie u nos we Oberschlesien boua to richtik bitwa o bajtli
                    wtedy.
                    • Gość: Ramon Re: Walentynki IP: *.proxy.aol.com 14.02.04, 16:03
                      wiesz Laband, sytuacja na wsiach boua mozno troch inakszou we abo przed wojnom.
                      Za niemca przysuali tak jak i za polska takich 100 %-wych, ale slonzouki na
                      okouo Schnoraberg som trocha uparte i te nowe porzondki potrzebujom tam trocha
                      duzyj jak kaj indzi. Niekej tak dugo ze porzondek sie zmieniou a ludze ani nie
                      zdonzyli sie go obejzdzec.
                      Natura Slonzouka spod Schnorabergu jest takou sama jak od szildkryty -
                      a jak wiesz to szildkryty dojs dugo sie zyjom. Niekere i 200 lout.

                      m.s.m
                      • laband Re: Walentynki 14.02.04, 16:05
                        i Ponboczkowi za to dziynkowac ino.
                        • Gość: Ramon Re: Walentynki IP: *.proxy.aol.com 14.02.04, 16:08
                          ja,ja Laband, ale nie tak gibko, bo sie potracymy.

                          Laband, a ty wiesz jako sie Slonzouk definuje?
                          m.s.m
                          Ramon
                          • laband Re: Walentynki 14.02.04, 16:14
                            mysla ize wia ale niywia tera o co Ci sam tak gynau sie rozuazi.
                            • Gość: Ramon Re: Walentynki IP: *.proxy.aol.com 14.02.04, 16:18
                              blank ajnfach

                              taki co je ani prawdziwy niemiec i ani prawdziwy polouk to je prawdziwy slonzouk

                              m.s.m
                              Ramon
                              • laband Re: Walentynki 14.02.04, 16:21
                                styknie jak sie powiy "jo je Slonzok" i kozdy wiy z kim sie godo - zapomnious
                                ale ize tak ah´jnfach to niyma, bo momy jeszcze we czeskyj stronie naszych
                                slonzokow. A keby tak dalyj kuknonc to Slonsk je wiynkszy.
                                • Gość: Ramon Re: Walentynki IP: *.proxy.aol.com 14.02.04, 16:30
                                  hast Recht, ale musza sie przyznac ze uo tych slonzoukach po czeski stronie
                                  zech sie dowiedziou dopiero tu "u nous".
                                  we förderschule bou jeden ze Tropau. On poradziou blank czysto po slonsku, jeno
                                  zouden z nous gupkow niewiedziou kaj je Tropau.
                                  Ale to jeszche nic, jak myslisz jake my oczy robieli jak naroski przyszou jeden
                                  ze Rusyj. Ale bou mondry i po dwuch miejsoncach tak goudou po slonsku jak jakis
                                  karlus ze Toszka.

                                  m.s.m
                                  Ramon
                                  • laband Re: Walentynki 14.02.04, 16:38
                                    za to jo tera konsek zech uswiadomiou prawie jednego karlusa ze Nigerii we
                                    nojwazniyjszych slonskich suowach - Niymcy wszyske juz rozumiom co mom na mysli
                                    jak godom pierona, leber, hercklekoty itp
                  • laband Re: Walentynki 14.02.04, 16:29
                    Jo by tak do przikuadu proponowou wszyskim se spomniec o piyknym swiyncie
                    sw.Grzegorza - kto dzisiej jeszcze wiy co to bouo za swiynto(?). A przeca
                    prawie dzisio werciouo by sie je juzas przipomniec coniykerym, pra?
                    • Gość: Ramon Re: Walentynki IP: *.proxy.aol.com 14.02.04, 16:35
                      Laband! teraski ejs mie wrobiou.
                      Wto to je ten Gregorji?
                      m.s.m

                      Ramon
                      • laband Re: Walentynki 14.02.04, 16:47
                        To sie rozuazi o tzw "Gregorianki", to prziszuo na slonsk ze Niymiec(chyba ze
                        Alzacji) i idzie sam o patrona szkolorzy sw.Grzegorza. Kedys sie to fajrowauo
                        ze belframi kere tysz sie przeblykali za roztomaite niymrawy. Robiouo sie tysz
                        roztomaite forsztelungi=tyjatry (take do smiychu). Potym sie za to i trocha
                        piyniondzow dostowauo. Te swiynto je 12 III.

                        Dziyn swiyntego Grzegorza
                        Kerego ze za morza
                        Cudnom rynkom wyprowadziou
                        Na papiyski tron posadziou

                        ....


                        Kej bajtli niy mocie
                        To nom san na papiyr docie


                        Godo sie tysz:
                        Na Pytoua sie swinia gospodorza
                        Coby jom czimou do Grzegorza

                        • Gość: Ramon Re: Walentynki IP: *.proxy.aol.com 14.02.04, 16:57
                          Laband, powiec jyny na erlich,
                          wyjsci te swiento we szkole fajerowali?
                          za komuny?
                          Pierona, abo mie juz skleroza biere, abo ech mieszkou we zydowskj czynsci
                          Pyskowic, abo ech nie dou pozur na religji???

                          m.s.m
                          Ramon
                          • laband Re: Walentynki 14.02.04, 16:59
                            niy, my juz tego niy fajrowali, ale powiydz eli by sie niy werciouo to nazot
                            przikludzic

                            ps

                            kedy zes miyszkou we Pyskowicach?
                            • Gość: Ramon Re: Walentynki IP: *.proxy.aol.com 14.02.04, 17:02
                              do 10:34 (odjazd autobusa), 29.07.1970
                              m.s.m
                              Ramon
Inne wątki na temat:
Pełna wersja