Paulek i Gustlik

25.09.04, 14:22
Paulek i Gustlik

Paulek i Gustlik razym se miyszkali.
Swady niy mieli, ani sie niy prali,
Bo Gustlik to chop pieronym spokojny.
Niy cis sie nigdy ku swadzie, do wojny.
Dycki gazeta czytoł lub groł w szkata,
Bądź se legnął, jak to na stare lata.
W swyj izbie na wiyrchu był w niebo wziynty,
Jak mioł co lubioł, czyli spokój świynty.


Paulek w tyj chałpie na dole mioł izba
I choć do tego niy chcioł sie prziznać,
Waryjot z niego był fest pofyrtany.
Myśliwca udowoł dycki nad ranym.
Trąbioł w goń sygnały, chytoł hazoki,
Na fazany szczyloł i inne ptoki.
Lotoł drap przy tym z izby do antryja
I na leżanka skokoł ze bifyja.

Biydok Gustlik skiż tego wyrobiania,
Gowa mioł wielgo jak na jesiyń bania.
Leci po prośbie: Pauleczku kochany!
Byćże tak choć ciszyj trocha nad ranym,
Bo żyje sie ciynżko i usnąć niy idzie.
Czamu rojbrujesz tak bez cołki tydziyń?
A Paulek na to: Ciś stąd gupia małpo,
Przeca se moga co chca robić z chałpą!

Możno dwa tydnie od zdarzynio tego,
W tyj chałpie dzioło sie coś blank inkszego.
Paulek sie jeszcze pod pierzinką grzeje
I mu sie na łeb coś z gipsdeki leje.
Bestoż klnie zmierzły i ślypia łotwiyro,
A tu je mokre praje cołkie wyro.
Drap na góra leci fest znerwowany,
Że niy poradzi poleżeć nad ranym.

Klup! Zawrzyte dźwiyrza. Bez dziurka kuknął
I praje zarozki z nerwów niy puknął.
Co ujrzoł? Woda? Co to je? - sie pyto.
Czamu ty Gustlik w chałpie ryby chytosz?
Na co woda w izbie i guminioki,
Na co wędki, kibel, hoczyk, chroboki...?
A Gustlik na to: Ciś stąd gupia małpo,
Przeca se moga co chca robić z chałpą!

Taki z bojeczki tyj morał płynie:
Gdyś wieprzkiem - inni ci jak świnie!

www.mariusz-m13.webpark.pl/a25/a1/a4.html
    • laband Re: Paulek i Gustlik 25.09.04, 14:27
      Hans Gizdzie jedyn, dej lepi ta frelka pousagato kero je blnak na piyrwyj
      zajcie!

      A tyn konsek je od M.Sz. (Reklamy mu niy ronbia bo on je zaprzaniec.
      • hanys_hans Re: Paulek i Gustlik 25.09.04, 14:55
        laband napisał:

        > Hans Gizdzie jedyn, dej lepi ta frelka pousagato kero je blnak na piyrwyj
        > zajcie!
        >
        > A tyn konsek je od M.Sz. (Reklamy mu niy ronbia bo on je zaprzaniec.

        Tyn pieroon sie ani niy podpisou, besto douech tysz link!


        Laband poszou na komisjo poborowo. Po badaniach, wzioon go na rozmowa seksuolog.
        Naszkryklou mu koouko:
        - Laband, co to jest ?
        - sagato baba...
        Naszkryklou mu kwadrat:
        - A to?
        - He, he, sagato baba...
        Na kooniec, naszkryklou mu troojkoont:
        - Noo a to, psziglondnijćie się doporzoontku.
        - Tysz sagato baba...
        - Laband, wyście soom zboczyni!!!
        - Jaaa??? A kdo mi te sagate baby rysowou?!
        • laband Re: Paulek i Gustlik 25.09.04, 14:59
          tela sagatych babow downoch niy widziou
        • laband Re: Paulek i Gustlik 25.09.04, 15:00
          ale ta zajta je od inkszego karlusa jak tyn co to szkryflou
          • hanys_hans Re: Paulek i Gustlik 25.09.04, 15:15
            laband napisał:

            > ale ta zajta je od inkszego karlusa jak tyn co to szkryflou

            www.midi-mario.webpark.pl/a1/a0/mid03.mid
            • laband Re: Paulek i Gustlik 25.09.04, 15:18
              jakos tyn link niy poradza roztoworzyc - ale tyn konsek sam je od tego kery
              szkryfnou tak do przikuadu "Slaziki nie gęsi"

              po slosnku fajnie szkrflo ale Gorolom do rzici wuazi
              • ballest Re: Paulek i Gustlik 25.09.04, 15:30
                Mozesz mi pedziec, kto to taki, Wilym to nie je?
                • laband Re: Paulek i Gustlik 25.09.04, 15:40
                  Ballest niy przeginej, Wilym je ok, a to ize sie oba za gowy chytocie to je
                  waszo rzecz.

                  Chociosz tego zauja.

                  a tyn to je tyn Szoltysek kery tak na RASl pluje i Gorolom do zici wuazi.
                  • ballest Re: Paulek i Gustlik 25.09.04, 15:46
                    No to uech Wilyma zle uoszacowou, ale jak Ty godosz ze o.k. to ci wierzam, to
                    godosz jou bou cauy czas slepy?
                    • laband Re: Paulek i Gustlik 25.09.04, 15:48
                      tukej sie musisz Wilyma spytac- niych Ci uczciwie odpowiy
            • hanys_hans Re: Paulek i Gustlik 25.09.04, 15:19
              www.midi-mario13.webpark.pl/a8.html#

              www.midi-mario13.webpark.pl/a8.html#
Inne wątki na temat:
Pełna wersja