stracone ze pamiynci wyrazy

12.10.04, 09:24
Proponuja sam pozbiyrac, i przipomniec jedyn drugymu, wyrazy kere juz
zapominomy.

I tak na poczontek:

ouberyba - to kozdy jeszcze zno, ale kery wiy ize na to sie i kuloryba godauo?
(niych sde zodyn gorol niy pomysli ino ize to mi cosik ze rybami spolnego, to
je ajnfach kalarepa!)

a mozno kerys poradzi mi wyklarowac co to je kuperikla???

moga znonsc we suowniku, ale narazie ciekawych je eli sam to kerys wiy, bo jo
niyznom juz tego.

narazie

Pyrsk!
    • laband Re: stracone ze pamiynci wyrazy 12.10.04, 09:48
      A sam cos do Hanysa!

      kurdebenedykt (inaczyj tysz kurdybounek) - to je to na tym obrozku:

      www.catbull.com/alamut/Lexikon/Pflanzen/Cnicus%20benedictus.htm
    • laband Re: stracone ze pamiynci wyrazy 13.10.04, 09:03
      widza ize zodyn niymo chynci na tyn temat - ok, zawiyromy go.

      ps

      kuperikla to boua spuonka przi starych gererach(flintach)

      cobyscie zauowali tematu to jeszczer pora wyrazow:

      klyta - swat

      klyszczyny - to je tako drzewiano lajsta przi chomoncie

      kszy - kszoki

      a kery z nos jeszcze godo "kejndy" = kedy indziyj?

      zodyn.


      Pyrsk!
      • ballest Re: stracone ze pamiynci wyrazy 13.10.04, 09:27
        chuwa- swinia
        • laband Re: stracone ze pamiynci wyrazy 13.10.04, 09:43
          ja, tego wyrazu ech niyznou kedys

          ale obejz sam:

          forum.gazeta.pl/forum/72,2.html?f=14682&w=16531379
          • ballest Re: stracone ze pamiynci wyrazy 13.10.04, 12:38
            uona kepua - ona zmarla!
            • laband Re: stracone ze pamiynci wyrazy 13.10.04, 20:11
              u nos godali krepua

              ale to je jak ze tom koulkastlom - u mie we famili w (Chorzow i Nowy Bytom -
              ale niy Laband!) godali tysz konkastla
    • laband Re: stracone ze pamiynci wyrazy 15.10.04, 21:06
      prawie mi mama cosik spomniaua - zdzierzka - tak godali "Zakanauym" na take
      drzewniane naczynie we kerym sie robiouo ciasto na chlyb.
      • ballest Re: stracone ze pamiynci wyrazy 16.10.04, 00:01
        W Plawniowicach se na Kanau, - Kanar godoua, ( czytej np. uon s e utopiou w
        kanarze )albo u nos na nagiego se sagaty godoua, a kajyndzi nagaty(np. w
        Zoubrzu)
        • laband Re: stracone ze pamiynci wyrazy 16.10.04, 06:21
          u nos sebleczony to tysz bou sagaty
          • ballest Re: stracone ze pamiynci wyrazy 16.10.04, 10:27
            Niy, sebloczony jest sebleczony, naprzikuad seblyk se mantel, ale nagi jeszcze
            nie je.
            • laband Re: stracone ze pamiynci wyrazy 16.10.04, 12:48
              jajn, idzie se przeca seblyc do naga - wted es je sagaty, he,he!
              • ballest Re: stracone ze pamiynci wyrazy 16.10.04, 13:34
                jak je do naga sebleczonou, to mosz recht, wtedy jest nagou :-)))'

                --
                pyrsk
                Ballest
                • ballest Re: stracone ze pamiynci wyrazy 16.10.04, 13:35
                  Seblykac to my seblykomy, ale uoblyc se same muszom :-)
                  • laband Re: stracone ze pamiynci wyrazy 16.10.04, 13:48
                    abo odziywac - jak moja urouma zawsze godaua. Stare ludzie wiyncyj sie czasami
                    odziywali jak oblykali.
                    • ballest Re: stracone ze pamiynci wyrazy 16.10.04, 14:03
                      ja, tak tysz gaworzyli, czytej szwandrali.
                      • ballest Re: stracone ze pamiynci wyrazy 23.10.04, 21:30
                        Szwager znosz takie slowo "Lyjty"
                        Bo Carramabie by sie takie nalezauy!
                        • Gość: bonbon Re: stracone ze pamiynci wyrazy IP: *.dip.t-dialin.net 25.10.04, 14:19
                          ...abo szmary
                          • hanys_hans Re: stracone ze pamiynci wyrazy 25.10.04, 17:26
                            ...abo hiby
                            • Gość: RAMBO Re: Deutsche leben auf Kredit IP: *.dip.t-dialin.net 25.10.04, 19:23
                              A wam wszystkim trzeba wpie..c faszystowskie parobki
                              • ballest Uobejrzi Gorol! 25.10.04, 21:29
                                BEZMA nasz Rambo to chyba rodak jest?
                                • Gość: Niy Gorol glyjta IP: *.dip.t-dialin.net 26.10.04, 23:17
                                  Piszecie Lyjty,to mi sie Glyjta spomniala.Wiycie co mianuja?
                                  • Gość: Ramon a to...? IP: *.kdvz.de / *.kdvz-hellweg-sauerland.de 27.10.04, 07:46
                                    a to znoucie?
                                    uono, uonske, belewto, bajzel, Panpon, kandy, wtory, uonskego roku, prouwda,
                                    uokolnik, kajsik, dajksla, zoupocie itd.
                                    • Gość: Niy gorol Re: a to...? IP: *.dip.t-dialin.net 27.10.04, 10:07
                                      Jo yno dajksla niy kapnol. Rambo, a ty se jedz do Iraku tam czekaja na takich
                                      jak ty.
                                      • Gość: Ramon Re: a to...? IP: *.kdvz.de / *.kdvz-hellweg-sauerland.de 27.10.04, 12:47
                                        Hallo Niy Gorol,
                                        Dajksla to i dyszel nazywali.
                                  • laband Re: glyjta 01.11.04, 20:06
                                    spomniynie przi okazi:

                                    forum.gazeta.pl/forum/72,2.html?f=94&w=1551&a=1568
                                    • ballest Re: glyjta 01.11.04, 20:19
                                      A znocie ten ausdruck ty jarochu !
                                      • laband Re: glyjta 01.11.04, 20:27
                                        jakos tego niy kojarza, ale przi okazi spomniaua mi sie sam "jarka" = jaro
                                        pszenica abo jare zboze (chyba tak to je po polsku?)
                              • Gość: synekzmajwiysy Re: Deutsche leben auf Kredit IP: *.cymes.net / 213.20.123.* 05.11.04, 09:41
                                Jak tyn gizd byndzie dalyj tak napasztowou to jeszcze nachyto!!
    • laband Re: stracone ze pamiynci wyrazy 01.11.04, 20:33
      rywiczek, rywik - taki richtik fajny ryz (Reis)
      • ballest Re: stracone ze pamiynci wyrazy 01.11.04, 22:24
        Ta jarochu, to je to samo , co ty gizdzie!
        • laband Re: stracone ze pamiynci wyrazy 02.11.04, 09:51
          ales mi to wyklarowou ...
    • laband Re: stracone ze pamiynci wyrazy 02.11.04, 10:08
      kanonek (kanounek) - to je taki okronguy zelazny piec.

      roztomaicie na nie godali Slonzoki, bo tysz roztomaite bouy ich rodzaje, - o
      tych piecach szuo by tysz szkrygflac ksionzki, tak jak o ryczkach - miauy cosik
      co robiouo atmosfera w slonskich domach.

      Zol ich i tela ...
    • laband jelyniok 02.11.04, 10:41
      a grzibiorze znajom mozno jeszcze jelynioka:

      www.botanical-art-prints.com/img%5Cmushrooms%5Cclavaria-flava-6308.jpg
      • ballest Re: jelyniok 05.11.04, 13:52
        Niy ale szampinioka, :-)))
    • laband Re: stracone ze pamiynci wyrazy 10.11.04, 12:13
      godo sie jeszcze dzisiej laibik?
      abo juz ino bistynhalter?
      • ballest Re: stracone ze pamiynci wyrazy 10.11.04, 13:15
        Szwager mie se zdowouo, ze se laibik na takou mauou husteczka godauo, ktorou
        chronioua dziecko przed pokidaniem, czytej , zeby go mama abo papa nie
        pokidali, jak tego bajtelka grysikiem albo jakas inna papka futrowali.
        • ballest Re: stracone ze pamiynci wyrazy 10.11.04, 13:18
          ballest napisała:

          > Szwager mie se zdowouo, ze se laibik na takou mauou husteczka godauo, ktorou
          > chronioua dziecko przed pokidaniem, czytej , zeby go mama abo papa nie
          > pokidali, jak tego bajtelka grysikiem albo jakas inna papka futrowali.

          Richtig je- papkom albo papinkom futrowali.
          • laband Re: stracone ze pamiynci wyrazy 10.11.04, 13:30
            trocha 'es sie pomylou, to co ty mosz na mysli to je laclik

            ps

            jeszczes niyma oupom pra!
            • Gość: Ramon Re: stracone ze pamiynci wyrazy IP: *.kdvz.de / *.kdvz-hellweg-sauerland.de 10.11.04, 13:50
              a prawie teraz mi fajne slowo juzajs sie przipomniauo -SZCZYRKOUFKA-
              tak tukej jednego nazywali bo mu klucze na karku zawdy szczyrkauy
            • ballest Re: stracone ze pamiynci wyrazy 10.11.04, 13:53
              Niy, opom uech jeszcze nie je moj syn nie je taki pryndki jak jou bou !
              Ale recht mosz, to je laclik! no ale niyma nic zuego co by na dobre nie wyszuo,
              jak bydam na Besuchu w Glywicach to kupiam naszymu Tyglikowi laclik, zeby se
              nie pokidou !
              • laband Re: stracone ze pamiynci wyrazy 10.11.04, 13:58
                a komu fundniesz szczyrkowka?
                • Gość: Niy gorol Re: stracone ze pamiynci wyrazy IP: *.dip.t-dialin.net 10.11.04, 14:02
                  Wy sie sam fajnie o szczyrkoufkach osprawiocie,a zodyn mi jeszcze niy napisol
                  co to ta Glayjta jest???????????
                  • laband Re: stracone ze pamiynci wyrazy 10.11.04, 14:14
                    a po pierona Ci to, przeca i tak dziurawych gorkow w doma niymosz?

                    ale kebys miou i by ci glyjta odleciaua to sie sam zguos

                    ps

                    jo myslou ize szpas robisz beztoch Ci dou na to tyn konsek"wiersz" o Glyjcie i
                    Gryjcie.

                    Ale pamiyntej glyjt to niy glyjta, to som dwie blank roztomaite inkszosci!
                    • laband Re: stracone ze pamiynci wyrazy 10.11.04, 14:26
                      glyjt - przepustka

                      glyjta - glyjta mi ze gorka odleciaua - jak mosz take emaliowane gorki to jak Ci
                      sie obije(uszczyrknie) emalia ze tym czornym pod niom i mosz abo dziura abo
                      zelozne na dole to taki gornek mogesz zaro wyciepnonc abo dowac do lutowania jak
                      bydzie dziurawy(ale we kozdym wypadku moja ouma juz we nim niy warzoua do ludzi
                      wiyncykj ino daua na plac kurom i te se ze niego futer dziubauy.

                      Tera juz wiysz?
                • Gość: Ramon Re: stracone ze pamiynci wyrazy IP: *.kdvz.de / *.kdvz-hellweg-sauerland.de 10.11.04, 14:07
                  cojs inkszego - niewia eli wom to podpaduo, ze teroski do modych na Slonsku
                  miana kere do nos bouy blank normalne som do nich smiyszne.
                  Np. jedna modou nie umiaua sie nadziwic czamu wtojs moge miec na imie Grete -
                  to bouo do mie blank normalne miano.
                  a tukej juzajs widac - inksze szkouy inksze wid6zynie.
                  • laband Re: stracone ze pamiynci wyrazy 10.11.04, 14:19
                    skond jo to znom, he,he - juz za moich czasow tysz tak bouo ...
                    • Gość: Niy gorol Re: stracone ze pamiynci wyrazy IP: *.dip.t-dialin.net 10.11.04, 14:22
                      Ja za moich czasow byla Tante Hyjdla teraz jest ciocia Helena,brrrrrrrrrrrrrrr
                      • Gość: Niy gorol Re: stracone ze pamiynci wyrazy IP: *.dip.t-dialin.net 10.11.04, 14:25
                        Ciotka Hajdla tyz byla,z kerygo miana by to bylo,niywiym?
                        ,
                        • laband Re: stracone ze pamiynci wyrazy 10.11.04, 14:28
                          widza ize Ci sie juz wszysko miyszo

                          Helena to Lyjna a Hyjdla to bou inaczyj na Hyjdwig(ale szuo tak faktycznie we
                          Slonsku padac i na Helena)
                      • laband Re: stracone ze pamiynci wyrazy 10.11.04, 14:26
                        Gość portalu: Niy gorol napisał(a):

                        > Ja za moich czasow byla Tante Hyjdla teraz jest ciocia Helena,brrrrrrrrrrrrrrr

                        Lyjna
                        • Gość: Ramon Re: stracone ze pamiynci wyrazy IP: *.kdvz.de / *.kdvz-hellweg-sauerland.de 10.11.04, 14:32
                          Laband , znou ejs mozno Stajnow ze Cerwonki?
                          • laband Re: stracone ze pamiynci wyrazy 10.11.04, 14:34
                            jou niy ale musza sie juzas fatra spytac - prawie dzisiej do niego sie wybiyrm
                            pod wieczor
                            • laband Re: stracone ze pamiynci wyrazy 10.11.04, 17:29
                              niy, ale Waniek
    • laband Re: stracone ze pamiynci wyrazy 30.11.04, 19:33
      jadz'wiydz' - borsuk
    • laband Re: stracone ze pamiynci wyrazy 30.11.04, 19:42
      uobartel - Lenkschemel
    • laband Re: stracone ze pamiynci wyrazy 30.11.04, 19:52
      guminek - gumka do gumowanio
    • laband Re: stracone ze pamiynci wyrazy 30.11.04, 19:56
      froupel - synek, bajtel

      ale niy malic ze

      frouper - fruper - frup - fruplik(tysz frouplik) - korek, koreczek
      • wilym Re: stracone ze pamiynci wyrazy 03.12.04, 11:38
        kenedy (nie mylic z Kennedy :-)))) - kiedy indziej, kiedys znowu
        loszkub - rozrabiaka
        • laband Re: stracone ze pamiynci wyrazy 03.12.04, 19:47
          kiedy indziej - mogesz padac kejindzi, kejindzyj, kejnedy(co by to _Gorole lepi
          wypowiedziec poradziyli to mozno cza by to szkryfnonc keinedy)
    • laband szczympka i inksze 03.12.04, 20:08
      szczympka - cis (Eibe)

      mounczka - jarzomb monczny (Mehlbeere)

      ciacianka - tukej mozno mi kery pomoze
      • wilym Re: szczympka i inksze 03.12.04, 21:13
        ryrac - ryro sie hokiym we piecu :-)
        • laband Re: szczympka i inksze 05.12.04, 14:45
          no tos richtik fajny "bonbon" wysznupou!
          • wilym Re: szczympka i inksze 05.12.04, 15:30
            szpriclapa - chlapacz w samochodach i motorach
            • Gość: ballest Re: szczympka i inksze IP: *.54.37.251.tisdip.tiscali.de 05.12.04, 15:48
              www.isibrno.cz/~malczyk/slownik.htm
              ale Intusu tam niyma

              --

              pyrsk
              ballest
              • laband Re: szczympka i inksze 05.12.04, 16:08
                Tera ale wos obuch zaskocza!

                Co to je pytlufka???
                • laband pytlufka 06.12.04, 14:43
                  No to wos trefiouech miglance dwa, he,he!!!

                  Pomoga wom konsek:

                  wiycie co to je pytlik?

                  ps

                  idzie zamiast pytlowka tysz padac potlouwka
                  • Gość: laband Re: pytlufka IP: *.dip.t-dialin.net 07.12.04, 14:52
                    pytlufka to je czysto po polskymu mlewne, czyli opuata za pomielynie (zboza) -
                    downiyj jak sie dowauo np zyto we muynie mielic to sie za to abo puaciouo abo
                    muynorz se brou miech zboza.

                    A pytlikto je take beutel-sito od muynorza

                    pytlowac przesiywac bez pytlik

    • laband Do Wilyma i Ballesta, abo do Ballesta i Wilyma 05.12.04, 16:15
      Der, di, das,
      Kokot kury pas.
      Pas je couke lato,
      Dostou pasy za to.

      Auf der fogelwizy siedzi zajonc,
      Mit dein kleinyn ojglajn
      poglondajonc.
      Keby jo tysz ojglajn miou,
      Tobych jouch tysz poglondou,
      Jak tyn zajonc
      Wi der zajonc.


      Pyrsk Chopcy!

      ps

      a przestoncie sie napasztowac!!!

      • ballest Re: Do Wilyma i Ballesta, abo do Ballesta i Wilym 05.12.04, 17:51
        Pytlowka - Niy mom intusu co te je, ale moze ues se przelitrowou i chodzi ci uo
        pyklowka.

        Dodej tyn Intus do suownika, bo tego mauo kto uzywou.
        • laband Re: Do Wilyma i Ballesta, abo do Ballesta i Wilym 05.12.04, 21:47
          Mie sie rosuazi o pytlowka - niyma sam zodnego felera!

          A co do reszty to wiysz przeca ize jo sam je jedyn ze modszych i wiyncyj sie
          ucza niz wia - bezto tyn wyraz od Cia se zanotowouch.

          Pozdrowiom i

          Pyrsk!
    • laband zista 07.12.04, 15:12
      kery poradzi sam wytuplikowac po ludzku co to je zista
      • wilym Re: zista 07.12.04, 15:49
        zista - slodkie na fajerze :-))) nojczynscij podowane rozym z kafyjym :-))) Po
        polsku ni bydzie to jako odmiana babki?
        • laband Re: zista 07.12.04, 19:33
          to je gynau to:

          www.ankeboehmer.de/Gefullter_Napfkuchen/body_gefullter_napfkuchen.html
    • laband Re: stracone ze pamiynci wyrazy 07.12.04, 20:20
      jak sie nazywo po slonsku omlet?
      • Gość: Placek Re: stracone ze pamiynci wyrazy IP: 145.253.90.* 07.12.04, 21:46
        Placek abo eierkuchen
        • wilym Re: stracone ze pamiynci wyrazy 07.12.04, 21:58
          eierkuchy to nalesniki, omlet tyz?
          • laband Re: stracone ze pamiynci wyrazy 08.12.04, 08:56
            Hm, to sie tera spytom a jak inksze godali na nalesniki we Slonsku?

            Eierkuchyn bouo OK, ale godali tysz pain'puch
            • laband Re: stracone ze pamiynci wyrazy 08.12.04, 10:22
              Sprobujymy to poskuodac.

              Pan'puch - omlet, ale tysz ajerkuchyn(ktos sam padou placek - wydowo mi sie ize
              nikaj tak niy godali).

              Dali kerys padou ize ajerkuchyn to je nalesnik, ale na nalesnik tysz godali
              fankuchyn.

              Coby bouo jeszcze smiyszniyj na kreple(czyli ponczki) tysz coniykere godajom
              fankuchyn, abo fankuchy.

              A na koniec tego jedne przisuowie o tyj coukyj geszichcie:

              Auch "Pfankuchen" zyje jak ponczek w mas'le.


    • laband s'wiyntouszek 08.12.04, 10:32
      znocie tyn wyraz "s'wiyntouszek"?
    • laband Re: stracone ze pamiynci wyrazy 10.12.04, 11:09
      za bajtla robiyli my lizoki ze malcu na deklu od gorka posmarowanym fetym -
      pamiynto to jeszcze kery?

      a kej my przi kuchni som to mozno kery pamiynto jeszcze maltasza? - mo mozno
      kerys na to przepis??

    • laband Re: stracone ze pamiynci wyrazy 13.12.04, 20:10
      szroumbek (szrombek, szrumbek) - sonki ale take co je konie ciongnom jak do
      koscioua we zima sie jechauo

      sztajfka - melonik (sztywny hut)
      • ballest Re: stracone ze pamiynci wyrazy 05.02.05, 12:29
        Laband, cylinder hut, abo?
    • laband Re: stracone ze pamiynci wyrazy 18.12.04, 14:17
      kandara - jak to je po polsku?
    • laband Re: stracone ze pamiynci wyrazy 05.02.05, 12:19
      kaua, koua, kaja - gowa od czuowieka
    • laband Re: stracone ze pamiynci wyrazy 05.02.05, 21:06
      wontor - klepka (np klepki ze dna od beczki)
    • laband Re: stracone ze pamiynci wyrazy 07.02.05, 20:16
      bryjosz, bryjousz - tak sie kedys godauo na Slonzokow z kole Anabergu (odnich
      Spitzname take bouo), znaczy tela co tyn co warzy flaumynmus.
    • laband Re: stracone ze pamiynci wyrazy 12.02.05, 13:31
      lewerynda - sutanna
    • laband slonske pozdrowiynie 12.02.05, 13:41
      Dobrydziyn, dobrywieczor, dobryj nocki, niych bydzie pochwolony(Jezus Krystus)

      Witejcie do nos (u nos)

      do smiychu sie godauo jeszcze "a ukrej se chleba a sej tysz naszym dzieciom"
      (Hanys to sie nadowo do slonskich powiedzyn prawie!)

      Z Ponym Bogym, zostoncie z Bogym

      • laband Re: slonske pozdrowiynie 12.02.05, 13:44
        laband napisał:

        > Dobrydziyn, dobrywieczor, dobryj nocki, niych bydzie pochwolony(Jezus Krystus)
        >
        > Witejcie do nos (u nos)
        >
        > do smiychu sie godauo jeszcze "a ukrej se chleba a dej tysz naszym dzieciom"
        > (Hanys to sie nadowo do slonskich powiedzyn prawie!)
        >
        > Z Ponym Bogym, zostoncie z Bogym
        >


        jak ludzie na polu robiyli to godauo se im " Boze pomagej" a one odpedzieli "dej
        Panie Boze"
        • laband Re: slonske pozdrowiynie 12.02.05, 13:50
          a jak siedzieli na polu i jedli to sie godauo "racz Pon Pog zegnac" a oni
          odpedzieli "niy domy sie rozegnac" (to juzas sie nadowo do slonskich powiedzyn)
          • laband Re: slonske pozdrowiynie 12.02.05, 13:53
            jak keros robioua pranie to sie godauo "Boze pomogej a biouo dej", a ona padaua
            "dej Boze"
        • hanys_hans Re: slonske pozdrowiynie 12.02.05, 13:53
          Niy "pomagej" ino poomogej
          • laband Re: slonske pozdrowiynie 12.02.05, 13:54
            tak i tak
            • laband Re: slonske pozdrowiynie 12.02.05, 13:54
              bo np bou pomagyr i pomagyrka
            • hanys_hans Re: slonske pozdrowiynie 12.02.05, 13:56
              tak jak ptak i ptok
              • laband Re: slonske pozdrowiynie 12.02.05, 13:58
                niy, tak na zicher niy, he,he!
                • hanys_hans Re: slonske pozdrowiynie 12.02.05, 14:00
                  "Witoom wos z koscioua"
                  • laband Re: slonske pozdrowiynie 12.02.05, 14:03
                    super!!!, to zech blank zapomniou ...
                    • laband Re: slonske pozdrowiynie 13.02.05, 13:34
                      a to zech prawie tera dou na
                      www.forumromanum.de/member/forum/forum.php?action=ubb_show&USER=user_239103&threadid=2&entryid=1072267988&mainid=1072267988&page=2
                      " Czamu wieza ze „Starego Bartka“ niyma skonczono

                      Jak stowiali wieza starego koscioua we Szobiszowicach, szou prawie jedyn chop
                      kole niyj i pozdrowiou tych co jom stowiali „Pon Boze pomogej!” Ale te co
                      stopwiali ta wieza odpedzieli niyfajnie „ach co tam PonBog nom moge pomoc. Jak
                      se jom same niy zrobiymy to ta wieza tysz wiynkszo niy bydzie.” Jak to padali
                      tak nic im robota niyszua i ta wieza ani cyntymeter wiynkszo sie niy robioua, co
                      postowiyli pora kamiyni, to im one zaroski slatywauy, i tak w kole macieja, aze
                      ustoli ze robotom. Tak tysz sie ostauo do dzisiej.
                      "

                      tak prawie sam przipasowoauo
Inne wątki na temat:
Pełna wersja