na rozluzniynie

17.03.05, 12:55
Handszuichki
Handszuiczki, handszuiczki
Wiela to juz lot
Kejch je z jednym palcym nosiou
Dzisio rod bych juzas znod
Handszuiczki, i zas ouma prosiou
Coby fajne mi usztrikowaua
Take nowe, kolorowe
Abo mamie codziyn od niyj „krod”
Coby mieć te co palcow majom piync
Tak spominom w handszuiczkach
Nosz za bajtla swiat
Couki z wouny sztrikowany
On bou ciepuy, on bou swojski
Bo couki od oumy i couki od mamy.
    • laband Re: na rozluzniynie 17.03.05, 22:47
      Bajtle

      Kej my jeszcze bajtle byli
      I do budy juz laziyli
      Kozdy z nos miol pukeltasza
      A dziurawo z galot tasza
      Na niydziela glancszczewiki
      Pucowali my Karliki
      W doma swoje ryczki mieli
      A na placu durch gupieli
      Mlyko piyli my ze szklonki
      U Szmatloczki rwali ponki
      W lato ino fuzbal grali
      Zima za to sie kiouzdali
      O nic my sie niy starali
      Fatrom zas po nerwach grali
      Fajnie nom sie dycki zolo
      chocioz richtik biydnie bolo
      Dzisiej zato sie martwiymy
      Czi sie z wszyskim wyrobiymy
      Choc nom nic juz niy brakuje
      Ab und zu nos serce kuje
      Jak spomnymy bajtlow lata
      Toc widzieli ma hrom swiata
      (A) kozdy wzion by juzas bala
      I wykopnol az na "klara"
      Kozdy zagrol by zas klipa
      A ze smalcym zjod se sznita
      Bezto koncza juz i ida
      Z synkym zagrac - szczaskac szyba .

      ab und zu (czytej ab und cu) - od czasu do czasu .
      Szmatloczka - moja somsiadka ze ulicy na keryjch miyszkol.
    • laband Re: na rozluzniynie 17.03.05, 22:50
      Glancszczewiki

      W anrryju szczewiki bez kromfleka wadzioly sie roz ze laczami
      Kere lazioly z lepszymi gyrami ?
      Zandale suchaly ze strychu,
      A w siyni gumioki obaloly sie prawie ze smiychu .
      Harboly na czorno godzina ,
      Kukaly na gutalina :
      "Mozno bydymy zas jak lakszuly
      W niydziela omijac dziury ?
      Niy ino na beztydziyn
      Pod hasiok lazic w biydzie " .
      Padala szmata objazdowo :
      "Co trep gupota nowo .
      Wszyskech wos downo poznala" .
      I dalyj do nich padala :
      "Na szfajfus woniocie , wom godom .
      Szurocie jak noga za nogom .
      Do zokow roz cera , roz dziura ,
      Do blazow zas flaster rymuja .
      Niy ascie sie dycki szczewiki ,
      Bo lazic bydziecie do kryki .
      A kryka zyniato z kulawom je nogom .
      Tak na to wom dzisiej sam godom .
      Nojlepszech poznala lakerki .
      Do slubu , abo na frelki .
      Nojlepiyj spominom bojlery .
      Z fuzbalu zdrachane cholery .
      Nojwiyncyj`ch sie nimi cieszola ,
      Kej`ch fajnie z marasu czysciola .
      Po meczu godaly o golach ,
      A jo im jak ino szlo pszola .
      Jak elwry i eki szczylaly ,
      Bojlery mi przi tym godaly .
      A dzisiej na stare lata ,
      Synkowi ferszynknol je tata .
      Zas w bala zagrac se mogom ,
      Choc niyroz we zymbach z trowom .
      Jo wiela meczow im zycza ,
      A za wos lebry sie chyca .
      Maszkytne z antryja szczewiki ,
      Suchejcie sam mojyj muzyki .
      Egal czi stary , czi mody ,
      Daleko niych zyje od mody .
      Bo moda je tako motyka ,
      Co z chopa zrobi chopczyka .
      A z synka , za pora lot ,
      Szykowny je bez nia dziod" .
    • laband Re: na rozluzniynie 17.03.05, 22:53
      Nazod

      W galotach na kanta biglowanych
      Niy na beztydziyn ino na niydziela
      Pol fonta bonbonow w tytce z papioru
      Kozdy bajtel cyckol kopalnioka
      Po odpuscie szczylaly placpatrony
      W doma czekol slonski obiod
      Nudelzupa
      Modro kapusta
      Czorne kluski i rolady
      A kompot bol ze jabkow .



      A kompot bol ze jabkow
      Czorne kluski i rolady
      Modro kapusta
      Nudelzupa
      W doma czekol slonski obiod
      Po odpuscie szczylaly placpatrony
      Kozdy bajtel cyckol kopalnioka
      Pol fonta bonbonow w tytce z papioru
      Niy na beztydziyn ino na niydziela
      W galotach na kanta biglowanych .


      • ballest Re: na rozluzniynie 17.03.05, 22:56
        Laband nie znam luzu, osiol jest oslem i musi ciagnac, czytaj cieroiec bo na to
        zasluzyl!
        Nie za darmo nazwano POLSKE osiolkiem TROJANSKIM!
        • laband Re: na rozluzniynie 17.03.05, 22:58
          niyma Ci zol czuowieka?

          dej mu pokoj ...
          • ballest Re: na rozluzniynie 17.03.05, 23:06
            Laband, przeca uon tego nie czuje, bo jak!
            Do odczuwania tysz musisz miec trocha w glowie,, ale jak jest pusciutko, to
            takymu wszystkom jedno jest!
            Widzisz idzie na feiery kaj go zodyn nie chce ! ale GOROL tego nie pomiarkuje ,
            ryje sie jak wesz do strupa !
            Jou by nigdy na fajer nie poszou , kaj zy mnom nie godajim! ale w domenie tego
            nie czuli a nasz syn najlepszej polskiej firmy tysz tego nie czuje !
            Bo jak !!?
    • laband Re: na rozluzniynie 17.03.05, 23:08
      Rapitołza

      Dziołcha utopca
      Od niego tyż cera
      Do rynki jom biera
      A do niyj sie śmieja
      ślypia blank wielkie
      Zielono , ślizgato
      Rechoto a skoko
      I ciepie mi oko
      Chce od mie kusika
      Jo chyba mom bzika
      Kejch jom pocałowoł
      Toch zaroz żałowoł
      • laband Re: na rozluzniynie 17.03.05, 23:09
        Żaba w brzuchu

        Kożdy z nos zno te uczucie
        Kożdy mioł roz przeca strach
        Te w żołondku śmiyszne kucie
        W brzuchu cosik robi krach
        Kedyś jakś mioł prowda pedzieć
        Jakeś szkucioł , bajtlym boł
        To eś dzióbek konsek smucioł
        Abo gowa w piosek kroł
        Dzisio chop żeś je szykowny
        Na niydziela ancug mosz
        A sam juzaś strach cie ściśnie
        żaba wbrzuchu juzaś znosz
        Ale rod żeś twojyj żabce
        Tyn maszkytny stary frosz
        On pokilo i połechce
        Tyż jak lipście kusik dosz
    • laband Re: na rozluzniynie 17.03.05, 23:26
      Laband Blues

      Blank wczas od piekorza
      Chlyb chocby colke Labyndy
      Polekuch dziubol
      Smak Slonska
      Blank sucho sznita
      Abo klapsznita ze smalcym
      Abo zur u tanty Lyjny
      A w doma bajtle
      Dziubiom juzas okruszki Slonska
      Puc tysz konsek pomaszkycic .
    • laband Re: na rozluzniynie 17.03.05, 23:35
      Wele konkasti

      Zasloniynte gardiny
      Po ciymku siedza we izbie
      Gyry oparte na ryczce wygrzywom kole pieca
      We piecu hasiym zasute kartofle
      Kerymi a glutym wonio colko izba
      Bajtle je obrocajom
      Dyc uciecha majom
      Zarozki je oszkubiom
      Posujom solom i zjedzom
      A potym juzas dociepna do pieca wynglo z konkastli
      I poprowia slonsko bojka .
    • laband Re: na rozluzniynie 17.03.05, 23:43
      Pamiyntosz
      Pamiyntosz jako skorkorz jezdziol ?
      Pamiyntosz jako szmaciorz jezdziol ?
      Pamiyntosz jako spiywali ?
      Pamiyntosz lizoki , kere my od nich dostowali ?
      Pamiyntosz tyn smak ?
      Niykedy brali nos mit na fura .



      PS

      Szmaciorz - inaczyj haderlok
      Spiywali - tokej wolali przeciongle "skorki" abo "szmaty"

    • laband Re: na rozluzniynie 17.03.05, 23:48
      Hajota

      Bajtle do hajoty !
      Godali fatry
      I nos bajtliczkow
      Do lozka lygali
      A my miglance
      Ino suchali
      To po jakymu fatry godali ?


      PS

      Hajota - lozko
      Niykere godali hajuta .
      Z niym. heia machen - spac .
    • laband Re: na rozluzniynie 18.03.05, 00:01
      Brauza

      Zmaraszonom rynkom wyciongniynto flaszka
      Ze kisty drzewnianyj pod scianom w pywnicy
      Rubym palcym wartko otwarto szczeloua
      Husto sie zamkniynie co wisi na drutach
      Na eks wypito za bajtla brauza
      Po fuzbalu na placu z kumplami
      Jak synek jom niyroz szolontou
      I hepuo sie cicho gizdowi
      Te flaszki i take spomniynia
      Wysznupouch ze mojyj pamiynci
      A ostatnio flaszka ze kurzu
      Kajs szczyrkua we Waszyj pywnicy. ...
    • sloneczko1 Re: na rozluzniynie 18.03.05, 22:32
      Laband -jesteś poetą? brawo! tak trzymaj
      • laband Re: na rozluzniynie 18.03.05, 22:35
        no niy przesadzej, ajnfach lubia se porymowac konsek - to wszysko stare rzeczy,
        nowych niy pokozuja

        wiym ize mocka ludzi probuje take strofy klecic i czimie je kas blank z tyu we
        szranku - mozno ktosik sam cos swojego mo ochota szkryfnonc, a mozno Ty Suoneczko1?
        • sloneczko1 Re: na rozluzniynie 18.03.05, 22:46
          Laband - jo niy umia rymować ale lubia czytać,to pisz dali a jo to byda
          czytać,niy wiedzialach ,że to stare rymy,jeżech sam od niydowna ale podobajom mi
          sie,moze co o mnie tysz napiszesz chocia mnie niyznosz?
          • laband Re: na rozluzniynie 18.03.05, 22:49
            jak Cie lepi poznom sam na forum to sie postarom - kedys bawiouech sie sam tak
            do szpasu i na kozdego cos do smiychu szkryfuech - pieron wiy kaj to je ...

            mom nadzieja ize humor juzas przidzie sam curik, bo tela frelkow sam tera je, a
            im przeca humoru nigdy niy brakowauo, pra?
            • sloneczko1 Re: na rozluzniynie 18.03.05, 22:55
              Laband -ale jo niychca żebyś o mnie do śmiychu pisoł,ale tak yno miło,jak mnie
              kiedys juz poznosz,mosz recht-niy znosz mnie za tela a może i nigdy niy
              poznosz,przeca kobieta zmiynnom jest
              • laband Re: na rozluzniynie 18.03.05, 22:58
                padosz kobiyty som zmiynne - ja znom ta teoria, ale niywia eli to tak na serio
                traktowac ze tom zmiynnosciom ?
                • hanys_hans Re: na rozluzniynie 18.03.05, 23:08
                  RYCYNUS
                  • laband Re: na rozluzniynie 18.03.05, 23:10
                    ?
                    • laband Re: na rozluzniynie 18.03.05, 23:10
                      ach!!! terach kapnou, he,he! - dobre Hanys!!!
                    • hanys_hans Re: na rozluzniynie 18.03.05, 23:15
                      laband napisał:

                      > ?

                      rycynus bot. rącznik, roślina, z której nasion otrzymuje się olej rycynowy, rycynę.
                      • laband Re: na rozluzniynie 18.03.05, 23:19
                        Ha, cosik mi sie spomniuo - pioues juz grecke wino rycynowe?

                        Jo te wino lubia, i zawsze jak zaproszom gosci to cos "ekstra" wysznupia co oni
                        jeszcze niy znajom. Roz bou u mie kumpel ze Laband ze kobiytom i jo te wino im
                        nalou, ale jak sie zdziwiouech jak oni to wypiyli i gymby im sie wykrziwiouy i
                        delikatnie sie mie spytali eli te wino niy ma zepsute, he,he! - jak bydziecie
                        kedys te wino pic to pamiyntejcie ta geszichta!!!

                        do wiona rycynowego cza sie przizwyczaic i je to wino ino do wybranych "ekstra"
                        smakoszy!!!, he,he ...
                  • sloneczko1 Re: na rozluzniynie 18.03.05, 23:10
                    hans - cukiereczek
                    • hanys_hans Re: na rozluzniynie 18.03.05, 23:32
                      sloneczko1 napisała:

                      > hans - cukiereczek

                      jak jusz to boomboon

                      hanys_hans_boomboon
                      • laband Re: na rozluzniynie 18.03.05, 23:41
                        z francuskego le bonbon

                        niy mylic ze bonbonne!
    • laband Re: na rozluzniynie 18.03.05, 23:10
      Wiater 2
      I juzas wiater po swiecie dmucho
      I juzas pedziou mi cos na ucho
      Pedziou o kwiotkach kere zas kwitnom
      Pedziou o frelce co je maszkytnom
      Gwizdou tyn wiater na placu na nia
      Chciou jom zakludzic zaro do siana
      Ale ta frelka go niy suchaua
      Bo na Karlika prawie czekaua
      Daua kusika se Karlikowi
      A keckom machua ino wiatrowi
      Tak tysz wy synki obacht dowejcie
      I z wiatrym wcale nic niy gwizdejcie
      • sloneczko1 Re: na rozluzniynie 18.03.05, 23:19
        i czy niy lepi twoje wiersze czytać niż sie wadzić na innych wątkach?
        • laband Re: na rozluzniynie 18.03.05, 23:20
          mozno sam ktosik ale jednak tysz cos szkryfnie - piernik wiy ...
    • laband Re: na rozluzniynie 18.03.05, 23:12
      Niymrawa
      Niyjedna ryczy do nos wodiczka
      O hilfa Utopek prosi
      Nad wodom stowiac cza by im swiyczka
      A wiater niych jom niy gosi
      Niymrawa dzisiej tam sie wkludzioua
      Kaj kedys bojki miyszkauy
      I ludziom mocka krziwdy zrobioua
      Take to czasy nastauy
    • laband Re: na rozluzniynie 18.03.05, 23:14
      Wyciepniynty telefon
      Zas dzisiej z rana telefon dzwoniou
      A jo zaspany rynkom'ch go goniou
      Goniou'ch go rynkom i wkoncu'ch znod
      Jakech ze uozka na ziymia spod
      Sztima cos godo, guos sie odzywo
      I mie od lyniow z rana wyzywo
      Otwarch zech slypie i uchym suchom
      Nawet ze gymbom w telefon dmuchom
      Nic niyrozumia czamu tak dzwoni
      I czymu z rana po mie pieroni
      Wkoncu'ch sie prawie coukym obudziou
      I blank markotny do cimra skludziou
      Tam ech sie chyciou rynkom za gowa
      I pedziou w koncu take czi suowa
      "Ale mom bojla!" - bo zech sie piznou
      Z uozka zech zleciou na ziymia gwiznou
      I zadzwoniouo mi bezto w gowie
      Take budzynie niyma na zdrowie
      Dyc telefonu downo juz niymom
      A on durch dzwoni nawet pod ziymiom
      • ballest Re: na rozluzniynie 18.03.05, 23:25
        Hans mosz na mysli Harzwein!
        • laband Re: na rozluzniynie 18.03.05, 23:28
          grecke wino rycynowe
    • laband Re: na rozluzniynie 18.03.05, 23:28
      Pyrsk !

      A cesta dalyj ku przodkowi
      Keis wylys cza nom, zamknonc wrota
      Toc ponc juz spiywo, mierzy droga
      Tak jo tysz swoje nuciou byda
      A sztima samo sie richtuje
      Jo leca juzas bez szczewikow
      Na trowie ino konsek siedna
      I piykne byda miou na oku
      A obok piykne cicho slimto
      Posuchei konsek, smol gupoty
      Na piyknym swiecie piykne boiki
      Tam ktosik dudro spiywokowi
    • laband Re: na rozluzniynie 18.03.05, 23:32
      Boromir

      We kraju Rohan tam kaj pola
      Kaj trowy je zielono cnota
      Zachodni dmucho z larmym wiater
      I klupie w kozde wrota
      Dyc wiater przeca klachy zno
      Opedziou roz miesionczek
      Jak Boromira widziou ciyn
      Kaj uciekauo suonce
      Widziouech - minou siedym rzek
      Kaj ciymne dzike lasy
      On wloz kaj mocka Pustych Ziym
      I poznou inksze czasy
      Tam kaj miesionczka czorny znak
      Wloz on i nom sie straciou
      A sztima suychac, suychac guos
      On w ciymno los swoj puaciou
      Boromir - Pieron ! Kaj zes je ?
      Jo kukou w czorne blank daleko
      Tys sie niy wrociou z Pustych Ziym
      Niyjedyn cie sam czeko.
      • hanys_hans Re: na rozluzniynie 18.03.05, 23:42
        Lekcja wychowawczo na tymat narkotykoow i lykarstw.
        — Jake znocie nowości w zakresie medycyny?
        — Viagra, prosze pani, viagra — wyrywo sie Jasio.
        — Noo dobrze. To może noom powiysz, na co stosuje sie tyn lek? — pyto nieco
        zszokowano nauczycielka.
        — Na rozwolniynie, prosze pani.
        — Jak to na rozwolniynie?
        — Co wieczoor moja mama godo do taty: „Zażyj viagre, to może w koońcu ci to g...
        stwardnieje”!
    • laband z nocy elfow 18.03.05, 23:36
      Tak w elfow bioue go oblykli
      I siedym swiateu go kludziouo
      Do oczow w skryte go przywlykli
      A ino jymu tak sie dziouo
      Az wloz do izbow wielkich fest
      Kaj zycie wartko plynie
      Kaj Krol bez lot od wiekow jest
      Na wiyrchu w Ilmarinie
      Pieronym wiela sie godauo
      O elfach i o ludziach z ziymi
      I mocka rzeczy poznowauo
      Niy wiedzom ale tego te co stojom zowzdy w siyni
      • laband Re: z nocy elfow 18.03.05, 23:37
        Cesta Hobbita

        I kery wiy , co zakrynt krou ,
        Dzwiyrza tajymne , dziwow cesta .
        Telas niom przeca w zyciu szou ,
        Toc przindzie do cia bojek reszta
        Roztworzy ci zaspane slypia
        Tam kaj miesionczek snom sie chowo
        A bydziesz spou to cie uszczypia
        Bo zas od elfow pora wstowo
        Elfow , utopcow , jakis trolli
        Jak bojka abo jak beranie
        Zodnego serce niy zaboli
        Kaj bojka zyciym goni spanie
      • laband Re: z nocy elfow 18.03.05, 23:48
        We wieczno noc go znosiou prond
        We ryku blank wsciekuego morza
        Z obachtym tak omijou brzeg
        Kaj nigdy sie niy swiyci zorza
        No yntlich , kaj peruowy sztrand
        O kery uodkom sie chnet otar
        Uwidziou toc sie swiycic skarb
        Klejnotof gora , fura zuota
        Uwidziou jak ta gora stowo sie
        Kaj zmierzch zamyko wrota
        Na dole - kaj Eldymar - pacz
        Na morze paczy oczow cnota
        • laband Re: z nocy elfow 18.03.05, 23:49
          Wyndrowiec z nocy uciyk mgle
          Kaj woda prysko czysto
          Ustanou tam kaj cicho jes
          Tam elfow mocka miyszko
          Kaj Ilmarinu gorki som
          Zlotym kamiyniym szyte
          W Tirionie lsnionce szczyty tnom
          Jeziorym wod odbite
          Smykania Earendil dosyc miou
          Elfy piosynkow go uczouy
          Mondrosc ze strun on harfow brou
          I cuda sie spouniouy
    • laband Re: na rozluzniynie 18.03.05, 23:39
      Couko w trowie

      Moje marzynia som jak motyle
      Kere furgajom kaj żech ich rod
      Twoje spojrzynia widziouch we trowie
      Choby te kwiotki coch kedyś rwou
      Możno weznymy kwiotkow spletymy
      Blank wielki buket
      Ajnfach ze pszonia kolorow moc
      Kolorow oczow i piyknych uczuć
      Kerech roz doznou a w sercu skrou
      Tak w Twoich wosach dzisiej je woniom
      Kej rynkom tykom kwiotkow kosmyki i trowy noc
      Bo nocom niyśpia , juzaś spominom
      Jakech sie z Tobom we trowie paczou
      Na wiyrch , ku gwiazdom ,w zielony ksiynżyc
      Zielony buynkit - tyn kolor nocy
      Na końcach rzynsow wargamich kuod
      Na Twoich rzynsach dangom sie miyniou
      Trowy i kwiotkow i pszonia splot
      A noc niy czorno ino zielono
      A możno modro
      A możno ajnfach
      Szczyńście żech znod
      • hanys_hans Re: na rozluzniynie 18.03.05, 23:44
        Lekcja wychowawczo na tymat narkotykoow i lykarstw.
        — Jake znocie nowości w zakresie medycyny?
        — Viagra, prosze pani, viagra — wyrywo sie Jasio.
        — Noo dobrze. To może noom powiysz, na co stosuje sie tyn lek? — pyto nieco
        zszokowano nauczycielka.
        — Na rozwolniynie, prosze pani.
        — Jak to na rozwolniynie?
        — Co wieczoor moja mama godo do taty: „Zażyj viagre, to może w koońcu ci to g...
        stwardnieje”!
        • laband Re: na rozluzniynie 18.03.05, 23:46
          musiou pieronym miynko te "G" godac, he,he!
    • laband Re: na rozluzniynie 18.03.05, 23:44
      Czas na szpas

      Biera do rynki konsek szkrykloka
      Na papior lygom kozdo litera
      Richtuja mysli zmiynione w zdania
      I niywia czamu uciyko czas
      Przeca sam chciouech chycic tyn momynt
      Kery uciyko, sie traci durch
      Jo niyrozumia tego czekanio
      Co komus ruom tak robi szpas
      A mozno kedys kej byda oupom
      Wezna do rynki pozoukuo cetla
      Na kichol bryle wsadzom mi lata
      I se przipomna jak chytouch czas
      Mysla co wtedy wkoncu to kapna
      Wtedy zrozumia coch klipom bou
      Chociosz zech woniou jak chwila wonio
      To zech niy poznou co robi szpas
      A szpas je przeca kamratym czasu
      Jak go niy znondziesz bo poszou kajs
      To minom lata, momynty, chwile
      I przindzie szlus, sie skonczy czas.
    • laband Re: na rozluzniynie 18.03.05, 23:52
      Papla przi zygowku
      W slypiach polno piosku
      W cieple se tak lygom
      Fajne sny zas bydom
      Ciche z nocy dajom
      Wele mie lygajom
      Konsek tyn od ciebie
      Gwiozdko srebno w niebie
      Troski niy chytajom
      Som sam , abo bajom
      Bajom , som i boly
      Abo mi sie snioly ?
      • sloneczko1 Re: na rozluzniynie 19.03.05, 00:03
        naprowdy piynkne te wierszyki,moglabych je czytać i czytać ale musza iść juz
        spać,juz północ minyła,kopciuszek musi wracac do domu-dobranoc Laband
        • laband Re: na rozluzniynie 19.03.05, 00:04
          jo tysz ida nynac, i winszuja Ciebie i wszyskim dobryjnocki

          pyrsk!
    • laband Re: na rozluzniynie 19.03.05, 10:47
      Juz niy slimto niy stynko
      Godka co w zapuzniyniu trwoua
      Wszyndzie stowo sie tera
      Do modych serc sie dostoua.

      (naszo godka)
    • laband Re: na rozluzniynie 19.03.05, 10:50
      KONSEK ER(OT)YKI

      Wargi w kere idzie sie prawie wcyckać
      Choćby w czerwono podzimka
      Przitulić papla do papli
      Jynzykiym pokilać jynzyk
      Kusikym poprzoć cyceczkom
      Rynkom tyknońć co niy idzie
      Aże „ sztrom „ miarkować do końca
      I pszoć a niy poradzić sie spamiyntać
    • laband fraszki 19.03.05, 10:58
      Aua i afa

      Gupi mo aua
      Naprany afa
      Tyn co mo obie
      Je choby sztrafa


      Polityka


      to tako motyka
      co zyje z jynzyka
      rozdwojonego
      a cukrym sutego
      • laband Re: fraszki 19.03.05, 11:09
        Czi wice

        Glywice
        Katowice
        Swiyntochuowice
        -
        I jeszcze jedyn wic
        Aus Myslovitz
        • laband Re: fraszki 19.03.05, 11:12
          Glywice

          To Wilhelmstraße
          A potym ulice



          Szywaud i Klyszczow

          Z Schönwaldu abo Bojkowa
          Je blisko do Klyszczowa



          Laband

          Laband mo u mie wzglyndy
          Bezto niygodom Uabyndy



          Pyskowice

          Zauozou je rycerz Pisco
          Co downo tam juz niy miyszko
          • laband Re: fraszki 20.03.05, 08:01
            Kusik

            Fajnie
            Maszkytnie
            Puc jeszcze roz
            Ty mosz dziubeczek
            Toc niy uciykej
            Jo ci chca pszoc .
            • laband Re: fraszki 20.03.05, 08:17
              Waserflyja

              Blank mauo ta flyja
              A skuli niyj żyja
              Kejch z wody powstowou
              Toch Homo sie stowou
              • laband niyfraszka 19.04.05, 10:40
                Antek Pyka

                Kery niyzno Antka Pyki
                ... robi na walcowni.
                Zno go warsztat, zno go kuznia
                i te ze pustowni.
                Jak niy pojy to je suaby
                i mo w boku zganie,
                kej zas pojy, to je chory
                i biere go spanie.
                Antek wszyndzie robiou miesionc,
                Potym niymog duzyj,
                wszyscy wiedzom, ze synkowi
                robota niy suzy (...).
                Dobry chop, pedzieli wszyske,
                co z antkym robiyli,
                yno co by bouo, keby,
                same antki zyli.



                to je tzw zasuyszane i we mojyj wersjji juz chyba
    • laband Re: na rozluzniynie 19.03.05, 11:02
      Kole Kuodnicy
      (fragmynt)

      Tysionc guosow w guymbi -
      godo : to bouo blank inaczyj
      poszuy na dou do rzeki
      oparuy ramiona
      o wiater
      rozwaruy niyuchwytne bramy
      nasze lachanie
      wycinauo kouka ze szklonego luftu
      to sie rozpryslo kole pazdziernika
      ze mchu
      biouy flamy
      kaczyncow
      : Totschka i Hus spolone :
      pokrziwy biouy
      nos po dzikich kolanach
      W sroda gejfa : Opawa , Cyna , Osobuoga
      Nysa Kuodzko
      wlecieli my we trowa
      i potargali paprotka
      naszymi zymbami
      lato smakowauo rozkuadym
      Dziyn choby lot tysionc
      wycwancigowou : poszou ku przodkowi: pora
      krokow : cykle : tak jak richtunk : bez ta staro Kuodka :
      i jak wypuynola na wiyrch z otchuani
      juz staro i fertik
      I kukauy dugo w rzeka
      az oczy jak ona puynouy
      dalyj hyn na zachod
      do ciymnego (bo czorne poczontkym wszyskego)
      i nazod przynsc niy chciauy
      ptoki (nad)wodne pofurgauy
      za wronami
      straciouy sie w gorkim glucie klary
      we Odry zielonym buyskaniu
      kero fro swiatua miast
      zbiyraua
      guymboko pod sia zakopaua
      i az w oceanie
      ryby nimi obsua
      i jak geszynk daua
      furknouo : dulknouo : zgasuo : tako je kolejnosc :
      take tysionc lot :
      tam szli dwa pieronym kumple :
      niykere uodzie poszuy
      blank gibko na dno
      zauadowane za wiela wynglym
      i za wiela rozpaczom
      wynglorzy
      (. . .)


      Pyrsk !

      Tuplikowanie ze H.B.
      • rita100 Re: na rozluzniynie 19.03.05, 22:03
        Wiersze jak dusza - to forum potrzeba,
        Niechaj nam Laband nie żałuje nieba.
        Niech je wkleja - to potęga moc,
        By chmury odgonić i rozjaśnić noc.

        Gliwice śląskie potegą są i basta
        Nie ma drugiego takiego miasta.
        Podwórka czarne, smętne i smutnie
        Niech no poezja wkroczy butnie.

        Jak wieść w świecie niesie
        Tango powstało z bólu - wiecie!
        Ból Argentyny - zaowocowało
        I światowe tango powstało.

        Ślązacy ten ból w sercu trzymają
        Przez co do swoich mitów soli dodają.
        Sól ziemi czarnej jest ich przeznaczeniem
        Więc niech te słowa będą zrozumieniem. :)

        ps. nawiązałam do tanga, które powstało na skutek błednej polityki
        argentyńskiej, z biedy, z ubóstwa, z wyzysku, z niesprawiedliwości jako bunt
        przedmiejskiej ludności, bunt który stworzył takie dzieło i najpopularniejszą
        sztukę taneczną na swiecie .
        • laband Re: na rozluzniynie 19.03.05, 22:51
          Fajnies to szkryfua i ciekawe skojarzynie, jo juzas jakos od czasow jak bouech w
          tym tzw cielyncm wieku mom skojarzynie Slonska ze blusym (Blues), mog bych sam
          wymiynic couko raja slonskich muzykow kere bez niego by niy zaistnieli i kere
          bez niego som niy do wyobrazynia jako muzyki. Som suchom tyj muzyki juz kajsik
          czidzisci lot i jakos mi sie znudzic niy poradzi. Powia jeszcze ize naszo godka
          do blusa richtik pasuje jak pieron - no i ta nisko slonsko sztima
          • broneknotgeld Re: na rozluzniynie 19.03.05, 23:05
            Hehe - chyciyła Rita za rym
            Toz już terozki jo ło tym wiym.
        • laband Re: na rozluzniynie 19.03.05, 23:31
          www.schron.info/mp3/7.mp3
          • rita100 Re: na rozluzniynie 20.03.05, 20:57
            dzięki za blusa
            też mi sie wydaje, że wszystko musi grać, tak slowa jak i muzyka, a faktycznie
            coś jest w tym blusie, nawet wspaniale współgra ta gwara z blusem .
            W takich czasach jest potrzeba szukania czegoś dla ducha.
            Jeszcze raz dziękuje
            • laband Re: na rozluzniynie 20.03.05, 23:11
              zaro dom Ci sam cosik po slonsku od Richusia - momynt!
              • laband Re: na rozluzniynie 20.03.05, 23:16
                sam to je:

                wesola.com/~krzyzak/mp3/gizd.mp3
                • laband ps 20.03.05, 23:28
                  polecom te CD

                  adek124.republika.pl/warkocz.jpg
    • laband Re: na rozluzniynie 20.03.05, 07:59


      Fajno zes je "Klara"
      co po funcie z koszykow ,
      polnych mokrych lisci swiyci .

      Obleczono w mozelonki , kecki
      a chusteczki
      sprzedowajom cie ,
      bydom sprzedane

      Choby ty wysztynglowane
      som rzodko
      Yno jynzyki
      od nich samotne jynzyki .

      (Lachajom sie a
      ciynzko godka godajom) .
Inne wątki na temat:
Pełna wersja