Coś z Mysłowic

[madohora]

A niych se dzisiej tyż niy żałuja
I dwie rzeczy naroz wypromuja
Bo przeca Nikisz z Mysłowicami
Jest już swojom historiom związany
--
madohora
Forum Nikiszowiec

[madohora]

Jo tyż zawsze w ciyniu (mojego)brata zostaja
Bez to se link do tego daja
Bo Józka wszyscy znajom
A o Jasiu czasym zapominajom

www.mokis.bazafirm.pl/tv/kyks.html

[madohora]

Jo z tom Galeriom tylko sympatyzuja
Ale tyż jom tutej trocha wypromuja
Chociaż może o tym niy wiycie
Jyj ta promocja niy potrzebno przecie

"TRÓJKĄT" - GRUDZIEŃ
www.mokis.bazafirm.pl
Dziećkowice
19.12.07 r. Koncert kolęd w wykonaniu duetu „Canto del Core”.
Brzęczkowice
10 – 31.12.07 r. godz. 12.00-20.00 Wystawa prac dzieci z kółka
plastycznego Pt: ”W Bożonarodzeniowym nastroju”.
20.12.07 r. Konkurs pt. „Stroik Bożonarodzeniowy”. - do udziału
zapraszamy młodzież szkolną oraz dorosłych, technika dowolna (prace
należy złożyć do dnia 21.12.07 roku, wyniki konkursu dnia 02.01.2008
r.).
21.12.07 r. godz.: 16.00 Spotkanie opłatkowe dla uczestników kółek
zainteresowań.
21.12.07 r. godz.: 18.00 Koncert kolęd w wykonaniu duetu „Canto del
Core”.
Morgi
18.12.07 r. godz.: 14.30 Świąteczny konkurs plastyczny pt. „Choinka
w moim domu”.
20.12.07 r. godz.: 17.00 „Święta tuż tuż” – koncert kolęd w
wykonaniu duetu „Canto del Core”, wspólne kolędowanie mieszkańców i
członków Koła Seniora.
Kosztowy
19.12.07 r. godz. 16.00 Spotkanie opłatkowe członków kół
zainteresowań z filii w Kosztowach, w programie: wystawa aniołów
wykonanych przez dzieci z masy solnej, wspólne kolędowanie z
Zespołem Śpiewaczym Kosztowioki.
Wesoła
19.12.07 r. godz. 10.00 Spotkanie z cyklu „Wesoła czyta dzieciom”
dla dzieci z Przedszkola Nr 14 (współorganizacja z M.B.P Nr 8).
Janów
28.12.07 r. godz. 14.00-16.00 Konsultacje dla recytatorów V Turnieju
Recytatorskiego „NOBLIŚCI W MYSŁOWICACH”.
29.12.07 r. godz. 11.00-14.00 Warsztaty teatralne (ruchowo-
pantomimiczne) dla młodzieży.

[madohora]

A ten filmik to im "skradnę"
Dam tu link bo to ładne

www.mokis.bazafirm.pl/tv.html
www.mokis.bazafirm.pl/tv.html
Gdyby się linki nie otwierały
To oba "impresję zimową się nazywały"

[madohora]

Bronku
Mniej więcej o czymś takim myślałam
gdy o tych zdjęciach rozmawiałam
Tylko że na zdjęciach w "zatrzymane w kadrze"
A na fimiku miasto wciąż w grze...

[broneknotgeld]

Toż se ło tym teroz dowiydz
Szkryfnołch rymy dlo Mysłowic.

[broneknotgeld]

1138

Bolek Krziwogymby dziedzina podzieloł
Ziymia mysłowicko wtedy przi Krakowie
Ślonzek i "syniorat" nojstorszymu ścieloł
Na Władysławowy krotko jednak głowie.

[broneknotgeld]

1178

Kazik Sprowiedliwy potkym był dlo syna
Toż Plontonogego rośnie z tym dziedzina
Krześniokowi przeca istny podarowoł
Przigraniczne ziymie - tako se to stowo.

[broneknotgeld]

Mieszko II Spaśny (1230-1246)

Kazik I w grobie
Mieszko po niym stoji
We tych czasach wszysko
Tatarow se boji.

[broneknotgeld]

Mieszko III

Syn Mieszka Mieszko trzimie dziedzina
Bratu wpiyrw dano przyńdzie na syna.

[broneknotgeld]

Leszek

Syn Przemysława - princ tu łostatni
Co ze krwi Piastow tako rodzony
Toż we potomkow niy był dostatni
Erbnoł to szwager - tela dyć znomy.

[broneknotgeld]

Testamynt Leszka opolsko-raciborskiego

Testamyntym Leszka dziedzina z Opawom
Choć se wrogi tego zarozki łobjawiom
Roztomajte larmo dyć na nic se zdowo
Jak Jan Lyksymburczyk tyż za tym już stowo.

[broneknotgeld]

Familijo Ottona z Pilicy

Wojewoda sandomierski krola był kamratym
Ano przeca tyn Jagiełło niy poprzestoł na tym
Ottonowo jego potkom - do krztu go trzimała
No a cera wojewody w koncu Włodka miała
We alkiyrzu jako ślubno chocioż już był stary
Dyć prawiyli coś dworzany że przi freli jary.

[broneknotgeld]

Jan II (1380-1423)

Z łojca Jana zaś Jan rzońdzi
Prawiom co naprowdy błońdzi
Z princa dyć raubriter srogi
Co somsiadom wszyskim wrogo
Toż go "mistrzym" tukej zwali
Jako katu dyć niy pszali.

[broneknotgeld]

Wacław princ rudzko-rybnicki

Z Maciejym Korwinym wdoł se we wojynka
Dyć tym ziymie swoje wystawioł na mynka
Mysłowice bestoż tako zastawione
Princa zaś niy czekoł tyż szczyńśliwy koniec

Ze krolym przegrano - zesłany do Kłodzka
Niyjedna go czeko we hereszcie nocka
Śmierć we końcu retnie ze srogi niywoli
Wspomniynie istnego możno ździybko boli.

[broneknotgeld]

Kłodzko 1478

Princ Wacław umiyro we kłodzkim hereszcie
Dyć czy Mysłowice dychnom ździybko wreszcie?

[broneknotgeld]

Przi Turzonach (1517)

Familijo ze Krakowa
Co w bogactwo łopływała
W Mysłowicach jako głowa
"Państwo Pszczyńske" dyć trzimała.

[broneknotgeld]

Nad "Czornom Wodom"

Zielone zbocze nad "Czornom Wodom"
Se ludzie upodobali
Z Krakowa prziszli tako wom godom
Niy chcieli rajzować dali.

[broneknotgeld]

"Myślimice"?

Możno se tako nojdowni zwały
W tym pomyślunek przeca niymały.

[broneknotgeld]

Tatary 1241

W "Rocznikach Wrocławskich" coś ło tym prawiyli
Miasto Mysłowice Tatary zniszczyli
Tako wygorała cołko okolica
Dugo tukej mieli uślimtane lica.
--

Myślimice - Mysłowice

Łoba miana u Długosza
Kere lepsze? Powiydz - prosza.

[broneknotgeld]

Mysłowice

Ta dziedzina po Mysławie
By se tako zwała prawie?

[broneknotgeld]

Mysłowice 1360

Toż Mysłowice już miastym były
Se tych prow miejskich kedy chyciyły?
Trza by to cofnońć możno wiek cały
Koncept tyn zdo sie niy taki śmiały.

[broneknotgeld]

Torg w Mysłowicach (1301)

Niymiecki historyk cosik ło tym prawioł
Inkszym niywyraźnie dyć tyn torg se jawioł.

[broneknotgeld]

Hanko z Mysłowic (XIV w.)

W piyrw w Mysłowicach Hanko wójtowoł
Potym wśrod mieszczan Krakowa stowoł.

[broneknotgeld]

Mysłowicki pleban (XIII w.)

Tako farorz mysłowicki
Już w trzinostym wieku zwany
Toż ściongejcie przed niym mycki
Niy na darmo łon plebanym.

[broneknotgeld]

Wacław i Pyjter Bodzantowie

Jagiełło z Jadwigom zdo sie bratkom pszali
Ziymiom mysłowickom ich łobdarowali.

[broneknotgeld]

Adam i Jan Bodzantowie (XV w.)

Dzierżysława syny przeca
Przi Bodzantach Mysłowice
Toż se dali z rymym leca
Ło tym tako teroz wiycie.

[broneknotgeld]

Ze Spisza

Ze Spisza Turzony rod wiedom swoj zocny
Niy yno w Krakowie łon z czasym jest mocny.

[broneknotgeld]

Jan Turzon 1528

Brat Aleksego w gyszefcie wielki
Kuźnice gruby i inksze werki
We jego rynce złoto sypały
Richtig profiy zawsze dowała

Jan Turzon ukrod dyć Wenecjanom
Kunszt z kerym kukfer tyn wytopiano
Umioł ze strzybrym dować se rady
Stykło ołowiu i koniec zwady

Toż se niy dziwcie - mnożoł majontek
Tako tyż kupioł tutejszy kontek
We kerym gruby ajzy już były
A możno inksze skarby se kryły.

[broneknotgeld]

Stanisław Salamon

Piyrszy z Salamonow co te ziymie trzimie
Jako spamiyntali go we ty dziedzinie?

[broneknotgeld]

Jadwiga Salamonówna

Cera Katarzyny w miasteczku łostała
Tu swoj dwor do śmierci przeca bydzie miała.

[broneknotgeld]

Krzysztof Mieroszewski - sekretorz krolow

Toż poru krolom sekretarzowoł
Władysław IV na przodku stowoł
I Jan Kazimierz mioł we niym sługi
I Wiśniowiecki przez czas niydługi
Skończoł posługa za Sobieskiego
Karyta krolow jest u istnego.

[broneknotgeld]

Pańsko łostuda

Miyndzy krewnymi ciyngym łostuda
Se Mieroszewski z Kamieńskim sondzi
Majom prawniki ze niymi cuda
Recht chce mieć kożdy - na swojim rzońdzi.

[broneknotgeld]

Jan Krzysztof Mieroszewski

Erbnoł po bracie ze woli wdowy
Cołko dziedzina - dyć był gotowy
Wziońć mysłowicki majorat tako
Już ordynatym - toż niy jednako.

[broneknotgeld]

Józef Mieroszewski
(ordynat 1755-1768)

Burgrabiom zamku był wawelskiego
Łowczym łynczyckum jeszcze do tego
Na Mysłowicach zaś ordynatym
Styknie rachować - łostana na tym.

[broneknotgeld]

Wincenty Mieroszewski (1779-1780)

Młody karlus a śmierć znoloz
Do wojska pruskego poloz
Z mostu z koniym wlecioł w rzeka
Niy retnyli już człowieka.

[broneknotgeld]

Aleksander Mieroszewski

Siodmy już ordynat - majorat szczyńśliwy?
Ech dzioły se przi niym roztomajte dziwy
Podobnoś za wiela w Krakowie balowoł
Z roku na rok tako biydniejszy se stowoł
W końću wyszło na to - żył prawie na krycha
Czy przidzie łodpuścić mu takego grzycha?

[madohora]

Aleś mi uciechy sprawił
Żeś z tym rymym się tu zjawił
To historii przeca kawoł
Coś tu na tym forum dawoł

[broneknotgeld]

Trza historjo ciongnońć dali
Dyć se miasto niy łobali.

[broneknotgeld]

"Czerwono Ksiynga" (1590-1767)

Ano - se łostała
do potomnych tako
Kto ździybko poczyto
Możno tyż zapłako.

[broneknotgeld]

Downe mysłowicke sztrasy

Kaczo, Bytomsko, Wałowo
W pamiyńci co jeszcze stowo?
Ta Oświyńcimsko ze rynku
Dyć przed Mostowom niy klynkom
Chocioż na Krakow powiedzie
Niych se Salamon niom jedzie!

[broneknotgeld]

Brama Bytomsko

Na Bytom wiodła - se niy wydowo
Dwor za niom widać - kościoł tyż stowo.

[broneknotgeld]

Kaczo

Ku Strudze cisła
Do Przymszy tako
Tkocz tu niyjedyn
Podobnoś płakoł.

[broneknotgeld]

Downy browar

Ano przi Przymszy stoł downy browar
Czy go prowadzioł zocny piwowar?

[broneknotgeld]

"Przedbolina"

Za Zapłotami a przed Bolinom
Traktym na Bytom z lewa łominom.

[broneknotgeld]

Stow "Golok"

Już dośc daleko na połnoc przeca
Tam kaj Szabelnio terozki leca.

[broneknotgeld]

Kościoł Nojświyntszy Maryji Panny

Niydaleko rynku świontynia stanyła
Już niy pamiyntajom jak dugo tu była
Pewnikym widzioł nawet wiek trzinosty
Tako w średniowiecze łona jakby mostym.

[broneknotgeld]

Zamek

Za Bytomskom Bramom na gorce se stoji
Ło miejsko dziedzina mozno trocha boji
Kedy podźwigniony? Chciyjcie mi powiedzieć
No i komu piyrwyj prziszło w zamku siedzieć?

[broneknotgeld]

Dom wójta

We downych czasach przeca drewniany
Sztrasie Bytomski był przipisany.

[broneknotgeld]

Kamiynica wójtowo (1857)

Zgorała dyć drapko
Zaś łodbudowano
Zdo sie co na wieki
Mysłowicom dano.

[broneknotgeld]

Kościoł św Krziża

Widzioł go tukej już wiek dwunosty?
Możno dźwignyli jak był trzinosty
Dyć wiymy - kościoł z downa tu stoł
Tref roztomajty na siebie broł.

[broneknotgeld]

Mysłowice 1587

Ech - zły rok to dlo Mysłowic
Skiż armiji - se to dowiydz
Habsburg mioł być krolym Polski
Dyć utropa z jego wojskym
Mysłowice spustoszone
I po czyńści wypolone.

[broneknotgeld]

Mor we Mysłowicach (1615)

Luftym mor do miasta prziszoł
Wielke było utropiynie
Zły tref tako czynsto miyszoł
Kto go wiod na pokuszynie?

[broneknotgeld]

Marysia Opaczkówna (XVII w.)

Słynie Marysia w dziedzinie z krasy
Karlusow wiela prziciongo tako
Bo kaj gryfniejszo łod freli naszy?
Skiż niyj niyjedyn ślypia wypłako

Dyć tym niyszczyńście we końcu kludzi
Kaj Jana Białka zamordowali?
We chałpie frelki! Już se niy zbudzi
Marysia tako na sond zabrali

Na nic jyj płaczki! Na nic łobrona!
Już wystawiono w klotce dymbowy
Gańba dlo frelki niym przidzie konać
I kat se chyci jyj gryfny głowy.

[broneknotgeld]

Hamernik Walenty Roździeński

Znocie tego hamernika
W kuźnicy zdoł sie rzykać
Dyć robocie swoji pszoł
Mało kery tak jom znoł.

[broneknotgeld]

Sie sońdzioł

Sońdzioł sie Walynty ze Salamonowom
Choć łona dlo niego była zwiyrzchniom głowom
Bestoż princ na Pszczynie musioł cosik pedzieć
A że kuźnik przegroł - tako poszoł siedzieć.

[broneknotgeld]

Olbrycht Strumieński

Z Mysłowic istny pochodzioł przeca
Chocioż do Balic za niym poleca
Kaj u Firlejow rzondcom we dworze
Już gospodorzyć przi fiszach może

Z tego zasłynoł - zarybioł stawy
Skiż geldu przeca a niy zabawy
I ksionżka ło tych rybnikach spisoł
W cołki Koronie żeś ło tym słyszoł.

[broneknotgeld]

Piyrszo mysłowicko gruba 1788

Już tu z tym rokym wongel kopali
Chocioż niywiela ufedrowali.

[broneknotgeld]

Gruba "Luiza" w Słupnyj (1801)

Mieroszewski gruba stowio
Dyć Larischom chnet sprzedowo.

[broneknotgeld]

Mysłowicko aptyka (1828)

Pigulorz Fengier w rynku łotworzoł
Trza dyć se czymsik kurować
Choć grosz dlo ludzi tu wiela wożoł
Medykamyntow żałować?

[broneknotgeld]

Czas napoleoński w Mysłowicach

Ech - szkod wiela narobiyli
Kontrybucjo nałożyli
Francyjoki w Mysłowicach
Okupanta majom lica.

[broneknotgeld]

Mysłowice 1815

To co ze Pszczynom pokuplowało
Jakby na darmo teroz se zdało
Toż jo se nawet ło to niy pytom
Już Mysłowice jako "Kreis Bytom".

[broneknotgeld]

Czas napoleoński w Mysłowicach

Ech - szkod wiela narobiyli
Kontrybucjo nałożyli
Francyjoki w Mysłowicach
Okupanta majom lica.

[broneknotgeld]

Do Wrocka 1846

Z Mysłowic do Wrocka już jedziesz po glajzach
Możno na Szczakowa tyż kusi cie rajza?

[broneknotgeld]

Mysłowice 1863

Jak za Przemszom te powstanie
Pułk tu pruski drapko stanie
Tako Ruskom pomogajom
Co z Sosniwca uciekajom.

[broneknotgeld]

Mysłowice 21.VIII.1683

Przi Moście Krakowskim krola powitały
Cołke Mysłowice - Sobieskego znały?
Farorz błogosławioł wielgachno armijo
Choć som marsz pod Wiedyń to niy komedyjo.

[broneknotgeld]

Dr. Hauser (1900-1919)

Burgemajstra tego znocie?
Nic ze Niymca we niym mocie
Dyć do wojny miasto rośnie
Moga szkryfnońć to radośnie.

[broneknotgeld]

Na Piosku

Na downym Kwiotczysku Pioskym tako zwanym
Niyjedyn familok teroz budowany.

[broneknotgeld]

Elektrownia miejsko (1913)

Staraniym miasta tukej stanyła
Sztrom Mysłowicom potrzebny przeca
Niyjedna byrna se rozblysnyła
-Tako przi kery jo rymy kleca.

[broneknotgeld]

Mysłowicko banka (1900)

Glingo już na wonskich glajzach
Drapci zyńdzie niom ci rajza.

[broneknotgeld]

"Sokoł" w Mysłowicach (1903-1905)

Blysnoł "Sokoł " w Mysłowicach
- toż przi Niymcach okolica.

[broneknotgeld]

"Sokół" 21.II1919

Co przed wojnom krotko było
Zaś łod nowa tu dźwignyło
Toż se garnom do "Sokoła"
Niy trza nawet ludzi wołać.

[broneknotgeld]

Burgemajster Radwański

Z miana Polok - Niymiec z duszy
Dyć za Przymsza łon niy ruszy.

[broneknotgeld]

Mysłowice 19.VIII.1920

Toż insurgynty sztela chyciyli
Niymiecke siyły stond przegoniyli
Tako zwoj tryjumf zarozki głoszom
Wsparcio ludności przi tymu proszom.

[broneknotgeld]

Insurekcjo Majowo 1921

Ano - prziszła noc majowo
Polske z rana Mysłowice?
Tako ze tym se już stowo?
A co potym? -Sami wiycie!

[broneknotgeld]

Mysłowice rosnom

Ćmok, Janow, Szabelnio i łogrod zamkowy
Teroz w Mysłowicach - wbij se to do głowy.

[broneknotgeld]

Fabryka mebli (1925)

Se Marcin Robak grunt kupioł tukej
Z Mysłowic mebli we Polsce szukej.

[madohora]

Jonow z Mysłowicami od wiekow sztymuje
Bo się w historia razym zapisuje
przeca som nawet dwa Jonowy
Jedyn z Katowic drugi od Mysłowic
A co by powiedzieć to bardzi jasno
To tyż jest dzielnica co zwie się Pomiasto
A jak jeszcze byłach mało
To sie do Mysłowic piechty lotało

[madohora]

Jakiś chochlik tu się wmieszał
I na FORUM mi namieszał
Zaraz zrobię tu porządki
Jeszcze raz powtórzę wątki

[madohora]

Jeszcze raz ten link podaję
Jasiu na koncercie staje

www.mokis.bazafirm.pl/tv.html

[madohora]

Teraz będę się zalecać
To drugi "Koncert przy świecach"

www.mokis.bazafirm.pl/tv.html

[madohora]

Chociaż jeszcze pierwsza gwiazdka nie świeci
To przy świecach koncert trzeci

www.mokis.bazafirm.pl/tv.html

[madohora]

A te dwa linki daję wam słowo
Autor nazwał "Impresją zimową"

www.mokis.bazafirm.pl/tv.html
www.mokis.bazafirm.pl/tv.html

[madohora]

Na rynku studnai "Trzech cesorzy" stoi
Niy jedyn se myśli że jom wtoś łobali
Mie o ni downo taki jedyn gwarzył
Co mie za bajtla po Mysłowicach prowadził

[madohora]

Rzeczka Bolina do Jonowa płynie
i choć czas już mionoł ona niy minie
Kiedyś jom już trocha zasypali
A łona spokojnie se płynie dali

[madohora]

Janów Miejski

Do dzisiej jak tyż wtoś sie łodzywo
To tyn łod Mysłowic takoż nazywo

[madohora]

Fotograf

Chociaż my sie na Nikiszu chowali
To my do Trochy po zdjyńcia lotali
Kole tego fotografa legnda się krynci
że szczyńsliwy tyn co tam robi zdjyńcie

[madohora]

Jaworzno?

Mie do Szczakowy by za blisko było
Bardzi by mie skusiła staro Galicyjo
Bo miasto z tradycjom i we świecie znane
i przez wiela ludzi przeca ukochane

[madohora]

Muzeum pożarnictwa

Jak ta straż łotwarli tak sie rozpyndzili
że dzisioj "Muzeum Pożarnictwa" tam zrobili
No i tyż chyba atrakcjo niy byle jako
Bo sie znolozła na Techniki Szlaku !!!

[madohora]

"Sokół"

Jak moja muter modom frelkom była
To do "Sokoła" na zajyńcia chodziła
Ale niy do tego co go zakłodali
Ino takiego co go po wojnie reaktywowali
Do dzisiej wspomnino co tam wyrobiała
bo dryg pieroński do tych zajyńć miała

[madohora]

"Trio Con Brio" to je takie trio
co na harmonijkach bardzo piyknie gro
Żodny muzyki sie niy opisze słowami
Trza jeździć za nimi i ich koncertami

A łoni w tym graniu tako wprawa maojom
że co ino chcecie na tych organkach zagrajom
A jak sie ich sucho to wom powiym wiyncy
że niy jednymu w ślypiu łza sie tyż zakrynci

Tradycjom Mysłowic to sie już stało
że co roku w styczniu kolyndy tam grajom

www.m-ce.pl/news.php?wiersz=4

[madohora]

A jeszcze o tym się powiedzieć odważę
Są w Mysłowicach harmonijkarze
Znane już w całym świecie "Trio Con Brio"
Tam nie jeden ale trzech na organkach wywija
A co dwa lata jeszcze konkurs mają
i na tych organkach jakieś tony dają
A ja osobiście znam z nich jednego
Urzeka mnie jego "Polonez Ogińskiego"
Choć z techniką czasem bywa trudna rada
Widać że on duszę w tę muzykę wkłada

[madohora]

Chociaż miejsowoć Kamień leży koło Rzeszowa
To ja w tym wątku powiem w dwóch słowach
Tyle wspólnego ma Kamień z Mysłowicami
że tam też jeżdżą z tymi organkami
Co roku w kwietniu tam Konkurs mają
z całego kraju (i Ukrainy) tam się zjeżdżają
Nie ma nagrody jak w innych wątkach
Ale jest wyróżniona "Złota Dziesiątka"
A na drugi dzień ludziom jest weselej
Bo oni jeszcze grają koncert w Kościele

[madohora]

Andrzej Nardelli

Na cmentarzu w Mysłowicach Nardelli leży
On tylko 25 lat na tym świecie przeżył
Dzisiaj jest legendą piękną otaczany
Ale i za życia był aktorem znanym
Znany naszym ojcom z roli Kordiana
Krytycy mówili, że nie zapomniana
Na jego pogrzeb ludzie szli sznurem
A jego mogiła pod cmentarnym murem
Wykuta cała z marmuru białego
A głęboko w ziemi trumna Nardellego
Nad pomnikiem dwa skrzydła wzlatują
One "Wzlot w Krainę Piękna" symbolizują
A na nagrobku taki napis spoczywa
ARS TUA VIVA
Co po polsku znaczy
TWOJA SZTUKA ŻYWA

[balzack]

A ten wątek podniosę w górę przez sentyment do Mysłowic

[balzack]

W Mysłowicach coś się dzieje
Są koncerty, wiatr tam wieje
Różne także są wystawy
Raz poważnie, czasem dla zabawy

[madohora]

Zanim dzisiej puda do dom
Link na koncert se tu dodom
W Mysłowicach bydom grali
Przy świycach koncert idzie dali

www.mokis.bazafirm.pl/koncert_swiece_sroka.html

[balzack]

Syrenka - rajd starych samochodów

youtube.com/watch?v=nOq18HhGawQ