Ślonski wander

[szpilowyhajama]

Kozłówka

Jak sie pieronie niy myla,było o chyba pod koniec kwietnia A.D.
Plafusowy poseł Janusz Palikot,cukrowoł na swojem bloku, żeby kuknąć
do Kozłóki,tam bydzie czytano praca doktorsko Lecha
Kaczyńskigo,czyli naszego polskigo cesorza.
A jo taki głupek doł sie skusić a, że pekaesy w dniu 02.maja.2009
roku niy kuleli,to już przed 10-ran żech dreptoł koło
Marksa,Engelsa,Lenina- Stalina niy było, zyrkoł jak szwarno pani
pudrowała licka lubelskim aktorom.
Nim pochód kuknoł,Telewizja Super chciała bym sie pokfolył ślonskim
akcyntem, i czymu chca sie pozbyć dwuch dyplomow WUML co zech
skończył bes łapowki w Zabrzu, no i jak żech łobiecoł tak sie stało,
lubelskiemu "arbusowi" żech fcis do paci moje wiano niyboski kumuny.
Musza zyknąć i prowda,serce mi walyło jak pieron z radości,jak z
głośnikow furgały piosynki marsistowskie,a moja czerwona flaga
zakrywała ślypia, zeby niy było widac płaczkow.

Lublin.13.Lipca.2009 r Hanik Jan Majowski

Głos

[szpilowyhajama]

Niych żyje górnik. Tak ryczoł hyrtoń posła Janusza Palikota,za to
zech sie pozbył dwuch dyplomow WUML w Kozłówce,02.maja.2009 r.
Zaros mi sie pieronie przypomniało jaki głos był drogi za niyboski
kumunu.
Było to przed Barbórkom, wdrepnoł żech do Zakładowego Komitetu PZPR
naszej gruby "Pstrowski" i sie pytom sekretarza śp. Felisiaka,czy
jego legitka partyjno wozy tyla wela moja,czy majom jednakowy kolor?
Żyrkoł na mnie jak byk na masarza,wyciognoł swoja niy
poskurczono,prziłozył do mojej po 2-3 minutach ryknoł.Takie same
towarzyszu Hanik.O co wam chodzi?
No to jo z lagi.Jak takie same, to czymu pon sekretarz wdycki na
Dzień Górnika wito Edarda Gierka w Domu Muzyki i Tańca w Zabrzu,a jo
tego chłopa jeszcze zywego na ślypia niy widzioł?
Widać było że mu sie trocha głupie zrobioło. Pado za
łodwaga,bydziecie wtać I sekretarza naszej partii,no i doczimoł
słowa,jak Jarek Kaczyński że kupi sie kumurka łod ojca Ryzyka.
Nim nos fcisnyli do autobusu, dwuch ZSM-powcow i jo w Izbie
Tradcji,po czterech jajka i sece czysty, robiyli my proba
generalno.moj hyrton ryknoł "Niych żyje towarzysz Edward Gierek"
naloli drugo seta, by z gardełka furgoł akcynt zagłębiowski, niy
pomogła trzecio setka, bo hanys bydzie hanysym.

Lublin,14.Lipca.2009 r. Hanik Jan Majowski

Jerzy Buzek

[szpilowyhajama]

Fandzolom na Ślonsku,że Karol jest złoto ręczka,w Lublinie zaś
beblajom przi ulicy Złoty na starym mieście, że Buzek, jest
jak "Złoty cielec", ulony przez platfusów.
Jaki jest Jerzy,niy pasuje mi chłopa obgadywać,bo starszy ło 6-
miechów,no i szacunek sie noleży, jak Oleksymu srogie piwo, co niy
załatwioł Szpady Górniczy Alojzowi Piontkowi hajerowi
z "Pstrowskiego".
Pamiyntom jedne spotkanie Intelegencji Protestanskiej, w Gliwicach w
salce przi ulicy Jagielońskiej,kaj gzuje tramwaj 4-rka do Zabrza.
To był prawdziwy Jerzy Buzek,swoja ślubno czimoł za
paluszek,smarkato Agata ze prawo pacia,herbata duldoł bez mlaskanio.
A jaki mioł elegancki balkon na ośiedlu Kopernika. Som sie zrobioł
drabinka na kwiotki,donicki zakitowoł plastelinom, czy
drugigo "judasza" som wyrznoł w drzwierzach tego to jo juz pieronie
niy wiym.
Jedno jest pewne dobrze sie stało ze Karol jest szefym Unii
Euroyjskiej no i chyba ło polsce niy zapomni.Ino niy dej Boże zeby
gryfny Marian był jego szoferym.

W dobry paci

[Gość: Szpilowyhajama]

Jo tam pieronie niy -chca zaś kfolić byłego premiera AWS Jerzego
Buzka,ale czeba psiknąć.
Unia Europyjsko dostała sie w dobre rynce.
Dyć to wykolybano "Złoto Ręczka" co pomaco to zaros wszystko
dostowo skrzydła,jak szmaterloki.
Pamiyntom jak za bajtla,blach wyrwoł że sonek a na jej miejśce
przylepioł klejem szkolnym paski z gomy,niy musioł chamować
szłapoma, jak gzuł po śniegu z gorki.
W szkole,to kozoł kaj była tinta do pisanio wlywać olej, żeby pióra
niy skrobali-piszczały.
Broczek całe życie mioł pypćia być aktorem,a ponbocek ewageliczny go
ukarali,i musioł być profsorym na Politechnice Gliwicki "Wicentego
Pstrwskigo",co w niej figurowoł jako "Trichter-Karol" za niyboski
kumuny.

Lublin,15.Lipca.2009 r. Hanik Jan Majowski

Witej Haniku

[Gość: leniak]

Pieronie
...
dziś momy słonko
...
tyn Buzek to je ewangelik?
jo.
no to taka widać predystynacjo była...

Konopnicki farorzyk

[szpilowyhajama]

Niyjedyn grzysznik,lize kozanie, jak śmietankowo gałka lodu, naszego
200 fontowego farorzyczka.
A fto wiy czy niy mo lepszy akcynt jak "niy ślonski profesor Jan
Miodek"
No i jo jako gospodorz w bindrze niy-poflekowanym witom duchownego
przed fortkom, bez chleba,soli, z grubom w kabzi kopertom,szkoda
że farorzyczek dreptajom bez kropelnicki.
A zresztom, niy ma taki świyncony wody by z hanysa zrobioła
lubelka, po porzykaniu, dali my sie do godki,ucholom żech niy
dowiyrzoł, Janeczek fandzoli domnie wierszoma, rymy Częstochowskie
furgały jak drzewo w kominku.
A zeby mieć alibi na łożu śmierci nim kitna,padom farorzyczkowi że
pstrykna mu zdjęćie, ustawił żech go pod obrazym Unia Lubelsko, tak
zeby było widać jak Andrzej Frycz Modrzewski, tacho niyznajomego
chłopa 01.Lipca.1569 r. przed oblicze króla Zygmunta Augusta
(dojutrek)
w obrazie Jana Matejki. i tak trzi Janki witali z kulturkom rok 2009
A.D.

Lublin, styczen .2009 rok Hanik Jan Majowski

Lubelski Lipiec

[szpilowyhajama]

-Hanys,fcinej,fcinej, tyn łobiod nasz kapelonek niy bydom na nos
czekać,przed suchatelnicą (konfesjonal) majo swoja robota,ponoć
połowa lamp w różańcu niy świyci przed NMP Matki Kościoła.

-Pieronie Truda, łodkond tyn szpotlok sie zno na prawie Oma?. A Po
pieronie tyn kotlet na talyrzu jest taki pyrtek?

-Cały lipiec , bydzies takie małe fcinoł, czymu tak sie jeszcze
głupie pytoś? .Czeba oddać hołd kotletowi lipcowymu. Jakby niy
świdnicki kotlet, to do dzisiaj by sie kumuna w Polsce paradowała.

-Pieronie Truda wbiołas mi klina do głowy. Co bybyło jakbym skoczył
do Biura Posła Janusza Palikota i byn mu pedzioł, zeby doł sygnał w
jego komisji sejmowy żeby tyn śmigłowiec MS-1 przy Rondzie
Świdnickiego Lipca 8O, ruknyli, na jego miejsce uloc elegancki mały
niy spolony niyboski kumuny kotlet.

Lublin,16.Lipca.2009 r. Hanik Jan Majowski

Uparty cesorz

[szpilowyhajama]

-Pieronie Hajdla,a co tak narywos tom szuflotkom z komody,dowej
pozor bo ci z niej niy wyfurgła twoja gipsowo św.Madonna.
-Ty stary pryku,żyrkej sie lepi na twoje kulawe króliki,a moja
Panienka łostow w spokoju. Hanik niwiys kaj jo skroła zdjęcie mojego
staroszka? Pierzina kandego kaj jo je mogła wrażić,te co było
wromce i je ciupła na Lecha Kaczyńskigo.
Jak sie niy myla,to bydzie wertikorze,a na pierona, ci stary
powstańiec ślonski co sie byczoł na Górze Anny?
-Jako na co,tak sie jeszcze głupie pytos dziyndziole,chca go wrazić
do romki nazod,cesorza wywala.
-Pieronie hajdla,ty chcesz naszego prezydenta wyciepnąć z romki
przeca niyroz doniego z różańcym myrdała ło jego zdrowie.
-Teros go smola, za to ze taki uparty, i niy podpisoł tyj ustawy
Radio-Telewizyjny,a jo piernika, tak sie radowała, że za tyn
abonamyn, kupia sie nowe szaty, i koszula nocno z koronkom, tako
jako mo Marika cesorzowo.

Lublin, 17.Lipca.2009 r. Hanik Jan Majowski

Leszek Kołakowski

[szpilowyhajama]

-Jo tam pieronie,Mariko niychca łobgadywać twojego Ponbocka,ale tak
sie w duchu myśla? czymu biorom takich "świętych" ludzi po 80-ce.Jak
ojca Pio 81-lot, Matka Teresa 87-lot,Jan Paweł II 84-lot,no i
mojego "spowiednika" dominikanina Alberta Krąpca 87-lot,dzisioj
wiymy że umar 82-letni Leszek Kołakowski.

-Jak ty pierzinski,bezbozniku,możesz ftykać, tego marksisty do
takich "świętych",co żeś wymienioł. A to ze był filozofym pisoł
bajki,i satyry, jak ty stary łośle niy wykolybany, to niy wszystk.

-Ters żes mnie ruszyła, jak ta koża we filmie Kazika Kutza "Perła w
Koronie", aby więcej było na świecie takich ludzi jak Kołakowski,to
by tyn świat inaczyj wyglondoł.

-Byłby cały zakopcony łod cygaryt Leszek bakoł jak piernik.

-Słuchej,co ci teros powiym,jak już nasz lubelski pasterz abp. Jozek
Życiński kfoli "samotnego wędrowca" to coś w tym musi być! A że był
członkiem PZPR, to jest małe piwo,ale był człowiekiem,to sie liczy
głupio babo, a niy jaki ancuk,sułtanna mo kolor.

Lublin,17.Lipca.2009 r. Hanik Jan Majowski

Forma myślynio

[szpilowyhajama]

-Hanik,ty pierziński stary głupku,co ty wyrobios ło 3-ci nad
ranym.Oj Ponbocku za jako kara musza sie mynczyć z takim fyrtniyntym
chłopym.Kaj ty pierniku sie wybiyrosz na Powstanie Ślonskie?

-Zawrzi,ta pieronsko twoja klopacka,bo jeszcze somsiady bydom myśleć
że pralka idzie. Nikaj sie niy wybiyrom,tu na lubelszczyznie jest mi
dobrze,inaczej ludzie myślom jak na slonsku,majom wschdnio "ruła"

-Fto zaś ci takich bzdur na godoł?Na pewno ta pani "bobo" co u
Palikota na bloku pyskuje.

-Dej dziołsze spokoj,a zawrzi drzwi,jeszcze dokoncza 40 pokłonów.
Nim kitna musza zmienić forma myślynio,pryndzy jom sie niy do
ciupnąć,jak człowiek niy zmieni swojego repertuaru pozycji i ruchów.

-Zas fandzolisz,choćbys sie banie na fcinoł.Nasz noblista,bez zmiany
myślynio jest docyniany zagranicom, widzis zas łapnoł nagroda łod
włochow na Festiwalu Kultury Europy.

-To jest co innego Lech jom dostoł za łobalynie kumuny,dopuki niy
zmieni swojej formy myślynio dali bydzie swok kichol wyciyroł w
rykow.

Lublin,19.Lipca.2009 r. Hanik Jan Majowski

"Kruk doji w skansenie"

[szpilowyhajama]

-Szefowo niy załujom,tego smalcu że spyrkoma,wiela to bula za poł
sznity.Wiela złotowak,za poł kromki,dajom jeszcze dwie,a ta nalewka
czereśniowo,wiela kosztuje jedyn kieliszek? Tyś złotowka,pieronie
dyć tu jest toni jak na łotpuście, w Konopnicy,dajom jszcze dwa
kieliszki tyj żurawinowej i sosnowej. Jak pados Truda,styknie mi to
na dzisiejszo niydziela, 19.Lipcowo A.D.?

-Niych ci bydzie na zdrowie.A jo sie wmoca jedyn goły gołąbek za
złotowka, kawałek wyndzony ryby za dwa złote.Zaczekej Hanik,jo
skocza do tego chłopa co sprzedowo chlyb z lyberwusztym i
łogórkie,mo tys po złotowce. Piernika kandego,czuja jak mi sie
łodbijo Sosnowicoma,jak Adamowi Mikiewiczowi wierszym ( Ryba nie
krajona.U gołowy przysmażona,we środku pieczona.A mająca potrawkę z
sosem u gona ).

-Pieronie tego bym sie niy spodziywoł, żeby moja ślubno pamiyntała
Pana Tadeusza,a jo wszystkim godom że mos skleroza.
Fajnie było Truda,ale jedno mi sie niy podobało,żeby w Muzeum Wsi
Lubelskiej,dojyli dwa złote by kuknąć do "Dworku Kruka" fto to
widzioł żeby w Muzeum kupować drugi bilet do Muzeum,to ino taki coś
może być w Polsce.

Lunblin,19.Lipca.2009 r. Hanik JanMaowski

Internetowe zolytowanie

[szpilowyhajama]

-Zaś ty pierzinski stary pryku kukos do tego komputera.czuja że ty
bez niego niy poradzis żyć, chyba ci go do trumny wraza jak
kitnies,za różańiecza,zawiyrek ta skrzinia i dowej sie do koszynio,
gwiozdy były nad Lublinym.
-Cos ześ zgłupioała. ło 5-pionty rano mom kosić. Kukom do mojego
starego pryka co dzieki niymu zech cie namacił w Wirtualno Polska Po
50-tce, no i 3- lata tymu zech kuknoł do ciebie 20.Lipca.2006 r. Jo
jest ciekawy Joanno , wiela zolytników sie majtło przes internet?
-Tego ani niy bydzie wiedzioł Jerzy Urban ponoć tys kuko za baboma w
internecie. Pamiyntom ty gizdzie jak zes mnie łocyganioł ześ jest
stolorzym z Nałęczowa, i przigzujesz do Lublina na spotkanie na
kole, a jo ci pokozała młotek, bys sie niym klupnoł w głowa.
-No i stało sie sztyl sie złomo,i dziyki ponbockowwi som my razym.
Jo jest ciekawy Joanno, czymu twoje fajne nicki niy zaklupały do
mojich nicek )wdowiec-emeryt-górnik-z kasom ), jak sie pieronie niy
myla to 147 bab, urgało za nimi , chnet kozdo sie pytała jako mom
emerytura Gierka czy Buzka.
-Widziałam te nicki, łone ino jedyn dzien sie asioły. I tak sie w
duchu pomślałam, Tyn pirziski Hanys zabrzańsko-piekarski, jest
gorszy jak Mieszko I bo nasz historyczny "ojciec" po trzech lata
jak mu umarła ślubno Dobrowa, to namacoł bez internetu cera
margrabiego Dytryka-Oda.

Lublin.20.Lipca.2009 r Hanik Jan Majowski

Śmierc i Umieranie

[szpilowyhajama]

-Hanik,jak tys kosioł,to jo kukła na blok Janusza Palikota,te
pierzinskie imternauci,niy majom nic do roboty ino fandzolom ło
śmierci, i łobgadujom mojego Ponbocka,czuja że razym z Palikotym
pudom bez kolyjki do piekła.
-Jakby ci to pedziec aniołku? To jest blok niy do roboli i do tych
co majom niy skończono chilwka.Człwiek musi godać ło śmierci,lepij i
świadomie mu sie odchodzi z tego świata.
-A godajom że kumuna w polsce umarła,a jo wdycki widza jak sie
paraduje po kraju.
-Proces umieranio, jest krotki i długi,stego widac że kumuna mo łoko
u twojego Ponbocka. Zaros ci to wyklaruja,co to jest Śmierc i
Umieraie. Jak ciepło ucieko z pod prawy pachy,taki istny odrodzi sie
jako (półbóg) a śluza ucieo z lewej dziurki kichola,a ciepło tyz z
lewego ślypia odrodzynie bydzie człowiek. Taki istny co
ryczy ,wyje,a z mocu ucieko ciepło odrodzi sie jako ( zwierze)
-Pierzina Hanik ftory mom wybierac wariant 1-2 abo 3 ?
-Niy uwijej sie tak, jeszcze som dwa. Jak skora jest żołto podobno
do cytryny i piana idzie gymbom odrodzo sie jako (duch) . No i jak
prawo szapa się częsie jak galert i ciepło ucieko spod prawy stopy i
robi do batek, abo piziamy, istny kuko by sie ododzic w (piekle).
-Jednak Hanik, jo wybiera dwojka, bo jak sie odrodza o juz w Polsce
kumuny niy bydzie.

Lublin,21.Lipca.2009 r. Hanik Jan Majowski