olandi1
02.11.05, 18:28
Witejcie Kamratki i Kamraty !!!!!
Chciolech Wos poinformowac co 16.11. we Stuttgarcie bydzie sympozjum na
tymat " Slonsko tozsamosc"
sympozjum mo sie lodbyc po nimiecku a organizatorami som "Haus der
Heimat" we Stuttgarcie i Deutsch-Polnische
Gesellschaft in B-W. Jak organizatorzy dali mi znac jeszcze w lipcu
prelekcja mo wyglosic Hans Joachim Schlegel z
Berlina (jo go niy znom - ponos krytyk filmowy) a mo tyz byc rezyser
filmowy Andrzej Klamt kiery sie urodzil w Bytomiu
ale juz za bajtla przekludzil sie do Niymiec.
Jakech sie dowiedziol lod organizatorow dopiyro niydowno, majom tyz
przijechac Kazimierz Kutz i Michal Smolorz - znany
felietonista na tymaty slonske. Czy bydom na pewno ni moga jednak
potwierdzic chocioz wyglondalo na to ze przijazd
przinajmnij Kutza jest juz pewny.
Potym mo byc dyskusja - ponos tak dugo az sie tymat wyczerpie (w to niy
wierza bo pryndzij by chyba wszyscy padli ze
zmynczynio nizli by sie tymat wyczerpol).
Termin jest moze niy bardzo szczynsliwy bo jest to sroda - srodek
tydnia. Moze jednak ftos z Wos bydzie miol na tela
czasu coby przijechac do Stuttgartu tego 16.11. W dyskusji bydzie
potrzebny na pewno kozdy glos Slonzokow.
Jo w kazdym razie serdecznie zaproszom. Jak juz ftos z Wos sie
zdecyduje - na co licza - a niy bydzie wiedziol jak
zalatwic sprawy komunikacyjne, ew. noclegowe i.t.d. to sluza wszelkom
pomocom. Jo u siebie moga tyz ze dwoch - trzech
przijonc. Wiyncyj tyz ale ino z karimatami i spiworami. Niy wiym czy
kozdy na taki "komfort" jest odpowiednio
przigotowany. Poza tym sluza pomocom w znoleziyniu hotelu po
przistympnyj cynie.
Takze jak ino fto mo czas i naturalnie chynci to niych przijyzdzo do
Stuttgartu na te sympozjum. Jako program dodatkowy
moga lobiecac zwiedzanie miasta - a jest lo czym losprowiac i co
loglondac.
Toz 16.11 (sroda) lo czwortyj popoledniu Haus der Heimat Schloßstrasse
92 we Stuttgarcie.
Do mie idzie przeslac majla abo zadzwonic 0711-2576759, komorka: 0170-
3218918.
POZDROWIOM PIYKNIE ZE STUTTGARTU FRANCEK CH.
