Ze Wilijom

[broneknotgeld]

Ze piyrszom gwiozdkom

Ze piyrszom gwiozdkom kero rozblyśnie
Zaś do wieczerzy siednymy
Co nojzocniejsze w dusza se cisnie
Tom nocom wszysko weznymy

Trza nom porzykać, opłatek chycić
Z niym familiji winszować
Choinka niychej se teroz świyci
Czeko by pokolyndować

Dyć nojpiyrw jodło - ze tym radocha
Pokosztujymy wszyskego
By niy zabrakło tego choć trocha
We dniach ze roku całego

Jo zaś przi Godach chca Wom to pedzieć
Byście bliźniymu durś pszoli
Bo przeca tako - trza ło tym wiedzieć
Ponboczka ciyngym se chwoli.