Poznań i Wielkopolska

[broneknotgeld]

Dyć trza to richtig łopisać fraszkom
Jako już roz żech przeca probowoł
Choć se rym ślonski niy cieszy łaskom
Tukej być może? -Toż tako stowo.

[broneknotgeld]

Poznań

Wielkopolski to stolica
Niych na wiyrchu krasi lica.

[broneknotgeld]

Prosna

Kaj płynyła zowdy prosna
Kalisz pedzioł - Tu wyrosna!

[broneknotgeld]

Na szlaku

Na starym szlaku co skiż jantaru
Kalisz niy zdowoł sie "nocnom marom".

[broneknotgeld]

Kaliskie Spotkania Tyjatralne

Z poczontkym maja tyjater kwitnie
Niy yno ciyngym kasztany
Czy na kaliski muster kto przitnie
Dlo Melpomyny nom ramy?

Poznań

[broneknotgeld]

Ostrow Tumski

Jak żeś jest w Poznaniu toż drogi kolego
Niy możesz łominońć Ostrowa Tumskiego
Tu grod był nojwyrszy za Mieszka I
I tukej łokrzciyli nom ksiyńcia istnego

We katedrze znojdziesz tyż Złoto Kaplica
Kero bizantyjske mo jak gdyby lica
Prochy Mieszka z Bolkym tukej som złożone
Kaj piyrsze we Polsce miejsce poświyncone.

[broneknotgeld]

Kościoł Nojświyntszy Maryji Panny (1448)

Toż wiekow pora w tym miejscu stoji
Durś tu łostatnio coś kopiom
Archeologow łon se już boji
Dyć chyba go niy "utopiom".

[broneknotgeld]

Gore! (1945)

Krasnoarmiejcy Poznań zdobyli
Szoł z niymi razym łogyń zniszczynio
Tako i kościoł "pod" we ty chwili
Ruina jednak woło sumiynio

Toż trza sie zabrać za łodbudowa
Myni baroku wiyncy gotyku
Poznań katedrom blyszczy łod nowa
Dobrze sie stało i za to rzykom.

[broneknotgeld]

Pałac arcybiskupi (1404)

Toż stoji tukej już szejset lot
Choć wiela razy miyniony
Poznań ze niego ciyngym jest rod
Tako i wszyscy go momy.

[broneknotgeld]

Ostrowek 1444

Władysław Warnyńczyk zdonżoł go lokować
Niym na inkszy ziymi prziszło mu dać gowa.

[broneknotgeld]

Grod Śródka (XIII-XVIII w.)

Grod wyrosnoł taki ze stary osady
Dyć dzisioj dzielnica - ano niy ma rady
Poznań wiela rosnoł w dziewiytnostym wieku
Toż i Śródka capnoł - wiydz ło tym czowieku.

[broneknotgeld]

"Komandoria" (XII-XIII w.)

Cega ci sie ciepie w łoczy
-Joannitow tako sztela
Mieli wtedy wiyncy mocy
-Rokow kościoł liczy wiela.

[broneknotgeld]

"Makieta Poznania"

Wele rynku tu w klasztorze
Połoglondosz se to dziwo
Na makieta blikać możesz
Stary Poznań - tako bywo

Kamiynice i kościoły
Toż te cudo jakby nosi
Czy przi tymu żeś wesoły?
Poznań tako kunszt swoj głosi!

[broneknotgeld]

W Wielki Siyni

W Wielki Siyni ratuszowy
Czeko na cia zawrot gowy
We gipsdeka tako blikej
I po cichu możno rzykej

Mitologio i biblijo
Kunszt artysty tako zmiyszoł
W renesansie niy mecyjo
Ratusz tako dobrze wyszoł.

[broneknotgeld]

Pryngiyrz 1535

Toż ciyngym łon stoji se wele ratusza
Czeko na te czasy w kerych trza go ruszać?

[broneknotgeld]

Staromiejske kamiynice

Ciyngym sie aszom tom secesyjom
Abo i starszom kunsztu "mecyjom".

[Gość: P.]

"Poznać Poznań we czi dni
To sie niy do, każdy wiy."

[broneknotgeld]

Ano ano - czi dni mało
Ze czi tydnie by sie zdało.

[broneknotgeld]

Katedra poznańsko

Ze wojynnych zniszczyń se wykurowała
Zowdy co nojlepsze grodowi dowała
Toż tako i dzisioj sie asi wieżami
Poznaniokom godo - "Niy som żeście sami".
-
forum.gazeta.pl/forum/71,1.html?f=28940

[broneknotgeld]

Katedra śś Pyjtra i Pawła

Pyjter i Paweł jak wieże jyj
Toż do Ponboczka porzykać chciyj.

[broneknotgeld]

Głowny ołtorz katedry (1512)

Z Gory Ślonski przeniesiony
Tako Poznań krasi
Ślonskim kunsztym wyrzeźbiony
Gotyku niy gasi.

[broneknotgeld]

Kaplica Nojświyntszego Sakramyntu

Toż ze downych czasow familijo Górków
Zdo sie pomiyszkuje katedry kaplica
Dyć niy zaśpiywajom tu wiernym we chórku
Już se niy łosiejom nawet istnych lica.

[broneknotgeld]

Kaplica św Marcina

Łobroz ze legyndom Marcina znojdziecie
Co patronym tako Poznania na zowdy
Płotno namalowoł Boguszewski przecie
W siedymnostym wieku zrychtowoł - naprowdy.

[broneknotgeld]

Kaplica św Marcina

Łobroz ze legyndom Marcina znojdziecie
Co patronym tako Poznania na zowdy
Płotno namalowoł Boguszewski przecie
W siedymnostym wieku zrychtowoł - naprowdy.

Toż se niy dziwejcie co Wazow widzicie
Przeca i ze kunsztym idzie pofolgować
Ano - take zowdy już te nasze życie
Władza chce by cosik tyż łod sia jyj dować.

Gniezno

[broneknotgeld]

Historyjo uczy co te pra-Poloki
Tukej sie gnieździyli - to byli Gnieznoki.

[broneknotgeld]

Siedym gorek

Na siedmiu gorkach Gniezno powstało
Ciynżko je dzisioj zrachować
Ze Romom tyż sie przeca to stało
Jo sie już przestoł dziwować.

[broneknotgeld]

Gnieźniyńske jarmarki

Sztyry w roku jarmarki tu sie łodbywały
Dyć przez pora tydni łone sie kulały
Bez niych by niy było tukej za wesoło
Miasto przi tych torgach richtig dobrze stoło.

Wenecja

[broneknotgeld]

Wenecja

Toz do Wenecji teroz se blikom
Co spino aż czi jeziora
Możno przi tymu trocha porzykom
Bo z "djobelskego" tyż wora.

[broneknotgeld]

Djoboł Wenecki

Djoboł Wenecki - znocie istnego?
Pewno za dusza rzykocie jego.

[broneknotgeld]

Czi jeziora Wenecji

Biskupicke Wenecke i Skrzynka
Trza by tu pozyjmanić se kszynka.

Kalisz

[broneknotgeld]

Kalisz

Łoziymnoście wiekow ty szteli rachujom
Czy ze Rzymianami se tu tyż fajrujom?

[broneknotgeld]

Prosna

Kaj płynyła zowdy Prosna
Kalisz pedzioł - Tu wyrosna!

[broneknotgeld]

Na szlaku

Na starym szlaku co skiż jantaru
Kalisz niy zdowoł sie "nocnom marom".

[broneknotgeld]

Kaliskie Spotkania Tyjatralne

Z poczontkym maja tyjater kwitnie
Niy yno ciyngym kasztany
Czy na kaliski muster kto przitnie
Dlo Melpomyny nom ramy?

[broneknotgeld]

Starowka kalisko

Mozno to keregoś dziwo
Se Starowka w park tu zlywo
Dyć był przeca piyrwyj wdycki
Łogrod - tyn pojezuicki.

[broneknotgeld]

Już w XVI wieku

Juz w XVI wieku łogrody tu były
Kere sie ze czasym w piykny park zmiyniyły
Tako i do dzisioj Kalisza łokrasom
Bestoż blokowiska jakoweś niy straszom.

[broneknotgeld]

33 mosty

Prosna i kanały w kaliski dziedzinie
Bestoż tyż mostami ta sztela nom słynie.

[broneknotgeld]

Most Kamiynny 1824

Nojstarszy w Kaliszu
Spino brzegi Prosny
Że klasycystyczny
Toś na niym radosny.

[broneknotgeld]

Kalisz VIII.1914

Niymiecke kanony z ziymiom go zrownały
Jako sie podźwignońć mog ze tego cały?
W co pocisk niy trefioł to sie wypolyło
-Dziesiyńć razy myni ludzi potym żyło.

[broneknotgeld]

Łodbudowa 1919-1939

Ze gruzow se Kalisz podźwignoł łod nowa
We dwudziestoleciu wielko łodbudowa
Niywiela znojdziecie bestoż tu starszego
Dyć trza sie radować ze miasta "nowego".

[broneknotgeld]

Kościoł oo.Franciszkanow

Kościoł Franciszkanow kalisz ciyngym zdobi
Z czinostego wieku aże tako robi
Chocioż wiela razy przebudowywany
Przeca nim do dzisioj ku radości dany.

[broneknotgeld]

Głowny Rynek

W środku ratusz stanoł piyknie
Dziesiyńć ulic stond wyłazi
Kaliszowi tako styknie
Dyć gryfności nic niy skazi

Życie se tu ciyngym kulo
Latym zowdy jest muzyka
Toż niy byda przeca fuloł
Przijedź żdziybko se pobrykać.

[broneknotgeld]

Ratusz - 1925

Ano - z tym rokym wybudowany
Kalisz kurowoł wojynne rany
Dyć ratusz drapko na rynku stowio
Klasycystyczno szata mu sprowio.

[broneknotgeld]

Z ratuszowy wieży

Mom w portmaneju czi złote mniyj
Toż z wieży wołom - Kaliszu żyj!
I panoramom zochwycej swom!
-Za to co roku te złotki dom.

[broneknotgeld]

Festiwal "La Strada" w Kaliszu

Na ulicy z tym tyjater
Zowdy w czyrwcu rychtowany
Szumi ło tym ponoć wiater
Że co roku jest udany.

[broneknotgeld]

Piwnica Ratuszowo

"Złote udko" zjym, popija
Dobrym biyrym - wiym że żyja!

[broneknotgeld]

Piskorzewsko

Richtig ciynko jako piskorz
Piechty se tu yno wciskosz.

[broneknotgeld]

Zamkowa 1838

Tako na Zamkowy se Asnyk urodzioł
No i po ty drodze we młodości chodzioł.

[broneknotgeld]

Zamkowo

Jak jest Zamkowo - zamek być musi
Fundamyntami yno pokusi
Bo już łod downa go przeca niy ma
Zgorzoł tu piyrwyj - godo ta ziymia.

[broneknotgeld]

Złoto

Dzielnicom żydowskom kedyś se asiyła
Dyć jom skuli wojny na zowdy straciyła.

[broneknotgeld]

W dziewiytnostym wieku

Stolica guberni w tych czasach fest rosła
Do znaczynio tako dość wielkego doszła
Przemysł se rozwijoł kontrabanda tyż
Prusy cołkym blisko - przeca ło tym wiysz.

[broneknotgeld]

Katedra kalisko

Z czinostego wieku kościoł tukej stoł
Kery Mikołaja za patrona mioł
Wyrosnoł z gotykym choć muster miyniony
Czynsto po pożarach bywoł łodnowiony
Tako se w niym style roztomajte zloły
Dzisioj możno bydziesz ze tego wesoły.

[broneknotgeld]

Katedra gore! 1706

Ano - skiż pożaru aż wieża sraciyła
Nowo w neogotyk se już łobrociyła.

[broneknotgeld]

Katedra gore! 1973

"Zdjyńcie z krziża" se spolyło
Co Rubynsa pyndzla było
Toż zubozoł kościoł tako
Juz niy bydzie z tym jednako.

[broneknotgeld]

Kaplica "Pod Orłami"

Secesjom zdobiono kunsztym Tetmajera
Kery polichromio tukej wyrychtowoł
Zodziwio gryfnościom czowieka i teraz
Tyż witroż niyjedyn we pamiyńci stowo.

[broneknotgeld]

Nowy Rynek

Handlym i gyszeftym żyje
Ze tym wcale se niy kryje
Torg jest tukej cołki tydziyń
Witej gościu - na "dobry dziyń".

[ewars]

Witam,
nie umiem tak pięknie rymować, piszę więc prozą.
Wydaje mi się że zna i kocha Pan Kalisz, może więc pomoże mi Pan w
poszukiwaniach.
Bezskutecznie usiłuję się dowiedzieć czegoś o Kaliskiej Fabryce Lalek i
Zabawek, zamkniętej w 1920 roku.Należała do Adama Szajera vel Scheyera. Piszę
pracę i interesuje mnie wszystko o tej fabryce i jej właścicielu.Jeśli może mi
Pan pomóc to będę bardzo wdzięczna
pozdrawiam