Twierdze, zamki, pałace, dwory Opolszczyzny

broneknotgeld Re: Twierdze, zamki, pałace, dwory Opolszczyzny 15.12.06, 14:38

Możno sami coś wciepniecie
Idzie se poasić przecie.

broneknotgeld Brzeg 15.12.06, 14:39

Brzeg (XIV w.)

Brzeg - grod warowny w dziedzinie rośnie
Bolko świdnicki go stowio
Toż szkryflom ło tym tukej radośnie
Bo tyż uciechy Brzeg sprowio.

broneknotgeld Re: Brzeg 16.12.06, 09:21

Za Ludwika I (1358-1398)

Princ rozbudowoł tyn zamek wiela
Rezydyncyjo tako gryfnieje
Blyszczy kulturom z tym naszo sztela
Stolicom ksiynstwa - to prawiom dzieje.
- broneknotgeld Re: Brzeg 17.12.06, 16:24
  
  Komaskowie w Brzegu
  
  Tako rodzina ze Włoch tu działo
  Niyjedyn zamek przebudowali
  Renesans siyngo w Europa cało
  Ze woli princa Brzegowi dali.
  - broneknotgeld Re: Brzeg 18.12.06, 12:23
    
    Popiersia bramne
    
    Princ Jorgel II przodkow tu wsadzioł
    Popiersia krolow ksionzont piastowskich
    Mozno nikery by komus wadzioł
    Dyc ło kunszt idzie - w tym palec boski.
    - broneknotgeld Re: Brzeg 18.12.06, 12:27
      
      Gimnasium Illustre
      
      Jakuba Parra kunsztym dźwignione
      Ze woli princa we Brzegu blyszczy
      Ksiynstwo z tym bardzi jest łoświycone
      Sława niy yno na Ślonsku zyszczy.
      - broneknotgeld Re: Brzeg 20.12.06, 18:46
        
        "Ślonski Wawel" w ruinie
        
        Przi starym Frycu źle se tu dzioło
        Toż yno karczma i magazyny
        Niyjedyn płakoł bo niywesoło
        Zoglondać prziszło na te ruiny.
        
        broneknotgeld Re: Brzeg 21.12.06, 02:41
        
        Kościoł św. jadwigi 1945
        
        Ano - zaś zniszczony
        We ruinie dugo
        Dyć już restaurowany
        Radośnie nom mrugo.
        
        broneknotgeld Re: Brzeg 21.12.06, 14:09
        
        Najazd poetow na zameK Piastow ślonskich
        
        Co roku zamek tyn najyżdżajom
        Ci kierzy słowu nojbardzi pszajom
        Brzyg jak za Piastow kulturom blyszczy
        Tako dlo Ślonska wiela z tym zyszczy.
- broneknotgeld Biechów 21.12.06, 07:52
  
  Biechow
  
  Za Nysom tyn Biechow znojdziecie
  Se werci zoglondnońć tam przecie.
  - broneknotgeld Re: Biechów 21.12.06, 19:06
    
    Familijo von Hoditz
    
    Toż z dziedzicami durs se myniyło
    Czy dlo Biechowa dobrze to było?
  - broneknotgeld Re: Biechów 21.12.06, 19:14
    
    Familijo von Hoditz
    
    Toż z dziedzicami durs se myniyło
    Czy dlo Biechowa dobrze to było?
    - broneknotgeld Re: Biechów 26.12.06, 13:29
      
      Antonina von Montbach
      
      Biechow se spoloł - dziedziczka choro
      Toż wszysko poszło na zatrocynie
      Ciynżko żyć teroz z utropy porom?
      Śmierć sie wydowo jak ukojynie
      
      Toż i pomarła nom Antonina
      Bić se z chorobom jakby niy chciało
      Blado i zimno cołkym jyj mina
      To yno Śmiertka uradowało.
      - broneknotgeld Re: Biechów 26.12.06, 13:30
        
        Kaplica grobowo
        
        Przi pałacu tako majom
        Dlo Matuschkow familiji
        Toż ło przodkach pamiyntajom
        Z tym niy może być mecyji.
        
        broneknotgeld Re: Biechów 26.12.06, 13:31
        
        Ze Topolczan
        
        Z morawskich Topolczan Matuschki tu prziszli
        We szesnostym wieku na tyn Ślonzek ciśli.
  - broneknotgeld Dobra 22.12.06, 22:19
    
    Dobra (połowa XVIII w.)
    
    Pałac se postawioł tukej radca dworu
    Dzisioj za siedziba słuzy ponoć zmorom
    W nocy strach se wybrać - tego ci niy radza
    Styknie co se rymow ździybko tukej wsadza.
    - broneknotgeld Re: Dobra 23.12.06, 00:17
      
      Ernest von Seherr-Thoss
      
      Przez poł wieku Dobrom Ernest reskiyrowoł
      Syn łod Leopolda - przeca ło tym wiycie
      Pod Jynom za Prusy tyn istny wojowoł
      Dyć w spokoju skończoł tukej swoje życie.
      - broneknotgeld Re: Dobra 23.12.06, 13:25
        
        Pałac blyszczy (połowa XIX wieku)
        
        Toż przebudowany pałac w ty dziedzinie
        Mustrym Gottgetrena neogotyk nosi
        Chnetko za sto rokow świytność jego minie
        Dyć przeca w tym czasie aż uwogi prosi.
        
        broneknotgeld Re: Dobra 23.12.06, 13:50
        
        Szwajcarski hotelik
        
        To ci dziedzina - hotelik w parku
        Grof richtig głowa miywoł na karku.
        
        broneknotgeld Re: Dobra 23.12.06, 17:57
        
        Wieża zamkowo (1943)
        
        Ech - ciyngym widza tukej dziedziczka
        Zaroz se ciepnie z wysoka w doł
        Mo strach w łoczach i blade liczka
        Zdo mi sie jakbych przi tymu boł
        
        Ło synow dyć już niy musi strachać
        We Hameryce u familiji
        Jako z Gestapo jednak se lachać?
        Tako tu doszło do tragedyji.
        
        broneknotgeld Re: Dobra 23.12.06, 17:57
        
        W łokna pałacu
        
        W łokna pałacu strach wejrzeć nocom
        Bo chocioż puste cosik w nich blysko
        Aże mi rynce sie zaroz pocom
        Grafini Muriel ciyngym tu miyszko?
  - broneknotgeld Dabrówka Górna 24.12.06, 20:42
    
    Dombrowka Gorno (1100)
    
    Kaj brod na Odrze zamek już stoł
    Bronić przeprawy już wtedy mioł
    Historiom zocno tako dziedzina
    Toż i jo przeca jyj niy łomina.
    - broneknotgeld Re: Dabrówka Górna 24.12.06, 20:43
      
      Dombrowka Gorno (1490)
      
      Tako Rogoyscy erbli dziedzina
      Wiela płaciyli niy powiym
      Zocno to richtig była rodzina?
      Cosik ło istnych se dowiym?
      - broneknotgeld Re: Dabrówka Górna 26.12.06, 13:08
        
        Herb Rogoyskich
        
        Czerwony jelyń skoko se piyknie
        Na strzybny tarczy - szkryfnońć wystyknie.
        
        broneknotgeld Re: Dabrówka Górna 29.12.06, 20:47
        
        Za Fryca Wielkego
        
        Toż za Fryca tu utropa
        Se Rogoyscy wykludziyli
        Niy ściyrpieli Prus i chopa
        W Galicyji tako żyli.
        
        broneknotgeld Re: Dabrówka Górna 29.12.06, 20:58
        
        Pałac (1907-1909)
        
        Toż dwor we pałac w tych rokach rośnie
        Krasi Dombrowka - szkryfna radośnie
        Przeca i dzisioj cieszy nom łoko
        Ze gryfnom wieżom - aż dusza skoko.
        
        broneknotgeld Re: Dabrówka Górna 01.01.07, 23:44
        
        Gotfryd von Teichmann-Logisch
        
        Wzioł grog za ślubno se szauszpilera
        Muter mu niy darowała
        Chocioż pierońsko brała cholera
        Dyć we pałacu jom miała.
  - broneknotgeld Rożnów 01.02.07, 20:12
    
    Rożnów - Rosen
    
    "Rosen" - miano z rołzow przeca
    Toz przed wojnom richtig było
    Bestoż tako wom ukleca
    Co we Polsce - se straciyło.
    - broneknotgeld Re: Rożnów 01.02.07, 20:13
      
      Rożnow XVIII w.
      
      Rożnow podzielony
      Tref tyż tako plecie
      Choć dziedzina znomy
      Niy szkryfnymy przecie.
- broneknotgeld Dąbrowa Niemodlińska 02.01.07, 21:50
  
  W XIV wieku
  
  W sztyrnostym wieku trzimiom Dombrowa
  Ci ze krziżami - ło istnych mowa
  Kerych tyż zwali joannitami
  Jerozolima tu ich niy mami.
  - broneknotgeld Re: Dąbrowa Niemodlińska 02.01.07, 21:53
    
    "Czeczow" (XIV w.)
    
    Ślonsko familijo tako piyrwyj zwom
    Bestoż jo i "Czechow" teroz w gowie mom.
    - broneknotgeld Re: Dąbrowa Niemodlińska 02.01.07, 21:55
      
      Joachim von Tschetschau-Mettich
      
      Trza miec w pamiyńci tedo dziedzica
      Przeca łon pałac tub wybudowoł
      Tako łokrasioł ta okolica
      Joachim we niym dynkmal se stowioł.
      - broneknotgeld Re: Dąbrowa Niemodlińska 03.01.07, 21:49
        
        Von Larischow
        
        Ano - familijo nowo
        Se raduje tom Dombrowom.
  - broneknotgeld Frączków 05.01.07, 23:56
    
    "Franczigsdorf" (1365)
    
    We historyjo wioska wpisano
    Chocioż pomiyni se jeji miano.
    - broneknotgeld Re: Frączków 06.01.07, 18:39
      
      "Franzdorf"
      
      Miano ze czasym tako zmiyniyli
      Przeca łod Fryca we Prusach żyli.
      - broneknotgeld Re: Frączków 06.01.07, 18:59
        
        A po wojnie
        
        A po wojnie co sie dzioło?
        PGR mioł tu wesoło?
        Dyć pałacu niy zniszczyli
        Chocioż wiela pomiyniyli.
        
        broneknotgeld Re: Frączków 06.01.07, 19:07
        
        We środku
        
        We środku pałac przeca tyż dziwo
        Wiela łostało - gowom ktoś kiwo
        Na to jak grofy piyrwyj tu żyli
        Bogactwa przeca wcale niy kryli.
  - broneknotgeld Jędrzejów 07.01.07, 10:53
    
    Jyndrzejow
    
    W sztyrnostym wieku sztela już była
    Choć historyjo jakby jom skryła.
    - broneknotgeld Re: Jędrzejów 07.01.07, 11:34
      
      Jyndrzejow XVIII w.
      
      Von Gilgenheimby - ci ze Biechowa
      Jyndrzejow czimiom - jejich w tym gowa
      Jako i inksze dziedziny tako
      Jelyń herbowy przeca niy płako
      Yno se trowa sskubie spokojnie
      Toż rod rycerski żyje dostojnie.
      - broneknotgeld Re: Jędrzejów 07.01.07, 11:41
        
        Herb familiji von Francken-Sierstorpff
        
        Czego to niy ma we herbie grafow
        Pominońć cosik - nachytać gafow
        
        Na wielko tarcza mało wrażono
        Tako na dwoje przeca dzielono
        Wiyrchym se orłym asi nom ślonskim
        Dołym pokrono jakby w trzi konski
        Środkowy strzybny a gora-doł
        Czorne - to przeca wiy nawet woł
        
        Teroz ło wielki szkryfnońć mi trza
        Na sztyry dzieli se tarcza - ja
        
        Dwa jasnomodre ze pasym złotym
        Z gory korona - toż niy gupoty
        Ze doły wzgorza juzaś se złocom
        Czy dlo korony łone pomocom?
        
        Dwa inksze pola tyż trza łopisać
        By zaroz nudli na tym niy wiyszać
        
        Ano - czerwone z pasym na skos
        Kery sie strzybrzy jak ołpy włos
        A na niym asty zielone som
        Toż tako ze tym fertig już mom.
        -
        Ruda Śląska - stolica fraszki
  - broneknotgeld Głogówek 07.01.07, 18:38
    
    Głogowek 1250
    
    Princ ze Opola zamek tu stowio
    Głogowek dźwigo tym przeca
    Cołki dziedzinie radości sprowio
    Bestoż tyn rym dzisioj kleca.
    - broneknotgeld Re: Głogówek 07.01.07, 18:48
      
      Głogowek 1561
      
      Przi Oppersdorffach już jest dziedzina
      Bydzie przełazić z łojca na syna.
      - broneknotgeld Re: Głogówek 10.01.07, 17:16
        
        Herb reichsgrafow von Oppersdorff
        
        Do ryncow, głow orła
        doszło co ze miasta
        Winogron ze siyrpym
        dyć na tym niy basta
        Tarcza w srodku teroz
        z kajzerowskim ptokym
        Kto przeca reichsgrofym
        tyn niy jest borokym.
        
        broneknotgeld Re: Głogówek 10.01.07, 17:17
        
        Zamek Dolny i Gorny
        
        Z nich podkowa - dziedziniec pomyndzy
        Potrza na to tyż było piniyndzy
        Dyć tych grofy niy pożałowali
        Wiela inksi se im dziwowali..
        
        broneknotgeld Re: Głogówek 11.01.07, 20:23
        
        Gościnny zamek
        
        Grofy i krolow tukej gościyli
        I ludzie kunsztu tyż se trefiyli
        Toż niy dziwota - blyszczy dziedzina
        Z tym Oppersdorffow tako rodzina.
        
        broneknotgeld Re: Głogówek 11.01.07, 20:34
        
        Muzeum Regionalne
        
        Wojny światowe przetrzimoł zamek
        Toż mury jego ciyngym te same
        Dzisioj muzeum we czyńści momy
        Z tym historyjo tyż lepi znomy.
        
        broneknotgeld Re: Głogówek 11.01.07, 20:49
        
        W zamkowy baszcie
        
        Etnografijo w baszcie zamkowy
        Ano - se tukej tymu dziwujcie
        Dlo Oppersdorffow koncept to nowy?
        Dyć take czasy - toż forsztelujcie.
        
        broneknotgeld Re: Głogówek 11.01.07, 22:44
        
        Oppersdorffy wedle legyndy
        
        Ze Szwajcarji przez Austryjo
        Prziszła na Ślonsk familijo
        Kery idzie se dziwować
        I wysoko richtig stowiać.
        
        broneknotgeld Re: Głogówek 11.01.07, 22:46
        
        Wpiyrw wele Oławy
        
        Wiela ziymi mieli wpiyrw wele Oławy
        Gać im dokłodała splyndoru i sławy
        Tako familijo łobrosto w majontki
        Ślonsk, Czechy, Morawy - wszyndy jeji kontki.
        
        broneknotgeld Re: Głogówek 12.01.07, 20:30
        
        Grofy von Oppersdorff
        
        Na Gornym Ślonsku, w Czechach, Morawach
        Dziedziny majom - we tym ich sprawa
        Tako trza szkryfnońć co trzi linije
        Ze jedny wiedom se familije.
    - broneknotgeld Korfantów 13.01.07, 16:37
      
      "Fridland"
      
      Ze Fridlandu Korfantow tyn momy
      Przeca miano downiejsze tyż znomy.
      - broneknotgeld Re: Korfantów 13.01.07, 16:38
        
        W XVII wieku
        
        W siedymnostym wieku Redernow majontek
        Niy łostatni rod to co trzimoł tyn kontek.
        
        broneknotgeld Re: Korfantów 13.01.07, 20:21
        
        W XVIII wieku
        
        Pałac już przebudowany
        I park piykny zrychtowany
        Toż dziedzice se radujom
        Gryfnośc gorom - forsztelujom.
        
        broneknotgeld Re: Korfantów 14.01.07, 15:35
        
        Von Burghausy
        
        Von Burghausy zamkom pszoli
        Tako Ślonzek ło tym wiedzioł
        "Trza by rod tyn wiela chwolić"
        -Roz historyk mi powiedzioł.
        
        broneknotgeld Re: Korfantów 15.01.07, 20:42
        
        Sanatorium w pałacu
        
        Z gnatami utropa - tu podkurowali
        Jakosik trza było żyć ci przeca dali.
    - broneknotgeld Izbicko 13.01.07, 20:25
      
      Izbicko 1295
      
      Toż wioska tukej już przeca była
      Rokow jyj tako rachować siyła
      Dyć szkryfnońć moga wom małowiela
      Bo ło pałacu przeca ta sztela.
      - broneknotgeld Re: Izbicko 15.01.07, 20:15
        
        Herb Strachwitzow
        
        Na czerwony tarczy czorno głowa dzika
        Kłami w strzybrze blysko - toż trza mi już zmykać.
        
        broneknotgeld Re: Izbicko 15.01.07, 20:48
        
        Pałac w XIX wieku
        
        Izbicki pałac przebudowali
        Dyć go za wiela niy pozmiyniali.
        
        broneknotgeld Re: Izbicko 15.01.07, 21:04
        
        Po wojnie
        
        Wpiyrw tu Liceum Rolnicze majom
        Potym Technikum jest Hodowlane
        Tako gowiedzi w Izbicku pszajom
        Jak byk zaryczy tu majom ranek.
    - broneknotgeld Kamień Śląski 16.01.07, 19:21
      
      Kamiyń Ślonski 1104
      
      Grod Krziwoustego już se tukej stoł
      Piast na ślonske ziymie przeca pozor doł.
      - broneknotgeld Re: Kamień Śląski 16.01.07, 19:24
        
        Kamiyń Ślonski 1591
        
        Mikołoj Strzela tyn Kamiyń chycioł
        Dyć niy na długo tref tako klycioł.
        
        broneknotgeld Re: Kamień Śląski 16.01.07, 19:34
        
        Wacław Kaldenborn
        
        Mo we niym kamiyń tako dziedzica
        Czy ze tym zmiyni se okolica?
        
        broneknotgeld Re: Kamień Śląski 16.01.07, 19:49
        
        Magdalyna Engelburg von Larisch
        
        Grafini pogożno - rzyko do świyntego
        Toż Jacek-Hiacynt tukej był rodzony
        Tako se niy dziwcie terozki ze tego
        Że jyj pałac zdo sie być dlo Niego domym.
        
        broneknotgeld Re: Kamień Śląski 17.01.07, 20:26
        
        Hiacynt von Strachwitz (1858)
        
        Ano - z niym pałac przebudowany
        Trza wspomnieć go tyż i tako
        Na wiela rokow ciyngym nom dany
        Choć czasym ktoś bydzie płakoł.
        
        broneknotgeld Re: Kamień Śląski 17.01.07, 20:39
        
        Dom Dziecka
        
        Upaństwowiony bajtlom już służy
        Chocioż tym grofom tref życie burzy
        Śmiych dzieci szczyńście niesie dziedzinie
        Dyć to ze czasym tyż tukej minie.
        
        broneknotgeld Re: Kamień Śląski 17.01.07, 20:53
        
        Łodbudowa 1990-1994
        
        Kurio Biskupio zgliszcze kupuje
        Tako i pałac łodbudowuje
        Świyntego Jacka zaś w niym kaplica
        Ołtorz jyj erbli w Siestrzechowicach.
    - broneknotgeld Krapkowice 18.01.07, 19:51
      
      Krapkowice 1294
      
      Princ opolski krapkowicom prawa miejske dowoł
      Pewno piyrwyj już w tym grodzie na zamku se stowoł.
      - broneknotgeld Re: Krapkowice 18.01.07, 19:52
        
        Krapkowice 29.IX.1582
        
        Cysorz Rudolf sprzedoł miasto i zamek grafowi
        Se mieszczany dziwowali teroz Roedernowi
        Dyć trzi roki chnet przełażom - tref pechowo ściele
        Jan Joachim głowa kładzie na wieki w kościele.
        
        broneknotgeld Re: Krapkowice 18.01.07, 19:53
        
        Łodbudowali
        
        Roederny zamek łodbudowali
        I Krapkowicom pomrzić niy dali
        Dyć to co piyrwyj se niy wrociyło
        Jakosik myni wszyskego było.
        
        broneknotgeld Re: Krapkowice 18.01.07, 19:58
        
        Herb familiji von Haugwitz
        
        Na czerwony tarczy czorno głowa tryka
        Rogi jego złote - toz niy trza go tykać.
        
        broneknotgeld Re: Krapkowice 21.01.07, 23:01
        
        Karol Wilhelm von Haugwitz (1769)
        
        Z tym rokym grof Haugwitz kupioł Krapkowice
        Piyrwyj ze Bykowa wele Oleśnice
        Po Roedernach tako se trzimie dziedzina
        Dyć we końcu pomarł - łostawioł dlo syna.
        
        broneknotgeld Re: Krapkowice 22.01.07, 19:26
        
        Niy dbali?
        
        Ło krapkowicki zamek niy dbali?
        Po lazarycie co tukej dali?
        Manufaktura po prowdzie była
        Kero dlo Ślonska sukno robiyła.
        
        broneknotgeld Re: Krapkowice 22.01.07, 19:36
        
        Krapkowice 1888
        
        Zamek wyremontowany
        Za siedziba rodu dany
        Dyć już pewno ło tym wiycie
        Kończom ślonske se Haugwitze.
        
        broneknotgeld Re: Krapkowice 23.01.07, 17:47
        
        Po wojnie
        
        Ano - przez wojna zamek podupod
        Uciyrpioł wiela dyć niy skiż gupot
        W końcu go przeca tu remontujom
        Niychej se inksi tymu dziwujom.
      - broneknotgeld Otmęt 23.01.07, 17:59
        
        Otmynt
        
        W średniowieczu Strzele tyn Otmynt trzimali
        Pewnikym już łoni zamek zbajstlowali.
        
        broneknotgeld Re: Otmęt 24.01.07, 18:17
        
        Strzałowie herbu Kotwicz
        
        Z Gornego Ślonska rod w Polsce znany
        Niyjedyn konsek ziymi im dany.
        
        broneknotgeld Re: Otmęt 24.01.07, 18:21
        
        Barbara von Kolditz
        
        Dowo ślubno Łukaszowi
        Sztyrech synow- toż ród zdobi
        A do tego tyż dwie cery
        Czy szczyńśliwszy fater kery?
        
        broneknotgeld Re: Otmęt 24.01.07, 18:22
        
        Joachim Buchta Bilicki
        
        Siedymdziesiont rokow łon Otmyntu panym
        Nawet ździybko wiyncy - "hok" tyż jymu dany.
        
        broneknotgeld Re: Otmęt 25.01.07, 17:32
        
        Buchty herbu Odrowonż
        
        Rycerz morawski bioł se z poganym
        Wons z konskym gymby dyć łoderwany
        Łostoł mu tako we rynce potym
        Z tym znak herbowy - to niy gupoty.
        
        broneknotgeld Re: Otmęt 25.01.07, 17:33
        
        Otmynt 1608
        
        Pomarł Joachim - Otmynt w żałobie
        Ślubno przi jego stoji se grobie.
        
        broneknotgeld Re: Otmęt 25.01.07, 17:37
        
        Tymplariuszy?
        
        W trzinostym wieku tu se kryńciyli
        Dyć czy panami Otmyntu byli?
        Zdo sie legyndom to yno przeca
        Tako trza wrazić do tego neca.
        
        broneknotgeld Re: Otmęt 25.01.07, 17:38
        
        Zamek w XIX wieku
        
        Już widać co zamek se tukej zatracioł
        Grofow czynsto miynioł no i niy bogacioł.
      - broneknotgeld Karczów 26.01.07, 19:36
        
        Schenewicz-Schoenwitz-Karczów
        
        Toż se zmiyniało miano ty szteli
        Chocioż niy wszyscy tego tu chcieli.
        
        broneknotgeld Re: Karczów 26.01.07, 19:38
        
        Fryderyk Leonard Konrad von Tschirsky (1785)
        
        Jorgel pomarł - teroz tako
        Pasiyrb tukej gospodorzy
        Z dworym bydzie niyjednako
        Zdo sie - Karczow wiyncy woży.
        
        broneknotgeld Re: Karczów 26.01.07, 19:40
        
        Karczow 1818
        
        Major von Arnstead chycioł dziedzina
        Tako niy przyńdzie z łojca na syna.
        
        broneknotgeld Re: Karczów 26.01.07, 19:56
        
        Już Webera (1859)
        
        Tako Karczow już Webera
        Fach u niego durś ryntiera
        Na trzi roki w ty dziedzinie
        Toż czas jego drapko minie.
        
        broneknotgeld Re: Karczów 27.01.07, 11:42
        
        Fryderyk von Wichelhaus
        
        Pon na Naroku i Skarbinowie
        Dlo syna kupioł majontek
        Zdo sie bogaty ze niego człowiek
        Wiela doł marek za kontek.
        
        broneknotgeld Re: Karczów 27.01.07, 11:56
        
        Kriukow +7.XII.1941+
        
        Zginoł na froncie Bernard we zima
        Tako w Karczowie istnego ni ma.
        
        broneknotgeld Re: Karczów 27.01.07, 11:59
        
        Po wojnie
        
        Po wojnie pałac ty ziymi służy
        Choć na państwowym ciynżko mu użyć
        Dyć se niy stracioł - ciyngym w Karczowie
        Łoko niym cieszy tu zocny człowiek.
  - broneknotgeld Kopice 28.01.07, 10:58
    
    Kopice
    
    Pod Grodkowym te Kopice
    Ło tym dyć pewnikym wiycie.
    - broneknotgeld Re: Kopice 28.01.07, 11:00
      
      Kanonika Baltazara von Neckerna (1531)
      
      Kanonik katedry ze Wrocka
      W Kopicach niyjedna był nocka
      Choć na mszo daleko mu jechać
      Majontek tyż przeca pociecha.
      - broneknotgeld Re: Kopice 28.01.07, 11:02
        
        Hynryk Kaspar von Sierstorpff (1783)
        
        Tyn grof - se wcale to niy wydowo
        Jaky łod nowa pałac zbudowoł
        Z Opola Rudolpf kunsztym wzbogacioł
        Ze klasycyzmym przeca niy stracioł.
        
        broneknotgeld Re: Kopice 28.01.07, 22:21
        
        "Pałac na wodzie"
        
        Wele trzech stawow we epnym parku
        Blyszczoł se pałac łod tych co karku
        Zegnońć dlo biydnych niy żałowali
        Choć we Kopicach "cud" zrychtowali.
        
        broneknotgeld Re: Kopice 29.01.07, 19:27
        
        Kopicko palmiarnio
        
        Palmow i inkszych drzew z ciepłych krajow
        Tela wielgachnych tu rosło
        Że ci sie zdało jakbyś był w raju
        Ech - na zatrata dyć poszło.
    - broneknotgeld Minkowskie 30.01.07, 21:45
      
      Minkowskie Daniela Hessa
      
      Niym te Prusy Ślonsk podbiyły
      Te dziedziny Hessa były
      Mioł tu dwor i folwark tako
      Przi Austryji Hess niy płakoł.
      - broneknotgeld Re: Minkowskie 30.01.07, 21:46
        
        Niy doczkoł (+1773+)
        
        Niym pałac fertif wojok umiyro
        Ze lauby jeszcze yno zaziyro
        Na to co chnetko dokończom piyknie
        Tela radości dyć mu wystyknie.
        
        broneknotgeld Re: Minkowskie 30.01.07, 21:47
        
        Graf von Henneberg
        
        Cera łod Seidlitza majontek sprzedała
        Toż Hennebergowi sztela sztimowała.
        
        broneknotgeld Re: Minkowskie 30.01.07, 21:49
        
        Karol Aleksander von Wartensleben (1851)
        
        Łod Prittwitza kupioł tyn istny dziedzina
        Co piyrwyj Seidlitza raduje mu mina.
        
        broneknotgeld Re: Minkowskie 30.01.07, 21:50
        
        Pałac dzisioj
        
        Ciyngym stoji - krasi sztela
        Choć mo rokow richtig wiela.
    - broneknotgeld Łubowice 31.01.07, 16:54
      
      Łubowice
      
      Wele Odry na gorce piyrwyj pałac stoł
      To co se łostało kto by dzisioj chcioł?
      - broneknotgeld Re: Łubowice 31.01.07, 16:56
        
        Eichendorffy
        
        Z Zerbow w Brandynburgji na Ślonzek se kludzom
        W siedymnostym wieku przeca tukej budzom.
    - broneknotgeld Rożnów 03.02.07, 11:26
      
      Rożnów - Rosen
      
      "Rosen" - miano z rołzow przeca
      Toz przed wojnom richtig było
      Bestoż tako wom ukleca
      Co we Polsce - se straciyło.
      - broneknotgeld Re: Rożnów 03.02.07, 19:48
        
        Rożnow XVIII w.
        
        Rożnow podzielony
        Tref tyż tako plecie
        Choć dziedzina znomy
        Niy szkryfnymy przecie.
        
        broneknotgeld Re: Rożnów 03.02.07, 19:49
        
        Rod von Ebenow
        
        Familijo to "bojowo"
        Kożdy ze niyj w wojsku stowo?
        Generałow wiela mieli
        Von Ebeny tako chcieli.
broneknotgeld Moszna 16.12.06, 09:48

Zamek w Mosznej

Tiele-Wincklerow to był zakontek
Tako perełka jak nad Loarom
Mioł blyszczeć przeca ślonski majontek
Graf sie już ło to dobrze postaroł

Kajzer tu z Franckym lubioł polować
Bo lasy pełne były zwierzyny
Zamek gryfniejszy chcioł durś sie stować
Blyszczeć bogactwym naszy dziedziny

Dzisioj mosz forsa - tyż tu przikulej
By wykurować se słabe nerwy
Przidziesz do zdrowia ale niy fulej
Groszym trza sypnońć by nabrać werwy.

• Re: Moszna
broneknotgeld 26.10.03, 16:19 + odpowiedz

W Mosznie

W Mosznie se idzie tyż porajtować
Piyknym habetom se podziwować
Kere podobno som pełnyj krwi
Co kożdy koniorz przeca tu wiy.
- broneknotgeld Re: Moszna 03.02.07, 19:44
  
  Ze Opola
  
  Ze Opola do Moszny wybier se w niydziela
  Łoczy tu napasiesz - przeca cudno sztela.
  - broneknotgeld Re: Moszna 03.02.07, 19:46
    
    W Mosznyj
    
    W Mosznyj se idzie tyż porajtować
    Piyknym habetom se podziwować
    Kere podobno som pełnyj krwi
    Co kożdy koniorz przeca tu wiy.
    
    --
    Zamek w Moszny
    
    Toż ty dziedziny perełka tako
    Z radości możno byś nawet płakoł
    Bo zdo sie dziwym ze bajki zocny
    Czy princ zbajstlowoł go jakiś mocny?
    A możno wianym gryfny freliczki
    Ech - aże potrza mi teroz ryczki
    Bych se mog zicnońć i podziwować
    Dyć ponoć potym niy chce sie stować.
    - broneknotgeld Re: Moszna 03.02.07, 19:59
      
      Stary pałac 1863
      
      Hubert Thiele-Winckler kupioł pałac w Mosznyj
      Dyć jeszcze był mały no i barokowy
      Zmiynio se niy skuli nowiny radosny
      Dyć tako trefiyło co stanoł chnet nowy.
      - broneknotgeld Re: Moszna 03.02.07, 20:03
        
        Kanały w Mosznyj
        
        Piyrwyj radości wiela z nich było
        Dzisioj se tako nawet niy śniyło
        Łodkom żeś zwiydzoł ty Mosznyj stawy
        Było przi zamku wiyncy zabawy.
        
        broneknotgeld Re: Moszna 04.02.07, 12:49
        
        Park w Mosznyj
        
        Alejki do lasu nos tukej wywiedom
        Piyrwyj już to było i dzisioj tyż tako
        Dyć przeca cie zbojcom zarozki niy sprzedom
        Kajś se potraciyli toż żodyn niy płako.
        
        broneknotgeld Re: Moszna 04.02.07, 12:51
        
        Herb Thiele
        
        We modrym polu na rynka zbroja
        Tako trzi rołzy - żodno niy moja.
- broneknotgeld Namysłów 04.02.07, 13:07
  
  "Nametzlof"
  
  Niychej wspomni teroz głowa
  Take miano Namysłowa.
  - broneknotgeld Re: Namysłów 04.02.07, 13:08
    
    Namysłów 1040
    
    Wedle tradycyji tako ło tym prawiom
    Dzieje Namysłowa z tym rokym se jawiom
    A że grod graniczny zdo sie bardzi zocny
    Z czasym mury dońdom i zamek fest mocny.
    - broneknotgeld Re: Namysłów 05.02.07, 19:22
      
      Namysłow 1293
      
      Konrad oleśnicki teroz w Namysłowie
      Na zamku tu władzom a niy inkszy człowiek.
      - broneknotgeld Re: Namysłów 05.02.07, 19:23
        
        Namysłow 1360
        
        Ano - trza szkryfnońć ło tym radośnie
        Zamek wielgachny tu teroz rośnie
        Ze woli krola łon murowany
        Dziedzinie tako w obrona dany.
        
        broneknotgeld Re: Namysłów 05.02.07, 19:24
        
        Namysłow 1461
        
        Chocioż tron czeski ciyngym se kiwo
        Wrocek Namysłow jednak zdobywo.
        
        broneknotgeld Re: Namysłów 05.02.07, 19:43
        
        Przez wojna trzidziestoletnio
        
        Roz łod Szwedow - roz cysorza
        Skiż ty wojny traci wiela
        Rymym tego niy pokoża
        Jak przi tymu ciyrpi sztela.
        --
        
        Namysłow 1657
        
        Po wojnie Namysłow zaś se tako dźwigo
        Mury łodnowione zamek połotany
        Twierdza aże tako we łoczach nom migo
        Czy tref niyzdobyty bydzie jyj tyż dany?
        --
        
        Namysłow 1676
        
        Wrocławiany joannitom zamek przekozali
        Czy se bydom Namysłowym fest łopiekowali?
        
        broneknotgeld Re: Namysłów 05.02.07, 20:02
        
        We piyrszo wojna ślonsko
        
        We wojna ślonsko był łoblygany
        Dessau se mynczoł yno trzi dni
        Kapitulowoł Goetz tu przegrany
        Austrio niy wygro ty wojny, niy.
        --
        
        Namysłowski zamek w Prusach
        
        Podupodo zamek w Prusach?
        Magazyny - szkryfnońć musza
        Tako kasa tyż wojskowo
        Joannitom być niyzdrowo
        Bo se zakon tukej straci
        A starosta ubogaci.
        --
        
        Herb joannitow
        
        Strzybny krziż maltański na tarczy czerwony
        Aż ośmioszpicaty - tako rozwidlony
        Osiym błogosławiyństw przeca łobrazuje
        To niy joannita yno forszteluje.
        
        broneknotgeld Re: Namysłów 05.02.07, 20:08
        
        Zamkowo studnia (1600)
        
        Toż ta studnia ciyngym stoji
        W maszkarony durś se stroji
        Na klumnach baldach mo
        Mokre dzisioj jeji dno?
  - broneknotgeld Narok 05.02.07, 22:17
    
    "Naroć"
    
    "Naroć" - tela co danina
    Płać choć przi tym kwaśno mina.
    - broneknotgeld Re: Narok 06.02.07, 17:33
      
      Von Beessow XVII-XVIII w.
      
      W Beessow familiji zocny
      Narok stowo se dość mocny
      Dwor wyrosnoł przi folwarku
      Majom głowy dyć na karku.
      - broneknotgeld Re: Narok 06.02.07, 17:52
        
        Narok 1783
        
        Major von Sauerma już Narok kupuje
        Tyn co w sadowicach tyż gospodaruje
        Toż niy w ryncach Beessow - miyniom se dziedzice
        Roztomajte przidom - pewnikym to wiycie.
        
        broneknotgeld Re: Narok 06.02.07, 17:53
        
        43 170 talarow (1858)
        
        Tela yno potrza by se Narok kupić
        Tonio - dyć go niy szło przeca wiyncy łupić
        Yno coby kwitnoł geld jeszcze dołożyć
        Szczyńściym chcioł se na to jednak ktosik wożyć.
        
        broneknotgeld Re: Narok 06.02.07, 22:56
        
        Fredrich von Wichelhaus
        
        Richtig drapko leci czasym życio wajzer
        Tako już uszlachcioł Wichelhausa kajzer
        Bo wiedzioł w Berlinie co łon region dźwigoł
        Werciyło se mynczyć choć niyjedyn migoł.
        
        broneknotgeld Re: Narok 07.02.07, 19:15
        
        Fryc von Wichelhaus 1919
        
        Pomarł Fryderyk - Fritz mo dziedzina
        Toż przeczoł Narok z łojca na syna.
        
        broneknotgeld Re: Narok 07.02.07, 19:16
        
        Narok I.1945
        
        Se Wichelhausy z Naroku kludzom
        Front drapko tyndy przekuloł
        Ruski pałacu tyż niy łobudzom
        Toż bych wos yno łofuloł.
        
        broneknotgeld Re: Narok 07.02.07, 19:48
        
        Na miyszkania
        
        Na miyszkania PGRu "rozparcelowali"
        Dyć co yno poniymiecke tymu mało pszali.
    - broneknotgeld Niemodlin 07.02.07, 19:49
      
      Niymodlin
      
      Na prawie niymieckim niy był lokowany
      Toż słowiańskim mustrym do dzisioj nom dany.
      - broneknotgeld Re: Niemodlin 07.02.07, 19:52
        
        Niymodlin gore! (1552)
        
        Ech - ze tym richtig wielko utropa
        Zgoroł Niymodlin zdo sie w cołkosci
        Ślintanie słychać baby i chopa
        Dyć trza se bydzie zebrać do gorści.
        
        broneknotgeld Re: Niemodlin 08.02.07, 19:12
        
        We wojnie trzidziestoletni
        
        Szwedy łoblygali go aże dwa razy
        Toż juzaś ruiny zdowoł se łobrazym.
        
        broneknotgeld Re: Niemodlin 08.02.07, 19:13
        
        Niymodliński park
        
        Park wele zamku zdowoł sie mały
        Dyć przeca gryfnie wyglondoł cały.
        
        broneknotgeld Re: Niemodlin 08.02.07, 19:13
        
        Herb von Praschmow
        
        Ze konskym czachy rogi jelynia
        Złocom se w modrym - tako nadmiynia.
        
        broneknotgeld Re: Niemodlin 10.02.07, 13:30
        
        Po 1945
        
        Ano po wojnie Polska tu momy
        Teroz liceum w pałacu
        No i niszczeje - to przeca znomy
        Słono te mury zapłacom.
- broneknotgeld Nysa 08.02.07, 19:15
  
  Nysa XI w.
  
  W jedynostym wieku na handlu wyrosła
  Tako do znaczynio drapko tukej doszła.
  - broneknotgeld Re: Nysa 09.02.07, 20:31
    
    Nysa 1245
    
    Po Tatarach se tukej wiela pomiyniyło
    Prawym magdyburskim teroz miasto żyło.
    - broneknotgeld Re: Nysa 09.02.07, 20:33
      
      Herb nyski
      
      W polu czerwonym strzybne lilije
      Szejść ich zrachujesz - pewno wiysz czyje.
      - broneknotgeld Re: Nysa 11.02.07, 11:01
        
        Pałac biskupi (1620)
        
        Ano - zaczli go bajstlować
        Czas wojynny niy pomogoł
        A i Wazy trza pochować
        Pomarł kiery reskiyrowoł
        
        Lot sztyrdziści przeszło tako
        Niym podźwigli co być miało
        Bo i biskup w końcu płakoł
        No i Nysie tyż se chciało.
        
        broneknotgeld Re: Nysa 12.02.07, 07:52
        
        Sekularyzacjo 1810
        
        Toż zaś pałac niy biskupi
        Państwo tako Koscioł łupi
        Wiela sekularyzuje
        A tu sond już urzynduje.
        
        broneknotgeld Re: Nysa 12.02.07, 07:53
        
        Pałac 1947-48
        
        Coś przi niymu bajstlowali
        Dyć niy stykło geldu dali
        Czeko czasow tako swojich
        By se jeszcze roz wystrojić.
  - broneknotgeld Prószków 23.02.07, 21:58
    
    "Żołto ruda"
    
    Bajajom ło tym łod downa tako
    Co "żołto ruda tu dobywali
    Dyć czy ze złotym łona jednako?
    Możno coś inksze tym mianowali.
    - broneknotgeld Re: Prószków 25.02.07, 09:54
      
      Herb rodu Proskowskich
      
      Tarcza na dwoje w pionie dzielono
      Mo strona bioło - mo tyż czerwono
      Na nich podkowy chnet skuplowane
      Po jedny w polu tako podane
      Bioło kaj czerwiyń - czerwono w bieli
      Tako wom szkryfna byście wiedzieli.
      - broneknotgeld Re: Prószków 25.02.07, 15:40
        
        Grof Jerzy Krzysztof Proskowski (1678)
        
        Rod Proskowskich mioł w niym głowa
        Toż se wiela niy dziwujcie
        Familijo - ło tym mowa
        W grofy idzie - forsztelujcie.
        
        broneknotgeld Re: Prószków 03.03.07, 13:26
        
        Zamek spolony!
        
        Ano - przi wojnie trzidziestoletni
        Szwedy w Proszkowie tyn zamek polom
        Dyć se podźwignie - ło to tyż wetni
        Proskowscy swoja dziedzina chwolom.
        
        broneknotgeld Re: Prószków 06.03.07, 18:55
        
        Proszkow 1763
        
        Grof Leopolld w ty dziedzinie
        Mo manufaktura
        Pamiyńć ło tym niy przeminie
        Proszkow to niy dziura
        
        Już na zamku fajans robiom
        W piecach wypolajom
        Gryfnie tyż do tego zdobiom
        Szkorupom tym pszajom
        
        Toż se niy trza dziwać z tego
        Co we świecie słynie
        Dzbonek kunsztu przezocnego
        Niychej to niy minie.
        
        broneknotgeld Re: Prószków 07.03.07, 22:49
        
        Gore! (1853)
        
        Se werk fajansy we zamku poloł?!
        Już go niy dźwigli bo Skarb łosmoloł.
        
        broneknotgeld Re: Prószków 07.03.07, 22:50
        
        Zakład Rolniczy
        
        Wpiyrw se szkoła tako zwała
        Wiela szwongu przeca miała.
- broneknotgeld Otmuchów 08.02.07, 19:24
  
  Otmuchow 1155
  
  We bulli papieski już ło niym szkryfnyli
  Zdo sie był tu piyrwyj niym biskupy byli.
  - broneknotgeld Re: Otmuchów 26.02.07, 20:27
    
    Zamek Otmuchow 1284
    
    Zamek murowany już na gorce stoji
    Mury jego mocne? Se wrogow niy boji?
    --
    
    Otmuchow 1285
    
    Biskup ze Wrocka - tyn Tomasz II
    Myśloł se bronić tu przez czas dugi
    Klontwom Probusa piyrwyj łobłożoł
    Drapko spokopioł na co to wożoł
    
    Zamek zniszczony, fosa zasuto
    Tako se hepło pierońsko mu to.
    - broneknotgeld Re: Otmuchów 26.02.07, 23:33
      
      Zamek wykupiony
      
      Z ronk kacerzy wykupiony
      Zaś mioł służyć do łobrony
      Stowo se biskupiom twierdzom
      Dyć czy wrogi przed niom pierdzom?
      - broneknotgeld Re: Otmuchów 26.02.07, 23:33
        
        Za Karola Ferdynanda Wazy (1638)
        
        Syn łod krola i brat tako
        We tych murach dyć niy płako
        Zamek przebuduje z nowa
        Mo do tego istny głowa.
        
        broneknotgeld Re: Otmuchów 27.02.07, 18:02
        
        Sekularyzacjo 1810
        
        Biskup ze Wrocka juz tu niy zicnie
        Dyć zamek prozny - jako rozkwitnie?
        
        broneknotgeld Re: Otmuchów 27.02.07, 18:03
        
        Zamek w Otmuchowie (1923-1935)
        
        Zamek w tych rokach zaś przerobiajom
        Hotel w niym jakby terozki majom
        Co richtig cieszy zowdy wandrusa
        Ańcja se we niym wynajońć musza.
        
        broneknotgeld Re: Otmuchów 08.03.07, 21:38
        
        FWP na zamku
        
        Co znaczom wczasy
        w ty szteli naszy?
        Zamek w ruinie!
        Czy zły tref minie?
        
        broneknotgeld Re: Otmuchów 08.03.07, 21:38
        
        Na końskich schodach
        
        Koniym zajechołś se tu na sztok
        Yno niy godej co to był ćmok.
- broneknotgeld Pokój 22.02.07, 18:27
  
  "Carlsruhe"
  
  W Borze Stobrawskim dziedzina rośnie
  Princ Karol bliko na nia radośnie
  Bo mo być tako jako se śniyła
  Tam kaj polana we lesie była.
  - broneknotgeld Re: Pokój 28.02.07, 22:24
    
    Carlsruhe 1747
    
    Wirtymbersko-oleśnicki princ tu pałac stowio
    Jakby tym Stobrawskim Borom tako perła dowo.
    - broneknotgeld Re: Pokój 28.02.07, 22:24
      
      Pałac princa
      
      Pałac princa w środku stoji
      Wszysko inksze wele niego
      Łon dziedzina tako stroji
      Że niy widzisz co inkszego.
      - broneknotgeld Re: Pokój 28.02.07, 22:25
        
        Georg Ludwig Schirrmeister
        
        Brandynburgio istnego do dzisioj mo w zocy
        Kunszt baroku w Carlsruhe z niym nabiyroł mocy
        Kaj plac łośmioeki pałac stanoł w środku
        Łoziym "kawalierow" tyż tu niy z przipodku.
        
        broneknotgeld Re: Pokój 03.03.07, 09:11
        
        Eugeniusz Fryderyk August ks. Wuerttemberg-Oels
        
        Kawalerji pruski przeca generałym
        Skiż Napoleona w utropie niymały
        Dyć dożył wolności - co pruske we gorze
        Niychej Francyjoki we żałobnym chorze.
        
        broneknotgeld Re: Pokój 03.03.07, 09:12
        
        Bad Carlruhe?
        
        Dzisioj zodziwi możno te miano
        Dyć piyrwyj kurort budzioł se rano
        Do studni tako zaproszoł gości
        Ech - zmarnowali! Richtig to złości.
  - broneknotgeld Racibórz 10.03.07, 14:23
    
    Raciborz 1000
    
    Soł już Raciborz tu ze wojami?
    Czy wtedy bronioł przed Pepikami?
    - broneknotgeld Re: Racibórz 10.03.07, 14:24
      
      Niy zdobyli tukej zamku pierońske Tatary
      Tako zdo sie co był richtig niypośledni miary.
      - broneknotgeld Re: Racibórz 10.03.07, 14:26
        
        Ugoda Raciborsko (1287)
        
        Hynryk Probus łoblygoł biskupa
        W Raciborzu - niyszczyńścio z tym kupa
        Dyć niy zdoboł w tym czasie łon grodu
        Zaniychali łostudy - wom godom.
        
        broneknotgeld Re: Racibórz 12.03.07, 11:26
        
        Przi Przemyślidach Opawskich (1340-1521)
        
        Dugo z Opawom tako cuzamyn
        Aż z Walyntynym powiedzom - amyn.
        
        broneknotgeld Re: Racibórz 13.03.07, 09:44
        
        Państwo Raciborskie" (1642)
        
        Dziedzina cołko tako z tym rokym
        Pod Oppersdorffa terozki łokym.
        
        broneknotgeld Re: Racibórz 13.03.07, 21:23
        
        Raciborz 1784
        
        Baron von Wilczek we Raciborzu
        Z tym rokym richtig nojwiyncy wożoł.
        
        broneknotgeld Re: Racibórz 22.03.07, 21:43
        
        Łodbudowali
        
        Dyć przeca dość drapko zaś łodbudowali
        Jeszcze do browaru coniyco dodali
        Piwo raciborske na zamku warzone
        Zocniejsze z tym było i w cynie niy słone.
    - broneknotgeld Ujazd 19.03.07, 19:56
      
      Ujazd (XIII w.)
      
      Torg we Ujeździe juz richtig zocny
      Tako grod dźwigli naprowdy mocny.
      - broneknotgeld Re: Ujazd 21.03.07, 17:56
        
        "Prokurator"
        
        Ano - za biskupa łon tu gospodarzoł
        Dboł by princ kościoła mioł to co se marzoł.
        
        broneknotgeld Re: Ujazd 23.03.07, 21:28
        
        Mikołaj Kochcicki 1609
        
        Ksiynstwa nyskego starostom był
        Dyć i tu chciołby sprobować siył
        Tako se chycioł Ujazdym rzońdzić
        Już do Lublińca niy chcioł zabłondzić
        
        Gość: Opole Re":Jak zamki to tylko Krzyżtopór IP: *.neoplus.adsl.tpnet.pl 23.03.07, 22:21
        
        broneknotgeld Re: Re":Jak zamki to tylko Krzyżtopór 23.03.07, 23:53
        
        Niy ślonski przeca
        Toż tam niy leca.
        
        broneknotgeld Re: Ujazd 24.03.07, 21:10
        
        Grof Karol Joachim Mettich (1666)
        
        Anna Kochcicko w mogile leży
        Ziyńć tukej rzońdzi - możecie wierzyć
        Dyć możno ździybko dziedzica mynczy
        Bo jom wypuści chnetko ze ryncy.
        
        broneknotgeld Re: Ujazd 25.03.07, 15:37
        
        W pruskich czasach
        
        Zdo sie garnizonym Ujazd w pruskich czasach
        Huzarow tu wiela - stond i miasta krasa.
Gość: Artyści do Autora IP: *.adsl.inetia.pl 16.12.06, 18:43

napisz do nas stowarzyszenie_sqn@o2.pl
Porozmawiamy o współpracy i wydaniu w druku
- broneknotgeld Re: do Autora 17.12.06, 16:25
  
  Dziynki, pewno szkryfna, dyć na razie trza mi ciongnońć poleku tyn wontek.

Gość: Co? Re: Twierdze, zamki, pałace, dwory Opolszczyzny IP: *.internetdsl.tpnet.pl 15.12.06, 18:15

CO??????????

broneknotgeld Re: Twierdze, zamki, pałace, dwory Opolszczyzny 15.12.06, 19:01

A cosik jakby na muster tego
forum.gazeta.pl/forum/72,2.html?f=28940&w=46104364
Tela że yno ło rezydyncyjach Opolszczyzny, no i (mom nadzieja) przy wspołpracy
tutejszych internautow, kierzy mogom dociepnońć swoje rymowanki abo jakeś
ciekawe linki ło tych zobytkach.
Byłoby przeca piyknie.

Gość: Adek Re: Twierdze, zamki, pałace, dwory Opolszczyzny IP: *.internetdsl.tpnet.pl 16.12.06, 11:37

A co to jest "Opolszczyzna"? Pytam serio i proszę o konkretną odpowiedź, gdzie
to się zaczyna i gdzie kończy..

broneknotgeld Re: Twierdze, zamki, pałace, dwory Opolszczyzny 17.12.06, 16:28

Hmm, niy ma leko dać na to łodpowiydz.
Joch przijoł, co idzie ło dzisiejsze wojewodztwo opolske.
- Gość: Adek Re: Twierdze, zamki, pałace, dwory Opolszczyzny IP: *.internetdsl.tpnet.pl 22.12.06, 01:26
  
  Trocha dziwne rozumowani, zważywszy na to, że to województwo to był wymysł
  komunistyczny, ni majoncy podstaw historycznych. Terozki mo powstać województwo
  środkowopolskie i co bydymy godać o nowym regionie - Środkowopolska?:) Wg mie,
  jako że Opole to była kiedyś stolica Górnego Ślonska, to tyn nowy wymysł
  "Opolszczyzna" je bez synsu.
  - broneknotgeld Re: Twierdze, zamki, pałace, dwory Opolszczyzny 22.12.06, 22:21
    
    Jo sie z historyjom niy wadza, a istniynie wojewodztwa opolskego jest faktym
    historycznym.
    - Gość: Adek Re: Twierdze, zamki, pałace, dwory Opolszczyzny IP: *.internetdsl.tpnet.pl 23.12.06, 11:07
      
      Województwa ja, ale "Opolszczyzny" ni :) "Sląsk Opolski" to je raczyj wymysł
      historyczny:)
      - broneknotgeld Re: Twierdze, zamki, pałace, dwory Opolszczyzny 23.12.06, 13:32
        
        Czy idzie Ci ło to, że historyjo powojynno jest "wymyślono"?
        Som termin pojawioł se jeszcze chyba w miyndzywojniu i wtedy zdo sie był
        wymyślony przez Polokow, bo przeca Opole było stolicom Prowincji Gornoślonski.
        Zresztom, dzielyło ta swoja stołeczność ze Raciborzym (sejmik) i Nysom (finane-
        podatki).
        
        broneknotgeld Re: Twierdze, zamki, pałace, dwory Opolszczyzny 23.12.06, 13:36
        
        forum.gazeta.pl/forum/72,2.html?f=28940&w=26212038&a=26213429
        Możno prawie taki link Cie zaciekawi.
        Miły lektury.
        
        Gość: Adek Re: Twierdze, zamki, pałace, dwory Opolszczyzny IP: *.internetdsl.tpnet.pl 25.12.06, 17:00
        
        Kolego , ten tekst dowodzi, że Górny Śląsk był jeden, i że ziemie nazywane dziś
        opolszczyzną to tez Górny Ślask. Zamiast utrwalać niekorzystne podziały, lepiej
        złączyć ziemie górnośląskie spowrotem w jedno województwo, bo w opolskim
        mieszkają tacy sami Górnoślązacy jak w śląskim.
        
        broneknotgeld Re: Twierdze, zamki, pałace, dwory Opolszczyzny 25.12.06, 17:40
        
        Pierombol, przeca jo sie z Tobom niy wadza, uno komyntujesz to po swojymu.
        W dziewiytnostym wieku i aże do 1919 roku Ślonsk był jedyn, tela że dzieloł se
        na trzi rejyncje. Rejyncjo opolsko praktycznie w całości nigdy niy była
        samodzielnom prowincjom. Granica ze 1922 roku zrobiyła swoje.
        Toż utworzynie jednego wojewodztwa gornoślonkego zdo mi sie dzisioj mniyj
        realne, niż utworzynie jednego Ślonska.
        Ideja utworzynio jednego Ślonska winna jednak wyńść ze Wrocka - wtedy miałoby
        to szanse być zrealizowane. Som Wrocek to jednak tyż za mało. Musiołby se
        dogodać z Poznaniym, a nojlepi zarozki tyż ze Szczecinym. Te trzi miasta
        upomniałyby se ło ziymie wojewodztwa lubuskego. Wrocek wziołby czyńść ślonsko,
        Poznań czyńść wiekopolsko, a Szczecin tyn downy brandynburski kawałek. W
        wojewodztwie opolskim i ślonskim (tyż we tym mianie jest cosik niyrichtig)
        znodłyby se siyły, kere cisłyby prawie do Wrocka, jako historyczny stolicy
        Ślonska. Toż przi taki mocny politycznie "Ścianie Zachodni" warszawski
        cyntralizm by pynk jak bańka mydlano i łotwarłaby se droga do zmiany
        konstytucji w kerunku państwa federalnego. VI RP miałaby luż yno 7-8 "landow"
        ło szyrokim zakresie autonomii.
        No, dyć to yno teoretyzowanie, bo zdo sie, że Wrockowi dzisioj to niy w gowie.

stop_klatka Kluczbork 21.12.06, 19:52

Jedyny ślad kluczborskiego zamku to wieża. Na początku XX wieku została
przerobiona na wieżę ciśnien.
img297.imageshack.us/img297/7615/pc164785xy9.jpg
img119.imageshack.us/img119/8306/pc164792ce1.jpg

broneknotgeld Re: Kluczbork 21.12.06, 21:24

Dziynki za informacjo.
Znom ta wieża ze kluczborskich notgeldow.
- Gość: Sam Re: Kluczbork IP: *.internetdsl.tpnet.pl 28.12.06, 11:13
  
  Ty sam do siebie piszesz?
  - broneknotgeld Re: Kluczbork 28.12.06, 19:41
    
    A czytosz to?
    - Gość: :P Re: Kluczbork IP: *.neoplus.adsl.tpnet.pl 07.02.07, 21:47
      
      Jo też :P
      - broneknotgeld Re: Kluczbork 10.02.07, 23:39
        
        No i piyknie
        Tela styknie.

Gość: łostry hanys Re: Twierdze, zamki, pałace, dwory Opolszczyzny IP: *.neoplus.adsl.tpnet.pl 06.01.07, 13:13

Niech rym bydzie i uciecha
a na zamku baja wiecha

Gość: łostrzejsze hanysy Re: Twierdze, zamki, pałace, dwory Opolszczyzny IP: *.neoplus.adsl.tpnet.pl 06.01.07, 15:01

My hanysy z Popielowa, w zamkach ino nasza głowa. Wszystkich przecia nie
zliczymy i do dodom nie wrazimy.
- broneknotgeld Re: Twierdze, zamki, pałace, dwory Opolszczyzny 06.01.07, 18:29
  
  We gminie Popielow
  www.popielow.pl/
  Zamek tako karłowicki
  Był tu zdo sie jakby wdycki.

Gość: spamstop Re: Twierdze, zamki, pałace, dwory Opolszczyzny IP: *.zwm.punkt.pl 08.02.07, 22:16

gościu sam sobie odpowiada

czy to jest normalne?

ewidentny spam

broneknotgeld Re: Twierdze, zamki, pałace, dwory Opolszczyzny 10.02.07, 13:31

Lubisz zabawa
-ślij na Warszawa.

broneknotgeld Opole 11.02.07, 22:34

Zamek opolski

Princ Kazimierz zamek stowio
Przi Odry przeprawie
Ku łobronie tako dowo
Przeca niy zabawie.

broneknotgeld Re: Opole 11.02.07, 22:37

Zamek 1283

"Palatium" princ Bolek wystawioł se nowe
Z "donżonym" bo przeca mioł bronić to czowiek.
- broneknotgeld Re: Opole 11.02.07, 22:53
  
  "Dom Wysoki"
  
  W sztyrnostym wieku zamek dźwignyli
  Jedyn sztok yno mu dołożyli.
  - broneknotgeld Re: Opole 14.02.07, 23:57
    
    Zamek 1557-1566
    
    Toż se nasz zamek zaś dropie w gora
    Dyć nigdy przeca niy bydzie w chmurach
    Choć tako krzidła ło sztok dźwignyli
    Czy bezpieczniejsi we murach byli?
    - broneknotgeld Re: Opole 18.02.07, 17:40
      
      Przi wojnie trzidziestoletni
      
      Richtig łoblygany - przeca niyzdobyty
      Stykłoby terozki łostać yno przi tym
      Dyć wiela uciyrpioł - trza nom to pamiyntać
      Dlo Opola jakby potym z niego "piynta".
      - broneknotgeld Re: Opole 18.02.07, 23:22
        
        Zamek 1838-1855
        
        Wszysko se miyni - już niy jednako
        Nikt skuli murow przeca niy płako
        Zasuto fosa tracom se wały
        "Szlosspark" ze tego tukej niymały
        
        Zamek terozki łodpicowany
        Jako perełka miastu z tym dany
        Idzie se teroz richtig niym asić
        I historyji zocny niy gasić.
- broneknotgeld Re: Opole 21.02.07, 17:55
  
  Zamek Gorny
  
  Z końcym sztyrnostego wieku
  Drugi zamek tu stowiajom
  Ksiynstwo dzieli se człowieku?
  Wielko z tym utropa majom?

Gość: Krzych Re: Twierdze, zamki, pałace, dwory Opolszczyzny IP: *.internetdsl.tpnet.pl 13.02.07, 21:45

Pałac w Staroscinie jest piękny lecz zaniedbany

broneknotgeld Re: Twierdze, zamki, pałace, dwory Opolszczyzny 14.02.07, 23:58

Niy znom. Możno dołbyś tukej jakiś link - poczytołbych se.

Gość: Karol Re: Twierdze, zamki, pałace, dwory Opolszczyzny IP: *.neoplus.adsl.tpnet.pl 16.02.07, 14:55

nie

broneknotgeld Re: Twierdze, zamki, pałace, dwory Opolszczyzny 18.02.07, 17:41

ja
- zwitter1 Re: Twierdze, zamki, pałace, dwory Opolszczyzny 19.03.07, 20:39
  
  A co to :)))
  Kulejny śzlezjan psychopata który ze sobą godo :)))
  Przeca wy byliśta robolami a nie panami niemieckich zomków :)))
  Co cie te zomki obchodzą ciemny człowieku :)))
  łopate do ręcy i na baustele do Berlina zapier....ć
  Raus aus Polen
  
  A po arBeicie na rybki -Fische das ist hobby fur dumm Leute aus schlesien
  - broneknotgeld Re: Twierdze, zamki, pałace, dwory Opolszczyzny 21.03.07, 17:57
    
    A to uciecha!
    -Jako ta błecha!

broneknotgeld Re: Twierdze, zamki, pałace, dwory Opolszczyzny 01.04.07, 22:08

Ano, wszysko sie kedyś kończy
forum.gazeta.pl/forum/72,2.html?f=28940&w=39597694&a=60074726
Toż likwiduja forum i przestowom cołkym bawić se we te rymowanki.

broneknotgeld Re: Twierdze, zamki, pałace, dwory Opolszczyzny 02.04.07, 07:54

Szpas dobry zowdy
Tela w tym prowdy.

Najnowsze z forum Opole

Zaloguj się