GYSZICHTA UO KOSCIELE W BOJKOWIE

[anton_28]

Downi piyrwy umiyniyli se ludziska ze Schönwaldu, coby ich koscioou
kaj indzi postowic, bo jedne mieli do niygo za daleko, a druge za
blisko. No i psziszli na tako idea coby tyn koscioou einfach pszecis
trocha w inksze miyjsce. Zebrali do kupy über 500 chopoow z
uokolice, korzdy mindestens 100 kilo i dali sie do roboty.
Poseblykali szakety i ciepli je na ziymia wele koscioua. A potyn
wysuli pszed koscioou 3 miechy erbsoow, na kerych miouby sie tyn
koscioou toczyc. W kooncu uoparli sie wszystek chopy o zadnio sciana
i napoczli wiela sioouy w musklach cisnoonc. Nic a nic sie tyn
koscioou niy cofou, ale uoni niy ustowali napiyrac, bo chcieli za
korzdy preis tyn koscioou kaj indzi miec.
We wsi miyszkou ale tysz taki Spaßvogel, kery bou wdycki rod jak
kogos poradzioou zrobic za bozna. Also wzioon se tysz za tych co
koscioou cisli, pozbiyrou te szakety uod robotnikoow i zatargou je
dobre pora metroow dali i legnoou na ziymia tak co rzodyn nic niy
merknoou.
Za chwila jedyn s chopoow spoomnioou se uo sfojym szakecie i wejrzou
tam kaj go legnou. Szaketa ale niy bouo widac. Wtedy zawouou uon na
inkszych: "Chopy, pszestoncie cis!! bo zacisnymy za daleko, naszych
uobleczyn jusz niy widac!!" ci se uobejrzeli do zadku i richtig,
podug tego kaj te szakety wpiyrwy lerzauy - padali do siebie: "no to
dojs dobry koncek my szafli" I fest sie wszyske ludzie we
Schönwaldzie cieszyli.
Uod ty pory niy bouo tam rzodnygo, coby padou irze koscioou falsch
stoi...

[szwager_z_laband]

i mie tam niy bouo ..:( - to je onmyjglich:)

ps

psziznom sie bez lyjtow, ize tego niy znouech!

elegancke:)

[hanys_hans]

Ciekawo gyszichta, mosz tam jeszcze jako o Schönwaldzie to dowej...

[szwager_z_laband]

niy!!!

najprzod o Laband!!!

;)

[rita100]

Doskonały numer z kościołem :)
Podam dalej.....

[szwager_z_laband]

Ritza to je "numer ze szaketym"!

[rita100]

No jo, to sie rozłazi o tyn szaketym (żakiet, czyli marynarke)
W ogóle dobry pomysł z tym przesuwaniem kościoła.

Ja znam przypadek przyniesienia całego kościoła za granice. Ponoć został
skradziony prze Polaków , taka plotka szła ;)

[rita100]

Czy Slonzacy mają słownik polsko-slonski ? Raczej nikaj nie potkałam eszcze
takiego slownika na internecie. Odwrotnie tak.

[szwager_z_laband]

szaket 'es dobrze pszetuplikowauoa:)

rita my mieli lepsze geszichty - tam kaj moj oupa sie rodziou, tam
bou dom kery miou granica polsko-niymiecko we siyni:)

[rita100]

To rozumie dlaczego tak wściekły jesteś na Polaków - najgorzej było w
przygranicznych strefach tuż po wojnie. Musiał Ci wiele opowiadać tych gyszycht,
pewno i nie do smiechu one są.

[szwager_z_laband]

Rita, u mie we familii niyma niynawisci do Polokow.

[rita100]

No bo czas leczy rany, teraz to już tylko historia.

[rita100]

Ważne co już się zaczynamy rozumieć co do tej historii

[szwager_z_laband]

Rita, u nis zodyn niyje niynawistny - to niyje slonsko cecha.

mie uczyli zowdy i oupa i ouma i fater i mama, ize ludzie i ludziska
som wszyndzie take same.

nic mi sam niy mogesz imputowac.

[rita100]

Ależ jo nie imputuje, przepraszam, jesli mnie tak zrozumiałeś. Jestem pod
wrażeniem pewnej ksiązki o rzeczach jakie działy się na ziemiach odzyskanych i
wcale bym się nie dziwiła gdybyście nas Polaków delikatnie mówiąc nie lubili -
tamto jest historią, a dziś jest dziś, dziś idziemy na przód razem z pięknymi
gyszichtami :)
Zjechaliśmy z tematu Laband

[ballest]

"o rzeczach jakie działy się na ziemiach odzyskanych"

Ej, co Ty godosz, przeca zeby cos odzyskac, trzeba to najpierw przez przemoc
stracic, a w tym wypadku tego faktu nie bylo!

[szwager_z_laband]

jo wiym Rita, jo wiym zes je dobro dzioucha - to tak bouo coby niy
bouo nidopedzyn:)

a sam do pszipomniynia (tysz i tematu wontku)jedna staro geszichta i
jedna piosynka kero idzie do niyj przipasowac:)

Bouo to downo, blank downo tymu. Niydaleko, blank blisko, zaroski
kole Kuodnicy, a blank gynau to we miejscu, w kerym do niydowna
szelesciouy w parku drzewa - mozno ich dzisiej jeszcze tam pora
stoi, stou taki fajny biouy zameczek. Miyszkaua w nim Julia, kero
miaua piykne jasne wuosy i jeszcze piykniejsze niybieske slypka. Z
coukego Slonska sjyzdzali sie nojszwarniejsze kawalyry i prosiyli
jom o rynka. Ona ale, jak to piykne i mondre frelki, czekaua na
tego, kerego od niyj serce pokocho. Ino eli taki od niyj szac
naprowdy kajs je? Tak se myslaua zawsze kole wieczora, jak sie
siedziaua na brzegu staryj Kuodki(Kuodnicy). Siedziaua se tak na
brzegu Kuodki i futrowaua uabyndzie, kerych tam kedys bouo couko
mocka. Jedyn, kerego nazywauy od nich krolym, bo bou nojpiykniejszy,
przipuywou niyroz do niyj i kuod gowa na od niyj kolanach. Tak to
bouo couke tydnie. Z czasym puywaua na tym krolu uabyndziu mit po
staryj Kuodce. Roz ale przikukali ich ludzie ze Laband i byli fest
zgorszone. Padali, co jak je wiyncyj rado uabyndziom jak ludziom, to
niych se weznie jednego uabyndzia za chopa. Biydno Julia, bolauo to
ze ludzie jom tak napasztujom. Coroz wiyncyj take godki kole niyj
bouo suychac a ona sie tysz coroz wiyncyj tracioua od ludzi i coroz
to wiyncyj boua ze od niyj uabyndziami. Boua z nimi juz cokimi
dniami. Az naroz prziszua jedna nocka, we keryj couke Laband
maszkytnie nynauo, a w tym czasie prziszli rojbry. Ukradli w tyj
nocy mocka zuota a na koniec porwali jeszcze piykno Julia.
Zawionzali jyj rynce, zakneblowali i poniysli ku Kuodce, kaj
najprzod chcieli policzyc co wszysko ukradli. Siedli se pod tymi
starymi drzewami, az tu naroz take pieronske larmo sie zrobiouo, od
strony Kuodki i szuo te larmo coroz wiyncyj ku nim. To te uabyndzie
ze Laband prziuwazouy ze oni majom od nich Julia i tak zaczuy wouac
i machac krziduami, ze couke Laband sie obudziouo. Rojbry sie tak
wystraszyli, ze zaro wszysko pociepli i uciykli. Jeszcze probowali
wzionc Julia mit, ale jak sie przeprowiali bez rzeka stanou przed
nimi ze otwartymi krziduami wielki uabyndz. Prziszuo ku walce,
walczou herszt od rojbrow i krol od uabyndzi. Rojber trefiou krola
uabyndzi fest ostrym i szpicatym nazym, a uabndz oklapnou sie do
wody, kero sie kole niego zaroz czerwono zrobioua. Drugi roz juz go
rojber niy zdonzou trefic bo chyciyli go straznike ze Laband i
zakludziyli do wiynziynia. Julia klynczaua na brzegu i czimaua na
kolanach krola uabyndzi. Niy umiyrej mi ino moj krolu kochany -
godaua, a kropelki uzow kapauy na rana uabyndzia. Naroz uabyndz
zamiyniou sie w piyknego szaca, kerymu bouo Bolko. Wydauo sie co
jedyn czarodziej kedys przemiyniou go we uabyndzia i moguy mu pomoc
ino uzy dziouchy kero by mu pszaua. Tak sie tysz przeca stauo. Bolko
wyzdrowiou roz-dwa, a couke Laband fajrowauy mit na wyselu od Julii
i Bolka. Zodym Labander (Uabyndziok) niy paczou juz krziwo na
uabyndzie. Wiyncyj !- przeca nawet se Laband wzionuo za herb
uabyndzia na niybieskim tle. To na pamiontka krola od uabyndzi i
niybieskich oczow od Julii. Julia i Bolko mieli couko fura bajtli i
zyli dugo i szczynsliwie. Miyszkali tysz dalyj we biouym zameczku
kole Kuodki i pamiyntali coby pszoc i uabyndziom. Wszyske
uabyndzioki, kere dzisiej zyjom pamiyntajom ta geszichta i
opowiadajom jom bajtlom, jak w niydziela idom na szpacyr kole staryj
Kuodki, a wszyske frelki ze Laband som tak piykne, ze piykniejszych
niyma na coukim Slonsku - to erbuy po Julii. No tosz pamiyntejcie o
Laband i o uabyndziach ...

pl.youtube.com/watch?v=YvUzDs935K0

[rita100]

Gyszichta o łabyndziu i Julii. Pewno do dzis nie jedna młoda dziewczyna jeszcze
ogląda się za łabyndziem z Kłodnicy. Bajka opowiadana przez babcie, matke
przechodza na dzieci i każde pokolenie niesie ją w sercu.
Bardzo ładna ta bajka i taka szczęśliwa w zakończeniu.
A morał? Uszanować każdego marzenia, bo mogą się spełnić

A czy jest choc jakaś pamiatka po tym szczególnym łabędziu oprócz znaku na
herbie ? Pomniczek w parku gdzie tak szeleszczą drzewa.
Łabędzie to chyba jedyne ptaki, które są wspaniale fotogeniczne i idzie na nie
patrzeć bez przerwy.

[szwager_z_laband]

tyn park, kery jo pamiyntom, uonczou sie wczesniyj ze parkym od
Welczkow - a kobiyty od Welczka boua ze Hiszpani i jyj zawdziynczomy
tysz te uabondki i ta geszichta:)

u Welczkow robioua moja tanty(ciotka) a fantyzja mo kozdy ze
Labanderow konsek i ze uabondkami pszeca krewno;)

wiela w tym prowdy a wiela niy, to niy podpowia!