cirano
07.03.12, 12:21
Polŏki durch sie trŏpiōm: co ô nŏs pōmyślōm we Europie? Jak nŏs widzōm? Ślōnzŏki zaś sie trŏpiōm inakszyj: co ô nŏs pedzōm we Warszawie? Zaś bydōm gŏdać, aże u nŏs to sōm jyno gruby a huty a luft siwy? Mie sie to wydŏwo blank śmiyszne, to trŏpiynie sie, bo, jeruchu, tak po prŏwdzie, co mie to ôbchodzi, co ô nŏs bydōm gŏdać we Warszawie, a co warszawiŏków mo ôbchodzic co ô nich pedzōm we Berlinie? Ja, jŏ wiym, aże to je skiż tego, co i Polŏki i my niy sōm pewne wiela my i ôni sōm tak richtik werci.
Trochã jak modŏ frelka, kero śe patrzi we źrzadło i niy poradzi se pedzieć sama: je żech gryfnõ? Bydōm mie chopcy mieli radzi? I potym szuko tyj swoi gryfności niy we źrzadle, jyno we spojrzyniach tych karlusōw, kerzi sie na niã dziwajōm. I to ńy ma nic dziwokego. Gorzyj, jak ze tyj niewiedzy wielã sie je werytym, dzioucha bydzie sie ôblykać za jako chadra, hned cycki jeji ze jakle niy wylezōm, bo se tak wytuplikuje, aże jak na niã karlusy dziwajōm se ze gymbōm otwartōm, to ôna na zicher sie im podobŏ. I bydzie sie tym asić. A to przeca może być trochã inakszyj.
Text zerżniynty ze "nowyj Gazety Ślonskij"
===============================
Polok juzaś siedzi na żiletce, bo Niymiec jes niy ino somsiod, ale i potynga a Polus chciołby przinojmnij jako "biydny krewny" u niego geltować, biydniyjszy, ale szanowany.
Na szacunek tsza sie zarobić, (staro to prowda), niy idzie go wymagać, bo mi sie noleży! (?)
