Tyn Gorny Konsek Ślonska

[broneknotgeld]

Zdo sie - bydzie to sztimować
Sami chciyjcie tyż coś dować.

[broneknotgeld]

Wezna to z Opola strony
Niy mom fraszek tych na tony
Dyć trza z czasym wiyncy szkryfnońć
Ślonskim rymym tukej gichnońć.

[broneknotgeld]

Opole

To z Opola jakeś byki
Niszczyć ślonske chcom pomniki
Ajzynkrojce ańfach majom
Bo sie Polskom podpiyrajom.

[broneknotgeld]

Opolski festiwal

Sztyrdziści lot Opole festiwalym żyje
Niyjedny freli przi tym serce mocniyj bije
A jo jak wsuchom sie we stare piykne szlagry
To wiym że wcale mi niy czeba jeszcze viagry.

[broneknotgeld]

Osmańczyk w Opolu

Po śmierci Osmańczyk tyż niy mo spokoju
Ciyngym mu maraszom dynkmal na kerchowie
Życie już niy dźwignie go z truły "do boju"
Dyć mści sie durś na nim jakiś "polski czowiek".



"Pieśń Rodła"

Osmańczyk jom łoblyk w słowo
Za to po śmierci mu sie dostowo?

[broneknotgeld]

"Opolsko choroba"

"Opolsko choroba" cołko Polska toczy
Już kaj ińdzi łona tyż ciepie se w łoczy.

[broneknotgeld]

Nysa

Za Prowincji Gornoślonski
Tam szoł durś podatek
Dzisioj problym je niywonski
Geldu brak - łostatek.

[broneknotgeld]

We Nysie

Chocioż to było prawu wbrew
Przeloli tam piastowsko krew
Utli gowiczka panu Opola
Krewnych i miasta to była wola.

[broneknotgeld]

Otmuchów

To piyrsze miasto co je pod krychom
Jak ło tym myśla to ciynżko dychom
Ponoć to wszysko je skuli szkoł
Tam dugi wielge majom jak woł

Yno że niy je to tyż przijymne
Że za rzondzynie brali durś prymie
Choć kasa gminy na krycha żyła
I zaległości ciyngym mnożyła

Teroz szukajom tam łoszczyndności
Możno kumisorz u nich zagości
Życza im z serca - niych sie poradzom
I wiyncy robiom a myni wadzom.

[broneknotgeld]

Kluczbork

Te sławne miasto krziża rycerzy
Wydało wielkich Ślonzokow
Skarb to regionu - trza nom w to wierzyć
I chcieć doczimać im kroku.

[broneknotgeld]

Bogacica koło Kluczborka

Przepiykny ołtorz we Bogacicy ze Namysłowa pochodzi
Dali go tukej jak franciszkanom Prusy zaczyły tam szkodzić
Rzeźba Barbary w nim podziwiomy - downo zrobiyła jom rynka
Z sztyrnostu świyntych wspomożycieli łona łostatnio mo mynka.

[broneknotgeld]

Tyjater Hauptmanna

Ciyngym sie Hauptmann w grobie przewroco
Ło co mu idzie? -Toż wiym już ło co!

[broneknotgeld]

"Cruceburch" 1252

Czy "Kruczego Bora" tyn grod miano nosioł?
-Możno kruk jakowyś po Ślonsku to głosioł!

[broneknotgeld]

Kreuzburg 1253

Czerwone Krziżowce już siedzom w ty szteli
Miano przemiyniyli jako łoni chcieli.

[broneknotgeld]

Kreuzburg - 1274

Prawym flamandzkim miasto już momy
Kreuzburg - toż przeca je dobrze znomy.

[broneknotgeld]

Kreuzburg 1425

Prawym magdyburskim rzońdzi już se miasto
Pewnikym terozki bydzie lepszy czas to
Rajce z burgemajstrym tego upilnijom
Dyć gospodorzami richtig fest sie czujom.

[broneknotgeld]

Ło Kluczborku

W ksiynstwie wrocławskim głogowskim brzeskim
Pod niebym co mo kolor niybieski
Tako se kluczbork wiod dzieje swoje
W lekciejsze roki i ciynżke znoje

Za austryjockich i pruskich czasow
Miynioł sie grod tyn tyż swojom krasom
Toż Niymce prziszły zaś potym Polsko
A Kluczbork stoji - czuj se w niym swojsko.

[broneknotgeld]

Ze Kluczborkym

Mo ta Stobrawa
ze niym zabawa?
Wodnik se pytoł
jak tu zawitoł.

[broneknotgeld]

Jan z Kluczborka

Wrocoł spod Grunwaldu w gloryji Jagiełło
Istny go prziwitoł - cołke jego dzieło?

[broneknotgeld]

Pomnik ks. Jana Dzierżona

Przi Byczyński pomnik stoji
Tako Kluczbork richtig stroji
Tyn co go rozsławioł w świecie
To bartniki wiedzom przecie.

[broneknotgeld]

Prudnik

Czuwo nad miastym Pogańsko wieża
Ze czasow czeskich prastarych
Kedyś był Neustad bestoż jo wierza
Że Prudnik durś bydzie jary.

[broneknotgeld]

Pod Prudnikym

Wele tyj Rudziczki pod Prudnikym w lesie
Źrodełko cudowne - wieść sie tako niesie
Dyć za Niymca jeszcze na pont tam chodziyli
I dzisioj to samo - niy mogom sie mylić.

[broneknotgeld]

Po bosoku

Ze Prudnika szuły znane
Jyż niy bydom rychtowane
Bo fabryka zbankruciyła
W długach teroz jeji "siyła".

[broneknotgeld]

Paczkow

Z Paczkowa złocone ramy
To kedyś towor był znany
We cołki naszy Europie
Tyż ło tym pamiyntej chopie.

[broneknotgeld]

Vivat Paczkow!!!

Prawie lotek dwiesta tu wszyscy czekali
By wrociyły do nich łodebrane prawa
A dyć tyj miejskości wreszcie se doczkali
Vivat Paczkow młodość radość i zabawa!

[broneknotgeld]

Paczków 1254

Ze woli biskupa miasto lokowane
Na prawie flamandzkim jak inksze przi Nysie
Ksiynstwu biskupiymu ku łobronie dane
Co go tukej czeko jeszcze mu niy śni sie.

[broneknotgeld]

Czy ślonske?

Czy to ślonske "Carcassone"?
Czy tu świata yno koniec?

[broneknotgeld]

Słynie

Z murow warownych tyn Paczkow słynie
Dyć nojciekawsze w naszy dziedzinie.

[broneknotgeld]

Planty

Paczkowske planty ciyniym witajom
Przeca platany po to tu majom
Ze poniymieckich tych jeszcze czasow
Do dzisioj szteli som łone krasom.

[broneknotgeld]

Byczyna

Na wschod wychodzi polsko brama
Na zachod zaś niymiecko
Jak pympek widza jom na planach
To Ślonska piykne dziecko.

[broneknotgeld]

Strzelce Opolskie

Wolołbych żeby durś Wielke były
Bardzi im to pasowało
Strzelca psy już by tukej niy wyły
Ksiynstwo tu przeca bywało.

[broneknotgeld]

Strzelce Opolskie

Kedyś były Wielkie - dzisioj som Opolskie
Ważne że durś ślonske i bestoż tyż swojskie.

[broneknotgeld]

Filipolis

Graf Filip Colonna osadzie doł miano
Bajali co "Pustki" wpiyrw dziedzina zwano
Dyć wyglorzy "rajym" se stała ta sztela
A możno tym "piekłym" - dymu z tego wiela.

[broneknotgeld]

Moczydoły

Przi Mały Panwi bagna i stawy
Niy radzioł bych ci wtedy zabawy
Przeca tu wiela utopkow było
Dyć z czasym wszysko se wykludziyło.

[broneknotgeld]

Dwie parafije

Choć czi kościoły - dwie parafije
Tako w Zawadzkym teroz se zyje.

[broneknotgeld]

"Ligoniow"

Chciało być Zawadzkie ponoć "Ligoniowym"
Czamu to niy klapło - czy kedyś se dowiym?

[broneknotgeld]

"Czelodka" w Rzędowicach

Ano niy dziwota - tam czelodki szukej
Czech Ślonzokow Roku przeca majom tukej
We godce Zawadzkie bezto w świecie piyrsze
Tu łod zowdy wiedzom - co ślonske nojwyrsze.

[broneknotgeld]

Czym we gminie naszo godka?
-Duszom - ze czowieka środka!

Pod takim mottym miesiyncznik gminny "Krajobrazy Zawadzkiego" już publikuje
rymowanki z wontku "Słownik ślonski".
No dyć chcom iść dali i proszom ło fraszki i rymowanki tyczonce sie gminy.
Idzie je przesłać na adres:

[e-mail]

Ano, to Biuro Promocji Gminy, bo przeca tam dobrze wiedzom, że fraszka ślonsko
promuje.

[broneknotgeld]

Nowy rajca

Były sołtys ze Żyndowic terozki rajcuje
Choć pyndzyjonistom toż ciyngym "fedruje"
Mandatym bogatszo tu myńszość niymiecko
Ło tym we Zawadzkiem wiy już nawet dziecko.

[broneknotgeld]

"Ślonske Beranie"

Gorny Ślonzek poznoł Żyndowic godanie
Przeca tu i w szkole jest "Ślonske Beranie".

[broneknotgeld]

Na podzim 1725

Na podzim Jaś Stornia tukej prziwandrowoł
We lesie Colonny nad Panwiom se stowoł
Barć widzi na dymbie - tu zima przeczimie
Ze niym "duch piszczoły" prziszoł we te ziymie.

[broneknotgeld]

Piyrszy bartnik

Colonna Jasiowi zamiyszkać zezwoloł
Z szałasu tu drapko chałupa wyrosła
Graf miod jego richtig na dworze se chwoloł
A i bartnikowi familijo doszła.

[broneknotgeld]

"Duch piszczoły"

Robotny tu kożdy - przeca ło tym wiycie
Dyć łostatnio cosik ciynżko leci życie
Zawadzkie se czimie i jeszcze pokoże
Choć utropa mynczy - zrychtować coś może.

[broneknotgeld]

Filipowie z Filipolis (1790)

Mało Panew łodkryła tu ruda darniowo
Kuźnikow przignało - to mi sie niy zdowo
Bestoż se Filipy przi niyj łosiedlyli
Ze ajzom beztydziyń i w niydziela żyli.

[broneknotgeld]

Filipy

Wyczytołch co łoni byli wynglorzami
W tym mało utropa - poskopicie sami
Jak ruda w tych stronach to i hamerniki
Na Filipow bestoż take moje bliki.

[broneknotgeld]

Jaś Skornia

Jaś Skornia żył rokow dziewiyńdziesiont dwa
Zaś synkow mioł siedmiu wiycie ło tym - pra?
Za służba Colonna grunta mu darowoł
Już teroz niy yno barci łon wachowoł.

[broneknotgeld]

eksander Skornia

Ze siedmiu braci jedyn tu łostoł
Po łojcu zdo sie wszysko łon dostoł.

[broneknotgeld]

"Al" mi wciyło z Aleksandra
Dyć niy bydzie z tego chandra.

[broneknotgeld]

Świerkle

Piyrwyj wielke świyrki rosły w ty dziedzinie
Niy wierzysz! To widać dyć po twoji minie.

[broneknotgeld]

Czy trza zawadczanom Dni Miasta 2005?

Ło Dni Miasta pytać trza sie?
Jest ankieta ta na czasie?
Jak jest miasto niych mo Dni
Tela szkryfna jo - kto "niy"?

[broneknotgeld]

Festiwal "Gaude Mater Polonia"

Ziymi Zawadzki taki festiwal
Wincynt był z Kielczt toż co sie dziwać
Latoś tyż świynto muzyki była
Kere rycerzy nawet ściongnyło

Jedni we zocy muzyka majom
A inksi tako dziejom tym pszajom
W jedno to łonczy te downe czasy
I Kielczy ciyngym dokłodo krasy.

Bronek zrymuj prosze coś o rakfiołach

[rakfiol]

tu masz wątek z naszego forum o rakfiołach:
forum.gazeta.pl/forum/72,2.html?f=16759&w=15778669
Pozdrowienia

[broneknotgeld]

"Otwórzcie drzwi Chrystusowi"

Dwie parafie jednako Jana Pawła czczom
Tabula z kerhofu już terozki znom.

[broneknotgeld]

"Krajobrazy Zawadzkiego"

Numer ze czyrwca prawie przisłali
Toż polecymy z tym wontkym dali.

[broneknotgeld]

Zawadzkie - Czortków 12.VI.2005

Zawadzkie z Czorkowym teroz we "uniji"
Akt był podpisany bez jakiś mecyji
Toż sie Ukrainiec brato ze Polokym
Bardzi niychej kryńci se to z kożdym rokym.

[broneknotgeld]

+Werner Małek+ 13.06.2005

Pomarł burgemajster - tako wielko szkoda
Wiela we Zawadzkiem ło niym by trza godać
Znali go tu piyrwyj jak był naczelnikym
Tyż dugo wojtowoł w zocny Jamielnicy
Krotko na zawadzki zesel zicnoł piyrszy
Za drapko zawołoł do sia Tyn Nojwyrszy.

[broneknotgeld]

16.06.2005 Zawadzkie

Mandat burgemajstra już cołkym wygasnoł
Czi dni już minyły jak ze Bogym zasnoł
Zawadzkie w żałobie dyć prawym jest życie
Welunek chnet przidzie - ło tym wszyscy wiycie.

[broneknotgeld]

17.06.2005 Kielcza

W Św. Bartłomieju we trule se leży
Dźwiyrza Pyjter łotwar - kożdy tako wierzy
W łostatnio Two droga wiedziesz tych co żyjom
I tropiom se razym z Twojom familijom.

[broneknotgeld]

Dni Miasta 2005

Uciecha być miała a prziszła utropa
Zabrakło w Zawadzkiem nojpiyrszego chopa
Śmierć koblami ciepła i przegrało życie
Dyć niy zowdy tako - dobrze ło tym wiycie.

[broneknotgeld]

07.VIII.2005 Zawadzkie

Ano - zaś welunek
Burgemajstra niy ma
Jeszcze tu frasunek
A już woło ziymia

We prawie jest życie
Z niym tyż tako władza
Przeca ło tym wiycie
-Tela jo poradza.

[broneknotgeld]

Zawadzko huta

Sto siedymdziesiont rokow rachuje
Przeca starości wcale niy czuje.

Kopice

[broneknotgeld]

Kopice 1360

Downe to czasy dyć już Kopice
Pode Grodkowym to niy som wice
Von Borsnitz czimie je familijo
Taki majontek żodno mecyjo.

[broneknotgeld]

Kopice 1450

We zapomniynie idom Borsnitze
Teroz von Beessow przeca Kopice.

[broneknotgeld]

Kopice 1531

Z Wrocka kanonik erbnoł majontek
Baltazar Neckern - to jego kontek
Dyć przidom drapko inksze dziedzice
Upodobajom se te Kopice.

[broneknotgeld]

Z ronk do ronk

Rosenthale, Spaetgeny, Sierstorpffy to czimiom
Ciyngym tako te Kopice cosik niy podrzymiom.

Brzeg

[broneknotgeld]

[broneknotgeld]

Brzeg (XIV w.)

Brzeg - grod warowny w dziedzinie rośnie
Bolko świdnicki go stowio
Toż szkryflom ło tym tukej radośnie
Bo tyż uciechy Brzeg sprowio.

[broneknotgeld]

Za Ludwika I (1358-1398)

Princ rozbudowoł tyn zamek wiela
Rezydyncyjo tako gryfnieje
Blyszczy kulturom z tym naszo sztela
Stolicom ksiynstwa - to prawiom dzieje.

[broneknotgeld]

Komaskowie w Brzegu

Tako rodzina ze Włoch tu działo
Niyjedyn zamek przebudowali
Renesans siyngo w Europa cało
Ze woli princa Brzegowi dali.

[broneknotgeld]

Gimnasium Illustre

Jakuba Parra kunsztym dźwignione
Ze woli princa we Brzegu blyszczy
Ksiynstwo z tym bardzi jest łoświycone
Sława niy yno na Ślonsku zyszczy.

[broneknotgeld]

"Ślonski Wawel" w ruinie

Przi starym Frycu źle se tu dzioło
Toż yno karczma i magazyny
Niyjedyn płakoł bo niywesoło
Zoglondać prziszło na te ruiny.

[broneknotgeld]

Kościoł św. jadwigi 1945

Ano - zaś zniszczony
We ruinie dugo
Dyć już restaurowany
Radośnie nom mrugo.

[broneknotgeld]

Najazd poetow na zameK Piastow ślonskich

Co roku zamek tyn najyżdżajom
Ci kierzy słowu nojbardzi pszajom
Brzyg jak za Piastow kulturom blyszczy
Tako dlo Ślonska wiela z tym zyszczy.

Biechów

[broneknotgeld]

Biechow

Za Nysom tyn Biechow znojdziecie
Se werci zoglondnońć tam przecie.

[broneknotgeld]

Familijo von Hoditz

Toż z dziedzicami durs se myniyło
Czy dlo Biechowa dobrze to było?

[broneknotgeld]

Antonina von Montbach

Biechow se spoloł - dziedziczka choro
Toż wszysko poszło na zatrocynie
Ciynżko żyć teroz z utropy porom?
Śmierć sie wydowo jak ukojynie

Toż i pomarła nom Antonina
Bić se z chorobom jakby niy chciało
Blado i zimno cołkym jyj mina
To yno Śmiertka uradowało.

[broneknotgeld]

We Głogowku

U Oppersdorfa na zamku
Beethoven kedyś zagościoł
Koncert tu dowoł dlo pankow
Kery zakończoł sie złościom

Bo zamiost suchać muzyki
Szwandrali wszyscy po cichu
Take tam mieli nawyki
Żodyn niy widzioł w tym grzychu.

[broneknotgeld]

Z Głogowka

Głogowek łostatnio tym asi sie fest
Że ślad po prababce Kerry`ego tu jest.

[broneknotgeld]

Zamek w Mosznej

Tiele-Wincklerow to był zakontek
Tako perełka jak nad Loarom
Mioł blyszczeć przeca ślonski majontek
Graf sie już ło to dobrze postaroł

Kajzer tu z Franckym lubioł polować
Bo lasy pełne były zwierzyny
Zamek gryfniejszy chcioł durś sie stować
Blyszczeć bogactwym naszy dziedziny

Dzisioj mosz forsa - tyż tu przikulej
By wykurować se słabe nerwy
Przidziesz do zdrowia ale niy fulej
Groszym trza sypnońć by nabrać werwy.

[broneknotgeld]

W Mosznie

W Mosznie se idzie tyż porajtować
Piyknym habetom se podziwować
Kere podobno som pełnyj krwi
Co kożdy koniorz przeca tu wiy.

[broneknotgeld]

Stowarzyszynie Dinopark

Coś sie w Krasiejowie dzieje
Dinozaurland możno bydzie
Szczyńście jednak sie łośmieje
Jak ze unii euro przidzie

Za rok hala możno stanie
Dlo tych gadow ślonski ziymi
Coby były podziwiane
Trza sie przeca asić niymi.

forum.gazeta.pl/forum/71,1.html?f=261

[broneknotgeld]

Europejski Dinopark

Krasiejow doczko se chnetko sławy
Ździybko poczekać trza jeszcze
Toż skiż nauki a niy zabawy
To wszysko przidzie nom - wierzcie.

[broneknotgeld]

Krasiejowski pawilon

W Krasiejowie już stowiajom
Dyć utropa nowo majom
Bo przi tymu niszczom kości
No i jak se niy zezłościć?

[broneknotgeld]

W Głuchołazach

W Głuchołazach pod Gorom Parkowom
Łod lot źrodełeczko wodom swojom siko
Choć za jeji jakość gowy jo niy dowom
Niyjedyn już tukej ze szczyńścio aż rzykoł.

[broneknotgeld]

Kochcicki park

Park przepiykny tukej we dwoch stylach stoji
Połnoc mo angelsko francuske połednie
Pałac Ballestrema czyńści jakby kroji
Werci sie tu zajrzeć - dyć nojlepi we dnie.

[broneknotgeld]

No ja, niy ma za wila tych fraszek. Terozki jednak musza zońść do wojewodztwa
ślonskego, kere mo niyzbyt fortunne miano, dyć przeca jo wniym miyszkom.

[broneknotgeld]

Katowice

We Katowicach Korfanty stoji
Wele marszałka na koniu
Widać że ździebko Zefla sie boji
Choć tyż sie mu tu niy skłonioł.


Katowice

Winkler Grundmann i Holtze
To Katowic som łojce
Kere wylecieli jakoś ze pamiyńci
Dopiyro terozki słychać ło nich wiyncy.


Z Kostuchny

Pszonie to jest "utropa"
Co siodme poty wyciongo z chopa


Agnieszka

Łod huty cynku szło jeji miano
Bo jom tu piyknie "Agnes" nazwano
Konsek a byliby my w Chorzowie
Dyć jom przigarła gmina Wełnowiec
Kto z wos pamiynto te piykne zdjyńcie?
Co biydaszyby przi "Prezydyncie"
W latach kryzysu pokazywało
Z tego słynyła Agnieszka cało
Dzisioj sie wspomnij ta kolanijo
Jak czasym droga Agnieszki mijosz.


Kostuchna

W Kostuchnie miyszkali na "Murckach" robiyli
No a potym jeszcze na tych "Bożych Darach"
Coby ze grubami tu sie niy pomylić
"Emanuelssegen" - wspomna nazwo stara

Potym to cuzamyn we "Murcki" zebrali
Miano łod bergmonow kere szli z roboty
Ta gruba w Kostuchnie fedruje nom dali
Jak na niyj durś robisz to nosisz galoty.

I geld łostatni tyż na dodatek
Z Kostuchny wiela to wiy mynżatek.

[broneknotgeld]

Alfred

Tyj gruby "Alfred" już tu niy momy
Ło "Hohenlohe" zapominomy
A na Alfredzie przeca bergmony
We familokach byli sie pony
To tukej po swyj ciynżki robocie
Mieli ze życio choć trocha pociech
W Polsce Alfreda nom podzielyli
Do Siymianowic konsek dopiyli
Reszta z Wełnowcym we Katowice
W tym eku trzech miost momy granice.



Amanda

Na mapie Katowic jom ciynżko jest znolyść
I niy mosz dyć richtig tam za czym tyż polyść
Choc było tu kedyś dość gwarno i ludno
Skończyła sie gruba zrobiyło sie nudno
Kolonia i gruba jedne miały miano
Przepiyknie je kedyś Amandom nazwano.


Bagno

Bergmony z "Elfridy" tu kedyś miyszkali
Naprowdy w marasie sie czynsto toplali
Jak huty "Bernhardi" nastały tu czasy
To Roździyń sie chwoloł tutejszym marasym
A dzisioj te "Bagno" to wynzeł drogowy
Jak z Ronda se jedziesz prosto do Mysłowic.


Bederowiec

Bederowiec to był Domb
Józef Beder to był ksiondz
Biydnie sie tu ludziom żyło
Wiela slamsow we tym było
Kto pamiynto te "Maroko"
Kaj niyjedyn choncwot skokoł
Dzisioj to jest niby szpan
"Tysionclecie" prziszło dran
Stojom tu wielgachne bloki
A niy stare familoki
Zaś po drugi stronie skarb
Tyn nasz ślonski lunapark
Kery dzisioj robi klapa
Bo w niygospodarnych łapach
Coś mi jeszcze świto teraz
Niy ma drogi tu Bedera.



Bogucice

Już w wieku czinostym - łod lot to godajom
Stoła tukej wioska na prawie niymieckim
Dyć nojstarszy papior z kerego jom znajom
Wionże z wojewodom sie tym sandomierskim

Otton ze Pilicy - take jego miano
We cztyrnostym wieku wieś mu ta nadano
Mikołaja była we tym szczyro wola
- Ksiyńcia Raciborza no i tyż Opola

Potym było tukej Ksiynstwo Pszczyńske sławne
Z kerego Salamon wykroł ordynacjo
No i w końcu prziszły czasy niy tak dawne
Jak po Mieroszewskim Tiele-Winckler nastoł

Bo wszyscy my wiymy że te Bogucice
Były ważnom czyńściom "Państwa Mysłowice"
Przipadła im przeca ciekawo kariera
Rosnyły se razym z majontkym Wincklera.


Kuźnica bogucko

Staro kuźnica przi rzyce Rawie
Stoła tu ponoć w piytnostym wieku
To sie niy mieści we gowie prawie
Ajza dyrś loli - mody człowieku.


"Ferdynand"

Jako by żyły bogucke strony
Bez "Ferdynanda" kerego znomy
Ta gruba dowo durś przeca życie
Dzisioj jyj miano to "Katowice".


"Fanny"

"Fanny" to miano jest huty cynku
Kaj ciongło wiela boguckich synkow
Dzisioj już werku tego niy szukej
"Czas cynku" skończoł sie przeca tukej.


Kościoł bogucki

Matko Bosko Bogucko łaskami tu słynie
Werci sie z pielgrzimkom być i w tyj dziedzinie.


Bibliotyka

We bibliotyce we Bogucicach
Tyż notgeldami szło sie zachwycać
I chocioż downo to już jest sprawa
Ważne że była tam ta wystawa.

[broneknotgeld]

Katowicko fojerwera

Mo gyburstag fojerwera ze naszych Katowic
Myśla tukej ło karlusach cołkym zawodowych
Niymcy - Polska durś na zmiana im sie to kulało
Ważne że te fojermany gasiyli niymało
Sto lot - przeca przez szmat czasu służyli tu co dnia
Życzyć im trza co by mynij jeździyli do łognia.


Borki

Przicupły prawie nad tom Brynicom
W Sosnowiec ciepnoł byś stond kłonicom
Mie gruba "Polska" zaciekawiyła
Co w miyndzywojniu tukej stanyła
Dyć dwóch knajpiorzy jom miało przeca
Co z niyjednego jedli chlyb pieca.


Boże Dary

Tu gruba "Boer" Hohberg założoł
Do tego kolonio doszła
Za staryj Polski wongel tyn wożoł
Pszczyna stond jeszcze niy poszła

Przed drugom wojnom zmiynili miano
Kawałka tyj ślonski ziymi
Już "Boże Dary" wszysko to zwano
Teroz cieszymy sie nimi.


Boże Dary

Kedyś we pszczyński gminie Podlesie
Potym w Kostuchna wlepiyli
No a za Gierka - wieść ślonsko niesie
Do tych Katowic je wpiyli.


Brynów

W historio sie wpisoł we tyn wiek piytnosty
Choć nikt tu niy miyszkoł aż po siedymnosty
Ponoć we włodaniu kedyś był Cieszyna
A za Salamonow przigarła go Pszczyna
Ponow tukej było chyba aż za wiela
W dziewiytnostym wieku we rynkach Wincklera
Pod koniec go jednak Hohenlohe capnoł
No i już za Polski w Katowicach klapnoł.



W Brynowie

W Brynowie Polokow zawsze było tela
Że nawet z Katowic "wyciepli" ta sztela
Jak zrobiyli ze nich miasto cołkym nowe
Brynow gminom zostoł - co tyż było zdrowe
Potym fest rozkwitło polske życie tukej
A korzyni tego "U Rzychonia" szukej.



"Oheim" - "Wujek"

Ksionże Hohenlohe gruba ta postawioł
Wielgachno bo łon sie drobnicom niy bawioł
We tych Katowicach do dzisioj fedruje
Bo przeca ze "Wujka" durś sie wongel suje.



Burowiec

Wedle Dombrowki tyj Mały
Chałpy Burowca se stały
Ziymia se leko łorali
Aże Wincklerow poznali
Ze hut sie tu zakopciyło
Gruba tyż rosła aż miło
Swoje dociepli łod Gischa
Kajsik strociyła sie cisza
Wongel i ajza - ołow i cynk
Bamber ze tego tukej by pynk.



Domb

Łod średniowieczo już Domb był tukej
U bożogrobcow dowodow szukej
Przeszli jak burza przez Domb Tatary
Zniszczyli nawet tyn Chorzow stary

Dyć miechowitow wioski to były
Lazarytowi ciyngiym służyły
Tymu z Bytomia - Świyntego Ducha
Kaj wiela chorych znodło otucha.



We Dymbie

Farorz ze Chorzowa srebra tukej szukoł
Pieronym uparcie pod ziymia durś kukoł
Domb kolybkom bergmonow skiż tego sie stoł
Dyć różnistych metali rudy przeca mioł.

[broneknotgeld]

Dymbowe szachty

Ta "Ksiynżno Jadwiga" i "Jadwiga Nowo"
Gruby parafialne - tyż farorz je stowioł
Łone już fedrunkym wonglo sie trudniyły
A te jejich szachty jeszcze płytke były.


Pudlingarnia

Baildona pudlingarnia tukej
Teroz jom w hucie "Baildon" szukej
Chocioż zmiyniała właścicieli
Miano łostało bo tak chcieli.


"Waterloo"

"Waterloo" - gruba tako tu była
Dusza Baildona we niyj sie skryła
Czimoł na społa łon jom z klasztorym
Tym co pomogoł Ślonzokom chorym

Potym wyrosła z niyj "Eminyncjo"
Bo w wonglu przeca była potyncjo
Za tyj komuny "Gottwald" jom zwali
Dyć czorne złoto sypało dali

Złonczyli jom tyż ze "Kleofasym"
A jak czerwone przestało straszyć
I nikt niy kłonioł sie tymu po pas
Zrobiyli "Katowice - Kleofas"

Dyć nojważniejsze jest to że w Dombie
Tyn duch Baildona durś w ścianie rombie.


Dombrowa

Niydowno łona we Katowicach
Durś swojym lasym może zachwycać
Wiedzie do niego ta droba "Saska"
Mor tukej dopod wojsko - do diaska
Byli na służbie Augusta Sasa
Tukej skończyli w Dombrowy lasach.


Dombrowka Mało

Niy wiym czy idzie godać ze mało
Jak z samyj nazwy by wynikało
Gmina tu przeca dość ludno była
Co koloniami sie łobłożyła
Norma i Pnioki Czekaj Burowiec
Ze niyj wyrosły te sztele nowe
A jak dołożyć gruby i werki
Powiym że konsek Ślonska był wielki.


Łod Gischego

Spadkobiercy Gischego tu wiela zrobiyli
Bo łoni we huty geld swoj durś topiyli
Tyn ich "Gisches Erben" tu cynk srebro ołów
Wybiyroł garściami ze Dombrowki stołu.



"Jerzy"

Ta gruba w Dombrowce trza tyż tu wspominać
Bo sie niom asiyła przeca cało gmina
Choć życie bergmona niy było wesołe
Robota we "Jerzym" dowoł Hohenlohe
Za tyj staryj Polski zaczły sie problymy
Pryndko jom zamknyli ło tym tukej wiymy.



Dobro Myśl

Terozki tu stojom yno same bloki
A kedyś miyszkali z Wełnowca boroki
Roboty dyć łoni w kryzysie niy mieli
Bez to we barakach siedzieć tu musieli
Ło te dobre myśli niy było za leko
No i do roboty durś mieli daleko.


Fryderyka

Kolanijo Fryderyka kedyś tukej była
Dyć w Wełnowiec sie dość downo cołkym nom wtopiyła
Hohenlohe jom założoł dlo tych z werkow jego
Miano swoje tyż dołożoł no i tela z tego.


Giszowiec

Ta modo osada Gischewaldym zwano
Łod tych z "Gisches Erben" wziyła swoje miano
Las piyrwyj należoł do Thiele-Wincklera
Osiedle powstało piykne jak cholera

Dzisioj by pedzieli że było wzorcowe
Chałpy przeca tukej tyż cołkym stylowe
Bergmon po robocie w łogrodku sie siedzioł
Za co tak harowoł - ło tym dobrze wiedzioł

Leciało to dalyj za tyj stary Polski
Dyć po drugi wojnie nastoł już czas "swojski"
Łoboczyli my to w "paciorkach rożańca"
Jak komuna wziyła starzykow do tańca

"Łobalić trza stare - postawić se nowe"
Bez to momy tu tyż osiedle klockowe
Stare ze tym nowym dziwnie pomiyszali
Ciekawe co piyrwyj bydzie sie zaś walić.

[broneknotgeld]

Huta Arnold

Huta cynku "Arnold" i jyj kolanijo
Janowa to była kedyś familijo
W Katowicach dzisioj lecom im godziny
Arnolda poszukej wele tyj Boliny.


Janow

Ta janowsko ziymia kedyś w Mysłowicach
Mieroszewskich cało była okolica
No a polske ponki hulali za wiela
Majontek sprzedali we rynce Wincklera
Jak tu była gmina to ci łod Gischego
Fedrowali wongel richtig na całego

We Polsce w Janowie wiela sie zmiyniyło
Koncek w Mysłowice cołkym sie wtopiyło
Reszta zaś dotrwała do Polski Lydowyj
Dyć pryndko jom wciepli do Szopiynic nowych
A jak w siyła rosły potym Katowice
Połknyły tyn Janow z miastym Szopiynice.


"Gische"

Kopalń janowskich było bez liku
Zrobiyli z nich jedna - "Gische"
Wiela pokolyń naszych gornikow
W ziymia łod lot tu sie pisze

I chocioż teroz inksze jyj miano
We gymbie "Wieczorek" momy
Fedruje bergmon tukej co rano
Durś wongel stond dobywomy.


We Janowie

We Janowie malować lubiyli
Z tego downiyj już tu zasłynyli
Piyrszy ze nich Ociepka Teofil
Jo bych pedzioł że łon był "carbofil".


Jozefowiec

Miano łostało po tym Bederze
Zeflik mu przeca godali
Droga Bedera - naszkryflom szczerze
Tyż Jozefowskom nazwali

Bo jak komuna prziszła po wojnie
A ze niom zaś inkszo nyndza
Farorz we grobie społ niyspokojnie
Niy chcieli patrona ksiyndza

Dyć zamazane to jakoś dzisioj
Jakby historio ktoś sprościoł
Ło tym ksiynżoszku wiyncyj by słyszoł
Kto w Katowicach by gościoł.


Jozefowiec

Skiż Hohenlohego - pana na Bytkowie
Pryndko sie rozwinoł tyn nasz Jozefowiec
Ci ze werkow jego musieli kajś miyszkać
Po blisku - by piechty zadreptać na szychta
Były jednak tukej tyż przeca i szkoły
Chor i rożne zwionzki co Polsce durś pszoły
Już we polskich czasach pryndko Jozefowiec
Włonczyli na amyn we gmina Wełnowiec
Jak po drugi wojnie rosły Katowice
To sie upomniały ło te okolice
Miano nom łostało - tako zwom osiedle
Droga Jozefowsko co leci tyż wedle
Yno zaginyło nazwisko Bedera
Choć myśla ło ksiyndzu - biere mie cholera.


Karbowa

Dzisioj to historio - miano zaginyło
Ze Katowicami w jedno sie stopiyło
Była to osada Bogucki Kuźnicy
Folwark piykny leżoł na samy granicy
Huty i cegelnie powstały tyż tukej
Dzisioj jednak lepiyj ich wcale niy szukej
Jak zajrzysz to widzisz teroz blokowisko
Kaj? -"Na Paderewskim" - powiy kto tu miyszko.


Katowicko Hołda

Kto dzisioj tyj nazwy używo?
Chyba jakiś trocha dziwok
Wyleciała już ze mapy
Choć tam czynsto niesom szłapy
Jak w Kościuszki żeś jest parku
To na Hołdy tyj kawałku
Rondym Mikołowskym karniesz
Zaś ta Hołda cie przigarnie
Nawet konsek autobany
Tukej jest wyrychtowany
No i "Wujek" durś fedruje
Przeca Brynow prawie tu jest.


Klizmowiec

W Katowicach z Klizmowca nic niy ma
Szłoby tukej łopuścić tyn tymat
Dyć przez pamiyńć zocnego młynorza
Jednak szkryflać sie ło tym łodwoża

Domki kedyś te fińske tu stoły
Teroz w niebo sie dropiom "pachoły"
Beton jakoś niy cieszy mie wiela
Wolołch staro spokojno ta sztela

Tysionclecie tu dzisioj jest Gorne
Chocioż życie wydaje sie chmurne
Jada bankom i blikom ze glajzow
Widza yno tyn kopiec amajzow.


Kokociniec

Konsek Katowic przi samy Rudzie
Możno Kłodnicom spłynońć tam pódzie
Jest tu osiedle bergmonow "Ślonska"
To tyż ze Rudom nitka niywonska

Piyrwyj tu były jednak dziedziny
Łod tych Hochbergow ksionżont ze Pszczyny
Huta i gruba tu postawiyli
Wonglym już przeca ajza topiyli.


Kolonio Wysockiego

Na trasie z Giszowca do tego Nikisza
Po drodze kolonio se leży
Terozki niywiela jo ło niyj już słysza
Wysocki jyj patron - uwierzysz?

Dyć był to se karlus co Flawian mioł miano
Łon kedyś harowoł na "Gischu"
Komunie pszoł mocno i bestoż tak zwano
Osada przi sławnym Nikiszu.


Kopaniny

Prawe i lewe te Kopaniny
Kedyś Hochbergow piykne dziedziny
Dzisioj przigarły je Katowice
Przi Mikołowie te okolice.

[broneknotgeld]

Kostuchna

Staro osada to jest Piotrowic
Kero sie tak rozwinyła
Że nim włonczyli jom do Katowic
Miastym być tyż już zdonżyła.



Koszutka

Kolanijom Bogucic swego czasu była
Ponoć łod młynorza miano swoje wziyła
Jak te gruby i werki zaczli tukej stowiać
To i chałpow trza wiyncyj było wybudować
Z czasym familoki klocki zastompiyły
We mojyj pamiyńci yno łone były.


Kuźnica Bogucko

Kuźnica Bogucko tukej piyrwyj była
Łona nad Roździankom sie nom rozwinyła
Dyć ło niyj Walynty Roździeński napisoł
Że Jurga Kleparski kuźnikym tu prziszoł

Bez lata jom zwali durś łod tyj kuźnice
Choć rosła tyż tukej ta wieś Katowice
Po myśli inkszego kuźnika - Andrzeja
By z czasym zastompić jom we dalszych dziejach.


Huta "Marta"

Dzisioj jom niy ma choć dugo była
Prawie przi rynku miasta nowego
Tam kaj ta sławno kuźnica żyła
Wspomnij kuźnika tu boguckego.



Ligota

Łod Staryj Ligoty wszysko sie zaczyło
Choć we downych czasach ciynżko tukej było
Rzondziyła tu przeca czynsto tyż zaraza
Po polach sie huloł wiater we tych razach

Jak sam zaś nastały czasy huty "Idy"
Poleku Ligota wylazła ze biydy
Doszła jeszcze gruba kerom "Szadok" zwali
Wongel do tyj huty we niyj dobywali

Dobrze tyż sie stało że cug tu puściyli
Bo małe letnisko z Ligoty zrobiyli
Przi banhofie rosła osada łod nowa
Ta staro przi nowyj zaczyła sie chować

Wszysko to sie dzioło tu za Niymca jeszcze
We powiecie pszczyńskim była wtedy - wierzcie
A już za tyj Polski cołko okolica
Czwortom tajlom była we tych Katowicach

Dyć do dzisioj to jest Katowic dziedzina
Chocioż tak niydowno włodała niom Pszczyna
Jak tam kedyś zajrzysz wspomnij moje słowa
I tyskego piwa chlapnij se dlo zdrowia.


Muchowiec

Mucha tu miyszkoł chop małorolny
Niy mioł za wiela dyć czuł sie wolny
Lotoł sie czynsto nad łonkom nisko
Bestoż zrobiyli potym lotnisko.


Murcki

Ponoć tukej właśnie łod lot pany Pszczyny
Dobywali wongel z tyj swojyj dziedziny
Łodrywali chopa ze uprawy roli
Kopać musioł w ziymi wedle jejich woli

Chodzioł umurckany potym do zagrody
Bo mu na tyj grubie żałowali wody
"Emanuelssegen" kopalnia ta zwano
Łod murckow osada pryndko wziyła miano.


"Emanuelssegen"

To jest richtig staro naszo ślonsko gruba
Chop tukej fedrowoł ściongniynty łod pługa
Tu już sztrajkowali w łoziymnostym wieku
Bo sztajger bergmonom ubliżoł - czowieku

W dziewiytnostym wieku ta gruba durś rosła
I wtedy tyż tukej ajzynbana doszła
Wonglo coroz wiyncy trza było fedrować
Bo Hochberg we Wrocku zaczoł go przedować

Za tyj staryj Polski zaś tu sztrajki były
Kryzysym sie przeca gruby niy karmiyły
Ciyrpieli bergmony wtedy wielgo biyda
Niy było tu leko - godać ło tym byda

Już po drugiyj wojnie "Murckami" jom zwano
Jak piyrwyj osada - łod niyj teroz miano
Ważne że durś tukej wongel nom fedrujom
We Polska łon idzie - niych dalyj go sujom.

[broneknotgeld]

Co to jest?

Dzielnica i gruba jedne majom miano
Skiż wonglo tak piyknie je przeca nazwano
Kedyś było tukej "Wolne Państwo Pszczyna"
Dzisioj to Katowic ciekawo dziedzina.



Nikiszowiec

Dyć niy było by "Nikisza"
Jakby tu zabrakło "Gischa"
Ze tyj gruby szachty miano
Do osiedlo przipisano

Zillmann to zaprojektowoł
Swojo dusza w cegły dowoł
Wyszło piykne mini-miasto
Juz docynić prziszoł czas to

Bo perełka naszo ślonsko
Tyż historio mo niywonsko
To jest jakby jedyn świat
W Ślonsku ślonski richtig brat.


"Perła"

Ta "Perła w koronie" widziołch pora razy
Tam ze Nikiszowca som piykne łobrazy
Dziynki Kutza sztuce Polska to widziała
Dyć jednak pewnikym pryndko zapomniała
Trza to jakoś zmiynić - Nikisz nom promować
Nowe klocki przi tym powinny sie schować
Chyba niy przipadkym ta "janowsko grupa"
Właśnie tu sie jakoś zebrała we kupa
Pyndzle se chyciyli - malowali piyknie
Było tego tela że dzisioj nom styknie.


Norma

Piyrwyj tukej huta cynku nosiyła to miano
I szyb gruby "Ferdynanda" tako tyż nazwano
Katowicko kolanijo we Dombrowie Małyj
To ślad kery nom pozostoł po imprezie całyj.


Nowy Czekaj

W młynie na Brynicy Czekaj mieloł zboże
Dzisioj sie to w gowie pomieścić niy może
Dyć łod niego nazwa osady sie wziyła
Gmina Huta Laura dugo tukej była
Potym to przeciepli w miasto Szopiynice
No a teroz widzisz - som te Katowice.



Obroki w Załynżu przi Chorzowie leżom
Rosły nom skiż gruby - w to tyż świyńcie wierzom
Wszysko sie kryńciyło wele "Kleofasa"
Nic sie niy zmiyniyło - jest tak we tych czasach.



Ochojec

Nad rzekom Ślepotkom ta wioska leżała
Z czasym sie rozrosła trocha wybujała
No a na łostatku lazaryt tu powstoł
Kaj niyjedyn bergmon koncek zdrowio dostoł.


Osiedle Belojannisa

Był pieroński pożar na tym "Kleofasie"
Bergmonow uczciyli już we Polski czasie
Kery na osiedlu se tukej zamiyszkoł
Nazwiskym boroka nom czasym zablyskoł
Bo do dzisioj drożki ze osiedlo tego
Noszom miano ofiar - wiela w tym dobrego.


Osiedle Modych

Na Osiedlu Modych
Szukej swyj przigody
Przijedź do Zadola
Jak mosz tako wola
Schowej sie w malinach
Tam zrzyndnie ci mina
Jak szukosz dobroci
To skryj sie w paproci
Podzimki borowki
Wlezom ci do gowki
Mynczy cie rodzina
Łostow jom w jeżynach.


Osiedle Paderewskiego

Paderewski możno mynczy sie we grobie
Jak na wielgo płyta tukej gafto sobie
Pryndko by zaś zamknoł jakoś forteklapa
No i przi okazji komuś prziczas łapa.


Osiedle Roździeńskiego

Nastowiali tukej trocha tych wieżowcow
I dali im miano Katowic "gwiazdowcow"
Dobrze że to niy som cołkym te "gwiazdory"
Jak żech wloz tam na wiyrch toch był ździybko chory.


Osiedle Francka Rybki

Do Sosnowca stond jest blisko
Bestoż Rybka tukej blysko
Jest w tym jednak wiela racji
Zginoł łon za okupacji

Za komuna dołbych krycha
Krziżyk zrobia z tego grzycha
To mu prziznom za Oświyńcim
Rybka mo być we pamiyńci.

[broneknotgeld]

Osiedle Staszica

Wdepły te klocki nom do Giszowca
Chciałyby dalyj dyć już niy potrza.


Osiedle Tysionclecia

Tysionclecie poleku rośnie nom tu dali
Nawt kościoł do tego piykny zbudowali
Doszły tukej tyż nowe jakeś "kukurydze"
Mozno kedyś ze tego dobry "popcorn" bydzie.


Panewniki

Nojpiyrw był tukej jedyn Panewnik
Starym go zowiom do dzisioj
Panwie robiyli tu w dziyń powszedni
Downo to było - joch słyszoł

W cztyrnostym wieku był wele Kłodki
Teroz żech tyż to łoboczoł
Czimie sie jeszcze małyj Ślepotki
I nigdy jom niy przekroczoł

Domb tukej rosnoł wele zajazdu
Co blikoł na Jana wojsko
Pod Wiedyń ciongnoł łon wielkom jazdom
Armia z łodsieczom szła polsko

Dyć niydaleko łod Panewnika
Klasztor zaczyli budować
Wyrosła piykno tyż bazylika
Stary sie zaczoł dziwować

Bo pryndko inksze chałpy tu doszły
Urzyndy knajpy i szkoły
W Nowym już łone piyknie wyrosły
Tyn kont był teroz wesoły

Panewnik zmiynioł sie w Panewniki
I w Polsce już tak go zwano
Czy dzisioj wiedzom to małe smyki
Że jest łod panwi to miano?


We Piotrowicach

We Piotrowicach "tyske" sie loło
Jak yno je zaczli warzyć
Do "ksionżyncego" łoko sie śmioło
Szło sie tyż przi nim rozmarzyć

Dyć tukej była ta "pszczyńsko ziymia"
A na niyj był browar tyski
Chocioż tych starych czasow już niy ma
Tonknońć trza w kuflu zaś pyski.


Piotrowice

Wioska Uniszowy i jyj okolice
Podzielyli kedyś - wyszły Piotrowice
Tukej za rektora Karol Miarka robioł
Nim sie w Mikołowie drukarni dorobioł

Kedyś piykno gmina była ze Piotrowic
Yno że traciyła wiela do Katowic
Już za staryj Polski czyńść ziym jyj łodepli
I w somsiednie miasto pryńdziutko se wepli

Dyć jeszcze przed wojnom straciyła je Pszczyna
Stała sie ze tego Katowic dziedzina
Dzisioj byś niy pedzioł że z inkszego ciasta
Bo wprzongły sie mocno już do tego miasta.


Pnioki

Coingnyły te Pnioki w strona Siymianowic
Choć należom teroz do miasta Katowic
Kolonio to była tyj Dombrowki Mały
Z niom we Szopiynice potym sie dostały
Jak dalyj leciało to już dobrze wiycie
Terozki to wszysko przeca Katowice.

[broneknotgeld]

Podlesie

We pszczyńskim Podlesiu po czeskich husytach
Niy ujrzoł żeś chopa ani tyż kobiyta
Dyć poleku wioska sie zaś zaludniyła
Podlesie urosło - ziymia sie blyszczyła

A tutejszy sołtys pod Wiedniym bioł Turkow
Z pszczyńskimi chopami nasiekoł z nich wiorkow
Kedyś tu kwatery miały wojska Sasa
Chop przi nich zaciskoł richtig swego pasa

Nastoł w koncu tukej tyn wiek dziewiytnosty
Łon tyż dlo Podlesia wcale niy był prosty
Choć durś przeca rosła cołko okolica
Ze klucza wyrskego hrabiego Promnica

Kmiycie już pańszczyzny płacić tu niy chcieli
W końcu i na swojim gospodarzyć mieli
Bo w połowie wieku uwłaszczynie prziszło
Kere niy kożdymu fest na dobre wyszło

Z powietrzym morowym tu sie tyż mynczyli
Chocioż coroz gyńści we tyj gminie żyli
Nowy wiek im przinios same "Boże Dary"
No i tyż sie wynios porzondek tyn stary

Jakoś sie kulało w tyj Polsce do przodu
I durś przibywało we gminie narodu
Za Gierka Kostuchna jednak tu rzońdziyła
Krotko - bo poznała tych Katowic siyła.


Pod Młynym

Młynorza Kaśka młyn tukej miała
Tyż tu sie kończy Dombrowka Mała
Mielyła zboże po naszyj stronie
Bo przeciyż Ślonska tukej był koniec.


Downy Roździyń

Łon już nom wyrosł w cztyrnostym wieku
Ponow mioł wiela - niy licz człowieku
Tukej tyż staro kuźnica była
Kero nad Rawom sie rozłożyła

Wtedy jom zresztom Roździankom zwali
Sławny Roździeński tukej był dali
Co pisoł wierszym ło swyj robocie
Z keryj durś wiela mioł przeca pociech

Do wieku pary kuźnica doszła
Z czasym historiom swojom łobrosła
I choć jom potym wcale niy było
Ło jyj kuźnikach durś coś sie śniyło.



Roździyń

Łod Mieroszewskich Winckler go chycioł
I wiela konskow pod przemysł wycioł
Ta huta "Dietrich" i "Wilhelmina"
"Bernhardi" - wszysko sie przipomina

Ci z "Gisches Erben" tyż sie dociepli
Rosł Roździyń pryndko a łoni krzepli
Lazaryt był tu szkola wiyńziynie
Kościoł i browar na pokuszynie

"Konsum" na Ślonsku piyrszy był tukej
Nawet drukarni w Roździyniu szukej
Tych rzemieślnikow bez liku było
Wszysko dość pryndko sie tu kryńciyło

Dyć był wrośniynty we Szopiynice
Niy było miyndzy nimi granice
Za staryj Polski tyż tak łostało
A i po wojnie dalyj kulało

Zrobiyli z niego przeca dzielnica
Co ciyngiym tkwiyła we Szopiynicach
Choć to za dugo jednak niy trwało
Jest w Katowicach terozki całość.


Sośnina

Była nad Rawom Sośnina
Terozki jednak jyj niy ma
Ta kolanijo ze Dymba
Wyglondo choby we zymbach
Gyjbis tu Piastow sie leży

[broneknotgeld]

Stawiska

Miano łod stawow wele Boliny
Konsek janowski to jest dziedziny
Łon sie rozwinoł skiż "Uthemanna"
Szopiynic huta tak była zwana
Dzisioj sie kończom tu Katowice
Pryndko przekrokniesz we Mysłowice.


Szabelnia

Kuźnica Turzonów kedyś tukej była
Kero sie w szabelnia pryndko zamiyniyła
Szabla szopiynicko niy słynyła może
Pamiyńć nom łostała i za to - szczyńść Boże.


Kedyś w Szopiynicach

Husyty do Szopiynic prziszli ze Zagorza
Ciynżko dlo tyj wioski była ta ich burza
Dyć poleku jednak zaś sie zaludniyła
A przed wiekym pary Mieroszewskich była
Wszysko sie zmiyniyło łod tyj "Wilhelminy"
Cynk we niyj topiyli ze ślonski dziedziny
A do tego doszło pryndko grubow pora
No i cug - przemysłu ślonskego podpora.


Szopiynice

Roździyń-Szopiynice tako gmina była
Zanim sie tu Polska naprowdy zaczyła
Dyć jeszcze za Niymca sie nom rozłonczyły
Niydugo - a jednak już osobno były

Jak zaś tukej Polska głośno zaklupała
Szopiynicom gminno miejskość sie dostała
Miastym cołkom gymbom by wtedy se były
Yno prziszła wojna i już niy zdonżyły

Stało sie to jednak w piyńdziesiontym roku
Nawet powiat miejski wykroli na boku
Bo tyn Janow Ślonski i Dombrowka Mało
Do powiatu wlazły - tako była całość

Problym jednak we tym że te Katowice
W końcu połaszczyły sie na Szopiynice
I choć jest tyż ze nich osobno dzielnica
To jakoś niy wszyscy chcom sie tym zachwycać.


Wełnowiec

Bogucice z Bytkowym pasły tukej owce
I możno skiż tego nazwali Wełnowcym
Tako myśl terozki chodzi mi po gowie
Powiym że bajdurza ale we połowie
Tyżłod Wełny było podobno to miano
Yno że młynorza tako tukej zwano.


Hohenlohe w Wełnowcu

Nic sie tu niy dzioło bez Hohenlohego
Bo była to przeca dziedzina łod niego
Łon założoł kedyś piyrsze gruby tukej
W Wełnowcu tyż jeszcze huty jego szukej
W sawnyj "Hohenlohe" juz koksym polyli
We piecach kaj ruda na ajza topiyli
Dołoż tyż do tego jeszcze huta cynku
Wiela łon roboty mioł dlo ślonskich synkow
W końcu tu zbudowoł gmaszysko te wielke
Kaj dyrekcjo była "Hohenlohe Werke".


"Hohenlohe"

Jedna gruba i dwie huty
W nie Wełnowiec był łobuty
Wszyske miały take miano
Na cześć ksiyńcia je nadano.



Wełnowiec

Za Niymca i za Polski staryj
Była tu samodzielno gmina
Losu niy bierom już na bary
Dzisioj Katowic to dziedzina.

[broneknotgeld]

Wilhelmina

Na Wilhelminie już niy te czasy
Kere tu kedyś bywały
W łoczy sie ciepiom yno te sztrasy
A piyrwyj świat tu był mały

Kery sie kryńcioł wele tyj huty
Łod "Spadkobiercow Gischego"
Ze "Wilhelminy" suchali nuty
Żyli do rytmu takego.


Wymysłow

Piyrwyj jak keryś jechoł z Wrocławia
Tym traktym na Mysłowice
To za Ślepotkom mioł już zabawa
Bo bliske to okolice.



Zadole

Na Zadolu nad Ślepotkom miyszko sie spokojnie
Możesz nawet tu sie dychnońć jak mosz życie znojne
Trocha jest za dużo blokow ale szczimać idzie
Te Zadole do sie lubić i niych już tak bydzie.


Załynsko Hołda

Dwie Hołdy były - jedna przi drugi
I tyj Załynski żywot jest dugi
Bergmon z hutnikym tykej miyszkali
Stond do roboty niy mieli dalyj
Bo gruby huty i inksze werki
Wszyske tu rosły - wysyp był wielki.


Osiedle Witosa

Na Hołdzie Załynski wyrosło osiedle
Jak jedziesz A - 4 to łone jest wedle.


"Bugla"

Bugla - tak sie chop tyn zwoł
Co gront czimoł bo durś sioł
Ziymia łorać zboże sioć
Niy ma co sie z tego śmioć

Dyć choć mocno tym sie smucioł
Kijym rzeki niy zawrocioł
Jakbyś był tu cołkym blisko
Wlyź na "Bugla" - kompielisko.


Załynże

Załynże to richtig jest staro już wiocha
Tych kuźnic tu było łod diobła i trocha
Panow tyż zmiyniało choby rynkawiczki
Ważne że istniało nom przeca tu wdycki.


Kramsta w Załynżu

We Wrocku handlowoł
W Załynżu fedrowoł

"Charlotte" i "Victor" te dwie kopalynki
"Oheim" potym capnoł - poszło to łod rynki

Dyć Kramście sie jeszcze huta zamarzyła
Nazwoł jom tyż "Victor" - cynk tukej topiyła.


"Kleofas"

Załynski "Kleofas" Godula rychtowoł
Nojpiyrw ze wspolnikym potym som jom stowioł
Ta Joanna Gryzik gruba dziedziczyła
W końcu tych łod Gischa durś wonglym karmiyła.

[broneknotgeld]

Wilhelmina

Na Wilhelminie już niy te czasy
Kere tu kedyś bywały
W łoczy sie ciepiom yno te sztrasy
A piyrwyj świat tu był mały

Kery sie kryńcioł wele tyj huty
Łod "Spadkobiercow Gischego"
Ze "Wilhelminy" suchali nuty
Żyli do rytmu takego.



Wymysłow

Piyrwyj jak keryś jechoł z Wrocławia
Tym traktym na Mysłowice
To za Ślepotkom mioł już zabawa
Bo bliske to okolice.


Zadole

Na Zadolu nad Ślepotkom miyszko sie spokojnie
Możesz nawet tu sie dychnońć jak mosz życie znojne
Trocha jest za dużo blokow ale szczimać idzie
Te Zadole do sie lubić i niych już tak bydzie.


Załynsko Hołda

Dwie Hołdy były - jedna przi drugi
I tyj Załynski żywot jest dugi
Bergmon z hutnikym tykej miyszkali
Stond do roboty niy mieli dalyj
Bo gruby huty i inksze werki
Wszyske tu rosły - wysyp był wielki.


Osiedle Witosa

Na Hołdzie Załynski wyrosło osiedle
Jak jedziesz A - 4 to łone jest wedle.


"Bugla"

Bugla - tak sie chop tyn zwoł
Co gront czimoł bo durś sioł
Ziymia łorać zboże sioć
Niy ma co sie z tego śmioć

Dyć choć mocno tym sie smucioł
Kijym rzeki niy zawrocioł
Jakbyś był tu cołkym blisko
Wlyź na "Bugla" - kompielisko.


Załynże

Załynże to richtig jest staro już wiocha
Tych kuźnic tu było łod diobła i trocha
Panow tyż zmiyniało choby rynkawiczki
Ważne że istniało nom przeca tu wdycki.


Kramsta w Załynżu

We Wrocku handlowoł
W Załynżu fedrowoł

"Charlotte" i "Victor" te dwie kopalynki
"Oheim" potym capnoł - poszło to łod rynki

Dyć Kramście sie jeszcze huta zamarzyła
Nazwoł jom tyż "Victor" - cynk tukej topiyła.



"Kleofas"

Załynski "Kleofas" Godula rychtowoł
Nojpiyrw ze wspolnikym potym som jom stowioł
Ta Joanna Gryzik gruba dziedziczyła
W końcu tych łod Gischa durś wonglym karmiyła.

[broneknotgeld]

Kościoł pw. Niypokalanego Poczyńcia Nojświyntszy Maryji Panny

Kościoł mariacki we Katowicach
Neogotykym moze zochwycać
Wiluś korony cysorza niy mioł
A łon już w kupie sie tukej czimoł

Przi placu ksiyndza świontynia stoji
Bestoż ło los swoj nic sie niy boji
Dyć tyn ksiondz Szramek był tu farorzym
W obozie w Dachau dni swojich dożył

Tukej zaś momy po niym witraże
No i tabula - już sie niy zmaże
Pamiyńć ło niymu na naszym Ślonsku
Cołkym - niy yno malutkim konsku.



Katowice? -Tako wiocha
Co wyrosła jakby trocha
Na tym wonglu ajzie cynku
Tela powiym jo ci synku.

[broneknotgeld]

Mysłowice

Pechowy herb chyba majom
Na gowy tam napodajom.

[broneknotgeld]

Pani Skarbnik w Mysłowicach

Majom teroz tukej nowo skarbnik - modo
Pedziołbych że Bozia urody tyż dodoł
Bele by piniondze solidnie liczyła
No i ani razu niy zamataczyła.


• Re: Tyn Gorny konsek Ślonska
broneknotgeld 02.10.2003 21:07 + odpowiedz

Ze Brzynczkowic

W Brzynczkowicach kościoł teroz łodnowiajom
Dobrze że we zocy ta świontynia majom.


• Re: Tyn Gorny konsek Ślonska
broneknotgeld 02.10.2003 21:07 + odpowiedz

Schody

Mysłowicke schody teroz jakby pańske
Chciało by sie pedzieć prawie że "hiszpańske"
Yno że do przyjścio pod ziymiom prowadzom
Tu pokazow mody zrobić niy poradzom.


• Re: Tyn Gorny konsek Ślonska
broneknotgeld 02.10.2003 21:08 + odpowiedz

Kosztowy

Stond jazda do cyntrum pierońsko kosztuje
Nerwy - bo sie wiadukt tukej remontuje.


• Re: Tyn Gorny konsek Ślonska
broneknotgeld 02.10.2003 21:09 + odpowiedz

Leśny kerchof

Kerchof w mysłowickim lesie
Pamiyńć tyj historii niesie
Ło obozach drugiyj wojny
Na uboczu i spokojny
Ło ciyrpiyniu szymro cicho
Nad utropom jyńcow wzdycho.


• Re: Tyn Gorny konsek Ślonska
broneknotgeld 02.10.2003 21:10 + odpowiedz

[broneknotgeld]

Re: Tyn Gorny konsek Ślonska
broneknotgeld 02.10.2003 21:21 + odpowiedz

Urzond Miasta mo mieć swoja gowa
Wybiyrano czasami łod nowa
Max na jedna yno kadyncyjo
Tako miejsko to jest elekcyjo

W Mysłowicach to jest gowa piyrszo
Lud powiedzioł - "Nad nami nojwyrszo"
Choć znom tako co leży na tacy
Wos niy spadnie już ze moji glacy.


• Re: Tyn Gorny konsek Ślonska
broneknotgeld 02.10.2003 21:21 + odpowiedz

Świynty Janie Mysłowicki
Chronić mosz te miasto wdycki
Tam już mlyko przeca were
Ora ludzi trocha biere.


• Re: Tyn Gorny konsek Ślonska
broneknotgeld 02.10.2003 21:22 + odpowiedz

W rankingu "Trybuny" Osyra przoduje
Ktoś pieronym szczodrze kupony mu suje
Możno w Mysłowicach fest go majom w zocy
Tyn cajtong niych teroz Ci sie śni po nocy.

[broneknotgeld]

Świyntochłowice

Czym sie zachwycać?
W Świyntochłowicach
Może tom wieżom wodnom
Lepszego losu godnom.

[broneknotgeld]

Lipiny

Lipiny palcym wytykajom
I tacy som co je kochajom
Choć richtig biydy wiela tukej
W Lipinach ślonski duszy szukej.


Świyntochłowice

Wicow stond dużo
Yno niy swiyntych
W Ślonsku sie nurzo
Że idzie w piynty.


We Lipinach

Piyrszo społka akcyjno na tym Gornym Ślonsku
Tukej była -we richtig dzisioj biydnym konsku
To jest naszo kolybka wonglo ajzy cynku
Ło tym żech sie dowiedzioł we lipińskim szynku.

[broneknotgeld]

Lipiny

Tam jest pympek świata
Zowdy we wypłata
Dyć jak bezrobocie
To kaj pympek mocie?


Jak w Lipinach banka glingo
Ludzie myślom że to bingo.

[broneknotgeld]

Zabrze

Serca tu szyjom piyknie
Ale to im niy styknie
Przemysłym chcieliby słynońć
Co jakby mioł już przeminońć.

[broneknotgeld]

Kończyce

Dzisioj w Kończycach Zabrze sie kończy
A kedyś Polska kończyła
Tyn skrowek ziymi jednak tyż łonczy
Plastyka tu sie wkludziyła
Z całego Zabrza a i ze Rudy
Uczom sie mode artysty
I chocia wszyńdzie durś jeszcze brudy
W sztuce Ślonsk bardzi nom blyszczy.



Pawłów

Paulka we godle tam majom
I durś do niego rzykajom
Pobożnie w Pawłowie żyjom
Podobno niywiela pijom

Jednak w to niy chce sie wierzyć!
Jak w Zabrzu bez picio przeżyć?!

[broneknotgeld]

Zabrze

Ze Szczurołapa słynyło Zobrze
Wspomino sie go tukej zaś dobrze
Teroz nostały nom take czasy
Że w mieście szczury mogby postraszyć.

[broneknotgeld]

Zabrze

Kedyś nojwiynkszo Europy wiocha
I dzisioj z tego mo tyż coś trocha.



Biskupice

Biskup ze Wrocławia mioł te Biskupice
Już w czinostym wieku - chyba mi wierzycie
A jak niy wierzycie pytejcie ta Viola
No i Władysława - ksiyńcia ze Opola
We piytnostym wieku tu Husyty wpodli
Pokradli zniszczyli co cynnego znodli
Po czeskich honcwotach prziszli te Tatary
Niy było tu szczyńścio yno same mary
Możno tyż skiż tego we wieku nastympnym
Biskup je chcioł sprzedać i znoloz sie chyntny
Dyć nazwa łostała - do dzisioj jom znomy
Przeca to dzielnica kero w Zabrzu momy.

[broneknotgeld]

Biskupicko rocznica

Siedymset sześdziesiont klupło im tych lot
Z czego jo jest przeca richtig teroz rod
Na gyburstag ciepia rymow mojich trocha
Yno tela moga w tym szczyńściu popochać.


Dziedzice Biskupic

Jak trza było forsy z Wrocka biskupowi
Bierawskymu przedoł je Mikołajowi
Ze Rudom je czimoł tyż Jan Gierałtowski
Syn zaś po nim erbnoł dyć dopustym boskim
Pomarł dosyć pryndko a po nim ta wdowa
Coś drapko za Prażmy była wyjść gotowa
Zastawiyła nawet swoje Biskupice
Bestoż tu Koniccy stali sie dziedzice
W siedymnostym wieku - we jego połowie
Zwolski na tyj ziymi był nojpiyrszy czowiek
Potym je ucapioł baron Jerzy Welczek
Jak pomarł to wdowa rzońdziyła tu wielce
Dyć po jeji śmierci zaś erbli to Prażmy
Potym hrabia Dunin był tu richtig ważny
Stechowowi przedoł wioska za guldyny
Łon majorat zrobioł ze swojyj dziedziny
Jak syn jego pomar dostała to cera
Ballestrema ślubno i łon mioł to teraz
Ze ślubnom te piykne Biskupice dostoł
Majorat we rynkach Ballestremow łostoł
Czimali to wszysko jak mogli nojduży
Aż po wiek dwudziesty by Ślonskowi służyć.



Biskupicko parafio św Jana Krzciciela

We "Rejestr Ujazdu" łoka jo niy wroża
Dyć wiym że pisali ło łanach farorza
Kery w Biskupicach na parafii siedzioł
Siedymset lot tymu - szmat czasu - bych pedzioł

Kościoł tu być musioł malutki drewniany
We tych downych czasach czynsto łokrodany
Bo tu buszowali husyty tatary
Pewnie tyż sie spoloł kościołek tyn stary

Nowy kościoł z drewna potym postawiyli
Jak sie wiek piytnosty już cołkym pochylił
Osobno dzwonnica jymu zbudowali
I Jana Krzciciela miano świynte dali

Za reformacyji żle sie tukej dzioło
Przeca katolikom niy było wesoło
Z czasym jednak wszysko wrociyło do normy
A farorz z Biskupic nabroł wiynkszy formy

Dyć za Ballestremow w dziewiytnostym wieku
Niy wyczimoł burzy tyn kościoł - czowieku
Nowy pryndko stanoł staraniym hrabiego
Do dzisioj łon blyszczy - przyńdź sie wele niego

Jest neogotycki wyglondo se piyknie
Wszyskim parafianom jednak krotko styknie
Przeca jak tu przemysł zaczyli budować
To pryndko za ciasny poczoł sie zaś stować

W downych czasach na mszo Ruda tu chodziyła
A i dlo Zaborzo parafio ta była
Odpadła ta Ruda to samo Zaborze
W końcu inkszy kościoł stanońć sie tyż może

Jednak parafiany wszyske ło tym wiedzom
Że Jan Krzciciel zaczoł co stoji za miedzom
Siedym wiekow wiara ciyngym kwitnie tukej
Jak u ciebie słabo - w tym kościele szukej.

[broneknotgeld]

Mikulczyce

Ziymi Bytomski te Mikulczyce
Tarnowske Gory tyż miały
Dzisioj - dyć wszyscy dobrze to wiycie
W Zobrzu tyn konsek niymały

W ślonskim kodeksie tyż ło nich wzmianka
Dobiesław czimoł je wtedy
We tyj historii jest trocha manka
Wiela? Dowiymy sie kedyś

Na razie ważny jest wiek cztyrnosty
Z garcow nom łone słynyły
Dyć chopy wiela tu miały troski
Choć Pon Bog dodowoł siyły

Panow Mikulczyc tyż było wiela
Niy byda ich tukej liczoł
Poleku jednak rosła ta sztela
Ślonzok sie nigdy niy byczoł

Mog coś dorobić w kamiyniołomie
Bo złoże wapnia tu było
I chocioż w końcu z tym prziszoł koniec
Jakoś sie dalyj kryńciyło

Za Donnersmacka już wszysko rosło
Torg cug agyncjo pocztowo
I nawet gruba - do tego doszło
Buduje sie tukej nowo

Ronk do roboty trza było wiyncyj
Rosła ta gmina we siyła
Czas robioł swoje i lecioł pryndzyj
W końcu sie w Zobrze wtopiyła.


Biskupice - Zaborze

Legły sie Biskupice przi borze
A za niym było Zaborze.


Po łostatniyj wojnie...

Po łostatniyj wojnie w tutejszym ratuszu
Piyrszy Urzond Gminy Opolszczyzny ruszoł
Dzisioj sie dziwiymy bo opolske dalyj
Granica sprzed wojny wtedy uwożali

We Ziymi Bytomski Mikulczyce były
Choć za pora lotek z Zobrzym sie złonczyły
W piyńdziesiontym piyrszym roku to sie stało
Dyć po dziyń dzisiejszy już tako łostało.

[broneknotgeld]

"Gazeta Mikulczycka"

Dyć dziwowała sie okolica
Piyrszom gazetom we Mikulczycach
Kero wydali pryndko po wojnie
Chocioż niy było jeszcze spokojnie

We gminie rzońdzioł Gawlik Wincynty
Co go dość mocno polyły piynty
W sztyrdziestym piontym w miesioncu maju
Już ta gazeta tu wydowajom

I niy dość tego bo na zadatek
Wychodzioł do niyj jeszcze dodatek
Kery tutejszo dziatwa radowoł
Dlo nich go przeca Gawlik szykowoł

Downo już tukej gazety niy ma
Ale pamiyntać mo ło niyj ziymia
I chocioż ciynżke czasy to były
Trza ło nich wspomnieć by nabrać siyły

Do tego co przed nami terozki
Bo przeca momy zaś inksze troski
We Mikulczycach som jednak ludzie
Co wiedzom umiom i pedzom - "Pódzie".

[broneknotgeld]

"Platan"

Zgrzitow było wiela dyć już łotwiyrajom
Na ta wielko feta zabrzan zaproszajom
Ciekawe jak dali sie to kulać bydzie
Sklepow wielkich dużo a Zabrze we biydzie.



Upadłość browaru?

W Zabrzu jednak tonie browar
Nic że piwo durś sie leje
I chwolony jest piwowar
Rynek sie do niego śmieje

Durś ratować nikt go niy chce
Chocioż było ło tym słychać
Gołubowicz cosik pichce
A durś ciynżko jest im dychać

Przidzie czas - pod młotek wleci
Z warzyniym sie skończy wszysko
W Zabrzu tako sie już kleci
Bydzie ze tym dziwowisko.


Ordynacke Zabrze

"Ordynacko" Zabrzym rzońdzi
Ordynat tukej niy błońdzi
Chce to do muzeum wdepnie
Yno ktosik cosik szepnie

Ordynacko dyć dziedzina
Cołkym kraso to rodzina
Zabrze kryńci sie szczyńśliwie
Gymba łotwar żech w podziwie.



Zabrzańske platany

Zabrze platanami słynie
Jest i "Platan" - sklepik w tyj zocny dziedzinie.

[broneknotgeld]

"Wasserturm" w Zabrzu

Na "Donnersmarckhucie" wież jeszcze stoji
Godajom że łona nojstarszo jest tukej
Dyć już we ruinie i nikt sie niy boji
Że zaroz na darmo ci powiym - poszukej.


Relikwie św. Ojca Pio

Relikwie przezocne w parafii kończycki
Krew łod stygmatyka kapucyny dali
We kościele bydom już tukej nom wdycki
Relikwiorz Woźnice piykny fundowali.

[broneknotgeld]

W łogrodku piwnym

Wele Pstrowskiego coś droge piwo
Choć żech se napioł dyć tymu dziwoł
Czy po to karlus tela harowoł
By ktosik pedzioł - Pstrowski mo drogo.

[broneknotgeld]

Na "Makoszowach"

Siedza na grubie - na "Makoszowach"
Tam kaj "szyb szworty" tyż moja gowa
Łon wielki jakby wieża "World Center"
A jo jak klawiyr malutki - "enter".

[broneknotgeld]

Radzonkow

Cidry radzionkowske zaś se łod sia siedzom
Bytom im na koniec poszachrowoł z miedzom.

[broneknotgeld]

Banhof w Radzionkowie

Kajzer na Ślonsku chyntnie polowoł
We Radzinkowie cug jego stowoł
Z tego tyn banhof piyrwyj nom słynoł
Dzisioj nadrobio jednak durś minom.

[broneknotgeld]

Ksiynżo Gora w Radzionkowie

Radiostacjo tukej tyż niydowno była
Co "Wolno Europa" na Ślonsku głuszyła.

[broneknotgeld]

Orzesze

Jaki herb może mieć ta dziedzina?
Dyć wszyscy wiymy - yno leszczyna.

[broneknotgeld]

Gardawice

"Gardy" czy hardy - abo tyż srogi?
Niy użałowoł nawet niybogi?
Możno ktoś taki żył w ty dziedzinie
Niychej rym ślonski tego niy minie.

[broneknotgeld]

Zawiść

Jako tu teroz by tego dowiyść
Skiż czego była ta wielko zowiść?

[broneknotgeld]

W dzisiejszym Orzeszu

Nojstarszom osadom tu były Woszczyce
Za tym Zgoń se lecioł no i Gardawice
Potym zaś Orzesze z niym razym Zawada
Zawiść bardzi modo to niy jest przesada
Tako tyż Krolowki no i Jaśkowice
Dlo Woszczyc smarkate jakby okolice.

[broneknotgeld]

Woszczycko parafio

Nojpiyrwyj parafio we Woszczycach była
Siedymset lot z hokym toż to czasu siyła
Z sztyrnostego wieku znomy btyż farorza
Papiyżowi podpod - miano mioł Grzegorza
Słać do Awinionu niy chcioł dziesiyńciny
Dyć z ekskomunikom smyntne robioł miny.

[broneknotgeld]

Tychy

Tychom wyboczom jo wszyske grzychy
Za to że majom tyn browar Tychy.


Tyski czakram

Ponoć jakiś czakram we Tychach sie znodli
Piramida stowiać - na tyn pomysł wpodli
Cołke Paprocany bydzie łona zdobić
Słyszoł żech to łod tych co chcom jom tam zrobić
Tyske władze miasta tymu patronujom
Tyn czakram jest mocny - łon już ich se ujon.

[broneknotgeld]

Chcesz zrobić grzych
Wdepnij do Tych.



Dlo poprawy radza Tychy
Tam ci zmażom twoje grzychy.



Nagrzyszysz we Tychach - zaroz łodpust mosz
Za kara jest jednak łod "tyskego" post.

[broneknotgeld]

70-lecie miasta Tychy

Winszuja Tychom jubileuszu
Ciesza sie że joch tyn tymat ruszoł
Koniak żech łotwar - pija już zdrowie
Tyszanek tyszan - tak po połowie

Ło Adamczewski no i Wejchercie
Tyż niy zabocza bo som we wercie
Tego by gruchnońć zaś dwa kielonki
Tychy som jako kwiotkowe ponki

Wiym że niy wyszło wszysko co chcieli
Komuna dała znać we tyj szteli
Dyć jo ze Rudy szkryflom se ło tym
Niy byda rypoł jakiś gupoty.



Siedymdziesiont fraszek tyskich
Na te siedymdziesiont lot
Śmioły z tego by sie pyski
Dyć i jo tyż bych był rod.


XV wiek

We piytnostym wieku ło Tychach pisali
Bo kupce dość czynsto tyndy wyndrowali
Kwery z Mikołowa jechoł na Oświyńcim
Wele Tych na piwo już nabiyroł chyńci.

[broneknotgeld]

XVII wiek

W siedymnostym wieku wioska była zocno
Gospodarka mieli już naprowdy mocno
Browar już był w ruchu - piwa wiela loli
Ze szczyńścio do gości zowdy tu sie śmioli.


"Gronie"
Take miano trocha dziwo
Dyć wiym ło tym - tyske piwo
"Gronie" - źródło głymbinowe
Mo tyn browar w Mikołowie.



"Teraz Polska" - "Tyskie Gronie"
Co zrobić by było tonie?
Trza podatku ściepnońć wiela
Na tym zysko cołko sztela.


Z mapy Hindenberga

Na mapie Hindenberga Tychy już nojdziecie
Kościoł dwor i zagrody wyrysowoł piyknie
I stawy - bo tu ryby hodowali przecie
Tyż leśne strażnice - myśla że wystyknie

Dyć i Paprocany po somsiedzku leżom
Tyż ciekawy konsek dzisioj szteli tyski
Joch na to zoglondoł - inksi niych mi wierzom
Jak niy - to przidymy tu na krziwe pyski.



Ślonsko Giełda Kwiotkow

Szczyńście że Tychy to majom
Dyć jom kaj ińdzi niy dajom.

[broneknotgeld]

Tyski czakram

Czakram w tyskich Paprocanach
To już niy jest ziymi rana
Kaj sie dziwne dzioły sprawy
Niy ma we tym nic z zabawy

Godajom co tukej anioł
Tyn łod ludzi pilnowanio
Mo w łopiece fest kożdego
I ulyczy niymoc jego.



Piramida

Świontynia Ozyrysa bydzie w piramidzie
Na prima-aprilis ponoć łotwiyrajom
Wiela tyż tyszanom możno z tego przidzie
Dyć "cudowi" tymu sie yno dziwajom.


Stefan Krynicki

Szwager Mościckiego kurowoł tu ludzi
Jak sie ku miejskości zaczły Tychy budzić.

[broneknotgeld]

Małgorzatka

Godajom że Chrobry mioł to miejsce w zocy
Pszoł tukej na gorce Małgorzatce w nocy.



1254

140 łanow mioł wtedy tyn Bytom
Możno i niywiela - ło to sie niy pytom
Historio już downo była tu pisano
Dyć łod tego czasu prawa mu nadano
Z Magdeburga rodym - miejske - we Europie
Ważno jest ta data pamiyntej jom chopie
Trzi ćwierci z tysionca lot już tukej kwitnie
Mieszczaństwo - kerego dyć żodyn niy wytnie.



Piykne miasto

Piykne było i być może
Niych im Bozia dopomoże.




750 fraszek

750 fraszek w tym tymacie
Musi sie pokozać choćbych zeżar lacie
Czas na to jest we tyn i nastympny rok
Wy mi kibicujcie śledźcie kożdy krok
Ktoś chciołby mie wspiyrać tukej swojim rymym
Piyknie - razym pryndzy sie z tym poradzymy.

[broneknotgeld]

Stolarzowice

"Stillerdorf" - 1396

Nad historiom Stolarzowic tynge gowy myślom
Niy som cołkym jeji pewne jak Stillerdorf kryślom
Kery Spytko ze Tarnowa przekozoł wojtowi
Rudzki łon sie dyć nazywoł - służoł Bytomiowi.



Stare gruby

Wszyjscy to wiymy - na dolomicie
Stojom w Bytomiu Stolarzowice
Kruszce tu downo w ziymi szukali
W sztyrnostym wieku - możno i dali
Lecioł fedrunek z galyny gruby
Choć zysk ze tego niy był za ruby.


Jerzy Gische w Stolarzowicach

Krol na galmanie z Gornego Ślonska
Tyż go fest targoł ze tego konska.




Wiek łoziymnosty wtedy już nastoł
Gwarkow se Gische sprowadzioł
Cynku ślonskego teroz sie czas stoł
Bez niego kraj se niy radzioł.

[broneknotgeld]

Joanna Gryzik - pani na Szombiyrkach

Młotki gornicze we herbie miała
No bo tego przeca chciała.



"Krol Dawid"

Wongel już tukej za Fryca brali
W Szombiyrkach było to przeca
W "Krolu Dawidzie" go fedrowali
Ślonzek już ciepoł do neca.



Szombiyrskie chopy ruda woziyli
Galman to był miechowicki
I choć sie na tym niy wzbogaciyli
Formon robota mioł wdycki.



Szombiyrki - Godula

Hasło - Szombiyrki. Odzyw - Godula
We tym wos przeca niy byda fulać
Wiela łon tukej zrobioł dobrego
No a po śmierci - majontek jego.


Darowizna

Na kościoł w Szombiyrkach Schaffgotsch niy żałowoł
100 tysiyncy marek przeca podarowoł
I chocioż trza było dołożyć do tego
Terozki tu ludzie majom coś piyknego.




"Hohenzollern" gruba - dyć "Szombiyrki" przeca
Klejnot to był czorny bytomskego neca.




Pałac w Szombiyrkach

Godula w Szombiyrkach pałac wybudowoł
Jego piykno wieża sie w łoczy ciepała
Niywiela łon jednak we niym pobalowoł
W Rudzie czynsto siedzioł - lubioł to bezmała.



"Fazaniec"

"Fazaniec" w Szombiyrkach za Schaffgotschów słynoł
Ale te fazany nadrobiały minom
Choć strojyły piyknie wielkopańske stoły
To przeca sie z tego niy za wiela śmioły.


Ratusz

Szombiyrski ratusz do dzisioj stoji
Choć możno ło sia sie trocha boji
Pamiynto jeszcze rusko kanona
I czasym pyto - Kaj teroz łona?


Kanona - dynkmal

Ciekawy dynkmal skiż piyrszy wojny
Kery ta gmina dar dała hojny
Z ludzi zabitych na jeji frontach
Trza to pamiyntać - niy chować w kontach.



Podziymno kolejka

We "Hohenzollernie" na sztrom piyrszy cug
Ze przodka do szachty wozki ciongnońć mog
Był to "ewenymynt" na skala Europy
Sto dwadziścia lotek minyło już chopy.


W szombiyrskim pałacu

Tukej sie "kopciuszka" wesele łodbyło
Schaffgotscha do Rudy ze Cieplic ściongnyło
Tako se z Joannom tu gospodorzyli
Erbniony majontek jeszcze pomnożyli.


Pałac Goduli

Sto lot stoł w Szombiyrkach pałac łod Godule
Kerym cołko gmina przeca sie asiyła
Niy zbulyły jego i armatnie kule
Dyć armio sowiecko cołki go spolyła

Wybulyli reszta - dzisioj niy ma śladu
W tym miejscu terozki se stoji przedszkole
Już sie niy dziwujom jak bankom tu jadom
Historyjo jednak czasym w serca kole.

[broneknotgeld]

• Re: Kościoł św. Małgorzaty

"Sutuhali"

Toż na gorce "Sutuhali"
Piyrwyj bogom cześć dowali
Krześcijany z czasym prziszli
Stało sie po jejich myśli

[broneknotgeld]

Kościoł Wniebowziyńcia Nojświyntszy Maryji Panny


1231
Tako data Liebental szkryfnoł we kronice
Jedni tymu wierzom dlo inkszych to wice.

[broneknotgeld]

Pieler

Pieler mi teroz chodzi po gowie
Cyntralno stacja robioł tyn czowiek
Wele "Rozbarku" - ta ratowniczo
By ratowała nom brać gorniczo.


Synagoga

Synagoga bytomsko tam kaj Plac Grunwaldzki
Zdobiyła tyn Bytom stylym mauretańskim
W proch jom łobrociyła "kryształowo noc"
Tako wtedy była niynawiści moc.



Miejske mury

Po wiek dziewiytnosty mury tukej stoły
W nich serce Bytomia tyntniyło
Dyć wojska sie żodne już jejich niy boły
Trza zbulić - to zdanie stanyło

Dwie bramy ze murow tych zaprowadziyły
Na Krakow no i na Gliwice
A czecio - co troszka i może dziwuje
Zawiodła cie na Pyskowice

Godajom że furty tyż były tu zocne
Z nich jedna Piekarskom nazwali
A drugo Źrodlanom - znaczynie jyj mocne
Po woda sie niom wybiyrali.



Stary ratusz

Stary ratusz we styczniu sie poloł
Dugo stoł łon dyć teroz łoboloł
Łostro wieża co niebo dropała
W końcu wojny spokoju niy miała
Pech jyj przinios tyn sztyrdziesty pionty
po ratuszu durś puste som konty.


Na rynku

Na rynku bytomskim pomnik stoł ze lwym
Ze staryj pocztowki ło tym teroz wiym
Czcioł łon bytomiokow co w wojnie zginyli
W tyj francusko-pruski sie fest łostro biyli.


"Piwnice Gorywodow"

Dom Gorywodow downo zbulyli
Gotycke piwnice łostały
W nich my niyjedne wino wypiyli
Zysk na nos mieli niymały.


Kościoł Wniebowziyńcia NMP

Princ opolski Władysław kościoł tyn fundowoł
Nim jeszcze nom Bytom prawa miejske chowoł
Wiela łon uciyrpioł jak wieki leciały
Dyć do dzisioj blyszczy nom piykny i cały

We szesnostym wieku pożar Bytom trowioł
I tyn kościoł wtedy łogyń niy łostowioł
Jednak zaroz potym kruchta mu dodali
Ta wieża wysoko tyż dobudowali

W dziewiytnostym wieku dali rosnoł tukej
Hełmu szpiczastego łod tych czasow szukej
Generalny remot świontyni zrobiyli
I sie niom w Bytomiu naprowdy asiyli.



• Re: Eichendorffstadt (Bytom-Zabrze-Gliwice)

Niymcom to sie niy udało
Chocioż wiela tego chciało.


Browar

We Bytomiu Browarniano
Browar tukej stoł
Piwo w beki nalywano
Chop zowdy je chcioł.


Stary zamek

Bytomski zamek kaj Plac Grunwaldzki
Jak średniowieczo był czas tu
Czy tyn co najazd zniszczoł tatarski?
Czy łod bytomskich już Piastow?


"Dolomity"

We bytomskich "Dolomitach"
Zima idzie już prziwitać
Pakuj narty i jedź tam
To jest prowda a niy spam.


2004

Już prziszoł tyn rok rocznicowy
Trza teroz dać coś ze gowy
Bo fraszek miało być tela
Wiela mo lot miejsko sztela.


Komitet Honorowy 750-lecia

Honorowy Komitet se skompletowali
Akty mianowania nawet łodbiyrali
Ponoć w Komitecie ludzi richtig wiela
Bo blysnońć chce Bytom - gornoślonsko sztela,

[broneknotgeld]

Na kutym płocie

Na kutym płocie cwergi łoboczysz
Jak do downego starostwa zboczysz
We kerym filio muzeum dzisioj
Czy ło koncertach tukej żeś słyszoł?

[broneknotgeld]

Nowy Plac Grunwldzki

Plac grunwaldzki mo być "nowy"
Wlazło to do jejich gowy
Na gyburtag Bytom "fundnie"
Bydzie gryfnie i porzondnie.

[broneknotgeld]

Re: Plac Kościuszki

"Boulevard"

Dzisioj już tego niywiela mocie
Ze historyji bardzi poznocie.

[broneknotgeld]

• Re: Plac Klasztorny

Franciszkanie

Zakon fechciorski ksionże osadzioł
By przi mieszczanach jakoś se radzioł
Toż pryndko Klosztor tu postawiyli
A potym kościoł i jakoś żyli.

[broneknotgeld]

Re: Józefczaka 39

Hotel "Wiktoria"

Wpiyrw "Heilborn-Hotel" łon sie tu zwoł
Potym te miano "Wiktoria" mioł
Dyć z czasym jednak popod w ruina
Niym szwongu wiyncy miała dziedzina.

[broneknotgeld]

Re: Pl. Klosztorny 5

Staro fara

Jak wangeliki kościoł dostali
Fara tu postawiyli
Pastor z rodzinom we niyj miyszkali
Cołkym wygodnie se żyli.

[broneknotgeld]

Re: Pl. Klosztorny 4

1898

Dom dlo diakonis dzwigła tu gmina
Przeca bogato była dziedzina
Sioszcziczki w szkole miały robota
I w parafiji - toż niy dziwota.

[broneknotgeld]

Plac Klasztorny

Ponboczka do dzisioj mo i tych szkolorzy
Myśla że łon cosik we Bytomiu woży.

[broneknotgeld]

Re: Rynek

Rynek

Rynek starszy tu łod miasta
Łon był piyrwyj no i basta
Dyć i Bytom grod prastary
Niym se chycioł miejski miary.

[broneknotgeld]

1945

Szaść dwadziścia kamiynic z ratuszym tu stoło
Dyć jak Ruski wleźli niy było wesoło
Niym z Bytomia poszli se to wyobroźcie
Domow tu przi rynku łostało sztyrnoście

[broneknotgeld]

Re: Plac Sobieskiego

"Moltkeplatz"

Loł fest po rzici Danii Austryji
Tako dostało se i Austryji
Feldmarszałkowi Bytom fest pszoł
Toż jego miano plac tukej mioł.

[broneknotgeld]

Re: Korfantego 36

1905/1906

Kamiynica wielko Arndt z Karbia postawioł
We kery miyszkania jak apartemynty
Dyć kto forsy niy mioł tukej niy zabawioł
Gyszeftu niy zrobi tyn kto jakby świynty.

[broneknotgeld]

• Re: Korfantego 37

1870

Stodolka wystawioł tukej kamiynica
Piyrwyj jego był a cołko okolica
Łostała mu przeca dość piykno parcela
Jak zabudowano to tyż przeca wiela.

[broneknotgeld]

Re: Korfantego 38

1893

Kupioł Sobociński tyn dom po Kramerach
Chcioł go przebudować - dyć jasno cholera
Bansch mu wiela mońcioł skiż restauracyje
No i mioł z nim richtig terozki mecyje

Jednak w końcu tuyż se jakoś dogodali
Bansch marki wyłożoł - łon tu rzońdzi dali.

[broneknotgeld]

Re: Koszary

1890-1892

Infanterio piyrwyj we Bytomiu była
Terozki budujom dlo niyj tu koszary
Batalion to możno niy za wielko siyła
Dyć na Bytom stykło - dejcie tymu wiary.

[broneknotgeld]

"Żołnierza Polskiego" - "Feldstrasse" - pra?
Dyć za Hitlera miano - "SA".

[broneknotgeld]

Re: Żołnierza Polskiego 5

Dom taki stoji
Dyć mało ło niym w lekturze moji.

[broneknotgeld]

Re: Żołnierza Polskiego 7

Dzisioj tu "plomba" nowo se stoji
Co piyrwyj było - we fraszce moji.

[broneknotgeld]

Re: Żołnierza Polskiego 9

1885

Dwa prziległe domy Czechinger wystawioł
Choć na droga psioczoł że niybrukowano
Dyć płat chcioł wysoki - tym ludzi niy bawioł
Możno bestoż w końcu ta sztela sprzedano.

[broneknotgeld]

Re: Żołnierza Polskiego 11

1875

Ta kamiynica Polotzyk stowioł
Ze przewozami rada se dowoł
Bo we tym gyszeft był dobry jego
Toż "wekturantym" zwali istnego.

[broneknotgeld]

Re: Żołnierza Polskiego 13

1876

Paulina Kaul ta parcela miała
Tyż kamiynica wybudowała
Budowniczymu Sattke zleciyła
By nawet stajno łod zadku była.

[broneknotgeld]

Re: Piłsudskiego 66

1869

Parcela Wylezol kupioł łod Sobboty
Chcioł se dom postawić - przeca niy gupoty.

[broneknotgeld]

Re: Piłsudskiego 68

Łod miasta parcela se kupioł Kwiotkowski
Łon tyż wybudowoł tukej kamiynica
Bergmon Kamiynicznik toż mioł wiyncy troski
Dyć czy było widać to na jego licach?

[broneknotgeld]

Re: Piłsudskiego 70/72

Joseph Gregretzki

Zefel Gregretzki był tukej panym
Mioł stary domek podmurowany
Dyć bogaciyła se okolica
Toż łon wystawioł tyż kamiynica.

[broneknotgeld]

Re: Podgórno 2

1873

Satke se do sia dom wybudowoł
Coś ze Francyji mo - mi sie zdowo
Dach mansardowy i balustrada
Jakby baroku wielko parada.

Podgórno 1

[broneknotgeld]

1872

Woitka Osadnika kamiynica stoji
Bauera z Bytomia ło tym teroz wiycie
We neorenesans ździybeczko tyz stroji
Na winklu se "toczy" jakby jeji życie.
-

1889

Franz Friedrich to kupioł dyć jakoś utropa
W czi miesionce zmiotła ze świata już chopa.

Stroszek

[broneknotgeld]

We Stroszku

We Stroszku podobno rzeczka Belcza była
Kaj łona terozki na mapie sie skryła
Kedyś łod Bytomia Stroszek łoddzielała
Godajom że wsionkła bo tego niy chciała.



Wodnik

Karczmorz z Radzionkowa - Gyjorg jego miano
Fisza tukej kompoł choby malowano
We stawie co wtedy sie "Strossek" nazywoł
Bo piyrwyj tu wodnik szkaradny tyż pływoł.



Wiela ło tym Stroszku w Radzionkowie wiedzom
Choć terozki leży już cołkym za miedzom
Dyć go piyrwyj mieli radzionkowske pany
Do jejich łon szteli dugo był pisany .


Miyndzywojnie

We dwudziestym drugim razym z Radzionkowym
Dostoł łon sie Polsce ło tym wom tu powiym
Na Wiktorze wtedy celniki stanyli
Wele "Beuthengruby" urzond postawiyli
Ta kopalnia znomy bo tymat niywonski
Dyć to nic inkszego jak "Powstańcow Ślonskich".



"Schoris"

Kto pamiynto "Schoris" gruba?
Kaj tyn galman mieli dłubać?



Srebrno sztolnia

Jakby tak sie cofnońć troszka
We tym czasie tu do Stroszka
Srebra by my poszukali
Srebrno Gora podkopali
Galman tyż by sie nom przidoł
Dyć to wszysko Stroszek wydoł.



Osiedla

Tam kaj Donnersmarcka piyrwyj pola były
Chałupy osiedlo dość pryndko stanyły
Nojpiyrw tak jak wszyńdzie z cegły familoki
A potym normalne robotnicze bloki
Za bytomski władzy szło to ciyngym dali
Betonowe klocki fest pobudowali.



To ci strata

Za swo "niypodległość" Radzionkow zapłacioł
Stroszkym - bo go chyba już cołkym utracioł.



Manhattan

Stroszek sie Arabow boji
Bo "Manhattan" tam tyż stoji.



Dwor

Dwor na tym Stroszku przeca tyż boł
Ale sie downo we ziymia wbioł
Godajom ludzie co kedyś Szatan
Na dwor mioł ściepnońć jakiś "Manhattan".

Sucho Gora

[broneknotgeld]

Sucho Gora

Sucho i Srebrno - dwie gory były
Kere bergmonom dobrze służyły
Z tutejszy galyny srybro ołów mieli
Potym galman brali z suchogorski szteli
We dwudziestym wieku jednak koniec prziszoł
Wongel zaczoł rzońdzić cynk na aut se wyszoł.



"Fryderyk"

Kopalnia "Fryderyk" z rozkazu Prus króla
Przeszło sto lot tukej galmanym fest suła
Zostały do dzisioj wyrobiska po ni
Wleziesz to niytopiyrz pryndko cie wygoni.


"Blachowka"

Dolomit z "Blachowki" kedyś fest targali
Atrakcjo przirody teroz zrychtowali
Krajobraz ciekawy - przidź se podziwować
Pod prastarom lipom przed klarom tyż schować.


Dolomit

Dolomit z tyj szteli huty durś szukały
Te kamiyniołomy wiela im go dały
Niy yno "Blachowka" "Bobrowniki" tyż
Mocka tego było już terozki wiysz.


Ło Suchy Gorze

Łod Radzionkowa sie łodłonczyła
I dugo gminom osobnom była
Z blyndy z galmanu we siyła rosła
Ze dolomitym tyż w przodek poszła
Dzisioj mo Bytom tako dzielnica
Richtig ciekawo to okolica.



Kaplica

Staro kaplica durś tukej stoji
We neogotyk piyknie sie stroji
Już sto lot z hokym jom podziwiomy
Jak w Sucho Gora se zaglondomy.

Sucho Gora

[broneknotgeld]

Kościoł Michała Archanioła

Na mszo stond chodziyło sie do Radzionkowa
Dyć po drugi wojnie ruszyła z tym sprowa
Nojpiyrw we rymizie liturgio sie dzioła
W końcu doczekali sie tukej kościoła
Tyn Archanioł Michał patronym jest jego
Tyż parafian chroni łod wszelkiego złego.



Z Suchy Gory to jest wziynte
Widziołch tam we cegłach świynte
Co nad szczyńściym tych czuwajom
Wszyskich kierzy tam miyszkajom.



"Hipolit"

Worpia we lesie po "Hipolicie"
Kedyś tyntniyło fest tukej życie
Ajzy i cynku kopali ruda
A dzisioj rosnom natury cuda.

Sucho Gora

[broneknotgeld]

"Dolomity" - Sucho Gora

"Dolomity" nos wołajom
Suchogorsko sztela naszo
Śniyg tam teroz zowdy majom
Gołym stokym niy postraszom

Chyć za deski - szurnij tukej
Choćbyś jeździć i niy umioł
Tu nauki przeca szukej
Myśla żeś już to zrozumioł.


"Ślizg na bele czym"

"Ślizg na bele czym" w Dolinie jest dzisioj
Jakbych nic niy szkryfnoł to pewnie bych wisioł.


Skoki na desce

Na desce w Dolinie jutro skokać bydom
Karlusy z frelkami pewnie se tam przidom
Bo przeca to prawie Walyntego dziyń
We pszonie niy wlezie chyba żodyn ciyń.

[broneknotgeld]

Miech

Grzychu we tym wcale niy ma
Z Miecha wyloz taki tymat
Piyrszy łon tu ponoć siedzioł
Co ło Miechowicach wiedzioł?


Godło

Drabiniok z koniym godłym Miechowic
A kim jest furmon? Powiydz mi powiydz!
Łon na te gwiozdki fest sie dziwuje
Ze pustom furom do Unii suje.



Ignacy Domes

Jak se Napoleon aż na Moskwa pchoł
Za te Miechowice kupiec forsa doł
Z Czeladzi pochodzioł - miano jego Domes
Fest sie łon wzbogacioł i żył choby komes
Tam kaj dwor drewniany pałac sie postawioł
Dyc na tym padole niydugo już bawioł.


Maria

Cera łod Domesa Aresin sie wzioł
Ze niom tyż bogatszy przeca zaroz boł
Dyć tego ślubnego nom Maria przeżyła
I Franca Wincklera za chopa sie wziyła
Dziynki tymu karlus majontek se chycioł
Kery pryndko bydzie jeszcze bardziyj świycioł.



Gruba galmanu "Maria"

Sto łoziymdziesiont tymu już lot
Aresin kamiyń wyngelny kłod
Pod miechowicko gruba galmanu
Łon dzinki niyj tu na nogach stanoł

"Maria" jom nazwoł jak swoja ślubno
I chocioż łona niy była zgubno
Dyć go kobiyta przeca przeżyła
A wdowom pryndko Wincklera wziyła.


Hugo Lazarek

W pamiyńci go cołke Miechowice miały
Bo przeca łon tukej był "piyrszym po Bogu"
Niy yno swoj palec prziłożoł tu cały
Niym stanoł se wele pyjtrowego progu.


Bioło Dama na zamku w Miechowicach

Bioło Dama zaś straszy we tych Miechowicach
Ponoć skiż bytomski rocznicy przezocny
Wiy już ło tym duchu cołko okolica
Na prima-aprilis przidzie w porze nocny.

Dworcowo

[broneknotgeld]

Czamu ta Dworcowo tako ważno była?
Piyrwyj dwa banhofy prawie połonczyła

[broneknotgeld]

Piyrwyj zagroda tu ponoć była
Niym kamiynica se pojawiyła
Co kupiec Nothmann pryndko postawioł
Bo piniondz "robioł" a niy se bawioł

[broneknotgeld]

Dworcowo 3

Piontek z Bytomia jom projektowoł
Czi sztoki z giblym tyż miała
Neorenesans z frontu wystowoł
Żołtom glazurom blyszczała

Do dzisioj ciyngym tako nom stoji
Choć ździybko czasu minyło
Dworcowo "trojka" przeca durś stroji
Niych bydzie jako i było

[broneknotgeld]

Dworcowo 5

Mo kamiynica aż sztyry sztoki
To historyzmu jakby som kroki
Stoji już tukej przeszło sto lot
Czas projektanta miano se skrod

[broneknotgeld]

Dom Pomocy Społeczny w kamiynicy dzisioj
A piyrwyj co było? Kto ło tym tu słyszoł?

[broneknotgeld]

Toż wyży siedym być przeca miało
Jednak se kajsik mi zapodziało.

[broneknotgeld]

Dworcowo 9

Albert Klehr z Bytomia projekt piyrszy dowoł
Dyć Julius Schlesinger fest jom przebudowoł
Co piyrwyj stanyło w stylu historyzmu
"Art deco" mo dzisioj - na tle modernizmu

[broneknotgeld]

Dworcowo 11

Chałpa jak stanyła do dzisioj tu stoji
Przebudowy jakby cołkym sie niy boji
Rachować jyj czeba sto piytnoście lot
Projektant niyznany dyć mogby być rod

[broneknotgeld]

"Czinostka" piyrwyj szczyńśliwszo była
Dyć tu z "siodymki" se "narodziyła"
Możno skiż tego do dzisioj blyszczy
Los coś dobrego jyj jeszcze zyszczy

[broneknotgeld]

Dworcowo 15

Po prowdzie niy wiymy kto projekt swoj dowoł
No i gynau kedy jom tyż wybudowoł
Wpiyrw we historyzmu łoblykła se szaty
Wystoj dzisioj inkszy dyć przeca bogaty

[broneknotgeld]

Johann Kowollik jom wybudowoł
Dyć do sia przeca dom piykny stowioł
Wiym dlo niego to "małe piwo"
Boch se kościołom jego tyż dziwoł.


1904-1905

Jozef Kutz z Katowic "mynczoł" se z fasadom
Dyć wykończoł piyknie - ze wielkom paradom
Terozki sie asi secesyjom swojom
Glazurom bieluśkom liściami co strojom.

[broneknotgeld]

Dworcowo 19

Karol Nowak w mieście był niy bele kim
Hotel "Reichshof" jego - dobrze ło tym wiym.

[broneknotgeld]

Razym

Niychej wiedzom ło tym nawet małe śpiki
Kamiynice razym som skuli muzyki.

[broneknotgeld]

Dworcowo 25 i 27

Piyrwyj tyż dwie kamiynice
Co podobne miały lice
Wysoke na sztyry sztoki
Razym wziyły sie za boki.

[broneknotgeld]

Dworcowo 29

Eklektyzm Edmunda Trossina z Katowic
Czy ci sie podobo? -Som se tu łodpowiydz
Sesesjo kajniykaj tyż wlezie do łoka
Yno niy zoglondej po nastaniu ćmoka

[broneknotgeld]

Dworcowo 31

Zaś renesans klasyczny sie asi
Bo przeca Bytomia tyn styl niy marasi
Grundmann kamiynica tyż zaprojektowoł
Za to gowa dowom a niy yno słowo

[broneknotgeld]

Dworcowo 33

Kurde - kamiynicy niy szukej już dzisioj
Zniszczono przez wojna - pewnoś ło tym słyszoł.

[broneknotgeld]

1874-1875

Budowniczy Haase do sia jom tu stowioł
Dyć jak już stanyła zarozki sprzedowoł.

[broneknotgeld]

Dworcowo 37

Przi ty kamiynicy tyż yno wspominki
Niy wylazła cało ze wojynny mynki.

[broneknotgeld]

Dworcowo 2

Toż Wilhelm Wieczorek projekt piyrszy dowoł
Architekt Schaffgotscha - czy mi sie wydowo?
Jak roki już klupły ze sztyrdziści dwa
Pedzieli - "Terozki przebudować trza"

Zomb czasu do dzisioj gryzie kamiynica
Ale tym niy byda jo sie tu zochwycać.

[broneknotgeld]

1870

Schmidta niy byda sie ło to pytoł
Ze historyzmym tukej se witoł.

[broneknotgeld]

1871

Klehr neorenesans zaś nom ciepnoł w łoczy
Choć przi inkszych "sznytach" tyż mioł wiela mocy.

[broneknotgeld]

1887

Herrmann budowoł
To mi sie zdowo
Tyn co se miyszkoł dali dwa domy
Niy - niy ma we tym tu żodny kromy.

[broneknotgeld]

1871

Kaj wpiyrw zagroda - już kamiynica
Co historyzmu mo gryfne lica
Kowollik do sia jom wybudowoł
Inkszym w Bytomiu tyż wiela stowioł.

[broneknotgeld]

Zaś dwie chałpy w jedny som
Taki ty Dworcowy dom.

[broneknotgeld]

Dworcowo 16

Tukej łod downa stoła gospoda
We kery popić niy było szkoda.

[broneknotgeld]

1869

Kamiynica tukej projektu jest Klehra
Możno go skiż Wilka biere kajś cholera
Bo łon fest pomiynioł w niyj elewacyjo
Jak pomarł właściciel - tako z tym mecyjo.

[broneknotgeld]

1874

Kto go mog stowiać? -Sami powiycie
Herrmann - dyć przeca dobrze to wiycie
Po prowdzie jednak przebudowali
Pinczower piyrszy a Galla dali.


U Kellinga

Pralnio chymiczno tukej se była
Chciołś - kolor ciuchow tyż zamiyniyła.

[broneknotgeld]

Biechow

Za Nysom tyn Biechow znojdziecie
Se werci zoglondnońć tam przecie.

[zbyszek1970]

tutaj polecam kolegom dobrego elektryka
klik