Dodaj do ulubionych

Karyta Europy

13.09.06, 18:34
Sztyry regiony - tako karyta
Toż ło co wiyncy tukej se pytać?
Obserwuj wątek
    • broneknotgeld Re: Karyta Europy 13.09.06, 18:35
      Swojich kamratow jako już znocie?
      Możno coś ło nich w tym wontku docie
      • broneknotgeld Re: Karyta Europy 13.09.06, 18:54
        Szukom roztomajtych ciekawostek ło gminach i miastach partnerskich, coby to
        potym szkryfnońć ślonskom rymowankom.

        Jak cosik znocie
        forum.gazeta.pl/forum/72,2.html?f=28940&w=46888537
        Możno tam docie.
    • broneknotgeld Nadrenia - Palatynat 13.09.06, 18:38
      Być nad Rynym
      palatynym?
      Pić se winko
      zamiost bryny?

      Ano - drapko
      tam poleca
      Richtig do
      zocnego neca!
      • broneknotgeld Re: Nadrenia - Palatynat 13.09.06, 18:40
        Land Katedr romańskich - takim go znocie
        We Spirze Wormacji te kościoły mocie
        Moguncjo i Trewir dołożcie do tego
        Wiela dlo Kościoła znaczyły naszego.


        Niymiecki Szlak Winny

        Łoj bych se puścioł jo szlakym tym
        Na razie musi wystyknońć rym.


        Dolina Mozeli

        W Dolinie Mozeli rizling zocny płynie
        Trza łostać na dugo w ty piykny dziedzinie.
        • broneknotgeld Re: Nadrenia - Palatynat 13.09.06, 18:42
          Mozelske zamki

          Arras Eltz i Cochem - zamki przi Mozeli
          Niymi tyż se idzie zochwycić w ty szteli.


          Lorelei

          Se Rynym płyna - ślyp szuko skał
          Możno na keryś ta Lorelei.


          Ryńske Gory Łupkowe

          Kaj Ryn se wcisko w Gory Łupkowe
          Zochwyt na gymbie mo zowdy czowiek
          Choćbyś Lorelei niy spotkoł nawet
          Zdo ci sie - cuda widzisz na jawie.
          • broneknotgeld Re: Nadrenia - Palatynat 13.09.06, 18:43
            Niy bydziecie sie fest starać
            Jak dołoża tyż tu Saara.
      • broneknotgeld Bad Dürkheim 13.09.06, 18:44
        Z Mannheim

        Z Mannheim do Bad Dürkheim bankom se zajedziesz
        Dej pozor na glajzy jak Bachus cie wiedzie.
        • broneknotgeld Re: Bad Dürkheim 13.09.06, 23:40
          Kaj jest?

          Kaj tyn Bad Dürkheim?
          Chciyjcie mi wierzyć
          To już połnocne
          Richtig Wogezy.
          • broneknotgeld Re: Bad Dürkheim 15.09.06, 22:30
            "Bad Dürkheim" - 1904

            "Badym" już na gymba cało
            Moga tako szrajbnońć śmiało
            Bo im wlazło to do miana
            -Se kurujom tukej z rana
            Solankami miejscowymi
            Potym winkym - przeca wiymy.
            • broneknotgeld Re: Bad Dürkheim 16.09.06, 10:21
              1,7 mln litrow

              Łoj - tela wina jako wysłepia?
              Na tako beka niy idzie hepać.
              • broneknotgeld Re: Bad Dürkheim 17.09.06, 00:10
                Łod wiosny

                Łod wiosny na podzim festyny w winnicach
                Życiym se raduje cołko okolica
                Przi zimie se cosik robi tu smutnawo
                Jakoś to szczimiymy by wiośnie bić brawo.
                • broneknotgeld Re: Bad Dürkheim 18.09.06, 18:43
                  Klasztor Limburg

                  Miano łod rzeźbiorza - znomy
                  Dyć tu klasztor downy momy
                  Co w dostojny już ruinie
                  Ciyngym stoji - to niy minie.
                  • broneknotgeld Re: Bad Dürkheim 18.09.06, 23:30
                    Uzdrowisko

                    Ech - uzdrowiskym Bad Dürkheim słynie
                    Werci tyż wspomnieć ło ty dziedzinie
                    Wodom już mnichy se kurowali
                    Tako nom dzisioj swoj muster dali.
                    • broneknotgeld Re: Bad Dürkheim 19.09.06, 17:14
                      Kreis Bad Dürkheim 1.VII.1969

                      Z tym rokym Bad Dürkheim
                      Powiatu stolicom
                      Kerego grynościom
                      I jo se zochwycom.
    • broneknotgeld Burgundia 13.09.06, 18:45
      Burgundia ponoć kaj Rodan płynie
      Toż podziwomy se ty dziedzinie.
    • broneknotgeld Środkowe Morawy 13.09.06, 18:46
      Ech - Morawy w samym środku
      Co jo ło nich tukej potkom?
    • broneknotgeld Opolszczyzna 13.09.06, 18:49
      Łoj ta Opolszczyzna
      Ze Gornego Ślonska
      Czy gańba se prziznać?
      -Niy znom wiela konska.
Inne wątki na temat:

Nie pamiętasz hasła

lub ?

 

Nie masz jeszcze konta? Zarejestruj się

Nakarm Pajacyka