Karyta Europy

[broneknotgeld]

Sztyry regiony - tako karyta
Toż ło co wiyncy tukej se pytać?

[broneknotgeld]

Swojich kamratow jako już znocie?
Możno coś ło nich w tym wontku docie

[broneknotgeld]

Szukom roztomajtych ciekawostek ło gminach i miastach partnerskich, coby to
potym szkryfnońć ślonskom rymowankom.

Jak cosik znocie
forum.gazeta.pl/forum/72,2.html?f=28940&w=46888537
Możno tam docie.

Nadrenia - Palatynat

[broneknotgeld]

Być nad Rynym
palatynym?
Pić se winko
zamiost bryny?

Ano - drapko
tam poleca
Richtig do
zocnego neca!

[broneknotgeld]

Land Katedr romańskich - takim go znocie
We Spirze Wormacji te kościoły mocie
Moguncjo i Trewir dołożcie do tego
Wiela dlo Kościoła znaczyły naszego.


Niymiecki Szlak Winny

Łoj bych se puścioł jo szlakym tym
Na razie musi wystyknońć rym.


Dolina Mozeli

W Dolinie Mozeli rizling zocny płynie
Trza łostać na dugo w ty piykny dziedzinie.

[broneknotgeld]

Mozelske zamki

Arras Eltz i Cochem - zamki przi Mozeli
Niymi tyż se idzie zochwycić w ty szteli.


Lorelei

Se Rynym płyna - ślyp szuko skał
Możno na keryś ta Lorelei.


Ryńske Gory Łupkowe

Kaj Ryn se wcisko w Gory Łupkowe
Zochwyt na gymbie mo zowdy czowiek
Choćbyś Lorelei niy spotkoł nawet
Zdo ci sie - cuda widzisz na jawie.

[broneknotgeld]

Niy bydziecie sie fest starać
Jak dołoża tyż tu Saara.

Bad Dürkheim

[broneknotgeld]

Z Mannheim

Z Mannheim do Bad Dürkheim bankom se zajedziesz
Dej pozor na glajzy jak Bachus cie wiedzie.

[broneknotgeld]

Kaj jest?

Kaj tyn Bad Dürkheim?
Chciyjcie mi wierzyć
To już połnocne
Richtig Wogezy.

[broneknotgeld]

"Bad Dürkheim" - 1904

"Badym" już na gymba cało
Moga tako szrajbnońć śmiało
Bo im wlazło to do miana
-Se kurujom tukej z rana
Solankami miejscowymi
Potym winkym - przeca wiymy.

[broneknotgeld]

1,7 mln litrow

Łoj - tela wina jako wysłepia?
Na tako beka niy idzie hepać.

[broneknotgeld]

Łod wiosny

Łod wiosny na podzim festyny w winnicach
Życiym se raduje cołko okolica
Przi zimie se cosik robi tu smutnawo
Jakoś to szczimiymy by wiośnie bić brawo.

[broneknotgeld]

Klasztor Limburg

Miano łod rzeźbiorza - znomy
Dyć tu klasztor downy momy
Co w dostojny już ruinie
Ciyngym stoji - to niy minie.

[broneknotgeld]

Uzdrowisko

Ech - uzdrowiskym Bad Dürkheim słynie
Werci tyż wspomnieć ło ty dziedzinie
Wodom już mnichy se kurowali
Tako nom dzisioj swoj muster dali.

[broneknotgeld]

Kreis Bad Dürkheim 1.VII.1969

Z tym rokym Bad Dürkheim
Powiatu stolicom
Kerego grynościom
I jo se zochwycom.

Burgundia

[broneknotgeld]

Burgundia ponoć kaj Rodan płynie
Toż podziwomy se ty dziedzinie.

Środkowe Morawy

[broneknotgeld]

Ech - Morawy w samym środku
Co jo ło nich tukej potkom?

Opolszczyzna

[broneknotgeld]

Łoj ta Opolszczyzna
Ze Gornego Ślonska
Czy gańba se prziznać?
-Niy znom wiela konska.