Tyty;)

[annak12]

Jedyn z najprzijemniejszych momentow we szkole.Tu w Gliwicach nie do końca mi
se tyn zwyczaj podobo,bo dzieci (abo rodzic)niesom ta tyta tam i nazod w dniu
rozpoczecia.Rzodny niespodzianki,nic.W Ujeżdzie to zanosili rodzice pare dni
wcześni do szkoły i na rozpoczeciu dany wychowawca wreczoł bajtlu uroczyście
tyta,przełamujoc piyrsze lody.Akurat mom tera przed oczyma moja fotka z
tytom.Hihihih,rajtuzy pare numerow za wielkie,cichamonijki se porobioły,klajd
pewno niedzielny,bossssze,mina marsowo,hehe,bojowo nastawiono,eeh!wspomnienia,
kery okres wspominocie nojmilej?
Tera to już ino mogymy dostać w tyta ,abo po tycie:))

[szwager_z_laband]

ja moja mama mojymu synkowi tysz kupioua na piyrszy symester tako
malucko - ino zech je ciekawy co tam mu wrazi;)

[ballest]

Anienko, jou wcale tytki nie dostou, bo uech za pozno z Niymiec
przyjechou i dopiero za rok uech se dowiedziou, ze dzieci Tytki
dostowajom.
choc bez tytki, to uech se mauo wiela w szkole rady dou;)

[gryfny]

Tos sie rozcklola Ana przy poniedzialku,album rodzinny poszol w ruch.
U nos w sobota bajtle lotali z tytkami,zawsze im robia ekstra tako
"akadymia" ze wszystkimi z rodziny.
A tak a propo:Mundurki?wszystkie maja i widac to na ulicy?
Fajne zdanie zech trefiol w necie:
"Dziadkowi nie zabrali ubeckiej emerytury
"Taty nie zlustrowali
"Tylko nam sie oberwalo,mundurkami" J.Szymanski(syn)
Dobre,hihi

[szwager_z_laband]

a co bydzie potym?

[annak12]

Tu dziś boło rozpoczyncie,a śmieszy mnie zawsze rozmiar tyty dobranej do
własciciela(ki.Za jednom to ani boroczki niy boło widac,to tak jak z tym wiyńcym
u Kaczyńskiego.:)Dziś odswietnie,biało -granatowo(czarno),a od jutra rewia,czy
mundurkowa?,obaczymy.Wiem,co som problemy z rozmiarami.
Mojej już nie obowionzuje mundurek,ale za pokazywanie pympka dostanie -(minus)30
punktow(zachowanie punktowane!)
A wspomnienia!,dziś akurat koleżanka z podstawowki zadzwonioła,na nastympny rok
robiymy spotkanie klasowe.Ponoc te z poprzednich rocznikow extra boły:)

[szwager_z_laband]

Ana tera juz niy ino pymki som modne, tera juz cza pokozac pou
bistynhaltra i czi cwierci batkow:)))

[ballest]

:)
> Ana tera juz niy ino pymki som modne, tera juz cza pokozac pou
> bistynhaltra i czi cwierci batkow:)))
Anienko i Laband, ale tylko jak je ftos nosi, bo moze 3/4 juz ich nie nosi!

[cirano]

Kurde. Jo niy dostol tyty. Biyda. Potym to ino w tyta (zdarzylo
sie). Oba ojce robiyli a piniyndzy niy bolo. Zodyn nigdy niy piol,
niy kurzyl, jedynom do nich rozrywkom bola robota. Matka
pielyngniarka, ociec tyrol na autobusach, boroki

[hanys_hans]

Kaj jadziesz? Do Chebzio tytki lepić! ...

[sloneczko1]

jo miałach wielko tytka,ledwoch jom uniysła;),a sam mi dzisio w
robocie jedno godo ,ze ona choć z glywic to tyty niy miała bo jyj
mama niy znała takiego obyczaju i ponoć inksze dzieci z tyj klasy
tysz niy miały,asz mi sie wierzyć w to niy chce

[szwager_z_laband]

czyli to boua Slonzaczka rozumia(ß)

zaro sie spytom mojyj mamy jak to bouo kedys!

[sloneczko1]

ta dziołcha mo ze 32 lata i to som ludzie co sam prziszli,a niy
miejscowi;),przeca w Glywicach to prawie same niyślonzoki miyszkajom
i za bardzo niy chcom byc nazywane ślonzokami

[sloneczko1]

a jak moja szła do podstawowki na okrzei to wszyscy mieli tyty,a to
boł 87 rok