Bytomiowi

[broneknotgeld]

Bytom

750 chnet miejskości lot
Z czego jo pieronym tyż jest przeca rod
Na gyburstag dowom gyszynk Bytomiowi
Te fraszki bytomske - piyknie ło niym powiym.

[broneknotgeld]

Zresztom tak po prowdzie niy trza godać wiela
Łod sia tyż dociepcie - zablyszczy ta sztela.

[broneknotgeld]

Dyć prowda jest tako - suchej mie fest tukej
Co bydzie we Rudzie - tyż w Bytomiu szukej.

[broneknotgeld]

Miastu na gyburstag swoje kwiotki ciepcie
Stare jest - dyć bestoż Wy je tyż pokrzepcie.

[broneknotgeld]

Małgorzatka

Godajom że Chrobry mioł to miejsce w zocy
Pszoł tukej na gorce Małgorzatce w nocy.

[broneknotgeld]

Miastu na gyburstag swoje kwiotki ciepcie
Stare jest - dyć bestoż Wy je tyż pokrzepcie.

[broneknotgeld]

1254

140 łanow mioł wtedy tyn Bytom
Możno i niywiela - ło to sie niy pytom
Historio już downo była tu pisano
Dyć łod tego czasu prawa mu nadano
Z Magdeburga rodym - miejske - we Europie
Ważno jest ta data pamiyntej jom chopie
Trzi ćwierci z tysionca lot już tukej kwitnie
Mieszczaństwo - kerego dyć żodyn niy wytnie.

[broneknotgeld]

Piykne miasto

Piykne było i być może
Niych im Bozia dopomoże.

[broneknotgeld]

750 fraszek

750 fraszek w tym tymacie
Musi sie pokozać choćbych zeżar lacie
Czas na to jest we tyn i nastympny rok
Wy mi kibicujcie śledźcie kożdy krok
Ktoś chciołby mie wspiyrać tukej swojim rymym
Piyknie - razym pryndzy sie z tym poradzymy.

[broneknotgeld]

"Stillerdorf" - 1396

Nad historiom Stolarzowic tynge gowy myślom
Niy som cołkym jeji pewne jak Stillerdorf kryślom
Kery Spytko ze Tarnowa przekozoł wojtowi
Rudzki łon sie dyć nazywoł - służoł Bytomiowi.

[broneknotgeld]

Stare gruby

Wszyjscy to wiymy - na dolomicie
Stojom w Bytomiu Stolarzowice
Kruszce tu downo w ziymi szukali
W sztyrnostym wieku - możno i dali
Lecioł fedrunek z galyny gruby
Choć zysk ze tego niy był za ruby.

[broneknotgeld]

Jerzy Gische w Stolarzowicach

Krol na galmanie z Gornego Ślonska
Tyż go fest targoł ze tego konska.

[broneknotgeld]

Wiek łoziymnosty wtedy już nastoł
Gwarkow se Gische sprowadzioł
Cynku ślonskego teroz sie czas stoł
Bez niego kraj se niy radzioł.

[broneknotgeld]

Joanna Gryzik - pani na Szombiyrkach

Młotki gornicze we herbie miała
No bo tego przeca chciała.

[broneknotgeld]

"Krol Dawid"

Wongel już tukej za Fryca brali
W Szombiyrkach było to przeca
W "Krolu Dawidzie" go fedrowali
Ślonzek już ciepoł do neca.

[broneknotgeld]

Szombiyrskie chopy ruda woziyli
Galman to był miechowicki
I choć sie na tym niy wzbogaciyli
Formon robota mioł wdycki.

[broneknotgeld]

Szombiyrki - Godula

Hasło - Szombiyrki. Odzyw - Godula
We tym wos przeca niy byda fulać
Wiela łon tukej zrobioł dobrego
No a po śmierci - majontek jego.

[broneknotgeld]

Darowizna

Na kościoł w Szombiyrkach Schaffgotsch niy żałowoł
100 tysiyncy marek przeca podarowoł
I chocioż trza było dołożyć do tego
Terozki tu ludzie majom coś piyknego.

[broneknotgeld]

"Hohenzollern" gruba - dyć "Szombiyrki" przeca
Klejnot to był czorny bytomskego neca.

[broneknotgeld]

Plac Franca Jozefa

Franca Jozefa plac kedyś wonski
Szyroki dzisioj jest fest
Chałpy rozpadły sie tu na konski
Kościuszki teroz łon jest.

[broneknotgeld]

Ło placu F J

Pech bo tukej sie wsypało
Ździybko niżyj to być miało.

[broneknotgeld]

Pałac w Szombiyrkach

Godula w Szombiyrkach pałac wybudowoł
Jego piykno wieża sie w łoczy ciepała
Niywiela łon jednak we niym pobalowoł
W Rudzie czynsto siedzioł - lubioł to bezmała.

[broneknotgeld]

"Fazaniec"

"Fazaniec" w Szombiyrkach za Schaffgotschów słynoł
Ale te fazany nadrobiały minom
Choć strojyły piyknie wielkopańske stoły
To przeca sie z tego niy za wiela śmioły.

[broneknotgeld]

Ratusz

Szombiyrski ratusz do dzisioj stoji
Choć możno ło sia sie trocha boji
Pamiynto jeszcze rusko kanona
I czasym pyto - Kaj teroz łona?

[broneknotgeld]

Kanona - dynkmal

Ciekawy dynkmal skiż piyrszy wojny
Kery ta gmina dar dała hojny
Z ludzi zabitych na jeji frontach
Trza to pamiyntać - niy chować w kontach.

[broneknotgeld]

Podziymno kolejka

We "Hohenzollernie" na sztrom piyrszy cug
Ze przodka do szachty wozki ciongnońć mog
Był to "ewenymynt" na skala Europy
Sto dwadziścia lotek minyło już chopy.

[broneknotgeld]

W szombiyrskim pałacu

Tukej sie "kopciuszka" wesele łodbyło
Schaffgotscha do Rudy ze Cieplic ściongnyło
Tako se z Joannom tu gospodorzyli
Erbniony majontek jeszcze pomnożyli.

[broneknotgeld]

Pałac Goduli

Sto lot stoł w Szombiyrkach pałac łod Godule
Kerym cołko gmina przeca sie asiyła
Niy zbulyły jego i armatnie kule
Dyć armio sowiecko cołki go spolyła

Wybulyli reszta - dzisioj niy ma śladu
W tym miejscu terozki se stoji przedszkole
Już sie niy dziwujom jak bankom tu jadom
Historyjo jednak czasym w serca kole.

Bobrek

[broneknotgeld]

Bobrek 1369

Na prawie niymieckim wioska lokowano
Już tu piyrwyj stoła wele jedny sztrasy
Miechowicki farorz bajtlom dowoł miano
Tako w Bobrku lecom nojdowniejsze czasy.

Bobrek

[broneknotgeld]

Bobrek Bujakowskich

Choć Bujakowscy ze Bujakowa
Bobrek tyż trzimiom - ło tym tu mowa.

Bobrek

[broneknotgeld]

Bobrek Hochbergow

Nojzocniejszy rod na Pszczynie
Trzimoł Bobrek w ty dziedzinie.

[broneknotgeld]

W ryncach Schaffgotschow

Godula pomarł - majontek łostoł
Z rynkom Joanny grof tako dostoł
"Ślonski kopciuszek" ze tym echt paniom
Se podziwejcie terozki na niom.

[broneknotgeld]

Ks. Jan Kuboth

Miechowicki farorz kościoł chcioł budować
Prawie we tym Bobrku - stropiono mo gowa
Do jego świontyni stond richtig daleko
Choć Pon Bog ciyrpliwy - na wiernych durś czeko.

[broneknotgeld]

Bajstlujom świontynia 1900-1902

Toż kunsztym Schneidera łon neoromański
Drapko postawiony - Ślonzek niy pogański
Dyć se fest ludziska terozki radujom
Zdo sie co Ponboczka jakby blizy czujom.

[broneknotgeld]

"Sutuhali"

Toż na gorce "Sutuhali"
Piyrwyj bogom cześć dowali
Krześcijany z czasym prziszli
Stało sie po jejich myśli

[broneknotgeld]

"Małgorzatka"

Godajom co Chrobry grod tukej zbudowoł
Niyjedyn w Bytomiu wiara tymu dowo
Co archeoligi prawiom ło tym dzisioj?
Ano że to z czasow jak Kazimierz prziszoł
Co Odnowicielym był przez Polan zwany
Jymu "grod Małgoli" richtig był poddany.

[broneknotgeld]

Ze Czechow

Ze Czechow na Krakow droga tyndy szła
Toż grod se mog przidać - wiycie ło tym - pra?

[broneknotgeld]

Przed 1170

Kyńdzierzawy Bolek kościoł wybudowoł
Małgoli w opieka ta świontynia dowoł
Wiymy z "tympanonu Jaksy" na Ołbinie
Bestoż pamiyńć ło tym jednak niy zaginie.

[broneknotgeld]

Benedyktyni

Łoni tyn kościołek we swy pieczy mieli
Dyć rychło to wszysko łopuścić musieli.

[broneknotgeld]

Norbertyni

Teroz w jejich rynkach świontynia Małgoli
Pewno tref formuła bardzi jejich woli
Papiyż Innocynty zatwierdzioł nadanie
Dyć z lokacjom miasta gorzy im se stanie.

[broneknotgeld]

"Ecclesia sanctae Margarite in Bitom"

Tako we nadaniu papieskim czytomy
Tysionc dwiesta jedyn - z tego roku znomy.

[broneknotgeld]

Po lokacji Bytomia

Jak miasto Bytom tu lokowali
Niy mogło lecieć już tako dali
Nowo parafio przeca wykroli
Wioski łostały se przi "Małgoli".

[broneknotgeld]

1277

Zaś parafijo myńszo se stała
Bo ty w Kamiyniu kyns siebie dała.

[broneknotgeld]

W husyckich czasach

Bytom łotworzoł bramy husytom
A "Małgorzatka"? -Po co sie pytom
Ciynżke to były czasy na Ślonsku
Tabor go łupioł konsek po konsku.

[broneknotgeld]

16.XII.1400

Kościoł mariacki i "Małgorzatka"
Som na papiorze we jednych "gatkach"
Opat farorzy na Bytom "dowoł"
Dyć to za mało ciyngym sie zdowo

Prepozyt farorzym w końcu tu se stoł
Przeca profit z tego zowdy wiynkszy mioł
"Małgola" przi tymu zatraciyła lica
Łostała ze tego cmyntorno kaplica.

[broneknotgeld]

27.II.1827

Toż Mansfeld z wojskym Bytom zagarnoł
Zaś parafijo bardzi jest marnom
W końcu z bytomskom jom połonczyli
Bo se już cołkym poczyła chylić.

[broneknotgeld]

1682

Biskup nowy kościoł Małgoli poświyńcioł
Stary wpiyrw zbulyli by se już niy mynczoł
Dyć i ta świontynia jest cołkym drewniano
Wieża z sygnaturkom na dachu dodano.

[broneknotgeld]

Nowy ołtorz

Ołtorz do świontyni Śliwiński zrychtowoł
Sztyrdziści talarkow prepozyt zań dowoł
Dyć musioł dołożyć żyta sztyry miary
Dwa viyrtle pszynicy i trocha swy wiary.

[broneknotgeld]

Jan Nepomucen (1734)

Tako sygnaturka na wieżyczce zwali
Zrobić jom Frankymu z Opawy kozali

[broneknotgeld]

1880

Zaś se "Małgorzatka" pochylyła mocno
Trza było wybulić - dyć ideja zocno
Łod ksiyndza Bonczyka tako wtedy była
By za rok świontynia już nowo stanyła..

[broneknotgeld]

12000 marek

Tela majontku se tu łostało
Dyć to na nowy kościołek mało.

[broneknotgeld]

Johann Kowollik

Johann Kowollik wszysko postawioł
Choć przi robocie se łon niy bawioł
Dyć czas był wtedy richtig dyszczowy
Poleku dźwignoł kościołek nowy

Ze własny kapsy fundnoł już bruk
I dwa witraże - tako chcioł Bog
Do tego jeszcze go posztrajchowoł
Muster dlo inkszych tym przeca dowoł.

[broneknotgeld]

Datki

Niyjedyn parafianin doł choć drobny datek
Tysionc dwiesta marek wyszło na łostatek

Stykło na ołtorz i łobroz nowy
Toż tyn wydatek mieli już z gowy.

[broneknotgeld]

Nowy ołtorz

Carl Buhl ze Wrocka go wyrychtowoł
Fahnroth wyń łogroz patronki dowoł
Niym parafiany przeca sie aszom
Dyć dali swoja świontynia kraszom

forum.gazeta.pl/forum/71,1.html?f=261

[broneknotgeld]

7.VI.1881

Już nowy kościoł jest wyświyncony
Organow niy mo dyć gro nom dzwonym.

[broneknotgeld]

1934

Werbisty teroz tu se wkludziyli
Konsek cmyntorza łoni kupiyli
Choć wiela grobow trza ekshumować
Pryndko klasztor zaczyli stowiać.

[broneknotgeld]

1934/1935

Toż stanoł klasztor Ehla projektu
W zocy architekt tyn przeca jest tu
Tyż w Małgorzacie patronka mioł
Tako niyjedyn w Bytomiu chcioł.

[broneknotgeld]

22.IV.1935

Klasztor misjonarzy teroz poświyńciyli
Z tom datom i w kościoł jakby ducha tchnyli.

[broneknotgeld]

1936

"Wzgorze Małgorzatki" mo Droga Krziżowo
Toż se bardzi świynte jakby teroz zdowo
Tyż Ehla z Bytomia we tym widać rynka
Łod siostry Paschalis zaś "Krystusa mynka".

[broneknotgeld]

Ołtorz św. Józefa (1872)

Ło niym coś szkryfna do tego neca
Toż tako samo dzieło Mrowetza
Figurek świyntych tukej niymało
Dyć i aniołow niy brakowało.

[broneknotgeld]

Nowy ołtorz św. Józefa (1893)

Na miejscu starego nowy ołtorz stoji
Co Buhl ze Wrocławia gryfnie wyrychtowoł
Toż we neogotyk tyż se cołki stroji
Zefel w jego środku przed łoczy nom stowoł.

[broneknotgeld]

W 1925 roku

Przeniyśli tyn ołtorz do Zabrski Ligoty
Dyć tam świynty Józef mioł wiyncy roboty
Do dzisioj go znojdziesz w ligocki świontyni
Rok za rokym leci a łon se niy miyni.

[broneknotgeld]

Organy 1857/1858

Haas ze Głubczyc nowe organy zbudowoł
Wekerych piszczołek z hokym dwa tysionce
Piykny ton insztrumynt parafianom dowoł
Zdowało se gro im las woda i słońce.

Kościoł Wniebowziyńcia NMP

[broneknotgeld]

Kościoł Wniebowziyńcia Nojświyntszy Maryji Panny


1231
Tako data Liebental szkryfnoł we kronice
Jedni tymu wierzom dlo inkszych to wice.

[broneknotgeld]

1253

W tym roku naprowdy tyn kościoł już stoł
Kto godo inaczy to winny jest fioł.

[broneknotgeld]

Z dolomitu

Z dolomitu kościoł tyn wybudowali
Wapiyń i piaskowiec tyz jeszcze dodali
Byłby styl romański dyć przerobek wiela
Dzisioj cołkym inkszo jest ta świynto sztela.

[broneknotgeld]

Portal połedniowy

W niym łobroz se łostoł ty piyrszy świontyni
Dyć lata durś lecom i kościoł se miyni.

[broneknotgeld]

Cudowny łobroz Matki Boski Bytomski

Namalowany w piytnostym wieku
Do dzisioj łostoł - cud to czowieku
przecase Bytom niy roz hajcowoł
A łobroz ciyngym nadzieja dowoł.

[broneknotgeld]

"Bytom umiera" - ktoś szkryfnoł tukej
Nadzieji we tym łobrozie szukej.

[broneknotgeld]

1675

Pożar chnet tukej wypoloł wszysko
We środku wielke pogorzelisko
Pusty stoł kościoł przez sztyry roki
W końcu przewioło tu wszyske ćmoki
I se za remont jakoś zabrali
W dwa lata wszysko wyrychtowali
Zaś ta świontynia Bytom zdobiyła
Dziw że utropa wielko "przeżyła".

[broneknotgeld]

1739

Dzwoni ze wieżyczki sygnaturka nowo
Doleczek ze Strzelec tako wyrychtowoł.

[broneknotgeld]

1851-1857

Ksiondz Szafranek cołki kościoł teroz przebudowoł
Dyć czas na to był nojwyrszy - kipnońć se wydowoł
W neogotyk go przi tymu zarozki łoblykli
Tak łostało se do dzisioj - wszyscy my prziwykli.

[broneknotgeld]

39255

Tela talarkow remont kosztowoł
Niyjedyn piniondz na to swoj dowoł
Łod Friedlandera nawet pożyczki
Na kościoł wziyli - by cieszoł wdycki.

[broneknotgeld]

1854

Łod zachodu kościoła już wyńście łotwarte
Chnetko łod piyńciuset lot było zawarte
Jak ksiyndzow mieszczany dwoch pomordowali
Toż na amyn dzwiyrza tu zamurowali.

[broneknotgeld]

5.X.1857

Po ty przebudowie zaś kościoł świyńciyli
W dziyń świynty Jadwigi na to zezwolyli
No i gyburstagu łod krola pruskiego
Właśnie we tym czasie im panujoncego

[broneknotgeld]

Świynty łobroz (1857)

Wniebowziyńcie Maryji Elmer namalowoł
We Wiedniu aż znodli artysty istnego
W ołtorz jeszcze Gruner kunszt snycerski dowoł
Ozdobom kościoła był łon "mariackego".

[broneknotgeld]

Suchatelnice

Z downych wiekow dwie tukej se jeszcze łostały
Wiela naszych grzychow rożnistych poznały.

[broneknotgeld]

Ołtorz św. Anny (1861)

Fundowoł go ktosik co niy chcioł być znany
Z łobrozym łolejnym łod ty świynty Any
Stolarka tyż swoja Gruner w ołtorz doł
Przeca dlo kościołow zowdy robić chcioł.

[broneknotgeld]

Ołtorz św. Walyntego (1864)

Dzieło Mrowetza ze Raciborza
Łoczy na świyntych tukej łotworza
Dyć miyndzy niymi Barborki szukom
Jedyno frelka na kero kukom.

[broneknotgeld]

1898

Widniyj w kościele sie tym zrobiyło
Bo przeca piyrwyj sztromu niy było
Teroz już byrny świycom tu jasno
Dyć se zrobiyło tyż myni ciasno.

[broneknotgeld]

1894

Kruchta już teroz w kościele jest
Zdo sie że dlo mie bo grzysza fest.

[broneknotgeld]

Remont 1935-1936

Choć czasy w Niymcach som niyciekawe
Na remont piniondze znodli
Toż jedna czecio ze państwa prawie
Na kościoł cosik tyż kłodli.

[broneknotgeld]

Pieler

Pieler mi teroz chodzi po gowie
Cyntralno stacja robioł tyn czowiek
Wele "Rozbarku" - ta ratowniczo
By ratowała nom brać gorniczo.

[broneknotgeld]

Synagoga

Synagoga bytomsko tam kaj Plac Grunwaldzki
Zdobiyła tyn Bytom stylym mauretańskim
W proch jom łobrociyła "kryształowo noc"
Tako wtedy była niynawiści moc.

[broneknotgeld]

Miejske mury

Po wiek dziewiytnosty mury tukej stoły
W nich serce Bytomia tyntniyło
Dyć wojska sie żodne już jejich niy boły
Trza zbulić - to zdanie stanyło

Dwie bramy ze murow tych zaprowadziyły
Na Krakow no i na Gliwice
A czecio - co troszka i może dziwuje
Zawiodła cie na Pyskowice

Godajom że furty tyż były tu zocne
Z nich jedna Piekarskom nazwali
A drugo Źrodlanom - znaczynie jyj mocne
Po woda sie niom wybiyrali.

[broneknotgeld]

Stary ratusz

Stary ratusz we styczniu sie poloł
Dugo stoł łon dyć teroz łoboloł
Łostro wieża co niebo dropała
W końcu wojny spokoju niy miała
Pech jyj przinios tyn sztyrdziesty pionty
po ratuszu durś puste som konty.

[broneknotgeld]

Na rynku

Na rynku bytomskim pomnik stoł ze lwym
Ze staryj pocztowki ło tym teroz wiym
Czcioł łon bytomiokow co w wojnie zginyli
W tyj francusko-pruski sie fest łostro biyli.

[broneknotgeld]

"Piwnice Gorywodow"

Dom Gorywodow downo zbulyli
Gotycke piwnice łostały
W nich my niyjedne wino wypiyli
Zysk na nos mieli niymały.

[broneknotgeld]

Kościoł Wniebowziyńcia NMP

Princ opolski Władysław kościoł tyn fundowoł
Nim jeszcze nom Bytom prawa miejske chowoł
Wiela łon uciyrpioł jak wieki leciały
Dyć do dzisioj blyszczy nom piykny i cały

We szesnostym wieku pożar Bytom trowioł
I tyn kościoł wtedy łogyń niy łostowioł
Jednak zaroz potym kruchta mu dodali
Ta wieża wysoko tyż dobudowali

W dziewiytnostym wieku dali rosnoł tukej
Hełmu szpiczastego łod tych czasow szukej
Generalny remot świontyni zrobiyli
I sie niom w Bytomiu naprowdy asiyli.

[broneknotgeld]

Niymcom to sie niy udało
Chocioż wiela tego chciało.

[broneknotgeld]

Browar

We Bytomiu Browarniano
Browar tukej stoł
Piwo w beki nalywano
Chop zowdy je chcioł.

[broneknotgeld]

Stary zamek

Bytomski zamek kaj Plac Grunwaldzki
Jak średniowieczo był czas tu
Czy tyn co najazd zniszczoł tatarski?
Czy łod bytomskich już Piastow?

[broneknotgeld]

"Dolomity"

We bytomskich "Dolomitach"
Zima idzie już prziwitać
Pakuj narty i jedź tam
To jest prowda a niy spam.

[broneknotgeld]

Już prziszoł tyn rok rocznicowy
Trza teroz dać coś ze gowy
Bo fraszek miało być tela
Wiela mo lot miejsko sztela.

[broneknotgeld]

Komitet Honorowy 750-lecia

Honorowy Komitet se skompletowali
Akty mianowania nawet łodbiyrali
Ponoć w Komitecie ludzi richtig wiela
Bo blysnońć chce Bytom - gornoślonsko sztela,

[broneknotgeld]

Teroz "feta" - 22.05.2004

Dyć jak by było ze tym inaczy?
Czas wielki prziszoł już połonaczyć
I sie zabawić fest we sobota
Wielko rocznica - toż niy gupota

Rada i Zarzond blyśnie tu piyknie
Glorji na cołko kadyncjo styknie
Vipow se zleci na "tokowisko"
Przeca wybory do UE blisko

Bytom w Europie łod setek lot
Z tego tyż kożdy dzisioj jest rod
I chocioż widać tu kryzys wielki
Zowdy poczebne som fojerwerki.

[broneknotgeld]

"600 vipow"

Szejset vipow zaprosiyli
By z Bytomiym sie cieszyli
Dyć po mojymu cosik za mało
Siedymset piyńdziesiont przeca by sie zdało.

[broneknotgeld]

Hejnał Bytomia

Małgola Kaniewska hejnał ułożyła
Podobno jest we niym jakby wielko siyła
Czy Bytom ze tego richtig bydzie rod?
Czy szczimie przi niymu druge tyla lot?

[broneknotgeld]

Ańproba

Łańcuchy ze srebła fundli bytomianie
W sobota sie zacznie jejich "używanie"
Richtig insygniami miasta tego bydom?
Ło tym jo "wyroku" przeca tu niy wydom.

[broneknotgeld]

"Opozycjo łańcuchowo"

W Bytomiu teroz już opozycjo
Skuto łańcuchym we koalicjo
No toż bydymy sie wiela dziwać
Mocy im styknie - pynknom ogniwa?

[broneknotgeld]

Bytom w Europie" - 22.05.04

Toż po połedniu zajrzyj na rynek
By sie w tych czasach ździybko ucieszyć
Frelka żeś abo tyż mody synek
Toż mosz dyspynsa trocha pogrzeszyć

We rytmy salsy Jose Torresa
Niyjedna dziołszka wciongnie karlusa
Choć wiek już inkszy jo tyż sie ciesza
Dyć ołpy nawet niy trza by zmuszać

Przidźcie bo przeca tyż Karin Stanek
Do rodzinnego miasta zaś wdepnie
Uciechy wszyske bydom udane
Z radości kożde serce łokrzepnie.

[broneknotgeld]

Georg Bruning

Oberburgemajster Bytomia zocnego
Łańcuch swoji władzy zowdy szumnie nosioł
We tym niy pobije już żodyn istnego
No choćby tyn Wójcik - ło muster sie prosioł.

[broneknotgeld]

Jan Drabina

Ło Bytomiu wiela prawi
Historyjom fest nos bawi
Piyknie - bo jom poznać trza
Bez niyj jakby biydni - pra?

[broneknotgeld]

Nojkrotszo historyczno fraszka bytomsko

Bul
"Ul".

[broneknotgeld]

Hala przi Krziżowy

Hala szportowo Bytom se "fundnie"
Jak piniondz z Unii jednak w to wprzongnie
Liczy że skapnie tyż coś z Warszawy
Dyć jo mom ło to wiela obawy
Czy sie w dwa lata to wszysko udo?
Choć możno krakom bo zy mie "cudok".

[broneknotgeld]

Rewitalizacjo Bytomia

Program taki miasto już przirychtowało
Yno czy piniondze na to bydzie miało?
Możno coś sie udo - unio grosz dołoży
Boże - niych nom bydzie dane tego dożyć.

[broneknotgeld]

Na kutym płocie

Na kutym płocie cwergi łoboczysz
Jak do downego starostwa zboczysz
We kerym filio muzeum dzisioj
Czy ło koncertach tukej żeś słyszoł?

[broneknotgeld]

Wieżyczka starostwa

Godajom co w wieży downego starostwa
Frelka kedyś wiyńzioł landrat jakiś srogi
Możno jednak było yno to na postrach
Historyjo niy zno przeca ty niybogi.

[broneknotgeld]

Bytomske Starostwo

Postawiyli budynek starostwa w Rozbarku
Możno coby Bytom niy mioł go na karku
Dyć po prowdzie yno dwa kroki tam było
Toż w dwodziestym siodmym nawet Rozbark wciyło
Bo już niy był wtedy som łod sia łon gminom
Bytomia se łostoł w tym roku dziedzinom.

[broneknotgeld]

Rodziny Bytomskich

Rodziny Bytomskich Bytom do sia woło
Toż przi gyburstagu bydzie im wesoło
Zlot ponoć we wrześniu zrobiom tukej zocny
Bytom z Bytomskimi pewno razym mocny.

[broneknotgeld]

Bytomske beamtry

Beamtry z Bytomia w wojewodztwie blyszczom
Mozno bytomianie cosik na tym zyszczom
Dyć "test kompetyncji" im doł miejsce piyrsze
Bestoż sie wydowo że teroz som wyrsze.

[broneknotgeld]

750

Choć niy wypija czech z gwinta ćwierci
Zdrowie Bytomia golnońć se werci.

[broneknotgeld]

Bytomske powinszowania

Miastu winszuja tysionca lot
Choć ze czech ćwierci tyż żech jest rod.

[broneknotgeld]

Bytomiowi

Niych blyszczy Bytom w tym naszym wieku
Tako tyż zowdy - wiydz to czowieku.

[broneknotgeld]

"Parada pojazdow - Bytom 2004"

Kto w starych autkach fest sie lubuje
Tyn we niydziela tu przidrałuje
Na rynku miejskim prawie w połednie
"Landarow" bydzie że słonko zblednie

[broneknotgeld]

Coś mie tropi

Jo ło tyn Bytom dzisioj sie tropia
Bo miyj robota tukej dlo chopa.

[broneknotgeld]

No toch z tym jakby jest we połowie
Latoś dokończy to jeszcze czowiek.

[broneknotgeld]

Cosik mie kusi bych to se wciep
forum.gazeta.pl/forum/72,2.html?f=261&w=8259768&a=8581425
Choćby ktoś szkryfnoł że jo jest kiep.

[broneknotgeld]

Tukej Bytomia cołko uroda
www.um.bytom.pl/dbytom/
dziwać se styknie i nic niy godać.

[broneknotgeld]

"Targom" jo łostro teroz w tyn Bytom
Już se nikogo ło nic niy pytom
No bo powiydzcie - co tukej słysza?
Nikt niy łodpowiy - ano toż cisza.

[broneknotgeld]

Możno poskopić jest problym jaki
forum.gazeta.pl/forum/72,2.html?f=261&w=8707774
Dom link na słownik - niy ma w tym "draki".

[broneknotgeld]

1928

Prezydynt Niymiec łodwiedzioł Bytom
Sie mu spodoboł? -Tako zapytom
Możno Hindenburg we zocy mioł
Toż skuli miana pewno mu pszoł?

[broneknotgeld]

Świetlik

Stanoł se Świetlik na ty Dworcowy
Zdo sie w Bytomiu łon cołkym nowy
Dyć przeca żeście go prziwitali
Co ze niym bydzie terozki dali?

Możno wom frelki tu zbałamuci
Bajtli narobi, pitnie, niy wroci
Ciyngym mo banhof łon za plecami
To może pedzieć - Łostońcie sami.


Bytomski zbereźnik

Zepsuł ponoć Świetlik jedna bytomianka
Deliberowali nad tym już łod ranka
Jako to napochoł? Przeca dziod już stary?
Toż wy nic niy wiycie? -Zrobioł to cygarym!


Gyszynk

Toż na gyburstag gyszynk "Plejady"
Fajnisty - ło to niy bydzie zwady.

[broneknotgeld]

Ło Świetliku nikt niy szkryfnie
choć karlus se prosi
Toż zaś Bronek teroz gichnie
Wciepnie inkszy "grosik"


Downymi czasy

Było to richtig downymi czasy
Jeszcze niy znali Dworcowy sztrasy
Stond żeś łoglondoł Bytomia mury
W ziymi zaś yno głymbokie dziury

We jedny Świetlik se pomiyszkiwoł
Dniym krył zaś w nocy na miasto dziwoł
Dyć jak se keryś po ćmoku błonkoł
Do bram go powiod - w wodzie niy tonkoł

Dostowoł za to czasym tyż grosik
I uszporowoł se tego cosik
Z czasym bajali ło skarbie jego
Jak roz szukali wciyło istnego

Dyć zaś łostatnio Bytom go mo
Czy jego dzieje naprowdy zno?
A jo żech dzisioj wejrzoł mu w łoczy
Już wiym - wachuje we dnie i w nocy.

[broneknotgeld]

Jagna i Świetlik

Godała tako z Bytomia Jagna
Że Świetlik wywiod jom roz na bagna
Jednak niy było skiż tego zwady
Przeca se łona dała z niym rady
A że w barzołach nikt im niy wadzioł
Nawet cygarym wiela niy kadzioł

Wziyło roz Jagna z tym na wspominki
Ale kamratki zrobiyły minki
Zaroz wylazły tyż na Dworcowo
I podszczypujom Świetlika zdrowo
Dyć łon durś kwardy jako tyn "spiż"
Teroz już ło niym to wszysko wiysz.


Świetlik i Łożyrok

Szoł łożyrok Dworcowom - niy minoł Świetlika
Toż dzisioj z daleka chce łod niego zmykać
Po prowdzie to nawet niy wiym co sie stało
Styknie że istnymu pić se łodechciało
Już terozki ponoć gorzoły niy chyci
I jakby nabożnie sie życie mu klyci.

[broneknotgeld]

Feler

Mo feler Świetlik - toż niy ma rady
Droga prziświyco durś do "Plejady".


Cygaro Świetlika

We gymbie czimie cygaro z Kuby
Niyjedna frelka myśli se - Luby
Choć żeś jest mały i richtig stary
Dyć wiela zdziałosz ze tym cygarym.


Przesond

Karlus Świetlika w pysk mocno trzaśnie
-Niychciane pszonie gibko wygaśnie

Jedyn już ponoć tego probowoł
Wiym yno tela - rynka w gips dowoł.

[broneknotgeld]

Struty Świetlik

Napioł gorzołki se z formalinom
Stanoł jak wryty ze gupiom minom
Możno trza bydzie sie już kurować
Dyć zaś welunek - wszysko łod nowa.

Pistulka i Świetlik

Bliknoł se Pistulka na jego cygaro
Jakby tu karlusa zrobić tyż na szaro?
W końcu Bytomiowi łostawioł boroka
Trza było kaj ińdzi na robota skokać.


Świetlik wandrus

Wyloz ze banhofu prosto na Dworcowo
Przi Placu Kościuszki jak ze muru stowo
Niy umi poskopić - cołki kwartał wciyło
Dyć richtig tu gryfnie piyrwyj przeca było.

[broneknotgeld]

Bytomske władze

Łoswiycone władze cygarym Świetlika
Podobnoś niy bydom kaj ćmok wiyncy blikać.


Kedy świyci

Cygaro blyszczy se na czerwono
Jak naprzeciwko niytkniynte łono.


Samotny

Świetlikowi zdo sie
Że tu dobrze mo sie
A jo godom wom
Durś tyn karlus som.


Podobnoś

Podobnoś Świetlik prziszoł ze wschodu
Bebok skiż niego aże se wkurzoł
Łoj - coś niy bydzie mioł tukej miodu
Dyć tela jego co yno użoł.

[yoanna]

Bronek...czyżby wena odeszła?:(

[broneknotgeld]

Świynty Jan Kapistran w Bytomiu 1453

We cołki Europie piyrszy kaznodzieja
Tyż cosik naszkryfloł przi bytomskich dziejach
Wybroł se z Krakowa w tyn czas do Wrocławia
Pewnikym pomyśloł - "W Bytomiu zabawia"

Tu jego kozania mieszczan prziciongały
Richtig fest pobożny ze tym grod aż cały
Bractwa religijne drapko rozkwitnyły
Słowa Kapistrana dugo w ludziach żyły.

[broneknotgeld]

Nowy Plac Grunwldzki

Plac grunwaldzki mo być "nowy"
Wlazło to do jejich gowy
Na gyburtag Bytom "fundnie"
Bydzie gryfnie i porzondnie.

[broneknotgeld]

Trza szukać śladow

Jak plac bydom remontować
Richtig pozor muszom dować
Przeca zamek tu mioł stoć
Ło ślad po nim trza sie boć.

[broneknotgeld]

Wykopaliska archeologiczne

Zrobiom tu małe wykopaliska
Historio na tym może coś zyskać

[broneknotgeld]

Synagoga przi Placu Grunwaldzkim

Synagoga kedyś przi tym placu stoła
Godali co richtig go tukej zdobiyła
Dyć se za Hitlera wiela ło sia boła
We czidziestym łosmym już spolono była

[broneknotgeld]

Bytomsko synagoga

Kaj piyrwyj zamek ksionżyncy był
Kaj potym koniom brakło tyż siył
Tam synagoga w końcu stanyła
Piyrszo i drugo bo w Żydach siyła
Gmina ich rosła i piniondz miała
Toż na świontynia niy żałowała

Dyć niy myślały pejsate gowy
Że styknie nocy ty "kryształowy"
By wszysko w popioł se przemiyniyło
A życie jasne w ćmok sie ukryło.

[broneknotgeld]

Toż donosza

Toż ze Bytomia teroz donosza
Że znodli tukej łod zamku fosa
Podobnoś wiyncy niy bydom szukać
Bo kaj ło forsa im dali klupać?

[broneknotgeld]

Tablica pamiontkowo

Po synagodze bydzie tablica
Niych wiy już ło tym ta okolica
Już autochtonow tukej niywiela
A ło historio mo dbać ta sztela.

[broneknotgeld]

"Boulevard"

Dzisioj już tego niywiela mocie
Ze historyji bardzi poznocie.

[broneknotgeld]

Nojgryfniejszy

Tyn downy plac mom we pamiyńci
Żol - toż nikerych to dzisioj mynczy
Że w naszych łoczach go zatraciyli
Gupota tako tukej przeżyli.

[broneknotgeld]

1830

Tu przed tym rokym niywiela było
Dyć mury miejske sie wybulyło
W strona Pyskowic no i tyż Gliwic
Tyn Bytom "ruszoł" - przeca to niy wic.

[broneknotgeld]

Dwa banhofy

Toż dwa banhofy we mieście były
Skiż tego wiyncy tu jakby siyły
A miyndzy niymi pysznioł se Bytom
Skiż czego? -Po co jo sie to pytom.

[broneknotgeld]

Plac Kościuszki

Rożniste miana "Boulevard" mioł
Franza Josefa - tako tyż zwoł
Dyć se historio zmiynio cholera
Asioł sie nawet że był Hitlera
Potym utropa zaś prziszła drugo
Placym Stalina dyć był niydugo
Terozki wiymy - Kościuszki jest
Choć umynczony tyż przi tym fest.

[broneknotgeld]

Piyrwyj

Piyrwyj na tym placu był postoj dorożek
Ze knajp richtig blisko - dziynki za to Boże.

[broneknotgeld]

Zaś cosik forum koślawo chodzi
Toż ślonskim rymom przeca to szkodzi.

[broneknotgeld]

Przed piyrszom wojnom

Przed piyrszom wojnom poczta jest tukej
Dyć dzisioj darmo jom jednak szukej
Na jeji miejscu dom PSS
Wiynkszy gryfniejszy toż dobrze jest

[broneknotgeld]

Fontanna

Za Niymca plac tyn fontanna mioł
Dzisioj tyż możno Bytom by chcioł
Teroz tyn plac jest wiynkszy dwa razy
Dyć se ło downym blasku durś marzy.

[broneknotgeld]

"Z woli ludu"

"Z woli ludu" cołki kwartał przi placu zbulyli
Toż to wiymy że sie tako wiela namynczyli
Nawet szpryngnońć trza tu było jedna kamiynica
Dzisioj Plac Kościuszki wielki dyć brakuje lica.

[broneknotgeld]

Detale

Detali z kamiynic ździybeczko łostało
Coś se tyż muzeum ze tego dostało
Dyć reszta przipadła ty naszy Warszawie
Cyntrum Zdrowia Dziecka tam strojyli prawie.

[broneknotgeld]

Franciszkanie

Zakon fechciorski ksionże osadzioł
By przi mieszczanach jakoś se radzioł
Toż pryndko Klosztor tu postawiyli
A potym kościoł i jakoś żyli.

[broneknotgeld]

1258

Ze tradycyji data se wziyła
Rok w kerym już tu świontynia była
Nikt z historykow jom niy podwożoł
Czy richtig keryś na to sie wożoł?

[broneknotgeld]

Pod wezwaniym św. Mikołaja

Wpiyrw Mikołaja patronym mioł
We średniowieczu modny to świynty
To co mo dzisioj możno już chcioł
Dyć wtedy chronioł łon kupcom piynty.

[broneknotgeld]

1268

Gwardian Wawrzynieć świadectwo doł
Ta testamyncie łod Salomei
Tako se ksiynżnie przisłużyć chcioł
I historyji zocny ideji.

[broneknotgeld]

Powiedziała

Tako powiedziała jedna mondro gowa
Franciszkany tukej prziszli ze Krakowa.

[broneknotgeld]

Kustodio gornoślonsko

Trocha w niyj klosztorow franciszkańskich było
W Opolu Bytomiu jakoś se im żyło
Dyć jeszcze w Głogowku i we Wodzisławiu
Zakon po swojymu miano Boga sławioł.

[broneknotgeld]

Skuli Opolczyka

Władysław opolski franciszkanow ściongnoł
Tako w historyjo Bytomia ich wprzongnoł
Ponoć tu konwynty jejich gornoślonske
Klosztoru zasługi som we tym niywonske.

[broneknotgeld]

1430

Niyspokojne czasy na Ślonsku to były
Skiż wojyn husyckich miastom brakło siyły
Ze klosztoru tego mnichow już przegnali
Nawet se niy było u kogo pożalić.

[broneknotgeld]

W opuszczonym klosztorze

W opuszczonym klosztorze niy było wesoło
Ale historyjo przeca niy jest goło
Niym jedna dekada rokow przeminyła
Bernardynow sztela już terozki była.

[broneknotgeld]

Bernardyni

Skond sie ich reguła we Bytomiu wziyła?
Toż do dzisioj ło tym chyba nic niy wiymy
Historyjo jednak zaś se powtorzyła
Tyż ich wypyńdziyli ze bytomski ziymi.

[broneknotgeld]

W bytomskim klosztorze

W bytomskim klosztorze ponoć fest sraszyło
Z franciszański duszy wszysko sie to wziyło
Bernardyni ło tym wiela tu prawiyli
Że richtig we strachu przed duchami żyli

W końcu czeba było ściongnońć egzorcysty
By klosztor był wolny łod duchow i czysty.

[broneknotgeld]

Reformacjo

Dyć nastały czasy ty wiary łod Lutra
Teroz bernardyni durś se bojom jutra
Głod ich w końcu przegnoł - tyż pewnikym ludzie
Czy klosztor i kościoł w zatracynie pódzie?

[broneknotgeld]

1598

Ruina klosztorno wtedy łopisali
Świadectwo zniszczynio potomnym tym dali.

[broneknotgeld]

Brat Aleksy

Toż tutejszo ziymia nosiyła tyż mnicha
Co wzorym Franciszka niy czimoł se grzycha
Aleksy podobnoś ze Spiszu pochodzioł
Dyć w piytnostym wieku po Bytomiu chodzioł

Grob jego w kapliczce - dońście ze krożganku
Zowdy we Wielkanoc wonioł bez ustanku
Dyć tym se dziwiyli w tutejszy dziedzinie
Aroma sie niosła choć klasztor w ruinie.

[broneknotgeld]

W siedymnostym wieku

W siedymnostym wieku mnichy se przikludzom
Poleku do życio wszysko tukej budzom
Dyć zaś wojna srogo w tych stronach nastała
Przeca dobrze wiycie - czidziści lot trwała
Najezdniki klasztor dwa razy złupiyli
Co zaś niy szło ukraść no to poniszczyli.

[broneknotgeld]

Idzie na lepsze

W koncu jednak prziszły tukej lepsze czasy
Toż i Donnersmarcki chcom pokozać klasy
Ponboczek niy zwoloł - toż już niy ruina
W barok łoblykajom zarozki świontynia
I kruchta grobowo szukujom grafowi
Tref - idzie na lepsze - kożdy tako powiy

[broneknotgeld]

1783

Jeszcze roz kościoł przebudowali
Toż Donnersmarcki fundusze dali
Jakby łod nowa wszysko blysnyło
Jednak po prowdzie - krotko to było.

[broneknotgeld]

Sekularyzacjo 1810

Klasztorow we Prusach łod terozki niy ma
Krol tako nakozoł - skończony już tymat

[broneknotgeld]

Dali miastu

Miastu przekozali terozki świontynia
Szczyńściym że jom zniszczyć niy mieli sumiynia.

[broneknotgeld]

"Czas napoleoński"

"Czas napoleoński" nasz Bytom przeklinoł
Dyć co mioł w tym widzieć jak niywola ino?

[broneknotgeld]

1813

Lazaryt w kościele i cołkim klasztorze
Chroń Bytom terozki przed tyfusym Boże.

[broneknotgeld]

1822

Ołtorz przeniyśli stond do pyskowić
Po prowdzie tako - Bytomiu to wiydz
Był wielko pożar we Pyskowicach
Toż łosmolone mioł kościoł lica.

[broneknotgeld]

400 talarow (1833)

Tonio wangeliki świontynia kupiyli
Dyć wtedy w Bytomiu we myńszości byli
Władze ich poparły - urośli we siyła
No a tukej rynka gospodarsko była.

[broneknotgeld]

Wangelicko gmina

Ze Tarnowskich Gor se łona łodłonczyła
No i we Bytomiu ciyngym teroz była
Liczba wangelikow poleku urosła
Bestoż jejich gmina do znaczynio doszła.

[broneknotgeld]

Po drugi wojnie

Po drugi wojnie
Tu niyspokojnie
Toż wangeliki
Teroz "rabczyki".

[broneknotgeld]

Teroz "rabczyki"

Toż dobrze wiymy jako z tym było
Ciynżko se Niymcom we Polsce żyło.

[broneknotgeld]

Pastor Teodor Heidenreich

Umynczon za wiara
Już po wojnie drugi
Niy jedna ofiara
Spis przeca jest dugi.

[broneknotgeld]

1952

Franciszkanie na śmieci tu swoje wrociyli
Historio pamiynto - łoni piyrsi byli
Dyć kościoł terozki świyntego Wojciecha
We tym parafianow tyż przeca pociecha.

[broneknotgeld]

1964

Ołtorz Adalberta tu konsekrowali
Figura patrona przezocno mu dali
Już sztyrdziści rokow świynty na nos paczy
Szczyńśliwy że nic go teroz niy łonaczy.

[broneknotgeld]

Podobnoś

Podobnos we mieście godajom nikerzy
Co ksionże Bytomia tukej kajsik leży
Tyn piyrszy - łon miano nosioł Kazimierza
Co by ło tym pedzieć? -Szkryfna że jo wierza.

[broneknotgeld]

Kaj?

Kaj by grob był tukej brata Aleksego?
Łonego w Bytomiu mieli za świyntego
Dzisioj śladu niy ma - trza archeologa
Dyć styknie uwierzyć i rzykać do Boga.

[broneknotgeld]

Płyty nagrobne

Dwie płyty nagrobne z downych wiekow tukej
Niywiela łostało - inkszych darmo szukej
Jedna "anonima" - niy łodkryje lica
Drugo ślubny pona na Świyntochłowicach.

[broneknotgeld]

Sekularyzacjo

Czidziści talarkow dostoł kożdy bracik
I rynta ze kery łon se niy wzbogaci
Dyć co łod klosztoru państwo już zabrało
Godajom co richtig było to niymało.

[broneknotgeld]

Po kaczawski bitwie

Nad Kaczawom bitwa była
Toż soldatow teroz siyła
W lazarycie tukej leży
Tyfus udo im sie przeżyć?

[broneknotgeld]

1815 - gimnazjum

Czi klasy gimnazjum miało
Dzisioj zdowo sie że mało
Tyż rechtory tu miyszkali
Richtig fest se pościskali.

[broneknotgeld]

1855-1857

Nowo szkoła wangelicko
Terozki stowiajom
Neorenesansu licko
Poł wieku to majom.

[broneknotgeld]

1908-1911

We secesji teroz szkoła
Dźwigli na czi sztoki
Tako dzisioj - idzie wołać
Bajtle niy boroki.

[broneknotgeld]

Dzieło Karla Burgera

Projekt ty szkoły Burger zrychtowoł
Świadectwo kunsztu swojego dowoł.

[broneknotgeld]

Hotel "Wiktoria"

Wpiyrw "Heilborn-Hotel" łon sie tu zwoł
Potym te miano "Wiktoria" mioł
Dyć z czasym jednak popod w ruina
Niym szwongu wiyncy miała dziedzina.

[broneknotgeld]

Landratura

Landratura tukej piyrwyj przeca była
Niym se do siedziby wiynkszy przekludziyła

[broneknotgeld]

"Altes Stadthaus"

Magistrat tyż łod sia czimoł tukej biura
Jak yno przeniosła se ta landratura.

[broneknotgeld]

"Elektronik"

Wiela szkolorzy tukej chodziyło
Tako do dzisioj jest przeca
Fachu se ponoć tyż nauczyło
Poczebny do życio neca.

[broneknotgeld]

Staro fara

Jak wangeliki kościoł dostali
Fara tu postawiyli
Pastor z rodzinom we niyj miyszkali
Cołkym wygodnie se żyli.

[broneknotgeld]

1901

Siedym krziżykow ta staro miała
Niym nowy fary czas prziszoł
W neoklasycyzm se łoblykała
Sztok drugi przi tymu wyszoł.

[broneknotgeld]

Po wojnie

Po drugi wojnie już katolicki
Farorz tu prziszoł - zdo sie na wdycki.

[broneknotgeld]

1898

Dom dlo diakonis dzwigła tu gmina
Przeca bogato była dziedzina
Sioszcziczki w szkole miały robota
I w parafiji - toż niy dziwota.

[broneknotgeld]

I dzisioj

Toż wangelikow tyn dom i dzisioj
Pewno żeś ło tym w Bytomiu słyszoł
Łon piyknie przeca tyn placyk zdobi
I niychej dali durś tako robi.

[broneknotgeld]

Plac Klasztorny

Ponboczka do dzisioj mo i tych szkolorzy
Myśla że łon cosik we Bytomiu woży.

[broneknotgeld]

Ciyngym jary

Chocioż Plac Klosztorny ciyngym przeca jary
Jak tukej zoglondniesz widzisz Bytom stary.

[broneknotgeld]

Hereszt

W dziewiytnostym wieku hereszt już tu stoł
Dyć był tyż poczebny choć kto mu tam pszoł.

[broneknotgeld]

"Arbeitsamt" - 1930

Na miejscu heresztu Urzond Pracy stoji
Kryzys - toż se Bytom ło swych ludzi boji.

[broneknotgeld]

Zespoł Szkoł

W downym "Arbeitsamcie" tyż szkolorze dzisioj
Sztrom dlo nich niy dziwny - pewnoś ło tym słyszoł.

[broneknotgeld]

Rynek

Rynek starszy tu łod miasta
Łon był piyrwyj no i basta
Dyć i Bytom grod prastary
Niym se chycioł miejski miary.

[broneknotgeld]

Piyrszy bytomski ratusz

Stanoł już na rynku we wieku sztyrnostym
Niywielki - dyć stykło że był cołkym prosty
Z czasym se podobnoś ździybko rozbudowoł
Jednak durś był mały - tako sie wydowo.

[broneknotgeld]

Dubeltowy Bytom

Był czas że tyn Bytom na poł podzielyli
Nawet ratuszami dwoma se chwolyli
We pokronym rynku na dwoch stronach były
Czy Piastom bytomskim te czasy sie śniyły?

[broneknotgeld]

Chałupa fojta

Fojt Hynryk na rynku chałupa swo mioł?
Niyjedyn historyk pedzieć by to chcioł
Toż ze woli ksiyńcia lokowoł tu miasto
Dyć ślod se niy łostoł - zatracioł już czas to.

[broneknotgeld]

Miejsko woga

Tako woga na rynku poczebno tu była
Ze srebła ołowiu tego miasta siyła
Furmanki powożyć dyć przeca musieli
Ze handlym se dobrze dzioło we ty szteli.

[broneknotgeld]

Downy ratusz

Downy ratusz dość dugo we Bytomiu stoł
Dyć wiek dziewiytnosty widzieć go niy chcioł
Pewnikym zawadzoł już terozki tukej
Nowego z zachodu se przi rynku szukej.

[broneknotgeld]

"Stary ratusz"

Ze zachodni strony rynku
Ciupnoł se łon z kraja
Niy był wielki - bestoż synku
Ło to chnetko haja

Miasto pryndko przeca rosło
Tyż fest bogaciyło
W końcu już do tego doszło
Że se go kipnyło.

[broneknotgeld]

1877

Pryndko nowy ratusz stoji
Wiynkszy już ło sztok
Wieża smukło fest go stroji
Dobry to był rok.

[broneknotgeld]

Dynkmal Sedanu

Śpi na cokole lew Kalidego
W fontannie tyż se łodbijo
Siyła i spokoj ciyngym som jego?
Dyć czas niy stoji - durś mijo.

[broneknotgeld]

1913

Już tu na rynku w banka żeś wloz
I do Miechowic jechołś niy roz.

[broneknotgeld]

1927

Toż drugo banka na rynek wiedzie
Kaj "Neu Bleischarley" ze ludźmi jedzie.

[broneknotgeld]

Mijanka na rynku

Ano - jak jadom tukej dwie banki
Niy może braknońć przeca mijanki.

[broneknotgeld]

1932

Dynkmal ze lwym stond eksmitowali
No i tanksztela na rynek dali.

[broneknotgeld]

1945

Szaść dwadziścia kamiynic z ratuszym tu stoło
Dyć jak Ruski wleźli niy było wesoło
Niym z Bytomia poszli se to wyobroźcie
Domow tu przi rynku łostało sztyrnoście

[broneknotgeld]

1945

Szaść dwadziścia kamiynic z ratuszym tu stoło
Dyć jak Ruski wleźli niy było wesoło
Niym z Bytomia poszli se to wyobroźcie
Domow tu przi rynku łostało sztyrnoście

[broneknotgeld]

Ratuszowo brama

Jom niy poradziyli Ruski tukej spolić
Toż rozbarski cmyntorz może se niom chwolić.

[broneknotgeld]

Plac Inwalidow Wojynnych

Tako se tyn placyk już po wojnie zwoł
Poli Maciejewski miano potym broł
Dyć ratusza cołkym przi niymu niy było
Na rynku sie richtig wiela zatraciyło.

[broneknotgeld]

Dugszy rynek

Dugszy dzisioj rynek niym piyrwyj tu było
Plus w tym że to kościoł cołkym łodsłoniyło.

[broneknotgeld]

900 lecie Bytomia

Łobchodziyli tukej tako tyż rocznica
Przi tymu i plac tyn poprawioł se lica.

[broneknotgeld]

Skond tyn "Świetlik"?

Skond tu na rynku "Świetlik" se znod?
Łoświycić chciyjcie - byda wom rod.

[broneknotgeld]

Kurde - na rynku przeca go niy ma
Z Placu Kościuszki wloz tu tyn tymat.

[broneknotgeld]

Feler mi wyloz skuli "Świetlika"
Toż trza po ćmoku terozki zmykać.

[broneknotgeld]

"Moltkeplatz"

Loł fest po rzici Danii Austryji
Tako dostało se i Austryji
Feldmarszałkowi Bytom fest pszoł
Toż jego miano plac tukej mioł.

[broneknotgeld]

Ustymp

Ustymp na Placu Moltkego stoł
Podobno nawet dwie klasy mioł
Na Sobieskiego ze tym utropa
Mynczy to baby i mynczy chopa.

[broneknotgeld]

"Pod podartym cylindrym"

Garbarnia Stodolki tako przerobiyli
Gospodom we kery rzeźniki fest piyli
Niy dziwota przeca targ tukej był zocny
A by zabić krowa chop musioł być mocny

Wspomnij to jak teroz we muzeum bydziesz
Tam kaj tyn "cylinder" przeca wtedy przidziesz
Dyć piyrwyj był tukej - sto lot z hokym dobrym
Sobieski sie niy śnioł ani inkszy Chrobry.

[broneknotgeld]

Ziymia Ochmanna

Ochmann se czimoł tutejszo ziymia
Przeca tyż "młynarzowoł"
Dyć już karlusa łod downa niy ma
To sie niy yno wydowo.

[broneknotgeld]

Po młynorzu

Po młynorzu erbnoł jego synek Zefel
Dobry konsek ziymi to niy jakiś knefel
Dyć tyn karlus jeszcze piyknie płotno tkoł
Choć niywiela z tego profitu już mioł.

[broneknotgeld]

1833

Toż dwiesta talarkow Marianna już dowo
Ponoć łod grabarza łona ślubnom była
Po czyńści ta ziymia tu jeji sie stowo
Dyć jeszcze pokoże jako we tym siyła.

[broneknotgeld]

1835

W tym roku Stdolka kupioł gospodarka
Garbarnio se pryndko łon tukej łotworzoł
Ochmanna przestała już we tym być "marka"
A garbarz ćwierć wieku na ty ziymi pożoł.

[broneknotgeld]

1869

Stodolka grunt sprzedoł za godziwy "grosz"
Terozki Bytomiu plac już nowy mosz
Łod somsiadow jeszcze ziymi se dokupisz
Historyjo torgu nowego już tu pisz.

[broneknotgeld]

Knajpa

Chałupa Stodolki w knajpa se zmiyniyła
Przi torgu durś ludzi kryńciyło sie siyła
Ze wyszynku tukej marki durś leciały
Choć ktosik marudzioł że to gyszeft mały.

[broneknotgeld]

Torg na Błotnicy

Toż zowdy prziłazioł na błotnicki torg
Masorz co w Bytomiu był choć cosik wort
Jakego chcioł "żywca" tu "zaklepoł" przeca
Łowiyńdzie, wieprzowe - co chcioł brać do "neca".

[broneknotgeld]

1890-1892

Stanyły przi placu wielgachne koszary
Wojsko tukej musztra już zowdy ćwiczyło
Prziglondoł se mody a czynsto tyż stary
Jako ze tom armiom kajzerowskom było.

[broneknotgeld]

Bytomski batalion

Batalion bytomski mioł tukej koszary
Miano tyż doł Moltke - feldmarszałek stary.

[broneknotgeld]

" W miyndzywojniu"

W miyndzywojniu planowali
Plac przeznaczyć na kultura
Z wszyskim rady se niy dali
Przi kryzysie niy ma - hurra!

[broneknotgeld]

Żyńsko szkoła średnio

Ksiondz Szafranek ło to dboł
By bytom ta szkoła mioł
Hrabia Schaffgotsch w tym pomogoł
Przikłod inkszym przeca dowoł.

[broneknotgeld]

"Knaben Konwikt"

Internat jakby łod władz kościelnych
Dlo gimnazistow nojbardzi wiernych
Coby se chcieli uczyć na ksiyndza
Tela tu szkryfna - już dali pyndza.

[broneknotgeld]

"Zakład św. Roberta"

Konwikt przeca jeszcze rozbudowywali
Pryndko take miano jymu zocne dali
A że tych szkolorzy ciyngym przibywało
Zdowało sie miejsca zowdy tu za mało.

[broneknotgeld]

1889

Grundmann konwiktowi jakby krzidła doł
Tako se rozrosnoł bo Kopp tego chcioł.

[broneknotgeld]

Ks. Schwarcer

W konwikcie prefekta łon se chycioł roli
Wychowankow swojich nigdy niy chcioł smolić.

[broneknotgeld]

W dwudziestym wieku

Co w dwudziestym wieku z konwiktym se dzioło?
Dyć go przekludziyli do wiynkszego gmachu
Tukej magistracke biura zaś prziwioło
Po czyńści szkolorzom służoł - bez obciachu

[broneknotgeld]

"Realschule"

Niym na Plac Kajzera se już wprowadziyła
Choć krotko dyć przeca szkoła tukej była.

[broneknotgeld]

"Volksschule" 1903

Toż szkoła powszechno - jak wolisz "ludowo"
Po liceum była - to mi sie niy zdowo.

[broneknotgeld]

"Marstallhof" - 1911

"Miejskom stajniom" szopy zwali
Co tukej pobudowali
W niyj "karytki pogotowia"
Dyć niy yno te dlo zdrowia.

[broneknotgeld]

"Hilfschule" - 1912

Hilfka w Bytomiu poczebno była
Zadbać ło słabszych - w tym przeca siyła.

[broneknotgeld]

"Baugewerkschule" - 1922

Piyrwyj to ta szkoła w Katowicach była
Skiż podziału Ślonska tu se przekludziyła
Dyć na krotko yno - miejsca brakowało
Budowlance przeca wiyncy go sie zdało.

[broneknotgeld]

Budowlanka cołkym se wyprowadziyła
Nowy gmach na placu przeca teroz wziyła
No dyć "czas muzeum" jakby nastoł tukej
W dwa lata je dźwigli - po somsiedzku szukej.

[broneknotgeld]

Już bulom 1932/1933

Muzeum stanyło - downy konwikt wadzioł
Dyć i ze szkodami już se niy poradzioł
Na tym już historio budynku sie kończy
Szczimoł lot szejśćdziesiont pod bytomskim słońcym.

[broneknotgeld]

Nowo "Baugewerkschule" 1927/1928

Przi Placu Moltkego nowy gmach powstowoł
Na kery rzond Niymiec tyż te marki dowoł
Dyć dwie czecie kosztow z portmaneja miasta
Budowlańcow potrza tela no i basta.

[broneknotgeld]

1929

"Budowlanka" nowo już tukej ruszyła
Ze Gornego Ślonska karlusow kształciyła
Dlo nich cegła piosek to niy tajymnica
Cymynt no i woda - rośnie okolica.

[broneknotgeld]

Oskar Goltz

W Opolu se siedzioł - rejyncyji czimoł
Dyć we biurze przeca wcale łon niy drzymoł
Tyn gmach zocny szkoły projektu jest jego
No toż trza nom wspomnieć tukej tyż istnego.

[broneknotgeld]

Oberstudiendirektor prof. dr inż. Th. Feuerstein

Niy yno nojwyrszy
Tu dyrechtor piyrszy.

[broneknotgeld]

Miejsko szporkasa i muzeum 1928

Rajce miejske uchwolyli
Gmaszysko zbudować
Doł tu dlo szporkasy wziyli
By muzeum gorom stowiać

Milion marek se liczyli
Wydać na to wszysko razym
Niym stanyło fest dobiyli
Jednak wyszło - bez łobrazy.

[broneknotgeld]

1929 - 1931

Przi kryzysie gospodarczym
Gmach muzeum rosnoł w gora
Bytomiowi siył wystarczy
By dokończyć wszysko - hurra!

[broneknotgeld]

"Stadtsparkasse" - 1930

Czyńść bankowo już jest w ruchu
Mieli by tu jak we puchu
Dyć muzeum rosło jeszcze
Za piniondze jejich - wierzcie

Choc był kryzys stykło forsy
Przi robocie czas niy gorszy
Fyrmy co w ty "kasie" były
Przed plajtom se łobroniyły.

[broneknotgeld]

W dziesiyńciolecie Plebiscytu na Gornym Ślonsku

Se łobsztalowali tu piyrszo wystawa
Wszysko piyknie wyszło - ciekawo to sprawa.

[broneknotgeld]

1899

Przi Placu Moltkego starostwo stanyło
Dyć przeca w Bytomiu już tego niy było
Wyrosła w Rozbarku gryfno landratura
Sejmik powiatowy tyż we jejich murach.

[broneknotgeld]

Tako pedzioł

Landrat tako pedzioł - Rozbark niy jest szajs
Łon przeca stolicom na tyn cołki "kreis".

[broneknotgeld]

"Kreissparkasse"

Powiatowo szporkasa na parterze była
We szporobliwości tyż czowieka siyła.

[broneknotgeld]

Łogrod

Piyrwyj na parceli Kramer drzewa sadzioł
Dyć i landratowi to se spodobało
Bestoż ło łogrodek łon se już niy wadzioł
Dołożoł coś łod sia bo mu było mało.

[broneknotgeld]

1927

Rozbark se Bytomiym stoł
Już tyn urzond Bytom mioł

[broneknotgeld]

Oreł ślonski

Był oreł ślonski tu na fasadzie
Jakby na jakiś piykny paradzie
Po drugi wojnie jednak go niy ma
Czamu? Ciekawy to możno tymat.

[broneknotgeld]

1905/1906

Kamiynica wielko Arndt z Karbia postawioł
We kery miyszkania jak apartemynty
Dyć kto forsy niy mioł tukej niy zabawioł
Gyszeftu niy zrobi tyn kto jakby świynty.

[broneknotgeld]

Eduard Arndt

Eduard Arndt to majster w murarce kszałcony
Inkszym tyż łon przeca stowioł tukej domy
We swojim se łotwar na parterze biuro
Tela yno szkryfnie ło tym moje "pióro".

[broneknotgeld]

Paul Kraus

Szwager łod Arndta mioł tu miyszkanie
Czy pamiyntocie muzyka?
Abo te jego rechtorowanie
W konserwatorium Cieplika.

[broneknotgeld]

1924

Powiat se kupioł ta kamiynica
Sypnoł twardymi markami?
Beamtrow teroz widać tu lica
Z cołkimi familijami.

[broneknotgeld]

1870

Stodolka wystawioł tukej kamiynica
Piyrwyj jego był a cołko okolica
Łostała mu przeca dość piykno parcela
Jak zabudowano to tyż przeca wiela.

[broneknotgeld]

Martha Stodolka

Jak już Thomas pomarł Martha to chyciyła
Wiycie - łona wdowom po Stodolce była.

[broneknotgeld]

1906

Blysła kamiynica - już przebudowano
Wiynkszo i gryfniejszo wyglondo co rano
We miyszkaniach nawet już teroz łaziynki
A piyrwyj z tym mieli jednak trocha mynki.

[broneknotgeld]

1910

Hugo Schulz sklep zmiynioł na restauracyjo
I do tego jeszcze mioł ta ambicyjo
Szportowcow z "Siegfrieda" czynsto tukej gośćić
Dyć niy prziłaziyli by tu yno pościć.

[broneknotgeld]

I zaś Thomas

Już Martha pomarła - zaś Thomas jest tukej
Karlus łod Stodolkow - to pewne - niy klupej.

[broneknotgeld]

Thomas Stodolka`s Bierstuben

Niyjednego do sia w te mury zaś garnoł
Tyż bych se na piwo do Stodolki karnoł.

[broneknotgeld]

1893

Kupioł Sobociński tyn dom po Kramerach
Chcioł go przebudować - dyć jasno cholera
Bansch mu wiela mońcioł skiż restauracyje
No i mioł z nim richtig terozki mecyje

Jednak w końcu tuyż se jakoś dogodali
Bansch marki wyłożoł - łon tu rzońdzi dali.

[broneknotgeld]

"Stadtischer Aue"

Nowo restauracjo z czasym tu stanyła
W kery richtig piykno tako sala była.

[broneknotgeld]

1906

Friedlander z Opola kupioł se to wszysko
Na restauratora Struzyny pozyskoł.

[broneknotgeld]

1910

Terozki nastały czasy tu Wolskiego
Toż wszysko co polske fiołym jakby jego
Kontek tyn zatracioł niymieckiego ducha
Dyć by tako było trza durś tego zucha.

[broneknotgeld]

Dom Narodowy "Ul"

Polski "dom" w Niymcach - toż niy dziwota
Był dlo nikerych Wolski niycnota
Tukej mog Polok fest sie zabawić
I ło prziszłości swoji tyż prawić

Tako to było aż po powstanie
Aż se granica nowo tyż stanie
Wolski przekludzka mioł do Katowic
Ze "Ulym" klapa - ło tym se dowiydz.

[broneknotgeld]

"Volkshaus" - 1925

Ciekawy konsek z niymicki zisty
Zalyngli tukej se komunisty
Zaroz zrobiyli tyn "Dom Ludowy"
Zwionzek ich rzońdzioł tu - zawodowy.

[broneknotgeld]

"Deutsches Haus" - 1933

Ano już tako sie stać musiało
Jak te bronotne tukej nastało
Co piyrwyj polske potym czerwone
Musiało przeca mieć taki "koniec".

[broneknotgeld]

"Atrium"

Z restauracyji zrobione kino
"Atrium" - te miano se wom wspomino?

[broneknotgeld]

1945

Jak soldateska czerwono prziszła
Ze "Atrium" yno łostały zgliszcza.

[broneknotgeld]

Dyć co po wojnie...?

Dyć co po wojnie z domym se dzioło?
Dość dugo było tukej wesoło
Śmiych przedszkolokow nojlepi słychać
Przeca w nich niy ma jeszcze nic z grzycha

Łostatnio jednak cicho jest tukej
Muzealnikow terozki szukej
Przeca Muzeum - te Gornoślonske
Mo "stare śmieci" już cosik wonske.

[broneknotgeld]

1890-1892

Infanterio piyrwyj we Bytomiu była
Terozki budujom dlo niyj tu koszary
Batalion to możno niy za wielko siyła
Dyć na Bytom stykło - dejcie tymu wiary.

[broneknotgeld]

Stajnio

Choć to infanterio - konie tyż czimali
Dyć oficyjery gyry szanowali.

[broneknotgeld]

Kasyno

Oficyjer pruski niy mioł mieć kasyna?
Toż by sztrofa była za nojwiynkszo wina.

[broneknotgeld]

1913-1914

Kurde - teroz tukej aż dwa bataliony
Na kark se tyż zwaloł jeszcze sztab pułkowy
Ciźba tako jakby trocha mynczy łonych
Dyć se wojnom bardzi zaprzontajom gowy.

[broneknotgeld]

We wojna

Kogo by dzisioj ło to zapytać?
Na jakich frontach se byli
Dyć szłoby ło tym tyż coś poczytać
Znać groby kaj poginyli.

[broneknotgeld]

Zarozki po wojnie

Niymcy ze wojny wyszły pobite
Bytom bez wojska terozki
Toż ze tych koszar ciyngym pożytek
Dlo policyjny jednostki.

[broneknotgeld]

"Finanzamt"

Urzond Skarbowy tyz se tu wkludzioł
W nikerych stracha łon ponoć budzioł.

[broneknotgeld]

"Hauptzollamt"

Ano granicznym tyn Bytom jest
To i celnikow potrza tu fest.

[broneknotgeld]

Garaże poczty

Poczta po niywczsie tyż se wkludziyła
Bo przeca miejsca tu było siyła.

[broneknotgeld]

"Żołnierza Polskiego" - "Feldstrasse" - pra?
Dyć za Hitlera miano - "SA".

[broneknotgeld]

Stephan Guzik

Dom murowany - dyć kryty strzechom
Był dlo Guzika marnom pociechom
Chcioł na parceli mieć kamiynica
"Knefel" mo blyszczeć na okolica.

[broneknotgeld]

1872/1873

No toż postawioł co richtig chcioł
Klehr projektowoł - grajfka w tym mioł
Dziwuje tymu se fest Błotnica
Pod słomom chałpa i kamiynica
Stojom terozki jakby we porze
Guzik - a przeca wiela łon może.

[broneknotgeld]

1874

Hehe - toż teroz Bloch wszysko chycioł
W jednym miyszkaniu sklep se łon sklycioł
A co z Guzikiym dali se dzioło?
Po prowdzie niy wiym - toż niywesoło.

[broneknotgeld]

Wilhelm Bulenda

Toż zdun Bulenda kupioł łod Blocha
I rozbudowoł wszysko niy trocha
Już dwie fasady budynek mioł
Przeca na rogu ulic łon stoł.

[broneknotgeld]

1903

Kamiynica teroz jakby cołkym nowo
Tyn neorenesans przed łoczy nom stowio
Scher w tym zamknoł jakby swoja dusza
Richtig teroz gryfno - szkryfnońć tako musza.

[broneknotgeld]

1905

Ano - blysnyła fest kamiynica
I już właściciel inksze mo lica
Isidor Bohm to terozki chycioł
Sklep na parterze pryndko tyż "wycioł".

[broneknotgeld]

1912

Jakosik teroz kupioł to w mig
Kupiec co zwoł se ponoć Karl Zyg.

[broneknotgeld]

1924

Dlo kamiynicy możno to chwilka
Terozki rzońdzi tu Zefel Silka
Tu na parterze łotwar se sklep
-Toż kolonialny bo niy był kiep.

[broneknotgeld]

Leo Rutkowski

Leo Rutkowski tukej handlowoł
Firma "Kunella" - to mi sie zdowo
Tuś kupioł wszysko co z cycka krowy
Wiyncy ci ło tym jednak niy powiym.

[broneknotgeld]

Po wojnie

Po wojnie ciynżko już tukej było
Dom fest uciyrpioł - źle ze niym było
W końcu po czyńści se tyż łobaloł
Dyć sie niy byda nad tym durś żaloł
Co tu łostało do dzisioj trwo
Durś kamiynica ta Bytom mo.

[broneknotgeld]

Dom taki stoji
Dyć mało ło niym w lekturze moji.

[broneknotgeld]

Dzisioj tu "plomba" nowo se stoji
Co piyrwyj było - we fraszce moji.

[broneknotgeld]

Eduard Kudla

Eduard Kudla tukej dwie chałupy mioł
Kryte gontym były dyć niy tego chcioł
Drewnym se tyn karlus w Bytomiu handlowoł
A że był bednorzym to i beczki dowoł.

[broneknotgeld]

1875/1876

Na budowa wozowni było pozwolynie
Toż cosik urosło aże na dwa sztoki
Niy ruszyło kudli przi tymu sumiynie
Dyć niych se wnerwiajom tam jakeś boroki.

[broneknotgeld]

1881

Terozki wozownia we placu stanyła
Nad niom zaroz izba miyszkalno tyż była.

[broneknotgeld]

1887

Toż i sklep łotwarli we ty kamiynicy
Kupiołś w niym co z łowsa żyta i pszynicy.

[broneknotgeld]

1902

Karl Bohm se kupioł ta posesyjo
Konie z niym miały richtig mecyjo.

[broneknotgeld]

Karl Bohm

A dyć to masorz - przerobioł konie
Wiela habetom tyż pedzioł - koniec.

[broneknotgeld]

Masarnio

Przi kamiynicy teroz masarnio
Chcioł wyrychtować tu tyż wyndzarnio
Dyć cosik jednak ze tym niy wyszło
Możno skiż tego sprzedać to prziszło.

[broneknotgeld]

1905

Już kamiynica mechanik mioł
Franz Tauch - se karlus tako tyn zwoł.

[broneknotgeld]

1923

Toż kamiynica w ryncach Katzmarka
Wywodzioł łon sie aże z Rozbarka
W szopie na placu chowoł durś świnie
Myśloł że sztrofa za to go minie

Dyć przeca rajcy miejscy niy chcieli
Mieć tako gowiydź we środku szteli
I policaja jymu przisłali
Czy w końcu mandat tyż za to dali?

[broneknotgeld]

1934

Łod tego roku już sklepy dwa
Mioł geld ze tego Katzmarek - pra?

[broneknotgeld]

1885

Dwa prziległe domy Czechinger wystawioł
Choć na droga psioczoł że niybrukowano
Dyć płat chcioł wysoki - tym ludzi niy bawioł
Możno bestoż w końcu ta sztela sprzedano.

[broneknotgeld]

"Herbergeschlafzimmer"

Hotel w Bytomiu to niy nowina
Dyć przeca to kosztowało
Biydnyś toś prziszoł we ta dziedzina
Za nocleg płaciołś tu mało.

[broneknotgeld]

1898

Wszysko to kupioł Joseph Swoboda
Toż co by ło niym tukej niy godać
Restauratora mioł richtig dusza
Lokal zrychtowoł - to szkryfnońć musza.

[broneknotgeld]

1899

Z zadku hinterhaus se dobudowoł
I sala kero "zwionzkom" najmowoł
A że w Bytomiu "vereinow" wiela
Ponoć durś pełno była ta sztela.

[broneknotgeld]

Po Zeflu

Po Zeflu tu Gustel erbnoł posesyjo
Dyć pryndko dom sprzedoł ze restauracyjom.

[broneknotgeld]

1914

Otto Ebert teroz tukej łostoł panym
Ponboczek przekryśloł jednak jego plany
Bo zginoł na frońcie - dom łostawioł ślubny
Czas był niywesoły dlo niego zaś zgubny.

[broneknotgeld]

Antonie Ebert

Wdowa po Ebercie "frau" to jest ciekawo
Nikerzy godali że richtig fest "klawo"
Niy darmo ta droga nazwali - SA
Moczała paluchy Antonie w tym - pra?

[broneknotgeld]

1921

Był Gorny Ślonzek okupowany
Niymcy "u Toni" lizali rany
Tu spotykajom sie freikorpslery
Polska Francyjo - dlo nich cholery.

[broneknotgeld]

"Sturmlocal"

W latach nastympnych tu znojdś SA
"U Toni" było zowdy co trza.

[broneknotgeld]

Tonia

Wielke zasługi w tym Tonia miała
Że sie na nowym ruchu poznała
Ponoć wspiyrała go sercym całym
Dyć czy widziały ich koniec gały?

Ciekawe kedy pomarła łona
Jako skończyła ta Ebert Tonia.

[broneknotgeld]

1875

Ta kamiynica Polotzyk stowioł
Ze przewozami rada se dowoł
Bo we tym gyszeft był dobry jego
Toż "wekturantym" zwali istnego.

[broneknotgeld]

1886

Już teroz wszysko jest łod Bodera
Kalfaktor z kozy - jasno cholera.

[broneknotgeld]

1924

Po Adolfie Boderze czimie to już wdowa
Dyć coś pryndko wszysko sprzedać jest gotowa.

[broneknotgeld]

1931

Po somsiedzku Geppert mioł palarnio kawy
Toż dom tyn tyż kupioł no i niy ma sprawy.

[broneknotgeld]

Georg Geppert

Mioł willa we Wrocku - tam na rynku sklep
Dyć gyszeft go ciongnoł choćby jakiś lep
W Bytomiu hurtownia łotwar - kolonialno
I palarnia kawy z kery dobre ziarno.

[broneknotgeld]

1876

Paulina Kaul ta parcela miała
Tyż kamiynica wybudowała
Budowniczymu Sattke zleciyła
By nawet stajno łod zadku była.

[broneknotgeld]

1886

Pewno syn jeji - tyż Kaul se zwoł
Drugo chałupa wystawić chcioł
Tako sie stało - stykło parceli
Dwie kamiynice już tukej mieli.

[broneknotgeld]

Wilhelm Kaul

Toż był stolorzym - tym sie niy "bawioł"
We kamiynicy warsztat wystawioł.

[broneknotgeld]

1898

Teroz dwa Franze mi se pomylom
Schuch tukej rzońdzioł restauracyjom
Kero zrychtowoł łon na parterze
Cołko posesjo Balesta "bierze"

[broneknotgeld]

1901

Pryndko sie miyni - jak ta cholera
W tym roku wszysko już łod Brauera
Ze Hajduk karlus ponoć pochodzioł
Dyć tu na dugo se niy przigodzioł

[broneknotgeld]

1906

Fricka Gebauera terozki dziedzina
Pomarł we tym roku - zaś erbła rodzina.

[broneknotgeld]

Bruno Gebauer

Bruno Gebauer rechtor z Szarleja
Terozki tukej za dobrodzieja
Ze lewy strony sklep se wystawioł
W restauracyji Borsdorf zaś bawioł.

[broneknotgeld]

1913-1915

No toż se wszysko rozbudowało
Aż sztyry sztoki mo sztela cało
We modernizmu klajd łobleczono
Bienia z Bytomia tego dokonoł

Trwało to możno trocha za dugo
Dyć tako bywo jak wojna mrugo
Zbiyro mulorzy tyż ze budowy
Kto roz to przeżył tako wom powiy.

[broneknotgeld]

1924

Kamiynica teroz Anna Cwienk se czimie
Aż do końca wojny na tych śmieciach drzymie.

[broneknotgeld]

U Else Walker

Jedna frela u niyj niyszczyńśliwo było
Bo włosy pieroński i łopitolyła.

[broneknotgeld]

U Badury

Bez ta drugo wojna sklep se tu łotworzoł
Dyć borok już wszysko wedle kartek wożoł.

[broneknotgeld]

1869

Parcela Wylezol kupioł łod Sobboty
Chcioł se dom postawić - przeca niy gupoty.

[broneknotgeld]

1870

Kamiynica stoji - projekt Satke doł
Toż tako se stało jak Wylezol chcioł.

[broneknotgeld]

1893/1894

Kupioł to dyrygynt - miano jego Klatt
Dyć mioł z tym utropa bo niski był płat
Dugo niy pociongnoł pomarł i mecyjo
Łostała se wdowie - przeca familijo.

[broneknotgeld]

"Muzikinstitut"

Klatt szkoła założoł - ciongła po niym wdowa
Dyć za wiela było jak na jeji gowa
Se na orkestrantow karlusy uczyli
Jednak jak boroczki przi Klarze Klatt żyli.

[broneknotgeld]

Albert Steibnitz

Toż Klary Klatt to siostrzyniec był
Co tyż orkestra prowadzioł
Ciotka już ciongnońć niy miała siył
Łon z kamiynicom sie radzioł.

[broneknotgeld]

1907

Steibnitz posesyjo już terozki mo
Szkoła durś prowadzi i z orkestrom gro
Po prowdzie to wszyscy miyszkajom na kupie
Dyc już hajziel w doma - lżyj terozki dupie.

[broneknotgeld]

1945

No ja - we Bytomiu z tym utropa wielko
Łogyń pamiyntomy - "oswobodzicielko"

[broneknotgeld]

1948-1949

Dom był wypolony - dyć łodbudowali
Miyszkania bergmonom tu poprzidzielali.

[broneknotgeld]

Łod miasta parcela se kupioł Kwiotkowski
Łon tyż wybudowoł tukej kamiynica
Bergmon Kamiynicznik toż mioł wiyncy troski
Dyć czy było widać to na jego licach?

[broneknotgeld]

1898

Szkryfna - choć to przeca tukej żodyn bajer
Czimie posesyjo teroz Heidelmeyer.

[broneknotgeld]

!907 - 1926

Emanuel Mejer dugo gospodarzy
Toż zrobi tu pryndko to co se zamarzy
Ło restauracyjo zaś bogatszy Bytom
Klijyntow wystykło - dyć jo sie niy pytom.

[broneknotgeld]

Joseph Gregretzki

Zefel Gregretzki był tukej panym
Mioł stary domek podmurowany
Dyć bogaciyła se okolica
Toż łon wystawioł tyż kamiynica.

[broneknotgeld]

1873

Z ańfartym w środku dom wielki stowiajom
Kurde - we tym czasie durś piniondze majom
Na wojnie z Francyjom Prusy je zyszczyły
Dyć niy yno tako we przodek pyńdziyły.

[broneknotgeld]

1897 - (Społka)

Kischniok ze Lehrym tu społka majom
Szejść rokow domym tym zarzondzajom.

[broneknotgeld]

1899

Restauracyjo ze dwóch lokali
Razym to piyknie leci tu dali
Ze zadku sale jeszcze stanyły
Kere bilardym tyż ponoć żyły.

[broneknotgeld]

1903

Kischnika w końcu zlicytowali
Lehr som se rzońdzi terozki dali.

[broneknotgeld]

1906

Salo KOplowitz geld swoj zamrozioł
Ło mało wiyncy w chałpa by wrozioł
Już wszysko piyknie mioł rozbudować
Dyć zezwolynio niy chcieli dować

A kamiynica przi placu była
Mogła w gyszefcie pomoc mu siyła
Salo maszyny durś projektowoł
Na płat łon przeca wcale niy stowioł.

[broneknotgeld]

U Miedzińskiego

Toż jadłodajnio ztarozakonno
Czoskym pewnikym była tyż "wonno".

[broneknotgeld]

Restauracyjo

Restauracyjo Korkus przowadzi
Toż richtig czynsto ło to se wadzi
Że włażom tukej prosto ze placu
By mu nagiździć yno we sraczu.

[broneknotgeld]

August Ronge

Restaurator Korkus dość już mioł wszyskego
Toż Ronge zastompioł tu teroz istnego.

[broneknotgeld]

1912

Thomas Sarnowski - gorzelnik z Gliwic
Dom teroz kupioł - to wcale niy wic
A że piniyndziy tyn piernik mioł
Łod nowa wszysko stowiać tu chcioł.

[broneknotgeld]

Stajnio

Stajnio ze zadku wielko stanyła
Dwadziścia koni to przeca siyła.

[broneknotgeld]

Nowo kamiynica - 1913

Staro zbulyli stoji już nowo
Tympo że czowiek aż kryńci gowom
Co tu terozki jest we piwnicach?
Toż destylarnio - śmiejom se lica

[broneknotgeld]

Co ze prawy?

Dwa sklepy z lewy - a co ze prawy?
Restauracyjo - tyż dlo zabawy.

[broneknotgeld]

1924

Nic niy trwo wiecznie - zmiynio se wiela
Toż kupiec Steiner już mo ta sztela
Restauracyjo tyż łon prowadzioł
Som ło tyn gyszeft se niy powadzioł.

[broneknotgeld]

Co ze stajniom?

A co ze stajniom? -Tako spytocie
Dyć z czasym tukej garaże mocie.

[broneknotgeld]

1873

Satke se do sia dom wybudowoł
Coś ze Francyji mo - mi sie zdowo
Dach mansardowy i balustrada
Jakby baroku wielko parada.

[broneknotgeld]

1875

Terozki wszysko we rynkach kupca
Dyć niy jakegoś tam gołodupca
Wittner chcioł tuke sklep wyrychtować
Biuro tyż blisko - mog poźni wstować.

[broneknotgeld]

1886

Było z tym możno i trocha mynki
Dyć kamiynica mo świyże tynki
Choć se nom yno tako wydowo
Wyglondo teroz jakby zaś nowo.

[broneknotgeld]

1899

Toż wszysko teroz czimie Franz Thusek
Łon niy "zasypioł w popiele gruszek"
Łotwarte przeca czi sklepy aż
No i piekarnio - jak "ojcze nasz".

[broneknotgeld]

"Moltke - Drogerio"

Trza by drogerio była "Moltkego"
Przeca przi placu łona istnego
Arthur Wischerop tukej drogistom
Pozor na wiszer - właź z gyrom czystom.

[broneknotgeld]

"U Schmidtki"

Ano jom ponoć wszyscy tu znali
Choć tonio - dobrze se nawcinali.

[broneknotgeld]

Johann Kraus

Krausa pierniki czy pamiyntocie?
Tam kaj piekarnio i to tyż mocie.

[broneknotgeld]

1909

Franz i Hedwig Nawrathowie
Majom dom tyn po połowie
Jest masarnio i wyndzarnio
A ze zadku tyż świniarnio
Do kompletyu miynsny sklep
Masorz Nawrath niy jest kiep
Bytom znoł jego wyroby
Wetnońć sie tu ło to szłoby.

[broneknotgeld]

1927

Dyć skuli tego Nawrath niy chory
Że dali stacjo z transformatorym
W swojich piwnicach tyż chłodnie mioł
To sztrom pod rynkom przeca se zdoł.

[broneknotgeld]

125 V

Sztrom wtedy take mioł se napińcie
Jak kopnoł myni żeś czuł we piyńcie.

[broneknotgeld]

1872

Woitka Osadnika kamiynica stoji
Bauera z Bytomia ło tym teroz wiycie
We neorenesans ździybeczko tyz stroji
Na winklu se "toczy" jakby jeji życie.
-
forum.gazeta.pl/forum/71,1.html?f=261

[broneknotgeld]

1889

Franz Friedrich to kupioł dyć jakoś utropa
W czi miesionce zmiotła ze świata już chopa.

[broneknotgeld]

1889

Franz Friedrich to kupioł dyć jakoś utropa
W czi miesionce zmiotła ze świata już chopa.

[broneknotgeld]

Kurde - coś se z forum dzieje
Jakiś chochlik teroz śmieje.

[broneknotgeld]

Kurde - coś se z forum dzieje
Jakiś chochlik teroz śmieje

[broneknotgeld]

No toż niy idzie dobrze to wklejać
Możno mom płakać - dyć jo se śmieja.

[broneknotgeld]

Kurde - coś se z forum dzieje
Jakiś chochlik teroz śmieje

[broneknotgeld]

Kurde - coś se z forum dzieje
Jakiś chochlik teroz śmieje

[broneknotgeld]

Marie Friedrich

W hinterhausie tukej wdowa zamiyszkała
Dzieciskow po Franzu aże siedym miała
Z czasym we wozowni syn stolarnio zrobioł
Ale se majontku na niyj niy dorobioł.

[broneknotgeld]

Johann Schneider

Johann Schneider tokarkom zarobioł na życie
Ze placu se przenios w końcu do piwnice
Klijyntow tu swojich przeca zowdy znoloz
Do jego warsztatu niyjedyn se poloz.

[broneknotgeld]

1904

Do piwnicy Preiss se terozki tu wkludzioł
No toż przeca wiycie - stolarkom sie trudzioł.

[broneknotgeld]

Masarnio - 1910

Masarnio łotwarli teraz
Była łod Leschzinera.

[broneknotgeld]

1922

Toż Gustla Zurek już tyn dom mo
Dyć niy za dugo - to mi sie zdo.

[broneknotgeld]

1934

Fyrma szklarsko to chyciyła
I Skubelli se najyła
By dom piyknie rozbudować
Ło dwa sztoki wyży dować.

[broneknotgeld]

Piyńć sklepow

Ano mieli na to chyńć
By tu było sklepow piyńć
Jedyn na winklu po dwa ze boka
Ta kamiynica to niy boroka.

[broneknotgeld]

1945

Uciyrpioł wtedy richtig dom wiela
Dyć za dwa lata dźwigli ta sztela.

[broneknotgeld]

We Stroszku

We Stroszku podobno rzeczka Belcza była
Kaj łona terozki na mapie sie skryła
Kedyś łod Bytomia Stroszek łoddzielała
Godajom że wsionkła bo tego niy chciała.

[broneknotgeld]

Wodnik

Karczmorz z Radzionkowa - Gyjorg jego miano
Fisza tukej kompoł choby malowano
We stawie co wtedy sie "Strossek" nazywoł
Bo piyrwyj tu wodnik szkaradny tyż pływoł.

[broneknotgeld]

Wiela ło tym Stroszku w Radzionkowie wiedzom
Choć terozki leży już cołkym za miedzom
Dyć go piyrwyj mieli radzionkowske pany
Do jejich łon szteli dugo był pisany .

[broneknotgeld]

Miyndzywojnie

We dwudziestym drugim razym z Radzionkowym
Dostoł łon sie Polsce ło tym wom tu powiym
Na Wiktorze wtedy celniki stanyli
Wele "Beuthengruby" urzond postawiyli
Ta kopalnia znomy bo tymat niywonski
Dyć to nic inkszego jak "Powstańcow Ślonskich".

[broneknotgeld]

"Schoris"

Kto pamiynto "Schoris" gruba?
Kaj tyn galman mieli dłubać?

[broneknotgeld]

Srebrno sztolnia

Jakby tak sie cofnońć troszka
We tym czasie tu do Stroszka
Srebra by my poszukali
Srebrno Gora podkopali
Galman tyż by sie nom przidoł
Dyć to wszysko Stroszek wydoł.

[broneknotgeld]

Osiedla

Tam kaj Donnersmarcka piyrwyj pola były
Chałupy osiedlo dość pryndko stanyły
Nojpiyrw tak jak wszyńdzie z cegły familoki
A potym normalne robotnicze bloki
Za bytomski władzy szło to ciyngym dali
Betonowe klocki fest pobudowali.

[broneknotgeld]

To ci strata

Za swo "niypodległość" Radzionkow zapłacioł
Stroszkym - bo go chyba już cołkym utracioł.

[broneknotgeld]

Manhattan

Stroszek sie Arabow boji
Bo "Manhattan" tam tyż stoji.

[broneknotgeld]

Dwor

Dwor na tym Stroszku przeca tyż boł
Ale sie downo we ziymia wbioł
Godajom ludzie co kedyś Szatan
Na dwor mioł ściepnońć jakiś "Manhattan".

[broneknotgeld]

Sucho Gora

Sucho i Srebrno - dwie gory były
Kere bergmonom dobrze służyły
Z tutejszy galyny srybro ołów mieli
Potym galman brali z suchogorski szteli
We dwudziestym wieku jednak koniec prziszoł
Wongel zaczoł rzońdzić cynk na aut se wyszoł.

[broneknotgeld]

"Fryderyk"

Kopalnia "Fryderyk" z rozkazu Prus króla
Przeszło sto lot tukej galmanym fest suła
Zostały do dzisioj wyrobiska po ni
Wleziesz to niytopiyrz pryndko cie wygoni.

[broneknotgeld]

"Blachowka"

Dolomit z "Blachowki" kedyś fest targali
Atrakcjo przirody teroz zrychtowali
Krajobraz ciekawy - przidź se podziwować
Pod prastarom lipom przed klarom tyż schować.

[broneknotgeld]

Dolomit

Dolomit z tyj szteli huty durś szukały
Te kamiyniołomy wiela im go dały
Niy yno "Blachowka" "Bobrowniki" tyż
Mocka tego było już terozki wiysz.

[broneknotgeld]

Ło Suchy Gorze

Łod Radzionkowa sie łodłonczyła
I dugo gminom osobnom była
Z blyndy z galmanu we siyła rosła
Ze dolomitym tyż w przodek poszła
Dzisioj mo Bytom tako dzielnica
Richtig ciekawo to okolica.

[broneknotgeld]

Kaplica

Staro kaplica durś tukej stoji
We neogotyk piyknie sie stroji
Już sto lot z hokym jom podziwiomy
Jak w Sucho Gora se zaglondomy.

[broneknotgeld]

Kościoł Michała Archanioła

Na mszo stond chodziyło sie do Radzionkowa
Dyć po drugi wojnie ruszyła z tym sprowa
Nojpiyrw we rymizie liturgio sie dzioła
W końcu doczekali sie tukej kościoła
Tyn Archanioł Michał patronym jest jego
Tyż parafian chroni łod wszelkiego złego.

[broneknotgeld]

Z Suchy Gory to jest wziynte
Widziołch tam we cegłach świynte
Co nad szczyńściym tych czuwajom
Wszyskich kierzy tam miyszkajom.

[broneknotgeld]

"Hipolit"

Worpia we lesie po "Hipolicie"
Kedyś tyntniyło fest tukej życie
Ajzy i cynku kopali ruda
A dzisioj rosnom natury cuda.

[broneknotgeld]

Miech

Grzychu we tym wcale niy ma
Z Miecha wyloz taki tymat
Piyrszy łon tu ponoć siedzioł
Co ło Miechowicach wiedzioł?

[broneknotgeld]

Godło

Drabiniok z koniym godłym Miechowic
A kim jest furmon? Powiydz mi powiydz!
Łon na te gwiozdki fest sie dziwuje
Ze pustom furom do Unii suje.

[broneknotgeld]

Ignacy Domes

Jak se Napoleon aż na Moskwa pchoł
Za te Miechowice kupiec forsa doł
Z Czeladzi pochodzioł - miano jego Domes
Fest sie łon wzbogacioł i żył choby komes
Tam kaj dwor drewniany pałac sie postawioł
Dyc na tym padole niydugo już bawioł.

[broneknotgeld]

Maria

Cera łod Domesa Aresin sie wzioł
Ze niom tyż bogatszy przeca zaroz boł
Dyć tego ślubnego nom Maria przeżyła
I Franca Wincklera za chopa sie wziyła
Dziynki tymu karlus majontek se chycioł
Kery pryndko bydzie jeszcze bardziyj świycioł.

[broneknotgeld]

Gruba galmanu "Maria"

Sto łoziymdziesiont tymu już lot
Aresin kamiyń wyngelny kłod
Pod miechowicko gruba galmanu
Łon dzinki niyj tu na nogach stanoł

"Maria" jom nazwoł jak swoja ślubno
I chocioż łona niy była zgubno
Dyć go kobiyta przeca przeżyła
A wdowom pryndko Wincklera wziyła.

[broneknotgeld]

Hugo Lazarek

W pamiyńci go cołke Miechowice miały
Bo przeca łon tukej był "piyrszym po Bogu"
Niy yno swoj palec prziłożoł tu cały
Niym stanoł se wele pyjtrowego progu.

[broneknotgeld]

Bioło Dama na zamku w Miechowicach

Bioło Dama zaś straszy we tych Miechowicach
Ponoć skiż bytomski rocznicy przezocny
Wiy już ło tym duchu cołko okolica
Na prima-aprilis przidzie w porze nocny.

[broneknotgeld]

Matka Ewa z Miechowic

Wiela dlo siyrot łona zrobiyła
Możno by za to świyntom już była
Dyć wangeliczkom prziszło być łony
Ważne że ciyngym jom pamiyntomy.

[broneknotgeld]

"Dolomity" - Sucho Gora

"Dolomity" nos wołajom
Suchogorsko sztela naszo
Śniyg tam teroz zowdy majom
Gołym stokym niy postraszom

Chyć za deski - szurnij tukej
Choćbyś jeździć i niy umioł
Tu nauki przeca szukej
Myśla żeś już to zrozumioł.

[broneknotgeld]

"Ślizg na bele czym"

"Ślizg na bele czym" w Dolinie jest dzisioj
Jakbych nic niy szkryfnoł to pewnie bych wisioł.

[broneknotgeld]

Skoki na desce

Na desce w Dolinie jutro skokać bydom
Karlusy z frelkami pewnie se tam przidom
Bo przeca to prawie Walyntego dziyń
We pszonie niy wlezie chyba żodyn ciyń.

[broneknotgeld]

Teroz inkszy wontek - huta "Pokoj" suja
Bo tyż jest bytomsko to se forszteluja
We Rudzie to jednak kaj indzi jest tymat
W Bytom jo jom szkryflom rynkami łobiyma.

[broneknotgeld]

Kedy sie zaczyło

Piyrszo połowa to była wieku
Dziewiytnostego wiydz to czowieku.

[broneknotgeld]

Czech Żydow

Dwóch ze Bytomia jedyn z Wrocławia
Skiż nich tyn Bytom zyskiwoł sława
Bo jejich huta tukej stanyła
Czas zaś pokozoł jako w niyj siyła.

[broneknotgeld]

Friedlander

Friedlander Moryc był z nich nojwyrszy
Dyć jego fater ponoć nojpiyrszy
Dobywoł tukej ruda darniowo
Piyńć groszy z tony Bytom kasowoł.

[broneknotgeld]

"Friedenshutte"

Moryc w nia szkryfnoł swoje nazwisko
I duch tyż jego łod lot tu miyszko
Łazi po starym tym wielkim piecu
Dyć żodyn niy wiy co czimie w necu
Kery we lewy rynce durś nosi
Niyjedyn myśli że tam jest cosik
Co mo nom pomoc łodbić sie z dna
Piyknie by było - powiydzcie - pra.

[broneknotgeld]

1840

Ze jednego pieca nojpiyrw łona żyła
W kerym łod poczontku durś koksym polyła
Kuźnia i kotłownia maszyna parowo
Coby luftym dmuchać bo huta jest nowo
20 tysiyncy ton ajzy w rok loła
Tela dokłodała do ślonskego stoła.

[broneknotgeld]

Ze rudy szwarcwaldzki surowka sie loła
A i tarnogorsko tyż tyj hucie pszoła
Z kopalni "Orzegow" wongel wopno brali
Ze "Saary" tyż wiela bo ich przimuszali
Syderyt ze Nakła dyć Ślonskego przeca
Woda z "Otyllije" i "Saary" do neca.

[broneknotgeld]

Bytom na tyj hucie tyż wiela zarobioł
Z rudy i surowki cindza durś dostowoł
A wongel trza było z miejski gruby brać
Dyć magistratowi zarobić szło dać.

[broneknotgeld]

Cetnor

Wiela cetnor spustu ich tukej kosztowoł?
Jedyn pełny talar i dwa grosze dowoł
Toniyj to łod inkszych hut tu wychodziyło
Bestoż sie kulało z poczontku aż miyło.

[broneknotgeld]

I w pysk

Aż do Wiosny Ludow był ze tego zysk
Dyć jednak tyj Wiosny dostali we pysk.

[broneknotgeld]

1848

Lod swojich wspolnikow Friedlander udziały
Łodkupioł i werk tyn już jego byl cały
Choć wiedzioł co robić by sztartnońć z tym fest
Dyć pynknoł i sprzedoł - niy jego już jest.

[broneknotgeld]

120 tysiyncy talarow

Wtedy wiela było - tako jeji cyna
Graf Renard ze Strzelec kwaśno zrobioł mina
Dyć jednak te miechy talarkow wyłożoł
I dobrze bo przeca tyn werk zaś nom ożoł.

[broneknotgeld]

Wielki piec już drugi ze ekstra dmuchawom
Rozkuloł sie tukej za Renarda sprawom
Koksownia szambursko przi hucie powstała
I dali robota tu piyknie leciała.

[broneknotgeld]

1855

Sprzedoł wtedy Renard majontek swoj wielki
Cołko swoja ziymia huty inksze werki
Wrocławsko to wszysko kupiyla "Minerwa"
Koncern w kerym była richtig wielko werwa
Wtedy ponoć piyrszy taki ślonski tuz
Po prowdzie to graf nasz szefowoł tam już.

[broneknotgeld]

200 tysiyncy talarow

Cyniyli jom wtedy na 200 tysiyncy
Widać że we wercie jednak coroz wiyncy
"Minerwa" w calości wertała miliony
I aż dwa zarzondy mieli teroz łony
Jedyn we Zawadzkiem dość daleko siedzioł
Drugi na Szwarcwaldzie - czy żeś ło tym wiedzioł?

[broneknotgeld]

1858

Sztyry piece już tu stoły
Sztyry tyż maszyny
Te parowe co dmuchoły
Że aż tyngły miny

A ze kotłow łoziymnostu
Pary było tela
Że durś pryndzy lecioł czas tu
I rosła ta sztela.

[murcek]

Juzas nowe nastóly czasy
Jak to juz samosik bólo
Ludzie z biydy zaciongajom pasy
Zamiast auta lostalo mi sie yno kolo
A w hucie kaj robiyli robotne karlusy
Rosnie loset i siano sie suszy

[broneknotgeld]

"Pionte koło z woza"
Dyć brak im powroza.

[broneknotgeld]

44

Sztyrdziści sztyry piece koksowe
Ło wongel ciyngym wołały
"Minerva" chyto gruby durś nowe
By wiela go fedrowały.

[broneknotgeld]

Huśtowka

Chocioż sie nom huta fest rozbudowała
To jednak ze zbytym durś problymy miała
Ajzy było jakby na rynku za wiela
A jeszcze ze Anglii ciepali w ta sztela
Zdarzyło sie nawet że wytop sztopnyli
Dyć jakoś z kryzysym se przeca radziyli.

[broneknotgeld]

I zaś krach

Na krotko sie nawet to lepi kulnyło
Bo sześć wielkich piecow aż tukej stanyło
"Minerva" w tym jednak przeinwestowała
I poszła pod młotek bo zbankrutowała.

[broneknotgeld]

"Życie Bytomske" ponoć jak nowe
Toż szkryfna "Życiu" tukej - Na zdrowie!

[broneknotgeld]

"Kwartał"

Mieli we Bytomiu rewitalizować
Kwartał wrocić miastu tak jakby łod nowa
Cosik sie ruszyło - przeca rozkopali
Dyć czort nawet niy wiy jako bydzie dali

Pewnikym ideja już na zatracynie
Mamony zabrakło choć "czyste sumiynie"
Bank straci i miasto bo razym w tym siedzom
"Kwartał" se zbankroci - ło tym chyba wiedzom.

[broneknotgeld]

Radny Sałabun

Radny Sałabun som łod sia "chodzi"
Teroz do władzy popolić
Dyć Bytomiowi to niy zaszkodzi
A głośno zagrzmieć łon woli.

[broneknotgeld]

Bytom - "Orkiestra Muzyki Nowej"

Dyć niywiela trwało - kompakt se nagrali
I do "Fryderyka" już nominowali
Nawet jak nagrody niy weznom w tym roku
Jo teroz winszuja "milowego kroku".

[broneknotgeld]

Bytomsko Miss Nastolatek

Jo niy widza w tym nic złego
Idzie sie urodom asić
Dyć trza tyż pilnować tego
By niy mogły sie zmarasić.

[broneknotgeld]

Łańcuchowe klachy

Lecom w Bytomiu durś jakeś klachy
Bo sie lubujom we tym fest Lachy
Ze ktoś w łańcuchy mioł dyć "zakuty"
Skiż "dzieciniady" a niy skiż "buty".

[broneknotgeld]

Niy zlikwidujom?

"Cyntrum" w Bytomiu niy zlikwidujom
Wielgachno ulga bergmony czujom
Z "Bobrkym" we kupie jednak łostanie
Łostatniom grubom w bytomskim stanie.

[broneknotgeld]

Miasto czech bram

Czi bramy kedyś mioł zocny Bytom
Jedna Krakowskom łod downa zwali
Ło Pyskowicko tyż se zapytom
Glywickom jednak wyjada dali.

[broneknotgeld]

Brama Krakowsko

Z Krakowa kupce tu przijechali
I przez nia nazod tako wrocali.

[broneknotgeld]

Brama Pyskowicko

Ciongnoł żeś tyndy na Pyskowice
We cołke ślonske tyż okolice.

[broneknotgeld]

Brama Gliwicko

Ponoć stanyła w ciekawym czasie
Jak dwie połowki paczały na sie
Bo miasto tako se podzielyli
Jak już bytomske Piasty niy żyli.

[broneknotgeld]

Bytomske "hiyny cmyntarne"

Jest ich terozki w Bytomiu wiela
Niymi już "słynie" ta miejsko sztela
Kunszt czynsto niczym - złomu szukajom
Dyć szkody wielke tym wyrzondzajom.

[broneknotgeld]

"Płacząca kobieta"

Już na cmyntorzu tukej niy ślinto
"Hiyna" jom cołkym "zagryzła"
Niychej durś Bytom ło tym pamiynto
A rynka we pirś sie pizła.

[broneknotgeld]

"Wielki smrod"

No i z oczyszczalniom jednak jest utropa
Sztynks czasym fest niesie - z gyrow wali chopa
Bytom choć se ziymia wzion łod Radzionkowa
I tak zaś mecyjo zwaloł na ich gowa.

[broneknotgeld]

Czamu ta Dworcowo tako ważno była?
Piyrwyj dwa banhofy prawie połonczyła

[broneknotgeld]

Toż nawet dzisioj asi sie Bytom
Sztrasom "Dworcowom" - nawet niy pytom
Na kamiynice blikom ciekawie
Szłoby coś szkryfnońć ło nich tu prawie

[broneknotgeld]

Piyrwyj zagroda tu ponoć była
Niym kamiynica se pojawiyła
Co kupiec Nothmann pryndko postawioł
Bo piniondz "robioł" a niy se bawioł

[broneknotgeld]

"Jedynka" już stoji sto czidziści lot
Simon Nothmann pewno ze tego tyż rod
Choć za jego życio tak niy wyglondała
-Jak pomarł Henrietta jom przebudowała
Zowdy w babskich rynkach inkszo polityka
No i wyszła z tego richtig eklektyka

[broneknotgeld]

Kwiaciarnio Ludwiga Domina

Poczebowała kwiotkow rodzina
Zowdy ktoś pylnoł sie do Domina
Co pod "jedynkom" kwiaciarnio mioł
I gyszeftowi tymu fest pszoł

[broneknotgeld]

Sklep "Osram"

Szczelyła byrna - mało utropy
"Osram" był przeca baby i chopy.

[broneknotgeld]

"Ziminałer"

Mutry ci brakło - jasno cholera
Trza zaś łodwiydzić "ziminałera"

[broneknotgeld]

Dzisioj

Czi sztoki i gibel kamiynica mo
Do dzisioj jest gryfno - tako mi sie zdo
Licym z żołty cegły gańbić se niy musi
Choć przebudowano ciyngym łoko kusi

[broneknotgeld]

Dworcowo 3

Piontek z Bytomia jom projektowoł
Czi sztoki z giblym tyż miała
Neorenesans z frontu wystowoł
Żołtom glazurom blyszczała

Do dzisioj ciyngym tako nom stoji
Choć ździybko czasu minyło
Dworcowo "trojka" przeca durś stroji
Niych bydzie jako i było

[broneknotgeld]

1889

Toż na kamiynicy se to som przeczytom
I ło rok budowy nikogo niy spytom

[broneknotgeld]

"Linoleumgyszeft"

U Bluma kupiołś co z gumy było
I sie przed wojnom ludziom prziśniyło
Przed piyrszom nawet - trza tyż to pedzieć
Ło tym już ołpa może niy wiedzieć.

[broneknotgeld]

U Klary Redewagen

Hefty filery - tu zowdy naj
Choć mie by styknoł tyn koperblaj.

[broneknotgeld]

"Wawel"

Maszkytny "Wawel" se tukej wloz
Po prowdzie dlo mie to jest w som roz.

[broneknotgeld]

Sklep "Hi Fik"

Po mianie wiymy że ze koszyka
W kerym kroluje ciyngym muzyka.

[broneknotgeld]

Dworcowo 5

Mo kamiynica aż sztyry sztoki
To historyzmu jakby som kroki
Stoji już tukej przeszło sto lot
Czas projektanta miano se skrod

[broneknotgeld]

"U Skupina"

Raj dlo kurzoka
Po cipy skokać
Toż u Skupina
Tako dziedzina

Chciołś fajfka kurzyć
Tuś mog se użyć
Tabaka niuchać
Kichać łod ucha

[broneknotgeld]

Bar "Smak"

Jak kiszki marsza ci czasym grajom
Wlyź - niych ci łone przeca tyż pszajom.

[broneknotgeld]

Sklep "Len"

Wszysko dostaniesz tukej ze lnu?
Chciyj se przekonać jako jest tu

[broneknotgeld]

Dom Pomocy Społeczny w kamiynicy dzisioj
A piyrwyj co było? Kto ło tym tu słyszoł?

[broneknotgeld]

Lazaryt

Lazaryt Knapszaftu nojpiyrw tukej był
Kurowoł bergmonow dokłodoł im siył
Czynsto jakby życie dowoł im łod nowa
Tako ło tym myśli dzisioj moja gowa

[broneknotgeld]

1851

Jakby za Bytomiym tyn lazaryt dźwigli
Dyć pryndko sie wszysko cołkym pomiyniyło
Jednak tukej tego wcale niy łoszczigli
Z Knapszaftym bergmonom przeca lżyj se żyło.

[broneknotgeld]

1887

Staraniym biskupa Roberta Herzoga
Fundacjo już teroz gości we tych progach
Chorych i kalyki w łopieka durś brała
Świyntego Roberta zocne miano miała

[broneknotgeld]

Chocioż...

Chocioż te gmaszysko przebudowywali
Neorenesansu czimie sie to dali.

[broneknotgeld]

Dworcowo 9

Albert Klehr z Bytomia projekt piyrszy dowoł
Dyć Julius Schlesinger fest jom przebudowoł
Co piyrwyj stanyło w stylu historyzmu
"Art deco" mo dzisioj - na tle modernizmu

[broneknotgeld]

Schody

Łostały sie tu ciekawe schody
Choć podniszczone dyć "piyrszy wody"
Ajza nadowo szyku ty siyni
Toż czas i czowiek na gorsze miyni.

[broneknotgeld]

Dworcowo 11

Chałpa jak stanyła do dzisioj tu stoji
Przebudowy jakby cołkym sie niy boji
Rachować jyj czeba sto piytnoście lot
Projektant niyznany dyć mogby być rod

[broneknotgeld]

"Jokey Club" Ultmanna

Co chop zowdy poczebowoł
Ultmann ponoć mu sprzedowoł.

[broneknotgeld]

U Wilhelma Kamma

"Tam kupuj tinta - jasno cholera
Dyć niy chcesz flekow mieć ze filera"
-Niyjedyn rechtor prawioł szkolorzom
Dzisiejszych czasow jednak niy dożoł

[broneknotgeld]

"Studio tatuażu"

Wlyź do ańfartu - do "studia" tyż
Po coś tam poloz? -Przeca som wiysz.

[broneknotgeld]

Bank "Millenium"

Nikerych piniondz jakby chcioł pszoć
Mie niy - toż banku wola sie boć

[broneknotgeld]

Neorenesansu to richtig klasyka
Tela yno szkryfna i byda stond zmykać.

[broneknotgeld]

"Czinostka" piyrwyj szczyńśliwszo była
Dyć tu z "siodymki" se "narodziyła"
Możno skiż tego do dzisioj blyszczy
Los coś dobrego jyj jeszcze zyszczy

[broneknotgeld]

1876

Ferdinand Harrmann swo dusza doł
Historyzmowi łon wiela pszoł
Dyć niym sztyrdziści rokow minyło
Wszysko se cołkym tu pomiyniyło

Klomb z Ehlym blikli na kamiynica
I łodmiyniyli cołkym jyj lica
Se modernizmym asi z "art deco"
Styknie - na wiyncy chyba niy czeko

[broneknotgeld]

Dwa putta

Bajtlik z lewa fisza mo
Z prawa sznupka widać psio
Łoba we portalu som
Pod "czinostkom" zaś tyn dom.

[broneknotgeld]

Dwa ptoki

Dzwigni wyży swoje łoczy
Płaskorzeźba ptokow wskoczy
Tyż akantu piykne liście
Łoczy napaś mogli byśćie

[broneknotgeld]

Kartusze

Zrobisz tukej wyży jakby jeszcze krok
Tam kaj se już kończy cołkym drugi sztok
Chciyj se na herbowe bliknońć tyż kartusze
Puste - dyć pewnikym piyrwyj miały "dusze".

[broneknotgeld]

U Mikeski

Wele kamiynicy dzisioj jo durś łaża
Ło rumie Mikeski se przi tymu marza
Tyż zocne likery karlus robioł tukej
Dzisioj i ze świyczkom takich już niy szukej

[broneknotgeld]

Do Franza Mikeski

Do Franza Mikeski zaklupoł bych chyntnie
A ślubny to potym tuplikowoł myntnie
Dyć trza by sie cofnońć z łoziymdziesiont lot
Nic z tego bo czas już te lata nom skrod.

[broneknotgeld]

Kurde - "czinostka" a rym se kulo
Lekuśko - przeca niy byda fuloł.

[broneknotgeld]

Theodor Ehl

Łon na Gornym Ślonsku kościoły budowoł
Dyć i kamiynicom wiela łod sia dowoł
Skuli ty "czinostki" tukej go wspominom
Niychej "laury" wiynksze tyż go niy łominom.

[broneknotgeld]

Johannes Klomp

Architekt z Dortmundu coś Ślonskowi dowoł
Przeca cołke życie wiela projektowoł
Toż jego jest dziełym kościoł na Fryncicie
Terozki sie ciesza co już ło tym wiycie.

[broneknotgeld]

U Schwama

Chciołś chałpa postawić - Schwam cie poratowoł
Wszysko na budowa łon przeca sprzedowoł.

[broneknotgeld]

Dworcowo 15

Po prowdzie niy wiymy kto projekt swoj dowoł
No i gynau kedy jom tyż wybudowoł
Wpiyrw we historyzmu łoblykła se szaty
Wystoj dzisioj inkszy dyć przeca bogaty

[broneknotgeld]

1893

Tyn rok se wyczytosz z samy kamiynicy
Carl Wurtemberg tako jakby do nos "ryczy"
Bo w neorenesans wtedy jom łoblykoł
By to wyszło piyknie pewno tyż porzykoł.

[broneknotgeld]

1913

Klomp z Echlym tyż wtedy gibel przerobiali
Możno łoni tukej taras zrychtowali.

[broneknotgeld]

Przi łoknie

Herma ze atlantom stojom se przi łoknie
I żodyn wysoko im tukej niy skoknie
Niych se jednak kery tako tyż sprobuje
Pewnikym na rzici yno wylonduje.

[broneknotgeld]

Do Frantela

Jak karlus mioł szuły prawie bez kromflekow
Pylnoł do Frantela - gibko niy poleku.

[broneknotgeld]

Sklep "Wanda"

Godajom że Wanda do Niymiec niy chciała
Bo by se szykownie tam niy łoblykała.

[broneknotgeld]

"Herbapol"

Nalywka na ziołach! -Bele łostro była!
Bo yno we taki kuracyji siyła!

[broneknotgeld]

Toż my zwiydziyli jakby ćwierć drogi
Dyć jutro dzionek tyż bydzie dugi.

[broneknotgeld]

Johann Kowollik jom wybudowoł
Dyć do sia przeca dom piykny stowioł
Wiym dlo niego to "małe piwo"
Boch se kościołom jego tyż dziwoł.
--

[broneknotgeld]

1904-1905

Jozef Kutz z Katowic "mynczoł" se z fasadom
Dyć wykończoł piyknie - ze wielkom paradom
Terozki sie asi secesyjom swojom
Glazurom bieluśkom liściami co strojom.

[broneknotgeld]

Paul Langer

Pamiyntosz? -Sprzedowoł cygarety tukej
Yno go terozki karlusie niy szukej.

[broneknotgeld]

Johann Kowollik

Łon świynty Małgoli kościoł wybudowoł
No i na Szombiyrkach łod Zefla tyż stowioł.

[broneknotgeld]

Restauracyje

"Lwowsko" we "Sfinksa"se zamiyniyła?
Czy jakoś "plaga egipsko" była?

[broneknotgeld]

Dworcowo 19

Karol Nowak w mieście był niy bele kim
Hotel "Reichshof" jego - dobrze ło tym wiym.

[broneknotgeld]

1905

Franz Sotzik z Bytomia hotel przebudowoł
sznyt secesji jymu we tym czasie dowoł
Łostało do dzisioj przeca to widzymy
Jak na kamiynicy łoko zawieszymy.

[broneknotgeld]

"Europahof"

Niym se w Europie piekło rozpyntało
Hotelowi miano gryfne sie dostało
Minyły dwa lata - kanony zagrzmiały
We łogyń se łoblyk kontynynt chnet cały.

[broneknotgeld]

"Pionier"

Tako zwoł sie hotel po ty drugi wojnie
Biydnie możno było dyć bardzi spokojnie
Szkoda że "Pioniera" już dzisioj niy momy
Czi miana hotelu do dzisioj tu znomy

[broneknotgeld]

"Orędzie Sokole" 1920-1921

Dlo Gornego Ślonska w gorkich przeca czasach
Tukej mo siedziba cołkym polsko prasa
Naczelnym był Świder. -Gustlika niy znocie?
No ja - jego rymow w pamiyńci niy mocie.

[broneknotgeld]

Razym

Niychej wiedzom ło tym nawet małe śpiki
Kamiynice razym som skuli muzyki.

[broneknotgeld]

1871-1872

Kamiynica w tych latach budowoł Kowollik
Niy jedyno tukej wedle jego woli
Dzisioj niy wyglondo jak piyrwyj bogato
Dyć niy idzie pedzieć że cołkym sagato.

[broneknotgeld]

Thomas Cieplik

Forteklapy i pianina tyn Cieplik sprzedowoł
Choć tyż inkszych insztrumyntow mogś u niego szukać
Toż tyn gyszeft we Bytomiu dobry grosz mu dowoł
Że łodwożoł se tyż w końcu na Dworcowo klupać.

[broneknotgeld]

U Cieplika

Kaj ińdzi mioł sklep muzyczny ze dwadziścia lot
Mog przekludzić se z niym tukej - był ze tego rod.

[broneknotgeld]

Konserwatorium

Kamiynica własno ze sklepym to mało
Cieplikowi se szkoła muzyczno marzyła
Somsiedni dom kupioł - zrobioł z tego całość
Bo w ideji wielki zowdy przeca siyła

Już sie dyrygynty mogli kształcić tukej
Organistow wiela brało tyż nauki
Muzykow bez liku po świecie stond szukej
Bo zocny to przeca był przibytek sztuki.

[broneknotgeld]

Skuli piyrszy wojny

Skuli piyrszy wojny sztuka chnet umarła
Dyć potym łodżyła i we gora darła.

[broneknotgeld]

W latach dwudziestych

W latach dwudziestych źle ze tym niy ma
Rechtorow ściongli aże z Berlina
A te koncerty - czy pamiyntocie?
Szymanowskiego tyż tukej mocie
Muzyka przeca niy zno se granic
Szlabany dlo niyj som richtig na nic.

[broneknotgeld]

Tutejsze "Shopy"

"Sex" i "Military" - dwa tutejsze "Shopy"
W Bytomiu se majom cołkym dobrze chopy

[broneknotgeld]

"Jubiler"

Zowdy mie biere jakoś cholera
Jak z frelom właża do "Jubilera"
Szczyńściym że niy jest to "bosko zdrada"
Jak w kapsi czimie sie wtedy gada

[broneknotgeld]

"Era"

Prawiom ło tym ciyngym richtig mondre gowy
Że czowiek już żyje w "erze komorkowy".

[broneknotgeld]

Dworcowo 25 i 27

Piyrwyj tyż dwie kamiynice
Co podobne miały lice
Wysoke na sztyry sztoki
Razym wziyły sie za boki.

[broneknotgeld]

1891

We tym roku to stanyło
Cegłom krasom se asiyło
Grundmann projekt piykny doł
Bytomiowi przeca pszoł.

[broneknotgeld]

"Singer"

Szwoczki dość czynsto tu zoglondały
Gyszeft sie kuloł - dyć niy był mały

[broneknotgeld]

"Tanzler Institut"

Ja - piyrwyj tu była zocno szkoła tańca
Frelki niy ciongnyły yno "do rożańca".

[broneknotgeld]

Bank BPH

"Przemysłowy" i "Handlowy"
Jo bych woloł - finansowy.

[broneknotgeld]

"Lukas Bank"

Czamu se "Lukas" tyn bank nazywo?
Toż bytomianin tymu se dziwo
"Lu" wpiyrw jest tukej - potym do "kasy"
A możno jednak cosik mie straszy.

[broneknotgeld]

Dworcowo 29

Eklektyzm Edmunda Trossina z Katowic
Czy ci sie podobo? -Som se tu łodpowiydz
Sesesjo kajniykaj tyż wlezie do łoka
Yno niy zoglondej po nastaniu ćmoka

[broneknotgeld]

Znocie?

Znocie kamiynica Martina Kowatza?
Z Cieplikym se wadzioł - dyć wos niy łonacza
Dwa sklepy muzyczne przi ty jedny sztrasie
Do tego łotwarte we tym samym czasie.

[broneknotgeld]

Znocie?

Znocie kamiynica Martina Kowatza?
Z Cieplikym se wadzioł - dyć wos niy łonacza
Dwa sklepy muzyczne przi ty jedny sztrasie
Do tego łotwarte we tym samym czasie

[broneknotgeld]

Kurde - "tuplowa" wyboczcie mi
Bywo i cufal - niych forum wiy.

[broneknotgeld]

U Szindlerow

Co piyrwyj tu było? -Pewno niy zgodniecie
"Gorzelnia" zarozki z wyszynkym
Szkoda że koniakow już niy skosztujecie
Likerow i rumu choć kszynki.

[broneknotgelt]

Niy mierz inkszych swojom miarom
Blikej na nich z wiynkszom wiarom
Żech jest łysy cymbał to jo wiym
Na dzisioj w Rudzie dobrze mi z tym.

[broneknotgeld]

Dworcowo 31

Zaś renesans klasyczny sie asi
Bo przeca Bytomia tyn styl niy marasi
Grundmann kamiynica tyż zaprojektowoł
Za to gowa dowom a niy yno słowo

[broneknotgeld]

J. Simenauer & Co

Dlo mie se ta firma zloła z "metalowym"
Niy byda meblowoł inaczy se gowy
Dyć sklep tu był jejich - widziołś se "na ladzie"
Maszyna do szycio no i po "faradzie".

[broneknotgeld]

"Cepelia"

Dziwuje se czasym w takim sklepie czowiek
Co to richtig som te "wyroby ludowe"?

[broneknotgeld]

Dworcowo 33

Kurde - kamiynicy niy szukej już dzisioj
Zniszczono przez wojna - pewnoś ło tym słyszoł.

[broneknotgeld]

1872-1873

W stylu historyzmu Grundmann wtedy dzwigoł
Aż po III Rzesza Bytom se jyj dziwoł

[broneknotgeld]

1937

Erwin Gruschka fasada przerobioł
Sznitym "III Rzeszy" tako "prziozdobioł"
Dyć tego już niy ma - wojna jom zniszczyła
Dlo cołkego konta niyłaskawo była.

[broneknotgeld]

1874-1875

Budowniczy Haase do sia jom tu stowioł
Dyć jak już stanyła zarozki sprzedowoł.

[broneknotgeld]

1876

Kretschmer kupioł kamiynica
"Bahnshofshotel" krasi lica
Miejsce przeca dobre było
Z tym gyszeftym se kryńciyło.

[broneknotgeld]

Sklep meblowy

Niy yno te meble kupiołś u Grossmanna
Tepichy gardiny przeglondołś łod rana.

[broneknotgeld]

"Hamburg-Ameryka-Linie"

Niy był z ciebie żodyn łajza
Jak żeś tukej kupioł rajza.

[broneknotgeld]

A dzisioj nic

Ja dyć to ciyngym tyn som jest tymat
Skiż drugi wojny niczego niy ma.

[broneknotgeld]

Dworcowo 37

Przi ty kamiynicy tyż yno wspominki
Niy wylazła cało ze wojynny mynki.

[broneknotgeld]

1874

Na rogu dom stanoł - przi banhofie samym
Przez Alberta Klehra był projektowany
Potym coś Schlesinger z fasadom majstrowoł
Już w dwudziestym wieku - to mi sie niy zdowo.

[broneknotgeld]

"Schlesischer Hof"

Dyć czynsto tyż zwali w Bytomiu ta sztela
Skuli tradycyji mianym właściciela
Krugger na Dworcowy hotele mioł dwa
Toż szło sie pomylić przi tymu tyż - pra?

[broneknotgeld]

Z ronk do ronk

Krugger w końcu sprzedoł hotel Stolzbergowi
Tyn puscioł go dali już WEgebenowi
Po niymu tu jeszcze Rotkegel go chycioł
Dyć przez piyrszo wojna richtig ciynko klycioł

We roku dwudziestym nastoł czas tu nowy
Bo wykupioł weksle Polski Bank Handlowy
Siod se na parterze - na tych piyknych włościach
Przeca chocioż Niymcy - niy był tu we gościach.

[broneknotgeld]

"Tanzlehr Institut"

Tańcować cie tukej piyknie nauczyli
W tym łoni podobnoś richtig dobrzy byli.

[broneknotgeld]

Bank Jarislowsy & Co

Przed piyrszom wojnom siedziba mioł
Ale niydugo miejsce tu grzoł.

[broneknotgeld]

"Wattertafel"

"Tablica pogody" tukej zrychtowali
Wandrusom i bytomianom - by se podziwali
Czy jest gorko i czy mynczyć bydzie ich ciśniynie
Dyć i dzisioj by przidało se te urzondzynie.

[broneknotgeld]

Dworcowo 33, 35 i 37

Czi domy skiż wojny we proch łobrocone
Przo placyku blok dzisioj i na tym już koniec.

[broneknotgeld]

Jutro se blikna

Blikna se jutro na drugo strona
Przeca tyż gryfno do dzisioj łona.
--

[broneknotgeld]

Dworcowo 2

Toż Wilhelm Wieczorek projekt piyrszy dowoł
Architekt Schaffgotscha - czy mi sie wydowo?
Jak roki już klupły ze sztyrdziści dwa
Pedzieli - "Terozki przebudować trza"

Zomb czasu do dzisioj gryzie kamiynica
Ale tym niy byda jo sie tu zochwycać.

[broneknotgeld]

Wszysko do sztromu

Co yno było piyrwyj na sztrom
Tu choć pomacać żeś se mog som.

[broneknotgeld]

Wilhelm Wieczorek

W Bytomiu wiela richtig budowoł
Styl historyzmu i eklektyzmu
Neorenesans łod sia nom dowoł
Dyć w dusza przeca łon wloz fest tyż mu

Był budowniczym grafa Schaffgotscha
Kościoł w Szombiyrkach projektu jego
Wspomnieć mi ło tym naprowdy potrza
W świontyni Serca Jezusowego.

[broneknotgeld]

1870

Schmidta niy byda sie ło to pytoł
Ze historyzmym tukej se witoł.

[broneknotgeld]

1899

Konrad Segnitz swoja eklektyka doł
Choć niydugo tymu sznitowi łon pszoł.

[broneknotgeld]

1900 - "Oberschlesische Bank"

"Bank Gornoślonski" łotwar podwoje
Se pedzioł - "Tukej wszysko jest moje".

[broneknotgeld]

1910 - "Dresdner Bank"

"Drestner Bank" filio terozki mioł
Gyszeft w Bytomiu łon robić chcioł.

[broneknotgeld]

1914-1922 Bank Ziymski

Ano w tych latach zaś se zmiyniyło
Dyć przi piniondzu durś tyż kryńciyło.

[broneknotgeld]

"Bank Zachodni"

Dzisioj "Bank Zachodni" zicnoł se nom tukej
Chcesz to sie ło piniondz tyż u nich poklupej.

[broneknotgeld]

1871

Klehr neorenesans zaś nom ciepnoł w łoczy
Choć przi inkszych "sznytach" tyż mioł wiela mocy.

[broneknotgeld]

"Strzecha Sląska" (I)

Tu była redakcjo cajtonga ślonskego
Bauer ta gazeta ponoć miywoł w zocy
Koźlik we niyj fara czimoł naczelnego
Chcioł łotwiyrać ludziom na Ślonsku łon łoczy?

[broneknotgeld]

"Strzecha Ślonsko" (II)

Redakcjo "Strzechy" tukej siedziała
Za naczelnego Koźlika miała
Dyć bauer coroz myni tu znaczoł
Jak gyszeft "ciynżki" se rozłonaczoł.

[broneknotgeld]

"Kalesse & Mehlhop" (I)

We ty firmie ksionżek wiela drukowali
Dyć wtedy je jeszcze ludzie fest czytali.

[broneknotgeld]

"Kalesse & Mehlhop" (II)

Drukli ci ksionżka jako żeś chcioł
Beleś piniondze na to wpiyw mioł
Toż przeca gyszeft musioł w tym być
Z kerego łoni mieli tu żyć.

[broneknotgeld]

1887

Herrmann budowoł
To mi sie zdowo
Tyn co se miyszkoł dali dwa domy
Niy - niy ma we tym tu żodny kromy.

[broneknotgeld]

"Oberschlesische Bankverein Comanditgeselschaft"

Ta "cyntrala" tukej była
Kamiynicom sie asiyła
Skiż piniondza powstowała
Na to tyż go mieć musiała.

[broneknotgeld]

Ksiyngarnio Herrmanna Freunda

Ksionżki cajtongi hefty z nutami
Żeście se kupić tu mogli sami
Jako w ksiyngarni przeca durś bywo
Yno tym nutom ktosik sie dziwo.

[broneknotgeld]

"Oberschlesische Grenzzeitung"

Cajtong ło tym mianie wydowali tukej
Chocioż po niymiecku Polski se w niym szukej.

[broneknotgeld]

Sztyry szaty

Herrman budowoł
Barth poprzerobioł
Po niym pozmiynioł wszysko Juretko
Reimann ze Gliwic prziszoł tyż chnetko
Toż sztyry razy inksze to było
Niym we łostatnich szatach stanyło.

[broneknotgeld]

1871

Kaj wpiyrw zagroda - już kamiynica
Co historyzmu mo gryfne lica
Kowollik do sia jom wybudowoł
Inkszym w Bytomiu tyż wiela stowioł.

[broneknotgeld]

1906-1907

Secesjom gryfnom sie łozdobiyła
Skiż niyj zobytek jest "rejestrowy"
Koenigsbergera gowa w tym była
Jego projektu tyn wystroj nowy.

[broneknotgeld]

Kawiarnio

Wlyź na kawa z tortynsztikym
To w Bytomiu jest nowykym.

[broneknotgeld]

Kawiarnia Lichtensteina

Jeszcze przed piyrszom wojnom tu była
Dyć niy kosztowołch w niyj kawy
Uciecha tako mie łominyła
Styknie mi rym do zabawy.

[broneknotgeld]

U Schmidta

U Schmidta krzipek Kuppel koncertowoł
Tyż swoji orkestrze piyknie dyrygowoł
Kawy z tortynsztikym do muzyki mało
Zowdy se przi tymu likieru zachciało.

[broneknotgeld]

1909

Sobociński za weksle kamiynica wzioł
Toż Kowollik richtig zadłużony boł?

[broneknotgeld]

Zabytek

Piykno elewacjo z secesjom we środku
Ze rejestrym tego niy było przipodku.

[broneknotgeld]

Zaś dwie chałpy w jedny som
Taki ty Dworcowy dom.
--

[broneknotgeld]

1866

Ferdinand Herrmann dom se zbudowoł
Był jeszcze niski - yno w parterze
Dyć już historyzm przed sia łon dowoł
Szkryflom tu ło tym we dobry wierze.

[broneknotgeld]

1873

Teroz zrobiyli kolejny krok
Dzwigli ta chałpa ło piyrszy sztok.

[broneknotgeld]

1886

Sztok drugi se wtedy tu dobudowali
Z mansardami gibel tyż jeszcze dodali.

[broneknotgeld]

Hotel "Graf von Moltke"

Jak już kamiynicy aż dwa sztoki doszły
Hotelik se drapko zrobiyli tyż tukej
We Bytomiu przeca fortuny durś rosły
"Eldorada" Ślonska jak gdyby tu szukej.

[broneknotgeld]

1909

Chycioł wtedy hotel za somsiedni dom
Tako kamiynica i dzisioj jo znom
W jedyn muster wtedy łoblykli fasady
Do dzisioj som razym - niy ma na to rady.

[broneknotgeld]

1909

Chycioł wtedy hotel za somsiedni dom
Tako kamiynica i dzisioj jo znom
W jedyn muster wtedy łoblykli fasady
Do dzisioj som razym - niy ma na to rady.

[broneknotgeld]

Na parterze

Coby ło tym szkryfnońć richtig mom mecyjo
Winiarnio tu była i restauracyjo
Sklepik ze szułami no i tyż meblowy
Tyż gyszeft muzyczny wloz komuś do gowy
Jeszcze w miyndzywojniu "EHAPE" se siadło
Supermarket kery łobrostoł we sadło.

[broneknotgeld]

Po drugi wojnie

Z "EHAPE" wyszła hala targowo
I hotel tyż se kajś stracioł
Dyć jak se blikom to mi sie zdowo
Urody dom niy zatracioł

Ciyngym mo piykno ta elewacjo
Na sznyt strojono "art deco"
Zobytek piykny - we tym jest racjo
Niych dugi żywot go czeko.

[broneknotgeld]

Dworcowo 16

Tukej łod downa stoła gospoda
We kery popić niy było szkoda.

[broneknotgeld]

Przi gospodzie

Przi gospodzie sala se wybudowali
Wekery do rana czynsto tańcowali
Czasym tyż zjyżdżała tyjatralno trupa
Na wystympy ludzi prziłaziyła kupa.

[broneknotgeld]

1871

No i sie stało - już hotel momy
"Sanssouci" wtedy go nazywomy
Kto projektowoł? -Szło sie domyślić
Dyć do Herrmanna somsiady prziszli.

[broneknotgeld]

Hotel "Sanssouci"

Restauracyjo tancsala scyna
Tyż lokal w kerym niy brakło wina
Woloł bych możno w "Sanssouci" pościć
Niż we hotelu dzisiejszym gościć.

[broneknotgeld]

Hotel "Kaiserhof"

Wpiyrw hotel cołkym przebudowali
Projekt Ahrensa z Berlina dali
Se tu secesjom ździybko zabawioł
Klasycyzmowi radość tyż sprawioł
No i zmiyniyli już jego miano
By ło kajzerze myśleć co rano.

[broneknotgeld]

"Bristol"

Tyn hotel wszyscy już przeca znocie
Zocny zobytek do dzisioj mocie
Dyć nojważniejsze że durś jest w formie
Niy doł se zgnymbić ty "polski normie".

[broneknotgeld]

"Bar Złom"

Niyjedyn tukej musioł sie stracić
Jak złom wyciongnoł by niym zapłacić.

[broneknotgeld]

1874

Kto go mog stowiać? -Sami powiycie
Herrmann - dyć przeca dobrze to wiycie
Po prowdzie jednak przebudowali
Pinczower piyrszy a Galla dali.

[broneknotgeld]

1869

Kamiynica tukej projektu jest Klehra
Możno go skiż Wilka biere kajś cholera
Bo łon fest pomiynioł w niyj elewacyjo
Jak pomarł właściciel - tako z tym mecyjo.

[broneknotgeld]

1895

Thomas Cieplik kupioł wtedy kamiynica
Zaroz Polihymnia pokozała lica
Szczyńściym płaskorzeźba do dzisioj łostała
Bestoż Bytom mocny w muzyce bezmała.

[broneknotgeld]

1926

Pomarł Cieplik - już ciszy gro i śpiywo Bytom
Ło Konserwatoriom se tyż niy zapytom.

[broneknotgeld]

Hehe - zaś schodki se pomylyły
forum.gazeta.pl/forum/72,2.html?f=141&w=8259018&a=16789540
Dyć po koleji chciołbych by były.

[broneknotgeld]

U Kellinga

Pralnio chymiczno tukej se była
Chciołś - kolor ciuchow tyż zamiyniyła.

[broneknotgeld]

"Reichsbank"

Wrocławsko filio "Reichsbanku" tukej
Marek - niy złotkow - yno w niyj szukej.

[broneknotgeld]

Atelier "Germania"

Terozki richtig to mom na łoku
Co se mieściyło na piyrszym sztoku
Przeca te zdjyńcia z "Germanii" znocie
Niyjedne jeszcze we doma mocie.

[broneknotgeld]

1905-1906

Heller z Wrocławia dom projektowoł
Muster secesji we Prusach dowoł
Wiedzioł co robić - piwiarniom parter
Gibel przeszklony - studio "de arte"
W środku miyszkania - płat piniondz dowoł
Mioł to we gowie jak chałpa stowioł.

[broneknotgeld]

W piwiarni Konrada Kisslinga

Kulmbacherskiego napiołś sie piwa
By na różowo światu se dziwać.

[broneknotgeld]

"Fata Morgana"

We miyndzywojniu take tu kino
Pewno se komuś to przipomino.

[broneknotgeld]

1895

Alfons Powollik swoj muster doł
Gibko jom dzwigli bo tako chcioł.

[broneknotgeld]

"Aptyka św. Barbary"

Pigulorz z Monachium aptyka mioł tukej
Nojwiynkszo w Bytomiu - dzisioj tyż tu klupej.

[broneknotgeld]

U Petera Zajonza

Łon ci szuły podzelowoł
Czynsto kromflek nowy dowoł.

[broneknotgeld]

Galeryjo "Od Nova"

Niy musisz daleko szukać
Jak pociongo cie ta sztuka.

[broneknotgeld]

1871

Klehr se bawioł historyzmym
Kery miyszoł z modernizmym
Wyszła z tego kamiynica
Co tyż zdobi okolica.

[broneknotgeld]

U Goralczyka

U Goralczyka tapety były
Czynsto sie ludziom po nocach śniyły.

[broneknotgeld]

"Bytomski Dom Meblowy"

Zdowo sie że meble były tu łod zowdy
Dyć godom co richtig wiela we tym prowdy.

[broneknotgeld]

1873-1874

Klehr popisoł sie tyż tukej
Eklektyzmu mustra szukej.

[broneknotgeld]

Czego tu niy ma?

Czego tu na froncie niy ma?
Strach wyliczyć - biere tryma
Elewacjo fest bogato
Nikt niy powiy że sagato.

[broneknotgeld]

1873

Co by tu dzisioj ło chałpie pedzieć?
Detale ściongli to trza wom wiedzieć
Po prowdzie niy wiym kto projektowoł
Klehr tukej miyszkoł - to sie niy zdowo.

[broneknotgeld]

Fabryczka P.Kreferta

Była na parceli fabryczka Kreferta
Co mebli dowała ciekawo "oferta".

[broneknotgeld]

Martin Kowatz

"Maszyny grajonce" kupowołś łod niego
Płytow tyż był wielki wybor u istnego.

[broneknotgeld]

Sklep "Jeans"

Tukej zoglondnie stary i mody
Te ciuchy przeca som "piyrszy wody".

[broneknotgeld]

Dworcowo 32

Ta kamiynica nijako cołkym
Nic ło niyj pedzieć niy moga
Blikom i jynzyk stowo mi kołkym
Niy chca tyż włazić do proga.

[broneknotgeld]

1884

Morawietz doł projekt na ta kamiynica
Szejśćdziesiont lot stoła - ło tym se tu sklyca
We sztyrdziestym piontym cołkym wypolono
Łod nowa po wojnie tukej postawiono.

[broneknotgeld]

"Haake & Kaletta"

Szyldy i malunki tu na porcelanie
Usługi grawerske - tyż na poczekanie.

[broneknotgeld]

Sklep muzyczny

Kowatz se łotwar i tu tyż sklep
Dyć łon w gyszefcie tym niy był kiep.

[broneknotgeld]

Dworcowo 36

Ta kamiynica tyż poszła z dymym
W sztyrdziestym piontym - ło tym już wiymy
Dyć zaś jom dzwigli - tym trza sie asić
Może kwiotkami Dworcowo krasić.

[broneknotgeld]

Agyncjo Juliusa Beckera

Z majontku czasym yno fojera
Umi wziońć ludzi wtedy cholera
Tukej żeś kupioł "asekuracjo"
Możno i drogo - dyć we tym racjo.

[broneknotgeld]

Dworcowo 38

Przi samym banhofie kamiynica stoła
Za Niymca ło prziszłość se swojo niy boła
Przeca przeczimała aże te dwie wojny
Zbulyli jom w czasie kery był spokojny.

[broneknotgeld]

Banhof w Bytomiu przi glajzach stoł
Toż naprzeciwko chnet hotel mioł.

[broneknotgeld]

Kawiarnio "Reste Berger"

Wandrus w kawiarni chyntnie tyż dychnoł
Niy yno kawa czasym se gichnoł.

[broneknotgeld]

"Gambrinus - Keller"

Jeronie - przeca wos to niy dziwo
Że szło tu wypić tyż zocne piwo.

[broneknotgeld]

Max Berger

Nojpiyrw kawiarnio se łotwar tukej
Dyć ambicyji u niego szukej
Pryndko wyrosnoł "dom towarowy"
Tyn gyszeft wloz mu cołkym do gowy.

[broneknotgeld]

"Carioca"

A pamiyntocie jeszcze3 "Carioca"?
Szkoda - niy udo sie już tam skokać.

[broneknotgeld]

Estakada

Przyńdziesz se niom nad ulicom - yno take nic
Co sie stało z kamiynicom? -To już inkszy wic.

[broneknotgeld]

No i przeszli my Dworcowo
Kaj iść teroz sie mi zdowo?

Z czego przepisujesz ?

[w36]

Bronku, istnieje pewien co najmniej zwyczaj, że przy znacznym cytowaniu
materiałow książkowych i innych, podaje się źródło skąd one pochodzą (również
przy tłumaczeniu na inny język). Wiesz, choćby po to by docenić cudzy wysiłek.
Czyżby ten Twój sąsiedni wątek był coś na rzeczy?

[broneknotgeld]

Wontek jeszcze niygotowy
Dyć niy pisza tego z gowy
Skończa - dom literatura
Bydzie tego cołko fura.

[w36]

Nie wciskaj tu kitu, za przeproszeniem, Bronek. Przecież to nie jedyny Twój
wątek gdzie "przepakowujesz" czyjeś materiały i sprzedajesz jako własne, a nigdy
nie zdarzyło Ci się powołać na źródła, więc i tu nie udawaj że tak miałeś zamiar
zrobić. Druga sprawa to że wiesz doskonale że jest to forum dyskusyjne a nie
Twój blog, miałeś przecież wyraźne ostrzeżenia od adminów w tej sprawie.

Korzystając z tego że jesteśmy tutaj, chciałem zapytać starszych Bytomian, czy
nie kojarzą Bronka Wątrobę, ucznia bytomskiego LZ w latach 73-78, klasa
"d"(Monter Urządzeń Elektronicznych), z w/w?

[broneknotgeld]

forum.gazeta.pl/forum/72,2.html?f=261&w=8225030&a=8606396

[w36]

Ale gdzie cała reszta, Bronku ?
Zresztą poruszyłem tę sprawę, po to, by Ci przypomnieć Twój niedawny numer,
dotyczący cytowania cudzych tekstów, choć w innym kontekście, gdzie udając
paranoika (nawet dla wzmocnienia efektu, podpuściłeś adminów by wysłali kopie
Twoich postów na oślą ławkę), udało Ci się, w przewrotny sposób, załatwić pewną
sprawę, związaną pośrednio właśnie z tym ogólnym procederem, jaki m.in. tu
uprawiasz (może później wrócimy do tej sprawy).

[broneknotgeld]

A czamu potym - niych wontek rośnie
Przeca szkryflomy tukej radośnie
Co fest mie cieszy i trocha dziwo
Ktosik sie piyknie przi tym łodkrywo.

[broneknotgeld]

Z "Elektronika"

Jakby na forum ktoś wloz z ty "budy"
Pewno by myni było tu nudy
Rechtorka do mie dzwoniyła wiosnom
Wiy że te fraszki se tukej rosnom.

[broneknotgeld]

Hehe - niy licza jednak na wiela
Bo cosik cicho bytomsko sztela.

[broneknotgeld]

Gmach szkoły Brugger zaprojektowoł
Wygasch w dwa lata wszysko zbudowoł
No i realno szkoła stanyła
Co katolickom i miejskom była.

[broneknotgeld]

"Targ Garncarski"

Piyrwyj szkorupy tu sprzedowali
I takim mianym cołki plac zwali
Dyć se zmiyniyło wszysko ze czasym
Miano wzioł nowe z tutejszy sztrasy.

[broneknotgeld]

"Kaiserplatz" - 1896

"Wolny plac przi Kajzersztrasie"
Miano dziwne ło tym czasie
Bestoż pryndko to zmiyniyli
Przeca pod kajzerym żyli.

[broneknotgeld]

1903

Malutke planty miasto zrobiyło
By na tym placu zielono było.

[broneknotgeld]

1909

Zaś doszły nowe konski zielone
Toż łozdobiyły plac piyknie łone.

[broneknotgeld]

Plac Sikorskiego

"Dziewiontom" tukej przijeżdżołch czynsto
Ludzie skiż banek stoli durś gynsto
"Serce Bytomia" - mi sie zdowało
Dzisioj coś jeszcze z tego łostało.

[broneknotgeld]

Dyć coś wom pedzieć terozki musza
Na skraju placu tyż jego dusza
Rosły gmaszyska i kamiynice
Ło tym chca szkryfnońć - pewno już wiycie.

[broneknotgeld]

Za Niymca

Moniuszki wtedy tukej niy było
Se "Kajserstrasse" przeca łaziyło.

[broneknotgeld]

U Matulli

W budce u Matulli zowdy świyże mlyko
No i ta śmietonka po kery chop brykoł.

[broneknotgeld]

Tanksztela

Toż na tym placu tanksztela była
W latach czidziestych fest se asiyła
Dystrybutorami łod ichniego Shella
I dzisioj we Polsce przeca tego wiela.

[broneknotgeld]

1910

Fryderyk Wielki stanoł na koniu
Toż Wiluś II dynkmal łodsłonioł
No i powiydzcie teroz cholera
Niy był to richtig plac łod kajzera?

[broneknotgeld]

1891

Rajce w mieście uchwalyli
By Bank Rzeszy chałpa mioł
Pryndko za to se tu wziyli
Berlin tyż dotacjo doł.

[broneknotgeld]

Projekt Bahra

Miejski radca budowlany
Projekt pryndko wyrychtowoł
Muster z Heilbronn ponoć brany
Haase zaś robota dowoł.

[broneknotgeld]

10.IV.1893

Bank Rzeszy łotwar filji siedziba
Cieszoł sie Bytom ze tego chyba
Bo chocioż oddział ciyngym w Gliwicach
Łona dźwignyła ta okolica.

[broneknotgeld]

1922 - oddział

Już pod Gliwice niy podlegali
Siedziba wtedy przebudowali
Dyć niy na wiela im sie to zdało
Na oddział jednak ździybeczko mało.

[broneknotgeld]

1923

Majom w Bytomiu wiynkszo siedziba
Tu sie służbowki łostały chyba.

[broneknotgeld]

1924 - "Stadthauptkasse"

Magistrat se pedzioł "Trza zrychtować kasa
Potym to wykupić - chałpa bydzie nasza"

No i tako ze tym poleku se stało
Przeca miasto richtig kamiynicy chciało.

[broneknotgeld]

1938

Kurde - zaś tu teroz wielko przebudowa
Zrychtowali środek jakby aż łod nowa
Potym coś "czornego" se tukej wkludziyło
Co? Jeszcze niy wiycie? -Toż "SS" to było.

[broneknotgeld]

Po wojnie

Po wojnie już zdrowiyj kamiynica żyła
Przichodnia se tukej przeca przekludziyła.

[broneknotgeld]

Gornoślonski Bank Gospodarczy

Już sto lot mniyj wiyncy kamiynoca miała
Historyjo kołko pełne przekulała
I bank zaś tu prziszoł. Inkszy dyć tyż zocny
Łon na naszym Ślonsku może być i mocny.

[broneknotgeld]

1872

Szewc Nicolaus Kasprzyk już tu chałpa mioł
Dyć jom rozbudować se terozki chcioł
Ło winkel i krzidło co szło w strona inkszo
Kamiynica zaroz richtig tukej wiynkszo.

[broneknotgeld]

B. Golly

Bernhard Golly pedzioł - "Sklep tukej łotworza
-Przeca trza w Bytomiu łazić do masorza".

[broneknotgeld]

Franz Letzel

Futer do gowiedzi łon łopatyntowoł
Ponoć do melasy wiela torfu dowoł

Kamiynica kupioł jak se już dorobioł
I gryfnie przi tymu jom zaroz przerobioł.

[broneknotgeld]

1903

Letzel kamiynica chcioł tyż rozbudować
Miała secesyjo przed sia teroz dować
Walter se za projekt tyż zarozki chycioł
I ze Schlesingerym piyknie to uklycioł.

[broneknotgeld]

Max Fuhrmann

Toż pewno karlusa ze Nowy Wsi znocie
Teroz właścicielym drogerzysty mocie
Gyszeft swoj tu nawet zaczoł tyż prowadzić
Dyć se ło to musioł z magistratym wadzić.

[broneknotgeld]

Pralnia

Sztajger Greschik pralnia se tu łotwar przecie
Kto zowiścioł godoł _ "Piere na waszbrecie"

[broneknotgeld]

Bednorz

Ficywert Czaja beczki tyż strugoł
Był ktoś bez klepki - do niego mrugoł.

[broneknotgeld]

Knajpa

Był czas - szło popić i zjeść tyż cosik
To "se ne wrati" choćbyś mioł prosić.

[broneknotgeld]

U Mullera

U Hansa Mullera krolowała moda
Wiedyńsko - bo przeca inkszom mynczyć szkoda.

[broneknotgeld]

Grundmann ze Dworcowy tu chałpa postawioł
Ze swojom parcelom se wiela niy bawioł
Pryndko kamiynica sprzedoł Steinitzowi
Co dali se dzioło - fraszka teroz powiy.

[broneknotgeld]

Fritz Steinitz

Fritz Steinitz był kupcym - chycioł kamiynica
Dyć gyszeft go gonioł w inkszo okolica
Karlusowi sprzedoł łon jom ze Rozbarku
U Franza Mullera teroz jest na karku.

[broneknotgeld]

Inszpektor Franz Muller

Muller budownictwo tukej nadzorowoł
Bestoż z kamiynicom rada se tyż dowoł
Pryndko jom podłonczoł do kanalizacji
Wygodniyj z tym było - wiela we tym racji.

[broneknotgeld]

1923

Grunfeld już tu rzońdzi - wiela przebudowoł
Magazyn garaże skiż gyszeftu stowioł.

[broneknotgeld]

Viebig & Grunfeld

Ajzom handlowali na skala hurtowo
Piniondz z tego wielki czy sie yno zdowo?

[broneknotgeld]

Do Malecha

Malyrza żeś szukoł - no to do Malecha
U niego niy musiołś nawet dugo czekać.

[broneknotgeld]

Cyntrala Tekstylno

"Cyntrala Tekstylno" - za Polski w czas nowy
Jedwob galanterio - tela jeszcze powiym.

[broneknotgeld]

Hehe - zaś wontek mi mioł wlyżć tukej
forum.gazeta.pl/forum/72,2.html?f=141&w=8259018&a=16853868
Djoboł za pryndko pedzioł mi - klupej.

[broneknotgeld]

1901

Niym szko.ła realno se tukej stanyła
Sala gimnastyczno ździybko pryndzy była
Podobnoś jom Berghold tako projektowoł
Jo bych jednak za to gowy som niy dowoł.

[broneknotgeld]

Miejsko Katolicko Szkoła Realno - 1903

Łońskego roku przeszło sto lot
Ze tego przeca bytom jest rod
Choć sie ze czasym tukej miyniyło
Ze szkolorzami zowdy już było.

[broneknotgeld]

Miejsko Szkoła Realno

Niy katolicko po piyrszy wojnie?
Dyć jakoś żyło se tu spokojnie
Szkoda że jednak yno do czasu
"Brunotno siyła wylazła z lasu".

[broneknotgeld]

1933-1934

Kurde - tu wtedy nerwowi byli
Rechtorow w czyńści se wymiyniyli
Kronenberg w końcu dyrechtorowoł
Dyć za Hitlera mianym łon stowoł
W końcu kształciyli tukej karlusow
Po nazistowsku - niy yno z musu.

[broneknotgeld]

IV LO

Toż dobrze wiycie co dzisioj mocie
Szworte Liceum w Bytomiu znocie.

[broneknotgeld]

Wyboczcie

Tak przeciepuja tymi wontkami
I kiks pieroński - powiydzcie sami
Kaj jest Sikorski - a kaj Sobieski?
We nastroj wpod żech terozki pieski.

[broneknotgeld]

1896

Na parceli Dombecka (wpiyrw ta ziymia jego)
Goiny i Jaworski zaczli dom budować
Architekta wziyli - no wiycie - istnego
Powollik mioł muster kamiynicy dować.

[broneknotgeld]

J. Goiny

Tyn karlus w Bytomiu czimoł se glashuta
Musiało powodzić se tyż dobrze mu tam.

[broneknotgeld]

Hans Jaworski

Cegielnia w Brzezinach przeca była jego
W Bytomiu ze Handlu go znali
Gyszeft z kamiynicom to pomysł istnego
Tako mu leciało tu dali.

[broneknotgeld]

1899

Cołko ta "czynszowka" Jaworski już czimoł
Goiny w tym gyszefcie cosik szwongu niy mioł.

[broneknotgeld]

1902

Franz i Ernest Schedon dom se tyn kupiyli
"Handel wysyłkowy" - ze tego tyż żyli.

[broneknotgeld]

1924

Wenzel terozki tukejjest panym
Możno i dobrze że dom sprzedany
Jakby go dali Żydy czimali
Nazisty przeca by tyż zabrali.

[broneknotgeld]

Hehe - toż społka tako już znocie
Jaworski-Goiny zaś tu ich mocie
Dwie kamiynice nastympne dali
Tyż łoni jeszcze pobudowali
Projektant przi nich zowdy tyn som
Alfons Powollik - jeszcze roz dom.

[broneknotgeld]

Elewacjo kamiynicy richtig przebogato
We środku balkony - mieli z tym radocha
Dzisioj jak budujom to cołkym sagato
A szłoby i teroz łozdobić choć trocha.

[broneknotgeld]

1902

Sprzedowoł Jaworski swoje kamiynice
"Szostka" Spyra kupioł już terozki wiym
Po niymu to chycioł niyjaki Goralczyk
Wilczoka tyż wspomna i to już wystarczy.

[broneknotgeld]

"Szostka" se do "szworki" wciepnońć
Kurde idzie ze tym hepnońć
Fraszki mi sie pomiyszału
Koncept kajsik poloz cały.

[broneknotgeld]

Łostatnio fraszka niży napisza
I we ty "szworce" już bydzie cisza.

[broneknotgeld]

Carl Greiner

Glasmajster se kupioł tu ta kamiynica
Łokna szkloł - wiedziała ło tym okolica
Zbijoł dobry piniondz na takim gyszefcie
Ślubno niy myślała przi niymu ło fechcie.

[broneknotgeld]

1897

Wybudowali jom tukej za rok
Sznit tyż ciekawy rokoko-barok.

[broneknotgeld]

"Szostka" ze "osymkom" mi se pomylyła
No i zaś ta fraszka tako sie zmaściyła

[broneknotgeld]

Dyć niychej tukej nic wos niy dziwo
Nastympno fraszka - "szostka" prawdziwo.

[broneknotgeld]

forum.gazeta.pl/forum/72,2.html?f=261&w=8258644&a=17060048
-

[broneknotgeld]

forum.gazeta.pl/forum/72,2.html?f=141&w=8259018&a=17060142

[broneknotgeld]

Piekarnio Preissa

We kamiynicy chlebym woniało
Aże ze tego jeść se durś chciało
Preiss tu piekarnio w piwnicy mioł
W niyj jak nojwiyncy wypiykać chcioł.

[broneknotgeld]

Isidor Grieger

Na poczcie robioł za sekretorza
Toż mog se kupić ta kamiynica
Szkryfnońć se tukej ło tym łodwoża
To niy ta poczta - w tym tajymnica.

[broneknotgeld]

I po stajni

Za kamiynicom stajnia se była
Toz Maria Spiwok jom przerobiyła
Już som garaże w dwudziestym szwortym
Koń we Bytomiu coroz mniyj worty.

[broneknotgeld]

1892

Kamiynica miała cołke sztyry sztoki
Dyć stanyła pryndko - myni niż ze rokym
W niyj neorenesans Johanna Wygascha
Schmidtowi jom stowioł no i dobra nasza.

[broneknotgeld]

Friedrich Schmidt

Na ślusorce karlus tyn richtig se znoł
Dyć godziwy piniondz ze gyszeftu mioł
Kamiynica gryfno na placu wystawioł
Przi niyj małe planty - tyż niymi se bawioł.

[broneknotgeld]

Georg Friedrich

Co dziyń tukej karlus przestympowoł prog
Przed niym Bruning yno no i zowdy Bog.

[broneknotgeld]

1888

W rok czech kajzerow dom zasiedlyli
Zaczli budować - ło tym niy śniyli.

[broneknotgeld]

"Vorgarten"

Po prowdzie trowniol tukej był ino
Płotek ze ajzy se przipomino.

[broneknotgeld]

Koppel Katerbau Koleczek tyż
Czimali chałpa - możno to wiysz
Pitschke już pewno był pochowany
Jak se zmiyniali tukej durś pany.

[italianstallion]

Jeśli chodzi o dotacje to warto i tutaj co niec poczytać www.ekogroup.info/13064/dotacje-ogrzewania-ekologicznego-warto-uzywac-kolektorow-slonecznych/ - może się komuś przyda?

[broneknotgeld]

Cyrk

Cyrk Blumenfelda stoł na parceli
Dyć go po czasie tukej niy chcieli
-Tyjater no i "dom koncertowy"
Ło tym myślały durś tynge gowy.
--

[broneknotgeld]

Georg Bruning

W Bytomiu "nadburmistrzym" był
By tyjater powstoł niy żałowoł siył.

[broneknotgeld]

Towarzystwo "Concerthaus GmbH"

Franz Landsberger tego "Towarzystwa" duszom
Godoł że tyjater postawić tu muszom
Z niym razym przepiykno sala koncertowo
Bo Bytom muzyce zowdy wiela dowoł.

[broneknotgeld]

Franz Landsberger 1853-1925

Dyrechtorowoł tukej bankowi
Gornoślonskymu - niych Bytom to wiy
Dyć tyn "Drezdeński" w końcu go chycioł
Choć ze pamiyńci miana niy wycioł

Franz był tu ciyngym "vipym piniondza"
Jak tako szkryfna to niy pobłondza
A że tyż piyknie na krzipkach groł
Toż jeszcze kwartet własny se mioł

Po śmierci fundli mu tyż tablica
W tyjatrze kery cieszoł durś lica
Dzisioj w foyer jednak niy szukej
Był czas że Żydow "zmazali" tukej.

[broneknotgeld]

Grunt i kredyt

Grunt po cyrku miasto dało
Przeca tyż tyjatra chciało
Kredyt wielki porynczyło
No i wszysko se ruszyło.

[broneknotgeld]

1900

Baumajstra Bohma z Berlina ściongli
I we budowa tyjatru wprzongli
Roboty w ajzie tyż było "deczko"
To wzion na siebie majster Juretzko.

[broneknotgeld]

1.X.1901

Uwertura Beethovena na łotwarcie grała
Dyć bytomsko sie tym sztela richtig radowała.

[broneknotgeld]

Mały tyjater?

Sala tyjatralno chnet szejset miejsc miała
Koncertowo wiyncy jeszcze zabiyrała
Jak na tamte czasy niy były to krocie
Dyć i tak radocha wielko ze tym mocie.

[broneknotgeld]

Restauracyjo

Restauracyjo tyż we tym gmachu
By ło żołondek niy było strachu.

[broneknotgeld]

"Vereinszimmer"

Ło czymś bych zapomnioł - sale zebrań tukej
Rożnistych "ferajnow" co w Bytomiu szukej.

[broneknotgeld]

Kryngielnia

Łod zadku kryngielnia Segnitza Konrada
Rzodyn niy pomyśloł by robić mu zwada
Koncert czy tyjater przeca zmynczyć może
A tu szło se dychnońć - łoj dziynki Ci Boże.

[broneknotgeld]

1904

Muszla koncertowo stoji po somsiedzku
W lato nawet bufet kajś kupioł coś dziecku
Niy trza se we środku ciyngym było kisić
Ponoć ktoś narzekoł że i sztynks tam "wisi".

[broneknotgeld]

1927/1928

Toż przebudowali sala koncertowo
Myni ludzi wlezie - to sie niy wydowo
I niy jest już teroz jak piyrwyj wysoko
Podobnoś skiż tego by dźwiynk fest niy skokoł.

[broneknotgeld]

Łogrodek

Łobrosnoł tyjater malutkim łogrodym
W niym żeś se mog dychnońć i napić tyż wody
Bufet w lato zowdy tukej łotwiyrali
No i tyż we muszli czynsto piyknie grali.

[broneknotgeld]

A dzisioj

Dzisioj kaj muszla - pomnik Moniuszki
Bytom zaś żyje operom
Muzyka tu niy "na wierzbie gruszki"
Choć czasym nerwy mie bierom.

[broneknotgeld]

Gimnazjum -1870

Gimnazjum Miejskie tukej stanyło
W kerym szkolorzy durś wiela było
Schaffgitsche marki tyż dokłodali
Tako ta szkoła "sponsorowali".

[broneknotgeld]

1889

Teroz gimnazjum ponoć państwowe
Na rzońdzie pruskim niby już gowie
Jednak by na tym było ze stratom
Ciyngym coś bierom łod magistratu.

[broneknotgeld]

Gimnazjum im. Paula von Hindenburga

Mioł bez wojna Hindenburg w gimnazjum kwatera
Ło tym pamiyntali - toż jasno cholera
Jak yno zrobiyło sie ździybko spokojnie
Imie take dali by wspomnieć ło wojnie.

[broneknotgeld]

Piyrwyj

Piyrwyj przi ty szkole łogrodki aż dwa
Z prawy dyrechtora z lewy szkolny - pra?

[broneknotgeld]

Sala gimnastyczno

Sala do ibongu przi gimnazjum była
Nawet jeji sznitym piyrwyj se asiyła
Dyć po drugi wojnie jom przebudowali
Tako że szpeciyła już łobyjście dali.

[broneknotgeld]

Wiela tu Grundmann kamiynic stowioł
Kożdy coś łod sia przeca łon dowoł
Majster murorski ze miasta Bytom
Znocie go? -Po co jo sie to pytom.

[broneknotgeld]

Kgl. Baurat Erwin Blau

Tukej se biuro swoje łotworzył
W tych czasach Bytom pierońsko ożył.

[broneknotgeld]

1897

Wdowa po Klennerze tako zarzońdziyła
Z zadka kamiynicy stajnia postawiyła.

[broneknotgeld]

1900

Teroz kamiynica we rynkach Kunschmanna
Budowoł pod ziymiom i stowioł tyż bana.

[broneknotgeld]

1906

Erbła se to wszysko po Kunschmannie wdowa
Ponoć do gyszeftu miała dobro gowa
Przeca na Załynżu cegielnio czimała
Kamiynica jednak pryndko łodsprzedała.

[broneknotgeld]

1907

Louis Freund chałpa kupioł łod wdowy
Toż kamiynicznik terozki nowy
We drogeryji piniondze zrobioł
I "stary zakon" bytomski zdobioł.

[broneknotgeld]

1921

Po Louisie zaś tukej gosodarzy wdowa
Czy ta chałpa chopom durś skompiyła zdrowia?

[broneknotgeld]

Co w "noc kryształowo"...?

Co w "noc kryształowo" ze wdowom se stało?
Nikomu sie szkryfnońć ło tym niy udało
Pewno niy przeżyła ty łostatni wojny
Mało przeca pedzieć że "czas niyspokojny".

[broneknotgeld]

1945

Już Armio Czerwono we Bytomiu była
Dyć wiymy że wiela tukej wypolyła
Tako z kamiynicom tyż naszom se stało
Dyć dzwigniono zaś jest - to przeca niymało.

[broneknotgeld]

Zjednoczynie Przedsiymbiorstw Wiertniczo-Górniczych

Jak Polska wonglo poczebowała
Dyrś tako fyrma robota miała
Terozki ze tym jest richtig gorzy
Dyć "czorne złoto" ciyngym coś woży.

[broneknotgeld]

1892

We jedny raji Grundmann budowoł
Swoj piniondz tako na szala stowioł
Potym sprzedano Schlesingerowi
Jako ze zyskym? -Jo wom niy powiym.

[broneknotgeld]

Salo Koplowitz

Miyszkoł tu inżinier - no wiysz tyn Koplowitz
Szpec łon był łod maszyn - ło tym se tyż dowiydz.

[broneknotgeld]

1924

Dyć mi uwiyrzcie - to niy jest lipa
Teroz ta chałpa jest łod Phillipa
Kupcym go znali w Bytomiu naszym
Łostoł w pamiyńci chocioż niy straszy.

[broneknotgeld]

1871

Pyttlik kamiynica wielgachno wystawioł
Bergmonym był przeca - fach swoj zowdy sławioł
Piwnica i parter do tego dwa sztoki
Na grubie robiyli se take "boroki".

[broneknotgeld]

1877

Zaś i tukej rzońdzi wdowa
Za Gorskiego wyńść gotowa
W kowola se zapaczyła
Bo pragliwo jeszcze była.

[broneknotgeld]

Franz Gorski
Wżynioł se w chałupa i kuźnia postawioł
Robotny był karlus - niy yno se bawioł.

[broneknotgeld]

Telegraf - 1885

Chciołś pryndko wysłać toż yno skok
Trza było zrobić na piyrszy sztok.

[broneknotgeld]

1920

"Schlesag" ze Lipin tyn dom chyciyła
Dyć do Bytomia se przekludziyła
Możno skiż tego że już "widziała"
Granica kero Ślonzek przerwała.

[broneknotgeld]

1922

Dom jakby z nowa wybudowany
Jedyn sztok wiyncy nawet dodany
Fyrma se teroz niym niy gańbiyła
Toż po somsiedzku dyrekcjo była.

[broneknotgeld]

Lata czidzieste

Znikły miyszkania tukej poleku
Biur trza duś było przeca czowieku
"Schlesag" se tako tu gospodarzoł
Przeciwić tymu nikt sie niy ważoł
Dwie kamiynice jednom chnet som
Biurowiec jednak to już niy dom.

[broneknotgeld]

1873

Lazaryt gmina tu postawiyła
Żydowsko - przeca w Bytomiu była
Gwiazdy Dawida kaj boczne ściany
Tako dom piyrwyj posztrajchowany.

[broneknotgeld]

Siyrociniec 1877

Powiatowy siyrociniec już tukej łotwarli
Tych bez familiji bajtli fest nagarli.

[broneknotgeld]

1881

Siyrot w okolicy richtig było wiela
Toż ło jedne krzidło rozrosła se sztela
A przeca niy koniec jeszcze ze tym tako
Tyż po drugi stronie urośnie jednako.

[broneknotgeld]

Za bramom z ajzy

Przed kamiynicom szykowne wrota
Durś wiyncy bajtli Bytom tyż mo tam.

[broneknotgeld]

1883

Kajzera Wilusia miano teroz nosi
Tako ło opieka ze państwa tyż prosi.

[broneknotgeld]

1884

Druge krzidło Jakisch tyż zaprojektowoł
Fest było podobne do tego piyrszego
Niy skuli urody jednak to wystowioł
Dyć trza było gmachu tu ciyngym wiynkszego.

[broneknotgeld]

Franz Samol

Niy yno historiom se Ślonska zajmowoł
Dyć tym siyrocińcym tyż przeca kerowoł
I czimoł to wszysko aż po wojny lata
Bog godziwo pewno doł za to "zapłata".

[broneknotgeld]

922

A dyć już "Schlesag" teroz se rzońdzi
Dyrekcjo cołko tu była
Koncern ze Lipin przeca niy błońdzi
Ciyngym mo jeszcze ta siyła

Choć skiż granicy jednak utropa
We Niymcach jakoś im leci
Ciyngym robota jest tu do chopa
Choć gorzy jednak sie kleci

[broneknotgeld]

Tysionc w tytule kajsik urwało
Dyć fraszka jednak wlazła mi cało.

[broneknotgeld]

"Bytomskie Zjednoczenie Przemysłu Węglowego"

Co po drugi wojnie mogło być w gmaszysku?
Take "Zjednoczynie" - ponoć niy dlo zysku.

[broneknotgeld]

24.V.1880

W starym kościele łostatnio mszo
Relikwie teroz "mariacki" mo
Ze procesyjom je tam wkludziyli
I za bulynie potym se wziyli.

[broneknotgeld]

Krziżyki Dorna

Ze zdrowego drewna po stary świontyni
Krziżyki wystrugoł tyn stolorz
Z niymi żol doskwiyroł parafianom myni
Dyć i grosz na kościoł se znoloz.

[broneknotgeld]

20.VI.1880

Ksiondz Bonczyk procesjo wiedzie z "mariackego"
By kamyń wyngelny pokropić
Dzwignom nowy kościoł staraniym istnego
Choć trza durś ło piniondz sie tropić.

[broneknotgeld]

750 postow w Bytomiu

Choć możno wydo se to wom gupie
Serce mi teroz drapci coś klupie.

Kontrowersyjny prezent dla Bytomia

[w36]

Wiem Bronku że teraz nadstawiasz klapę pod order ;), ale w końcu nie przyznałeś
się do tego czyje teksty tutaj przepisałeś, a już przecież o tym rozmawialiśmy.
Może kogoś jednak by zainteresowało jednak w oryginale poczytać. Zadeklarowałeś
się przecież napisać fraszki o Bytomiu, a nie kopię czyjeś pracy w odcinkach.
Jadnak cieszę się że skończyłeś, bo wreszcie chyba przestaniesz spamować forum
Ruda kopią tego wątku.

[silesia7]

dlaczego uwazasz ze bronek to spisuje od kogos?

[yoanna]

A skąd Ci to... na Boga do głowy przyszło????
Jakim cudem takie wnioski z mojego wpisu?

[yoanna]

Wycofuję się z pytania do pytania...bo widzę ,że skierowane było do "w36"...
sorry

[broneknotgeld]

Jeronie, przeca przi tymu jubileuszu ukozało sie tela piyknych ksionżek ło
Bytomiu, że trza by tu wciepać dość pokaźny spis. A gupiymi wpisami rudzkego
agyńcika (w36) sie niy przejmujcie. Profesor Drabina za to że kupuja jego
ksionżki, czytom i wyciongom ze nich informacje do fraszek, pewnikym mie niy
łoskarży ło naruszynie praw autorskich.

[broneknotgeld]

Cosik stanoł rym bytomski
Możno wlejzom nowe konski.

Bytomka

[broneknotgeld]

Bytomka

W Bytomiu poczontek
Koniec we Gliwicach
Rudzko i zabrzańsko
Zno jom okolica.

[broneknotgeld]

Wzgorze Św. Jacka

Kaj wzgorze łod Jacka w rozbarski dziedzinie
Cudowne źrodełko - woda z niego płynie
Koroliki rodzi rożańca świyntego
Poczontek Bytomki w niym widzom do tego.

[broneknotgeld]

Źrodła Bytomki

Historyjo richtig ło tym tako prawi
Przi rozbarskim wzgorzu rzeka se nom jawi
Dyć dzisioj z "Szombiyrek" podobnoś wypływo
Ston sztrom no i woda - to przeca niy dziwo.

[broneknotgeld]

Wystawa "Piykny Lwow"

Ano - w Bytomiu lwowiokow jest wiela
Toż tako wystawa uraduje sztela
Choć dzieci i wnuki już som tukej krzoki
Tako w Ukraina kerujom se kroki.

[broneknotgeld]

Na wystawie "Piykny Lwow"

Grafiki łobrozy i tela pamiontek!
Możno Szczepcio z Tońciym zoglondnom w tyn kontek.

[broneknotgeld]

Bytomski krziż

Kaj hereszt bytomski krziż staryńki stoji
Ponoć wiek go widzioł aże łoziymnosty
Przyńść szczyńśliwie idzie - już se nikt niy boji
Na downo utropa znodli knif tyn krosty

Toż tu był "Galgenberg" we złych duchow władzy
Zmory strzigi jako tyż rożne beboki
W nocy tańcowały umazane w sadzy
Niyszczynsny co wiodły go w ta strona kroki

Lepi ci niy widzieć wisielczy uciechy
Łostatnio godzina z tym dlo cia być może
Ano - krziż łodkupioł tego miejsca grzychy
Za to cołki Bytom wdziynczny jest Ci Boże.
-

[broneknotgeld]

Wiyszadło

Cis żeś z Bytomia na Pyskowice
Toż żeś łomijoł wiyszadło
Zboj tyż zoglondoł w te okolice
I niyjednego napadnoł.

[broneknotgeld]

Wiela?

Wiela rabczykow mieszczany tako
za Pyskowicko ślom brama
Z wiyszadłym było zowdy jednako
Dlo niego to niy był "dramat".

[broneknotgeld]

Walynty Dyngos

Znocie Dyngosa? -Z niym niy zabawa!
Nojgorszo przeca czeko go sława
Dyć w końcu Bytom se z niym poradzioł
I na wiyszadło tyż zaprowadzioł.

[broneknotgeld]

Dyngosztrasa

Dyngosztrasa przed wojnom we Bytomiu była
Przedmieście Dyngosa tako tyż znaczyła
Kaj piyrwyj zboj miyszkoł i groł za bogocza
Dyć banda łod niego gwołt robi po nocach.

[broneknotgeld]

Dyngosa fater

Fater Dyngosa z Bochni sol wozioł
Tu do warzelni grafowski
Ło zbytku tako wcale niy morzoł
Z synym wielgachne mioł troski

Czy łon go przegnoł czy som sie stracioł?
Dzisioj se już niy dowiymy
We świecie jednak go ubogacioł
Tyn fach złodziejski - to wiymy.

[broneknotgeld]

Powrot Dyngosa

Co to w Bytomiu wtedy sie dzioło?
Prawiom że nawet było wesoło
Groł mieszczanina fest bogatego
Aże przedmieście z mianym jest jego

Dyć z bandom swojom ciyngym rabowoł
Łupioł łokropnie ciyrpiyń zodowoł
Herszt był nojgorszy z ferajny cołki
Możecie wierzyć - to niy som bojki.

[broneknotgeld]

Taki koniec

Herszt z rabczykoma wpod we Opolu
Na sond w Bytomiu posłali
Dyć tu sie ze niym żodyn niy smoloł
Wiyszadłym poczynstowali

Toż se niy dziwcie - kaj piyrwyj stoło
Dugo podobnoś straszyło
Coś niydobrego w nocy durś dzioło
Wiycie już skond sie to wziyło.

[broneknotgeld]

Łostatni wisielec?

Z wiyszadłym po blisku już niy szło wyczimać
Skiż duszy Dyngosa zło niy chciało drzymać
Na miescu wiyszadła tyn krziż postawiyli
Zło moc se straciyła jak go poświyńciyli.

[broneknotgeld]

Skarby Dyngosa

Ciyngym na Goju jejich szukali
Las przi Bytomce gynsty był piyrwyj
Skarbow do dzisioj niy łodkopali
Jo tyż niy powiym - jynzyk mi wyrwij.

[broneknotgeld]

Jaskinia Dyngosa

Ta tyż na Goju podobnoś była
Dźwiyrza dymbowe znodli po czasie
Wleźli - dyć skarbow wcale niy kryła
Yno zdziwiyło co wszyndy hasie

Ponoć jak wisioł zboj na wiyszadle
Wiater łobrocioł go w tamta strona
Nawet mieszczany widzom to nagle
Co se rozblysko tam jakby łuna

Ducha wyzionoł Dyngos w ty chwili
Przi Małgorzatce i blask se stracioł
Bog dopilnowoł to moji mili
By sie na krziwdzie ktoś niy wzbogacioł.

[broneknotgeld]

Dźwiyrza jaskini

Miecz epny ponoć w dźwiyrza był wbity
Niy gorejoncy łod Archanioła
Toż czy łon spoloł co w środku przi tym?!
Chciołbych jo dzisioj tako zawołać.

[broneknotgeld]

Tunele

Aże ze Goja do "cyntrum" wiydom
Pamiontka to po Dyngosie
Piyrwyj Bytomia to wielkom biydom
Znojść dzisioj jeszcze je do sie?

[broneknotgeld]

Dom Dyngosa

Winkel Jagielloński no i Katowicki
Przeca niy wyglondoł tako tukej wdycki
Piyrwyj na tym miejscu dom Dyngosa stoł
Mieszczanina co sie raubriterym zdoł!

[broneknotgeld]

Dyngos

Se kamiynica na winklu stoji
Mom jom terozki na łoku
I pusto wnynka wskazuja moji
Ano - na piyrszym jest sztoku

Pamiyntom czasy jak tam figura
Dyngosa stoła we zbroji
Teroz łostała yno ta dziura
Zaś Bytom możno se boji.

[broneknotgeld]

Rzeźba Dyngosa

Jako sie stało że zaginyła?
Czy zaś zło siyła se tu wrociyła?
A możno ktosik jom konserwuje?
Cosik za dugo - to forsztelujesz.

[broneknotgeld]

"Trupi kamiyń"

We kamiynica jest wmurowany
Chnetko lot dwiesta już tukej znany
"Morderczym" zowiom go abo "trupim"
W dzisiejszych czasach czy ktoś to "kupi"?

[broneknotgeld]

"1808 - Matius Spiera tu jest zabieti 30 czerwca roku"

Rod kmiecy z Rozbarku stracioł Mateusza
Toż zamordowali - tako szkryfnońć musza
Familijo kamiyń przi drodze ty stowio
Napis koże wykuć co pamiyńć łodnowio.

[broneknotgeld]

Przi drodze do Piekor

Przi drodze do Piekor w polu kamiyń stoji
Przyńść se wele niego kozdy nocom boji
Zło moc jest zoklynto we polskim napisie?
Zjawa tam widujom co po nocach śni sie

Ano - na kamiyniu siedzioł "czowiek siwy"
Take to Bytomia piyrwyj były dziwy.

[broneknotgeld]

Piekarsko

Bytom rosnoł - toż w końcu Piekarsko ulica
Łozdobiyła niy no jedna kamiynica
Dyć "trupim kamiyniym" dom tu tyż znaczony
Czy zobytkym takim łon uszczyńśliwiony?

-

[broneknotgeld]

"Piekarsko" zjawa

Deptej Piekarskom wele kamiyna
Jak zygor połnoc wybijo
Zdo sie co latym mrozi fest ziymia
I zjawa siwo cie mijo

Kto jyj zoglondnie prosto we łoczy
Niychej na łoślep niy goni
Drapko być może we jeji mocy
Znak krziża yno łobroni.

[broneknotgeld]

Dzwoniom dzwony

W mariackim kościele dzwoniom dzwony w nocy
Godajom co łone we psa tako mocy
Dzwoniom jak ktoś zocny zaklupie do Piotra
Cicho som jak kosa natrafi na łotra.

[yoanna]

Bytom w dół spada...
może Bronek zagada?;)

[broneknotgeld]

W Łagiewnikach

W Łagiewnikach prawiom ło tym
Dyć to wcale niy gupoty
Co tu Cyryl ze Metodym
Prziniyśli świyncony wody
I łokrzciyli ludzi wiela
Zoblysnyła tako sztela.

[broneknotgeld]

We downych czasach

We downych czasach na Sowi Gorze
Nocom chrapanie słyszeli
Czy ktoś tam przispoł we jakiś dziurze?
-Stracha czasami z tym mieli

Dyć rozbarczanie przeca wiedzieli
Co w srodku drzymiom te woje
Na zew Jadwigi Ślonski tu mieli
Ze wiarom mocnom iść w boje.

[broneknotgeld]

Czy śpiom?

Czy śpiom rycerze tako i dzisioj?
Na Sroczy Gorze kto jejich słyszoł?
Dyć w zgorza tego już nawet niy ma!
Toż jako ciongnońć terozki tymat?

[broneknotgeld]

Jeronie Gora miała być Sroczo
Aże niy wierza tu własnym łoczom.

[broneknotgeld]

Bytomski lew

Sie do Bytomia wroci z Warszawy?
Na kerym placu tu stanie?
Dołoża rym tyn do zocny sprawy
Ktosik usłyszy "wołanie"?

Lew ślonski zdo sie "lwowiokom" zocny
Łonczy symbolym dwa miasta
Tako niych juzaś bydzie tu mocny
-Kołocz trza upiyc ze ciasta.

[broneknotgeld]

Jak ryknie

Jak lew se zbudzi i głosno ryknie
Tako w Bytomiu bydzie już piyknie
Dyć wpiyrw z Warszawy sprowadzić trza
Potym łobudzić jakosik - pra?

[broneknotgeld]

Jako łobudzić lwa?

Ponoć świetlik knif już zno!
Dyć cygaro przeca mo!
Czy sie bydzie mog łodważyć?
I co niym bestyji sparzyć?