Ło Pomorzu i Kujawach

pomorske blizy

[broneknotgeld]

Niych światło jejich jest ciyngym wyży
Bo czasym życiym te nasze blizy.

Stilo

[broneknotgeld]

100-lecie latrni morski "Stilo"

Cołko ze ajzy tu postawiono
Sto rokow stoji - przeca niy kono
Ciyngym ze skarpy ta bliza blyszczy
Niych druge tela rokow tyż zyszczy.

[broneknotgeld]

Medal na gyburstag

Toż na pamiontka medal wybiyli
Blizom trza asić se tako
Cołke sto rokow ze niom tu żyli
W morze durś świyci jednako.

[broneknotgeld]

Ze Łeby

Kto w Łebie siedzi niych tu zowito
Ło bliza Stilo niy yno spyto.

[broneknotgeld]

Sasino - Choczewo 29.07.2006

Darmo autokar wozi po trasie
Richtig to przeca bydzie na czasie
W tym dniu i bliza zwiydzi sie darmo
Gyburstag zocny - łona niy marno.

[broneknotgeld]

IX.2006 Miyndzynarodowy Plyner Malarski - Lubiatowo

Ano, teroz mi sie zdowo
blyśnie fest te Lubiatowo
A i Stilo we stulecie
Jaśni świyci tako przecie.

[broneknotgeld]

Stilo 1859

Mapy szykowali morski nawigacji
Skiż tego w tym richtig wiela było racji
Coby we tym miejscu stowa postawiyli
Jako pomyśleli tako i zrobiyli.

[broneknotgeld]

Friedrich Bork z Leba Boor

Tutejszy gospodorz mioł stowa w łopiece
Toż sztyry talarki za miesionc broł przecie.

[broneknotgeld]

Stilo 1901

Niymiecki Zwionzek Nawigacyjny
Doł wniosek coby bliza budować
Rzond pruski tymu tako przichylny
Choć geld trza było na to wydować.

[broneknotgeld]

"Julius Pintsch" - Berlin

Fyrmy berliński dokumyntacjo
Niy piyrszo jejich to bliza
Szpecjalizacjom dyć nawigacjo
Dlo szifow łoczy i dźwiyrza.

[broneknotgeld]

Jako we zimie?

Jako we zimie
latarnik szczimie?
Dyć mo cyntralne tu łogrzywanie
I gruby korek tako na ścianie.

[broneknotgeld]

"Wilhelm Weule" - Goslar

Fyrma z Goslaru robi optyka
Toż inkszym blizom ło tako rzykać
Byrna łukowo tu na sztrom stały
Sto dziesiyńć voltow - kop tym niymały.

[broneknotgeld]

Tabula pamiontkowo 2006

Latoś już dali nowo tabula
Tam kaj ta piyrszo - niy byda fulać
Skiż gybusrstagu tako "replika"
By niy ukradli - trza tyż porzykać.

[broneknotgeld]

Bliza Stilo 1926

Ano se wiela z tym pomiyniyło
Byrna żarowo tako wstawiyło
A przi złym trefie (choćby kurszlusie)
Lampa gazowo łoświyco tu sie.

[broneknotgeld]

Z końcym wojny

Z końcym wojny ze fligra
Szczylali w ta bliza
Dyć im tako łodpedziała
-Rany se wyliża.

[broneknotgeld]

Łoj - zaś Pomorze se przipomino
Dyć trza do maja wytrzimać ino.

[broneknotgeld]

Ano - wszysko se kedyś kończy
forum.gazeta.pl/forum/72,2.html?f=28940&w=39597694&a=60074726
Likwiduja forum i przestowom se bawić ze tymi rymowankami

[naata]

To niemożliwe, prima -aprilis? :-)
Bez Bronka w portalu to jak w lesie bez drzewa!

Trwaj, Bronek, trwaj! :-)

[broneknotgeld]

Szpas dobry zowdy
Tela w tym prowdy.