Ło Pomorzu i Kujawach

[broneknotgeld]

Do Grudziondza tymat wciepna
W ślonski godce z niym łokrzepna.

[broneknotgeld]

Byście godka rozumieli
Jest tyn "słownik" w rudzki szteli:

forum.gazeta.pl/forum/72,2.html?f=261&w=8707774

[broneknotgeld]

Daleko?! - Ło jedyn klik!
W Rudzie bydziesz już we mig.
forum.gazeta.pl/forum/72,2.html?f=261&w=8707774

[naata]

broneknotgeld napisał:

> Byście godka rozumieli
> Jest tyn "słownik" w rudzki szteli:
>
> forum.gazeta.pl/forum/72,2.html?f=261&w=8707774


wszystkie my tu, ja na pewno panimaju ;-)

Bronka w szacunku tyż tu majom
Z podziwem dla Jego wiedzy i talyntu
Dziękujem za wpisy dla pamięci
Pozdrawiam serdecznie naszego Bronka!

[broneknotgeld]

Miasto pamiyntom we meszkach
Uciykołch łod Wisły brzeżka
A łone za mnom goniyły
W cołkim Grudziondzu już były.

[broneknotgeld]

Grudziondz

Na wiślany szkarpie tyn Grudziondz se leży
Z niego port był rzeczny krziżackich rycerzy
Zakonu to przeca tyż twierdza solidno
Potym tu dlo Polski zrobiyło sie widno
W łoziymnostym wieku los sie zaś łodmiynioł
Pruski Graudenz teroz we łoczach se miynioł
Dyć po piyrszy wojnie do Polski nom prziszoł
No i ze tyj drugi jakosik tyż wyszoł
Dzisioj podziwiomy ciong spichrzy portowych
W Europie nojwiynksze? - Niychej kto łodpowiy.

[toja50]

Brawo, brawo, ale sie zmeczylam jak to przeczytalam, musza przywyknac hehe

[broneknotgeld]

Dziynki

Zocne to że ślonsko godka
Niy do zadku a do przodka.

[naata]

Oczy robię duże...
na Twój talent - Bronku!
Do nauki trza mi stanąć
U Ciebie - w ogonku :)))

Brawo! Karlusie!
Twoje wiersze
Podobaja się! :)))

[broneknotgeld]

Winszuja

Coby spichrze pełne były
Grudziondz zaś mioł wiela siyły
Szoł do przodka krok po kroku
W dwa tysionce szwortym roku.

[broneknotgeld]

Grudziondzke notgeldy

Grudziondz tyż notgeldy mo
Dyć je mało cosik zno
Szło by zrobić tam wystawa
Ale to już inkszo sprawa

[broneknotgeld]

Ło Grudziondzu coś szkryflejcie
Tukej i we Ruda dejcie
To co downiyj i co dzisioj
Tymat w gorze bydzie "wisioł".

[chetor]

Bardzo lubię "Ciebie" czytać, także na ślonskich forach. Gorzej z
odpowiedziami w takim stylu.
Ale pisz - zawsze będę czytał z przyjemnością.
Pozdrawiam po krzyżacku :))

[parkowy]

Widzę pełną zgodność w temacie.:))Pozdrowienia dla Bronka.:))

[broneknotgeld]

No toż sie ciesza że tymat leci
Myśla że tukej niy bydzie śmieci
Dyć piszcie fraszki po polsku zocne
We tym Pomorze przeca tyż mocne
A jak dołonczom jeszcze Kujawy
Bydzie sie wercić ciongnońć te sprawy
To i zabawa i "edukacjo"
Chyba mi we tym prziznocie racjo.

[broneknotgeld]

Grudziondzke spichlerze

Łod miasta to majom yno jedyn sztok
Dyć ze drugi strony łodradzom ci skok
Te spichrze Grudziondza przeca tyż broniyły
Fortyfikacyjom łone mocnom były
We cołki Europie niy ma takich tela
Jo ło tym se szkryflom boch widzioł już wiela.

[broneknotgeld]

Kościoł św Mikołaja

Tyn kościoł w Grudziondzu dość dugo stowiali
Zaczli we czinostym - dyć lecieli dali
Ponoć we piytnostym wieku go skończyli
Co Bog doł to było - z tego sie cieszyli

W gotyckim kościele romańsko krzcielnica
Tym sie tu naprowdy idzie tyż zochwycać
Mikołaja miano z miastym jest złonczone
Jak tu jest tyn kościoł nikt niy powiy - koniec.

[naata]

Chciałabym coś ciekawego napisać, ale muszę nauczyć się trochę historii mojego
miasta :) Widzisz, Bronku jaki pozytywny wpływ wywierasz swoja poezją? :)

[broneknotgeld]

Niychej to już tako leci
Ździybko rymu sie nakleci
Pełny luz no i zabawa
Dyć nauki to tyż sprawa
Niych wom wyny we tym styknie
I dlo szkoł to bydzie piyknie
Niych rechtory zoglondajom
Tam kaj coś z historii majom
Przido sie i to dzieciokom
Polekutku - krok po kroku.

[toja50]

Bardzo spodobalo mi sie slowo "polekutku", chyba bede go uzywac hehe

[naata]

W Bronkowym Słowniku Śląskim znajdziesz dużo ładnych i ciekawie brzmiących
słów. :)

[toja50]

To juz widze, zeby tylko pamiec nie szwankowala DDD

[naata]

Gwara śląska, jak i nasza pomorska ma dużo wspólnego, przede wszystkim wiele
naleciałości z j.niemieckiego. Ja nigdy gwara nie mówiłam ale dobrze pamiętam
starszych. Tak, jak na Śląsku, tak i u nas wystepują regionalne odmiany gwary.
W okolicach Olsztyna słyszy sie spiewne końcówki a u nas w Grudziądzu mówimy
np. 'kełbasa' i take! Ale zmiękczamy, zakładając np. 'sukenkię' :))))
O różnicach regionalnych na Śląsku nie odważę się wspominać bo mamy tu
Specjalistę - Bronka! :))Którego pozdrawiam!

[broneknotgeld]

Ja - we godce som sie traca
Po swojymu jom bogaca
Moja jest ze familoków
Bo jo ze tych tyż boroków

Po prowdzie to żeby niom godać trza by mieć w polskim alfabecie jeszcze jedna
literka łodpowiadajonco głosce miyndzy "o" a "ó". Jo przeważnie pisza
wtedy "o", ale tyż niy zowdy. W ślonski gwarze wystympuje tyż "mazurzynie",
bestoż nawet te "syplyniynie" wiela niy wadzi.
Pozdrowiom. broneknotgeld

[broneknotgeld]

Ja, no i musza jednak wom pedzieć, że żodyn zy mie ekszpert. Za mojich czasow
szkolnych ślonsko gwara tympiyli, łoj tympiyli! No a za złe stopnie w doma sie
dostowało do dupie, a w szkole "po łapach" za inksze grzyszki.

[broneknotgeld]

Fokarium w Helu

Łostatnie foczki tu sie łostały
Dyć piyrwyj jejich Bałtyk był cały
Możno im jeszcze czas taki przidzie
Co morze domym na powrot bydzie.

[broneknotgeld]

Wejherowu pszaja wiela
Ło niym rymy teroz ściela.

[broneknotgeld]

Kaszubsko stolica

W pradolinie Redy zocne miasto leży
Kere Wejher tukej przed laty zbudowoł
Kaszubsko stolica - możecie mi wierzyć
Niy myślcie że yno mi sie to wydowo.

[broneknotgeld]

We tym Wejherowie jo żech jest co rok
Z Gdyni SKM-kom robia se tam skok.

[broneknotgeld]

360 lot Wejherowa

Klupło to łońskego roku
Choć niyskoro - dyć winszuja
Niychej rośnie krok po kroku!
Wejherowu rym tyn suja.

[broneknotgeld]

Wejherowske fedry

Reda Bolszewka i Cedron
Mie widzom sie jakby fedrom
Na kery wszysko sie czimie
I jakoś siyła w tym drzymie.

[broneknotgeld]

Śmiechowo

Jak cugym tam jada
To lachom sie wiela
Niy mynczy mie zwada
Ze szpasym ta sztela.

[broneknotgeld]

Z Nanic

Coś w duszy gro?
Z Nanic sie zdo!

[broneknotgeld]

Gora Zamkowo

Wele wejherowa jest Gora Zamkowo
Średniowieczny grodek - archeolog godo
Na kurhany blikej - tyż ciekawe tukej
Downy historyji kaj chcesz tam se szukej.

[broneknotgeld]

W średniowieczu

Pod zwiyrzchnośćiom Piastow kasztelanii gdański
Ta ziymia se nojpiyrw trocha podlygała
Dyć to se zmiyniyło wedle woli pański
Jak pucko zrobiyli to tam zoglondała.

[broneknotgeld]

XIII - XIV wiek

Za ksionżont pomorskich Prusowie osiedli
Łoni we tych stronach zocne życie wiedli
Dyć w XIV wieku już w Zakonu mocy
Kery Łokietkowi łotwar ponoć łoczy.

[broneknotgeld]

Rycerske dobra

Śmiechowo i Nanice łod wiekow tu były
Jeszcze ło Wejherze te ziymie niy śniyły.

[naata]

Bronku, jestem pod wrażeniem! Lekcja histori i poezji w jednym, brawo! :))
Pozdrawiam

[naata]

Bronku, jestem pod wrażeniem! Lekcja historii i poezji w jednym, brawo! :))
Pozdrawiam

[broneknotgeld]

Fraszki ło swym mieście tyż tukej szkryflejcie
Łod sia cosik inkszym tym sposobym dejcie
Niych pomorske miasta w tymacie blyskajom
Rymow niy zabraknie - wszyscy coś zyskajom.

[broneknotgeld]

Jak se szkryfniecie ło mieście fraszka
Wklyjcie do Rudy tako igraszka
Dyć "literacki" nic tam niy wadzi
A przeca z tego bydymy radzi.

[broneknotgeld]

XV wiek

Po Grunwaldzie Zakon słaby
Już niy dowoł se tu rady
Zwionzek Pruski przeca powstoł
Wiatru w żagle ździybko dostoł

W końcu wojna przikulało
Z niyj biydniejszo ziymia cało
Przez czinoście lotek przeca
Wojska brały durś do neca

Roz pomorske roz krziżacke
I na zmiana tyż te lacke
Potym Polska zaś tu prziszła
Choć ze wojny nyndza wyszła.

[broneknotgeld]

1526

Zygmunt Stary potwierdzo nadania
Ziymi Nanic i tyż ze Śmiechowa
Majom prawo tu niymi władania
Janek Loka i Michał z Jackowa.

[broneknotgeld]

Po kaszebsku jo niy umia
Ślonski yno wyrozumia
Dyć pociongna se do przodka
W Wejherowie moja godka.

[broneknotgeld]

No i już Wejher

Łod Jackowskich te ziymie Wejher kupioł w końcu
Jak tyn wiek szesnosty już niy blyszczoł w słońcu.

[broneknotgeld]

Z rodowych legynd

Legyndy rodowe głoszom - rod z Frankonii aże
Karol Łysy - cysorz rzymski już Wejhera znoł
Dyć ta bajka historyjo dzisioj cołkym marze
Widać yno że ambicjo tyn rod wielko mioł

We dwunostym wieku ponoć tyn Ryszawobrody
Pas rycerski przipasowoł z Wejherow jednymu
Bo sie wiela mu zasłużoł choć był jeszcze młody
I łostało to w pamiyńci na chwała istnymu

Wiek sztyrnosty - już ich Zakon przigarnoł do siebie
Mieczy tyngich poczebowoł przeca łon tu zowdy
W lynno wiycie co dostali? Ano godom - Łebe
Ale sie mie niy pytejcie wiela w tym jest prowdy.

[broneknotgeld]

Historio rodu Wejherow

Piyrszy był Mikołoj - możno tak niy zwany
Mistrz Zakonu nadoł mu w Gyńsi te łany
Wieś ze Białogardy zocny parafiji
Łon tu zaczoł dzieje naszy familiji
Kero pryndko wziyła sie Wejhera miano
Ze wojtostwa Łeby tyż stała sie znano
Tako ło tym jeszcze wiek sztyrnosty godo
Niy wiym czy coś wiyncy historyjo dodo.

[broneknotgeld]

Hans Wejher

Ło niym to my richtig już dość wiela wiymy
Znali go ze tego że krziżokom pszoł
We czinostoletniyj wojnie go widzymy
Dyć żech tukej szkryfnoł jako strona broł

Szczyńściym wloz pod krzidła ksiyńcia pomorskego
Bo ziymia lymborsko we ta poszła strona
To go uchroniyło łod gniywu polskego
Synkow łon mioł ośmiu - w spokoju mog konać.

[broneknotgeld]

To ci fater

Tym tyż zasłynoł Hans Wejher tukej
Że ośmiu synow po niym aż szukej
Klaus Pyter Hanslik Jorgyn i Martin
Bartłomiyj Dytryk Jakub - niy żarty.

[broneknotgeld]

Klaus Wejher

Syn Hansa Mikołaj - Klausym czyńści zwany
Jymu tyn wojt Łeby był tukej pisany
Na Słupsku starosta - urzond przeca zocny
W Polsce i Pomorzu pan to już był mocny

Ze Zofijom Rahmel czech synow uchowoł
Marcin sie biskupym kamiyńskim mianowoł
Francik w swoje rynce wzioł ziymia lymborsko
Ernest jednak musioł wybrać polske wojsko.

[broneknotgeld]

Ernest Wejher

Łon Rzeczpospolityj ze oddziałym służoł
Kery na Pomorzu pryndko se zwerbowoł
Na wojnie sie wiela wzbogacioł i użoł
Inkszym najymnikom taki przikłod dowoł

W Inflantach wojowoł niy yno dlo Polski
Bo przi tym tyż ponoć zadboł fest ło swoje
Jak tyn zamek Dahlen zajmowoł ze wojskym
To przi czyńści skarbu pedzioł "To jest moje"

Co zdobył lokowoł u sia na Pomorzu
Rosły tukej ciyngym ziymske dobra jego
No i przeca tego tyż na końcu dożył
Że jak na magnata paczeli na niego

Dyć wojna to było coś co mu leżało
Na Gdańsk i na Moskwa poszoł ze Batorym
Do Szwecji za Wazom tyż mu sie lyźć chciało
Bo bez juchy z ajzom bywoł jakby chory

Urzyndow mu za to tyż krole nadali
Starostwa pomorske i dzierżaw dość wiela
Yno wojewodom go niy powołali
Wrogow przeca miywoł - szkryfna tukej tela.

[broneknotgeld]

A jo lubia

Lubia na rynku piwa sie napić
I na Wejhera ździybko pogapić
Czasym mu ptoki na gowa srajom
Pewno uciecha tyż we tym majom

Bo co czowieka rożni łod ptoka
Kery sie bliko na mie z wysoka
I możno myśli ło takim dziwie
-Czy jego gówno wypiołbych w piwie?

[broneknotgeld]

Ponoć latoś

Ponoć latoś w Wejherowie gyszeft był na paryzolach
Możno se niy mieści w gowie dyć jo wierzyć we to wola

[broneknotgeld]

"Aquarena Wejherowo" 1999-2005

Wejherowsko bajka cołkym se skończyła
Aquaparku niy ma no i już niy bydzie
Szczyńściym se parcela do miasta wrociyła
Profit we nauce - ze tym niy som w biydzie.

[broneknotgeld]

Perseidy (11.08.2004)

Ze Kopalina w strona Jackowa
Keruja w nocy se moja gowa
Jest - już ślatuje jekby do lasu
Co sie winszuja? -Zabrakło czasu

Dyć gwiozdka spodo zarozki drugo
Czy szczyńście richtig do mie zamrugo?
Już leci czecio szworto i pionto
Styknie dobrego - w pamiyńci mom to.

Gmina Kniewo

[broneknotgeld]

Strusie w Kniewie

Ano - zolyngły już teroz tu sie
Chwoli se Kniewo że mo te strusie.

[broneknotgeld]

Reda

Piytnoście tysiyncy dusz
Toż cołko Reda jest już.

[broneknotgeld]

Rumia Redy ucapiyła
Bo mo przeca wiynkszo siyła
Dyć redzianie miastu pszajom
I sie inkszym niy dowajom.

[broneknotgeld]

Staro i nowo Reda

Jest Reda staro i jest tyż nowo
Skuli atomu? Czy mi sie zdowo?
W nowy spać mieli ludzie z Żarnowca
Dyć ze tym downo som na manowcach.

[broneknotgeld]

Staro Reda

Czi ćwierci tysionca lot już prawie stoji
Na taki gyburstag pewno se łobstroji.

[broneknotgeld]

Parafijo w Redzie

Godajom co łona była tu łod zowdy
Dyć trza cosik szkryfnońć by sie czimać prowdy
Przi "potopie szwedzkim" Reda fest straciyła
Parafijom potym dugo zaś niy była.

[broneknotgeld]

Herb Redy

Wele czech gorek kościoł tam stoji
Czi w Redzie przeca dzielnice
Dzisioj sie miasto Szwedow niy boji
Niych przidom w te okolice.

[broneknotgeld]

Czi herbowe gorki

Reda Pleszewo i Ciechocino
W jedno se zloły - herb to wspomino.

[broneknotgeld]

Chełmno

Piyrsze miasto krziżacke na piastowski ziymi
Siedymset siedymdziesiont lot już przeszło liczy
Problym ze Zakonym? Z rzondami ichniymi?
Wiela ta historio na dzisioj sie liczy?

[broneknotgeld]

Prawo chełmińske

Chełmno miastym było
Co inkszym na wzor
Prawami sypnyło
Zocny to był wor.

[broneknotgeld]

Prynt chełmiński

Ze niego te miasto tyż kedyś słynyło
Miara to ciekawo - we historii mocno
Ze zadku ratusza łoko doglondnyło
Sztyry metry z hokym - dyć widać że zocno.

[broneknotgeld]

Brama

Brama Grudziondzko w Chełmnie znojdziecie
Trza tukej wspomnieć ło tym tyż przecie.

[naata]

Chcę, zaprezentować zamiłowanie i zaangażowanie Bronkanotgelda w krzewieniu
Kultury Śląska, i nie tylko! Życzę dalszych osiągnięć! Teraz wiem, skąd nick-
"notgeld". :)) Pozdrawiam serdecznie.
nata
www.slonsk.com/infos/02a/BanknotyzastepczeSlaska1914-1924.htm

Wystawa "Banknoty zastępcze Śląska 1914-1924"

[naata]

forum.gazeta.pl/forum/72,2.html?f=261&w=8259768
Czytałam, że numizmatyka to, wielka miłość Bronka-notgelda! :))

[broneknotgeld]

Relikwio

Koncek czachy łod Istnego
Ta "Relikwio Walyntego"
W Chełmnie dzisioj se znojdziecie
Toż stolicom pszonio przecie.

[broneknotgeld]

Relikwiorz 1630

Kedy walynty do Chełmna "prziszoł"?
Ponoc niy wiedzom tu tego
Dyć tyn relikwiorz piyknie im wyszoł
I czczom tu ciyngym Istnego.

[broneknotgeld]

Ołtorz - XVIII w.

Ołtorz Walyntego we farnym kościele
Toż radość ze pszonio miyszkańcom łon ściele.

[broneknotgeld]

Polske "Miasto Zakochanych"

Z łaski Walyntego tyn prziwilej dany
Toż momy we Polsce "Miasto Zakochanych"

[broneknotgeld]

Chełmno 14.02.2006

Dziyń Zakochanych tu po roz pionty
W kościele farnym mszom sie zaczyno
Potym zabawa - niy jakeś wonty
W tyn dziyń zoglondnij tu chocioż yno.

[broneknotgeld]

"Chełmińske Serce" (14.02.2006)

Na rynku z lampionow bydzie zrychtowane
Toż na chwała pszoniu wszyskim tako dane.

-
forum.gazeta.pl/forum/71,1.html?f=28940

[broneknotgeld]

Lecom luftbalony (14.02.2006)

Lecom luftbalony czerwone z sercami
Pszonie cisnom w gora? -Niych łone ze nami!

[broneknotgeld]

"Chełm"

"Chełm" ponoć tela co "wzgorze" znaczy
Choć możno ktosik myśli inaczy.

[broneknotgeld]

Chełmno 1233

Na "pniu surowym" Chełmno powstało?
Dyć stond se prawo inkszych miast brało
Mustrym chełmińskim som lokowane
Tako tyż wiyrchym te miasto dane.

[broneknotgeld]

Piyrszo stolica?

Zakon Krziżacki tu mioł stolica
Toż Chełmno drapko urosło
Dyć i biskupstwym krasiyło lica
Z tym do znaczynio tyż doszło.

[broneknotgeld]

Chełmno XIII-XV w.

Ziymi Chełmiński stolica zocno
W tych wiekach łona naprowdy mocno
Dyć se to potym już łodmiyniyło
Tako łostało jak piyrwyj było?

-
forum.gazeta.pl/forum/71,1.html?f=28940

[broneknotgeld]

Łobroz Matki Boski Chełmiński

W kościele farnym boczno kaplica
Tam Matki Boski przecudne lica
Łobroz łaskami wielkimi słynie
We ty chełmiński zocny dziedzinie.

[broneknotgeld]

Meluzyna (XVII w.)

Ze Meluzynom świycznik niy marny
Łon zdobi tako tyn kościoł farny
Jeszcze pogoda tyż pokazuje
Bo barometrym - to forsztelujesz.

[broneknotgeld]

Kościoł Wniebowziyńcio NMP

Z czinostego wieku stoji kościoł farny
Średniowieczym blyszczy - czas to niy był marny
Portalym cie kusi - w niym rzeźby kamiynne
Chwała Panu głosi - toż prowdy niyzmiynne.

[broneknotgeld]

We kościele farnym

We kościele farnym wystroj barokowy
Zdo sie co bogactwo włazi ci do gowy.

[broneknotgeld]

Średniowieczne kościoły

Średniowieczne kościoły we Chełmnie znojdziecie
Szejść ich ciyngym stoji - zdobiom miasto przecie.

[broneknotgeld]

Kościoł świyntych Jakuba i Mikołaja

Franciszkany tako kościoł tukej wzniyśli
Choć zakon żebroczy - dobrze na tym wyszli
Ze jednom wieżyczkom w kery sygnaturka
Czasym piyknie dzwoni - klank leci po chmurkach.

[broneknotgeld]

Akadymijo Chełmińsko

W łoziymnostym wieku richtig tukej była
Krakowskego filjom uniwerku przeca
Tako żakow trocha łona wyksztołciyła
Możno to se wroci - toż fraszka ukleca.

[broneknotgeld]

Cystersy w Chełmnie

Już tukej Cystersy we czinostym wieku
Klasztor wielki stoji ze kościołym tako
Możesz se to zwiydzać terozki poleku
Dyć czy se poczujesz jako mnich jednako?

[broneknotgeld]

Kościoł świyntych Janow

Koscioł tu Krzciciela i Ewangelisty
Łoba świynte jymu w Chełmnie patronujom
Cołki klasztor tako gotykym jest czystym
Toż widać co mury siedym wiekow czujom.

[broneknotgeld]

Wieża Mestwina

Z ksiyńcia pomorskego mianym
Dom miyszkalny mnichom dany
Baszta cele jejich kryje?
Jako dzisioj sie tam żyje?

[broneknotgeld]

Brama Mersebursko

Brama Mersebursko dyć tukej łostała
Łod kedy "Grob Pański" w swojich murach miała?

[toja50]

No , tero to i ja wim hehe. Tlumaczylam sobie dotad jako Bronek bez pieniedzy,
no bo kto je dzisiaj ma. Pozdrawiam.

[broneknotgeld]

Jo mom wiela - na wystawie
Dyć z tegoch biydniejszy prawie.

[broneknotgeld]

"Piekłe kro"

Łod fiszy ikra z cebulom razym
Niych se na maśle źdzybko przismaży
Potym posolić popieprzyć tyż
Dyć ze żymłami drapko to zjysz.

[broneknotgeld]

Ustka

Ustka z Łebom durś sie wadzi
Kero bardzi być poradzi
Tom princesom Polski morza?
Jo sie pedzieć niy łodwoża.

[broneknotgeld]

Czamu Ustka?

Bo nad ujściym Słupi leży
Stond sie nazwa jeji wziyła
Dziwne - dyć możecie wierzyć
W słowie tym sie rzeka skryła.

[broneknotgeld]

W Ustce

Kupa ludzi tu przez lato
Wakacjami Ustka kwitnie
Jednak potym już "sagato"
Reszty roku sie niy wytnie.

[broneknotgeld]

A może sie udo

Wielke plany richtig majom
Z Unii euro chcom prziciongnońć
Wczasowiczom przeca pszajom
W taki gyszeft Ustka wprzongnońć

Z dwóch miesiyncy zrobić wiyncy
Przeca miasto - uzdrowisko
Morze plaża jod - niy mynczy
Trza we zocy mieć to wszysko.

[broneknotgeld]

"1935 - 2005"

Za rok w Ustce bydzie fajer
Siedymdziesiont lot miejskości
Dyć to przeca niy som baje
Chciołbych tam w gyburstag gościć.

[broneknotgeld]

"Starowka"

Chcom mieć "nowe" stare miasto
Remontować prziszoł czas to.

[broneknotgeld]

Kije w Słupi

Wyndkorzy fest Słupia ciongnie
Fisze w gyszeft tyż sie wprzongnie
Kije moczom na łososia
Troć a nawet pstronga do sia.

[broneknotgeld]

W Ustce

Łostatnio głośno coś ło łapowkach
We magistrackich paruje głowkach?

[broneknotgeld]

Biskupstwo pomezańske (1243-1525)

Biskupstwo pomezańske - Kwidzyn mu stolicom
Co po niym zostało do dzisioj zochwyco
Na szkarpie katedra gotykym łozdobno
Choć przebudowano wiekow swojich godno.

[broneknotgeld]

Dwor Artusa

Czi Dwory Artusa w Europie łostały
A przeca ich było piyrwyj richtig wiela
Gdańsk Tallin i Ryga - to już spis jest cały
Nojpiykniejszy gdański - szkryfnońć sie łośmiela.

[toja50]

Nie czuje sie na silach nic tu dopowiedziec. Moge tylko z przyjemnoscia
poczytac. Pozdrawiam.

[broneknotgeld]

A dyć do tego niy trza siył, yno ździybko czasu i chyńci. Mie styknie jak sie
poczytom gazeta, abo zoglondna do jakiś ksionżki.

Po swojymu tekst se trawia
Tako durś rymami bawia.

[broneknotgeld]

Grod

Prawiom co tu Mieszko założoł grod gdański
Tysionc lot ze hokym już to tymu było
Rosnoł łon we siyła - luft był jakby pański
No bo sie kożdymu robić coś werciyło.

[broneknotgeld]

Konrad z Byczyny

W Byczynie sie rodzioł, w Paryżu sztudiowoł
Pioro swoje jednak Gdańskowi łoddowoł
Szkryfnoł tyn "Labirynt" - w niym nauka świata
Łostała sie pamiyńć - nojlepszo zapłata.

[broneknotgeld]

"Ukraińske Wikingi"

Przipłynyli latoś do Gdańska na łodzi
Wele Ołowianki drakkara cumuje
W Kijowie "Rok Polski" no toż se to godzi
Na bezrok zaś nazod załoga popruje.

[broneknotgeld]

Świyntopełk Wielki (1220-1266)

Wielki bo ze sługi princym zostoł tukej
Kaj Pomorze Gdańskie śladow jego szukej.

[broneknotgeld]

A-1

Autobana z Gdańska na połednie "ruszy"?
Cosik se łobiyło ło tym mi we uszy
Ponoć piyrszy konsek w dwa lata być może
Pociongnom pod Grudziondz - toż dej tego Boże.

[broneknotgeld]

"Jarmark Dominikański" 31.VII - 22.VIII.2004

Czi tydnie latoś jarmark we Gdańsku
Zaczoł sie piyknie skończoł "po pańsku"
Dynkmal postawić chcom patronowi
Niychej sie Ruda tyż ło tym dowiy.

[broneknotgeld]

"Amberia"

Niyjedna we Gdańsku bursztynu galeria
Na Mariacki jednak jest zocno "Amberia"
Cudami z jantaru napasiesz tu łoko
Z tego nawet serce ponoć czasym skoko.

[broneknotgeld]

Gdańsk - St.Petersburg

Miasta se łoba kamracom fest
Wiela uciechy czasym z tym jest
Łostatnio gdańsko tam delegacjo
Tyż se zrobiyła piykno libacjo

Jednak niy cołko - yno jyj ćwierć
Chciała sie zapić jakby na śmierć
Choć Ruski mieli wiela z tym szpasu
We Gdańsku teroz wiyncy marasu.

[broneknotgeld]

Wielki Plan Inwestycyjny 2005 - 2009

Gdańsk inwestować chce u sia wiela
Ponoć nojwiyncy we drogi
Toż możno wygro na tym ta sztela
Abo popadnie we długi.

[broneknotgeld]

Gdańsk marszałkym stoji?

Zbiyrajom na pomnik Zefla Piłsudskiego
Wrzeszcz - tam ponoć miejsce nojlepsze dlo niego
We rocznica śmierci na bezrok postawiom
Tako se w tym Danzig teroz władze bawiom.

[broneknotgeld]

Szekspirowski Tyjater

Szekspirowski tyjater we Gdańsku tyż stoł
Chcom go łodbudować - czy to yno fioł?

[broneknotgeld]

Oliwa

Wele Sopotu jest ta Oliwa
Trza cosik szkryfnońć ło jeji dziwach.

[broneknotgeld]

"Pachołek"

Niych cie na "Pachołek" gyry zaprowadzom
Ze niego mosz widok na piykno Oliwa
Chocioż skiż Sopotu nikierzy sie wadzom
Jo w ta strona jednak byda se durś dziwać.

[broneknotgeld]

Potok Oliwski

Zdo sie Oliwa piyrwyj "budowoł"
Przeca tu kozdy młyn dlo sia stowioł
Coś ze dwadziścia było aż tego
Siył wiela brało ciyngym z istnego.

[broneknotgeld]

Oliwa 1186

Staraniym sie stało Sambora I
-Przeca dobrze znocie ksiyńcia pomorskego
Co ło swoje ziymie jak umioł tak dboł
Łon tutejszo ziymia tym cystersom doł.

[broneknotgeld]

Opat Dithard

Ze duńskego Esrom se opat wywodzioł
Wpiyrw w Kołbaczu jednak klasztor "dziełym" jego
Potym we Oliwie se nowy "narodzioł"
Staraniym Sambora no i tyż istnego.

[broneknotgeld]

"Olyuna" -18.III.1188

Princ Sambor wtedy nadanie doł
Bo przeca w zocy tyn klasztor mioł
Dokumynt łostoł - w niym miano take
Zdo sie z dzisiejszym chnetko jednake.

[broneknotgeld]

Po prowdzie "odpis" łostoł sie nom
Te "sprostowanie" terozki dom.

[broneknotgeld]

Poczontek klasztoru 1186-1188

Toż princ Sobisław myśloł już ło tym
Ściongnońć cystersow - niy dlo gupoty
Łostawioł jednak to Samborowi
Synym był jego - to kożdy powiy

Konwynt mnich Dithard tukej przikludzioł
Z Kołbacza karlus tako se trudzioł
Bo miało to być ich "kolanijom"
Chocioż cysterskom tyż familijom

Zamek myśliwski princa w tych stronach
No toż niy myśloł ło jakiś kromach
Yno kwatera w niym przirychtowoł
I ze mnichami klasztor już stowioł

Tako minyły dwa lata z Bogym
Już braty chwolom sie swojim progym
Akt fundacyjny Sambor wystawioł
Gdańsk ponoć wtedy za to go sławioł

Nadoł przi tymu majontku tela
Że pryndko rosła oliwsko sztela
Prziwilejami sie tyż cieszyła
Z nich tako samo zakonu siyła.

[broneknotgeld]

"Oława"

Czy Potok Oliwski piyrwyj tako zwali?
Czy ze ty "Oławy" miano szteli dali?
Po prowdzie to niy wiym - tako yno szkryfna
No i rymym ło tym terozki se gichna.

[broneknotgeld]

Oliwa 1224

Poł Kympy Oksywski doł Świyntopełk II
Z czasym spis majontkow bydzie bardzi dugi
Bo po Warcisławie Ziymia Gniewsko doszła
Sława ło klasztorze we Pomorze poszła.

[broneknotgeld]

Oliwa 1226

Skiż wypraw krziżowych tako tragedyjo
Prusy se łodgryźli no i stond mecyjo
Wypolony klasztor kościoła tyż niy ma
Opata z mnichami już niy nosi ziymia

Choć na łoczach gdańszczan ich pomordowali
Jedni tu skończyli - inksi zaczynali
Bo zaś ze Kołbacza mnichow prziszło tela
Że łodrosła chnetko ta cystersko sztela.

[broneknotgeld]

40 majontkow

Cosik wele tego we czinostym wieku
Już mioł tukej klasztor - wiydz ło tym czowieku.

[broneknotgeld]

Oliwa 1236

Zaś tu Prusy polom i mnichow mordujom
Przeciw krześcijanom tako durś wojujom
Cystersow skiż misji podwojnie niy znoszom
Bestoż tyż litości na darmo ich proszom.

[broneknotgeld]

Oliwa - 1243, 1247, 1252

Czi razy Krziżaki tukej se panoszom
Na krześcijanina miecz zakonny wznoszom
Toż cystersy skiż nich niy mieli tyż leko
Zdo sie - co nojgorsze jeszcze ich tu czeko.

[broneknotgeld]

Kościoł św Jakuba (ok. 1300)

Dlo parafian świontynia tako postawiyli
Toż tukej cystersy se bogato żyli
Łobrośli w majontki - stać ich na to było
Dyć tyż Ponboczkowi tako sie sie służyło.

[broneknotgeld]

Oliwa 1303

Krol Władysław II doł im Swornegacie
Cystersy tam siedzom teroz "na etacie"
Przez czidziści rokow dobrze gospodarzom
Dyć se tyż Krziżakom przeciwić niy ważom
Za ta sztela wziyli jednak Domatowo
No i tyż Darżlubie co przi Pucku stowo.

[chetor]

Dzięki Bronek, zapewniam, że czytam :)
Pzdr

[broneknotgeld]

Hehehe

Poskopić czasym zdo sie niyleko
Dyć rym we raji nastympny czeko.

[broneknotgeld]

Oliwa 1308

Krziżaki Gdańśk wziyli - krew przi tymu loli
Krześcijan - Ponboczka sie cosik niy boli
Se opat Rudiger tymu fest dziwowoł
Zwłoki yno zbiyroł - we Oliwie chowoł.

[broneknotgeld]

W krziżackich czasach

Wielki Mistrz Zakonu krziwo paczoł na to
Że Oliwa ciyngym zdo sie tu bogato
Kaj umioł tam dojoł cystersow solidnie
Myśloł co im życie we wspolnocie zbrzidnie

Braciszki z opatym jednak se czimali
Przeca niy som po to coby wojowali
Bog i gospodarka to jejich zadanie
Łaska we tym trwaniu łod Cia zowdy Panie

Tako wieki całe ciyngym sie tu dzioło
Cystersy oliwske w gorze majom czoło
Krziżakow szczimali - som w łaskach Korony
Dyć los figle niesie - dobrze my to znomy.

[broneknotgeld]

Oliwa 1350

Zdo sie cołko sztela jedna jest fojera
I kościoł i klasztor wziyła ta cholera
Poł wieku chnet trwało niym łodbudowali
Dyć jakoś utropa czekała tyż dali.

[broneknotgeld]

Oliwa 1433

Wojna Polska wiedzie srogo z Krziżakami
Przi tym se kamraci nawet z Husytami
Toż prziszli Pepiki - Oliwa złupiyli
Szczyńściym sie cystersy do Gdańska schroniyli

[broneknotgeld]

Oliwa 1460

Dyć "czinostoletnio" wojna fest szalała
We klosztorze jazda se kwaterowała
Ze tym polskim wojskym ciyngym jakeś straty
Szczyńściym że niy łoni zebrali tu baty.

[broneknotgeld]

Reformacjo

Skuli Schlieffa i Geschkaua
Sztela tyż tu uciyrpiała
Prziszły nawet ze tym baty
Jednak doszło do łodpłaty.

[broneknotgeld]

Opat Lambert Schlieff

Zdo sie co wspiyroł reformacyjo
A gospodarzoł! -Ciyngym mecyjo!
Majontkow klasztor myni już mo
I podupado - tako sie zdo.

[broneknotgeld]

Opat Kaspar Geschkau

Toż biskup Wrocławia karlusa tu wspiyroł
Dyć i Zygmunt August w Oliwa spoziyroł
Wpiyrw Geschkau go tropioł - ze czasym ucieszoł
Bo już przeciw Polsce łon tukej niy zgrzeszoł.

[broneknotgeld]

Oliwa 1577

Toż gdańszczanie wtedy Oliwa złupiyli
Za "polskość" Geschkaua tako se zymściyli
Krol na nich nałożoł dukatowo kara
Ło klasztor zniszczony musieli sie starać.

[broneknotgeld]

Opat Dawid Konarski

Przi niymu zaś wszysko zakwitło łod nowa
Blysnyła fest sztuka - we tym jego gowa
Wystrojym sie asić mog kościoł terozki
Aże do nastympny richtig wielki troski.

[broneknotgeld]

Oliwa 1626

Gustawa Adolfa terozki tu momy
Łon na kunszt był "czuły" - zaczoł se rabunek
Ano "samo żecie" przeca tyż to znomy
Dlo cystersow jednak wielki z tym frasunek.

[broneknotgeld]

Pokoj Oliwski 1660

Po "potopie szwedzkim" zawarty tu pokoj
Dyć wcale niy prziszoł ze tym "świynty spokoj".

[broneknotgeld]

Oliwa 1697

Ksionże Conti ze wojskym prziloz po korona
Trza było Sasowi tukej go pokonać
No i uciyrpiało przi tymu opactwo
Przeca do rabunku zdolne jest żołdactwo.

[broneknotgeld]

Oliwa 1700-1721

Skiż "wojny połnocny" niyroz tu frasunek
Co armijo przeszła ze niom tyn rabunek.

[broneknotgeld]

Oliwa 1733-1734

Za Sasym czy Lasym?
Ciynżke jednak czasy.

[broneknotgeld]

Opat Jacek Rybicki

"Rządził szczęśliwie Oliwą" - szkryfnyli tu tako
No dyć być niy mogło tyż zowdy jednako
Folwarki rozkwitły - geld solidny dały
Blyszczoł dobrobytym teroz klasztor cały

Opat wybudowoł se piykny pałacyk
Łorgany w kościele - z ambony łonacy
Kero tyż jest cudym tukej cołkym nowym
Jak i dwie kaplice w stylu rokokowym.

[broneknotgeld]

Oliwa 1772

Ze rozbiorym polski prziszła ta utropa
Ac wszysko to zdo sie skuli tego chopa
Co go historyjo Niymiec zowie Wielkim
Z niym to już niy były jakeś duperelki

Zagarnoł cystersom cołki ich majontek
Przeca ani wyśloł zrobić im wyjontek
Łod krola terozki folwark trza dzierżawić
By sie moc regułom tu terozki "bawić"

Choć opat Rybicki mo swoja pyndzyjo
Z pałacu niy grozi mu tyż eksmisyjo
Toż przeca boleje nad tym trefym złym
Wiela lot minyło - dyć to dobrze wiym.

[broneknotgeld]

Po opacie Rybickim

Po Rybickim siedzom tu Hohenzollerny
Zdo sie cołki klasztor przi nich richtig mierny
Familijo krola ciyngym tako żywi
Pewno to nikogo terozki niy dziwi.

[broneknotgeld]

Czas napoleoński

Mnichow zdo sie niy trza - lazaryt w klasztorze
Francuzom se przidół i Ruskom - moj Boże.

[broneknotgeld]

Dekret 1829

Krol pruski dekret podpisoł złowrogi
Skasujom tyn zakon - poniesom kajś nogi.

[broneknotgeld]

Oliwa 1831

Toż tu czech mnichow jeszcze łostało
Dyć co nojgorsze przilyźć musiało
Niy ma już w końcu cysterskich braci
Czy sie Oliwa na tym wzbogaci?

[broneknotgeld]

Kasata 2.II.1833

Kościoł mnichow czyńść klasztoru erbli katoliki
Dyć tyn jejich parafialny wziyli wangeliki
Coś beamtrom se dostało - reszta wybulyli
Historyjom sie już stało - cystersy tu byli.

[broneknotgeld]

Towarzystwo Ludowe "Jedność" (21.II.1982)

W dziewiytnostym wieku Kaszubow łonczyło
Przeca ciyngym wiela ich w Oliwie było
Narod richtig twardy - co mu tam "hakata"
Był jest no i bydzie aż do końca świata.

[broneknotgeld]

Sołectwo Oliwskie

Osada łostała po zocnym klasztorze
Dyć sołtys jom przeca mieć musioł na gowie
Jednak beamtrowoł yno honorowo
Toż zdo sie niywiela se tym tyż przejmowoł.

[broneknotgeld]

Piyrszy fojt oliwski -1.XI.1852

Ano Gustaw Schilling piyrszy tu fojtowoł
Pozor na Oliwa łon terozki dowoł.

[broneknotgeld]

Wiosna Ludow w Oliwie

Oliwsko biydota ruszyła na sklepy
Piekarnio zajyli chlyb do dom pobrali
Dyć przeca tu kupce niy byli tyż kiepy
Pomoc ściongli z Gdańska i łupnia im dali.

[broneknotgeld]

1864

Oliwa urosła - Schabentahl chyciyła
Muhlhof i Polanki wtedy tyż erbnyła.

[broneknotgeld]

1870

Cug przez Oliwa już teroz jedzie
Z Gdańska na Koslin wandrusa wiedzie.

[broneknotgeld]

Banka (1873-1879)

Ano se bankom na Gdańsk jeździyło
Dyć pora koni wagon ciongnyło
Bestoż i stajnie w Oliwie były
Choć plajta cosik pryndko zrobiyły.

[broneknotgeld]

1.IV.1907

Mo już Oliwa te Jelitkowo
Siyngła tyż po Przimorze
Kurortym jakby se teroz zdowo
Dyć dej jyj tego moj Boże.

[broneknotgeld]

1901

Zaś banka z Gdańska w Oliwa jedzie
Dyć motorniczy teroz na przedzie
A zamiost siana wystyknie sztrom
To nowomodne czasy już som.

[broneknotgeld]

Oliwa-Jelitkowo 1908

Już do Jelitkowa wiedom banki glajzy
Wszysko tu gryfniejsze - przeca niy dlo łajzy
Yno by z letnikow grosz godziwy ściongnońć
W tyn gyszeft już gmina mocno chce sie wprzongnońć.

[broneknotgeld]

I.1914

Sztorm zniszczoł cołkym tu dom zdrojowy
Z wiosnom trza było stowiać zaś nowy
Tyn drugi dzisioj mo Jelitkowo
Szczyńściym go niy trza dźwigać na nowo.

[broneknotgeld]

Krach Szporkasy Oliwski

Creutzburg paskudnie tukej namiyszoł
Przi niymu sztela cołkym na stracie
Nudli niyjedyn na niym nawiyszoł
Dyć poloz wyży - stond zabroł lacie

Oliwie jednak długi łostały
Guldynow pora setek tysiyncy
Fest familije by uciyrpiały
To niyjednego terozki mynczy.

[broneknotgeld]

Już Gdańsk 1.VII.1926

Toż se niy ma czymu dziwać
Że już Gdańskym jest Oliwa
Długi przi tym pospłacane
Yno to uratowane.

[broneknotgeld]

Oliwski welunek 14.XII.1919

Czi mandaty w gminie Kaszuby se wziyli
Zdo sie ciyngym mocni łoni tukej byli.

[broneknotgeld]

Bulla 30.XII.1925

Djecezyjo papiyż bullom eryguje
Oliwa stolicom zarozki se czuje
Tu teroz jest stolec Kościoła gdańskego
Łoziymdziesiont rokow klupie już łod tego.

[broneknotgeld]

Oliwa 1.VI.1926

Już Edward O'Rourke tu ordynariuszym
Kościoł poklasztorny w katedry se ruszył.

[broneknotgeld]

"Daol"

W tym werku oliwskim elfarba rychtujom
Yno że po wojnie inaczy mianujom.

[broneknotgeld]

"Anglas"

Znołś smak oliwski ty szokolady?
Jak pokosztowołś to niy ma rady.

[broneknotgeld]

"Dr.Oetker"

Dzisioj zaś fyrma ta dobrze znomy
Dyć w miyndzywojniu w Oliwe momy

[broneknotgeld]

Oliwa 1945

Pałac Opacki teroz sie poli
W Oliwie tyż inksze straty
Niymcy se Ruskow pierońsko boli
Jako tyż Gdańsk tyn bogaty.

[broneknotgeld]

Jan Flachsbinder - Dantyszek (1485-1548)

Kim był tyn Dantyszek - ciynżko mi napisać
Tako coby nudli niy chcieliście wyszać
Bestoż szkryfna yno - gdańszczanin to zocny
Z czasow w kerych czowiek zdoł sie bardzi mocny.

[broneknotgeld]

Aleksander Zuchta (1520-1590)

Zygmunta Augusta w Krakowie kurowoł
Kunszt Paracelsusa zowdy na wiyrzch dowoł
Hehe - toż niy bawioł se robiyniym złota
Pokazywoł inkszym co w tym jest gupota.

[broneknotgeld]

Filip Kluwer (1580-1623)

Geografio z historyjom w jednym palcu czimoł
Toż na uniwerku w Lejdzie wcale łon niy drzymoł
Historyjo geografii Filip piyrszy spisoł
Dyć i przeca w kartografii wiela se namiyszoł
Tyż Kluwera mosz we gymbie jak godosz te słowa
"Historyjo starożytno" - w tym niy twoja gowa.

[broneknotgeld]

16.V.1217

Toż Mściwoj I pomarł w tyn dziyń
Na Gdańsk położoł se jakby ciyń
Dyć słonko jednak blysło tyż przeca
Princ pomarł - nowy ze jego neca.
-

[broneknotgeld]

Nowe muzeum

Muzeum se nowe w Gdańsku wyrychtuje
Toż "Solidarności" to richtig sztimuje
W gyburstag chcom kamyń wyngelny wmurować
Dyć cosik do zbiorow już tam im idzie dować.

[broneknotgeld]

"Geo znaczy Ziymia"

Toż na łogrodzyniu parku oliwskego
Podziwosz se Ziymi - niy zapomnij tego
PIG tukej wystowio piykne fotogramy
Cud natury tako przed łoczy nom dany.

[broneknotgeld]

"Zaczło se w Gdańsku"

"Solidarnościom" sztartło domino
Ano - co potym to "ino ino".

[broneknotgeld]

Jarmark Dominikański 30.07-21.08.2005

Papiyż Aleksander Szworty
Pedzioł "Gdańsk jarmarku worty"
Na świyntego Dominika
Niy trza yno tukej rzykać
Czeba ździybko pohandlować
Ciału duszy pofolgować.

[broneknotgeld]

25-lecie Porozumiyń Siyrpniowych (26.VIII)

Zdo sie jakby strzybne gody
Wiela sie przeloło wody
By wspominek nastoł czas
Czy idymy we tyn "las"?

[broneknotgeld]

26.VIII.2005 Jean Michel Jarr

We stoczni gdański na "srebrne gody"
"Solidarności" zagro dlo zgody.

[broneknotgeld]

"Kwiat Życio i Pokoju"

Dynkmal ku pamiyńci
niyszczyńść Nagasaki
W Gdańsku ukraść chcieli
jak złom belejaki

Szczyńściym że niy wyszoł
złodziejom tyn skok
"Kwiotek..." jeszcze wroci
na niyjedyn rok.

[broneknotgeld]

Sopot

W rankingu miast polskich nojpiyrszo dziedzina
Dyć przeca to dlo nos niy żodno nowina
Jako dzwigać miasto tu naprowdy wiedzom
No i miyndzy Gdańskym a tom Gdyniom siedzom.

[broneknotgeld]

Ło Sopocie ciyngym głośno bydzie wiela
Bo łon idzie w gora skiż obywatela.

[broneknotgeld]

Sopot - Zdroj

Downiyj piykne uzdrowisko
Z wojnom potraciyli wszysko
Niy starała sie Ludowo
Choć za Niymca było zdrowo

Szczyńściym majom Karnowskiego
Dopilnowol przeca tego
By solanka łod Wojciecha
Zaś dowała tu pociecha

Z nowa żyje Sopot-Zdroj!
Już piyńć lotek - łoż ty moj
Latoś karna se w ta sztela
I gyburstag fest łobleja.

[broneknotgeld]

Sopot bez fajerwerkow

Karnowski tyn zakaz chce tukej wprowadzić
Myśla że niy bydom se ło to fest wadzić
Przeca zaś w Sopocie majom uzdrowisko
Na jedno sie straci a na druge zysko.

[broneknotgeld]

Po parasolniku?

Cieszoł sie Sopot z Parasolnika
Łon jakby tego kurortu znakym
Dyć już niy widać prawie pomnika
W łogrodku piwnym jest jakby "brakym".

[broneknotgeld]

Remont willi "Krystyna"

Pewno Stolz sie dzisioj wiela by ucieszoł
"Stolzenfels" w Sopocie prawie łodnowiajom
I choć ze "Krystynom" łon tukej niy grzeszoł
Rod że w zocy ciyngym ta willa tyż majom

[broneknotgeld]

"Krystyna"

Był żeś na wywczasach w "Jantarze" sopockim
Pewnikym wspominosz te "krysine" nocki.

[broneknotgeld]

E-gmina

Sopot w tako strona Ponoć teroz idzie
Za rok tych "e-budek" trocha tukej bydzie
W kerych pozałatwiosz wiela swojich spraw
Dyć se z Internetym Poloku już "baw"

[broneknotgeld]

Fajer w Sopocie

Fajer sie zaczoł w zocnym Sopocie
W gybustag majom tam wiela pociech
Pomnik Haffnera zaś stanoł w parku
Mioł karlus przeca gowa na karku

[broneknotgeld]

"Sopocko Muza"

Burgemajster w gyburstag nagroda rozdowo
Tradycyjom bydzie - to mi sie niy zdowo

[broneknotgeld]

"Jean Georges Haffner - Historia kąpieliska w Sopocie 1823-2004"

W Muzeum Sopotu łotwarli wystawa
Haffner uzdrowisko tu przeca zrychtowoł
Dlo niego życiowo we tym była sprawa
Cołko swoja dusza Sopotowi dowoł.

[broneknotgeld]

Herb

Bioło mewa se siedzi na dorszu
Tyn herb tukej nikogo niy gorszoł.

[broneknotgeld]

Casino Hotel

We latach dwudziestych go wybudowali
Woda morsko ciśli prosto w badywanny
W Bałtyku se tako goście wykompali
Nawet jak na dworze był prawie "czas sanny".

[broneknotgeld]

Zakład Balneologiczny

Do dzisioj przi molo spokojnie se stoji
Wlyź i zaroz w holu dźwigej w gora łoczy
Morski witraż nerwy ci możno "ukoi"
No i herb Sopotu tyż tyż przi tymu wskoczy.

[broneknotgeld]

2 marki

Za toplanie w badywannie dwie marki żeś płacioł
Niy dziwota że przi tymu kurort se wzbogacioł.

[broneknotgeld]

Park Połnocny

Godajom co Haffner drzewka tukej sadzioł
Jo bych sie ze niymi ło to niy powadzioł
Tu jego popiersie przed wojnom tyż stoło
Teroz nowy pomnik wszyskich jakby woło.

[broneknotgeld]

Grand Hotel

Piyrwyj se "Casino" zwoł
Hazardzistom przeca pszoł
Z gości roztomajtych tukej
I Hitlera nawet szukej
Chcesz to znojdziesz tyż de Gaulle`a
Dyć niy yno jo go wola
Chocioż była z niym utropa
Skond wzionć łożko? -Kawał chopa
Kajś w muzeum jednak znodli
Generała w niym pokłodli.

[broneknotgeld]

"Monciak"

Dlo jednych Sopot chnet cały
Molo i łon im wystyknie
Kaj ińdzi niy wlepiom gały
A przeca wszyńdzie tu piyknie.

[broneknotgeld]

1902

Nadoł prawa miejske kajzer Wiluś II
Dyć kurort życiorys mioł za sobom dugi
Sie balneologiom Heffner tukej bawioł
Na wydmach co nojpiyrw łod Gdańska dzierżawioł.

[broneknotgeld]

Sopocko solanka

Urzond Górniczy doł na to zgoda
By zaś se brali ze głymbin woda
I ministerstwo sztympel przibiyło
Dyć uzdrowisko solankom żyło

Tako tyż bydzie dali terozki
Toż wykurujesz tu nawet troski
Radość mieć bydzie dusza i ciało
Wrocić se bydzie tyż tukej chciało.

[broneknotgeld]

"Villenstrasse"

Toż kożdo willa na ty ulicy
Jakby urodom swojom aż ryczy
Ja - znać tu na nich czynsto zomb czasu
Trza remontować wiela zawczasu

Dyć stary Sopot tukej widzymy
I cosik ło niym tyż se dowiymy
Dzisioj to Westerplatte Obrońcow
A jakby stare miano dać w końcu?

[broneknotgeld]

Grodzisko

Prastare grodzisko we Sopocie nojdziesz
Z ulicy Haffnera tam wygodnie dojdziesz
Po czyńści je tukej łod nowa dźwignyli
By coś było widać jak piyrwyj tu żyli.

[broneknotgeld]

Dolny i gorny Sopot

Bana na dwie czyńści Sopot podzielyła
Dolny wpiyrw pokozoł swoja wielko siyła
Gorny zaś łod morza ździybko dali leży
Dyć tyż jest ciekawy - możecie mi wierzyć.

[broneknotgeld]

"Bursztynowy Słowik"

"Bursztynowy Słowik" we wrześniu zaśpiywo
Dyć niychej nikogo to teroz niy dziwo
TVN tu latoś festiwal zrychtuje
Toż i Sopotowi richtig to sztimuje.

[broneknotgeld]

A w siyrpniu

A w siyrpniu festiwal TVP tyż zrobi
Prawiom co jak piyrwyj tyn Sopot łozdobi.

[broneknotgeld]

Na Monciaku

Na Monciaku knajpek wiela
Grosz wycisko z kapsy sztela.

[broneknotgeld]

Na molo

Stojom kukły zaś woskowe
Kogo tu niy widzi czowiek?
Dali Hańcze Olbrychskiego
Harry Potter tyż do tego.

[broneknotgeld]

Gdynia 1922

We Warszawie nad tym deliberowali
Coby se Poloki port pobudowali
No i pryndko tako przeca sie tyż stało
Szwongu ze tom Gdyniom dyć było niymało.

[broneknotgeld]

Gdynia 1925

Oksywie ze Gdyniom we jedno se zloło
Choć piyrwyj tyż łod sia było im wesoło.

[broneknotgeld]

Gdynia 10.II.1926

Co chcieli to majom - ze wioski już miasto
Ponoć bez zokalcu im wyszło te ciasto.

[broneknotgeld]

Gdynia 1929

Kurde - już zrobiyli tukej powiat grodzki
Haratali przi tym widać tyż przez nocki.

[broneknotgeld]

Gdynia 1930

Co tu dużo godać? Ciyngym sztela rośnie
Redłowo z Chyloniom capnyli radośnie.

[broneknotgeld]

Łod 1930

Już tu transatlantyk pasażerow broł
Do Nowego Jorku płynołś jak żeś chcioł.

[chetor]

Dzięki, bardzo fajnie to piszesz, chociaż czasem muszę się skupić aby dobrze
zrozumieć :))
Pozdrawiam

[toja50]

A ja chociaz sie skupiam to i tak malo rozumiam!

[broneknotgeld]

Hehe - no to mocie tyn som problym jak jo ze kaszubskim.

[broneknotgeld]

Gdynia 1933

Toż Witomino z Obłużym wziyła
Tyż "Działki Leśne" - tako w niyj siyła.

[broneknotgeld]

Gdynia 1935

Mały Kack erbła no i Cisowo
Jeszcze Pogórze Morske Orłowo
Lasy chylońske i witomińske
Kryńci sie kryńci te "koło młyńske".

[broneknotgeld]

Gdynia 1953

Toż jeszcze copła kaszubsko wioska
Ło Wielki Kack jest wiynkszo zaś troszka
Na tym se jednak cołkym stanyła
Myśli że zowdy aż tako była.

[broneknotgeld]

Herb Gdyni

Dwie fisze na mieczu wyndzone
Podobnoś szczyńśliwe som łone.

[chetor]

Piknie prawisz :D

[broneknotgeld]

Bożo Zatoczka

Toż piykny kontek Gdański Zatoki
Kaszubske żyli tukej ryboki
Se wioska swojo Gdyniom nazwali
Na świat w spokoju durś dziwowali

Z Polskom sie jednak życie zmiyniyło
Stare ze nowym ździybko pobiyło
Wybudowali wielgachny port
Kto niy poskopioł niywiela wort.

[broneknotgeld]

Wiocha?

Godajom "za Niymca" Gdynia wiochom była
Po prowdzie to trocha we tym jest cygaństwa
Już wtedy z "kuracji" tyż przeca se żyła
Kwatery czimali tyż tukej "dlo państwa".

[broneknotgeld]

Jan Radtke 1872-1958

Z gburski rodziny Radtke pochodzioł
Tref w jego rynkach - łon niym niy wodzioł
Przed piyrszom wojnom chałpa postawioł
W kery niyjedyn letnik już bawioł

Dyć Polska tukej se zaklupała
Ze Gdyni łokno na świat mieć chciała
Po myśli było to tyż istnego
I jest zasługa w tym przeca jego

Wojtym ty gminy łon wtedy był
Niym do miejskości nabrała siył
Choć burgemajstrym jednak niy łostoł
Dyć przeca stołek vice tyż dostoł

Chcesz go łodwiedzić toż kerchof gdyński
Kerego zowiom tu "witomiński"
Poasić jego kwaterom może
Gyburstag Radtke mioł z miastym w porze.

[broneknotgeld]

"Srebrno Tabakiera Abrahama"

Nadowajom w Gdyni medal taki zocny
Miano wzioł Kaszuby co za Polskom szoł
Czy skuli tabako łon był we tym mocny?
Cosik mi sie zdowo że tyż "nosa mioł".

[broneknotgeld]

"Bazylika Morsko"

Łod miyndzywojnia tyn pomysł świtoł
Dyć se z "realym" tu niy prziwitoł
Tam kaj być miała stoji se krziż
Kamiynno Goro - co ło tym wiysz?

[broneknotgeld]

Piyrszy krziż na Kamiynny Gorze

We czidziestym piyrszym krziż stowiali tukej
Kaj miała być Gdyni "Morsko Bazylika"
Tego jednak wcale terozki niy szukej
Choć pod krziżym przeca możesz se porzykać.

[broneknotgeld]

[broneknotgeld]

Czeci Krziż

We sztyrdziestym piontym zaś Kamiynno Gora
Na krziż se dziwuje co łodbijo w chmurach
Stoł se lot czinoście aż kipnoł go wiater
"W złym czasie" jak pedzioł synkowi tu fater

Dyć nocom łod nowa w ziymia go wkopali
By w końcu komuna musiała go zwalić

[broneknotgeld]

Szworty Krziż

Czidziści lot chnetko krziża tu niy było
Jednak w nowy Polsce zaś ludzi to "wziyło"
Rok dziewiyńdziesionty - nowy krziż ze drzewa
Dziwuje se tymu yno gdyńsko mewa

[broneknotgeld]

Pionty Krziż

Stanoł w Wielki Piontek dziewiyńć rokow tymu
Ze ajzy jest teroz - metrow z sety ćwierć
Jak w czidziestym szwortym ćmok niygroźny jymu
Zowdy sie "łodrodzo" - niy wiy co to śmierć

[broneknotgeld]

Port wojynny

Ano zgarnyło Oksywie wojsko
Kaszubsko wieś sie jakby straciyła
Już tu niy było jak piyrwyj swojsko
Se marynarka Polsce marzyła

[broneknotgeld]

Piyrszo latarnio oksywsko

Toż mogła yno być "poniymiecko"
Stanyła jeszcze tu za Wilusia
Tego "piyrszego" - wiydz ło tym dziecko
Boś ty terozki jest tukej u sia

Jak Polska prziszła tyż sie przidała
Aż do poczontku łostatni wojny
Potym już światłym niy zamigała
Znak czasu taki - co niyspokojny

[broneknotgeld]

Na oksywskim cmyntorzu

Tu rybok ze gburym zowdy se spotykoł
Echt Polok z Kaszubom co wielki tyż przeca
Przi grobach wojokow tyż se bydziesz rzykoł
Kostucha jednako zabiyro do neca

[broneknotgeld]

Świynto Gora na Oksywiu

Piyrwyj na tym miejscu krziż nabożnie stoł
W opiece ofiary zarazy łon mioł
Dyć dzisioj go niy ma. Kaj ta gora świynto?
Kto terozki ło tym jeszcze durś pamiynto?

[broneknotgeld]

ksywsko kapliczka św. Rocha

Z moru za życio czynsto wyłazioł
Tyż inkszych kostusze niy doł
Ze wiarom na to zowdy sie ważoł
Niym w końcu ducha som wydoł

Toż przed zarazom Oksywie chroni
Tukej do niego rzykajom
I ta kapliczka zrobiyli łoni
Wiyncy nadzieji z niym majom

[broneknotgeld]

"Oksywsko" w tytule być miało
Dyć "O" sie kajś zapodziało.

[broneknotgeld]

Chylońsko gora

"Gora Krziżowo" to "Gora Świynto"
Tyż Mikołaja miano pamiynto

[broneknotgeld]

Cudowno gorka

Świynty Mikołoj wybroł ta gorka
Rzykosz do niego - tu cie wysucho
Niyjedna minie życiowo chmurka
Ze wiary wszysko kero niygucho

Bestoż kapliczka tukej stanyła
Z figurkom zocnom patrona tego
I była ponoć w niyj wielko siyła
Dyć niy sprowdzymy dzisioj już tego

[broneknotgeld]

Św. Mikołoj na Kaszubach

W pieczy rybokow mioł i pasterzy
Tako tu piyrwyj durś było
Wilki stond wygnoł - możecie wierzyć
Rybokom lżyj sie tyż żyło

Bo jak na morzu se zabłonkal
Do brzegu niy mogli dobić
Toż do patrona tego rzykali
-Ze wiarom szło tako zrobić

[broneknotgeld]

Śluby Kaszuby

Rybok se na morzu błonkoł
Strach - chocioż rzykoł to aże jonkoł
Świynty Mikołoj ślub słyszoł chopa
-Dom cera Bogu! Minie utropa?!

Do dom dopłynoł -co złe to za nim
I już świyntego ślubym niy mami
Toż pedzioł - Morze całuj mie w rzyć
A moja Klara w doma mo być!

[broneknotgeld]

Ze wiyrchu Kamiynny Gory

Ze wiyrchu jest piykny widok na zatoka
Hel tyż przeca dojrzysz niym doczekosz ćmoka
A potym dej pozor na tutejsze porki
Hehe - dyć przi tymu tyż zrobisz sie gorki.

[broneknotgeld]

"Obrońcom Wybrzeża 1939"

Dynkmal taki nosi ta Gora Kamiynno
Komuna krziż utła - dyć czuła sie winno
Bestoż to obrońcom tukej wystawiyła
By ta gorka cołkym tyż sago niy była.

[broneknotgeld]

Oksywie

Na Kympie Oksywski te Oksywie przeca
Choć wziyła je Gdynia do swojego neca
Bo ze szwongym wielkim tukej kedyś rosła
Przyndko do ty wioski kaszubski se doszła.

[broneknotgeld]

Parafio Oksywsko

Jednom ze nojstarszych na Pomorzu łona
Toż piyrwyj tyż Gdynia do niyj należała
Terozki niywielko - możesz se przekonać
Downiyj zaś daleko richtig rozciongała.

[broneknotgeld]

Gowa wołu

"Oxhoved" po duńsku "gowa wołu" znaczy
Se Kympa Oksywsko ze tym tyż łonaczy
Podobno jest przeca - tako mi sie zdowo
Chocioż swoji gowy za to bych niy dowoł.

[broneknotgeld]

Na Kympie Oksywski fest downymi laty
Duński princ se miyszkoł zocny i bogaty
Czy we tym jest prowda czy bojka ze tego?
Godajom że prziszoł do Wojtka świyntego
Chcioł by świynty sklejoł ze "londym" mu państwo
Wtedy z cołkym dworym przijmie krześcijaństwo

Dobiyła do brzegu "kympa" wielkim cudym
Bestoż princ se łokrzcioł z cołkim swojim ludym.

Po kaszubsku szkryfnoł to przeszło sto lot tymu Hieronim Jarosz Derdowski.

[broneknotgeld]

Oksywski kościoł

Parafio staro swoj kościoł miała
Dyć łon najazdu Szweda niy szczimoł
Nowy se pryndko pobudowała
Djoboł przi wojnie jednak niy drzymoł

W sztyrdziestym piontym Ruski właziyli
Świontynia cołko jeszcze tu była
Dlo szpasu w wieża z działa łupnyli
Skiż tego prawie se łobalyła

Kaszub przi Bogu jednak być musi
Rynce urobioł - dźwignoł łod nowa
Łon wiarom dycho a niy se dusi
Ze niom we gorze mo zowdy gowa.

[broneknotgeld]

SKM do prywatyzacji

Na bezrok to wszysko chcom sprywatyzować
Toż gorzy z tym bydzie czy jakoś "odnowa"?
No i czy zdrożejom wyraźnie bilety?
Byłaby utropa z tym jednak - niystety.

[broneknotgeld]

Co roku

Co roku jest żech we Gdyni
To sie już chyba niy zmiyni.

[broneknotgeld]

Gdynia - Seattle

Seattle - miasto siostrzane
Tako wspołpracy łoddane
Że Gdynia mo już łososie
Rybom niy śmierdzom we nosie
Bo w słonku miyni sie spiż
Dziwej se na nie - toż wiysz.

[broneknotgeld]

Eliminacje Gdynia - Orłowo 31.VI.05

Lubisz bursztyn zbiyrać toż ciś do Orłowa
Zawody zaliczysz mosz szansa na mistrza
Dyć to we Jantarze - wiy już twoja gowa
W eliminacyjach wykozać se tyż trza.

[broneknotgeld]

Piyrszy herb Gdyni (1942)

Ano za Niymca tako se stało
Toż łodź wikingow w herbie niymało
Była ze żaglym i gowom smoka
Tło cołkym modre a niy ze ćmoka.

[broneknotgeld]

Herbowe ryby

Mo na tym mieczu Gdynia dwa dorsze?
Zdo mi sie ryby to jakeś gorsze
Bo łostre przeca widać zymbiska
Idzie wystrachać se jejich pyska.

[broneknotgeld]

Czerwone tło

W herbie łod Gdyni czerwone tło
Jako robotnik swo fana mo.

[naata]

Ja tam rozumiem Bronka i podziwiam, podziwiam! ;-)

[broneknotgeld]

Niy trza "podziwiać" - uno rym suć
forum.gazeta.pl/forum/72,2.html?f=261&w=8160848&v=2&s=0
Ze tym ciekawszo nawet jest chuć.

[naata]

he he he ..
Jurne Karliki w ty Rudzie Ślonskiej
nie do mu ślubno to Fraszke mynczy ;-)))

he he he Pozdrawiam

[broneknotgeld]

Przi sexie idzie "szczytować" rymym
We Rudzie dobrze ło tym my wiymy.

[broneknotgeld]

"Gdina, ad Gdinam" 1253

Biskup Molimir wspomnioł ło Gdyni
Tako szkryfniono - mo lot niy myni.

[broneknotgeld]

Gdynia 1362

Cosik ło lokacji ty wioski szkryfnyli
Niy na "pniu surowym" dyć tu piyrwyj żyli
Z tym rokym jom czimion pany z Rusocina
We prawie to jejich rycersko dziedzina.

[broneknotgeld]

Chylonka

Ze Świynty Gory ponoć wypływo
Toż se łostała i to niy dziwo
Chyloński Potok kajsik ukryty
Gdyński tyż stracioł se downo przi tym
Dyć ta Chylonka ciyngym widzymy
Czy jyj jak piyrwyj jednak pszajymy?
.

[broneknotgeld]

Kacza

Toż jo wcale niy łonacza
W gdyni potok zwany Kacza
Tako Kaczy tu Dolina
I Warszawy niy łomina
Była piyrwyj - dyć Drewniano
Czy cwilingrom tyż łoddano?

[broneknotgeld]

Ze Bojana

Ze wsi Bojano ta Kacza płynie
Tako i Gdyni już niy łominie
Podobnoś piyrwyj fest wylywała
Regulowano teroz bezmała.

[broneknotgeld]

Kaj molo

Kaj molo w Orłowie
Kacza wody wlywo
Do Zatoki Gdański
Tako już z niom bywo.

[broneknotgeld]

1926-2006 Gdynia

Łoziymdziesiont rokow miasta
Zocny wypiyk z tego ciasta.

[broneknotgeld]

Ferdynand Lepcke

W Coburgu se rodzioł - w Berlinie sztudiowoł
Bydgoszczy tyż łod sia cosik karlus dowoł
"Łuczniczka" tu przeca zawdziynczajom chopu
A jakby tak wrocić do jego "Potopu".

[broneknotgeld]

"Potop" - 1904

Sto lot tymu Bromberg fontannom sie asioł
Trza jom łodbudować - jo niy byda gasioł
To Bydgoszczy rana ze ty drugi wojny
Idzie to naprawić jak czas jest spokojny.

[broneknotgeld]

"Bolesław"

Za Kołobrzegym niybieskim szlakym
Wlyź w las pomorski miyndzy buczyna
Nojstarszy domb tu przirody znakym
Ajchlami suje niym przidzie zima

Łoziymset lot już ponoć łon liczy
Miano Chrobrego wzioł Bolesława
Z niym se biskupstwo tutejsze liczy
Tysionc lot z hokym zocno to sprawa.

[broneknotgeld]

"Warcisław"

Inkszy domb szlaku ciyngym modrego
Tyż ło Pomorzu szumi kolego
W czinostym wieku Warcisław Czeci
Pedzioł -"Niych tukej piyknie sie kleci"
Doł prawa miejskie Kołobrzegowi
Ło tym niy yno fraszka ci powiy.

[broneknotgeld]

W Kołobrzegu

Godajom - latoś tam cosik tonio
Yno ta woda jak downiyj słono
Lipiec turystow ździybko wystraszoł
I tako cyny jakby "wygasioł".

[broneknotgeld]

Starowka

Hehe - po prowdzie łona jest modo
Dyc przeca piykno - kożdy to godo
Bozia uchronioł szczyńściym lod blokow
Choć ich kusiyło do tego kroku.

[broneknotgeld]

"Cafe Padre"

Ponoć ta kawiarnio w Kołobrzegu modno
Żech niy wloz toż niy wiym czy richtig jest godno.

[broneknotgeld]

Latarnio morsko

Chcesz połoglondać miasto z wysoka
Dyć przeca wcale niy musisz skokać
Wlyź na latarnio i se podziwej
Widoki mosz tu przeca godziwe.

[broneknotgeld]

Kolberg

Niymce do Kolbergu czynsto zoglondajom
Swojich śladow jakby durś tukej szukajom.

[broneknotgeld]

W katedrze

Co w katedrze kołobrzeski zochwycić cie może?
Pewno to że sztyry metry majom tu lichtorze
Dyć i ołtorz cocny przeca "Łostatni Wieczerzy"
Werci se wom tu zoglondnońć - możecie mi wierzyć.

[broneknotgeld]

Baszta Prochowo

Stare mury łobronne tyż tu jeszcze widać
Szkryflom bo to tyż sie komuś może przidać
Dyć Baszta Prochowo z piytnostego wieku
Zocnym jest zobytkym - pamiyntej czowieku.

[broneknotgeld]

Ratusz

Ratusz kołobrzeski - ano neogotyk
Wiek swoj mo już przeca - to niy som gupoty
Jakbych tela dożoł richtig byłbych rod
Sto i siedymdziesiont z okładym mo lot.

[broneknotgeld]

Fort Ujście

Tukej latarnio se stoji
Skiż tego myni tyż boji.

[broneknotgeld]

Umocniynia

Forty reduty i szańce
Toż richtig były tu "tańce".

[broneknotgeld]

Fort Wilczy

Amfityjater z niego zrobiyli
Czy przi miesionczku tu czasym wyli?

[broneknotgeld]

Uzdrowisko

Zocnym uzdrowiskym przeca tyn Kołobrzeg
Se gardło i pluca tukej wykurujesz
Na inksze utropy tyż łon robi dobrze
Nim wyjedziesz zowdy lepi sie poczujesz.

[broneknotgeld]

750-lecie miasta Kołobrzeg

Czi ćwierci z tysionca mo już miejskich lot
Bestoż cosik szkryfna boch ze tego rod
A że ślonskom fraszkom ciyngym grzysza wiela
Toż niom ubogaca kołobrzesko sztela.

[broneknotgeld]

W IX wieku

W dziewiontym wieku grod tu Pomorza
Kery mioł richtig blisko do morza
Toż kilometrow yno te sztyry
Drapko kożdego poniosły gyry
Przi samym brzegu gorzy by było
Bo łod Wikingow tu sie rojyło.

[broneknotgeld]

Port grodu

Był łon tukej nad Parsyntom
Choć jo tego niy pamiyntom
Przi zatoczce na jyj wodach
W downych czasach kerych szkoda.

[broneknotgeld]

W X wieku

Dwa podgrodzia rosnom tukej
Jedne łod połednia szukej
Druge stoji łod połnocy
Som grod bardzi teroz w zocy.

[broneknotgeld]

"Salsa Cholbergiensis"

Warzelnie soli - z niych siyła grodu
Kery urosnoł tu niy skiż jodu
Do niego przeca wiod solny szlak
I Thietmar szkryfnoł coś ło niym tak.

[broneknotgeld]

Kołobrzeg 1000

Toż był Kołobrzeg w rynkach Chrobrego
Biskupstwo teroz - czy kaprys jego?
Bolek na wielke sprawy se ważoł
Niy wszysko wyszło ło czym fest marzoł.
-

[broneknotgeld]

Biskup Reinberg

Ze woli Bolka biskupstwo wzioł
Dziesiyńć lot ziymia pomorsko krzcioł
W końcu go władca na Rusyprawioł
By z jego cerom u ziyńcia bawioł
Tam we hereszcie doczkoł łon śmierci
I ze biskupstwym cołkym był fertig.

[broneknotgeld]

W XI wieku

Łosłabły pryndko tu Polan rynce
Kołobrzeg ze tym już niy we mynce
Siedzibom ksiyńcia jest pomorskiego
Choć historyjo zatarła jego.

[broneknotgeld]

Barlinek

Barlinek mioł być "Berlinkym" zwany
Dyć to niy klapło - jak świyże rany
Spolszczyć - za mało. Zmiynić trza było
By co niymiecke bardzi se skryło.

[broneknotgeld]

Pałacyk Cebulowy

Sto lot ta willa piykno tu stoji
Dwie wieże po jeji bokach
We "cebulowe hełmy" se stroji
Z zochwytu idzie aż skokać.

[broneknotgeld]

Nad jeziorym

Barlinecke wody - zoglondnij na plaża
Tu "lata dwudzieste" jakby przed łoczami
Chodza po pomostach i tako se marza
"Werciyło być tukej tyż przebiyralniami".

[broneknotgeld]

"Gyńsiorka"

Na rynku "Gyńsiorka" stoji
Niby sie gyńsiora boji
Coś legynda godo ło tym
Se to szkryfna jednak potym

Dzisioj to jest symbol miasta
Bez niyj biydne - no i basta
Szczyńściym że sie tu łostała
Lot już przeca sto - bezmała

Dyć przed piyrszom wojnom jeszcze
Se stanyła we tym mieście
Barlinczykow dwoch jom fundło
Ackermana dzieło wciongło

Czym Barlinek bez "Gyńsiorki"?
Szło zapytać by sie storki
Toż niy yno - tyż tych modych
Przeca z niom wiyncy urody.

[broneknotgeld]

Elias Meisner

Łon tyn Barlinek w świecie rozsławioł
Toż jego papior to przeca sprawioł
Chcioł szkryflać na niym niyjedyn dwor
Słoł Eliasowi talarkow wor.

[broneknotgeld]

"Staro papiyrnia"

We łoziymnostym wieku już była
Piykny czerpany papior robiyła
Kery krol Szwecji ponoć używoł
Że ze Barlinka - tymu sie dziwoł

Z czasym papiyrnio jednak zamknyli
Na młyn zbożowy to przerobiyli
Wiek przeszło cały monka durś mloli
Ło jeji sorta nic sie niy boli

Dyć nastoł koniec - mieli sumiynie
Ciepnońć to wszysko na zatracynie?
Szczyńściym niy doszło jednak do tego
Zobytek blyszczy - wierz mi kolego.

[broneknotgeld]

"Drzewko Sławy"

W muzeum miejskim te drzewko stoji
Liść tu powiesić niy kożdy może
Łone "sławami" przeca sie stroji
Kere we zocy miywo Pomorze.

[broneknotgeld]

"Chiński Dom"

Kaj kedyś była ta Furta Wodno
Chałpa ciekawo stanyła
Tyż tego miasta jest przeca godno
Historii jakby w niyj siyła

Miyszkoł tu kedyś zocny pigulorz
Co w Chinach uczoł sie fachu
Barlinku - ty mie chyba niy fulosz
- Znoł medykamynt łod strachu?

[broneknotgeld]

Legynda ło gyńsiorce

Podobno gyńsi retły roz Rzym
Jo ło tych ptokach coś wiyncy wiym
Miasto Barlinek w zocy je mo
I niy godejcie że mi sie zdo

Łonki tutejsze to gyńsi raj
Pasła je frela co była naj
Zowiść niyszczyńściym - kożdy to wiy
Pedzieli - "Dziołcha czar ciepie zły"

Dyć szykowali już wielki stos
Kat se do celi ze rana wloz
A łona rzyko - "Niebo - Ty broń"
"Łogyń łodymie daleko goń"

Wyszła na rynek i ptokow klucz
Nadlecioł - Tako Bog pedzioł - "Pódź"
Zabrały dziywa ze sobom w dol
Yno karlusom było jyj żol.

[broneknotgeld]

Emanuel Lasker (1868-1941)

Toż tyn filozof i matymatyk
Sercym szachista był wielki
Zowdy łobronioł łon sie przed matym
Knif na to richtig mioł wielki

Dyć niy dziwota - arcymistrz świata
Przez lot dwadziścia i siedym
Aż po dwudzieste ciekawe lata
Łon na świyczniku był jedyn

Dzisioj w Barlinku na chałpie fatra
Jest ło niym piykno tabula
Jo tyż w pamiyńci sie go niy zatra
Wort miana jest - "Szachow Krola".

[naata]

forum.gazeta.pl/forum/72,2.html?f=59&w=14038356
Popieram Bronka, GW zyska sympatię nie tylko Śląska,( podniesiesz jej
czytelność hehehe) krzewienie kultury ludowej,
"małych ojczyzn", szczególnie teraz po wstapieniu do Unijnego molocha jest
nawet wskazane. Przecież chodzi o to by nie zapomniec swoich korzeni.
Powodzenia, Bronku, w realizacji dobrej roboty!

Pozdrawiam

[broneknotgeld]

Dziynki

Mogło by ze tym być richtig piyknie
Trza "bić" se ło to! Czy nerwow styknie?

[broneknotgeld]

FAMA

W Świnoujściu teroz FAMA
Zło pogoda tyż niy dramat.

[broneknotgeld]

Wester Piknik Country - 18.VII.04

We Świnoujściy "kowboje" grajom
Tyż wczasowicze uciecha majom
A że pogoda nijako latoś
Możno tyn piknik zabawi jakoś.

[broneknotgeld]

A miano jego "sztyrdziści sztyry"

Mo Świnoujście tych wysp aż tela
Choć możno zdziwi cie to tyż wiela.

[broneknotgeld]

Forty

We Świnoujściu bliknij na forty
Przeca tyn widok wiela jest worty
Stojom tam z wieku dziewiytnostego
I ciynżko znolyźć tyż zocniejszego
Niż tyn co miano Gerharda nosi
Idź na te forty - niy dej se prosić.

[broneknotgeld]

Komyndant Fortu Gerharda

We pikelhaubie znojdziesz go tukej
Dyć piyrwyj forsy na to po poszukej.

[broneknotgeld]

Krasibor

Co nyńci wiela we Krasiborze?
Ryby! Toż dowo je tukej morze.

[broneknotgeld]

Latarnio

Toż nojwiynkszo latarnio w Europie
Czi setki schodkow - zmynczysz sie chopie
Jednak podreptać werci sie w gora
Dyć chciało by sie mieć potym piora
Bele we krzidłach by były łone
No bo inaczy twoj skok to koniec.

[broneknotgeld]

Latarnio

Toż nojwiynkszo latarnio w Europie
Czi setki schodkow - zmynczysz sie chopie
Jednak podreptać werci sie w gora
Dyć chciało by sie mieć potym piora
Bele we krzidłach by były łone
No bo inaczy twoj skok to koniec.

[broneknotgeld]

Wiatraczek

Bioły wiatraczek na falochronie
Tu przidź jak słonko chce godać - koniec.

[broneknotgeld]

Uzdrowisko

Możesz pobabrać sie w borowine
Kompiel z solanki tyż cie niy minie
I chocioż "stracisz" tukej swoj grosz
Przeca na zdrowie chyntnie go dosz.

[broneknotgeld]

Golf

W golfa se idzie zagrać tyż tukej
Pol pora znojdziesz yno poszukej.

[naata]

Bronku, wybacz moje pytanie nie na temat, ale, jak Ty to robisz?? Czy to jest
możliwe byś ot tak z rękawa na kążdą okazje, o każdym czasie wierszem/fraszką
sypnął i to w ilościach zaskakujących? ;) Zdolny jesteś Pieronie ;-))
Pozdrawiam

[broneknotgeld]

Hehe.
Widzisz, jo niy mom auta. W autobusach codziynnie spyndzom prawie dwie
godzinki. No toż niy dość że przeglondna se dwie gazety, to jeszcze naszkryflom
na nich poranoście fraszek. Do tego dońdzie pora już tak łod rynki przi
komputerze i "ślonsko norma" wyrobiono.

[naata]

he he Dobry jesteś!
Pierwszy dla mnie przypadek, że brak auta pomaga i rozwija.
Chociaz, kiedyś, dawno temu, właśnie w środkach masowej komunikacji przejazd
bez książki, był przejazdem straconym ;-)
Ja, ale mimo wszystko "ta ślonsko norma" wymaga Talyntu, a tego w autobusie nie
znajdzie! ;-))

[broneknotgeld]

Talynt - jednostka łobrachunkowo
Prawie jak notgeld - to mi sie zdowo.

[broneknotgeld]

"Wiatraczek"

Skiż nawigacji stary tyn znak
Se przistrojyli fikuśnie tak.

[broneknotgeld]

Farmy wiatrowe

Już se wiatrakoma napaśli ździybeczko
Ponoć wiyncy niy chcom ani nawet deczko
Tako ty godajom beamtry we gminie
A jak szumi wiater w ty morski dziedzinie?

[broneknotgeld]

Zamek

Princ pomorski se zamek tu zocny postawioł
Pewnikym niy po to by turystow bawioł.
-
forum.gazeta.pl/forum/71,1.html?f=261

[naata]

Może Princ turystów nie bawi ;-) ale Bronek okrasza nasze forum, na pewno!
Witam Bronka, po długiej nieobecności ;-)

[broneknotgeld]

Hehe - sie ciesza
że tako "grzesza".

[broneknotgeld]

Miyndzynarodowy Zlot Historycznych Pojazdow Wojskowych w Darłowie
"Operacjo Bałtyk"

Tanki i te "skoty" motory wojskowe
Im starsze tym bardzi sie nimi tu aszom
Na zlot je ściongajom bo taki fjoł w gowie
Pszajom tym starociom dyć wojnom niy straszom.

[broneknotgeld]

Dynkmal z rybokym

Dynkmalym z rybokym asi se Darłowo
Richtig yno łone? Czy mi sie to zdowo?

[broneknotgeld]

Herb

Lew na rybie - to ci gratka
Jako we tym jest zagadka?
Możno w Kocie Wazow znak?
Łon Bałtyk traktyje tak?

[broneknotgeld]

Muzeum Rybołowstwa

Muzeum take na Helu szukej
Kaj piyrwyj kościoł tam teroz klupej
Nałdki dziwej tyż zabytkowe
Siedymset lot już pływoł tu czowiek.

[broneknotgeld]

Lew z Łososiym

Lew łososia chycioł - to mi niy sztimuje
Dyć Gdańsk se Krziżokom przeca tyż buntowoł
Bestoż krol Szwecyji z flotom Puck zajmuje
Czy richtig pod zastaw tyn port łon dostowoł?

[broneknotgeld]

Prastary Puck

Archeolog godo - Tyn Puck jest leciwy
Soldy bizantyjske przeca tukej znodli
Ze szostego wieku - toż naprowdy dziwy
Tako w historyjo głymboko aż bodli

[broneknotgeld]

Pucki łodpust

Toż tukej ryboki z cołki okolicy
Nojpiyrw se zbiyrajom we porcie w Kuźnicy
By razym do Pucka zatokom przepłynońć
Łodpustu puckego niy mogom łominońć

Dopłynom do brzegu - idom z procesyjom
Do "Pyjtra i Pawła" ci co z morza żyjom
Za ty "stary piyrwy" tako to bywało
Łod ćwierć wieku jednak na powrot nastało

[broneknotgeld]

"Zopucko"

Tako Kaszuby zwom Kympa Pucko
Dlo nich to zowdy było Zopucko

[broneknotgeld]

Ziymia Pucko

Downiyj ta Ziymia epniejszo była
Dyć sie ze czasym jakoś kurczyła
Choć Puck ze tego możno niy rod
Tako jak dzisioj fufcig już lot

[broneknotgeld]

7 gmin

Siedym gmin puckich dyć dzisioj mocie
Se na Pomorzu wszyske poznocie
Piykne to przeca wybrzeżo strony
Trza rymym ślonskim sypnońć na łonych

[broneknotgeld]

Szczyńśliwo siodymka

Hel Jastarnia Kosakowo
Krokowa Władysławowo
Miasto Puck i tako "wioska"
Szczyńścio znojdziesz tu niytroszka

[broneknotgeld]

Gisdepka

Łod połednia Gisdepka Zopucko łoblywo
Jyj piykny dolince niyjedyn se dziwo

[broneknotgeld]

Puszcza Darzlubsko

Łod zachodu mosz Puszczy Darzlubski tu konski
Kedyś bor wielgachny dzisioj jakiś "wonski"

[broneknotgeld]

Wielke Morze

Nad "Wielkim Morzym" dziedzina leży
Sami to wiycie - niy czeba wierzyć

[broneknotgeld]

Małe Morze

Nikierzy zatokom łod Pucka je zwom
Dyć jo se we gowie "Małe Morze" mom

[broneknotgeld]

Fufcig rokow (1954-2004)

Rowno fufcig rokow Ziymia Pucko tako
Siedym gmin se dzisioj na dziedzina skłodo
Piyrwyj wiynkszo była dyć to już jednako
Ważne że tu Kaszub po swojymu godo.

Hel

[broneknotgeld]

W helski latarni

Richtog morza widać wiela
I "łogonek" - tako sztela.

[broneknotgeld]

Słony Bałtyk

Ponboczek śledzie w morzu se moczy
Tako cie Bałtyk szczypie we łoczy.

[broneknotgeld]

Na Hel

Na Hel z deskom i żagelkym
Przi wiaterku choć niywielkim
Tu dlo windsurferow raj
Prawiom co te morze - naj!

[broneknotgeld]

"Krowi łogon"

Tako tyż ło Helu ryboki tu prawiom
Dyć dojyniym "krowy" sie jednak niy bawiom.

[broneknotgeld]

Koniec czy poczontek?

Czy sie Polska Helym zaczyno - czy kończy?
-Wiym co "krowi łogon" ze resztom se łonczy.

[broneknotgeld]

Hazardzistom

Bałtyk hazardzistom służy
Trza mieć szczyńście by se użyć.

-
forum.gazeta.pl/forum/71,1.html?f=28940

[broneknotgeld]

"Maszoperia" w helu

Kotwic wiela sieci tako
W "Maszoperii" niy jednako
Dyć tu richtig dobrze zjysz
Po kaszubsku - przeca wiysz.

[broneknotgeld]

Kaszubsko prażnica

Smażonka na alu
Zdo sie żeś na balu
Aż chce sie tańcować
I frelkom coś dować.

[broneknotgeld]

Kaszubsko rybonka

Zupa rybno ze kloskami
Czy smakuje? -Wiycie sami.

[broneknotgeld]

"Bantczi"

Suszono na słonku - grillym dopieczono
Takom flondrom zdo sie dusza napasiono.

[broneknotgeld]

"Ksyne z pulkami"

Kartofle w mundurkach i flaki ze ala
Krucafuks - cos zaroz przi tymu łobala.

[broneknotgeld]

"Kaptain Morgan"

Po piracku zjysz popijesz
Z bekom piwa wiysz że żyjesz.

[broneknotgeld]

"Stary Hel"

W downych wiekach miasto bogate tu było
Dyć sie im we grodzie coś za dobrze żyło
Tako rozpuściyli se richtig miyszczanie
We gowach już yno ciyngym używanie

Toż morze ich srogo za to pokorało
W jedna noc "Hel Stary" se do sia zabrało
Setki rokow przeszły - zapomnieć niy idzie
Przi Zielonych Świontkach wspomnisz ło ty biydzie

Miasto sie we morzu wtedy ukazuje
Dyć borokym rybok kery zanurkuje
Widokym skuszony ty mokry dziedziny
Ponoć już na zowdy łostanie tam driny.

Jurata

[broneknotgeld]

Hotel "Bryza"

Choćbych w robocie przestowoł drzistać
Na hotel "Bryza" tako mie niy stać.

[broneknotgeld]

Jurata 1928

Warszawioki letnisko se tu założyli
Toż som i do dzisioj jako wtedy byli.

[broneknotgeld]

Molo

Molym wyńdziesz na zatoka
-Toż Jurata niy boroka
Przidzie ci sie niom zochwycić
Możno fraszka tyż uklycić.

Jastarnia

[broneknotgeld]

"Róża Wiatrów"

We "Róży Wiatrów" rybok to prawioł
Co piyrwuyj richtig czyńści tu bawioł
Dyć z kozdym piwym razym wypitym
Mi sie zdowało jakbych był przi tym.

[broneknotgeld]

Ośrodek "Draga"

W dwa dni nauczom tu cie surfować
Choć trocha grosza bydzie kosztować
Jak niy spokopisz to ciynżko sprawa
Profit w tym yno coś mioł zabawa.

[broneknotgeld]

"Muzeum pod strzechom"

Co morze wyciepło z potopionych statkow
Tukej ci pokożom we wielkim dostatku.

Chałupy

[broneknotgeld]

Chałupy

Choć naturysty je rozsławiyli
Sie z Chałupami surfery zżyli.

Kuźnica

[broneknotgeld]

Kuźnica

ponoć wyspom kedyś była
Z jednom chatkow w kery żyła
Richtig gryfno kuźniczanka
Toż rozrosła sie skiż wianka.

[broneknotgeld]

Piwo z Osłonina

Downiyj tyn majontek skiż biyra tyż znali
Lepsze łod angelskich - tym se dziwowali
Dyć Anglik dwor czimoł - zwali go Gibsone
Toż "słońce ze chmielu" było tu warzone

[broneknotgeld]

Rzucewo Wejherow

Ernest Wejher kupioł - Jan erbnoł po fatrze
Zamek i aleja lipowo skiż niego
Historyjo przeca tego już niy zatrze
Majontek ze klucza był wejherowskiego

Zaś Jakub z Wejherow - pan na swojim grodzie
Se łod Radziwiłłow wzioł za ślubno frela
Toż po śmierci jego Rzucewo we rodzie
Tym litewskim było chocioż małowiela.

[broneknotgeld]

Aleja Lipowo

Z Osłonina do Rzucewa przyńdziesz se alejom
Lipy chnetko lot sztyrysta do ludzi sie śmiejom
Prowda co to nojgryfniejszo tukej drzew jest droga
W cołki Polsce - to tyż szczyrze tukej szkryfnońć moga.

[broneknotgeld]

Rzucewo Sobieskich

Se Michał Radziwiłł z Sobieskom łożynioł
Łona zaś bratowi te Rzucewo dała
Zamek sie krolewskom jakby dongom miynioł
Bo przi Janie III Polska zablyszczała

[broneknotgeld]

W dobrach Przebendowskich

Łod Sobieskich je kupioł Pyjter Przebendowski
Toż zamek już stary - mioł z niym ździybko troski

[broneknotgeld]

Rzucewsko aleja

Marysiyńka Sobiesko czista lip sadziyła?
Niy ma sie co wadzić - prowda inkszo była

[broneknotgeld]

Redeneckerowie

W Gdańsku na piwie zbiyli majontek
Choć niy był we tym jakiś wyjontek
Tyż skuli tego - tako se zdowo
Pryndko kupiyli tyn dwor Celbowo.

[broneknotgeld]

Wyży miało być Celbowo
Mały feler - mi sie zdowo.

[broneknotgeld]

Cmyntorz w Celbowie

Po Redeneckerach tyn cmyntorz se łostoł
Widać że po wojnie wciyry jakby dostoł
Taki historyjo palec położyła
Wszysko skuli wojny kero jednak - była.

[broneknotgeld]

Wele starego buka

Stoji stoł z kamiynia wele tego buka
Historyji jego kaj dzisioj nom szukać?
Czy tukej żniwiorze se łodpoczywali?
Czy syńdzie wyroki na ludzi dowali?
A możno łon czasy pogańske pamiynto?
Dyć mogła ta ziymia tyż dlo nich być świynto

[broneknotgeld]

W Smolnie

Zoglondnońć se werci na chałpa Ellwartów
Łoziymnosty wiek to szkryfna niy dlo żartu.

[broneknotgeld]

Ciyngym mi uciyko ta - zmiana tymatu
Cosik te szkryflanie dzisioj "do wiwatu".

[broneknotgeld]

W Smolnie

Zoglondnońć se werci na chałpa Ellwartów
Łoziymnosty wiek to szkryfna niy dlo żartu.

[broneknotgeld]

W starym młynie

Zaś zboże tu mlejom jako sto lot tymu
Toż ze tego młyna techniki zobytek
Werci se tyż szkryfnońć ło tym coś do rymu
Bo i turystykom żyje tyn przibytek.

[broneknotgeld]

Darowizna 1270

W Eufrozyny rynkach kedyś Smolno była
Ślubny Świyntopełka - ksiyńcia pomorskiego
Cysterom je dała - trocha ich tu żyło
-Na chwała żywota jeji doczesnego.

[broneknotgeld]

Stary Młyn

Młyn na Gisdepce łod von Belowa
Jakby pod ziymia chcioł se już schować
A przeca piyrwyj ciyngym mloł zboże
Co ze niym bydzie? -Przidać se może.

[broneknotgeld]

Pałac w Sławutówku

Von Belowy tyn pałac za Niymca czimali
Zocnościom niywiela inkszym ustympowoł
Nojczyńści w niym jednak yno zimowali
Ponoć wiyncy ciepła familiji dowoł.

[broneknotgeld]

Grob von Belowow

W Sławutówku znojdziesz - krziżym cie powito
Gustel ze Henriettom leżom w niym spokojnie
Dziedzice majontku - jakby sie ktoś pytoł
Bo może niy wiedzieć tela lot po wojnie.

[broneknotgeld]

Gustaw von Below (1855-1940)

Toż na bezrok bydzie sto piyńdziesiont lot
Jak muter rodziyła a fater był rod
We młodości wiela karlus sztudiyrowoł
Potym w dyplomacji pruski "arbajtowoł"

Ambasadorowoł przeca we Lizbonie
Tako samo w Sofii choć na tym niy koniec
Przeca w Watykanie potym dali służoł
Niym pomarł to jeszcze coś von Below użoł.

[chetor]

Bronku, jesteś nieoceniony. Ja to czytam, ale nie ospisuję, sorry. Od tego jest
Naata, która podobno wkrótce wróci na forum.
Pozdrawiam

[broneknotgeld]

Przeca to szkryflom by tyż czytali
I niychej tako se leci dali.

[broneknotgeld]

Henrietta von Below

Możny rod Quistorp doł nom ta frela
Gustaw von Below przed ołtorz prosioł
Szczyńścio z tym było w "Zopucku" wiela
Na rynkach ślubno ponoć łon nosioł

Henrietta chopu swojymu pszoła
Ze niym we świecie tyż "brylowała"
Wpiyrw Gustla świynty Pyjter chcioł wołać
Toż w Sławutówku go pochowała

Ponboczek wojna zezwoloł przeżyć
Ze Ruska rynki jednak zginyła
We tańcu - tymu możecie wierzyć
Przeca "harmoszkom" pepecha była.

[broneknotgeld]

Pałac w Rekowie

Niyherski dzisioj tyn pałac tukej
Piyrwyj z niym tako niy było
Na przedwojynno kartka pokukej
Blyszczoł w Rekowie aż miło.

[broneknotgeld]

Paweł Mencke

Mencke gospodarzoł w majontku Rekowo
Daleko stond szukej lepszego
Rechtorym w tym jakby - to mi sie niy zdowo
Von Krockow szkolorzym u niego.

[broneknotgeld]

Źrodełko

We lesie wele Rekowa
Już widać Gisdepki gowa.

Mechowo

[broneknotgeld]

Mechowo

Wjedziesz do Mechowyj przez Puszcza Darżlubsko
Zodziwi cie richtig ta wioska kaszubsko
Dyć pewno prziciongnie do tutejszy groty
Inksze atrakcyje łostanom na potym.

[broneknotgeld]

We środku wioski

We środku wioski rezerwat mały
Łostoł "zabytek" polodowcowy
Szczyńściym go chroniom - bestoż durś cały
Toż dejcie pozor teroz na gowy

Z czidziści metrow grota głymboko
Som stalagtyty i stalagmity
Łoko ciekawe po nich se skoko
Możno legyndy wspomnisz tyż przi tym

Toż we Mechowyj - piyrwyj prawiyli
Klasztor stoł w kerym braciszki "zocne"
Stond se tunelym zowdy kludziyli
Aż do Żarnowca w godziny nocne

Benedyktynki sztela tam miały
A że bez chopow richtig se ckniyło
Zowdy cystersow uradowały
-Yno w legyńdzie dyć tako było.

[broneknotgeld]

Mechowo 1300

Radosław z darżlubia sprzedoł wtedy wieś
Teroz przi cystersach ze Oliwy jest
Nic ło tym niy wiymy jake piyrwyj dzieje
Czy wylazła tako ze darżlubski knieje?

[parkowy]

Bronek jak zwykle niezmordowany.:))

[broneknotgeld]

Dyć zaproszom na rajza po Kaszubach
forum.gazeta.pl/forum/72,2.html?f=28940&w=25004645

[broneknotgeld]

Parafijo w Mechowej

Zdo sie że tyz mo siedymset lot
Z czego tutejszy farorz jest rod
Idzie se asić tom historyjom
Czcić tako istnych co już niy żyjom.

[broneknotgeld]

Szczuka i tunel

W jeziorze Dobrym szczuka złowiyli
Wielgo i staro ta ryba
Toż jom wypyścić se uradziyli
Ktoś serce dobre mioł chyba

Jednak na łogon ring jymu zapli
Tako pamiontka łod ludzi
By jak go inksi tyż kedyś łapli
Mog we nich litość łobudzić

Lata minyły i to sie stało
W Żarnowcu ryba złowiyli
Spokopić tego coś se niy chciało
Dyć łoczom swojim wierzyli

Stond tyż legynda jest ło tunelu
Co łonczy dwa te jeziora
Klacho se ło tym łod downa wielu
Sprowdzić to dzisioj - niy pora.

[broneknotgeld]

Mechowo 1583

Kościoł gore - toż fojera
Co z parafiom bydzie teraz?
Ta świontynio z drzewa cołkym
Dym oszoł łostatnim kołkym.

[broneknotgeld]

Drugo i czecio świontynia

Drugo świontynia z muru pruskego
Doszła do wieku łoziymnostego
Dyć czecio dźwignoł oliwski opat
Rybiński zwoł sie - pamiyntać chopa!

[broneknotgeld]

Ścieżka rowerowo

Z Chałup do Juraty przejedziesz na kole
Dyć ścieżka pociongnom do Władysławowa
Zic cie niy umynczy - rowno jak na stole
Burgemajster Drzeżdżon dowo za to gowa.

[broneknotgeld]

27.08.2005 Władysławowo

"Żegnej Lato" - festyn taki
Zowdy jakby łon jednaki
Niy rozpieszczo nasze morze
Przeca lato durś na dworze.

[broneknotgeld]

"Jazz z piwkym"

Do "Irisch Pubu" w szwortki na piwo
Z jazzu niy yno gowa sie kiwo.

[broneknotgeld]

"Na świyntego Marcina"

"Na świyntego Marcina
nojlepszo gyńsina"

Pewno pamiyntocie te przisłowie stare
Toż we Dębogórzu łone ciyngym jare
Ze siedym tysiyncy gyńsi tukej żyje
Dyć jednak niydugo - zimom se je zbije

[broneknotgeld]

"Łobana" - okrasa

Posiekano gyńsina dobro i surowo
Z cebulkom i jajkym wcinajom jom zdrowo
Dyć jo jednak wola uważono w zupie
Choć Kaszub roz pedzioł że mom smaki gupie.

[broneknotgeld]

Czernina

Hehe - jak to piyknie czernina se wcinać
Dyć jak gyńś krwawiyła lepi niy wspominać.

[broneknotgeld]

Gyńś

Za sztyrdziści złotych zabito trza kupić
By se jom we doma potym piyknie upiyc.

[broneknotgeld]

Na pikniku

Na "Pikniku we gyńśniku fest zafajrowali
Kac ich jednak niy umynczoł - gyńsina wcinali.

[naata]

ŁOj Bronuś! ;-)))
Zapodałeś tymat wielce smakowity
Dobrze upieczona gąska
chlubą każdej gospodarnej kobity.
Gdzie te czasy, kiej baby
na jarmarkach gąski sprzedawały.
Terozki sie ino mrożonki w marketach łostały...
Pozdo dla Bronka

[broneknotgeld]

W bytowskim zamku

W bytowskim zamku kawki panujom
We ptokach dusze mnichow-rycerzy
Bestoż se dobrze łone tu czujom
Kto je uwidzioł może uwierzyć

Bytow se stowo "miastym kawkowym"
Wiyncyj ich tukej ponoć niż ludzi
Niyjedyn możno dzisioj tyż powiy
- Duch downych czasow tako se budzi

[broneknotgeld]

1285

Miasto Lymbork wyrosło z tutejszy osady
Łone Białogardzie pryndko dało rady
Do dzisioj se asi swojom historyjom
Ciyngym zocne ludzie we tych murach żyjom.

[broneknotgeld]

Lewinburg 1341

Mistrz krziżacki Dytryk doł chełmińske prawa
Zamek tyz zbudowoł bo to niy zabawa.

[broneknotgeld]

Paweł Nipkow (1860-1940)

Karlus se w Lymborku rodzioł
Coś łod sia doł światu
Telewizor mu niy szkodzioł
Wert jest łon wiwatu.

[broneknotgeld]

Św. Jakub Apostoł

Jakub Lymborka patronym
Lekci z niym żyje se dzisioj
Tela jo szkryfna tyż łonym
Jarmark Jakuba zaś prziszoł!

[broneknotgeld]

Banhof - 1870

Banhof w Lymborku se stanoł
Za pruskich tu jeszcze czasow
Do Słupska jechołś tom banom
Co miała pora tyż klasow.

[broneknotgeld]

Gora Parkowo

Na ty gorce piyrwyj skazańcow wiyszali
Bestoż Szubiynicznom wszyscy tu jom zwali
Dzisioj Czartoryja to tyż jeji miano
Kokot niy zapieje tukej nigdy rano.

[broneknotgeld]

Wasserturm - 1912

Możno jest zamkym Gory Parkowy?
Niy - wieża ciściyń to ino
Dyć i latarnio - ktosik tyż powiy
Jak downe czasy wspomino.

[broneknotgeld]

Żabio fontanna

Fontanna tu majom kaj żaby rechocom
Jakeś historyje łosprowiajom nocom
Ło pszoniu Jakubka z burgemajstra cerom
Słysza te kumkanie i nerwy mie bierom.

[broneknotgeld]

Baszta Bluszczowo

Ze starych murow łona łostała
Choć bluszczym se już niy asi
Przemorz - połtora wieku bezmała
Dugo już baszty niy krasi

Dyć miano po nim ciyngym w pamiyńci
Zmazać już tego niy idzie
Zielonym liściym we gowie nyńci
I niychej zowdy tak bydzie.

[broneknotgeld]

Na Czech Kroli

Na "Czech Kroli" tukej jest "świynto ratusza"
Gyburstag mo przeca szkryfnońć ło tym musza
W tysionc dziewiyńćsetnym go tu postawiyli
Ze przepiyknom wieżom kerom sie asiyli.

[broneknotgeld]

Lymborsko poczta

Na bezrok klupnie poczcie sto lot
Lymbork ze tego richtig jest rod
Dziesionty grudnia - zjada na fajer
Tako rocznica to niy jest bajer.

[broneknotgeld]

"Poste Restante"

Pojeść i popić w barze se idzie
Niym tu bryftryjger z pyndzyjom przidzie
Skasujom ze niyj zaroz połowa
A co do reszty - ślubny w tym gowa.

[broneknotgeld]

Miejsko Bibliotyka Publiczno

Skiż szpyrytusu sztela stanyła
Teroz ze ksionżek biere swo siyła.

[broneknotgeld]

Hehe - czista postow
Piyknie żech se wloz tu.

[broneknotgeld]

Wiyncy by sie zdało
Choć czista - niymało.

Bronku, Gdzies kiedys o cos prosiles .....

[dodo66]

Na tym forum w zwiazku z Twoim pisaniem od 2 lat na F-m Rudy Slaskiej. Chyba
chodzilo o nasza opinie na temat Twojego pisania. Nie pamietam, bo czytalam w
pospiechu, wiem jednak ze bardzo chcialam odpowiedziec na Twoj post. Pomoz:-)

[broneknotgeld]

No ja, szło mi ło wypowiydź we tym wontku
forum.gazeta.pl/forum/72,2.html?f=261&w=28100163
Tako se tam zbiyrom rożne uwagi na tymat tego mojego szkryflanio.
Chca ze forum fraszkowego zrobić jakby wirtualno instytucjo kulturalno.
Po czyńsci już se tako dzieje, chocioż niy ma ze tym leko.
Pozdrowiom ze Rudy Ślonski.

[broneknotgeld]

Bory Tucholske

Po Białowieży w Polsce te bory
Toż ludzie w zocy je majom
Choc możno czasym jak muchomory
Dyć przeca ziymi ty pszajom.

[broneknotgeld]

W Borach Tucholskich

Dlo grzibiorza zdo sie raj
Dlo wandrusa łone naj
Zyjman bawi se wesoło
I tyn co mo w zocy koło.

[broneknotgeld]

Brda

Toż na ta rzeka wypłynońc trza
Raj kajakowy to richtig - pra?
W zielonym borze niybiesko szlajfka
We wiosłowaniu trza tu mieć grajfka.

[broneknotgeld]

"Piekiełko"

Wele leśniczowki "Świt"
Brda cie wiedzie zakolami
Wszysko tukej zdo sie git
I te asty nad głowami.

[broneknotgeld]

238 km Brdy

Ponboczek tela doł kajakarzom
Kaj ińdzi ło tym niych se pomarzom.

[broneknotgeld]

W Fojutowie

Kryńci mi se teroz w gowie
Jest akwedukt w fojutowie
Gorom Rzeka - dołym rzeka
Niy trza na zielone czekać.

[broneknotgeld]

Wdom

Wdom do Oder se dopłynom
Toż i bergow tu niy minom.

[broneknotgeld]

Odry

Kryngi ze bergow Odry se majom
Ło downych czasach łone bajajom
Dyć czy ktoś dzisioj umi przeczytać?
Wszysko spokopić i już niy pytać?
Ano - na wieki to tajymnica
Tako łostanie - jo na to licza.

[broneknotgeld]

Goty w Odrach

Som tu kamiynie
Byli i Goty
Kerchof se łostoł
Toż niy gupoty.

[broneknotgeld]

Kryngi

Czym som te kryngi? Nikerym zdo sie
Co w inksze światy przyńść przez nie do sie
Możno świontynia tako prastaro?
Służyła ludziom a niy poczwarom
Kalyndorz? -We nich zamkniony czas?
Z tom teoryjom niy póda w las
Dlo mie zaś znakym siył tworczych som
Ciyngym tu były! Czy jo je mom?

[broneknotgeld]

Już Jagiełło

Już Jagiełło bory chronioł
Ścinać cisy przeca bronioł.

[broneknotgeld]

"Cisy Staropolske" 1827

Stary rezerwat a przeca swojski
Toż patronuje mu Wyczółkowski.

[broneknotgeld]

Chochlik Borowy

Ścieżki grzibiorzom ciyngym łon miyszo
Niyjedyn nudle na niym już wiyszoł
Jak se z grzibami stracioł we borze
Chochlik zło droga zowdy pokoże.

Charzykowo

[broneknotgeld]

Charzykowo

Z jeziorym w zgodzie te Charzykowo
Przeca niy yno mie sie to zdowo.

[broneknotgeld]

Charzykowy 1922

Otton Weiland - kożdy to wiy
Ferajna zyjmańsko
Wyrychtowoł w Charzykowy
Dyć niy yno pańsko

Dziynki niyj ta wioska słynie
Jako i jezioro
We tucholski ty dziedzinie
Chocioż letniom porom.

[broneknotgeld]

[broneknotgeld]

Wyboczcie tyn pusty post
Żech se majtnoł tako wprost.

Chojnice

[broneknotgeld]

Chojnice

Świontynie fosy baszty i bramy
Chojnicom piyrwyj Zakon był dany
Dlo tego miasta znaczoł łon wiela
Urosła przeca przi niymu sztela.

[broneknotgeld]

"Brama Pomorza"

Tako ło Chojnicach prawioł nawet Długosz
Do dzisioj łostało - chyba niy zamrugosz.

[broneknotgeld]

Chojnice - kaszubsko stolica

Stolicom Kaszub - tych połedniowych
Zowiom dyć dzisioj Chojnice
Możno coś wiyncy tukej ktoś powiy
Zocne som to okolice.

Tuchola

[broneknotgeld]

Tuchola

Tuchola choć mało
Z borami jest cało.

[broneknotgeld]

Mury Tucholi

Piyrwyj mocne stoły
Z cegły i granitu
Wojska se ich boły
A dzisioj niy spytom.

[broneknotgeld]

Muzeum Borow Tucholskich

Toż we Tucholi take znojdziecie
Bor wiela znaczy dlo ludzi przecie.

[broneknotgeld]

Na szlaku

Toż jedyn z nojstarszych grodow tu pomorskich
Co na downym szlaku kupieckim se leży
Z Gdańska tyndy wandrus szoł do Wielkopolski
Profit tyż był z tego - możesz mi uwierzyć.

400

[broneknotgeld]

400

Jakby niy paczeć - nastympno seta
I dlo Grudziondza jakoś podnieta.

Wdzydze Kiszewskie

[broneknotgeld]

Skansyn

W skansynie folklor
-Niy cołkym minoł
Przeca łon ciyngym
Ze tom dziedzinom.

Szczecin

[broneknotgeld]

Nojwiynkszy cmyntorz

Nojwiynkszy cmyntorz we Polsce znomy?
- W Szczecinie przeca tako go momy.

[broneknotgeld]

Cmyntorz Cyntralny we Szczecinie

Aleja "Ku słońcu" do niego cie wiedzie
Wlyź w banka - po glajzach tam drapko zajedziesz
Toż zdowo sie przeca żes we parku tukej
Mosz stargane nerwy - ukojynio szukej
I se poszpacyruj miyndzy dynkmalami
Po cichu pogodosz tu nawet z duchami.

Regom

[broneknotgeld]

Regom

Z Łagiewnik do Trzebiatowa
We kajaku trza wiosłować
Dyć cie Rega poprowadzi
Jakoś ze tym se poradzisz.

[broneknotgeld]

Łobalone drzewa

Toz dej pozor - dziko rzeka
Tu przeszkoda może czekać
I we spływie wadzić ździybko
Boś ty przeca niy jest rybkom.

[broneknotgeld]

Za Reskym

Za Reskym magnoljo w Polsce nojepniejszo
Tako atrakcyjo cie czeko dzisiejszo
Yno w Japoniji ponoć wiynksze rosnom
Łoj - musi być piykno naprowdy ze wiosnom.

[broneknotgeld]

W Taczałach

Z Taczałami wito jezioro Likowo
Wypodo se dychnońć we ty szteli zdrowo
Toż namiot rozbity niym ćmok już nastanie
Jakby niy kopruchy byś mioł dobre spanie.

[broneknotgeld]

Ze rankym

Ze rankym zaś kajak se pływo na wodzie
Za tobom jezioro dyć jakbyś we szkodzie
Zapora w Lisowie - bier wszysko na plery
Choć zdowo sie ciynżko do jasny cholery!
Szczyńściym zaś mosz Rega - to niy som gupoty
Chyć mocno za wiosło - przed tobom te Płoty.

[broneknotgeld]

Płoty

Płotow niy łomijej - dwa zamki som tukej
Tako historyji grodu w nich poszukej
Pora godzin styknie - już Rega cie czeko
No i zdo sie jakby dziyń drapci uciekoł.

[broneknotgeld]

Jezioro Rejkowickie

Za Płotami niydaleko
wito cie jezioro
Stoń przi brzegu we Borkowie
bo zdo sie niyskoro.

[broneknotgeld]

Do Gryfic

Rejowickie jezioro przepłyń cołkym z rana
Zaś nowo zapora - dyć to niy jest dramat
"Przenoska" cie czeko by tom Regom płynońć
Przed tobom Gryfice - ich niy chciyj łominońć.

[broneknotgeld]

Gryfice

Hanza tu ze murow zoglondo na ciebie
Z tych czasow łostała se Baszta Prochowo
Dyć możno i dzisioj Gryfice w potrzebie
Biydniejom - czy yno mi sie tako zdowo?

[broneknotgeld]

W Kłodkowie

Zostawiołś Gryfice - jużeś we Kłodkowie
Na szczyńście mosz tukej pole namiotowe
Toż se przenocujesz i rano łod nowa
Wyruszysz - bo blisko już do Trzabiatowa.

[broneknotgeld]

Do Trzabiatowa

Do Trzebiatowa już kawalontek
Meta wyznoczo ciekawy kontek
Kery jest starszy niż tysionc lot
Z przedkrześcijańskich czasow se znod.

Trzebiatowo

[broneknotgeld]

Tu Pomorzany

Grod piyrwyj mieli tu Pomorzany
-Czy dobywali go już Polany?
W niym swojich bogow dugo chwolyli
Niym krześcijaństwo do duszy wziyli.

[broneknotgeld]

Trzebiatowo wito

Basztom Kaszanom Trzebiatowo wito
I tym "Świyntym Kaszy" - jakby se kto pytoł.

[mm50]

Dziwne rzeczy się tu ostatnio dzieją, coś gryzie ludzi -> s2.bitefight.pl/c.php?uid=24607 ;)

[broneknotgeld]

Możno skiż wyjca
prziloz krwiopijca?