Strzelińskie rymowanki

[broneknotgeld]

Na Gromniku
Wały na Gromniku? Łużycke grodzisko?
Zajrzyj ze Strzelina bo przeca to blisko
Na Ślynży Raduni miejsca kultu znane
Dyć i te gromnicke mo być podziwiane.

[broneknotgeld]

Rod Zarymbow

"Zarymby" - rod możny osiadły w Strzelinie
Wiela kedyś znaczoł w ty ślonski dziedzinie
Kasztelanie rożne w swojich rynkach mieli
I dobra kościelne - jako yno chcieli
Z czasym ich siedziba wzioł Bolko Śwodnicki
A łoni już potym traciyli coś wdycki.

[broneknotgeld]

1323

Teroz nowe ksiynstwo - stolicom Ziymbice
Dzierzoniow, Sobotka no i Zombkowice
Razym ze Strzelinym pod Bolkym - już "drugim"
Choć i to niy trwało wcale przez czas dugi.

[broneknotgeld]

1427

Wnuk Przemka - Kazimierz ksionże Oświyńcimia
Sprzedoł Strzelin panu legnicko-brzeskymu
Urosła Ludwika Drugego dziedzina
Kłonio sie ta ziymia teroz właśnie jymu.

[broneknotgeld]

Krzywina

Wele Gromnika ta wioska stoji
W niyj kościoł stary w ruinie
Husytow teroz już sie niy boji
Dyć pamiyńć ło nich niy minie.