a jak tam w Glywicach wyglondo?

[szwager_z_laband]

sam se idzie kuknonc:

www.nowiny.gliwice.pl/

[socer-schlesier]

U nos w Glywicach jest mrozno,mrozno i jeszcze roz mrozno.No i wszyndzie duzo sniegu.Jak sie jednak ostatnio na skoki we Finlandi paczalo kaj bylo w dziyn minus 20 stopni to u nos az tak zle niy ma.

[kubiss]

Mroz jest dobrym lekarstwem na nazizm ..... :-)

[szwager_z_laband]

jak bys uzywou suow kere rozumisz to by ci tyn mroz ale niy bou poczebny

[annak12]

"Mroz- malyrz pomalowoł w kwiotki wszyjske okna,
Zasuł pola,zogrodki,domy place do kna
Sniyg-kaj niy wejzdrzeć, wszandy leży deka bioło
I na kożdyj hned gorce zaroz je wesoło.
Zima niy je do srogich,zima je dlo dzieci-
Kożde chyto za sonki,za skije i leci
Na gorka srogo,mało,bele sjyżdżać do sie.
Niyroz sie sam zabawa kończy i płaczkami,
Jak włościciel sie kulo z zadku za sonkami,
Dyć niych jyno sie nazod zaś na gorka wdropie,
To przepomni o płaczkach,gańbie i utropie.
A za domym już Paulek,Maryjka i Ana
Dali sie do lepiynio srogygo bałwana.
Hanik sie ś nich pośmiywo,ciepie w nich kulkami,
Aże Ana mu pado:,,Lepszyj byś sam z nami
Lepioł,bo oziym rynkow to niy szejś je przeca!
Jo do dom pa markewka i wongle poleca.
Musi mieć oczy,knefle i nos markwiowaty
I gornek na głowiczka,bo borok glacaty"."

Mirosław Syniawa

[szwager_z_laband]

a tak jeszcze je niykedy?

Bajtel
We miynkich zygowkach wyspany
Guaskaniym gardiny budzony
Wstou usmiych od bajtla malucki
Juz loto od izby do kuchni
Na placu sie kulnou po trowie
We klotkach futruje kroliki
Zas prziszou sie siednonc naryczka
I mlyka sie napic ze szolki
Sekunda i juzas kaj indziyj
Z fuzbalom se konsek poskoko
A dziobek maszkytnie sie lacho
Od szczynscia az zmaraszony
Tera sie legnou w ogrodku
Kajs miyndzy gynsipympkam
A mama sie paczy ze okna
Jak piyknie mu miyndzy kwiotkami
Tyn usmiych, te szczynscie, te lato
Co pszonie rozdowo slypkami
To bajtel sie lacho do mamy
I tysnskno je czasym ze nami.

;)

[annak12]

Szkryflosz yno na forum ,do zygowka (wiersze)>ostatnio dostałach ksionszka "Bez recepty"
wiersze w mowie ślonskyj i po polsku.Tyn" Kołocz ślonski" je z nij,autor dwujynzyczny,pochodzi ze Ślonska,teraz kaś na Podhalu miyszko,w piyrwszy chwili myślałach,iże to BJ (a moze jednak?!).

[szwager_z_laband]

Ana jak byda juz stary blank piernik, to mozno byda miec wiyncyj natchniynia;)


A Bracik niy m iyszko pszeca na Podhalu:)

[szwager_z_laband]

www.youtube.com/watch?v=iuHCnrLDYbs&feature=player_embedded

[hanys_hans]

kamera.bmj.com.pl/rynek1/

[hanys_hans]

kamera.bmj.com.pl/diament/

[hanys_hans]

kamera.aeroklub.gliwice.pl/