renatka_sz
04.12.05, 13:27
U nos w doma w Barborka to zawsze bylo wielkie swiynto, bo przeca to Dziyn
Gornika, a nasz Tata na grubie robil. Rano zawsze byla mszo, kero odprawiol
som ksiondz farorz, a zamiast organisty grala gorniczo orkiestra. U nos w
bloku mieszkol dyrektor z gruby i mu ta orkiestra rano pod oknami grala, coby
sie obudzil na mszo. Potym na niego czekali az sie wyrychtuje i razym szli do
kosciola. Fto chciol to mogl isc z nimi.
Nojlepi w Barborka bylo jak my z bracikami jeszcze bajtle byli i chodzili my
do podstawowki, bo wtedy lekcje byly skrocone. Pora dni przed Barborkom robili
my na ZPT gornicze czaka, coby gryfnie wyglondac na apelu. Na tym apelu godali
my rozne wiyrsze o grubie, gornikach i o tym jak sie im ciynzko fedruje. No i
spiywali my piosynki o gornikach, na przyklad ta:
Gornicze skarby pod ziemia
ukryte gleboko drzemia
na scianach, filarach gornicza juz wiara
wykuwa do skarbow droge
Jo slonski gornik spod Bytomia
wydobywom wongel kozdego dnia
a tam na wiyrchu sloneczko lsni
zonka sie krzonto, syneczek spi
Obiod w Barborka zawsze byl jak w niydziela, czyli rolada, kluski i modro
kapusta. Po poledniu przylazili do nos goscie, coby swiyntowac Dziyn Gornika...
Wszystkim Barbarom, Basiom i BARBIM z okazji ich swieta
caluski od Szafki i jego mamy
