Fto nos nauczoł?

[Gość: reden]

Niy byda sam pisać żodnych wstympów yno wartko powiym co mie dziwuje na
nerwuje we cołkij tyj haji z kuli łobrony wieży spadochronowyj. We forum
telewizyjnym u Durczoka we TVP3 jedyn ze wykształconych historyków pedzieli
co "Gazeta Wyborczo" je "nierzytelno i kłamie" jako że porównuje fikcyjno
relacjo Gołby ze raportym Neulinga. Jeronie! Wyboczcie ale jak łaziołech do
szkoły i kozali mie czytać ta ksionżka to żodyn niy pedzioł iże to niyprowda
abo fikcjo literacko.
Przeca łod bajtla mie uczyli niynawiści do Niymców i wciskali gupoty ło
historje Ślonska. Choby takie "Sztyrych pancernych" czimały mie w przekonaniu
że kożdy Niymiec boł zbrodniarzym hitlerowskim. Że Gustlik boł prowdziwym i
dobrym Ślonzokiym bo łuciyk z Wermachtu i bioł sie ze złymi Niymcami u boku
polskij armje. Boła tako scena jak bohatyry z "Rudego" (ryszawego jak to
pedzioł Gustlik) chycili już na ziymiach łodzyskanych niymieckiego karlusa.
Jo już tak miołech moja psychika skrziwiono żech sie znerwowoł jak Janek
kozoł coby bajtlowi nic niy robić (reszta pancernych boła łodmiynnygo
zdanio)...
W latach łoziymdziesiontych na placu zoboczyli my piyrszy roz auto na
niymieckich blatach, kerym to przijechała w łodwiedziny ślonsko familjo co
wyemigrowała w ramach łonczynio rodzin. Fest musiało być im gupio jak takie
bajtle zza hasioków ryceli: "Heil Hitler!", "H

[Gość: reden]

ryceli: "Heil Hitler!", "Hände hoch!”, „Gestapo!” itd.
A fto nos tego uczoł?
I myśla coby ta cołko propaganda przesionkniynto niynawiściom wartko
wyciepnonć do lamusa. Majom recht olo117 ze forum kaj napisali coby tako nowo
komisjo narichtować...
Trza uczyć prowdy bo mode umysły niy ma ciynżko popsuć. Mój synek mo dopiyro
dwa latka ale jo się dom pozór na to.
Paczcie tam jako. Pyrsk!

To mi się podoba , taką śląską gwarę pisaną kocham

[Gość: harc mistrz]

Fajne, choć nie ze wszystkim się zgadzam!