Świonteczne życzynia

[broneknotgeld]

Co tu życzyć Wom na Świynta?
Kej "Dzieciontko sie nom rodzi"
Dyć trza ło tym durś pamiyntać
Że we duszach naszych chodzi

Wcale sie niy roztopiyrzo
Ciupnie czasym w cichym kontku
JEST i durś do tego zmiyrzo
By nos wspiyrać w życia wontku

Byście mogli pedzieć -"ROŚNIE"
Tego wszyskim powinszuja
Ze tym żyć idzie radośnie
- Jo już z Wami sie raduja.

[broneknotgeld]

Na życzynia jeszcze czas?
A joch myśloł że "w sam raz"
Coś łod sia byście dociepli
Przi Dzieciontku jakoś krzepli.

[broneknotgeld]

Dlo rodziny przijocieli
Bajtli frelek i karlusow
Kłaść życzynia we tyj szteli
Idzie piyknie i bez musu.

[Gość: kiyks]

Kupa śniegu z lekkim mrozym,
szczyńścia zdrowio i słodyczy,
uciechy z Dzieciontkiym Bożym
- wszystkiym Kiyks z Mysłowic życzy.

Kiyks

[kiyks]

Jeślich kogo tu uraziył,
to przeproszom - moja wina,
boch Dzieciontko wszytkim wraziył
a niykierzy chcom Lenina.

Kiyks

[broneknotgeld]

Hnedko z Dzieciontkym w Betlejym bydymy
Se podziwomy na biyda i radość
Chlebym opłatkym z Niym sie podzielymy
Nawet gowiedzi zrobiymy tyż zadość.

[broneknotgeld]

Pastuszki pewnikym zaś przidom
Coś dom im bo mynczom sie z biydom
Prziniesom radosno nowina
W kolyndzie tyż słysza Dziecina.

[broneknotgeld]

No a dzisioj po wieczerzy
Tam kaj goik kożdy "bieży"
Se kolyndy pośpiywomy
Radość Dziecionteczku domy

Łone tyż nom wdziynczne bydzie
Dopomoże w naszy biydzie
Łaskom sypnie na rok cały
Dyć to gyszynk jest niymały.

[k_rawat88]

co za grafoman z Ródy Śląskiej. CHłopie. rymy cześtochowskie są juz dawno nie
modne. Ziemia Hanysów to skansen zapużnienia

----------------------------------------------------
Victoria por Sosnowiec

[Gość: BRO]

Jakies taki znawca to sma pokaz co potrafisz. Krytykowac kazdy potrafi.
Mnie sie ten watek podoba.
Cieply, zyczliwy i zwraca uwage na sprawy najwazniejsze.

Pozdrawiam
BRO