Forum Regionalne Śląskie Glywice - Gleiwitz - Gliwice
ZMIEŃ
    Dodaj do ulubionych

    Św. Barbara - patronka bergmonow i stolicy fraszki

    09.11.05, 11:27
    "Wiadomości Rudzkie" 9.11.2005 r.

    -------------------------------
    "Jest pomysł, czyli napisz wiersz o św. Barbarze"

    Na pomysł zorganizowania konkursu poetyckiego, związanego bezpośrednio ze św.
    Barbarą wpadł ...... ...... zapraszając do współpracy "Wiadomości Rudzkie".

    -"Zbliża się dużymi krokami Barbórka - tradycyjne święto górników. Święta
    Barbara jest również patronką naszego miasta. Mogłoby to w szczególny sposób
    zaistnieć na łamach tygodnika poprzez zorganizowanie konkursu poetyckiego
    związanego ze świętą Barbarą (...)"

    -napisał w swoim liście skierowanym do redakcji. A redakcja? Redakcji
    spodobała się inicjatywa. A zatem! Ogłaszamy konkurs. Na wiersze czekamy do
    20 grudnia br. Jury wybierze najlepszą "piątkę", która wraz z informacją o
    autorze zostanie opublikowana w pierwszym numerze 2006 roku "Wiadomości
    Rudzkich". Zapraszamy do zabawy. Szczegółowe informacje o konkursie pod
    redakcyjnym nr tel. (32) 248-60-97.
    Obserwuj wątek
      • broneknotgeld Re: Św. Barbara - patronka bergmonow i stolicy fr 09.11.05, 11:31
        Łod siebie jesze musza tu szkryfnońć, że pełny tekst tyczoncy sie moji
        propozycji znojdziecie pod tym linkym
        forum.gazeta.pl/forum/72,2.html?f=261&w=31390642
        No i trza tu tyż podać adres Redakcji

        "Wiadomości Rudzke"
        ul. J.Markowej 20
        41-709 Ruda Śląska
        • ballest Re: Św. Barbara - patronka bergmonow i stolicy fr 09.11.05, 12:22
          Bronek, co jou wiym, to niymy sw. Barbary.
          Taki swienty richtig niyma!
          • meg_s Re: Św. Barbara - patronka bergmonow i stolicy fr 09.11.05, 12:35
            widzisz Bronek - a tożeś wpadł - jak śliwka w kompot :)))))
            • ballest Re: Św. Barbara - patronka bergmonow i stolicy fr 09.11.05, 12:36
              Nie Meg, tylko w Rzymie w wykazie swietych ja nie ma, jest ale prawoslawna
              swieta.;)
              • broneknotgeld Re: Św. Barbara - patronka bergmonow i stolicy fr 09.11.05, 12:45
                Co z Niom jest grane?

                W kalyndorzu Kościoła tyj Barbary niy ma
                Mondrale pedzieli - "Niy niosła jom ziymia"
                Ale Kościoł polski do dzisioj jom nosi
                A ło jeji wsporcie kożdy Ślonzok prosi

                U nos jest Barborka jako piyrwyj była
                My wiymy że ze Niyj płynie na nos siyła
                Kero w ciynżki doli zowdy dopomoże
                W chodniku kopalni abo i na dworze.
                • ballest Re: Św. Barbara - patronka bergmonow i stolicy fr 09.11.05, 12:48
                  Bronek w naszych sercach jest w wikipedii jest tylkow kosciele jom niyma, ale u
                  nos nawet Farosz nie wiy, ze uona swentou nie je;)
                  • szwager_z_laband Re: Św. Barbara - patronka bergmonow i stolicy fr 09.11.05, 13:11
                    www.slonzoki.de/ojgyn/barborka04.htm
                    • broneknotgeld Re: Św. Barbara - patronka bergmonow i stolicy fr 09.11.05, 17:55
                      Ano, Szwager, dyć jo miyndzy innymi i Ciebie chca namowić do tego cobyś
                      szkryfnoł jakiś wiersz na tyn konkurs.
                      • szwager_z_laband Re: Św. Barbara - patronka bergmonow i stolicy fr 09.11.05, 21:50
                        to bydziesz miec cinszko robota symnom, jo take cos unikom z sasady :)

                        • broneknotgeld Re: Św. Barbara - patronka bergmonow i stolicy fr 09.11.05, 22:09
                          Jeronie, jakby kożdy tako godoł, to ze konkursu nici.
                          A przeca we cajtongu szkryfli ło moji wspołpracy.
      • szwager_z_laband Re: Św. Barbara - patronka bergmonow i stolicy fr 09.11.05, 13:04
        rszwajkowski.w.interia.pl/patronka.htm
        • rita100 Re: Św. Barbara - patronka bergmonow i stolicy fr 09.11.05, 14:06
          "Święta Barbara jest patronką górników, flisaków, marynarzy, chłopów,
          architektów, dekarzy, murarzy, ludwisarzy, kowali, kamieniarzy, cieśli,
          grabarzy, dzwonników, kapeluszników, kucharzy, rzeźników, dziewcząt, więźniów,
          ludzi narażonych na wybuchy, jak artylerzystów, pracowników prochowni i
          arsenałów, kanonierów, saperów, straży ogniowej, umierających. Jest opiekunką
          twierdz i wież. Wzywana jest w modlitwie o dobrą śmierć w przypadku zagrożenia
          przez ogień, proszona o oddalenie burzy, zarazy i dżumy.
          Istniało kiedyś w Polsce bractwo św. Barbary jako patronki dobrej śmierci.
          Należał do niego też św. Stanisław Kostka. Kiedy umierał, a właściciel domu, w
          którym mieszkał, nie chciał wpuścić kapłana z Sakramentem Chorych, wtedy św.
          Barbara przyniosła mu Komunię Świetą."

          • ballest Re: Św. Barbara - patronka bergmonow i stolicy fr 09.11.05, 14:09
            Rita, to jest Prawoslawnou swietou, ale Kosciol Rzymsko-Katolicki jom nie mou w
            Rpisie swietych.
        • ballest Re: Św. Barbara - patronka bergmonow i stolicy fr 09.11.05, 14:07
          Swietou ale nie je, Laband mom pytanie, czy ten ewangelicki kosciou w Gleiwitz
          to bou Barbara Kirche, czy Sankt Barbara Kirche.
          Moj kolega Ewangelik z Gliwic, zawsze godou Barbara Kirche, nigdy niy Sankt
          Barbara!
          • annak12 Re: Św. Barbara - patronka bergmonow i stolicy fr 09.11.05, 16:54
            Jest w Gliwicach kościół garnizonowy pod wezwaniem św.Barbary .Jest to kościół
            rzymsko -katolicki.
            ;))Pewno i tam nikt nie wie ,że nie była świętą:))
            :))...to ta czwarta prawda:)))
            • broneknotgeld Re: Św. Barbara - patronka bergmonow i stolicy fr 09.11.05, 17:00
              No toż tym bardzi Anko mogłabyś cosik szkryfnońć i wysłać na tyn konkurs.
              To może być nawet cosik ło tym kościele.
              • annak12 Re: Św. Barbara - patronka bergmonow i stolicy fr 09.11.05, 18:04
                Dzięki Bronek za info .Jest trochę czasu , a nuż coś się wykluje:)).Mam też
                motywację ,by odwiedzić kościół św. Barbary i może czegoś się dowiedzieć.
                • broneknotgeld Re: Św. Barbara - patronka bergmonow i stolicy fr 09.11.05, 18:12
                  No, jakiś wierszyk ło tym kościele richtig by tyż spasowoł.
                  Szkryflać idzie po polsku abo po ślonsku, w tym przipodku to gancegal,
                  tymatycznie mo być zwionzany ze św. Barbarom.
                • szwager_z_laband Re: Św. Barbara - patronka bergmonow i stolicy fr 09.11.05, 21:52
                  to niy zapomij pora bildow klipsnonc!

                  :)

                  i polecom legynda o tym kosciele na "Glywickich Slonzokach" !

                  ps

                  ale niywia eli znosz niymiecki ...:(
                • broneknotgeld Re: Św. Barbara - patronka bergmonow i stolicy fr 13.11.05, 12:47
                  No i jako, Anko, kluje sie cosik czy niy?
                  • annak12 Re: Św. Barbara - patronka bergmonow i stolicy fr 13.11.05, 16:18
                    broneknotgeld napisał:

                    > No i jako, Anko, kluje sie cosik czy niy?


                    Coś się tam kluje,ale po leku
                    dyć to jeszcze czasu,niy cza pospiechu
                    fajer i fajer,dni laby kilka
                    przeleciały jakby chwilka
                    to lenisko ,co się ino zrodzioło
                    od jutra juzaś,w robotę przemieni
                    wszystko wróci na swoje miejsce
                    i na św. Barbarę,przyjdzie czas ,wreszcie

                    • broneknotgeld Re: Św. Barbara - patronka bergmonow i stolicy fr 13.11.05, 16:42
                      Ano - langsam lepi bydzie
                      Możno wyna lepszo przidzie
                      Wiersz na konkurs dyć wpiyrw dej
                      Po terminie tukej wklej.
          • szwager_z_laband Re: Św. Barbara - patronka bergmonow i stolicy fr 09.11.05, 21:50
            widza ize naszo Anna juz odpedziaua :))
      • broneknotgeld Re: Św. Barbara - patronka bergmonow i stolicy fr 09.11.05, 16:39
        Wspomożyciele

        Sztyrnoście świyntych grupa liczyła
        Łona na Ślonsku durś w gymbach była
        Czynsto wołało sie ich pomocy
        Jak te niyszczyńście zojrzało w łoczy

        Błażej - tyn chroni strony głosowe
        Ze bolym gordła we nim sie chowej
        Pomogo czynsto naszym zymbiskom
        I jak krew z rany pierońsko trysko

        Jerzy - wiadomo - chroni wojoka
        Łon go we bitwie niy spuszczo z łoka
        Kedyś przed łostrym bronioł żelazym
        Potym łod kuli - dyć wiela razy!

        Akacjusz czimie ze zbiegym sztama
        Pilnuje jego aże łod rana
        Coby niy dropła go wredno władza
        Rzykej do niego - jo ci poradza

        Erazm nos wspiyro w wielki chorobie
        Ło kery czasym nic niy wiy czowiek
        Żołondek nyrki wontroba serce
        Wszyskim sie tropi tyn świynty wielce

        Wit paczy ciyngym na guchych niymych
        Wiy łon co dzieje sie ze ichniymi
        Padaczka miywosz czy słabe nerwy
        Z Witym we życiu mosz wiyncyj werwy

        Do kogo rzykać szły prziszłe matki?
        Wiymy bo przeca do Małgorzatki
        Łona przi cionży i przi porodzie
        Bestoż jyj imie do dzisioj w modzie

        Zaś świynty Krzisztof chroni wyndrowca
        By nikt niy wodzioł go po manowcach
        Pogoda zsyło ci jak nojlepszo
        I przed powodziom z nim bydziesz spieprzoł

        A Pantaleon - teroz mi powiydz
        Kto dbo ło cało w zogrodzie gowiydź?
        Co dziynki niymu dobrze sie chowie
        I mniyj utropy mosz z tym na gowie

        Cyriak w pokusie cie przipilnuje
        Choć czasym trocha to niy sztimuje
        Niy potrza bydzie tyż egzorcysty
        Jak mu zawierzysz durś bydziesz czysty

        Idzi w łopiece mo wszyske matki
        Kere umynczom jejich gagatki
        Namowi czasym cie do spowiedzi
        Jak wiy że ciynżki grzych w duszy siedzi

        Eustachy fesztrom wielkim patronym
        Posłuch mo w borze łon tam jest ponym
        Nawet jak zbiyrosz grziby jagody
        Świynty uchroni łod złyj przigody

        Dionizy czimie sie twojyj gowy
        Dobry na bole kożdy ci powiy
        Dropia sie teroz we własno glaca
        Wiym kto pomoże mi zaś na kaca

        Ja - niy trza wiela mi przipominać
        Dyć jo pamiyntom że Katarzyna
        Mo w swyj łopiece te wszyske frelki
        A łobowionzek przeca to wielki

        Na koniec powiym - naszo Barbara
        Stoji przi ciebie jak żeś na marach
        Byś w wierze pomar pilnuje przeca
        Łona łostatnio jest z tego neca.
        • rita100 Re: Św. Barbara - patronka bergmonow i stolicy fr 10.11.05, 09:10
          ale masz talent do wierszowania
          • broneknotgeld Re: Św. Barbara - patronka bergmonow i stolicy fr 10.11.05, 09:14
            Jeronie, Rita, toż byś tyż mogła cosik ło Barborce szkryfnońć i na konkurs
            podesłać.
            • broneknotgeld Re: Św. Barbara - patronka bergmonow i stolicy fr 10.11.05, 23:38
              No ja, Rita chyba niy szkryfnie, bo nic niy godo.
      • sloneczko1 Re: Św. Barbara - patronka bergmonow i stolicy fr 13.11.05, 15:25
        Barboreczko nasza mała,
        coś nom wszystkim pedzieć chciała?
        przijociela każdy potrzebuje,
        i tyn na wiychu,i tyn co pod
        ziymiom fedruje
        zawsze to raźniyj jak sie wiy,
        że jestyś przi niym Ty
        a w razie złej godziny
        pojdziesz z nim do szczynścia krainy
        • broneknotgeld Re: Św. Barbara - patronka bergmonow i stolicy fr 13.11.05, 16:43
          Łoj - Słoneczko tyż probuje
          Wiela rymow "wyfedruje".
          • ballest Re: Św. Barbara - patronka bergmonow i stolicy fr 13.11.05, 17:26
            ;) No to Bronek, teraz ues juz wszystkich zaraziou!
            • broneknotgeld Re: Św. Barbara - patronka bergmonow i stolicy fr 13.11.05, 17:28
              Godosz tyż ło siebie?
      • annak12 Re: Św. Barbara - patronka bergmonow i stolicy fr 13.11.05, 20:00
        Boże, któryś wybrał świętą Barbarę na pociechę dla żyjących i umierających,
        użycz nam za jej przyczyną abyśmy zawsze żyli w Twej Boskiej miłości i całą
        nadzieję pokładali w zasługach najboleśniejszej męki Syna Twego, aby śmierć w
        grzechu nigdy nas nie pochwyciła, lecz abyśmy, pokrzepieni świętymi
        Sakramentami Pokuty, Eucharystii i Ostatniego Namaszczenia mogli bez bojaźni
        dojść do wiecznej chwały. O to błagamy przez tegoż Pana naszego, Jezusa
        Chrystusa. Amen.
        www.kuria.gliwice.pl/czytelnia/modlitwy/kalendarz.php?numer=&art=276


      • annak12 Re: Św. Barbara - patronka bergmonow i stolicy fr 13.11.05, 20:04
        Nie znamy ani dokładnej daty i miejsca śmierci św. Barbary, ani innych faktów z
        jej życia. O tym kim była i jakie były koleje jej życia dowiadujemy się z
        legendarnych przekazów. Według nich Barbara była córką bogatego człowieka
        zajmującego ważne stanowisko w mieście. Odznaczała się niezwykłą urodą i
        dlatego wielu mężczyzn zabiegało o jej rękę. Jednak ona wszystkich odrzucała,
        ponieważ w tajemnicy przed ojcem przyjęła wiarę chrześcijańską, której wyznawcy
        byli w tym czasie prześladowani, i złożyła dozgonny ślub czystości. Ojciec
        dowiedziawszy się o tym, przeraził się i wszelkimi środkami próbował zmienić
        postawę Barbary m. in. zamknął ją we wieży swego zamku i głodził. Jednak nic
        nie pomogło. W końcu ojciec oskarżył swoją córkę przed sądem, który skazał ją
        na śmierć, a wykonawcą kary został sam ojciec skazanej. Było to około 305 roku.
        Świętej Barbarze cześć oddawali wierni zarówno ze Wschodu jak i Zachodu. Na
        obrazach i w rzeźbach najczęściej przedstawiana jest w stroju królewskim, który
        podkreśla jej szlacheckie pochodzenie, w ręku trzyma palmę męczeństwa lub miecz
        bądź też kielich z Najświętszym Sakramentem. W oddali widnieje wieża, w której
        była zamknięta. Najwspanialszy kościół pod jej wezwaniem znajduje się w
        miejscowości Kutna Hora w byłej Czechosłowacji.

        • broneknotgeld Re: Św. Barbara - patronka bergmonow i stolicy fr 16.11.05, 21:05
          "Barbarsko" historyjo

          Dzioło sie to wszysko w czasach Dioklecjana
          Kery gnymbioł srogo w Syrii krześcijana
          Mynczynnikow wtedy była aż za wiela
          Łobrodziyła niymi cołko rzymsko sztela

          Dyć dlo rzymianina modo krześcijanka
          Przeca kożdo była jako ta "barbarka"
          Jak fater był Dioskur - tako dioskurcyjo
          To musioł wyznować ichnio religijo

          Terozki z tym problym majom teologi
          Kaj wsadzić Barborka niy wiedzom niybogi
          Tych dziywic mynczonych było aż za wiela
          W kożdyj jest ta świynto - jo powiym tu tela

          Inksi łomiom gowy a mie to zochwyco
          Że we Niyj ukryte jest niyjedno lico
          W dodatku wygrała w końcu ta ideja
          A jo krześcijanin z radości sie śmieja.
          • ballest Re: Św. Barbara - patronka bergmonow i stolicy fr 16.11.05, 21:32
            Bronek, czy tera dali mozna pisac Barburka z "u" uotwartym, za moich czasow to
            nie bou FEHLER!
            • broneknotgeld Re: Św. Barbara - patronka bergmonow i stolicy fr 16.11.05, 21:36
              Feler felera pogonioł tako
              Że w końcu było wszyskim jednako.
              • hanys_hans Re: Św. Barbara - patronka bergmonow i stolicy fr 16.11.05, 21:42
                broneknotgeld napisał:

                > Feler felera pogonioł tako
                > Że w końcu było wszyskim jednako.

                Po mojymu ani Barbórka ani Barburka ino BARBOORKA
                • broneknotgeld Re: Św. Barbara - patronka bergmonow i stolicy fr 16.11.05, 22:12
                  Niy trop se Hanys. Toż se niy pytom.
                  Jako Ty szkryflosz tako jo czytom.
                  • szwager_z_laband Re: Św. Barbara - patronka bergmonow i stolicy fr 19.11.05, 14:54
                    a czyto sie to tak miyndzy "u" a "o" :))
                    • broneknotgeld Re: Św. Barbara - patronka bergmonow i stolicy fr 19.11.05, 15:25
                      Se po swojymu zowdy czytomy
                      Przeca ta głoska ze godki znomy.
                      • broneknotgeld Re: Św. Barbara - patronka bergmonow i stolicy fr 20.11.05, 22:02
                        Ano, wontek tyż ciekawie leci na forum tarnogorskim
                        forum.gazeta.pl/forum/72,2.html?f=102&w=32080339
                        Możno se tam kukniecie.
                        • sloneczko1 Re: Św. Barbara - patronka bergmonow i stolicy fr 20.11.05, 22:13
                          no,ciekawy,nie powiem..........
                          • broneknotgeld Re: Św. Barbara - patronka bergmonow i stolicy fr 21.11.05, 17:45
                            Niy ma co godać
                            -Trza se polachać
                            I ło czymś inkszym
                            terozki klachać.
      • broneknotgeld Re: Św. Barbara - patronka bergmonow i stolicy fr 19.11.05, 11:48
        Sztyry Świynte Dziywice

        Razym ze Małgośkom Kaśkom i Dorotkom
        Jest naszo Barborka tom dziywicom słodkom
        Co życie w modości za wiara łoddała
        We cnocie jom przeca ta ziymia chowała
        Mynczynnikow świyntych momy tyż doś wiela
        Wspomij ich jak paczych na ta piykno frela
        Tyn miecz co we rynce jeji groźnie blysko
        Ło ciyrpiyniach dziołchy powiy prawie wszysko
        Reszta zaś wyczytosz z murowanyj wieży
        Czi łokna tam tyż som na na znak że trza wierzyć.
      • broneknotgeld Re: Św. Barbara - patronka bergmonow i stolicy fr 23.11.05, 13:41
        Napisz wiersz

        Przed dwoma tygodniami "Wiadomości Rudzkie" ogosiły konkurs poetycki, którego
        tematem jest postać św. Barbary - patronki górników, ale i Rudy Śląskiej.
        Okazyje się, że pomysł, którego autorem jest ..... ......, chwycił. Pierwsze
        utwory już dostarczono do redakcji. Na następne czekamy do 20 grudnia br.,
        a tym samym zachęcamy do udziału w konkurcie, którego wyniki opublikujemy w
        pierwszym wydaniu naszego tygodnika, już w 2006 roku.

        ---------------------------------------------------------------------

        Tako notka idzie se poczytać we dzisiejszym numerze WR. Jo mom nadzieja, że
        wiersze, niy yno łod glywickich internautow, abo już dotarły abo trefiom do
        redakcji we terminie.
        • ballest Re: Św. Barbara - patronka bergmonow i stolicy fr 23.11.05, 16:22
          Sztimuje to richtig, ze imie Barbara oznacza doslownie "ta obca"
        • ballest Re: Św. Barbara - patronka bergmonow i stolicy fr 23.11.05, 16:22
          Sztimuje to richtig, ze imie Barbara oznacza doslownie "ta obca"
          • broneknotgeld Re: Św. Barbara - patronka bergmonow i stolicy fr 24.11.05, 18:28
            Pod Legnicom

            Pod Legnicom na polu stanyli tyż gwarki
            Pod sztandarym patronki tyj świyntyj Barbarki
            Legli tukej i Jego w tym była już wola
            Dyć niy łoni Tatarom uciykli ze pola

            Durś nad nimi wysoko Barborka kronżyła
            Kery łoczy zamykoł - poznowoł Jyj siyła
            Szoł ku świotłu skond świynto do niego wołała
            Wiedzioł teroz że jego rzykanie słyszała.
            • broneknotgeld Re: Św. Barbara - patronka bergmonow i stolicy fr 26.11.05, 20:36
              Barborka w średniowieczu

              Średniowieczym wiela ło Niyj napisali
              W kalyndorze świynte Jeji miano dali
              We kodeksach starych możno ło Niyj czytać
              Bo sie krześcijany mieli ło Nia pytać

              W Europie relikwii Barbary zaś było
              Tela że na wiyncyj frelek by starczyło
              Nawet w samyj Polsce ciynżko by je zliczyć
              A to dość daleko łod Jyj okolicy

              U nos kult Barborki te krziżowce wsparli
              Na Ślonsk joannici ze Niom sie durś garli
              A choć piyrwyj znano na połnocy była
              Dyć tam za krziżokow fest urosła w siyła.
              • ballest Re: Św. Barbara - patronka bergmonow i stolicy fr 26.11.05, 20:44
                Bronek, nazwa Barborka znaczy "TA OBCA" prouwda?
                Nie rozumiam czymu ona prawie u nos patronkom jest, napewno jom Ormianie na
                Slonsk przyniysli!
                • broneknotgeld Re: Św. Barbara - patronka bergmonow i stolicy fr 03.12.05, 22:14
                  Kult w średniowieczu

                  Łod śmierci z Bogym patronkom była
                  Choć pryndki ale ze wiarom
                  We wiekach średnich Jeji w tym siyła
                  Bo inkszom żyło sie miarom

                  Człowiek sie krotko tym swiatym cieszoł
                  Pryndko go ziymia chowała
                  A przeca jednak tyż mocno grzeszoł
                  Jak z Bogym pomarł to chwała

                  Barborka czciyli w Europie całyj
                  Ci co wiedzieli że kosa
                  Tnie rowno - wielki żeś jest czy mały
                  I niy zoglondo do trzosa

                  Bergmon co śmierci durś kukoł w łoczy
                  Rzduchoł kilofym jom czynsto
                  Mioł ta patronka mocno we zocy
                  I rzykoł do Niyj durś gynsto

                  Prziszła na Ślonzek tyż ze gwarkami
                  Ze Niymiec Czech i stron inkszych
                  Z średnoiwiecznymi kolonistami
                  Jyj kult tu nabroł siył wiynkszych.
                  • sloneczko1 Re: Św. Barbara - patronka bergmonow i stolicy fr 03.12.05, 22:17
                    Bronek---a rzykosz Ty do nij jak tak pod ziymiom robisz?
                    • jaborygyn Re: Św. Barbara - patronka bergmonow i stolicy fr 03.12.05, 23:51
                      Woom pjrszym powjym, jak to boouo doprowdy:

                      www.republikasilesia.com/AntoniRespondek/forum/messages/105.html
                      • evka78 Re: Św. Barbara - patronka bergmonow i stolicy fr 04.12.05, 00:16
                        Barbara, dziewica i męczennica, żyła w IIIw. Od czasów wypraw krzyżowych
                        zaliczana jest do grupy tak zwanych wspomożycieli, którzy pomagają nam we
                        wszystkich potrzebach duszy i ciała. Życiorys św. Barbary opiera się na tradycji
                        żywotopisarskiej i na żywym kulcie w całym Kościele, który ma swoją wymowę
                        historyczną. Św. Barbara żyła pod koniec III wieku w Azji Mniejszej. Jej ojciec,
                        gorliwy poganin zamykał ją w wieży, aby piękną i mądrą córkę chronić przed
                        wszelkimi niebezpieczęstwami, a zwłaszcza przed wpływami chrześcijaństwa.
                        Barbara i tak zapoznała się z chrześcijaństwem, pokochała Chrystusa i przyjęła
                        chrzest święty. Ojciec, fanatyczny poganin, wpadł w złość. Jednak nie pomogły
                        kary, groźby, besztanie i bicie. Pozostała wierna Chrystusowi. Wobec tego
                        postawił ją przed sądem, który wydał wyrok śmierci. Ojciec sam dokonał egzekucji
                        dla przebłagania swoich bogów. Wszystko, co przeszła ta święta dziewczyna
                        budziło dla niej cześć w chrześcijaństwie. Wzywano ją jako patronkę dobrej
                        śmierci. W konsekwencji została też patronką ludzi będących w niebezpieczeństwie
                        śmierci, a więc poważnie chorych, górników, saperów, altylerzystów, więźniów.

                        Modlitwa

                        Boże, święta Barbara, męczennica, dochowała wierności Tobie aż do śmierci; za
                        jej wstawiennictwem broń nas od wszelkich niebezpieczeństw i w godzinie śmierci
                        umocnij nas sakramentem Ciała i Krwi Twojego Syna. Amen.
                        • broneknotgeld Re: Św. Barbara - patronka bergmonow i stolicy fr 04.12.05, 10:18
                          Toszek

                          Barokowy kościołek cmyntorny we Toszku
                          Tyż mo jom przi Ołtorzu na świyntym łobrozku
                          Łon przeca pod wezwaniym jest świynty Barbary
                          Dziywicy kero zaprzeć niy chciała sie wiary.
                          • broneknotgeld Re: Św. Barbara - patronka bergmonow i stolicy fr 04.12.05, 10:27
                            W dziewytnostym wieku

                            W dziewytnostym wieku jak rosły nom werki
                            Kult świynty Barbary stoł sie tukej wielki
                            Na grubie czy w hucie szło życie postradać
                            Rzykej do tyj świyntyj - Kościoł dowoł rada

                            Z czasym huty poszły za świyntym Florianym
                            Barborce podziymny świat zaś był pisany
                            Bergmony jom zawsze mocno mieli w zocy
                            Bo niy łodmowiała im swojyj pomocy

                            Jak łonych tyż przeca wiyńziyły jom skały
                            Ło życie sie boła - tyn strach był niymały
                            Wiy co sie na dole telepie we duszy
                            Niydola gornika jom zowdy poruszy.
                    • broneknotgeld Re: Św. Barbara - patronka bergmonow i stolicy fr 04.12.05, 10:19
                      Słoneczko - jo rzykom mało
                      Choć z wiekym wiyncy by sie już zdało.
      • broneknotgeld Re: Św. Barbara - patronka bergmonow i stolicy fr 04.01.06, 15:40
        No i po konkursie.
        Prawie w dzisiejszych "Wiadomościach Rudzkich" drukli piyńć wierszykow.
        Ciekawe czy ktosik ze tego forum coś łod sia tam przesłoł.
        • hanys_hans Re: Św. Barbara - patronka bergmonow i stolicy fr 04.01.06, 22:21
          schlesien.nwgw.de/m/f/Barboorka.mp3
          • broneknotgeld Re: Św. Barbara - patronka bergmonow i stolicy fr 04.01.06, 23:22
            Niy Hanys - tego niy drukli.
            Toż do plagiatu niy doszło.
        • sloneczko1 Re: Św. Barbara - patronka bergmonow i stolicy fr 04.01.06, 23:11
          broneknotgeld napisał:

          > No i po konkursie.
          > Prawie w dzisiejszych "Wiadomościach Rudzkich" drukli piyńć wierszykow.
          > Ciekawe czy ktosik ze tego forum coś łod sia tam przesłoł.
          ja nic nie przesłałam bo nie umiem rymów składać ;)
          • broneknotgeld Re: Św. Barbara - patronka bergmonow i stolicy fr 04.01.06, 23:21
            Słoneczko, Ty sie niy usprowiedliwiej - niy kożdy wiersz mo rymy.
            • sloneczko1 Re: Św. Barbara - patronka bergmonow i stolicy fr 04.01.06, 23:26
              broneknotgeld napisał:

              > Słoneczko, Ty sie niy usprowiedliwiej - niy kożdy wiersz mo rymy.
              no dobrze,na drugi raz napiszę i wyślę :)
              obiecuję;)
              • broneknotgeld Re: Św. Barbara - patronka bergmonow i stolicy fr 04.01.06, 23:51
                No toż czimia Cie za słowo.
                Mosz na to jedynoście miesiyncy.
    Inne wątki na temat:

    Najnowsze z forum Glywice - Gleiwitz - Gliwice

    Nie masz jeszcze konta? Zarejestruj się

    Nakarm Pajacyka
    Osoby zamieszczające wypowiedzi naruszające prawo lub prawem chronione dobra osób trzecich mogą ponieść z tego tytułu odpowiedzialność karną lub cywilną. Regulamin
    Treści z serwisów internetowych Grupy Wyborcza.pl oraz serwisu tokfm.pl prezentujemy w ramach komercyjnej współpracy z ich wydawcami: Wyborcza sp. z o.o. oraz Grupą Radiową Agory sp. z o.o.
    Wybrane treści z serwisu Sport.pl są dostępne po wykupieniu płatnej subskrypcji