Bytomiowi

"Życie Bytomskie"

[broneknotgeld]

"Życie Bytomskie" 1956-2006

"Życie Bytomskie" mo "Abrachama"
We tym uciecha niy jakiś dramat
Choć roki lecom mode sie zdo
Bo przeca szwongu durś wiela mo.

[broneknotgeld]

Świynty Jacek w Rozbarku (1246?)

W Rozbarku na wzgorzu tyn istny nauczoł?
Choć dominikanow w dziedzina niy wkludzioł
Podobnoś na sroki se wiela nabuczoł
Niy wygnoł na zowdy choć tako tyż łudzioł

Możno skuli ptokow kościoł yno stoji
W miejscu kaj by klasztor mog terozki być
Dyć i niym sie sztela przepiyknie tyż stroji
Lżyj tu krześcijanom ze świontyniom żyć.

[broneknotgeld]

Przeklynte rozbarske sroki

Toż przekloł i tako wypyńdzioł na dugo
Tyn co we tutejszym kościele ci mrugo
Dyć se świynty Jacek postaroł coś mało
Przeca ptokow juzaś sie wiela zebrało.

[broneknotgeld]

Bytomske topielce 1367

Ano - potopiyli ksiynżoszkow mieszczany
Tako mocom klontwy zły tref był im dany
Szarlej co podziymiym we tych stronach włodoł
Gruby strzybronośne pozalywoł wodom.

[broneknotgeld]

Ksiondz Jerzy Popiełuszko
8.X.1984 Kościoł Świyntego Krziża

Jerzy Popiełuszko niy minoł ty sztele
Mioł przeca kozanie w bytomskim kościele
Chnet śmierć mu mynczyńsko bydzie przeznaczono
We pamiyńci naszy łon jednak niy kono.

[broneknotgeld]

"Bożogrobcy" - Jerozolima 15.VII.1099

Toż krziżowcy świynte miasto ze tym dniym zdobyli
Gotfryd miano mo Łobrońcy już Grobu Świyntego
Zbrojno warta tam terozki tyż istni pełniyli
No i trocha kanonikow wziyli se do tego.

[broneknotgeld]

Zakon Rycerzy Świyntego Grobu Jerozolimskego - 1163

Ze "Bożogrobcow" skroconym mianym
Zakon i Polsce był w końcu dany
Jaksy Gryfity już we tym gowa
Trza nom zoglondnońć tyż do Miechowa
Kaj "generalny dom" swoj wnet majom
Chorych kurujom a biydnym pszajom.

[broneknotgeld]

"Miechowita"

Toż "Miechowitom" skuli Miechowa
Tyż "Bożogrobcy" zwano jest gowa.

[broneknotgeld]

Bożogrobcy w Chorzowie

Z woli ksiyńcia Władysława
Som w Chorzowie - zocno sprawa
Tako łostoł w godle gminy
Krziż "miechowski" ty dziedziny.

[broneknotgeld]

Bytom 1299

Bożogrobcy ze Chorzowa
Tu lazaryt swoj tyż mieli
Niychej wiy bytomsko gowa
Że służyli zocnie szteli

Kościoł zaś Świyntego Ducha
Śladym jejicch przeca łostoł
Tako trza terozki słuchać
-Bytom łod nich wiela dostoł.

[broneknotgeld]

Zakon Kanonikow Regularnych
Strożow Świyntego Grobu Jerozolimskiego

Ze utratom Świynty Ziymi
Ło rycerzach nic niy wiymy
Kanoniki dyć łostali
Kierzy bliźnim ciyngym pszali

Ich kościoły lazaryty
Dobrodzieje ciyngym przi tym
Ze kasatom ich utopiom
Dwiesta lot se niy wykopiom.

[broneknotgeld]

Bożogrobcy 1810

Koniec zakonu - prusko kasata
Dlo chorych biydnych bolesno strata.

Festiwal GGG

[broneknotgeld]

Dyć Festiwal Gorczyckiego
Bytom tako sławi
forum.gazeta.pl/forum/72,2.html?f=28940&w=24485796&a=40441994
Kunszt prowdziwy łod istnego
Sie przi tymu jawi.

[broneknotgeld]

Rozbark ok. 1665

Adam Gorczyca kmieć dość zasobny
Ze ślubnom Annom doł światu syna
Grzegorz Gerwazy we kunszt łozdobny
Muzykom przeca jego dziedzina.

[broneknotgeld]

Praga 1678-1683

Grzegorz Gorczyca tam sztudiyrowoł
Nauki zwane wyzwolonymi
Już w tym muzyka na wiyrchu stowioł
Kerom zablyśnie jeszcze na ziymi.

[broneknotgeld]

Siedym rokow

Siedym rokow w Wiedniu pobiyroł nauki
Kunszt swoj doszlifowoł i teologijo
Tako droga wybroł dlo życio i sztuki
Tref to był szczyńśliwy a niy tragedyjo.

[broneknotgeld]

Ksiynżoszek 1692

Toż wyświyncony zostoł w Krakowie
Terozki inkszy ze tym już czowiek
Miano sie koże szkryflać Gorczycki
Ze tym w pamiyńci łostoł na wdycki.

[broneknotgeld]

Gorczycki na Wawelu (1698)

Kapelmajstrym na Wawelu
Kunsztym tukej blysnoł
Zodziwiyli se kapelom
Kitu im niy wcisnoł

Dyć som wiela komponowoł
Msze motety pieśni
Chwała Ponboczkowi sprowioł
Był ktoś lepszy wcześni?

[broneknotgeld]

"Wielki talynt muzyki baroku"

Zdo sie co w Polsce niy mioł rownego
Toż grajom dzisioj jeszcze istnego
Kunszt swoj kościelny dowoł myzyce
Skiż festiwalu już teroz wiycie.

[broneknotgeld]

"Klejnot kapłanstwa"

W katedrze wawelski epitafium mo
"Gemma sacerdotum" - kto łacina zno?

[broneknotgeld]

Kościoł Miłosierdzio Bożego

Na Smolyńsku farorzowoł
Parafiji serce dowoł
Kunszt i pszonie tyż bliźniego
Tako wspomnieć trza istnego.

[broneknotgeld]

Czy gro?

Czy w katedrze wawelski ciyngym istny gro?
Czy jego muzyka wacha tam durś mo?

[broneknotgeld]

Pszoł heresztantom

W wawelskich basztach wiyńźnie siedzieli
Choc ło muzyce mało wiedzieli
Dyć heresztanty znali istnego
Niyjedyn zaznoł opieki jego
Bo pszoł bliźniymu i w trefie złym
Tako tu szkryfna - dyć ło tym wiym.

[broneknotgeld]

+10.IV.1734+

Sie pomarło ksiynżoszkowi
Ponoć piyrwyj go przewioło
Kto w tym prowdy dzisioj dowiy?
Kto ło niego ciyngym woło?

[broneknotgeld]

Bytom 1849

Dyć sond powiatowy już tukej rychtujom
Czy bytomske zboje stracha teroz czujom?
Pora rokow przeszło - hereszt wystawiyli
Coby i na miejscu ukorani byli.

[broneknotgeld]

Bytom 1858-1862

Stowiajom nowy hereszt i sond
Już niy wyniesie prawo sie stond
Jackisch łoblyko to w neogotyk
Tu ci wybijom ze gowy psoty.

[broneknotgeld]

Bytom 1894

W sondzie zrobiyło sie richtig ciasno
Temida ślepo dyć trza mieć jasno
Co stare tako teroz sie traci
W nowe gmaszysko sond ubogaci
Ze tym i ranga jego fest rośnie
"Landgericht" wkludzioł se tu radośnie.

[broneknotgeld]

Bytom 1915

Sond sie rozrosto w gmaszysko nowe
(Te kaj magistrat tyż mo na gowie)
Dyć powiatowi yno niy służy
"Land" tu sondzony łoczy aż mruży.

[broneknotgeld]

Bytomski hereszt

Hereszt jako zbudowany
Do dzisioj tu stoji
Ku utropie zbojom dany
Toż zły tref im kroji

Na dziedzińcu utli gowa
Powiesiyli chopa
Dzisioj to niy przidzie z nowa
Tako jo spokopia.

[broneknotgeld]

W bytomskim hereszcie

Eliasz z Pistulkom tu sie zgodali
Za myńsze sprowki siedzieli
Wyszli z heresztu - tako już dali
Utropom niyjedny szteli!

[broneknotgeld]

To ci skok

Thiele-Wincklerow we Katowicach
Pistulka skubnoł z Eliaszym
Skokym dziwuje sie okolica
Dyć niyjednego tyż straszy

W sejfie terozki jako geld czimać?
Ze kasom cołkom zrabujom!
Aże bogocze niy umiom drzymać
We dnie i w nocy wachujom.

[broneknotgeld]

Pistulka 1874

Wpod we tym czasie Pistulka w końcu
Pewnikym wiycie to sami
Dwa roki z kozy blikoł ku słońcu
"Wyloz" - do przodka nogami.

[broneknotgeld]

Eliasz 1876

W policajow łapy wpod wele Mysłowic
Ranny w szczylaninie se w końcu poddowo
Sondzony w Bytomiu - terozki se dowiydz
Dożywocie istny w wyroku dostowo

Tako we hereszcie doczkoł sie łon wojny
Niym skuli starości prziszło mu umiyrać
Zamknoł łoczy richtig w czasie niyspokojnym
-Możno na utropa już niy chcioł zaziyrać.

[broneknotgeld]

Na Ślonsku piwo dobre być miało
Sie browarnikom warzyć je chciało.

[broneknotgeld]

Nasze piwo

Piwo piyły wszyske stany
Toż napitek był udany
A browarnik w zocy tako
Chyba żeś przi tymu płakoł.

[broneknotgeld]

Browar Miejski XIV w.

Już we tych czasach był browar miejski
W tym łosrybrzonym bytomskim grodzie
Piwko dowało dyć nastroj sielski
Mieszczany żyli ze niym we zgodzie.

[broneknotgeld]

Kaj Browarniano

Kaj Browarniano był stary browar
Biyr tukej warzoł miejski piwowar
Po wiek dwudziesty ciyngym tu stoł
Choć już krziżykow za wiela mioł.

[broneknotgeld]

Piwne miana

Piwowarkow Sladko Chmielkow tu richtig łod groma
Tako ło Bytomiu prawiyła mi ołma
Dyć to wszysko przeca było aż za stary piyrwyj
Możno ktosik pedzioł - Co piwne to wyrwij.

[broneknotgeld]

Piwo raciborske

Piwo raciborske bytomiany piyli
Na gorko ze masłym! Skond te smaki wziyli?

[broneknotgeld]

Piwo raciborske

Piwo raciborske bytomiany piyli
Na gorko ze masłym! Skond te smaki wziyli?

[broneknotgeld]

W XIX wieku

W dziewiytnostym wieku Bytom se rozrosnoł
Tako i browarow wiyncy tukej było
Szillerow nojwiynkszy - szwongu richtig dostoł
Jako by se tukej bez piwa im żyło?

[broneknotgeld]

Browar Braci Schillerow

U Schillerow przi Wrocławski
-Wtedy jeszcze Miechowicki
Biyr niy czekoł na łoklaski
Dużo go warzyli wdycki.

[broneknotgeld]

Ignaz Hakuba

Piwo warzoł - niym handlowoł
Szwongu wiela z tym dostowoł
Princ na Pszczynie mioł browary
Na Hakuby w som roz miary
Toż miljonow se dorobioł
A i Bytom tako zdobioł.

[broneknotgeld]

Honorowy rajca miejski

Ano sponsorowoł łon szkolorzy wiela
I Fryderyk Wielki zoglondo na sztela
Za geld łod Hakuby dynkmal wystawiony
Jak pomarł łostawioł jeszcze dwa miljony.

[broneknotgeld]

Kuracyjo antyalkoholowo

Tako ksiondz Ficek - niych wos niy dziwo
Na kuracyjo zolycoł piwo
We knajpach mieli je dobre loć
By czowiek przestoł gorzole pszoć

Bestoż se weźcie mocno to gowy
Biyr tam kaj blysnoł "ruch trzyźwościowy".

[broneknotgeld]

"Ku ozdobie srebrne stopnie u łożnic stawiali sobie."

Ano tako było we tych wiekach średnich
Strzybny grod bytomski noleżoł do przednich
Przeca tu tyn kruszec ciyngym dobywali
Niym se klontwy srogi za winy doczkali
Tako wszyske szachty pozalywoł Szarlyj
Jakby chcioł ty szteli pedzieć ze tym - karlyj!

[broneknotgeld]

W szesnostym wieku

W szesnostym wieku Tarnowske Gory
Dziynki bergmonom wylazły z dziury
I choć w Bytomiu tyż probowali
Dyć rady wodzie jakoś niy dali.

[broneknotgeld]

W łoziymnostym wieku

Toż srybrno ruda zaś Bytom dźwigo
Szachtow pobliskich wiela nom migo
Po kerych ślady do dzisioj momy
Choć se im mało teroz dziwomy.

[broneknotgeld]

"Fryderyk" (koniec XVIII w.)

Toż srybrnonośnych rud tukej wiela
A i ołowiym niy gordzi sztela
Tako grof Reden gruba zrychtowoł
Co sie nojwiynkszo na Ślonsku zdowo.

[broneknotgeld]

Krolewsko Kopalnio Rudy Ołowiu i Srebra "Fryderyk"

Pol gorniczych miała wiela
Łod Tarnowskich Gor ta sztela
Ciongła aże sie po Bytom
-Ło nic wiyncy już niy pytom.

[broneknotgeld]

Dwa miljony

Dwa miljony ton rudy se ufedrowała
Dyć przez sto piyńdziesiont rokow to bezmała

Tako tyn "Fryderyk" richtig wiela znaczoł
Bo tyż okolica przeca ubogacioł.

[broneknotgeld]

"Marta" 1823

Aresin z Miechowic gruba wyrychtowoł
Dyć we tym kontmanym Godule tyż mioł
Drapko krolym cynku tyn istny se stowo
Tako se wzbogacioł jako tego chcioł.

[broneknotgeld]

Bytomske gruby galmanu

"Theresia" i "Apfel" "Fortuna" "Rococo"
Tyż "Neue Viktoria" przed łoczy nom skoko
A wele Bytomia to ciynżko zrachować
Cynk świat poczebowoł - trza było go dować.

[broneknotgeld]

"Bulwar" 1909-1910

Dyć dlo uciechy rosło gmaszysko
Dołym kawiarnio klasy nojpiyrszy
Restauracyjo gorom - niy wszysko
Ło sztoki miyszkań tyn "Bulwar" wyrszy.

[broneknotgeld]

Cafe "Hindenburg" - 1914

Na cześć feldmarszałka "Bulwar" zmiynioł miano
-Z tym rokow czidziści ta sztela jest znano.

[broneknotgeld]

Feldmarszałek Hindenburg

Feldmarszałek w Bytomiu kedyś stacjonowoł
Tako we pamiyńci mieszczanom tu stowoł
Ze "Cafe Hindenburg" tyż se fest cieszyli
Z czasym jakby bliży prezydynta byli.

[broneknotgeld]

Paul Zolke 1914

Ze tym rokym Zolke tukej gospodorzym
Wnet "Cafe Hindenburg" przi niymu fest wozy
Tu se spotykała bytomsko śmietonka
Bawiyła tyż czynsto do rannego słonka.

[broneknotgeld]

W "Delikatesach"

W "Delikatesach" żech przeca bywoł
I we "Hawanie" na frelki dziwoł
Mojom młodościom gerkowske czasy
I bestoż wcale mie to niy straszy.

[broneknotgeld]

Bytomske "ikony"

Co było, jest, co być może
bytomskom "ikonom" w ty porze?

[broneknotgeld]

Stary ratusz

Do końca wojny widok ratusza
Ruszoł niyjedna bytomsko dusza.

[broneknotgeld]

Bytomsko giełda staroci

Może "ikonom" być moji złoci
Richtig bytomsko giełda staroci.

[broneknotgeld]

"Plac czerwony"

Tako rynek zrychtowamny
Za "ikona" bydzie dany?

[broneknotgeld]

Świytlik

Cygaro Świytlik do gymby wrazioł
Se po Bytomiu bydzie z niym łazioł.

[broneknotgeld]

Drewniany kościołek

Kościołek w parku "ikonom" zdoł sie
Dyć na notgeldy miejske dostoł sie
Som żech nań blikoł - dzisioj niy idzie
Toż wypolony - Bytom we biydzie.

[broneknotgeld]

"Heinitz" 1923

Zdało sie gruba niymetanowo
Dyć do wybuchu tu doszło
Toz tragedyjo historjo stowio
Wiela do Nieba zaś poszło

Ze szachty "Romhild" słup dymu widać
A głymbi piekła kawałek
Tako świadectwo przeca trza by dać
Na wieki możno już całe

Połtora setki chnetko bergmonow
Do dom juz ze tym niy wroco
Śmierć niypoczebno richtig nikomu
Jako sie mierzyć z jyj mocom?

I ci co poszli ludzi ratować
Tyż potraciyli kolegow
A trza do taki roboty stować
Co siengo jakby dwoch brzegow

Cicho mogiła durś na Rozbarku
Ło tym niyszczyńściu wspomino
Przi kerym grubiorz dostoł po karku
Czy łona łostała ino?

[broneknotgeld]

31.01.1923 "Czorno Środa"

Zły dziyń dlo Rozbarku
Ślintajom siyroty
Utropa na karku
Jako żyć tu potym?

[broneknotgeld]

Sztyrech ratownikow

Toż ze ratownikow
Co z pomocom szli
Szworka życie straci
Tref i tako zły.

[broneknotgeld]

110 siyrot

Siyrot zrachowali tela
Łojcow gruba zatraciyła
Niyszczyńśliwo cołko sztela
Toż Ponboczku dej im siyła.

[broneknotgeld]

Pomoc familijom

Z cołkich Niymiec prziszło wsparcie
Choć czas zdoł sie richtig ciynżki
Pomoc dzieciom w tym na sztarcie
By niy rosły z piyntnym klynski.

[broneknotgeld]

4.II.1923

Na rozbarskim cmyntorzu urosła mogiła
Tako już ich tuli ziymia poświyncono
Pamiyńć tragedyji oby dugo żyła
A we familijach niych nigdy niy skono.

[broneknotgeld]

To co dobre już minyło?
Piyrwyj lepi richtig było.

[broneknotgeld]

"Wsiadejcie, wsiadejcie!"

Na wonskich glajzach z Bytomia ruszo
Cug do kerego wsiadywać muszom
Ci co fest lubiom take wycieczki
Możno wylejzom kajś pod Miasteczkym
Ślonsko dziedzina połoglondajom
Spokopiom ludzi kierzy jyj pszajom.

[broneknotgeld]

"Zamach" w Bobrku 18.IV.1932

Se komunisty tu zaczajyli
Na konwoj co wioz Hitlera
Dyć niy za wiela jymu zrobiyli
Choć wspomnieć idzie to teraz.

[broneknotgeld]

Ech - "Elektronik"
Co mie tam goni?

Bytom - Bobrek

[broneknotgeld]

Bobrek 1369

Na prawie niymieckim wioska lokowano
Już tu piyrwyj stoła wele jedny sztrasy
Miechowicki farorz bajtlom dowoł miano
Tako w Bobrku lecom nojdowniejsze czasy.

Bytom - Bobrek

[broneknotgeld]

Bobrek Bujakowskich

Choć Bujakowscy ze Bujakowa
Bobrek tyż trzimiom - ło tym tu mowa.

Bytom - Bobrek

[broneknotgeld]

Bobrek Hochbergow

Nojzocniejszy rod na Pszczynie
Trzimoł Bobrek w ty dziedzinie.

[broneknotgeld]

W ryncach Schaffgotschow

Godula pomarł - majontek łostoł
Z rynkom Joanny grof tako dostoł
"Ślonski kopciuszek" ze tym echt paniom
Se podziwejcie terozki na niom.

[broneknotgeld]

Ks. Jan Kuboth

Miechowicki farorz kościoł chcioł budować
Prawie we tym Bobrku - stropiono mo gowa
Do jego świontyni stond richtig daleko
Choć Pon Bog ciyrpliwy - na wiernych durś czeko.

[broneknotgeld]

Bajstlujom świontynia 1900-1902

Toż kunsztym Schneidera łon neoromański
Drapko postawiony - Ślonzek niy pogański
Dyć se fest ludziska terozki radujom
Zdo sie co Ponboczka jakby blizy czujom.

[broneknotgeld]

Bobrek 1369

Na prawie niymieckim wioska lokowano
Już tu piyrwyj stoła wele jedny sztrasy
Miechowicki farorz bajtlom dowoł miano
Tako w Bobrku lecom nojdowniejsze czasy.

[broneknotgeld]

Bobrek Bujakowskich

Choć Bujakowscy ze Bujakowa
Bobrek tyż trzimiom - ło tym tu mowa.

[broneknotgeld]

Bobrek Hochbergow

Nojzocniejszy rod na Pszczynie
Trzimoł Bobrek w ty dziedzinie.

[broneknotgeld]

W ryncach Schaffgotschow

Godula pomarł - majontek łostoł
Z rynkom Joanny grof tako dostoł
"Ślonski kopciuszek" ze tym echt paniom
Se podziwejcie terozki na niom.

[broneknotgeld]

Bajstlujom świontynia 1900-1902

Toż kunsztym Schneidera łon neoromański
Drapko postawiony - Ślonzek niy pogański
Dyć se fest ludziska terozki radujom
Zdo sie co Ponboczka jakby blizy czujom.

[broneknotgeld]

Parafijo we Bobrku 20.III.1906

Konsekrowano sto rokow tymu
Przi gyburstagu jak skompić rymu?
Ponboczku - miyj we łopiece Bobrek
Niych parafiany wiedzom co dobre.


Dynkmal poległych 1925

Wele kościoła dynkmal stowiajom
Tym co w pamiyńci na zowdy majom
Poległo wiela we piyrszy wojnie
Niych tako w ziymi se śpiom spokojnie.

[broneknotgeld]

Gmina Bobrek-Karb 1928

Bobrek z Karbiym skuplowali
Obszar dworski tako dali
Toż zocniejszo teroz gmina
Wiela znaczy ta dziedzina.

[broneknotgeld]

Bobrek 1859

Cug z Tarnowskich Gor do Chebzio
Przez Bobrek se jedzie
Toż i gmina we proficie
Trza nom ło tm wiedzieć.

[broneknotgeld]

Huta "Vulkan" 1856

Huta ajza wytopiała
Dyć profitu coś niy dała
Drapko se bankrutym stała
We gyszywcie Pecha miałem.

Bytom Łagiewniki

[broneknotgeld]

Łagwie

Łagwie z drewna czy ze gliny?
-Waże to co kładli driny
Stond je bierom bytomiany
I kuplujom tako z mianym.

[broneknotgeld]

Na trzi

Na trzi konski se dzielyły
Trzi folwarki tyż tu były
Ze Średnich do dzisioj majom
Chocioż zdo sie co jo bajom.

[broneknotgeld]

Łagiewniki 1254

Jak tyn Bytom lokowali
Łagiewniki wspominali
Historyjom zocne tako
Że niyjedyn grod zapłako.

[broneknotgeld]

Łagiewniki 1532

Se podzielyła terozki wioska
Nad Dolne Gorne wyłazi troszka.

[broneknotgeld]

Łagiewniki Gorne - Kattowitzer A.G. (1889)

Gruby werki wiela znaczom
Łagiewniki tyż łonaczom.

[broneknotgeld]

Łagiewnicko szkoła 1874

Piyrszo w ty szteli
Z tym rokym mieli
Choć krotko tako
Dyć nikt niy płakoł.

[broneknotgeld]

Szkoła trzecio 1912

Na Hubertusie wybudowali
Bo stond do szkoły było im dali
A se dzieciskow tyż namnożyło
W czas "prorodzinny" przeca to było.

[broneknotgeld]

"Hohenlinde" 1904

Gorne ze Średnimi se pokuplowały
Tako nowe miano z niymieckego brały.

[broneknotgeld]

Parafiany

Parafiany z Łagiewnikow
w Bytomiu rzykajom
Trza daleko łazić z rana
Toż kościoł stowiajom
Grunt kupujom, cegły tako
trza dzwignońć go rychło
Jyż niy bydzie tu jednako
Zło jakby fet zcichło.

[broneknotgeld]

Kaplica św. Jana Nepomucena

Ech - we downych rokach ta kaplica była
Ze dwudziestym wiekym prawie se straciyła.

[broneknotgeld]

Nowy cmyntorz 1901

Dzisioj zdowo sie tyz stary
Dyć był piyrwyj richtig jary.

[broneknotgeld]

"Florentinegrube" 1822

Piyrszo gruba w Łagiewnikach
Zaczli do Barborki rzykać
Czy już ciyngym tako bydzie?
Z wonglym Ślonzek niy we biydzie.

[broneknotgeld]

Gruba "Cons. Florentine"

Ciyngym rosnońć se zdowała
Wiela szachtow juz z tym miała
Ciynzko dzisioj je zrachować
Tako samo rymy dować.

[broneknotgeld]

Hubert von Tiele-Winckler

Grajfka do gyszeftu richtig mioł tyn istny
Niyjedyn był ło to nawet i zowistny.

[broneknotgeld]

Łagiewniki w Bytomiu 1951

Krotko po wojnie tako se stało
Bytom był ze tym richtig w proficie
Ano - dzielnica przeca niymało
Bogaci miasto - wszyscy to wiycie.

[broneknotgeld]

"Wzgorze Miłości"

Czy jeszcze gorka ta pamiyntocie?
W bytomskim parku ciyngym jom mocie?

[broneknotgeld]

Tela nabroja
piotrkoj.blog.onet.pl/
Dom link na Koja.

[broneknotgeld]

Toż pozdrowiom bytomianka
ludzie.gazeta.pl/ameba1/0,0.html
Co mojiki mo do wianka.