Ślonske legyndy

Bielszowice

[broneknotgeld]

Herb piyrwyj

Piyrwyj som topor w herbie Bielszowic
Dyć niy katowski - pierona - to wiydz
Co był po blisku tu bor prowdziwy
Dopiyro potym nastały niwy.

[broneknotgeld]

Godło Bielszowic

Ze toporym w godle terozki siekyra
Możno wiyncy drwoli we tych Bielszowicach
Robota durś tukej toż prziszli na gyrach
Bo richtig lesisto była okolica.

[broneknotgeld]

Bielszowice

Była Kochłowka wpiyrw Bielczom zwano?
Na Bielszowice przeszło stond miano?
Dyć możno richtig płotno bielyli
"Łonki na blychu" tukej robiyli.

[broneknotgeld]

Ze końcym XV w.

Ze piytnostego wieku już końcym
Bielczowski Maciej czimoł dziedzina
Ciyngym se płotno bielyło słońcym?
Czy już w tych czsach tego tu niy ma?

[broneknotgeld]

Farske Doły

Wele cmyntorza te "farske doły"
Czy jest ksionżoszek dzisioj wesoły?
Dyć to co piyrwyj jego tu było
Już se domami gruby przikryło.

[broneknotgeld]

Hutki

Hutkow niy yno młyn w okolicy
Malutko sztela wele kuźnicy
Kolanijami przeca łobrosły
Te Bielszowice - do siyły doszły.

[broneknotgeld]

Bielszowice - kolanijo

Z "Krolowy Luizy" gwarki tu miyszkali
Dyć czy łoni richtig to forsztelowali
Że ta jejich gruba miano se nosiyła
Krolowy co ponoć nojgryfniejszo była.

[broneknotgeld]

Bielszowice - dwor

We środku Bielszowic
-Co po niym łostało?
Pamiyńć - bo sie przeca
Bydzie wspominało.

[broneknotgeld]

Młyny

Młynow na Kochłowce aże pora stoło
Se we Bielszowicach wiela monki mloło.

Ruda

[broneknotgeld]

Utopek szlajfkom

We Rudzie przi stawie
Bawiyła se prawie
Dyć szlajfka widziała
Tako jom chytała
Aż wlazła do wody
Z tym koniec przigody.

[broneknotgeld]

Wele zamku

Wele zamku Ballestryma
Duch Goduli ciyngym miyszko
Szuko tego co już niy ma
Tako pedzieć - jakby wszysko.

[broneknotgeld]

Toż gupoty

Rudzki "djosek-kuternoga"
Spotkoł w swojim werku Boga
Strworca radzi - Przestoń brykać
Mosz codziynnie długo rzykać

A Godula Jymu na to
-Z pobożnościom tyż sagato
Potrza geldu i roboty
Wiela rzykać - toż gupoty!

Górnik Zabrze ... Klub Legenda

[luna-a]

Górnik Zabrze to przecież sportu potęga!
Koniec Świata! Na sprzedaż Klub Legenda?

:0!

[broneknotgeld]

Bytomski krziż

Kaj hereszt bytomski krziż staryńki stoji
Ponoć wiek go widzioł aże łoziymnosty
Przyńść szczyńśliwie idzie - już se nikt niy boji
Na downo utropa znodli knif tyn krosty

Toż tu był "Galgenberg" we złych duchow władzy
Zmory strzigi jako tyż rożne beboki
W nocy tańcowały umazane w sadzy
Niyszczynsny co wiodły go w ta strona kroki

Lepi ci niy widzieć wisielczy uciechy
Łostatnio godzina z tym dlo cia być może
Ano - krziż łodkupioł tego miejsca grzychy
Za to cołki Bytom wdziynczny jest Ci Boże.
-

Wiyszadło

Cis żeś z Bytomia na Pyskowice
Toż żeś łomijoł wiyszadło
Zboj tyż zoglondoł w te okolice
I niyjednego napadnoł.

[broneknotgeld]

Walynty Dyngos

Znocie Dyngosa? -Z niym niy zabawa!
Nojgorszo przeca czeko go sława
Dyć w końcu Bytom se z niym poradzioł
I na wiyszadło tyż zaprowadzioł.

[broneknotgeld]

Powrot Dyngosa

Co to w Bytomiu wtedy sie dzioło?
Prawiom że nawet było wesoło
Groł mieszczanina fest bogatego
Aże przedmieście z mianym jest jego

Dyć z bandom swojom ciyngym rabowoł
Łupioł łokropnie ciyrpiyń zodowoł
Herszt był nojgorszy z ferajny cołki
Możecie wierzyć - to niy som bojki.

[broneknotgeld]

Skarby Dyngosa

Ciyngym na Goju jejich szukali
Las przi Bytomce gynsty był piyrwyj
Skarbow do dzisioj niy łodkopali
Jo tyż niy powiym - jynzyk mi wyrwij.

[broneknotgeld]

Tunele

Aże ze Goja do "cyntrum" wiydom
Pamiontka to po Dyngosie
Piyrwyj Bytomia to wielkom biydom
Znojść dzisioj jeszcze je do sie?

[broneknotgeld]

Dyngos był rabczykym - skarbow moc łostawioł
Dyć kto śmioł ich szukać - se tracha nabawioł.

[broneknotgeld]

Ło Dyngosie aże tela
Choć to zdo sie tyż niywiela.

[broneknotgeld]

"Siwy czowieczek"

Downoch to przeżoł - za kawalera
Frelka przepiykno wspominom teraz
Do kery tyroł żech na zolyty
Sie gorkim sercym dzielyła przi tym

Roz przi połnocy wybroł se do dom
Przez plac Thalmanna - tako wom godom
Bo na Sikorskim łostatnio banka
-Z lipstom żech niy mog łostać do ranka

Toż nogle jakeś dziejom sie dziwy
Stoji przedymnom ktoś cołkym siwy
Po puklu łażom mi aże ciarki
W ślypia zoglondom - tam yno szparki!

Ło Jezusiczku - ratuj mie tako!
Stwor na znak krziża łodpedzioł -"psiakość"
Łodstompioł drogi - jo szwong na Poli
Se niy łoglodom - "beboka" smolić

Zdonżołch na banka i już we Rudzie
Deliberowołch ło nocnym "cudzie"
W klota se pizna - aż na dwa tydnie
Cołki tyn Bytom jakoś mi brzidnie

Dyć potym jednak wziyła tynsknica
Śniom sie dziołuszki niy yno lica
W "dziewiontka" wsiadom i zaś tam jada
Choć po tym wszyskim może być zwada

Recht - toż łod frelki lodym już wioło
Godo co inkszy ćwiyrko wesoło
Ano - se pszonie rożniście plecie
Kto tymu winny? -"Siwy czowieczek"!!!

[broneknotgeld]

"Trupi kamiyń"

We kamiynica jest wmurowany
Chnetko lot dwiesta już tukej znany
"Morderczym" zowiom go abo "trupim"
W dzisiejszych czasach czy ktoś to "kupi"?

[broneknotgeld]

-Piekarsko

Bytom rosnoł - toż w końcu Piekarsko ulica
Łozdobiyła niy yno jedna kamiynica
Dyć "trupim kamiyniym" dom tu tyż znaczony
Czy zobytkym takim łon uszczyńśliwiony?

[broneknotgeld]

"Siwy czowieczek" - tam już go niy ma
Dyć kejś żech trefioł go, kejś we cima
Wele połnocy
Wloz mi we łocy
Choć było lato, zdało mi - zima.

[broneknotgeld]

"Czorny pies"

Na mariackim kościele piyrwyj go widzieli
Dyć jakoś go ściongnońć z ty wieży musieli
Tako już we gorze figurki niy widać
Ło psie tym bytomskim trza jednak coś by dać.

[broneknotgeld]

Dzwoniom dzwony

W mariackim kościele dzwoniom dzwony w nocy
Godajom co łone we psa tako mocy
Dzwoniom jak ktoś zocny zaklupie do Piotra
Cicho som jak kosa natrafi na łotra.

[broneknotgeld]

Bytomsko legynda

Łoj - w downych wiekach to richtig było
Kajś miyndzy Pragom a zocnym Gdańskym
Z Wrocka na Krakow jak se ciongnyło
Trefiołś na Bytom tyn krześcijański

Kasztel tu mocny z kościołym swojim
Dyć wele niego rośnie osada
Kero tref drapko srybrym łobstroji
Dźwignońć świontynia - zocno to rada

[broneknotgeld]

Toż princ zawołoł budowniczego
Plany majstrowi swoje przedstowioł
Rozkozoł zabrać mu drap do tego
I oby istny w tym dobrze sprowioł

Tako być musi - kościoł dźwigajom
Łod fundamyntow po dach wysoki
Piykny budulec zewszond ściongajom
Bo bytomiany niy som boroki

[broneknotgeld]

Majster doglondoł ciyngym wszyskego
Za niym w kont kożdy pies jego tyroł
Przizwyczajyli se już do tego
Że go naprowdy wszyndy zabiyroł

Jedyn niy może być bez drugego
Kaj psiok - pon jego, kaj pon - psiok tako
W życiu pszociela trza mieć dobrego
Dy radość dzieloł - w utropie płakoł.

[broneknotgeld]

Ech - kościoł rosnoł ludziom we łoczach
Choc durś surowy parafian cieszoł
Dyć majster zaczoł źle spać po nocach
Toż sie zdowało że czymsik zgrzeszoł

Bo trza Dom Boży gryfnie wystrojić
Geld coś topnieje - profit mizerny
Jako wydatki teroz łokrojić?
Tropi se czowiek - ze niym pies wierny

[broneknotgeld]

Jako przed princym stanońć terozki?
Co ludziom tukej łodpedzieć przidzie?
Świontynia cudno - czy dopust Boski?
Co zaczoł - skończoł, choć w wielki biydzie

Toż bijom dzwony - blyszczy świontynia!
Majster na wieży w tym czasie kryńci
Czy djosek chycioł jego sumiynia?
Skoczyć z wysoka pieronym nynci?!

[broneknotgeld]

Skoczoł! Krew trysła wele kościoła!
A pies za ponym swojim tyż leci!
Taki im koniec śmiertka wykroła
Płakały baby, chopy i dzieci

Kaj dwa kamraty żywot skończyli
Richtig do dzisioj dziwy aż dziejom
Psa ze kamiynia tyż wystowiyli
Choć se nikierzy ze tego śmiejom

Dyć dowej pozor - niy rob gupoty
W nocy przeżegnej se przi kościele
Byś niy żałowoł zarozki potym
-Ponoć durś straszom tukej pszociele.

[broneknotgeld]

Z bytomski fary

Z bytomski fary w podziymie wiydom
Za mury - na Małgorzatka
Szczyńściym to abo jakomsik buydom?
Możno trza jednak je zatkać.

[broneknotgeld]

Ponoć

Ponoć we Bytomiu kej tyn lew sie zbudzi
We piekle z tym kocioł Dyngosa wystudzi
www.youtube.com/watch?v=xoXvTDvzUYs

[broneknotgeld]

Ponoć tyn lew Kalidego

Ponoć roz do roku sie budzi i kuko
Ponoć magistratu we Bytomiu szuko
Nałokoło zwyrto
www.facebook.com/media/set/?set=a.540855495989358.1073741867.195759197165658&type=1
Chyto luftu w hyrtoń
I zaś śnik we ślypiach - Świytlik tako bluko.

[broneknotgeld]

Niy dziwejcie - mi spomniało
Choć kejsik niy radowało.

www.facebook.com/groups/332939560673928/posts/1460452724589267/

[broneknotgeld]

U frelki kuszom nos gryfne nogi
monika.univ.gda.pl/~literat/grafika/meluz.htm
U meluzyny te jeji rogi!

[broneknotgeld]

Dyć niyjednymu ponoć se zbrzidła
Jak go capnyła w rogate krzidła.

Ślonske legyndy - Pilchowice

[broneknotgeld]

"Czi dymby"

Piyrwyj czi dymby stoły we lesie
Pilchowiczany je znały
W strona Smolnicy kerego niesie
Toż tam wytrzyszczoł durś gały

Co tu sie dzioło dość wiekow tymu
W niyszczynsny ziymi glywicki
Coby łopisać niy styknie rymu
Dyć powspominać trza wdycki

Coś poł Europy już wojnom żyło
Ponboczka kożdy mioł w gymbie
A przeca życie wiela straciyło
Wojoki to niy gołymbie

Wojska Mansfelda tyndy wrocały
Wiela po drodze łupiyły
Na wiynksze miasta tyż porywały
-Glywice se łobroniyły

Fest okolica z tym uciyrpiała
Choć protestancko tyż była
Wojna nikomu niy folgowała
A łostro kosa durś tnyła

Na pilchowickich włościach pułk stoji
Skarbczyk przi niymu jest zocny
Ciongnońć go dali cosik sie boji
Wodz jejich niy był już mocny

Jak "czi korony" te dymby w lesie
Znak to dlo Szwedow szczyńśliwy
Z tym swoja kasa wojok tam niesie
A przeca jyj był pragliwy

Że tu se wroci kożdy rachowoł
Ze wiynkszom siyłom najedzie
Zabiere wszysko co piyrwyj schowoł
Z bogactwym bydzie na przedzie

Dyć tref niy zwoloł już wiyncy na to
Drzewa skarb wielki czimały
W zły czas ta sztela zdo sie sagato
-Łone dać tego niy chciały

Podobnoś nawet wiela szukało
Jednak niczego niy znodli
Przeklynte miejsce sie wydowało
Krew kożde złoto upodli

Coś na Rzyketce lyniwie pływo
Dymbow już nawet niy szukej
Przeca to godoł jakiś "podziwok"
Bestoż po gowie se klupej.

[rita100]

Ten wiersz o legendzie Pilchowic
toś slicznie napisał, o tym się dowic
miło się czyta i zrozumiale
może pociągniesz to wszystko dalej ?

[broneknotgeld]

Pewno z czasym dali pódzie
-Tako musi być we Rudzie.

Legyndy i godki chorzowske

[broneknotgeld]

Za Bolka Chrobrego

Wele Bytomia gon powiod Chrobry
Zwiyrza tu przeca niy brakowało
Tako i profit z tego był dobry
Wojom se nawet zapodobało

Dyć bestoż warszlos kasztelan stowio
Możno na bezrok zaś Bolko bydzie
Gowiydź ubito radość mu sprowio
I jodła wiyncy - grod niy we biydzie.

[broneknotgeld]

"Zversov" (1136)

Przi Bytomiu wioska tako
Kaj już znojdziesz dwie gospody
Gwarkom srybra dyć jednako
-Niy chcom chytać se tam wody

Biyra im zocnego dejcie
Fach swoj przeca dobrze znajom
Zversov - Chorzow? -To godejcie!
Styknie co tu srybru pszajom.

[broneknotgeld]

"Zversov" ("Zwierzów")

Kaj bor był gynsty i wiela zwierza
Stanoł tyn Zversov - w to prawie wierza
Dyć kasztelański grod był po blisku
A woj wnerwiony ło pustym pysku.

[broneknotgeld]

Princ Władysław (1257)

Princ Władysław - pon Opola
Bożogrobcow uposażoł
Ano tako jego wola
Co tyn zakon tukej wrazioł

Chorzow doł i Białobrzezie
Mieli biydnych dyć kurować
A i wzmocniać w Krysta wierze
Mustrym we zocności stować.

[broneknotgeld]

Princ Władysław (1257)

Princ Władysław - pon Opola
Bożogrobcow uposażoł
Ano tako jego wola
Co tyn zakon tukej wrazioł

Chorzow doł i Białobrzezie
Mieli biydnych dyć kurować
A i wzmocniać w Krysta wierze
Mustrym we zocności stować.

[broneknotgeld]

We Czeladzi

Ano we Czeladzi princ opolski stoji
Tukej Bożogrobcom dokumynt wystawio
Z kerym historyjo już tyn Chorzow kroji
Tako niy godejcie co mi sie to zdowo.

[broneknotgeld]

Łoketek w Chorzowie

Uciyk Łoketek - gorko w Krakowie
Toż przenocowoł aże w Chorzowie
Bo bytomiany bramy zamknyli
I wojow z princym w prog niy wpuściyli

Dyć z niymi opat rajtowoł przeca
Co z miechowitow zocnego neca
Tako se niy trza tymu fest dziwać
Nojszczyrszo prowda - na nic wom kiwać.

[broneknotgeld]

Bożogrobcy w Chorzowie

Kaplica piyrwyj tu yno była
No i lazaryt - w niym prykow pora
Dyć miechowitow ze tego siyła
I w Duchu Świyntym zesłanym wczora.

[broneknotgeld]

"Coccham" 1198

W Jerozolimie tako szkryfnyli
Co bozogrobce "Cochcam" chyciyli
Przi "Belobreze" richtig ta wioska
Toż przipomino mi cosik troszka.

[broneknotgeld]

Przekludzka lazarytu 1299

Ano za wolom princa Bytomia
Lazaryt blisko stolicy jego
Niy trza mu teroz wsiodać na konia
Przeca kaj kościoł Ducha Świyntego.

[broneknotgeld]

Łod "chorego"?

Chorzow łod "chorego" nosi swoje miano?
Toż tu bożogrobcy żykali co rano
I piyrszy lazaryt tako wystawiyli
Niym se do Bytomia z chorymi wkludziyli

Dyć przeca i potym profity z ty wioski
Szły na kurowanie z kerym myni troski
Ponboczek braciszkom łaskami tyż darzoł
A czowiek ło zdrowiu niy yno zamarzoł.

[broneknotgeld]

"Charowali"

Charowali we Chorzowie gwarki srybra mocno
Czy łod tego miano wziyła se ta sztela zocno?

[broneknotgeld]

Z "hory"

Na gorce przeca tyn Chorzow Stary
Toż możno miano taki jest "miary"?

[broneknotgeld]

Strachliwy Chorzow?

Możno wywoło to wiela burzow
Boch roz usłyszoł co to skiż "tChórzów"
Kerych w Chorzowie było za wiela
Toż co powiycie na tako sztela?

[broneknotgeld]

Tchorzew - Chorzew?

Ano - jak przeszli tyndy Tatary
Kożdy se schowoł - mody i stary
Dugo we borze potym siedzieli
Wyleźli - tako chorobska mieli.

[broneknotgeld]

Horzow - Gorzow?

Brzetysława woje przez Ślonzek ciongnyły
Toż grodki piastowske po drodze polyły
Tako zgoroł ponoć i "Waldszlos Chrobrego"
Gore abo hore - kto dońdzie do tego?

[broneknotgeld]

Z chorości Łoketka?

Czy chory Łoketek tukej se kurowoł?
Mogło być i tako choć możno se zdowo
Jakoś go kuplujom z dziejami Chorzowa
Bestoż pomyślała ło tym czyjaś gowa.

[broneknotgeld]

Z "tchórzówki"

Chorzowiany w myckach łażom
Ze skory łod tchórza
Możno stond i miano szteli
Dyć jo niy powroża.

[broneknotgeld]

Łod Charza?

Ano tako se zamarza
By niy było to łod Charza.

[broneknotgeld]

Herb Krolewski Huty (18.X.1869)

Poł orła majom na niym czornego
Tyż szlajfkom srybrnom przeposanego
Inicjał krola - koronowany
Młotek z pyrlikym zekuplowany.

[broneknotgeld]

Herb Chorzowa (14.III.1938)

Poł orła gornoślonskego
Co na modrym tle se złoci
Tyż poł krziża czerwonego
Z czerni wyloz ku dobroci
Dwa ramiona mo poziome
Łon łod bożogrobcow przeca
Choć zakonu tukej koniec
W historyji tego neca.

[broneknotgeld]

Krziż Bożogrobcow

Zdublowany krziż rycerski
Ze rownymi ramionami
Inkszy zdo sie tu niyherski
Zoglondnijcie na to sami

Zowdy szyrsze końce jego
Yno take być w niym mogom
Se czerwiyni nom do tego
Czorny ćmok te krziże zmogom.

[broneknotgeld]

Ze Chorzowa

Na Chorzowie i Dombie bożogrobce stojom
Dlo tych co kurujom łostatniom łostojom
Przi bytomski bramie dyć lazaryt majom
Mogom bliźnim służyć bo grosz stond ściongajom.

[broneknotgeld]

Przi Krakowski Bramie

Klupoł Łoketek w bytomsko brama
Dyć niy łotwarła se łona sama
A bytomiany go niy wpuściyli
Możno po inkszy stronie już byli

Tako skerowoł se do Chorzowa
Bo śnik nachodzioł już jego gowa
Chy tam chorobsko jakoweś chycioł?
Toż roztomajcie ktoś ło tym klycioł

[broneknotgeld]

Chorzow 1632

Farorz bożogrobcow do Chorzowa wroco
Czasy teroz ciynżke - jakby ciymnom nocom
Toż lepi se czimać łod Bytomia dali
Coby protestanty siyłom niy zabrali
Tego co poczeba ciyngym zakonowi
Miłości bliźniego - tako yno powiym.

[broneknotgeld]

7.X.1643

Bytom w Szwedow rynkach
Ciyrpi umynczony
Tako wielko mynka
Pisano tu łonym

Utropiony ratusz
Rabujom kościoły
Za wiela tu katusz
Dyć zdo sie - "krol goły"

Na Chorzow se wojsko
Jednak niy keruje
Bardzi tukej swojsko
Spokoj jakby czuje.

[broneknotgeld]

Farorz Stanisław Szagalski

W ciynżki czas wojny czidziestoletni
Z Bytomia wrocioł w ta sztela
Chorzow z tym zyszczy - ło to se wetni
Choć możno zaroz niy wiela.

[broneknotgeld]

Chorzowsko zwada

Jak już Donnersmarcki panami tu byli
Ło to co chorzowske po sondach łaziyli
Dyć se bożogrobcy przeca im niy dali
Aże do kasaty co jejich czimali.

[broneknotgeld]

Farorz Hilary Przibylski

Łostatni gospodorz bożogrobcow fary
Tyż i po kasacie we Chorzowie łostoł
Tu go z parafiji wyniesom na mary
Służoł swojym wiernym aż go Pon Bog dostoł.

[broneknotgeld]

We trułach spali?

Toż ło bożogrobcach godka chorzowiana
Że we trułach spali durś na chwała Pana.

[broneknotgeld]

Tatary w Chorzowie

Toż Chorzow i Białobrzezie przez nich wyniszczone
Podbytomske zocne sztele czeko cołkym koniec?
Piyrszo wroco do downego - na powrot se dźwigo
"Belobreze" w historyji już jednak niy migo.

[broneknotgeld]

Z woli princa Władysława

Po Tatarach tu niywiela se ludzi łostało
Toż panisko miechowitom ziymie darowało
By je zakon skiz profitow sprobowoł ratować
Ze Chorzowym se udało - plon zaczoł im dować

Domb tyż tako po somsiedzku złoci swoje łany
Białobrzezie - tu tref gorszy zdo sie był pisany
Dyć mi jedyn ołpa prawioł - możno ło tym wiycie
Że choć miano se straciyło to som Miechowice.

[broneknotgeld]

Piyrszy kościoł chorzowski

Prawiom co spolyli tyn kościoł Tatary
Toż czeba nom dować tymu richtig wiary
Bo wielkom utropom tyn najazd dlo Ślonska
Jako tyż naszego bytomskego konska.

[broneknotgeld]

Skiż Tatarow

Ludzie se przed niymi ponoć pochowali
We tym ciymnym borze co wele dziedziny
Dyć cołko osada chnetko sie łobali
Szczyńściym bożogrobce tukej przidom driny.

[broneknotgeld]

Chorzow gore 1430

Z tym rokym husyty tukej zoglondnyli
Czy juzaś se ludzie przed niymi pokryli?
Wiymy yno tela co Chorzow zegoroł
Mikołaj z Żyglina tako ich pokoroł.

[broneknotgeld]

Taboryty

Se taboryty srożom na Ślonsku
Tako i w naszym bytomskim konsku
I bożogrobcom niy przepuściyli
Chorzowsko sztela cołko spolyli.

[broneknotgeld]

Rycerze świynty Jadwigi

Śpiom rycerze Istny tako we Chorzowie
Coby se ło wiara niy boł tukej czowiek
Przeca u Ponboczka tela wybłogała
Hufy ze zabitych pod Niymczom zebrała

Toż teroz czuwajom w rożnych miejscach Ślonska
By w zły chwili bronić tyż naszego konska
Oby nom niy prziszła ta "czorno godzina"
Szczyńście ze pokojym mo zocno dziedzina.

[broneknotgeld]

Na Drajoku

Na Drajoku pod Paniynkom
W wielki grocie śpiom rycerze
Niy jest dlo nich to udrynkom
Ślonska majom bronić w wierze

Toż to spod Legnicy woje
Huf Jadwigi Ślonski zocny
Jedyn styknie z nich za troje
Krześcijanin z niymi mocny.

[broneknotgeld]

Jejich dzwon

Dzwon rycerzy dyć niy słychać
Ślonzek ciyngym w wierze stoji
Zły tu niy śmi wiela dychać
Bo skiż istnych fest se boji.

[broneknotgeld]

Jejich dzwon (II)

Kedyś zbudzi tych uśpionych
Se zaśpiywo - "W imie Boga"
Z tym poznomy w boju łonych
Że niywiernym niesom trwoga.

[broneknotgeld]

Rycerze naszy patronki

Dyć niy na darmo Legnica była
Orda Tatarow przeca skryńciyła
I na połednie poszła w Madziary
Tako łobrona godziwy miary.

[broneknotgeld]

Chorzowsko Paniynka

Na kolumnie ciyngym stoji
Widzioł jom wiek dziewiytnosty
Ło tyn Chorzow se niy boji
Przi niyszczyńściu koncept prosty

Styknie co sie dzwon rozdzwoni
I pobudzi wojow zocnych
Toż po blisku śpiom tu łoni
Choć śnik majom cosik mocny.

[broneknotgeld]

Niy ma dzwonow?

W dwudziestym wieku niyszczyńścia były
Dyć se te woje niy rozbudziyły
Ponoć pokradli ze grot im dzwony
Toż jako wstować terozki łonym?

[broneknotgeld]

Chorzowsko ciga

Ciga w Chorzowie gospodorz chowoł
Podobnoś mało futru jyj dowoł
A wypasiono pierona była
No i dojyli mlyka tyż siyła

Toż som se richtig dziwowoł tymu
Spać niy dowało ponoć to jymu
Jaksik sie ciyngym istno traciyła
A jak wrocała nażarto była

Cerze nakozoł - Pilnuj ta ciga
Możno futruje jom jakoś szcziga
I jeszcze z tego niyszczyńście bydzie
Co złe z gowiedziom do dom nom przidzie

Tako za kozom dziołcha drałuje
Tam kaj Paniynka szteli wachuje
A pod kolumnom traci se zwiyrze
Dyć w ziymi widać łotwarte dźwiyrze

Wlazła drin frelka - wielko kaplica
Zrobiyły blade se jeji lica
Bo tam rycerze sroge drzymali
Jako w Chorzowie tu se pospali?

Na boku konie łowies i siano
Ciga tatulka! Jeronie - ano!
Dziołcha se głośno aż zawołała
Przi tym zarozki jednak struchlała

Jedyn ze wojow łotwiyro łoczy
-Czy już czas prziszoł? Trza naszy mocy?
Niy - w strachu istno mu łodpedziała
Jakby na krzidłach z tym wyleciała

Chocioż rodziciel niyjedno przeżoł
Dyć swoji cerze coś niy uwierzoł
Gowiydź se jednak już niy traciyła
Ze tym chałupa zasobno była

Ludzie czasami dźwiyrzy szukajom
I choć Paniynce z Drajoka pszajom
Do dzisioj ciyngym wejścio niy znodli
Potrza im cigi? -Na to niy wpodli.

[broneknotgeld]

Szafrańce w Chorzowie

Czym te Szafrańce niy handlowali?
Czego to łoni niy rozwoziyli?
Po cołkym Ślonsku wozy ciongali
Do Wrocka tako tyż zoglondnyli
We tyn czas moru jak śmierć mo żniwo
Stolica Ślonska wtedy w żałobie
Tref roztomajty - tako już bywo
Zdało sie istnym - bydom we grobie

Przeca zaraza wielko szczimali
W końcu wrocajom - som we Chorzowie
Dyć jako ze tym bydzie tu dali?
Strach mo terozki niyjedyn czowiek

Trza sie Paniynce łoddać w opieka
Zocno figura już na kolumnie
Sztela łobroni - po co uciekać?
Toż Matko Bosko zwroć łoczy ku mnie.

[broneknotgeld]

Kolumna Maryjno 1860

Chorzow Stary za niom leży
Broni szteli - chciyjcie wierzyć
Przed tym morym ze Wrocławia
Jyj opieka - zocno sprawa.

[broneknotgeld]

Kedy se zbudzom rycerze?

Ponoć za komuny śnik ich niyspokojny
Dyć se niy zbudziyli do "krziżowy wojny"
Teroz przi Paniynce słychać aż chrapanie
Tako mi sie zdowo co wojsko niy wstanie.

[broneknotgeld]

W Chorzowie

Ponoć tu łod downa kaplica se stoła
Coby bozogrobce mogli do niyj wołać
Tych kierzy robiyli na jejich lazaryt
A przeca trza było pilnować ich wiary.

[broneknotgeld]

Z poczontkym XIV wieku

Ano we tych czasach koscioł piyrszy stanoł
Świontynka to była dyć jeszcze drewniano
Toż i niy dziwota że sie wypolyła
-Juzaś nowo chnetko w tym miejscu stanyła.

[broneknotgeld]

Świyntopietrze 1326

Farorz Adam ze Chorzowa świyntopietrze złożoł
Bracik Henko z lazarytu tyż doł grosz co wożoł.

[broneknotgeld]

Chorzow 1379

Gore kościoł we Chorzowie
Toz w utropie teroz czowiek
By tref taki niy był dany
Stanie nowy - murowany?

[broneknotgeld]

Kościoł 1379-1590

Wiela razy łodnowiony
We tych richtig czasach ciynżkich
Przez husytow poraniony
Jakoś szczimoł rożne klynski

Dyć niy łopar sie wiekowi
Trza nowego - kożdy powiy.

[broneknotgeld]

Z końcym XVI wieku

Za farorza Bronowskiego stanoł nowy kościoł
Coby tyn nasz chorzowianin już wiyncy niy pościoł
Bo se fest rozrosła ta zocno osada
We starym i ciasnym kto gruby mioł zwada.

[broneknotgeld]

Chorzow 1625

Toż ksiondz Jan Bratkowski wystowioł kaplica
Prawie przi kościele - gryfne jeji lica
Łona pod wezwaniym jest Jana Krzciciela
Pokozać jom dzisioj jo sie niy łośmiela.

[broneknotgeld]

Łodnowiynie kościoła 1632

Kościoł po remońcie zdo sie jako nowy
Dyć juzaś siedzibom jest bytomski gowy
W Chorzowie spokojni we czas wojny srogi
Tukej se kerujom Szagalskiego nogi

[broneknotgeld]

Farorz Stanisław Stempkowski (1711-1727)

Stanisław Stempowski nowy kościoł stowio
Na muster baroku parafianom sprowio
Świontynia ło kery do dzisioj bajajom
Dyć dziw co drewniano ciyngym wspominajom.

[broneknotgeld]

Kościoł Maryji Magdalyny 1590-1710

Kery to już kościoł?
Niy byda rachować
Dyć wiela łon znaczoł
Dlo tego Chorzowa.

[broneknotgeld]

Za Stanisława Stempowskiego (1711-1727)

Ano staraniym farorza tego
Kościoł zaś nowy dźwigajom
Asioł se Chorzow barokym jego
Toż richtig gryfnym go majom.

[broneknotgeld]

Roztomajcie

Roztomajcie chorzowiany
Ło kościele prawiom
Toż dlo jednych durś drewniany
Inksi mur w niym jawiom.

[broneknotgeld]

Chorzow gore! (27.VII.1782)

Cołko wieś sie wypolyła
Ano łogyń mo dyć siyła
Tako strowioł i świontynia
Idzie yno jom wspominać.

[broneknotgeld]

Czarownik w chorzowskim kościele

We downych czasach dyć to sie dzioło
Niy było wtedy wcale wesoło
Parafjo biydno kościoł ubogi
Toż mag zawitoł we fary progi

Prawioł ksiynżoszkom co cud zrychtuje
Świynto Paniynka łon prziwołuje
A jak zagości tu we kościele
Pontnik zoglondnie do taki sztele

Farorz pomyśloł - Toż trza sprobować
Fest geld dyć potym zacznom wciepować
Toż bydzie możno richtig bogato
A niy jak teroz - zdo sie sagato

Dyć kapelonek coś wystrachany
Czy to sie godzi? Na Boże rany!
Możno czort cosik we tym namiyszo
A za pokusom i farorz zgrzyszom

Już mag ze ksiyndzym som przed ołtorzym
Już Matka Bosko ściongać se woży
Widać w kościele Paniynka tako
Dyć ktoś z ambony głośno zapłakoł

Toż kapelonek - w rynkach Hostyjo!
Pódź! Macej Ciało Syna Maryjo!
I co? Grom blysnoł z jasnego nieba!
Kościoł z pożogi ratować czeba!

Cołko świontynia se wypolyła
Znak że w tym yno djobelsko siyła
Niyłoparzony wyloz wikary
Mag cołkym hajsnoł - z niym farorz stary.

[broneknotgeld]

Juzaś stoji 1785

Marji Magdalyny kościoł juzaś stoji
Bo jako w Chorzowie bez kościoła szczimać?
Toż farorz Bojarski se ło niego boji
Ponoć skuli tego niy chce nawet drzymać.

[broneknotgeld]

Kościoł Marji Magdalyny 1785-1885

Sto lot do rowności parafianom służoł
Prawiyli co z niymi już za wiela użoł
A że we tym czasie sztela se rozrosła
Tako i świontynia swoji "śmierci" doszła
Toż jom wybulyli by nowo postawić
Radość parafianom tyż i tako sprawić.

[broneknotgeld]

Chorzow 1885-1892

Neogotycki kościoł stowiajom
Bo Ponboczkowi tukej fest pszajom.

--
forum.gazeta.pl/forum/71,1.html?f=28940

[broneknotgeld]

"Marjo Magdalyna" 1895

Toż arcybiskup jom konsekrowoł
Parafji tako na droga dowoł
Co wiyść duszyczki miała do Nieba
Kopp przeca wiedzioł czego tu czeba.

[broneknotgeld]

Stanoł se na sztrasie!

Kożdymu sie zdowo co łon dziwnie stoji
Toż se poczytocie ło tym godki moji
Kero tukej leci za chorzowianami
Bo łoni nojlepi ło tym wiedzom sami

Prawiyli co piyrwyj była gryfno fara
Ło kero ksiondz richtig musioł se tu starać
Bo w niyj Jan Sobieski tako zanocowoł
I wyśnioł co Turkom lyjty wielke dowoł

A huf wiod chorzowski - wiycie ło niym cosik
Historyji szteli ciekawy to "grosik"
Toż chałpa brzimowo jak piyrwyj stoć mioła
Trza było wyciongnońć fundamynt kościoła

Na "sztrasie" świontynia tako se stanyła
Fary tref niy szczyńdzioł bo se wypolyła
Dzisioj to wyglondo możno trocha dziwnie
Dyć czowiek niy może jak Ponboczek kiwnie.

[broneknotgeld]

Nałopy stoji

Ołtorz niy łod wschodu - tako se dziwujom
Zdo sie - cosik złego we tym jakby czujom
Prawiyli co farorz za to pokutowoł
Swoje widzimisie przed Ponboczkym stowioł.

[broneknotgeld]

Nałopy stoji

Ołtorz niy łod wschodu - tako se dziwujom
Zdo sie - cosik złego we tym jakby czujom
Prawiyli co farorz za to pokutowoł
Swoje widzimisie przed Ponboczkym stowioł.

[broneknotgeld]

Na sztrasie?!

Nojświyntszy Sakramynt mioł blyszczeć na sztrasie
Toż być to niy może! -Poradzić z tym trza sie!
Ołtorz z drugi strony świontyni stowiajom
I tako utropy już ze tym niy majom.

[broneknotgeld]

Po powojynnych remontach

Ustrojyli kościoł wedle nowy mody
Tako narobiyli yno jymu szkody
Kaj polichromije? Neogotyk w środku?
Co gryfne se traci - czy yno z przipodku?

[broneknotgeld]

Kopia łobrozu "Matki Boski Czynstochowski"

Na muster ikony piyrwyj zrychtowano
Zdo sie dlo Chorzowa jako świynte wiano
Kto iść już niy może na pont czynstochowski
Tukej se porzyko do Ty Matki Boski.

[broneknotgeld]

Chorzowski krucyfiks

Niyroz sie świontynia chorzowsko polyła
Jakoś dobro siyła dyć krziża broniyła
Krucyfiks we zocy majom chorzowiany
Toż łod bożogrobcow podobnoś im dany
Prawiom co ty szteli łon szczyńście przinosi
Niyjedyn tu rzyko i ło łaski prosi.

[broneknotgeld]

We "babińcu"

We "babińcu" piyrwyj wisioł krziż chorzowski
Włazioł żeś tamtyndy - jakby myni troski
Na duszy ci lekci i to troszku dziwi
Że zdo sie co życie już leci szczyńśliwi.

[broneknotgeld]

Przi budowie kościoła Marji Magdalyny

Przi starym cmyntorzu tyn kościoł stowiali
Toż se już mulorze duchom dziwowali
Kere i do dzisioj we tych murach kryncom
Czymsik łone dusze pewnikym durś nyncom.

[madohora]

Śpiący Rycerze

Tam gdzie Czartoria, góra nie tak mała
Mieści się w niej zakryta pieczara
Ko chce niech nie wierz, kto chce niech wierzy
Od wieków śpią tam waleczni rycerze
Oni walczyli kiedyś z Tatarami
A potem wszyscy razem się pospali
Po ogromnym wojennym trudzie
Śpią tam ukryci przed wzrokiem ludzi
Co jakiś czas zadają pytanie
A jak przyjedzie czas - to wojsko wstanie
I znowu zerwą się do walki do bou
Rusz cała gromada wojów

[madohora]

W Bytomiu pod zamkiem jest ukryta brama
A w lochach podobno kompania zaspana
Od wieków śpią tak Jadwigo woje
Co zasnęli głęboko po tatarskiej wojnie
Zamek ze wszystkich stron obrasta las
A gdy któryś wstanie pyta - czy już czas
Przeszły już wojny i przeszły powodzie
Lecz czas na nich jeszcze nie nadchodzi
Lecz gdy znowu przyjdzie na nich pora
To każdy z nich obudzi towarzysza - woja
I znów staną w starego zamku bramie
I będą za nas walczyć ramię w ramię

[madohora]

Złota kaczka

W Toszeckim zamku mieszkała księżniczka
Panna dość smutna, chociaż prześliczna
Pan zamku by ją rozweselić dał jej kolorową paczkę
A w niej złote jajka i złocistą kaczkę
Chciał by radosną była jego żona piękna
Więc dla niej wydawała rauty i przyjęcia
Lecz raz płomienie ognia pochłonęły pałac
Każdy się ratował i tutaj i zaraz
I biegali ludzie po zamku krużgankach
I zmarła księżniczka także tego ranka
Lecz księżna kaczkę gdzieś w lochach schowała
Zanim jeszcze ofiarą ognia się stała
A złota kaczka gdzieś tam w lochach śpi
Szukali jej już ludzie dość odważni
Mówią że gdy znajdzie kaczkę jakiś Janek
Blaskiem znów rozbłyśnie ten Toszecki zamek
Szepcze o tym służba, panowie i praczki
Lecz nikt do tej pory nie odnalazł kaczki.

[madohora]

Gdzieś pod Warszawskim zamkiem mieszka złota kaczka
Szepcze o tym szlachta i lokaj i praczka
Ona w tych podziemiach wielkich bogactw strzeże
A kto to usłyszał zaraz w to uwierzył
Raz zapuścił się Jasiek głęboko w te lochy
Odszedł od Marysi co stroiła fochy
Stoi w tej piwnicy, smutny, zadumany
Wparł rękę na murze, wodą zapłakanym
Nagle...mur się rozwarł...patrzy...kaczka złota
Uciec jak najprędzej naszła go ochota
A kaczka do niego tak się tam odzywa
Ja jestem księżniczka i to nieszczęśliwa
Masz tu drogi Jasiu cały worek złota
I wydaj pieniądze na co ci ochota
Lecz pamiętaj o tym by uwolnić moce
Musisz wydać wszystko w ciągu jednej nocy
Jak tego dokonasz to ta tego nie wiem
Lecz wszystkie pieniądze masz wydać na siebie
Nie możesz biednemu dać ani grosika
I zabrać Marysi tam gdzie gra muzyka
A Jasiek pomyślał - przecież prosta sprawa
Wydawać pieniądze to świetna zabawa
Tak poszedł do knajpy i kupił jedzenie
Następnie na targu najdroższe odzienie
I nową chałupę i pięknego konia
Oj będę jak panicz...galopem po błoniach
Zagląda to kiesy ależ to są dziwa
Bo z tego majątku nic nic nie ubywa
Zatrwożył się wielce jak wydać to wszystko
Za oknem już ciemno, pewno północ blisko
Chcę wrócić do domu do mamy i taty
I wcale nie pragnę być taki bogaty
Niech skarbów pilnuje dalej złota kaczka
A on wszystko wrzucił do torby żebraka
Gdzieś pod Warszawskim zamkiem mieszka złota kaczka
Szepcze o tym szlachta i lokaj i praczka

[madohora]

W Pruchnej - tam kaj chodnikiem sie idzie do Zebrzydowic - to starzi ludzie powiadajóm, że kiesi jeszcze w downych czasach, co sie każde złorzeczyni, a każde przeklyństwo pełniło, stoł tam klosztór, a przi nim kaplica. A w tym klosztorze były siostry taki, co ty zioła tam zbiyrały i jak ludzie prziszli do nich po porade, z chorobami rozmańtymi, to ich lyczyły. Nó i do tego klosztoru też roz tam jak zabłądził w lesie, prziszeł pón, co tam niedaleko mioł zómek. A był młody, a piekny, szykowny. Siostry rade były, że prziszeł taki możny człowiek. A jedna tako piekno szwamo siostra sie mu spodobała. A óna, jako że była młodo, to sie ji też młody spodoboł. Nó i tak to jakosi zrobili, że sie tam spotykali na łące. Nó i ta pani, ta małżónka od tego bogatego pana sie o tym dowiedziała. Kie miała dzieci i młodo była, bardzo ji to było przikro. Jak mógła, sie starała, żeby tego małżónka odciągnyć, żeby ji tam nie zdradzoł, żeby tam nie chodził, ale ni mógła se dać rady. Zebrała sie roz i na kóniu pojechała tam do tego klosztora podziwać sie, co tam jest. I miała akurat to szczęści czy nieszczęści spotkać te szwarną zakonnice, te panne, co tam w tym klasztorze była. Jak ją uwidziała, toż se zaroz pomyślała: "To już je marne. Jo już nic nie zrobiym." I straszne przeklyństwo nuciła. Mówiła:
- Niech sie tyn klosztór zapadnie, pospołu z tóm kaplicóm.
Ledwo to powiedziała, zagrzmiało. Ziymia sie odewrziła i tyn klosztór i te kaplice i te panióm pochłónyła. Pozostało tam jyny źrzódełko, kiere miało wode takóm, co lyczy, i to źrzódełko tam je po dzisio. Jak kogo co boli, a najbarzi to na oczy, to bieróm te wode i oczy se nióm przemywają i prawią, że pómogo. Tam, na tej łące, kaj sie schodzili, to prawióru, że tam jest taki zieli, co kwitnie bioło, a je trujące, że to też tam od tego czasu rośnie i zwiyrzęta go nie żeróm, pszczółki, owady go omijajóm. I tak to jakosi kiesi na tym świecie być musiało, że to ty przeklyństwa sie spełniały, kie ta legynda je aż po dzisio. Dzisio sie już to nie pełni.

[madohora]

Jeszcze dzisiaj starzi ludzie wierzą w nocznice. Nocznice - mówią - chodzą w adwyncie. Unoszą się polami jako światełka, a kto idzie i śpiywo albo gwiżdże, to go napadajóm i smykajóm tak długo, aż zupełnie osłabnie, a niektórzy - jak jest słabszy - to i skóno. I kiesi też jedna dziewczyna - było to już późno wieczorym przijechała pociągym do naszej wsi, a wiadomo, że u nas w Pruchnej dworzec kolejowy jest od wsi daleko i trzeba iść przez pola. Ale tóż dziołcha była młodo i szpasowito, chnet sie tam jakiś znajomy kawaler ku ni przyczepił
byli dwa. A wyjdóm kąsek na chodnik, tu idzie rechtór. Mówi:
- Każ to idziecie?
- Ku dziedzinie.
- To jo też pój dym z wami. Pójdzie sie nóm we trójke dobrze.
Nó i tak se we trójke idóm i jak to w adwencie, śniyg już troszeczka prószy, tak mgławo było i tak idóm, szpasują se tam rozmaicie, opowiadajóm i nagle w dziedzinie widzóm światełko tak przez ty pola, tóm miedzóm idóm prosto na to światełko. I tak idóm, idóm, światełko fórt widać, już im to było dziwne, zaczyni sie zastanawiać, co oni tak długo do tej dziedziny idóm. Już powinni być downo przi farze, bo to liczyli, że to światełko jest z fary i tyn rechtór - ón sie Bakar nazywoł powiado:
- Na jakosi to je dziwne. Jakoś to długo do tej chałpy idymy
"Ale - myśli se - opowiadómy i to tak sie ciągnie". Aż nagle widzóm z przeciwka, że idzie jakisi ciyi. Bo to całkiym dymno nie było. Było tak szarawo i ten rechtór woło:
- Hej, kto tu idzie?
- To jo - odzywo sie mu chłop.
- A co za jo?
- Na Krygierek.
- A kiery Krygierek?
- Na tyn hawiyrz.
- A każ to idziecie, Krygierku? - Już wiedzioł tyn rechtór, kto to jest.
A tyn mówi:
- Ku cugu idym. Do pociągu. Bo przeca do roboty jadym.
- Ale, nie mówcie. Dyć my są przi farze, a każ wy to idziecie? Tu jest fara, a me kierchów.
- Ale katać też tam, panie rechtór. Na dyć tu jest krziż, a tu oto jest staw tu w tej dolinie, to my są przi tym stawie akurat.
- Na, ni ma możne. Dyć my już powinni downo być w chałupie.
A Krygierek prawi:
- Ja, ja panie rechtór. Smyko was tu, smyko. Bo to przeca jest adwynt, nocznice chodzóm, a wy sie śmiejecie i łazicie po polu z tóm oto porką młodych i nocznice was tak smykajóm.
Nó i tak to jest z tymi nocznicami. Starzi ludzie jeszcze dzisio w ty nocznice wierzóm
i młodym przikazujóm, jak nocami wychodzóm:
- Nie gwizdejcie. A anie śpiywejcie. A nie śmiyjcie sie polami, bo nocznice sie bardzo mszczóm. Jak dopadnóm człowieka, depcóm nogami, a zmoczóm tak, że tyn człowiek
już potym ani ni ma zdolny do życio, a że cały taki otumanióny pozóstanie.

[madohora]

Jak jeszcze dzisio starzi ludzie powiadajóm, był roz jedyn taki bardzo nieużyty siedlok, bogaty, co sie nazywoł Hołota. Nie zaznoł, co to biyda, nigdy za żodnóm usługe żodnymu nie podziękowoł, wszystko od ludzi za darmo chcioł wyciągnyć, a nikómu nie pomógł. Tak
że już potem ludzie ani do niego po pómoc nie szli. r tak żył chłopisko, wykorzystywoł, kogo sie dało. Aż jedna biydno baba miała chłopa, co sie mu przi robocie stało nieszczęści i wziyli
go na wóz i wiyźli go do chałpy. Ale chłopisko już ducha po chodniku wypuścił. Przijechali też tam pod tyn kopiec, a że to było przi roztokach wiosynnych, cesta grząsko, i zaś wozym nie mogli wyjechać na tyn kopiec. Baba w pytke do siedloka: - Na dyć, gazdoszku, bydźcie tak dobrzi, pómóżcie nóm wyciągnyć wóz. Ale ten nieuczyniiwy człowiek, jak zwyczajnie, skrziczoł babe, tóż ona mówi: - Jak już nóm nie chcecie pómóc wyciągnyć tego wozu, bo ta nasza szkapa se niy może dać rady, ale chociaż nóm światełka jakiego pojczejcie. - Co? Jeszcze latarnie być ody mnie chciała? Czy jo dlo ciebie nafte kupujym albo świyczki? Co se ty niy myślisz?! Nó, baba poszła. Mówi: - Bodejżeś ty nigdy zaznoł spokoju. Bodejżeś sie tłukł po tym świecie. Tak tam jeszcze taki przeklyństwa, jako to downij bywało, powiedziała i poszła.
Jakosi już tego nieboszczyka do tej chałpy dosmyczyli, a siedlok już tam potym długo nie żył. Hnet umrził. Nó i nie minyło wiela czasu, zaczyny słuchy chodzić, że tam pod tym kopcym chodzi tyn siedlok kole tej swoji chałpy ze świyczkami i czeko, aż go kto o światełko popy to, żeby poświycił i przi tym żeby mu podziękował. Bo tako sie wiadomość rozniósła, że tak długo bydzie pokutować, aż mu ktoś za to światełko podziękuje. Tak to długi, długi roki trwało. Tak że sie ludzie przizwyczaili, że jak kto pod kopcym ugrząz, to jyny zawołali: - Hołota spod płota, pódź poświycić, bo jest ćma. I hnet sie światełko zjawiało. To nie jyny na tej drodze. Ale i jak kto w nocy zabłąkoł polami, niech to było, kiedy chciało. Czy w lesie, jak jyny go wezwali, przichodził w nocy ze światłym i każdego na prowodziwom droge wyprowadzoł.
Ale ludzie myśleli se: "Ha, co tam! Jak żeś ty ni mioł takigo serca żodnego ku ludzióm, ku biydokóm, trop sie. Bo ludzie też umióm być mściwi. Pamiętajóm dobre, albo złe jeszcze dłużyj. I tak sie potem przizwyczaili, że żodyn tymu światełku nie dziękowoł. I już tak długo,
długo trwało. Roz też jedyn siedlok szeł i zabłądził. Bo to w adwyncie mgły bywajóm, duchy rozmaite - jak to ludzie prawióm - chodzóm a tamtyn chłop pociągnył kapke za moc z butelki i potem do chałpy ni móg trefić. Tóż też zawołał: - Holota, spod płota, pódź poświycić, bo jest ćma! Zjawiło sie światełko i Pieknie, pieknie wykludziło go aż ku chałpie. Aż ku samymu
progu. Jak już tyn chłop wloz do siyni, to światełko stoi fórt. Tóż on prawi tymu światełku:
- Teraz cie już nie potrzebujym. Idź se spadki, skądeś wyloz, aby mi świycić. Zaś nie podziękowoł. I tyn Hołota, tyn duch tego Hołoty sie tak zemścił na tym chłopie, że kiedy ón już był isty, że już sie mu nic nie stanie, to akurat wtedy wiater dmuchnył, trzasło dżwiyrzami i przibiło pięty. I tak od tych pięt sie mu ciało zaczyło psuć, chorowoł, chorowoł, aż umrził. Jednak i duchy sie też zemścić umióm. I musiał już kiesik ktosi tymu Hołocie podziękować, bo dzisio tam już nie słychać, żeby sie tam ze swym światełkym Hołota zjawiał, bo starzi ludzie już wymarli, co to wszystko, ty bojtki opowiadali i mało nas już zóstało, co to jeszcze od dziecinnych roków pamiętómy. Może to już jest pomiynióne, ale tela, co jeszcze pamiętómy, to jeszcze opowiadómy, żeby ludzie wiedzieli, jak to kiesi, kiesi, hań downi bywało.

[broneknotgeld]

Przi budowie kościoła Marji Magdalyny

Przi starym cmyntorzu tyn kościoł stowiali
Toż se już mulorze duchom dziwowali
Kere i do dzisioj we tych murach kryncom
Czymsik łone dusze pewnikym durś nyncom.

[broneknotgeld]

Duchy bajtli

Jak we Chorzowie kościoł stowiali
Tako i ło tym tu łosprowiali
Co bladych bajtlow w nocy widzieli
Yno łodgonić istnych niy śmieli
Bo jedyn na nich dość mocno ryknoł
Tako ze murow aż na doł fiknoł.

[broneknotgeld]

Możno te duchy sztopły mi wontek?
Dyć niychej leci na wiyrch tyn kontek!

[broneknotgeld]

Erna i mszo zmarłych

Staro Erna biydno była
Praniym tako zarobiała
We Bytomiu zmarudziyła
Do dom nocom se wrocała

Dyć we zima śniega wiela
No a Chorzow niy był blisko
Umynczono drogom tela
Wlazła w kościoł - świotłym blyskoł

Chroń jom świynto Magdalyno!
Toż mszo zmarłych we świontyni!
Erna wpiyrw struchlała yno
Szczyńsciym pitła - tref se miyni

Chusta kero tam straciyła
Znod kopidoł wele groba
Nowo kopać mioł mogiła
Drapko zmogła go choroba

Duchy zmarłych - tako prawiom
Wziyły do sia z tym istnego
Stary babie tyż se jawiom
Toż niy chciyjcie przeżyć tego.

[broneknotgeld]

Farorz z kościoła świynty Barbary

Prawioł mi ło tym roz bergmon stary
-Przispoł w kościele swiynty Barbary
Dyć se łobudzioł wele połnocy
Wpiyrw aż ze strachu zawiyroł łocy!

Jak rozświytlony był koscioł cały
Nawet łorgany tyż prawie grały
A przi ołtorzu ksionzoszek stoji
Toż se nasz starzik pieronym boji

Farorz zawołoł -"Trza ministranta!"
-Chłopina dowo posługa sam ta
I choć ze strachu ledwo niy skono
Mszo cołkym bydzie chnet łodprowiono

Kończy ksiynżoszek - już pedzioł "Amynt"
Ze dołu słychać jakowyś lamynt
Dyć gorom juzaś anielske śpiywy
W świynty Barbarze dziejom sie dziwy

Toż historyjo bergmon wyjawioł
Kedyś przerwano mszo duch łodprawioł
Farorz już niy żył - pedzieć wom musza
Durś sie błonkała dyć jego dusza

W Pyjtrowe dźwiyrza teroz trefiyła
Prawie za niymi se drapko skryła
Za to co piyrwyj pokutowała
We końcu spokoj wieczny zaznała.

[broneknotgeld]

Chorzowski farorz ze karom

Dwor farorz trzimoł w Chorzowie Starym
Tyż prawie stowioł kościoł tu nowy
Z folwarku niy broł - docie to wiary?
Gonioł parafian durś do budowy!

A ludzie tukej uboge byli
Dlo nich utropom te budowanie
Skuli wszyskego ciynży dyć żyli
Co ze świontyniom nowom se stanie?

Farorz niy doczkoł - kostucha wziyła
Inkszy ksiynżoszek już gospodarzy
Dusza zmarłego we Czyśćcu była
Ło świyntym Pyjtrze terozki marzy

Toż pokutuje terozki w nocy
Po placu łazi ze karom zjawa
Niyjedyn widzioł na własne łocy
Duch stynkoł, kwynkoł - ciynżko mo sprawa

W końcu ludziska kościoł skończyli
W Chorzowie radość, śpiywy, muzyka
Co Bogu dźwigli już poświyńciyli
Z pokutom fertig - styknie porzykać

Wele połnocy przestoł ksiondz straszyć
Ło tym co było sie zapomino
Dyć historyji koniec tyż naszy
Zdo sie legyndom dzisioj nom ino.

[broneknotgeld]

Na dobranoc - ze chorzowskich legynd
----------------------------------

[broneknotgeld]

Na dobranoc - z godek chorzowskich
==================================

Krziż we kościele św. Barbary

Co parafiany ło niym tu prawiom?
Wieści ło cudach jakowyś jawiom
Kto pod niym rzyko łaski wyprosi
-Tako niyjedyn w Chorzowie głosi

Czy mocom wiary tyn krziż kuruje?
Ano - niyjedyn to forszteluje
Że zdo sie klynkać w ciyniu Krystusa
Mo potym czystszo podobnoś dusza

Ło zdrowie tukej rzykejcie śmiało
Ze jasnom duszom mocniejsze ciało
Dobro ze wiary naszy dyć idzie
Niych blasku wiela ze tego bydzie.

[broneknotgeld]

Ze godek chorzowskich
========================

Co trefiyło kopidoła

Ano, na cmyntorzu łod świynty Barbary
Doł pod truła kopoł roz kopidoł stary
Ze ziymiom do gory wyciepywoł gnaty
Niy chciało se zbiyrać tego spod łopaty

Nogle go po puklu jakoś starka klupie
-Jo gnaty poskłodom, bydom razym w kupie
Tako mu pedziała - roboty już chyto
Czamu? -Dyć jom żodyn ło to niy zapyto

Jak kopidoł skończoł już swoja robota
Kuknoł w jeji strona - przeca niy gupota!
Szkelet colusiyńki poskłodany w trowie
A starki niy widać - włos stanoł na gowie!

Dopiyro spokopioł co se richtig stało
Farorza zawołoł - kropidło tyż zdało
Razym za duszyczka jeji porzykali
W poświyncony ziymi drugi roz chowali.

[broneknotgeld]

Gangut?!

Dyć nikierzy tyż wieszczyli
Inksi ponoć zaś straszyli
Gangut tajymnice kryje
Ło połnocy śmierć tam wyje.

[broneknotgeld]

Na gangucie znojdziesz korzyń mandragory
Tako se niy bojisz z niym nojgorszy zmory
Toż to ziyle rośnie kaj nosiynie padło
Łod kogoś kto z chuciom włazioł na wiyszadło.

[broneknotgeld]

Żech legyndom se już bawioł
Tym uciechy ździybko sprawioł
forum.gazeta.pl/forum/72,2.html?f=28940&w=23051421
Som wymyśloł małowiela
Dyć wzbogacioł tako sztela.

[madohora]

Gdzieś w pewnym pałacu skarbów wciąż szukano
Tam rodzice dziewczę żywcem pogrzebali
Nie wiedział ten, co opukiwał ściany
Że zobaczy szkielet a na nim łachmany
Historia miłosna tak jak nasz świat stara
W nieodpowiednim chłopcu się panna zakochała
Co więcej złożyła mu potajemne śluby
Bo tylko on był dla niej ten luby
Rodzice inne mieli zgoła plany
Jest kawaler godny, szykowali wiano
A były to czasy - tak dawnymi laty
Że to rodzice ustalali swaty
A dziewczyną krnąbrna, no i młoda była
(no i na dodatek - wiecie to już sami
Te śluby zataiła i przed rodzicami)
Miała już jednego, drugiemu odmówiła
Rodzice srogą wymierzyli karę
I dziewczę z wyprawą - zamurowali
Umarła dziewczyna z trwogi i rozpaczy
Zobaczy jej ducha, ten co dobrze patrzy
A co więcej jeszcze tak w północną porę
Krążą ze dwa duchy nad dużym jeziorem
Nikogo nie straszą, nikomu nie wadzą
Ot wkoło jeziora w uścisku się prowadzą.

Pieśń ludowa z okolic Sycowa.

[ta_co_sie_ciyngiym_wywroco]

Cinżko dola cinżko ubogiej dziewczyny
Kto nas wyprowadzi z niymieckiej krajiny,
Ach, żeby już wrócić na sycowskij pole,
Tam się łozweseli smutny serce moje.

[broneknotgeld]

Na sycowskim polu tako frelka śpiywo
Aż sie połednica ty pieśniczce dziwo
Niy trza było wiela - do niyj przileciała
Gorkościom na serce jeji podychała.

Wrocław w podaniach

[ta_co_sie_ciyngiym_wywroco]

Wrocław, jak mówią dzieje, Warcisław założył
Za czasów bardzo dawnych płytkami wyłożył,
Murami i basztami obwiódł obronnymi
I okopał rowami wodą zalanymi.
A tak ubezpieczywszy miasto naokoło
Obdarzył przywilejem, by sobie wesoło
Żył każdy, kto osiędzie z słowiańskiego rodu,
W swobodzie, przy dostatku ziemi polskiej płodu.
Aby obywatele w zgodzie z sobą żyli,
A wtargnienia cudzego do miasta bronili!

(B.Z.Stęszyński, [1844] 1949)

[broneknotgeld]

Dyć niy łobroniyli grodu przed Polany
Tako Mieszkowymu zaborcy poddany
Wspominoł tyn Wrocek czasy Warcisława
Możno se mu śmiyła tyż Wielko Morawa.

Kościół Św. Marii Magdaleny we Wrocławiu

[ta_co_sie_ciyngiym_wywroco]

Raz u majstra obstalono
Malusieńki srebrny dzwon
Dla kościoła Magdaleny
Tak zamówił cudzy pón...

(Górnośląska pieśń ludowa)

Podania o kościele Św. Elżbiety we Wrocławiu

[ta_co_sie_ciyngiym_wywroco]

We Wrocławiu malowano wieżo.
A któż mi ją malowoł?
Malowoł ją nadobny Jasinek,
Co mnie wiernie miłował.

(ludowa piosenka śląska, zapisał J.Lompa, 1843 r.)

[ta_co_sie_ciyngiym_wywroco]

Wrocławskie zygary smutno biją,
wrocławskie zygary smutno biją,
bo mi odmowiają, bo mi odmowiają, moją miłą.

(Pieśń śląska z 1864 roku, wg Majchrzak, 1955)

Złamane śluby

[ta_co_sie_ciyngiym_wywroco]

Kaj mos wianecek, coch ci go dała?
coch go we Wrocławiu wić kozała?
a ja wionecek na głowie nosza,
co na niego spojrza płakać musza.

(Pieśń dolnośląska, Majchrzak 1955 r.)

O Kurku wrocławskim

[ta_co_sie_ciyngiym_wywroco]

Łod Wrocławia dyzdz idzie, łod Wrocławia dyzdz idzie,
A mój miły nie jedzie, a mój miły nie jedzie.

(Pieśń dolnośląska, Majchrzak 1955 r.)

[ta_co_sie_ciyngiym_wywroco]

Wojciechu święty! wojen cieszycielu,
Bogarodzice wybrany czcicielu:
Zastaw się, proszę, za przedstępnikami,
Niech cię obroncą dawnym nowo mamy.

(z rękopisu J.Lompy ok. 1843 r.
wg starych kantyczek śląskich)

[broneknotgeld]

Cieszoł se wojnom, tako wojami?
Zdo sie to dzisioj jako grzychami
Dyć Adalberta tyż nosioł miano
Krziż go pociongoł czy bardzi wiano?

Pieśń flisaków odrzańskich i wodniaków.

[ta_co_sie_ciyngiym_wywroco]

Śpiewana do dzisiejszych czasów.

Od Opola droga wiedzie
dniem i nocą po wodzie;
Brzeg, Oława, stary Wrocław,
piykne miasta po drodze.
Głogów, Krosno, potym Frankfurt,
Łopływómy wielki iat,
oż do samego Szczecina
ojciec, jo i też mój brat.

[ta_co_sie_ciyngiym_wywroco]

Choćby mi grała z Wrocławia muzyka,
i w Brzegu cekała mie dobra dola,
trymbace mi trombili, w bymbny walyli,
a mego serduszka nie rozweselyli.

(Pieśń dolnośląska, Majchrzak 1955 r.)

Diabelskie sztuczki na całym Śląsku

[ta_co_sie_ciyngiym_wywroco]

Kogut zapiał,
Ksiądz powiedział amen
i diabeł pociepł kamień,

[ta_co_sie_ciyngiym_wywroco]

We Wrocławiu na ryneczku stoją wojacy;
Są oni tam postrojeni wszyscy jednacy,
Są oni tam rozmaici, amotni, żonaci,
I miłują szwarne dzióuchy, we dnie i w nocy.

(Śląska pieśń ludowa zapisana w 1843 r. przez pastora Roberta Fiedlera)

[broneknotgeld]

Sie ło EXPO Wrocek bije
Niy legyndom yno żyje.

[broneknotgeld]

Ano - trza nad tym ździybko przisiedzieć
Jak sie w legyndy po ślonsku jedzie.

[broneknotgeld]

Na wiyrch niych legyndy idom
Niy som przeca naszom biydom.

Legyndy po ślonsku

[broneknotgeld]

Ło Wandzie

Prowda w Polsce już niy straszy
Przeca Wanda Niymca chciała
Fatra tropić we te czasy
Jednak richtig sie bojała

Z grodu Wiślan dyć pitnyła
Bo zowitkom tam być miała
Za liplingym pogoniyła
Tam kaj Żagań go spotkała

Szczyńściym tako prawie było
Cera na świat se cisnyła
Łoko Kraka niy łodkryło
Ano - z pszonio idzie siyła.

[broneknotgeld]

Purtek we "Szlacheckim Gnioździe"

Zjechoł tu purtek roz na gościna
Poru kamratow ze niym cuzamyn
Kożdy z nich robi fest tyngo mina
Szefowo myśli - terozki amyn

Dyć biyra w kufle przeca naloli
Kuchorz uwinoł drapko przi garach
Choć se rogatych richtig tu boli
Trza ło klijynta było tyż starać

Purtek choczewski blysnoł kopytym
Za wszysko złotkym twardym zapłacioł
Ech - zachichotoł złośliwie przi tym
Bo jak wyleźli piniondz sie stracioł

Toż krziż na droga, niywielko strata
Cosik gorszego mogło być przeca
Zły tref djosecko niesie zapłata
Niy darmo ło tym jo tukej kleca.

[broneknotgeld]

Choczewski "piekarnik"

Stoł piyrwyj kamiyń epny w dziedzinie
Ło kerym tako prawiyli
Klontwa na niego dano niy minie
Bo ludzie niy poprawiyli

Choczewski piekorz w niym kedyś przeca
Piyk chlyb we świontek i piontek
Geldu nazbiyroł wiela do neca
Dyć na nic zdoł sie majontek

Roz we niydziela przi mszy w Osiekach
Nakłod do pieca chop ciasta
Toż we kościele niy ma czowieka
Farorz sie wnerwioł i basta

Ech - piekorz tako tyż we utropie
Piekarnik z chlebym skamiynioł
Sie po palicy dopiyro dropie
Trefiyło coś do sumiynio.

Rozdoł profity ponoć ubogim
Kłod na ofiara w kościele
By świynty Pyjter niy był za srogi
Dostompioł niybiański sztele

Kamiyń zaś łostoł jako przestroga
Ktoś znakym krziża go wito
Był we Choczewie ze woli Boga
A kaj jest dzisioj? Kto pyto?

[broneknotgeld]

Gorka zamkowo wele Żelaznyj

Wele Żelaznyj zamek se jawioł
Princ w nim jakowyś kedysik bawioł
Dyć uwiod szwarno fest żelaźnianka
Nic niy łostało ze jeji wianka

Wieść tako gminno ponoć sie niesie
Że jom kaj pociep w głymbokim lesie
Niy mioł już dlo niyj nawet litości
Toż ciepła klontwa we czorny złości

Zamek stracony i princa niy ma
Ślad jakiś niesie yno ta ziymia
Joć już nikomu to sie niy zdowo
Stoji tu ciyngym gorka zamkowo.

[broneknotgeld]

Zaczarowany talar

Z gminy choczewski legynda tako
Toż jo niy yno wom tukej bajom
Ktoś przez tyn piniondz do dzisioj płako
Ano - na djoska skiż tego wajom

Baba z Kurowa ło tym wiedziała
Że purtek czasym talarym płaci
Jako go dostać medytowała
Dyć i przi tymu duszy niy stracić

Czornego kota we miech wraziyła
Na krziż zwionzała dwanoście razy
Świynconom wodom ździybko skropiyła
Ech - to ci gyszeft se istny marzy

W nocy po lesie ze tym rajtuje
Kajś na rozstajach czorta spotyko
Sie ło "hazoka w miechu" targuje
Już talar jeji - toż drapko zmyko

Koń ledwo dycho - chałpa chnet widzi
We niyj przed djoskym czeko schroniynie
Sie tyn ze piekła przi miechu biydzi?
Talar do szczyńście - uśpi sumiynie

Już dziesiyńć krokow - dźwiyrza czekajom
Dyć bies przed niymi w momyncie stowo
We piekle radość ze tym fest majom
A strach łoblecioł cołke Kurowo

Somsiodki nigdy już niy widzieli
We chałpie siarom czuć yno było
Czy ło talarku żeście słyszeli?
Możno tu komuś coś se prziśniyło.

[broneknotgeld]

Z kaszubskich legynd
=====================

"Anielsko Stopka"

Piyrwyj w Świecinie dwa bratki żyli
Co rodzicieli słuchali
Zdo sie łozdobom ty wioski byli
Dyć tako stało sie dali

Fater zachorzoł - ziymia rozdzieloł
Kożdy z nich dostoł połowa
Potym we trule se już pościeloł
I niy ma jego w tym gowa

Bratkow zaś zowiść jakowoś wziyła
Szatan tyż możno pokusioł
Skuli podziału złość wybuchnyła
Toż pszonie djoboł zadusioł

Larma codziynnie wiela w Świecinie
Wioska tyż cołko se dzieli
Czy ta utropa nigdy niy minie?
Ponboczek pomoc chcioł szteli

Zesłoł anioła by istnych godzioł
Tyn stanoł tu na kamyniu
I godkom swojom ku dobru wodzioł
Prawioł ło jejich sumiyniu

Ło woli łojca kero jest świynto
I zgodzie we familiji
Trza by z nich kożdy tako pamiyntoł
Niy ciongnoł ty tragedyji

Tone ze Jonkym złość dali brała
Ryncow na zgoda niy dali
Dyć se ta godka na psinco zdała
Ponboczka tyż rozgniywali

Tako ze woli Boski i kara
Anioł z tym śmierci posłańcym
Jak gyrom tompnoł - bratki na marach
A dowod ze tym ostańcym.

[broneknotgeld]

Bioło Dama na zamku wiśnickim

Ano - ciyngym po salach tu łazi
Dama kery na imie Barbara
Radziwiłłow pewnikym to razi
Toż se wcale niy znała na czarach

Tu łotruto? Zrychtowoł to Kmita?
Bony tako dosiyngła jom rynka?
Bioły Damy trza by se zapytać
Dyć dej pozor bo czeko cie mynka.

[broneknotgeld]

Turecke kolumny?

Wele zamku kolumny te stojom
Dziwy ło nich w Wiśniczu tyż prawiom
-Turki w piora łod gyńsi se strojom
Chcom stond pitnońć - dyć przeca niy bawiom

Z wieży zamku we lufcie szybujom
Strach - toż krzidła daleko niy niesom
Śmierć spotyko jak tukej londujom
Już wolnościom se nic niy ucieszom

Słupy prawiom - "Ikarow tu koniec"
Niy trza było ze zamku uciykać
Życie jyńca nojczyńści jest tonie
Za ich dusze kto chcioł tu porzykać?

[broneknotgeld]

Krol Sielaw

Przez wieki Krol Sielaw w jeziorze panowoł
Toż cołki swiat wodny cześć mu tu łoddowoł
Ludzie w końcu prziszli - ryby zaczli łowić
I zdo sie - Sielawa w tym krolestwie dowić

Łon tyż se rybokom doł we znaki wiela
Bo przeca sie ciśli tam kaj jego sztela
We sieci ze ajzy jednak go chyciyli
Życie darowali chocioż zniywolyli


Gorzke dlo Sielawa tu czasy nostały
Z tego se niyszczyńścia tyż nastympne dzioły
Ciyngym przeca widzioł w sieciach swo czelodka
Już wiedzioł że lepi mu było śmierć spotkać.

[broneknotgeld]

Antwerpsko legynda

Druon Antigon port tu założoł
Kupcow tym do sia fest nyńcioł
Dyć sie nad nimi pierońsko srożoł
I krod im towor ze chyńciom

Czynsto kupczyki bronić sie chcieli
A z niego siłocz był przeca
Ucinoł rynce i do topieli
Rzece je ciepoł we necach

Jednak na niego tyż kryska prziszła
Bo Brabo Sylwiusz był hardy
Z kikuta zboja mocno krew trysła
Rynka zaś zabroł nurt Skaldy

Niy dziw sie teroz fontannie ichni
Co na antwerpskim jest rynku
Za zdrowie Braba piwo se gichni
Niy mortw Druona se mynkom.

[broneknotgeld]

Djosecki zamek

Rycerz Marek se dychnoł nad Orawom prawie
Przi skale ze śnika - dyć jom mioł na jawie
Toż mu sie zachciało zamek tam zbudować
Chociożby i dusza djoskowi trza dować

Czort jakiś to słyszoł - drapko se tu stawioł
Tako rycerzowi koncept swoj wyjawioł
Zamek wybuduje w siedym dni i nocy
Za to dusza Marka mo być w jego mocy

Niy na wieki przeca - bydzie we proficie
Siedymdziesiont siedym rokow w piekle - wiycie
Zdo sie tako cyna wcale niy za drogo
Toż drapko na skale stowo twierdza srogo

Już prawie był fertig - siodmo noc przemijo
Dyć rycerz tyż widzi duszy tragedyjo
Ponboczka se wspomnioł - kokoty zapioły!
Djoskowi spod kamiyń - niy bydzie wesoły

Toz tako niy spełniol co som łobiycywoł
Zamkowi niyjedyn se tu potym dziwoł
Do świyntego Pyjtra rycerz klupnoł śmiało
Niy grzych to był przeca że sie twierdzy chciało.

[broneknotgeld]

"Złotorog"

Niy dość że kozioł mioł złote rogi
Toż jeszcze ponoć był richtig srogi
Skarbow Triglava przeca wachowoł
Do nich dostympu nigdy niy dowoł

Na gorze miyszkoł tyn bog czigłowy
Zwany jak łon tyż - pomysł niynowy
Downiyj Słowyńcy wlyźć sie tam boli
Dyć na swoj sposob jymu tyż pszoli

"Triglav" - ta gora na fladze majom
Tako we herbie - durś powożajom
Strach yno minoł - chnet jom zadepcom
A "złotorogym" gardziołka łechcom.

[broneknotgeld]

Legynda ło boćku

Pod katedrom w Strasburgu podobnoś jezioro
Na kerego środku elf prastary siedzi
Dusze narodzonych wyłowić sie storo
Szczyńściym - dyć we gora lona potym leci

Brzegym zaś wylezie - utropa ze tego
Bo złe duchy na nia tam yno czekajom
Marny los jest wtedy dzieciontka istnego
Lepi jak we gora katedry furgajom

Tam na samy wieży bociek czeko na nie
Do dzioba je biere - familijom znosi
Bestoż we Alzacji fest mo powożanie
Czynsto sie go cukrym ło dzieciontko prosi.

[broneknotgeld]

Zaczarowany talar

Z gminy choczewski legynda tako
Toż jo niy yno wom tukej bajom
Ktoś przez tyn piniondz do dzisioj płako
Ano - na djoska skiż tego wajom

Baba z Kurowa ło tym wiedziała
Że purtek czasym talarym płaci
Jako go dostać medytowała
Dyć i przi tymu duszy niy stracić

Czornego kota we miech wraziyła
Na krziż zwionzała dwanoście razy
Świynconom wodom ździybko skropiyła
Ech - to ci gyszeft se istny marzy

W nocy po lesie ze tym rajtuje
Kajś na rozstajach czorta spotyko
Sie ło "hazoka w miechu" targuje
Już talar jeji - toż drapko zmyko

Koń ledwo dycho - chałpa chnet widzi
We niyj przed djoskym czeko schroniynie
Sie tyn ze piekła przi miechu biydzi?
Talar do szczyńście - uśpi sumiynie

Już dziesiyńć krokow - dźwiyrza czekajom
Dyć bies przed niymi w momyncie stowo
We piekle radość ze tym fest majom
A strach łoblecioł cołke Kurowo

Somsiodki nigdy już niy widzieli
We chałpie siarom czuć yno było
Czy ło talarku żeście słyszeli?
Możno tu komuś coś se prziśniyło.

[broneknotgeld]

[broneknotgeld]

Kaj "bielawy"?

Bielawy tam zowdy kaj smok pod ubity
Torfowisko przeca ze bestyji juchy
Z sierści mech se robi richtig drapko przi tym
Dyć czy sie tu znodli kedyś take zuchy?

Potworowi łoni mogliby dać rady
Co ponoć i łogniym bor darżlubski poloł
Ło to roz Kaszuby wziyli se do zwady
Joch widzioł stolyma - bestoż żech ich smoloł.

[broneknotgeld]

"Anielsko Stopka"

Piyrwyj w Świecinie dwa bratki żyli
Co rodzicieli słuchali
Zdo sie łozdobom ty wioski byli
Dyć tako stało sie dali

Fater zachorzoł - ziymia rozdzieloł
Kożdy z nich dostoł połowa
Potym we trule se już pościeloł
I niy ma jego w tym gowa

Bratkow zaś zowiść jakowoś wziyła
Szatan tyż możno pokusioł
Skuli podziału złość wybuchnyła
Toż pszonie djoboł zadusioł

Larma codziynnie wiela w Świecinie
Wioska tyż cołko se dzieli
Czy ta utropa nigdy niy minie?
Ponboczek pomoc chcioł szteli

Zesłoł anioła by istnych godzioł
Tyn stanoł tu na kamyniu
I godkom swojom ku dobru wodzioł
Prawioł ło jejich sumiyniu

Ło woli łojca kero jest świynto
I zgodzie we familiji
Trza by z nich kożdy tako pamiyntoł
Niy ciongnoł ty tragedyji

Tone ze Jonkym złość dali brała
Ryncow na zgoda niy dali
Dyć se ta godka na psinco zdała
Ponboczka tyż rozgniywali

Tako ze woli Boski i kara
Anioł z tym śmierci posłańcym
Jak gyrom tompnoł - bratki na marach
A dowod ze tym ostańcym.

[broneknotgeld]

Islandzke trolle

Dyć już przed ludzmi trolle tu żyły
Możno se piyrwyj w gorach niy kryły
Choć łod nos wiynksze tako mocniejsze
Dlo nich niyherske czasy dzisiejsze

Ano - ze trolli ciyngym pogany
Dzwon dlo nich jako we uszach rany
Z psalmow pieronym fest boli głowa
Krziż zaś udrynkom zowdy łod nowa

Przez tysionclecia trzimiom se ćmoka
Słonko ze stwora robi boroka
W promiyniach przeca łon kamiynieje
Żywych niy spotkosz jak prawie dnieje

Chocioż tu żyjom stroniom łod ludzi
Spać idom kedy człowiek se budzi
Lepi niy szukej tych trolli tako
Cobyś skiż tego gorzko niy płakoł.

[broneknotgeld]

Jezioro Strzepskie

Skuli grzychow tyn Strzepcz krasi
Wpiyrw tu klasztor był bogaty
Dyć na zbytki mnichy łasi
Parafianin chnet sagaty

Na braciszkow mo harować!
I przimiyrać czynsto głodym
Jako tymu se dziwować?
Skiż Ponboczka to jest zgody?

Toż Wszechmocny wszysko widzi
Chocioz czasym niyrychliwy
Już se swojich sługow wstydzi
Z Jego woli teroz dziwy

W noc ulywa epno prziszła
Grzmoty, blyski, zawiyrucha
Z nieba, z ziymi woda trysła
Jako rzykać? Kto mo słuchać?

Woda se do celow wlywo
Klasztor ze kościołym topi
Opat fest stropiony dziwo
Woli boski niy spokopi

Dyć ze rankym już jezioro
Darmo mnichow teroz szukej
Tako ich Nojwyższy skoroł
Weź se kajak - pływej tukej.

[broneknotgeld]

Korona gryfa

Prawiom co w downych czasach to było
Plymie wikińske te ziymie wziyło
Grod przi jeziorze wybudowali
Zamek na gorze władcy stowiali

Krol w niym niydługo jednak zabawioł
Trza mu wojować - cera łostawioł
A że bogato i gryfno była
Jarl chcioł jakowyś jom brać na siyła

Toż i utropa - frelka we biydzie
Fater z pomocom drapko niy przidzie
We łodka wsiodo zocno krolewna
Lepi jak pitnie - tego jest pewna

Ech - sie znad morza wiater porywo
Łodka przewroco - to wos niy dziwo
Chnetko by dziołcha woda zabrała
Dyć szczyńściym gryfa istno dojrzała

Przipłynoł drapko - chycioł szponami
Krzidłami machnoł - już nad falami
Na drugim brzegu jeziora tako
A tam krol srogi za cerom płako

Ślimtanie jednak w radość se miyni
Krolewna zdrowo stoji na ziymi
Z tym głowa gryfa koronowano
No i dziedzina jymu poddano.

[broneknotgeld]

"Zoklynto gora siana"

Kej mszo we Osiekach boła łodprowiano
Gospodorz sie wybroł ukraść z łonki siano
Z łonki farorzowy - jako sie dziwować?
Prziszło na wiek wiekow za to pokutować

Ksiyndza przi ołtorzu ponoć cosik tknyło
Na mszy ze inkszymi złodzieja niy było
Choć go zdrowym trefioł prawie we sobota
Ofyn farorz tako potympioł niycnota

Na łonce chcioł złodziyj ruszyć z furom siana
Kero se ładowoł łod samego rana
Wszysko z niym we kamiyń wartko pomiyniyło
Ponoć ze uciechy djoblisko zawyło.

[broneknotgeld]

Osieski kamiyń

Roz stolym sie brzegym Bałtyka wandrowoł
Z połnocny dziedziny - kej mroz chycioł zdrowo
Dyć coś mu po drodze w szczewiku wadziyło
Zicnoł wele Osiek - sprowdzioł co to było

Pierombol! Toż kamiyń mu stopa łociyroł
Ano - wyciep wartko i dali popyloł
Belerowi dzisioj idzie sie podziwać
A jaki był stolym? Gowom yno kiwać!

[broneknotgeld]

Ło jackowskim młynorczyku

Prawioł mi to starzik latoś w Kopalinie
Co kedyś młynorczyk pszoł frelce dziedzica
Było ło tym słychać w jackowski dziedzinie
Toż miała grafianka richtig gryfne lica

Młyn stoł piyrwyj zocny we pobliskim lesie
Kaj strugi do stowka wody swoje loły
Młynorczyk robotny - wieść ło tym sie niesie
Dyć dziedzic Jackowa coś niy boł wesoły

Cera uślimtano po izbach sie snuje
Karlus tyż jyj w sercu ponoć richtig siedzioł
Łojciec przeciw tymu - złość do dziecka czuje
Ech, w końcu sie djosek choczewski dowiedzioł

Mono koło młyńske ło tym mu pedziało
Buki przi tych strugach tako wyszumiały
Zaroz mu liplinga na złe kusić chciało
Przeca we tym profit purtka zdo sie cały

Wystykło cyrograf yno krwiom podpisać
Lygli chnetko w trułach dziołchy rodziciele
Rok żałoby zlecioł - pszoniu jako miyszać?
Zapowiedzi ślubne w osieckim kościele

Mono młynorczyka sumiynie ruszyło?
Mono pszoł jyj tako że prowda wyjowioł?
Ano, weseliskym wcale niy skończyło
A niyszczyńśnik duszy skiż tego niy zbowioł

Dziołcha ze żałości w ty utropie wielki
Poszła do Żarnowca - w habicie pokuta
Grzych jyj szaca tako dosiyngnoł ty frelki
A jymu łostała już yno poruta

Buk przi strudze szumi tu richtig żałośnie
Ponoć cołko zima wisioł trup tam jego
Łodetli go prawie kej szło już ku wiośnie
Jest jackowski cmyntorz - leży wele niego

Zoglondnij wandrusie kaj młyn boł w Jackowie
Ze kamynia żornom i bukom podziwej
Idź ze znakym krziża jak żeś zocny czowiek
I na purtka nigdy tukej niy pokiwej.

[broneknotgeld]

"Kamyń Furmona"

Welem Jeziora Kopalińskego
Tyż epny kamyń - kuknij na niego
Zen pol gospodorz wioz tyndy zboże
Zarył w marasie - ruszyć niy może

Toż zaczoł richtig szpetnie przeklinać
Aże mioł purtek radosno mina
Zła se po dwakroć furmon winszowoł
Som siebie przekloł, toż co z tym stowo?

Ano - w kamiyniu łostoł zaklynty
Z furom cuzamyn - djosek niy świyntym
Niy miił litości - tako sie stało
Co furmonowi lepszym widziało.

[broneknotgeld]

Na gon

Na gon wele Łomży krol polski mioł chyntka
Sie wybroł z asystom - Krzizok mu jak piyntka
Przeca po Grunwaldzie już sie tako dzioło
A kej zwiyrza goniom rycerzom wesoło

Dyć to prawie wtedy tako im trefiyło
Zwiyrza we tych puszczach richtig wiela było
Niydźwiedź epny dopod tu princa Janusza
Koń niy poretowoł. Jako mu sie ruszać?

Ano - domb mu przipod na cołke schroniynie
Dzisioj w herbie Łomży jako przipomniynie
Łodsiycz w końcu prziszła - princ życio niy stracioł
Historyjo grodu tako ubogacioł

A jelyń?! Tyż przeca go w herbie znojdziecie
Pewnikym i ło niym dowiedzieć coś chcecie
Po princa przigodzie ze niydźwiedziym srogim
Jagiełło pokusioł na jelynie rogi

Już ubioł jednego ze epnom koronom
Słyszy ryk inkszego - czy koniym pogoniom?
Ech, Cieszko spokopioł co sie za tym kryło
Krola przihaltowoł - a jako skończyło?

Rycerze Krziżokow podeszli we borze
Władce porwać chcieli, nawet ubić może
Krol tako retniony, Cieszka z tym nagrodzioł
Łomży herb przi tymu ciekawy przigodzioł.
Pokaż profil

[broneknotgeld]

Antwerpsko legynda

Druon Antigon port tu założoł
Kupcow tym do sia fest nyńcioł
Dyć sie nad nimi pierońsko srożoł
I krod im towor ze chyńciom

Czynsto kupczyki bronić sie chcieli
A z niego siłocz był przeca
Ucinoł rynce i do topieli
Rzece je ciepoł we necach

Jednak na niego tyż kryska prziszła
Bo Brabo Sylwiusz był hardy
Z kikuta zboja mocno krew trysła
Rynka zaś zabroł nurt Skaldy

Niy dziw sie teroz fontannie ichni
Co na antwerpskim jest rynku
Za zdrowie Braba piwo se gichni
Niy mortw Druona se mynkom.

[broneknotgeld]

"Złotorog"

Niy dość że kozioł mioł złote rogi
Toż jeszcze ponoć był richtig srogi
Skarbow Triglava przeca wachowoł
Do nich dostympu nigdy niy dowoł

Na gorze miyszkoł tyn bog czigłowy
Zwany jak łon tyż - pomysł niynowy
Downiyj Słowyńcy wlyźć sie tam boli
Dyć na swoj sposob jymu tyż pszoli

"Triglav" - ta gora na fladze majom
Tako we herbie - durś powożajom
Strach yno minoł - chnet jom zadepcom
A "złotorogym" gardziołka łechcom.

[broneknotgeld]

Łod Czorny Krolowy

Tako wom godom ło tych Plitwicach
Ludzie wpiyrw mieli fest smutne lica
Bo epno susza w dziedzinie była
Zdo sie co ziymia tu aż polyła

Toż wiycie - ludzie wiela rzykali
Ło dyszcz ze nieba tako błogali
Czorno Krolowa to usłyszała
I dyszcz dziedzinie podarowała

Loło po suszy fest przez dni wiela
W końcu ze słonkym blysnyła sztela
Dyć już na zowdy tyż z jeziorami
Szczyńście kupluje sie z Plitwicami.

[broneknotgeld]

Korona gryfa

Prawiom co w downych czasach to było
Plymie wikińske te ziymie wziyło
Grod przi jeziorze wybudowali
Zamek na gorze władcy stowiali

Krol w niym niydługo jednak zabawioł
Trza mu wojować - cera łostawioł
A że bogato i gryfno była
Jarl chcioł jakowyś jom brać na siyła

Toż i utropa - frelka we biydzie
Fater z pomocom drapko niy przidzie
We łodka wsiodo zocno krolewna
Lepi jak pitnie - tego jest pewna

Ech - sie znad morza wiater porywo
Łodka przewroco - to wos niy dziwo
Chnetko by dziołcha woda zabrała
Dyć szczyńściym gryfa istno dojrzała

Przipłynoł drapko - chycioł szponami
Krzidłami machnoł - już nad falami
Na drugim brzegu jeziora tako
A tam krol srogi za cerom płako

Ślimtanie jednak w radość se miyni
Krolewna zdrowo stoji na ziymi
Z tym głowa gryfa koronowano
No i dziedzina jymu poddano.

[broneknotgeld]

Jezioro Strzepskie

Skuli grzychow tyn Strzepcz krasi
Wpiyrw tu klasztor był bogaty
Dyć na zbytki mnichy łasi
Parafianin chnet sagaty

Na braciszkow mo harować!
I przimiyrać czynsto głodym
Jako tymu se dziwować?
Skiż Ponboczka to jest zgody?

Toż Wszechmocny wszysko widzi
Chocioz czasym niyrychliwy
Już se swojich sługow wstydzi
Z Jego woli teroz dziwy

W noc ulywa epno prziszła
Grzmoty, blyski, zawiyrucha
Z nieba, z ziymi woda trysła
Jako rzykać? Kto mo słuchać?

Woda se do celow wlywo
Klasztor ze kościołym topi
Opat fest stropiony dziwo
Woli boski niy spokopi

Dyć ze rankym już jezioro
Darmo mnichow teroz szukej
Tako ich Nojwyższy skoroł
Weź se kajak - pływej tukej.

[broneknotgeld]

Djosecki zamek

Rycerz Marek se dychnoł nad Orawom prawie
Przi skale ze śnika - dyć jom mioł na jawie
Toż mu sie zachciało zamek tam zbudować
Chociożby i dusza djoskowi trza dować

Czort jakiś to słyszoł - drapko se tu stawioł
Tako rycerzowi koncept swoj wyjawioł
Zamek wybuduje w siedym dni i nocy
Za to dusza Marka mo być w jego mocy

Niy na wieki przeca - bydzie we proficie
Siedymdziesiont siedym rokow w piekle - wiycie
Zdo sie tako cyna wcale niy za drogo
Toż drapko na skale stowo twierdza srogo

Już prawie był fertig - siodmo noc przemijo
Dyć rycerz tyż widzi duszy tragedyjo
Ponboczka se wspomnioł - kokoty zapioły!
Djoskowi spod kamiyń - niy bydzie wesoły

Toz tako niy spełniol co som łobiycywoł
Zamkowi niyjedyn se tu potym dziwoł
Do świyntego Pyjtra rycerz klupnoł śmiało
Niy grzych to był przeca że sie twierdzy chciało.

[broneknotgeld]

Ło Skarbniku Zabrzeskim

Bergmony ze Zabrzo coś ło niym prawiyli
Nikerym se jawioł jako Dioskur stary
Bestoż kej na grubie czasym go trefiyli
To drapko rzykali do świynty Barbary

Dyć czy łon jest fatrym łod dziywicy świynty?
Żodyn już niy przisiong, niy potwierdzioł prowdy
Poganin przez Boga na wieki przeklynty
Kto na niego bliknie życie traci zowdy

Ano - niy chciyj trefić lepi Zabrzeskego
Niych cie przed niyszczyńściym Ponboczek łochroni
Łostatnio two szychta jak kukniesz na niego
Wiydz że piekło ciyngym za tym istnym goni

Blysk i gorkość idzie ze krokami jego
Siyła co jyj czowiek śmiertelny niy strzimie
Stracony tyn kery niy stracho se tego
Co wieki przi wonglu kajś na dole drzymie.

[broneknotgeld]

Legynda z wiyrecki "szostki"

Naszo staro "szostka" wpiyrw heresztym była
Donnersmarck go stowioł - jak wielko mioł siyła
We lochach co ciongły aż do wiyży krymski
Baran w złotym runie sie szwyndoł niyziymski
Niyjedyn heresztant jak uwidzioł tryka
Krepnoł skiż matowy abo dostoł bzika
Toż dusze borokow ciyngym w lochach siedzom
Nojłodważniejszymu ze ludzi powiedzom
Kaj se baran smyko, kaj złoto ściepuje
Yno trza dać pozor - Skarbnik pastyrzuje!

[broneknotgeld]

Niy robcie łostudy!
Nudli niy wiyszejcie!
www.wiadomosci24.pl/artykul/naukowa_rewelacja_w_rudzie_slaskiej_188915.html
Znak to djoska z Rudy!
Wiary tymu dejcie
Łodbioł sie kopytym z pruskego talara
Domb troncioł rogami! Tymu trza dać wiara!