Epitafia

[broneknotgeld]

Nikt sie jyj niy prosi
A śmiertka durś kosi.

[broneknotgeld]

W bimbrze sie utopioł
Dyć wcale niy łopioł.

[broneknotgeld]

Cołke życie przespać chcioł
Drap mogiła swoja mioł.

[broneknotgeld]

Przi taki pokucie
Wisi na gangucie.

[broneknotgeld]

Wiela klikoł
Mało rzykoł.

[broneknotgeld]

Niym hepnoł
Krepnoł.

[broneknotgeld]

Krepnoł po kliku
Toż niy we śniku.

[broneknotgeld]

Baba chopa pochowała
Dyć sie za niym niy wybrała.

[broneknotgeld]

Drapko sie zabrała
Hercklekoty miała.

[broneknotgeld]

Sie fest tropiyła
Z tego krepnyła.

[broneknotgeld]

Jojko sie strzaskało
Same pochowało.

[broneknotgeld]

Na śmierć sie zaklikoł
Nawet niy porzykoł.

[broneknotgeld]

Dlo baby boł cap
Zmiyniyła go drap.

[broneknotgeld]

Any już niy wołom
Trowa wonio z dołu.

[broneknotgeld]

Boł z niego kyns suma
Pynk przez swoja duma.

[broneknotgeld]

Przi waszmaszynie
Życie tyż minie.

[broneknotgeld]

Anong richtig mioł
Na warzbrecie groł.

[broneknotgeld]

Pucowoł kominy
W jednym stracioł driny.

[broneknotgeld]

Pochowali Zefla
Niy mioł w bontku knefla.

[broneknotgeld]

Krepnoł przi niydzieli
Łod Erny Marceli.

[broneknotgeld]

W szwortek legnoł sie do pryka
Już we piontek trza mu rzykać.

[broneknotgeld]

Pochowali tu Hajnela
Ślimtała niyjedna frela.

[broneknotgeld]

No to na ta drugo szłapa
Coby tu niy była klapa.

[broneknotgeld]

Pioł z gwinta do końca
Już niy widzi słońca.

[broneknotgeld]

Strziga kusiola Franckowi dała
Dyć go do grobu tako zabrała.

[broneknotgeld]

Żywot myszy krotki
Krepła skuli trutki.

[broneknotgeld]

Tukej leży prawie Acik
Go przejechoł jakiś gracik.