Ślonske Zoo

[broneknotgeld]

Koszatniczka

Take żyjontko mo moja cera
Lubi sie łasić - szkryfna jo tela
Jom niy pochalosz - zowdy nerwowo
Ślubno tyż tako - czy mi sie zdowo?

[broneknotgeld]

Silezaur

Nojstarsze te gady kaj Opole żyły
Krasiejow nauce je dowo terozki
Ślonski jaszczur jakby nabiyro zaś siyły
Choć trza mu poświyńcić jeszcze wiela troski.

[broneknotgeld]

Dzik w mieście

W lesie bez dziyń zowdy śpi
Dyć we mieście wcale niy
Dniym se dania fondnie czi
Co dlo niego dobre - wiy.

[broneknotgeld]

Mamut

Mamut był wielki a czowiek mały
Dyć na nic mu sie zymbiska zdały
Czowiek myśliwym co goń nań wiod
Bo przeca tropioł go czynsto głod.

[broneknotgeld]

Na lisa

Lis kurnika upilnuje?
Cipki we niym ciyngym czuje.

[broneknotgeld]

Igle

Igle fetym zapasione?
Już matowa biere łone?
Jeszcze ponoć nom "tuptajom"
Dyć se chnetko zaś pospajom.

[broneknotgeld]

Skworc

Skworc wachowoł mi łogrodka
Nawet mioł tam do sia budka
Dyć mu cześnie smakowały
Plon ze drzewa zebroł cały.

[rico-chorzow]

Bronek przyboc coch Cia,
na Gody niy wynszowou,
boch na gibko szkryflou,
a pozor niy dowou,

Rzyca Cia wiela,szkryflej,
bes tydziyń,Gody a niydziela,

pozdor Rico

[broneknotgeld]

Dziynki za powinszowanio.
Wzajymnie winszuja "wszyskego ślonskego".

[hepik1]

Powtarzasz sie Notgeld a powtarzanie się na forach jest spamem.
O ślimaku napisałes już tutej:
forum.gazeta.pl/forum/72,2.html?f=28940&w=23420033

[broneknotgeld]

Cosik ci sie pomylyło
Dyć niy piyrszy roz to było.

[godula5]

Zajączek

Zajączek przy Wielkanocy
Wiosennych poczuł wpływ mocy
Przez pole pomykał
Zapomniał o wnykach
I teraz w maślance się moczy.

[broneknotgeld]

Gon ślimoka

Ślimok ślimok - pokoż rogi!
Niy - toż powyrywom nogi!
Do Francyji wyśla w rajza!
Boś ty richtig polsko łajza!

[broneknotgeld]

Kwiczoł

Zowiom kwiczoła tyż "ruskim szpokym"
Bo łogrodnikom wyłazi bokym
Na podzim jabka podziubać umi
Chocioż po rusku nic niy rozumi.

[broneknotgeld]

Ło krowie

Jako łod przibytku może boleć gowa
-Deliberowała kedyś jedna krowa
Dyć cosik skiż tego niy prziuważyła
Tako łowiyńdzinom przi klusce legnyła.

[broneknotgeld]

We Wilijo

Gowiydź ludzkim głosym cosik łosprowiała
Ponoć gospodyni jednak już fest spała.

[broneknotgeld]

Co latoś gowiydź we Rudzie powiy?
Czy se gospodorz coś ło tym dowiy?