Muszla koncertowo

[herbjelita]

Bou to dzisiok piekny dzionek. U nos we wsi poświencili nowo muszla
koncertowo. Graua orkestra dynto, potym śpiewou chor menski a potym
folklor i harmonium trio. Siedzieli my tym, moge bouo nos ze 300 ludzi,
popijali piwko i goudali. Nie to nie je scena z Laband, to tu w Niemcach.
Cauy czas ech myślou i wspominou te trzi muszle koncertowe z Łabond.
Jedna stoua w zygrodzie u Kuberka (Kino Zorza), drugo w zygrodzie u Oppolki
Restauracja boua przi Hutniczej a zygroda uod Zawadzkego. Ta trzecio boua
na Prziszowce. Tak jak dzisiok u nos tak bouo pierwi w Laband. W muszli
graua kapela, lidzie siedzieli przi stouach i pieli piwo a kaś tam na
koncu stoua chopy grali w szkata. Dlo Polokow boua to cudzo kultura i
beztosz po tych pieknych muszlach nic, a to nic nie zostauo. Godou ech o
tym z Bürgermeistrem a uon se dziwowou, ze u nos az trzi bouy a my tu tera
dopiyro pierwszo fejerujemy. Dzisiejsze popouednie mie bardzo wzruszouo.

[szwager_z_laband]

te na rynku pamiyntom, ale tera se niy umia tyj na psziszowce
spomniec ... - pszipomnijmi kaj to bouo gynau

[herbjelita]

Szwager i inni moi czytelnicy! Mie sie zdo, ze muszam wos prosic o
przebaczenie. Zatelelefonowou ech do mojej najstarszej Labandziorki, wtoro
mieszko pod Zugspitzom z pytaniem o te trzi muszle. Na Prziszowce nie bouo
muszli jeno taki piekny taras, chocby lauba drewniano. Jo myslou, ze tam
tyz boua muszla. Pierona, to jo mojego Bürgermeistra uoszydziou.
No ja, czowiek popeunio buende i jo tysz.