dziynnie to samo

[ballest]

Autor: ballest

rano larmuje tyn larmiyrz , dostanie w kalica i zaczynom gymnastyka
w uozku, yno pora liegesticow, uoswiecam luczywo co najwiynkszy
polski wynalazca wymyslou niejaki Lukasiewiczm, stond tysz te miano






i idam do kuchni tyj warzyc.
Potym na ustymp, kaj se zaro przy tymu golam.
tera juzas do kuchni, zeby citrona wycisnonc do tyju.
Uoblecze juz mom narychtowane w badzie, kaj se uobduszujam i idam
baba z uoza wywalic, bo musi mi 4 gelniki (szniety) ukroc, zebych na
dienscie se nie uobalou ze godu.
Potym se uoba tyju napijemy i maszerujam na dienst czytej do
roboty .
Muszam isc przez gojik, po drodze som rozne falle, z kyrymi se
upoarac muszam!
Tam je taki wyschniynty dou, kedys tak yno boula przeciepnientou
boua, ale jak Gorole wlezli, to pedzieli, ze zadbajom o sicherheit
autochtonow i zaangazowali slynnou Pani architekt ze Glywic, uona
zaprojektowala WIADUKT, uobejrzita jakou tera wygoda momy:



Przez tyn wiadukt se przeprawic, to jednak nie je tak uaps, bo
przeca nie yno, ze cie ftos pyrtnonc moze, to jedyn Filor juz
zgnity , ale Pani architekt dou nowy wystrugac, auftrag dostou
wiesiek z Podlasia i wiadukt bydzie juzas ja nowy !

[ballest]

Jak se wom podobauo, to jutro szkryfnam dali, - a tera zyczam
fajnego szlusstydnia

[meg_s]

ballest napisał:

> Potym na ustymp,

ale tych szczegółów na oszczędź - wystarczy że mam zdjęcie twojego ustępu ;)

[herbjelita]

Twoja tworczosc litaracka to klasa swiatowa. Pisz dali bo je je
ciekawy konca.
Ty uocby Henryk Sienkiewicz tako fantazyjo mosz.

[meg_s]

aha - i jeszcze jedno - nazywać toto wiaduktem, to istna megalomania ;) - toż to
najzwyklejsza kładka z poręczami :D

[ballest]

No ja, jak mi se przez tyn Viadukt co tyn architekt uo swiatowy
suawie zaprojektowaua
(uona juz do goroli ze Niemiec tysz projektowaua, ale profitu z tego
nie miaua, moze to na szwarc robioua;) unfallfrei przeprawic udauo,
to se dali pomauu kolybiam.
W parku mi fajnie szpoki spiywajom, cukrofki hukajom, uot czasu do
czasu spotkom tysz jakegos wulca, kerego po zmaraszonych zohlach na
szczewikach poznom, on napewno na panienkach byl ?.
Mijajom mie tysz jakes inne nocne duchy co na kouach penadalujom,
czasym im ketta piszczy albo majom takou achta w reifie, ze im asz
schutzblech czaskou..
Kedys Alfons uot tego Gordzielika ze kajzerowy gorki, mnie minou,
a ci mu pieronym Schutzblech larmowou.
Wouom za niym,
- Alfons, ej, suyszysz , Schutblech ci czaskou,
- Aloys, jou cia nic a nic nie rozumiam, wouej zdziebeczko
gosni, bo mi uokropnie Schutzblech czaskou.

Jak se goj skonczy to se zacznie takie fajne sopocie, kaj same
panoczki miyszkajom,
Punkt 5:30h rano cycatou Helga uot Szewerdy, co jeji chop
sztajgrym na ballestremowski grubie je, swoja deka we familoku ze
uokna wdycko klupie,
Czosym jeji cycek tysz trocha swiezego luftu sznapnosc chce,
czytej ze bluzy kukou, ale ani mnie ani Helgi to nie szteruje
Jou jak zawsze,
- Mojn, mojn Helga, - jak se spauo,
- ach miaua bych ci godac, ani mie se nie pytej, moj cauo noc
chrapou, jou ci hnet cauou noc slypia nie zmruzoua, moj ci dzisiej
richtig jak Sägewerk cauou noc dechy rznou, bo wiysz , wczora
juzas suepali ze Bercikiem Steinkampem, to ci se przykalou tyn leber
naprany jak szlojder, potym se walnou do uoza na wznak i zaczon ta
swoja muzyka,
dopiero nad ranem uech na chwilka usua, ale uo pionty mmie tyn
gizd juz uocuciou, bo mu se juzas gupot chciauo.
- Lecam, bo muszam mu narychtowac Frühstück, trzim se Aloys.
- Helga, to lec, ale uwazej, zebys se gyrow nie pouomaua, jak pyndu
nabieresz!
Pyrsk Helga

[seppel]

ja, ja, dziynnie to samo
-to sie gupoty w gowje rodzom
;)
dann Frohes Schaffen!

[ballest]

aha - i jeszcze jedno - nazywać toto wiaduktem, to istna
megalomania ;) - toż to
najzwyklejsza kładka z poręczami :D

Ta polskou archtektka nazwaua to Viaduktem, bo pedziala "most"
nad rowem kaj nie ma wody to jest u nas, czytaj we Polsce Viadukt i
prosze sie poprawnie wyslawiac, Panie Aloysius!

[cirano]

Dobre ballest, jeszcze coś s ciebie bydzie. Szrajbuj dali.
Pszipomniało mi sie coś uo polskich szportmynkach.
Ta jedna miała jusz take mizerne i duge (afrykanske) cycki, że sie je pszi
lotaniu do wygody za guma z batkow wrażywała, a drugo miała problym
niydorozwionzanio ze sfojym "interesym", ftory stoć pono niy poradziył, ale i
tak zowdy zawodzoł

[meg_s]

chyba pomyliłeś ze sporstsmenkami z NRD

[ballest]

"Dobre ballest, jeszcze coś s ciebie bydzie. Szrajbuj dali.
Pszipomniało mi sie coś uo polskich szportmynkach.
Ta jedna miała jusz take mizerne i duge (afrykanske) cycki, że sie
je pszi
lotaniu do wygody za guma z batkow wrażywała, a drugo miała problym
niydorozwionzanio ze sfojym "interesym", ftory stoć pono niy
poradziył, ale i tak zowdy zawodzoł"
Muszam dali szkryflac, bo przeca uech jeszcze we robocie nie je.
To je pisaniou wpierony;)
Yno nie ma na to czasu!

[meg_s]

ballest napisał:

> Ta polskou archtektka....

trza se było niemiecką zatrudnić, ale co... pieniędzy szkoda było ??

[ballest]

meg_s napisała:

> ballest napisał:
>
> > Ta polskou archtektka....
>
> trza se było niemiecką zatrudnić, ale co... pieniędzy szkoda
było ??

;), widzisz Sztychalskou, jou tysz sztychac umiam, pra !

[meg_s]

ballest napisał:

> ;), widzisz Sztychalskou, jou tysz sztychac umiam, pra !

no raczej godzić w dobre imię człowieka pracy :)

[ballest]

na razie nie mom se zamiaru z Tobom godzic, bos mi UOKROPNIE
dokuczoua!
;)

[berncik]

Mysla ze na schlustydzien mocie wszyscy gute laune.dali tak,Pisz dali
ballest.

[ballest]

berncik napisał:

> Mysla ze na schlustydzien mocie wszyscy gute laune.dali tak,Pisz dali
> ballest.

Laune dobre, ale z pisaniou bydom nici, bo momy besuch ze Krakau, czytej ze Krakowa!

[meg_s]

ze mną nie musisz, ale z tą panią :)

[ballest]

meg_s napisała:

> ze mną nie musisz, ale z tą panią :)

No z tom Paniom se pogodzam;)

[ballest]

Helga we oknie.

[dede99]

i idam
baba z uoza wywalic

fajnie ci to idzie Ballest-te PISANIE , ale zech sie usmiol;)

lg dede

[ballest]

Mosz na mysli pisanie abo wynokwianie ?

[dede99]

i jedno i druge- fajnie cos nowego :)


yno ciekawe jakby twoja ,,Baba" sam to przeczytala zes ty jom z lozka ,,wywalol"
na drugi dziyn ci te sznitty jeszcze zrobiola??

:)he,he
lg dede
"Nur zwei Dinge sind grenzenlos: das Universum und die Dummheit. Wobei ich mir
beim Universum nicht ganz sicher bin."
Albert Einstein

[ballest]

mosz recht, tak richtig to sama stowou i gelniki kreje!

[ballest]

Tera uech se musiou trocha warci kopnonc, bo uech z Helgom trocha
czasu zmarudziou, ale sztrasa se pogorszoua, zaczouy se kocie uby,
to musiou uech dowac pozor, zeby nie prasknonc, bo bych se mog pysk
szczaskac, a ze szramami bych niech chciou se w biurze bliknonc dac.
Po drodze juz niedaleko Wilymstrassy, (dzisiej Zwyciestwa) miyszkou
Tanty Erna, piyrwy miaua moja Tanty zawsze fajny balkon kaj kwituy
takie kwiotka co se spuszczaly na dou i zakrowauy prawie cauy balkon
kwiyciem, ale do somsiedniego wohnungu se hadziaje wkludziyli,
takie Panoczki,
- Pani Wieslawa z Panem Jaroslawem, uoni se trzymali swinie we
piwnicy i koza na Balkonie, co moji Tancie zawsze kwiotka, czytej
Geranie uobzyraua i uot tego czasu moja Tanty juz kwiotkow na
Balkonie nie mou,
- nie bydam ty gorolce Wiesi koza futowaua, zeby uona z wymalowanym
pyskiem lotaua, mi kedys pedziaua.
Pan Jaroslaw, choc maly zwerg ale ci bardzo robotny je, na uogrodku
se nawet studnia wykopou, bo pedziou, jak by tak we leitungu wody
brakuo, to mou na zygrodce.
Pieronom ale mondry je, bo tyn Gystell ze hustawki kaj se dzieci
hustauy, wykorzystou jako Wyciongarka do kibla na ta woda.
Ale uoni i tak dziynnie woda ze ty studni ciongnom a tyn kibel na ta
woda uobkidany i zarusciauy majom!
Jak uech se spytou czymu, to mi Pani Wiesia zaroski wyklarowaua,
- Panie Alojzy, kazdy czuowiek potrzebuje we krwi ponad 20
billionow erytrocytow, wie Pan co to som erytrocyty?
- Nie Pani Wiesiu, nie wiem, oswiec mnie Pani?
- To som te czerwone cialeczka krwi, ktore transportuja tlen w
panskich tetnicach
- Aha, a te som we ty rdzy, skuli tego jest tyn kibel zarusciauy,
uech kapowou
- Dziekuje Pani bardzo, Pani Wiesiu, od dzisiaj bede tez wode we
zardzewialym garnuszku pil.
Mondrou bestyjou je, pra?
Ja, ja to musiauo byc prowda, bo jou ich nigdy kucac nie szuyszou a
rymy tysz jeszcze nie mieli.
Na rogu Wilymstrassy spotkou uech Siegfrieda Kachla, tego uot
Fallschirmjägrow spod Monte Cassino, Siegfriedowi uech mu przed
tydniym doradziou, ze jak jak by mu piyniyndzy brakuo, to se na rogu
Wilymstrassy stanonc mou, ta starou uniforma ze Wehrmachtu se uoblyc
mou i bydom mu napewno do ty niemiecki mycki pieniondze ciepac.
- Moin, Moin Herr Kachel, no i co welascie zuotkow uzbiyrali
- Ani mi nie godej, smarku, kukni jaki zech krziwy jest
- no richtig, caue ramiono wom wisi, co se stauo Herr
Obergefreiter ?
- no wiysz ty zgobisiu, ciepac to zodyn nic nie wciepnou yno
klepali mnie po barach i godali.
- TO JESZCZE BOUY CZASY, TO JESZCZE BOUY CZASY!

[ballest]

a to fotka Pani Wiesi

[ballest]

Tak, to jeszcze byly czasy ;)