pytanie o kryngi

[szwager_z_laband]

czymu przewaznie ludzie ze poudniowyj Francji majom jedyn kryng wiyncyj w kryngosupie?

[bokertov1947]

Jo njy wjym.
Ale mozno bes tosz, coby im szuo lepi "den Buckel runterrutschen"?
:-)))
Pyrsk!

[bokertov1947]

Szwager - mysla, co sie na mje njy gorszysz skuli mojij odpowjedzi?!

Cobys uo mie zle njy myslou - ciepia ci mauy wic:

Ósmego dnia Pan Bóg rozdał wszystkim narodom Ziemi języki. Tylko dla
Slązaków zabrakło. Wysłali więc delegację z prośbą, aby naprawił
swój błąd. Pan Bóg zawstydził się i rzekł:
-Jerrronie... Wyboczcie chłopy! Wszystko przez tyn pieroński bajzel.
W takim razie bydziecie godać tak jak jo...

Pyrsk!

[szwager_z_laband]

niymom sie o co gorszyc, ale juz zech to pora razy suyszou(tak samo jak z tym mongolskim niybieskim flekym na plecach we niykerych okolicach Francji) i niy znoduech o tym narazie nic we necu.

mozno bez cufal ktos cos wiy ...(?)

[bokertov1947]

Witom Szwager,
a jest ejs pewny, co to je prowda - abo - jak czasym bywo - tako kaczka.
Byda musiou spytac sie kolegow uod kosci - piernika, ci muszom to wiedziec.
Jak sie co dowjym, to ciepna Ci notka.
Pyrsk!

[szwager_z_laband]

som sie tysz postarom cos wiyncyj dowiedziec, ale to potrwo!

danke:)

[bokertov1947]

Hallo Swager,
kejsik ech sie spichnou s publikacjom dojsc znanego posturologa francuskigo Bernarda Bricot'a - kery jak sie njy myla praktykowou na Universytecie medycznym w Marseille - a to by bouo we poludniowy Francyji.
Mozno ktorys ze szpecjalistow w ty dziedzinie (posturologi to take lykorze, kere zajmujom sie kryngosupym, kryngami i naprawianiym ich), cojsik na tyn tymat wjy, abo czytou.
Njy wjym, eli nasz forumowy psziociel fatum niy je lykosz. Mozno uon - jak to przecyto - to bydzie cojsik wjyncy wiedziou.
Pyrsk!

[bratjakuba]

szwager_z_laband napisał:

> czymu przewaznie ludzie ze poudniowyj Francji majom jedyn kryng wiyncyj w kryng
> osupie?
--------------------------------------------------------
To nie jest jakoś wada zwionzano z regionym ale moze mieć podłoże rodzinne,choć to wontpliwe abo przinajmnij niepewne.
Statystycznie ok 10% ludzi mo o jedyn krąg lędzwiowy(Lumbalwirbel) wiyncy,dość czynsto
zrosniynty z kościom krziżowom.
W piyrszum przipadku nazywo sie to Lumbalizacją a w drugim Sakralizacją.
Po niemiecku godo sie ogólnie:- lumbosakrale Übergangswirbel.
Zmiany te przeważnie nie majom znaczenia chorobowego a stanowiom jedynie ciekawostka
anatomiczno abo radiologiczno( w prześwietleniach i zdjyńciach RTG).

[szwager_z_laband]

moja mama tysz mo jedyn kryn wiyncyj - jak bydzie nazod ze Glywic to sie ino jom musza spytac kery to gynau je:)