www.karolgwozdz.eu

[k.gwozdz]

Witům serdeczńe!
Zapraszům na mojo nowo zajta:

www.karolgwozdz.eu
Szkryfńynto jest blank we ślůnskim jynzyku, we alfabeće Steuera...
Mům nadźyja, co naszo kultura bydźe durch kwitnůnć...
Ńych te wjyrsze służům kożdymu hanysowi...

Pozdrowjům gorko!
Szczyńść Boże!
Karol Gwóźdź

[ballest]

Karlik, piyknie witom, za chwila bydziesz miou nawet Geburtstag,
myslam, ze go nie zapomniymy.
Jedno mi sie ale nie podobou, ze ta slonskou godka w heroglifach
pisanou je .

[szwager_z_laband]

Karlik fajnies to narichtowou - Gratulacje!

Niy pszejmuj sie Ballestym, to niy je zuosliwosc co on padou - on je
ajnfach z tym szkryflaniym po naszymu na swoj sposob sceptyczny.

Jak moga sprobowac pokrytkowac, to osobiscie pszidaua by sie tam
jako lekcja szkryflania w tyj formie. Rozumia jak tak szkryflosz, to
tyn szrift i polecic chcesz. Abo'ch cos pszepasowou?

Do mie je chaba najfajniejszy tyn konsek o uonyj. Fajnie szkryflosz
po naszymu i mosz do tego grajfka. Z wszysskego coch odcia do
dzisiej czytou moga Ci ino odymie dac taki mauy typ(pszepraszom jak
to gupio brzmi) cobys niy pszebiyrou za wyszukanymi "filozoficznymi
wyrazami" - tak jak szkryflosz po swojsku je to nojfajniejsze. Ale
to ino moje osobiste zdanie.

[k.gwozdz]

Dziynkuja Wom chopcy!
Pisołech to we szrajbungu Steuerowskim.
Na moij zajcie znojdziecie trocha informacji uo tym na dole nad włonczeniem/wyłonczeniem muzyki , abo inaczyj: kole tekstu: all rights reserved 2009 -> Steuerowy Szrajbunek..

Eli jak ftoś chce to tukej mono uo tym poczytać:
pl.wikipedia.org/wiki/Alfabet_%C5%9Bl%C4%85ski_Steuera
pl.wikipedia.org/wiki/Feliks_Steuer
Niy jestech w kodyfikacji za wprowadzeniem liter č, ě, é, ř, š, ž, ý ... Jedyno literka w naszym alfabecie to ů. A alfabet kery stworzoł dr Steuer przed wojnom take właśnie mo założenia.. besto sie na ta pisownia zdecydowołech :)

Co do wjyrszy... lubja pisać take swojskie a czasym take filozoficzne, no juz nic niy poradza na to :D Ale dziynkuja Wom piyknie za wsparcie!!!! Bóg Wom zapłać!!

Mom nadziyja co naszo kultura nigdy niy zginie - mom nadziyja co wlasnie kiejś na nowo (wspolczesnie) rozkwitnie...

[szwager_z_laband]

jo to znom Karlik - jo tak w nawionzaniu do wszyskich!

pozdrowiom!

[ballest]

Karlik przeca wiy, ze to nie bouo zlosliwe !;)

[bratjakuba]

Fest piykno mosz ta stronka choby jom jako gryfno dzioszka uheklowała.
Ze Twoich wierszow nejbardzi mi sie spodoboł;"A na obkoło cisza".
Trza Cie pochwolić za piykno ślonszczyzna co nie je take lekke dlo
ludzi tak młodych jak Ty.
A terozki mało rada,nie krytyka,jak idzie o użycie niekierych słow.
Brif było by lepszy zastompić słowym pismo.Wiym,że sie to dzisiej inakszy
kojarzy ale tak sie dycki godało:posłać pismo abo dostac pismo.
Druge słowo Bergi.Po ślonsku berga abo l.m.bergi to je hołda abo
hołdy.(Zbiyrajom wongly po bergach).
A polske góry to som gory abo wiyrchy.N.p.Kozie Gory w Rybniku abo Bernacke
Wiyrchy z okolic skond pochodzioł Steuer.
Jo je 3 razy od Ciebie starszy i jynzyk Steuera znom jeszcze jako żywy.
Bezto te moje uwagi,możno posłużom zachowaniu wierne,ślonske godki

[k.gwozdz]

Przyznom, co niy spotkołech sie z tym 'pismem' nigdy wcześnij...
Cenno rada.. z tym że właściwie.. pora słów jak np bajtlostwo, wszyndobólstwo.. to take neologizmy powstałe na potrzeba wjyrsza.. i tak mje sie zdo co w wypadku tego wjyrsza uo kerym godosz akurat brif lepij pasuje niźli pismo... ;) ale na przyszlosc kożdo rada mom we wercie... zresztom ... krytyka umacnio i powoduje co stajymy sie (jako ludzie) coroz to lepszymi :) besto i jo jest na kożdo krytyka uotwarty... Pozdrowiom :)

[hanys_hans]

bratjakuba napisał:

> Druge słowo Bergi.Po ślonsku berga abo l.m.bergi to je hołda abo
> hołdy.(Zbiyrajom wongly po bergach).

Berga to soom pszeca kamiynie. A hołdy to mogoom byc´ rostomajte z bergi,
piousku, s´mieci, złomu itp....

[szwager_z_laband]

o Hanys, to je richtik roztomaicie - a we poezji to dopiro:)

[hanys_hans]

szwager_z_laband napisał:

> o Hanys, to je richtik roztomaicie - a we poezji to dopiro:)

bratjakuba myli berg z bergoom tak jak nikerzy gorola z góralym...

[bratjakuba]

hanys_hans napisał:

> bratjakuba napisał:
>
> > Druge słowo Bergi.Po ślonsku berga abo l.m.bergi to je hołda abo
> > hołdy.(Zbiyrajom wongly po bergach).

> Berga to soom pszeca kamiynie. A hołdy to mogoom byc´ rostomajte z
bergi,piousku, s´mieci, złomu itp....
>

Dobrze wiym hanys co je berga.Ni mo to takigo szyrokigo znaczynio jak sam
opisujesz.Berga to je tyn kamyń we flecu w kierym leżom pokłady wonglo.Tyn
kamiyń wywozi sie na hołda i bez to sie też godo na hołda,berga i o zbiyraniu
wonglo na berdze.
Mie zaś szło o to,że tyn nasz ślonski Benjaminek użył zwrotu
- "Bergi skaliste" a to na Ślonsku musi sie kojarzyć z hołdom.
A przeca na myśli mioł skaliste gory.

[k.gwozdz]

> Mie zaś szło o to,że tyn nasz ślonski Benjaminek użył zwrotu
> - "Bergi skaliste" a to na Ślonsku musi sie kojarzyć z hołdom.
> A przeca na myśli mioł skaliste gory.

Benjaminek... hehehehe
Bergi skaliste to tak poprowdzie metafora... besto mono być i jedno i druge
rozwionzanie...

[hanys_hans]

k.gwozdz napisał:

> > Mie zaś szło o to,że tyn nasz ślonski Benjaminek użył zwrotu
> > - "Bergi skaliste" a to na Ślonsku musi sie kojarzyć z hołdom.
> > A przeca na myśli mioł skaliste gory.
>
> Benjaminek... hehehehe
> Bergi skaliste to tak poprowdzie metafora... besto mono być i jedno i druge
> rozwionzanie...

Urobek - materiał skalny wybrany w przodku górniczym lub w ścianie kopalni
odkrywkowej i wydobyty z kopalni. Obejmuje zarówno kopalinę, jak i skałę płonną.

[szwager_z_laband]

Bravo Karlik!

tysz tak to bych padou:)

[szwager_z_laband]

braciszku niy kwol go za fest - to je niydobrze!

jo moga bo jo go duzyj znom;)

ps

modym cza zowdy pokozac co idzie jeszcze inaczyj!

[bratjakuba]

szwager_z_laband napisał:

> braciszku niy kwol go za fest - to je niydobrze!
>
> jo moga bo jo go duzyj znom;)
> ps
> modym cza zowdy pokozac co idzie jeszcze inaczyj!
>

Trza go chwolić,że chce pielyngnować i porzondkować ślonsko godka
i robi to tak piyknie.W tym pokolyniu je ciynżko trefic kogoś tak zapolonego do tej roboty.
Lata po 1989 r. narobiyły wiyncy spustoszynio w ślonszczyżnie niż
powojynne czasy z werbusami,hadziajami i inkszymi gorolami do kupy
wziynte.

[ballest]

Bracie jou by to inaczy pedziou, 800 lot Slonska pod Niemcami i tej niby
germanizacji nie spustoszylo tak naszy slonski godki jak prawie 70 lot polski
okupacji!

[ballest]

a Karlikowi se nalezy Slonski Adler I Klasy za to co robi do slonski godki, choc
mnie te kropelki nad U szterujom!

[hanys_hans]

ballest napisał:

> a Karlikowi se nalezy Slonski Adler I Klasy za to co robi do slonski godki, cho
> c
> mnie te kropelki nad U szterujom!

Pszeca to je wiyncy o jak u. Nojlepi by pasowou na tyn sl©nski umlaut ©

[ballest]

recht mosz, hanys !

[sloneczko1]

czytom ta stronka a kafyj mi wonio,aże wonio;)

[szwager_z_laband]

niywia Bracie Jakuba - z jednyj strony jjjje gorzyj, ale ze drugyj
juzas widza ize praje mode interesujom sie slonskosciom - wez ino np
taki marsz autonomii - kuknij wiela tam modych je!

[bratjakuba]

szwager_z_laband napisał:

> niywia Bracie Jakuba - z jednyj strony jjjje gorzyj, ale ze drugyj
> juzas widza ize praje mode interesujom sie slonskosciom - wez ino np
> taki marsz autonomii - kuknij wiela tam modych je!

Je ich durch za mało,a że młodzi to yno dobrze dlo nich.Kto za młodu
nie boł rewolucjonistom tyn zostowo chacharym aż do starości.

[arnold7]

[szwager_z_laband]

to ze durch za mauo to fakt::)

dobrze pedziane!

[annak12]

szwager_z_laband napisał:

> to ze durch za mauo to fakt::)

nooo to dołonczyć,a nie yno "mało,mało"

Co do zajty,richtik piykno,jak dlo oka tak i do serca;))