darima_ka
15.02.09, 18:58
Romboł górnik klocek,romboł go pod ścianom
i przy tym rombaniu ciulnoł się w kolano,
że go zaskoczyło te nagłe zdarzynie,
nawcześniejszy wyjazd dostoł pozwolynie.
Poszoł się przekopym jak mamlas po szynach,
aż tu na zakryncie-dup!-w niego maszyna.
kiejby się obejrzoł za siebie do zadku,
to by boł uniknoł przykrego wypadku.
Stanoł i nadepnoł na kulok urzniynty
i gwóźdż zarościały wlozł mu aż do piynty.
Musioł borok siednuńć na okorków kupie,
zaroz poczuł drzyzga w swojej chudyj dupie.
Górnik aż podskoczył,chełm mu zlecioł z gowy,
i ciulnoł tom gowom we ring z obudowy.
Buła mu wylazła na pośrodku glacy,
stracioł równowaga i ciulnoł na cacy.
Jak lecioł na plecy chyciół za kolejka,
palec mu przycisła jakoś kurwa belka,
chyciół za betonik,kiery wisioł z kraja,
betonik wylecioł i dostoł nim w jaja.
Druty co sterczały wlazły mu do miecha.
Cza mieć kurwa noga pierońskiego pecha.
Jeszcze zdonżył chycić jakoś deska z tyłu,
półka go prziczasła i ćwierć tony pyłu.
Gadajom wypadki nie chodzą parami,
jak to jest na prowdy to widzicie sami.
Taka jest niebezpieczna robota górnika.
NIE RÓB NIC NA DOLE -UNIKNIESZ RYZYKA
