Śląsko Akademia Humoru

[ouberiba]

Sam postuluja co byście się przestali wadzić i połączyli swe siły we
budowaniu sam śląskiyj tradycyje, kero polego na tym, żemy sie trocha po
robocie posmioć. Wstawiyjcie sam wice (Owerol licza na ciebie), co by wesoło
było. Jo mom taki:
Klupie do drzwierzów Ewalda doma Ecik. Łoztwiero mu Ewaldowo baba.
Ecik: "Jes Ewald doma"
Ewaldowo baba: "Niy ma"
Ecik: "Wiycie wy co, jno już wos tak łobserwuja i wy mi sie zdowocie
strasznie szwarno dziołcha"
Ewaldowo baba: "A wiela byście mi tak dali?"
Ecik: "Wiela wom bych doł? Ano dom wom piynćset złotych. Docie mi?"
Ewaldowo baba: "Ty giździe pierunski jak Ewald sam przyjdzie to je juz po
tobie"
Ecik: "Ale zastanówcie sie piynć stów po placu niy loto"
Ewaldowo baba tak sie zastanowiyła i wyszło jyj, co by sie za te piynć stów
mogła mantyl kupic, co tu jyj go Ewald obiecywo pionty rok. Wreszcie zgodziła
się i sie z Ecikiym przespała. Po wszyskim Ecik doł jyj pieniondze i poszoł
doma. Wraco Ewald i pyto: "A Ecik sam boł?"
Ewaldowo baba choby nigdy nic: "Niy, a co?"
Ewald: "Patrz jaki z niygo giżdziel. We robocie mi obiecoł, że sam dzis
przyjdzie przyniyś mi te piynć stów co mi już od roku jes winiyn!"
:-)

[Gość: alojz]

Gerard sie zaciongnou na uokrynt i prziszla burza i po uokryncie. Gerard
wylondowou na bezludnyj wyspie. I tak siedzi, siedzi, mijajom roki, a uon
siedzi i nic. I nagle patrzi a tam we oddali statyk. I ze tego statku
spuszczajom szalupa i do niyj wuazi richtig szwarno dzioucha we bikini.
Podplywo pod mwyspa Gerarda, przeciongo sie, maco po rzyci i godo Wiela wyscie
sam gerard juże som? A Gerard na to wicie szwarna paniynko juże bydzie ze pora
roków A uona tako że niby podniecono pado - to wy gerard musicie być mocno
spragnione, pra? A Gerard na to pado - ani mi niy godej ze mosz piwo!!!

[Gość: synek]

sam sie badnijcie:
www.enter.net.pl/www/krystianm/

[Gość: OWEROL]

Mosz Recht Kamratko " Ouberiba " nie trza sie wadzić , ino dokupy nasz Slonsk
odnowić , coby nom sie wszystkim sam dobrze w tej Europie żoło .
Pozdrowienia
Stary OWEROL
Najlepsze WICE na FORUM KATO------WICE
POgodomy po naszemu bo my momy na to RECHT !!!!!
"""""""""""""""""""""""""""""""""""""""""""""""""

[Gość: Owerol]

Sam mom zaś nowe Bygryfy po Slonsku :
Szynk
Gyszynk
Bajtlik
Blaubery
Aplosina
Wikarek
Oplerek
Keiserka
Muterka
Szmatloch
Szmaterlok
Panienka
Handszrift
Heft
Temomyjter
Blejsztift
Gruchlik
Rychlik
Tuberok
Borok
Bolok

Kto wie co to te Bygryfy oznaczajom ????
Pyrsk
Wasz OWEROL

[Gość: Wasz Marjanek]

Witom Cia Owerol !
Jak tak czytom te bygrify kere ejc ciepnol, to se mysla, co abo chcesz
sprawdzic znajomosc slonskigo na forum – abo sie lejesz zurym – bo te bygrify
zno kozdy bajtel na Slonsku.
Jo jusz downo njy je bajtel – ale ciepia Ci przelonacynie z naszego na polski.

Szynk: karczma, gospoda. (prziklod: w njydziela po Wielkym wszyjske chopy szli
na jednego do Erwinowego szynku.)

Gyszynk: podarunek. (prziklod: na gyburstak dostol ech w robocie fajny
gyszynk.)

Bajtlik (Bojtlik): portmonej na drobne piniondze. (prziklod: w sztrasynbance
prziszla kontrol. Hyjdla zaczla szukac biletu – i lotwjyro taska; wyciongo
bajtlik; lotwjyro bajtlik; wyciongo farkarta; zawjyro bajtlik; dowo farkarta
kontrolyrowi; lotwjyro bajtlik; wsadzo farkarta; zawjyro bajtlik; lotwjyro
taska; wsadzo bajtlik; zawjyro taska.)

Blaubery: tukej uczyni sie spjyrajom. Jedni godajom, co blaubery to som czorna
jagody, a inni, co to som ostranzyny. Jo znom tyn bygrif jako nazwa na czorne
jagody. (przyklod: w zeszlym roku bolo tyla blauderow, co do dzisiej momy
jeszcze w pywnicy pora krauzow zblauberowom marmeladom).

Aplosina (Apluzina): pomerancza. (prziklad: na Dzieciontko dostali my apluziny
z paketu z Rajchu).

Wikarek: ksiynzoszek – ale jeszcze mody (Mlody wikary). Niy mylic z
kapelonkiym, kery slol w hierarchi pod wikarkym. (prziklod: tyn nowy wikarek,
to bardzo gryfny synek – pedziala Cila, jak prziszla do dom z rezurekcow).

Oplerek: wusztlik, troszka rubszy lot winerka. Samakuje zgrzony, z zymlom i
zymftym.
(tukej bes przikladu).

Kejserka (Kajzerka): zymla, co trocha inaksij wyglondo. Jest okronglo i mo na
wjyrchu karby na krziz. (prziklod: dejcie mi czi zymly, dwie kajzerki i czi
roszki).

Muterka: tukej momy dwa rozmajite znaczynia: muterka (malom literom), to
naktyntka na sroba. Duzom literom to zdrobniynie lod Matka (Muter).
(Tukej juzajs bes prziklodow).

Szmatloch: taki, co sie plonto (z konta w kont). Prziklod: Francik, bier mi
tego malego szmatlocha spod nog, bo jeszcze go nadepna (idzie tukej o malego
bajtla, kery szmatlo sie po kuchni).

Szmaterlok (szmaretlouk; szmatyrlok abo i mantylok): motyl. (prziklod: tym
szmaterlok je blank bioly).

Panienka: miano na figurka Matki Boskij, stojonco w przidroznyj kapliczce
(czynsto nazwa colkij kapliczki. (prziklod: jak chcecie dojsc do Michalkowic,
to musicie skryncic kole Paniynki na lewo).

Handszrift: rynczne pismo. (prziklod: tyn Zeflik mo taki hanszrift, co go zodym
njy umiy przecytac. Napewno zostanie dochtorym).

Heft: zeszyt. (prziklod: Wilus, te twoje wszyjstkie hefty majom yjzylory).

Termomyjter: to taki digs do mjezynio tymperatury. (bez prziklodu).

Bleisztift: olowek. (prziklad: blajsztift je do rysowanio, a njy do dubanio w
uszach).

Gruchlik: „niybieski ptok”, nierob, nieuk. (prziklod: jak tak dalij pudzie, to
tym Ecik zostanie gruchlikiym).

Rychlik: njy wjym.

Tuberok: taki co licho wyglondo, chory, kaszloncy. (prziklad: s tego kurzynio
wyglondo tym Hanys jak tuberok).

Borok: (Borajstwo; Boroczek): taki, nad kerym sie litujymy, biydok zyciowy.
(prziklod: o ty boroku, pokosz, kaj ejs sie piznol).

Bolok: rana,guz. (prziklad: po tym fusbalszpilu mom polno bolokow).

Pyrsk !
Wasz Marjanek

[Gość: Owerol]

> Witom Cia Owerol !
> Jak tak czytom te bygrify kere ejc ciepnol, to se mysla, co abo chcesz
> sprawdzic znajomosc slonskigo na forum – abo sie lejesz zurym – bo
> te bygrify
> zno kozdy bajtel na Slonsku.
> Jo jusz downo njy je bajtel – ale ciepia Ci przelonacynie z naszego na po
> lski.
::::::::::::::::::::::
Witom Cie Marjanek ,
duże brawa za tłumaczynie . Mosz recht te Bygryfy boły dla poczontkujoncych ,
jak szkryflosz " zno je kożdy Bajtel na Slonsku " .
Tukej mom trocha lepsze przykłady . Może wiesz co to za Bygryfy :
Szkrapka
Szkubok
Panak
Panpoń
Niemiela
Nieradzik
Niemorawek
Olama
Hukal
Federbiksla
Kocender

Pyrsk OWEROL

[Gość: Owerol]

Wto wie jak ta śpiewka dalij idzie , niech pisze :

" A my w doma momy Krepli od pierona , cały Byfyj cały Szroncek cało Roma .....