Ło Wielkopolsce

[broneknotgeld]

Region wielki no i zocny
We historii swoji mocny
Pewnie szczimie ślonske rymy
Choć mom teroz ździybko trymy

Pomaluśku suć je byda
Możno powiy ktoś - łobrzida
Dyć niy gońcie - ciyrpliwości
Zwolcie naszy godce gościć.

[broneknotgeld]

Rymy z Rudy do wos idom
Dyć i tam tyż zowdy bydom
forum.gazeta.pl/forum/71,1.html?f=261

[broneknotgeld]

Byście wszysko rozumieli
Broneknotgeld słownik ścieli
forum.gazeta.pl/forum/72,2.html?f=261&w=8707774

[broneknotgeld]

Fraszka wielkopolsko jest jakby ta pyrka
Czy jom łodkopali ze ziymnego wyrka?

[broneknotgeld]

Poznańske koziołki

Poznań w zocy mo koziołki
Dobrze że niy yno stołki.

[broneknotgeld]

Poznać Poznań

Poznać Poznań we czi dni?
To sie niy do - kożdy wiy.

[broneknotgeld]

TVP Poznań

Ponoć w Poznaniu "vicekwiatkowski"
Rzońdzi tom "wizjom" jak heros boski
W niym "grupy czworga" wielko nadzieja
A jo ze tego yno sie śmieja.

[broneknotgeld]

Możno sami coś wciepniecie
Ło Poznaniu szkryflać przecie
Idzie rymow łod pierona
Wyście tukej przeca w doma.

[broneknotgeld]

Ostrow Tumski

Jak żeś jest w Poznaniu toż drogi kolego
Niy możesz łominońć Ostrowa Tumskiego
Tu grod był nojwyrszy za Mieszka I
I tukej łokrzciyli nom ksiyńcia istnego

We katedrze znojdziesz tyż Złoto Kaplica
Kero bizantyjske mo jak gdyby lica
Prochy Mieszka z Bolkym tukej som złożone
Kaj piyrsze we Polsce miejsce poświyncone.

[broneknotgeld]

Za benefis Feldman Poznaniowi piontka
Szkryfna yno tukej jakby na pamiontka.

[broneknotgeld]

Zygarowe koziołki

Wolf tyn zygor wyrychtowoł
Swe koziołki inkszym dowoł
Nikt niy powiy że je zjod
Cołki Poznań z tego rod.

Posnania

[Gość: Pani.Nikt]

Przelewa się ciepła Warta
Z jednego kąta w drugi
I jeden nurt drugi gubi
A w środku wyspa Sparta.

I wystarczyłoby skał
Aby postawić katedrę
Zadziorną jak taksówkarz
Gdyby poeta miał
Swej wyobraźni dość
I zrobiłby miastu na złość
I w samym środku Poznania
Stworzyłby ogród kamieni
Z mieszkańców czynu zaniechania.

[broneknotgeld]

Richtig piykne - wiyncy trza
Niych we gora leci - pra?

[broneknotgeld]

XIV wiek

Wyszota se zamek w Kurniku postawioł
Tukej pomiyszkiwoł i u brata bawioł
Kery we Poznaniu biskupa mioł stolec
Ale i Wyszota przeca niy był golec.

[broneknotgeld]

Jeronie! To miało być razym. Wyboczcie.

XIV wiek - drugo zwrotka

Zamek pryndko stanoł solidny i zocny
Panisko wiedziało że we niym jest mocny
Wieże mioł solidne - mog sie dugo bronić
Jakby wrogom chciało sie aż tu zagonić.

[broneknotgeld]

XV wiek

Za Górków tyn Kórnik fest sie rozbudowoł
Mikołaj piniondza na to niy żałowoł
Dołożyli krzidła miyszkalne mu dwa
Wieża, most zwodzony, urosnoł fest - pra?

[broneknotgeld]

XVI wiek

Choć było już piyknie - wszysko pozmiyniali
Postawiyli nowe - stare łozebrali
Dwa krzidła terozki paczały na siebie
Tela sie zmiyniyło we kurnickim "niebie".

[broneknotgeld]

XVII wiek

W siedymnostym wieku wiela sie tu dzioło
Co rusz to inkszego panoczka prziwioło
Nałyncze z Czarnkowa po Górkach go mieli
Potym Grzymalici rzońdziyli w tyj szteli
W końcu do Działyńskich przeszoł Kurnik cały
We tyj Wielkopolsce rod to był niymały.

[broneknotgeld]

1574

Walezego tukej Stanik Górka gościoł
Dyć pewnikym potym za to ciynżko pościoł.

[michi3]

Witom,
na pewno sie Bronek zdziwisz co jo sam robia :) ale zaglondom czasym na forum
Poznan bo mom tyz tukej trocha swoich korzyni...
pozdrawiom

[broneknotgeld]

Wznosza toast - Za korzynie!
Drugi tyż - za powodzynie!

[mankut400]

broneknotgeld napisał:

> Wznosza toast - Za korzynie!
> Drugi tyż - za powodzynie!

Dołączam (bezalkoholowo) do toastu :)
I coby Bronek miał kiejdy pełne bejmów !

[broneknotgeld]

Kurnicko poczta

Poczta we Kurniku tyż jest zabytkowo
To wiek łoziymnosty? - Abo mi sie zdowo.

[Gość: couleur3]

Wiem , że kiedyś inaczej pisano ale teraz to już ó..

[broneknotgeld]

Kurnik? - dyć tam miyszko kura!
Kórnik? A! To miasto! Hurra!!!

[broneknotgeld]

Połowa XIX wieku

We remont Kórnika Działyński se wprzongnoł
Co yno pomyśloł to przeca osiongnoł
Zaś zamek rozkwitnoł - był wiek dziewiytnosty
Tyn gotyk angielski - styl zocny niyprosty.

[broneknotgeld]

Fundacjo "Zakłady Kórnickie"

Co łonczy Kórnik ze Zakopanym?
- Tyn tymat przeca dobrze jest znany
Jak Jan Działyński pomarł bezdzietnie
(Bywo - kostucha rod jakby przetnie)
To dobra jejich Zamoyski wzioł
Kery tyż panym w Zakopcu boł
- Dyć łon założoł zocno fundacjo
Pedzioł: "To wszysko mo teroz nacjo".

[broneknotgeld]

Arboretum

Łod downa łogrod był tu przi zamku
Włoski nojpiyrwyj francuski potym
W końcu angelski park powstoł sam tu
Działyńscy ze tym mieli roboty

Szczyńściym to było ich łoczko w gowie
Drzew ściongli tukej rożniste sorty
Dzisioj sie wiela tym cieszy czowiek
W Polsce tyn park jest nojwiyncyj worty.

[Gość: karola]

fajnie rymujesz

[broneknotgeld]

Dziynki.
Zaproszom na forym Ruda Śląska.
Tam mojich rymowanek som tysionce.
broneknotgeld

[broneknotgeld]

Na eku Warty miasto Śrym leży
Po łobu stronach tyj rzeki
Gorka we parku - możecie wierzyć
Nojstarsze przikrywo wieki.

[broneknotgeld]

Co tu momy? Dyć - ło rany!
W Śrymie widza Jeziorany!

[broneknotgeld]

Historyjo uczy co te pra-Poloki
Tukej sie gnieździyli - to byli Gnieznoki.

[broneknotgeld]

Wzgorze Lecha

Na Wzgorzu Lecha gniazdo być miało
W niym oreł chowoł pisklynta
Prowda - czy możno sie wydowało?
Dyć trza tyż ło tym pamiyntać.

[broneknotgeld]

Gnieźniyńske jeziora

Jedne wielke kedyś było
Jednak z czasym sie dzielyło
Teroz liczom zowdy czi
Downiyj sztyry. Kto to wiy?

[broneknotgeld]

A możno...

A możno Gnieznym zwali jezioro
Co grodu kedyś broniyło
Dojść tego dzisioj już za niyskoro
Czasu już wiela minyło.

[broneknotgeld]

Siedym gorek

Na siedmiu gorkach Gniezno powstało
Ciynżko je dzisioj zrachować
Ze Romom tyż sie przeca to stało
Jo sie już przestoł dziwować.

[broneknotgeld]

1000

Do Gniezna zajechoł cysorz Otton Czeci
Bliknoł że nad grodym bioły oreł leci
Bolesław szykownie gościoł go u siebie
Nikierzy myśleli co som jakby w niebie

Gniezno? Dyć niy wiymy - czy stolicom było?
Czy yno skiż blasku swego władcy żyło?

[broneknotgeld]

Korony piyrszych Piastow

Nojpiyrsze korony te Gniezno widziało
Bestoż trza to szkryfnońć - stolicom sie zdało
Szczyńściym we niym gora polskego Kościoła
I opatrzność Bosko przeca tukej stoła.

[broneknotgeld]

Z czasym

Zmarnioł w Gnieźnie grod ksionżyncy
Kościoł dostoł wzgorze
Miasto słabnie i sie mynczy
Dyć gro w bożym chorze.

Długosz ło tym szkryfnoł tako
Idzie jymu wierzyć - psiakość!

[broneknotgeld]

"Europa Ducha" 12-14.III.2004

Zjazd Gnieźnieński nowy bydzie
Niym ta UE tukej przidzie.

[broneknotgeld]

Gnieźniyńske jarmarki

Sztyry w roku jarmarki tu sie łodbywały
Dyć przez pora tydni łone sie kulały
Bez niych by niy było tukej za wesoło
Miasto przi tych torgach richtig dobrze stoło.

[broneknotgeld]

Stolica wojewodztwa

Tako ranga miało za Poniatowskiego
Wiela sie tu wtedy cieszyli ze tego
Ze drugim rozbiorym jednak sie skończyło
Po prowdzie trza pedzieć - na wyrost to było.

[broneknotgeld]

Piwowarzy

Kto we Gnieźnie miyszkoł mog te piwo warzyć
Inksi ło tym prawie yno mogli marzyć.

[broneknotgeld]

Gniezno 1872

Jak cug sam dojechoł Gniezno zaś rozkwitło
Ździybko przeca biydy przi tymu sie wytło
Cołke Prusy rosły na frankach we złocie
Ze wygrany wojny i tu cosik mocie.

[broneknotgeld]

Germanizacjo

Kożdy kij dwa końce jednak zowdy mo
Na siyła niymczynie to już yno zło.

[broneknotgeld]

[broneknotgeld]

1925

Fundli pomnik tukej Bolkowi Chrobrymu
Stanoł przi katedrze w swojim majestacie
W rochnica nadanio korony łonymu
Dyć to niy szczimało drugi wojny bracie.

[broneknotgeld]

"Dziekanki"

Tukej w drugi wojnie tragedio sie stała
Wybiyli psychicznych w całości bezmała.

[broneknotgeld]

Gniezno - Koszalin

"Gniezno - Koszalin" ciekawo sprawa
We tym komuny była "zabawa"
Z Gniezna rzońdziyli we Koszalinie
Przed wojnom inkszy przeca dziedzinie.

[broneknotgeld]

Pomnik Bolka

Bolesław Chrobry jak stoł tak stoji
Choć drugi niy szczimoł wojny
Teroz niczego już sie niy boji
Może być ło sia spokojny.

[broneknotgeld]

Gnieźniyńsko Katedra

Kościoł co tu stanoł piyrszy
Już se przeca stol nojwyrszy
Z niego ta katedra była
Dyć se pryndko wypolyła

Chrobry nowo zaroz stowioł
Łon na darmo niy zabowioł
Ło koronie myśloł przeca
Tu jom wzioł do swego neca

Czechy kościoł zaś zniszczyli
Za Ślonsk tako se pomściyli
Trza Śmiałego czekać było
By łod nowa coś ruszyło

Stanyła już po roz czeci
Dyć sie pożar pryndko nieci
I Hermana teroz gowa
W tym by stowiać jom łod nowa

Jakoś Władek se poradzioł
Z Bogym ło to niy powadzioł
Styl romański - nawy czi
Kościoł stanoł - to sie wiy

Świontyni fundamynt cały
I dźwiyrza co sie łostały
Wpisali potym we gotyk
Piyńć kościołow - huk roboty.

Oklaski :) bt

[lahliq]

[broneknotgeld]

Wielke dziynki za klackanie
Dyć niy idzie ło uznanie
To mie w gowie ździybko gniecie
Czy tyż tymat pociongniecie?

[lahliq]

Nie pociągniemy. :( Zero talentu w tym mamy. :(
Choć mało co rozumiem, to wyrazy uznania. :)))

[broneknotgeld]

Przeca we godce to być niy musi
Ważne że rym tyż inkszych pokusi.

[broneknotgeld]

Ciyngym licza trocha na poznańske rymy
Przeca niy trza we tym mieć tu jakiś trymy.

[Gość: onadziekuje]

chociaż pyra z krwi i kości,
czuję w sobie nieco złości -
gdy posprzątam, ugotuję,
czegoś braknie, smętek czuję.

śląska ta muzyczka pikna,
nasza Wielkopolska śliczna,
więc gościowi, co opiewa
niech soczyście Śląsk dojrzewa.

Bravo Maestro!

[Gość: Ma]

odchodzę od serca
opuszczam oddech
bo twarda mowa
wypędza ptaki
spod powiek
strzechy

Burak

[broneknotgeld]

Hehe - zdo sie coś chyciyło
A już cołkym w zadku było.

Mom prośba.
Szkryfnijcie możno z kerymi miastami w Niymcach wspołpracuje Poznań
forum.gazeta.pl/forum/72,2.html?f=59&w=19671960
Prawie ciongna taki wontek na FK i może mi sie to przidać do fraszki.
Pozdrowiom.

[Gość: proszebardzo]

najpierwszy byl Hannover
gospodarczo Stuttgart jest pociągający
a genetycznie to trochę Bambergu

[broneknotgeld]

Dziynki - trza bydzie to wykorzystać
Miasta wielke toż jakeś ciekawostki do fraszek ło nich znojda

Bamberka w Poznaniu mocie
Toż sie ze tym grodym znocie.

Pozdrowiom i zaproszom jeszcze roz na tyn wontek ło Niymcach
forum.gazeta.pl/forum/72,2.html?f=59&w=19671960
Dyć tako samo na drugi, ło cołki Europie, bo przeca leci piyknie
forum.gazeta.pl/forum/72,2.html?f=59&w=19764660

[broneknotgeld]

Bamberg

Bamberg Frankonii perłom jest przeca
Ze bawarskego landu tyż neca.


"Rauchbiyr"

Yno z Bamberga jest take piwo
Dyć niychej wos to wcale niy dziwo
Toż recyptura znoł wiek szesnosty
Słod przipolony w tym koncept prosty
Choć zdo sie jeszcze że cosik wiyncy
No to pijymy - niy trza sie mynczyć!


Kajzer Hynryk II

Kajzer Hynryk II w jedynostym wieku
"Rzym" chcioł tu zbudowć - poskopisz czowieku?
Choćcioż se dziwujesz dyć dobrze sie stało
Przeca cosik z tego do dzisioj łostało.

O Wielkopolsce

[Gość: Pani-Nikt]

O Wielkopolsce rzeknę te słowa -
Ojczyzny naszej pierwsza to głowa.
Choć co niektórzy innych oświecą
Jakoby była ona macicą.

Mieszek zbudował w Poznaniu katedrę
Gdzie miejsce miały obrzędy Podniebne.
A kiedy Bolek na świat przychodził
Nowy porządek się tutaj rodził.

Dał ci on przykład ogromnej troski
Kiedy rozniecał w borach żar boski.
I choć zębiska czasem wyłupał
Przesunął granic daleko słupa.

Wszyscy też wiedzą od dawien dawna
Czyja jest w Gnieźnie katedra sławna.
I choć raz Otton do niej zajechał
Potem Brzetysław podle najechał.

Tak też na koniec syn Bolka młody
Który zasłynął, choć nie z urody,
Lecz księgi liczne miał w jednej głowie
Osiadł na stałe w mieście Krakowie.

No i się skończył w ruchach pogańskich
Czas kraju, który przyjął Chrzest Pański.

Po Wielkopolsce

[Gość: Pani-Nikt]

By księga ziemska nie była pusta
Zapisał ją ten, co krzywe miał usta.
Więc sporo książąt łamało miecze -
Racji po wiekach nikt nie dociecze.

Dalsza historia jest bardziej znana-
Los wspólny Pana, Plebana i Chama.

W Wielkopolsce

[Gość: Pani-Nikt]

Sadów tu mało, kwiecie zdziczało
Grube konary, wygina dąb stary
Pola falują, koni nie kują
Jadą a-uta, rzeka zatruta –
- I tylko czyste oddechy przedszkola
Mówią, że w ziemi tej dobra jest rola.

Na wygiętej linii wzgórka
Gdzie tęcz pasma dają nurka
Stoi para jak z marmurka -
W jego ręku jest dwururka
U jej stopy dziobie kurka.

Oczu już nie osłaniają
W dnia zachodzie się spalają
Niżej stacja benzynowa -
Niech się przy niej OPEC schowa.

I czy Niemcy nas wykupią
Czy kopalnie Chiny złupią
Zęby zjedzą korporacje -
Ostateczną Mamy Rację.

Piosnka o WielkiejPolsce

[Gość: Pani-Nikt]

Rozeszły się głosy
Że będą stosy.

Przybiegła żona :
Przecież mi szczona
Chłopy zakłują
Kiedy zmiarkują.

Lecz chłopek zdrowy
Zamiast w okowy
Wrócił na łowy
Gdzie ... pasie krowy.

Się przejaśniło
Wsi się nie śniło
Że więcej światła
Wywabi diabła.

I z cienia plam
Zniknął ten cham.

Wielkapolska

[Gość: Pani-Nikt]

Przyszli znów pod dom
Czego oni chcą
Kiedy ojca brali
Matki nie pytali.

Zima ciężka była
Prycza w tyłek kłuła
Ona tam została
Ewka moja mała
W łóżeczku Tomeczek
Ile łyżeczek
Ile zastrzyków
Jakich uników
Żeby czym prędzej
Wziąć ją w ramiona
Przecież to żona
Miesiąc pozostał
Sprawa nie prosta
Mówili podpisać
Ją ukołysać
Tylko ten mały
Zostanie spłakany
Czas policzony
Jak tu do żony
Trzeba podpisać
Tylko podpisać
Ją ukołysać
Śmierć ukołysać
Może zostawi -
Czas słabość naprawi.
Gdy Tomek duży
Będzie po burzy.

Dziś znów pod domem -
Rodzinka z ogonem.

[broneknotgeld]

Kurcze - toż ło to ciyngym mi idzie
Wesoło rymom na forum bydzie
Możno tyn wontek se rozkulomy
I jakby przikłod tyż inkszym domy