Przi Wiliji

[broneknotgeld]

forum.gazeta.pl/forum/72,2.html?f=120&w=33875792&v=2&s=0
Do stoła siednońć se we Wilijo
Toż se raduje fest familijo
Dzielić opłatkym przi ty wieczerzy
Szczyńście we doma - możecie wierzyć

Trza nom pod goik śpiywać kolyndy
Niychej na Ślonsku juzaś to wszyndy
Dopiyro potym gyszynki cieszom
Dziecka przi tymu wcale niy grzeszom

Jako Dzieciontko łobdarowane
Som na pamiontka tych Godow dane
Dlo familiji łod Jezusiczka
I niy dziwota - wesołe liczka.

[broneknotgeld]

Brif do Dzieciontka

Ech Dziecionteczko - stary i mody
Tyż porzebujom do życio zgody
A na tych forach łostudy tela
Sprow by i pszoniym blysła ta sztela.

[broneknotgeld]

Ech - to już jutro Wilijo momy
I trza nom pościć ździybeczko bydzie
Dyć se z tym rady jakosik domy
Uciecha potym - Dzieciontko przidzie.

[broneknotgeld]

Gwiozdko Betlejymsko

Ech ty Gwiozdko Betlejymsko
Dusza grzejesz blaskym swojim
Dyć żeś przeca jest niyziymsko
A nos wszyskich jakby strojisz

Durś nadzieji nom dokłodosz
Siył do tego by być lepszym
Do sumiynio tako godosz
-Niy chciyj tego nigdy spieprzyć.