Ślonske Zoo

[broneknotgeld]

Dyć radocha w tym sie zdo
Kaj te gryfne ślonske zoo.

[broneknotgeld]

Sie z Ficinusa ciga straciyła
Choć bergmonowi niyroz już kryła
Teroz niy znoloz
Kajniykaj poloz
Ciekawo Ślonska piernika była

Tako na wander z wiosnom wybrała
Hersko z tym czuła, ani beczała
Beleco szkubnie
Wcale niy rubnie
Kedyś nom powiy kaj sie smykała?

[broneknotgeld]

Bez kokota?!

Bez kokota kurnik bydzie?
Toż niyjedna kwoka w biydzie!

[broneknotgeld]

Po klawiyrze krolik kliko
Prawiom co łon tako rzyko.

[broneknotgeld]

Matjas pitlingowi prawioł
-Byś se zy mnom tu zabawioł
Na talurzu te spotkanie
Pewno wiycie co sie stanie.

[broneknotgeld]

Żalyła roz tako se kwoka
Że ze niyj to richtig boroka
Trza wodzić pisklynta
To jako jyj "piynta"
Dyć kokot jom niy chce łobskokać.

[broneknotgeld]

Jedyn bociek żabce pszoł
Dyć utropa ze niom mioł
Niy furgała
Chocioż chciała
Toż jyj yno kusiol doł

Żaba zaroz łodmiyniono
W biołe piora łobleczono
Mu niy pszoła
Drapko zwioła
Z żolu za niom bociek skonoł

[broneknotgeld]

Jak se boćki rozklekocom
Żaby w stawie aż fest pocom
Cosik wiedzom
Cicho siedzom
Pokumkajom pewno nocom.

[broneknotgeld]

Capa cigi roz goniyły
Aże łopod cołkym z siyły
Woloł pościć
Se wyprościć
Toż w żałobie potym były.

[broneknotgeld]

Krebs durś pływać chcioł do przodka
Szło mu ciynżko - ło tym godka
Szwong we zodku?
Niy z przipodku
I u ludzi idzie spotkać!

[broneknotgeld]

Afie roz elefant prawioł
-Bych se z tobom fest zabawioł
Chyć zymbiska
Dej mi pyska
Dyć se prawie lew pojawioł

Afa na to - Wola kota
Niy dlo ciebie moja cnota
Myjna halo
Aż łobalo
Ano - jeji w tym gupota

Lew - niy wyńda na cygana
Nic niy śniodoł jeszcze z rana
Wzioł do pyska
Fertig - kryska!
Skończoł żywot se pawiana.

[broneknotgeld]

Prziszła ciga roz do woza
Mina miała jak mimoza
Medytuje
Kombinuje
Spokopiyła - zaś sleroza!

[broneknotgeld]

Kaj pitling jedzie
Tracom se śledzie!

[broneknotgeld]

Pochowali wieloryba
W trule zmieścioł sie łon chyba.

[broneknotgeld]

Leży tukej jedna wancka
Klapli drzwiami jom łod szrancka
Dyć wpiyrw juchy se napiyła
Flek na klajdzie niom zrobiyła.

[broneknotgeld]

We łoborze wielko zwada
Sie zebrała krowio rada
Niy ma byka!
Trza im zmykać?
Wszyske czeko już rolada?!

[broneknotgeld]

Wieprzki kedyś ołma miała
Czy krupniokow zrobić chciała?
We kompocie
Je poznocie
Świniobicio niy zoznała.

[broneknotgeld]

Rapica

Rapica lotac wysoko chciała
Dyć se ze dziobym boćka spotkała.

[broneknotgeld]

Kokot pioro swoje stracioł
Sowizdrzoła ubogacioł?
Ktoś do tinty już je kładzie?
Czy ze czakym na paradzie?

[broneknotgeld]

Łaziyła po glajzach
Naprano amajza
Pod kołami cuga
Straciyła se łajza.

[broneknotgeld]

Pasikonik sie pasie
Dyć niy ło tym czasie.

[broneknotgeld]

Ślydź w łoleju

Ślydź w łoleju kompiel broł
Czy łon richtig tego chcioł?

[broneknotgeld]

Z iglym roztomajcie bywo
Sie iglowi ktosik dziwo?

[broneknotgeld]

Kurde bele - kocur bury
Wloz za myszom do jyj dziury.

[broneknotgeld]

Coś łonaczoł ło skorupie
Niym tyn ślimok skończoł w zupie.

[broneknotgeld]

Krowa tako wymuczała:
-Byka bych zarozki chciała!

[broneknotgeld]

Staro kocica szuko kocura
Coby z niym parzyć sie zaś na murach.

[broneknotgeld]

Lepi cofnońć sie łod żaby
Niy zrachuje zymbow aby.

[broneknotgeld]

Ber sie nachloł biyra
Ledwo stoł na gyrach
Sztyry mioł
To niy fioł
Natura niy sknyra.

[broneknotgeld]

Ciga z Sowizdrzołym niy bydzie we zgodzie
Jak go kajsik trefi pewnikym pobodzie
Zgobić tyż poradzi
Chocioż se niy wadzi
Ponoć już kajniykaj Ryszawo jest w modzie

[broneknotgeld]

Ciyngym coś nowego
wiadomosci.gazeta.pl/wiadomosci/56,114885,11813609,10_najlepszych_nowych_gatunkow_wg_uniwersytetu_w_Arizonie.html
Kuknijcie do tego.

[broneknotgeld]

Niy ma na sokoły
www.dziennikzachodni.pl/artykul/587893,katowice-nie-ma-mocnych-na-golebie-w-centrum-sokol-za-drogi,id,t.html
Gołombek wesoły.

[broneknotgeld]

Wancki u Francki

Łobgodała
Erna Francka
Przisiyngała
-U niyj wancka
Jeji chopa w noc pogryzła
Bestoż yno roz go pizła.