Epitafia

[broneknotgeld]

Wyzionyła ducha Cila
Trwało yno jedna chwila.

[broneknotgeld]

Zło mioł miedzy miara
Toż leży na marach.

[broneknotgeld]

Jak wandrusa pochowali
Jego dusza poszła dali.

[broneknotgeld]

Prochy broł i prochym łostoł
Drapko sie do grobu dostoł.

[broneknotgeld]

Brynszpyrytus zimom pioł
Znodli w śniegu - sztajfny boł.

[broneknotgeld]

Pszoł Franc brifmarkom bardzi niż frelkom
Tu pochowany z kolekcjom wielkom
Epny grobowiec tako widzicie
Pszonie wygrało - przegrało życie.

[broneknotgeld]

Epitafium filatelisty

Jak już wszyske zymby stracioł
I gyjbisym szolka gracioł
Na brifmarki zaczoł kukać
W nich pociechy jakby szukać

Toż kancerow włon niy znosioł
Chwała zombkow tako głosioł.

[broneknotgeld]

Łod jednego postu
Krepnoł ktoś po prostu.

[broneknotgeld]

Witom sie przi środzie prawie
Rym nom służy ku zabawie.

[broneknotgeld]

Jak chowali kopidoła
Aże śmiertka sie łośmioła.

[broneknotgeld]

Ynst "przitulo" sie do Trudy
Dyć niy zaznoł ze niom nudy.

[broneknotgeld]

Leży tu jedyn epny łoszkliwiec
Na cudze rymy z niego boł chciwiec.

[broneknotgeld]

Recydywista rymy podkrodoł
Aże mu djosek "memynto" godoł.

[broneknotgeld]

Sie wykryncioł w recydywie
Z kotła nom paluchym kiwie.

[broneknotgeld]

Pochowali bijologa
Porzykać za niego moga.

[broneknotgeld]

Rannom rosom
Prziszła z kosom.

[broneknotgeld]

Tu łoszkliwca pochowali
Łod tych zocnych ździybko dali.

[broneknotgeld]

Na mogile wiyndnom kwiotki
Za to że rozsiywoł plotki.

[broneknotgeld]

Legła sie do truły bioło
Ponoć było jyj wesoło.

[broneknotgeld]

Na forum pod
Boł z tego rod.

[broneknotgeld]

Mioł piykno stypa
Chocioż boł klipa.

[broneknotgeld]

Miynioł sie za drap
Toż śmiertka go - cap.

[broneknotgeld]

Już niy jest z nami
Struł sie grzibami.

[broneknotgeld]

Krepnoł skuli łoszkliwości
I na stypie niy mioł gości.

[broneknotgeld]

Śmiertka go copła chocioż niy kryła
Że nawet łona sie niym brzidziyła.