Epitafia

[broneknotgeld]

Już sie z truły niy poźwigo
Choć mu modo frelka migo.

[broneknotgeld]

Krepnoł przi sztelongu
Wzioł za wiela szwongu.

[broneknotgeld]

Erna Francka pochowała
Dyć se po niym zaroz brała.

[broneknotgeld]

Zojzojery doł jyj szolka
Tako sie straciyła Jolka.

[broneknotgeld]

Chop z niego boł wierny
Dyć niy strzimoł Erny.

[broneknotgeld]

Klachulom była
Trowa jom skryła.

[broneknotgeld]

Ze dwa miechy klachow miała
Dyć do truły je zabrała.

[broneknotgeld]

Leży w trule ze klachami
Już jyj ni ma miyndzy nami.

[broneknotgeld]

Starzik przed śmierciom wykurzoł faja
W doma niy była już ło to haja.

[broneknotgeld]

Radowały sie im lica
Jak chowali sekutnica.

[broneknotgeld]

Tańcowała wpiyrw przi rule
Teroz sie legnyła w trule.

[broneknotgeld]

Wyna w trule znodła
Dyć łona jom bodła.

[broneknotgeld]

Skiż swyj łoszkliwości
W trule gyry prości.

[broneknotgeld]

Uśmiyrkła frela
Pszoła za wiela.

[broneknotgeld]

Zefel pomrzić chcioł
Dyć to niy boł fioł.

[broneknotgeld]

Leży tukej Alojz z Ernom
Boła mu do końca wiernom.

[broneknotgeld]

Iptoń leży wele płota
Ponoć tako za gupota.

[broneknotgeld]

Nasłuchoł sie bojek
Zjod za wiela jojek
Teroz tukej leży
Kto chce niychej wierzy.

[broneknotgeld]

Konefka dziurawo w końcu pochowali
Już ze niyj we Śmiyrgust dziołchow niy gichali.

[broneknotgeld]

Pochowali kibel wody
Niy brakuje do zagrody.

[broneknotgeld]

Pochowali z myszom kota
Tako jyj zrobiyli psota.

[broneknotgeld]

Śmiertka go przi flaszce znodła
Stykło co paluchym bodła.

[broneknotgeld]

Tu leży istny kery mioł grajfka
Nawet przi stryczku zrychtowoł szlajfka.

[broneknotgeld]

Kej w dziyń zawar łocy
Pochowali w nocy.

[broneknotgeld]

Zatruł sie wosztym
Ponoć za tustym.

[broneknotgeld]

Pod skiż dekla łod gulika
Se pod nogi niy chcioł blikać.