Epitafia

[broneknotgeld]

Leży ślydź we soli
Już go nic niy boli.

[broneknotgeld]

Tukej lygła sztichla mało
Przed niom teroz wieczność cało.

[broneknotgeld]

Staroł sie autor ło swoje prawa
Dyć pod - toż dostoł pośmiertnie brawa.

[broneknotgeld]

Struł sie rymym kery krod
Autor był ze tego rod?

[broneknotgeld]

Zjod łod śledzia ucho
Teroz ło niym głucho.

[broneknotgeld]

Pochowali anonima
Nawet fraszki po nim ni ma.

[broneknotgeld]

Wyrok taki wykonali
-Bezimiynnie pochowali.

[broneknotgeld]

Pochowali fuzbalera
Bydzie kopoł w truła teraz.

[broneknotgeld]

Ciong na hawerflokach
Już chowiom boroka.

[broneknotgeld]

Pod tukej sternik
Był z niego piernik.

[broneknotgeld]

Kukoł na chmury
Trefioł do dziury.

[broneknotgeld]

Szporobliwy był za wiela
Tukej leży - yno tela.

[broneknotgeld]

Chocioż żył w dostatku
Krepnoł na łostatku.

[broneknotgeld]

Niy pod skiż gupoty
Dyć mioł hercklekoty.

[broneknotgeld]

Wspomnieć go trza by
Łon broł do graby.

[broneknotgeld]

Koniec przidzie zowdy
-Prziwyk do ty prowdy.

[broneknotgeld]

Pod trowniolym jego kości
Już we knajpie niy zagości.

[broneknotgeld]

Szczyńścio szukoł
Tu zaklupoł.

[broneknotgeld]

Był niywielki
Pod łod nelki.

[broneknotgeld]

Pon se legnoł i niy stowo
Tragedyjo we tym nowo.

[broneknotgeld]

Poni richtig już wnerwiono
Jak niy stowo łona kono.

[broneknotgeld]

Zomb go rozboloł
W trupa se zoloł.

[broneknotgeld]

Jak chowali rymopisa
Na cmyntorzu brzmiała cisza.

[broneknotgeld]

Rajcowoł za wiela
Lyg se tukej - tela

[broneknotgeld]

Zaklachała se na śmierć
Niy łostało z niyj i ćwierć.