Epitafia

[broneknotgeld]

Dyć zajrzyjcie tam pod płotym
Se spotkocie z kulomiotym.

[broneknotgeld]

Bumerangym ciepnoł
Zaroz potym krepnoł.

[broneknotgeld]

Kepek zrobioł sto tysiyncy
Już sie smiertka z niym niy myncy.

[broneknotgeld]

Strzioł set piyrszy, strzimoł set drugi
Prawie we trzecim legnoł jak dugi
Toż wspominajom teroz kibice
Jako na korcie łon stracioł życie.

[broneknotgeld]

Skoczoł z hopsra fest łożarty
Niym zlondowoł stracioł narty.

[broneknotgeld]

Zanurkowoł se głymboko
Niy widziało go już łoko.

[broneknotgeld]

Jak sie wydała - pożałowała
Wartko pod ziymia potym wybrała.

[broneknotgeld]

Wziyła se mamlasa
Potym drzewo z lasa.

[broneknotgeld]

Powiesiyła se na lipie
Teroz jyj chop ledwo zipie.

[broneknotgeld]

Z końcym zimy szło ku wiośnie
Powiesiyła sie na sośnie.

[broneknotgeld]

Brzim jom skusioł
Sznur udusioł.

[broneknotgeld]

Wierzba ponoć niy ślimtała
Jak se Truda tam wisiała.

[broneknotgeld]

Wiela używała
W końcu stond zabrała.

[broneknotgeld]

Zdjyńcie Francka dali w romce
jak łobwiesioł sie na gumce.

[broneknotgeld]

Zdjyńcie Francka dali w romce
jak łobwiesioł sie na gumce.

[broneknotgeld]

W olikmantlu pochowany
Zbudzioł w trule se nad ranym.

[broneknotgeld]

Za Karlika
trza już rzykać.

[broneknotgeld]

Zefel leży tu łod Trudy
Ponoć przeżoł ślubno cudym.

[broneknotgeld]

Niy chcioł tukej klikać
Wlecioł do gulika
Ślubno we żałobie
Ślimto mu na grobie.

[broneknotgeld]

Nawet po śmierci boł sie amajzy
Bestoż go kładom w truła ze ajzy.

[broneknotgeld]

Zjod staro fisza
Już po niym cisza.

[broneknotgeld]

Dzwonko śledzia ci zadzwoni
Wiysz już że ta śmiertka goni.

[broneknotgeld]

Ecik lotać był na siyłach
-W końcu śmiertka dogoniyła.

[broneknotgeld]

We Kobiorze machła kosom
Już Ecika w trule noszom.

[broneknotgeld]

Zapominoł durś ło jutrze
Toż uśmiyrknoł przi komputrze.