broneknotgeld Re: Trefiymy sie tukej? 05.01.11, 18:39 "Trefiymy sie tukej..." Trefiymy sie tukej, bo tako nom trzeba Trefiymy sie tukej - Ślonzek konskym chleba Trefiymy sie tukej - radości w tym wiela Trefiymy sie tukej, dyć czy styknie tela? Odpowiedz Link
broneknotgeld Re: Trefiymy sie tukej? 05.01.11, 18:46 Trefiymy sie tukej bo tako nom trzeba Diaspora i myńszość spod ślonskego nieba Tref taki szczyńśliwy dowajom te czasy Internet kupluje - dzielom rzeki, lasy. Odpowiedz Link
broneknotgeld Re: Trefiymy sie tukej? 05.01.11, 18:47 Trefiymy sie tukej - Ślonzek konskym chleba Niych kunsztym bajlaga choć sznitek jyj trzeba Ślonzoki - łokruszki rozwione kajś wiatrym W duszy region niesom kery im durś fatrym. Odpowiedz Link
broneknotgeld Re: Trefiymy sie tukej? 05.01.11, 18:49 Trefiymy sie tukej - radości w tym wiela Karlusy to wiedzom i niyjedna frela Niy darmo durś nyńci, niy darmo kupluje Forum kaj rym ślonski co zocne buduje. Odpowiedz Link
broneknotgeld Re: Trefiymy sie tukej? 05.01.11, 18:50 Trefiymy sie tukej - dyć czy styknie tela? Mono trza nom zagrać jako ta kapela W kery insztrumynty roztomajte słychać -Aż niyboszczykowi chce sie z nowa dychać! Odpowiedz Link
broneknotgeld Re: Trefiymy sie tukej? 05.01.11, 18:40 refiymy sie tukej, bo przeca durś chcymy Trefiymy sie tukej - kuplujom i rymy Trefiymy sie tukej kaj blyszczy nom godka Trefiymy sie tukej - trza ciś jom do przodka Odpowiedz Link
broneknotgeld Re: Trefiymy sie tukej? 05.01.11, 18:51 Trefiymy sie tukej - kuplujom i rymy A dyć na tym forum niy łod dzisioj wiymy Wiersz, fraszka, limeryk nom dusze raduje Styknie yno czytać - tako tyż se czuje. nk.pl/grupy/15092 Odpowiedz Link
broneknotgeld Re: Trefiymy sie tukej? 05.01.11, 18:52 Trefiymy sie tukej kaj blyszczy nom godka Dyć ze duszy chcymy na forum jom potkać Coby tako prawie ciyngym wiyrchym była Zoleży nom na tym by zaś fest łodżyła. nk.pl/grupy/15092 Odpowiedz Link
broneknotgeld Re: Trefiymy sie tukej? 05.01.11, 18:53 Trefiymy sie tukej - trza ciś jom do przodka Kupluje niy darmo nom dusze durś godka W niyj duch naszy szteli, z niyj durś naszo siyła Co wiyrchym zaś bydzie jako piyrwyj była. nk.pl/grupy/15092 Odpowiedz Link
broneknotgeld Re: Trefiymy sie tukej? 05.01.11, 18:42 Trefiymy sie tukej, choć kożdy z nosz inkszy Trefiymy sie tukej i żodyn niy myńszy Trefiymy sie tukej kaj ślonsko kultura Trefiymy sie tukej, bo wiyrch to niy dziura Odpowiedz Link
broneknotgeld Re: Trefiymy sie tukej? 06.01.11, 19:54 Trefiymy sie tukej choć kożdy z nos inkszy Czowiek jedyn twardszy, a drugi zaś miynkszy Kożdymu inaczy leci tako życie Dyć ślonskość kupluje - ło tym przeca wiycie. nk.pl/grupy/15092 Odpowiedz Link
broneknotgeld Re: Trefiymy sie tukej? 06.01.11, 19:55 Trefiymy sie tukej i żodyn niy myńszy Kto mo ślonsko dusza w tym sie czuje wiynkszy Co z Polski, ze Niymiec, z Pepikow co momy Tako dyć Ślonskowi jako skarb swoj domy. nk.pl/grupy/15092 Odpowiedz Link
broneknotgeld Re: Trefiymy sie tukej? 06.01.11, 19:56 Trefiymy sie tukej kaj ślonsko kultura Czas by juzaś rosła - zochwyci ta skora Co ze środka duszy niych na wiyrchu bydzie Dyć pszonie bliźniymu cuzamyn z tym idzie. nk.pl/grupy/15092 Odpowiedz Link
broneknotgeld Re: Trefiymy sie tukej? 06.01.11, 19:57 Trefiymy sie tukej bo wiyrch to niy dziura Co ślonske wysoko - zdo sie jakby w chmurach Kaj naszo gościnność i pszonie bliźniymu Tam niychej we godce tyż niy zbraknie rymu. nk.pl/grupy/15092 Odpowiedz Link
broneknotgeld Re: Trefiymy sie tukej? 05.01.11, 18:44 Trefiymy sie tukej - we godce jest życie Trefiymy sie tukej - co jeszcze powiycie? Trefiymy sie tukej, bo tako durś chcymy Trefiymy sie tukej, dyć czamu - czy wiymy? Odpowiedz Link
broneknotgeld Re: Trefiymy sie tukej? 06.01.11, 19:57 Trefiymy sie tukej - we godce jest życie Dyć trefić w realu pomogo tyż - wiycie Kunszt godki, blask jeji widzymy na sztrasie Toż niychej nos wiedzie i wspiyro w tym czasie. nk.pl/grupy/15092 Odpowiedz Link
broneknotgeld Re: Trefiymy sie tukej? 06.01.11, 19:59 Trefiymy sie tukej - co jeszcze powiycie? Czy trza nom publiki - czy lepsze ukrycie? Czy ślonskość trza chować? Czy lyźć z niom w świat wielki? Dyć Ślonzok tyż wszyndy! Szkryflom duperelki? nk.pl/grupy/15092 Odpowiedz Link
broneknotgeld Re: Trefiymy sie tukej? 06.01.11, 20:00 Trefiymy sie tukej bo tako durś chcymy Tu godka ze duszy łoblykomy w rymy Toż blyszczy fest ciyngym, na forum gryfnieje Kery za tym stoji z uciechy durś śmieje. nk.pl/grupy/15092 Odpowiedz Link
broneknotgeld Re: Trefiymy sie tukej? 06.01.11, 20:01 Trefiymy sie tukej, dyć czamu - czy wiymy? Zdo mi sie co godka podźwigać tym chcymy Po prowdzie toch richtig jest pewny już tego Profit w tym jest prawie jynzyka ślonskego. nk.pl/grupy/15092 Odpowiedz Link
broneknotgeld Re: Trefiymy sie tukej? 05.01.11, 18:45 Trefiymy sie tukej i z Niymiec i z Polski Trefiymy sie tukej bo rym nyńci swojski Trefiymy sie tukej kto ślonsko mo dusza Trefiymy sie tukej choć trza zaś kajś ruszać Odpowiedz Link
broneknotgeld Re: Trefiymy sie tukej? 06.01.11, 20:02 Trefiymy sie tukej i z Niymiec i z Polski Kto mo ślonsko dusza tyn przeca durś swojski Kaj djaspora ślonsko tam zowdy znojdziecie Sztympel naszy ziymi - tego niy zmyjecie. nk.pl/grupy/15092 Odpowiedz Link
broneknotgeld Re: Trefiymy sie tukej? 06.01.11, 20:02 Trefiymy sie tukej bo rym nyńci swojski Ani łon niymiecki, ani tyż echt-polski Prosty jako prosto jest dusza Ślonzoka Co stowio na siebie, choć czasym we zokach. nk.pl/grupy/15092 Odpowiedz Link
broneknotgeld Re: Trefiymy sie tukej? 06.01.11, 20:03 Trefiymy sie tukej kto ślonsko mo dusza Coby już cuzamyn w przodek drapci ruszać I to co etniczne kłaść dzieckom do gowy Siyła z tego idzie we świat jakby nowy. nk.pl/grupy/15092 Odpowiedz Link
broneknotgeld Re: Trefiymy sie tukej? 06.01.11, 20:04 Trefiymy sie tukej choć trza zaś kajś ruszać Czas welunku prawie - ślonsko fraszka brusza Dyć forum nom rośnie i niychej we zocy Ćmok myni nos tropi - rym amplom jest w nocy. Odpowiedz Link
