Jak chop z babom

[broneknotgeld]

Terozki se myśla - Kaj w Halymbie sabat?
Tyż bych se tam wybroł - miołbych wielko laba.

[broneknotgeld]

W "Narrenturm" była na sabat rajza
Tyż bych sie chcioł tak polotać
Dyć ze Kochlowic pierońsko łajza
Dupa chce miotłom mi złotać.

[broneknotgeld]

Już niy wpisza bo sie boja
Co mi zrobi za to moja
Dyć to frelka ze Halymby
Jo wiym że mo łostre zymby
I jak czasym fest ugryzie
Tydziyń chop sie z tego liże.

[broneknotgeld]

zaś we Rudzie

Na Rozamundzie we familoku
Dopod żech gryfno dziołcha na boku
Chycioł żech pewnie za te drażniontka
I mi została po ni pamiontka
Bo jak mi machła prawym siyrpowym
Znak mi sie łostoł na łuku brwiowym.

[broneknotgeld]

Fela

Usnoł żech kedyś w nocka na feli
I piyknie śnioł żech ło nowy freli
Mało ucieszołch sie tom słodyczom
Niy wierć ty feli! - sztajger zaryczoł.

[broneknotgeld]

W tym czasie jeszczech czupryna mioł
Alech już wtedy cebulki grzoł
Bez to żech myśloł ło seksie czynsto
Wylozły kudły co rosły gynsto.

[broneknotgeld]

U mie inaczy

Zaś dzisioj bydzie mi cołkym ciepło
Jak ślubno w doma zrobi zaś piekło
Ciepnie sie wy mie może garkoma
Tak wesolutko byda mioł w doma.

[broneknotgeld]

Nudelkula

Nudelkula to broń honorowo
Chocioż żony tak lubiom niom straszyć
Jedno wiedzom - jak rypnońć niom zdrowo
To na amyn chopa idzie zgasić.

[broneknotgeld]

Ze tryningu w rynkach krzepa
Mo przeca kożdo przilepa
Jak sie mocno chyci chopa
Czasym je z tego utropa.

[broneknotgeld]

Para z Tych

Tyszok i Tyszka
Majom zadyszka
Ździybko to wadzi
Dyć trza se radzić.

[broneknotgeld]

Ło tyszance co Niymca niy chciała

Wiycie ło tyszance co Niymca niy chciała
Ciekawo historio - dramat to bez mała
Łon sie po nia wybroł zbrojny we "armata"
Bo bez niyj niy widzioł dlo siebie już świata

Uprowadzioł z doma - w Gliwicach ich znodli
Dyć Niymca na krotko do heresztu kłodli
Kaucjo doł i wyloz skiż łaski Tymidy
Ale frelka w gowie durś tego łobrzidy

Jeszcze roz chcioł copnońć ta piykno tyszanka
Terozki we życiu narobioł już manka
Siedzi zaś w hereszcie - euro niy pomoże
Myśli dzisioj pewnie jak tyn sond go skorze.

[broneknotgeld]

Połoblykane już som te frelki
Widać że jesiyń krok robi wielki.

[broneknotgeld]

Fraszka ło miłości
We stringach tyż gości.

[broneknotgeld]

Jakby moje rynce stringi heklowały
Frelki do ańproby by teroz stowały.

[broneknotgeld]

Lojzik

Lojzik gryfno frela mioł
Ale mało jeji pszoł
Teroz w doma siedzi som
Nałokoło yno krom.

[broneknotgeld]

Ślubno fest już na mie wrzeszczy
Że jo niy jest jakimś wieszczym
Czas na forum - same straty
Możno jakbych był bogaty
Mogbych siedzieć tukej dugo
Ale życie srogo mrugo

Dlo rodziny i roboty
- Po to chop nosi galoty!

[broneknotgeld]

Jakby za przikłodym Szkota
W kecy zimom se polotać
Jurne chopy ponoć z tego
No - hartujom se "tyntego".

[broneknotgeld]

Jak pomywom w dom gary
Fraszka leci - jakeś czary
Teroz czyńści w kuchnia kukom
Wyny jo tam przeca szukom.

[broneknotgeld]

Stanik

Stanik lajbik jeji symnoł
Na cycku sie piyknie zdrzymnoł.

[broneknotgeld]

Możno znyncom nos łosety
Miod z nich dobry dli podniety.
info.onet.pl/840305,69,item.html

[broneknotgeld]

Obmierzła sie chopu baba
I zamiynioł jom we żaba
Biydny kto jyj do kusiola
Już "bykowe" płacić wola.

[ciupazka]

A fe! Hehe...Pozdr.

[broneknotgeld]

Witej Ciupazko doma
Zakryńcisz teroz chopoma.

[broneknotgeld]

Roz chop jedyn gupi te stringi spasowoł
Miech sie niymi przetnoł - wiyncyj niy błoznowoł.

[broneknotgeld]

To ci Ańdzia

Ańdzi karlus se przigodzioł
Co pod mantlym sago chodzioł
Chcioł postraszyć naszo frelka
A łona - łaps za cimpelka!

[broneknotgeld]

Łona

Łona swoja rynka cołko by łoddała
Tako jom aż pili coby sie wydała.

[broneknotgeld]

Ponoć nasze "frelki" Krakowowi pszajom
Wiyncyj tam niż tukej pewnie zarobiajom.

[ciupazka]

Bronek! Ty nie giń marnie
Ty sie nie poddawoj,
A kie Cie bijom,
tym zukwalsy stawoj!

Niek na bałwany
piętrzom sie bałwany,
A kie pęknie łódź,
Ty na jednyj desce oscypanyj,
zraniony jak lew, musis pruć!

Telo.Pozdr.
p.s. mnie sie juz nie miescom pewne rzecy w głowie...

[hepik1]

Możno malutko góralskiej ciupaski łebka
to sie niy mieszczom ju nawet ździebka

[broneknotgeld]

Ciupazko - dyć jo tu jest
I we "bronczyniu" tyż fest.