Jak chop z babom

[broneknotgeld]

Chciolbych tu wyloć kufel słodyczy
A moja ślubno już na mie ryczy.

TY SIĘ NIE PRZEJMUJ

Gdyby me ciało tak bardzo zbrzydło
Że wyglądałbym jak straszydło
- Ty się nie przejmuj

Gdybym też zbudził się wcześnie rano
I byłbym łysy jak kolano
- Ty się nie przejmuj

Gdyby mi wszystkie zęby wypadły
Codziennie tylko kleik jadłbym
- Ty się nie przejmuj

Gdybym zupełnie swój stracił wzrok
I w czarną otchłań postąpił krok
- Ty się nie przejmuj

Gdyby mnie wredna zmogła choroba
Na tamtym świecie była już noga
- Ty się nie przejmuj

Gdyby wieziono mnie w kaftaniku
I wypuszczono gdzieś w Rybniku
- Ty sie nie przemuj

Gdybym Cię kochał bez wzajemności
Choć to tak bardzo może złościć
- Ty się nie przejmuj

TY SIĘ NIE PRZEJMUJ BO ZAWSZE WSZĘDZIE
MYŚL MOJA BLISKO CIEBIE BĘDZIE

[broneknotgeld]

KARLUS
Jak chodzioł do lipsty na noc
Ty piyrszy godoł - dobranoc.

[broneknotgeld]

We Rudzie durś trzynsom sie ściany
Niyjedyn jest bez to zaspany
Jak gruby fedrujom fest tompie
A mie zaś sie wtedy śni rzompie
Już lepi by frelka sie śniyła
A jeszcze jak cudzo by była.

[broneknotgeld]

Kto fraszki konsztowne pisze
Dobrze i w łożku sie spisze
A jak je kery glacaty
To kochać sie może na raty
Chocioż jak chce to tak przipnie
Że dziołszka yno mu zipnie.

[broneknotgeld]

Tak se myśla że ciało po to jest nom dane
By na równo z rozumym było używane.

[broneknotgeld]

Choćby i karlus był złotousty
T przeca kokot niy mo być tusty
Dziołchow tu niy ma to powiym skrycie
Że już u siebie widza to tycie.

[broneknotgeld]

Sylwester!!! Sylwester!!!
Zadzwonioł żech do Szwester
By w Niymcach wiodło i sie fest
Tegoch i życzoł bo mom gest

I pedziołch tyż do szwagra
By wyciep w kont ta viagra
Bo karlus z niego jest ho ho!
Bez pilow rada z niom sie do

I chocioż pieścić bydzie dłuży
Taki sex musi zdrowiu służyć
Bo nawet jak sie ołpom jest
Trza zowdy kochać sie na fest.

[broneknotgeld]

AROMA
Woniosz jak łonka wiosynno
Jak noc majowo noc bezsynno
Dobrze żeś ciepła cygaryta
Bo zaś mi woniosz jak kobiyta

[broneknotgeld]

ZMIYNNO
Nojpiyrw ci godo żeś jest balsamym
A potym faflo żeś wielkim chamym
Życio bez ciebie kedyś niy chciała
Dość pryndko jednak inszego brała
Tako tyż zmiynność bywo kobiyco
Rzodko ci spełni co nałobiyco.

[broneknotgeld]

Żodno frela tu niy godo
Ani staro ani modo
Beztoż jo se fraszka śla
Bo te konski ciongnońć trza.

[broneknotgeld]

Wadza sie ze ślubnom ło tych stotkow mycie
Bo dzisioj pomywać niy chce mi sie wcale
Pryndkoch sie ji poddoł take moje życie
Ich se topkrac chycioł we namiyntnym szale
Szorować żech zaczoł talyrze i gary
Aż sie szło w nich przejrzeć choby w jakimś żdżadle
Czego to niy musi chop wziońć se na bary
By durś było dobrze we małżyńskim stadle.

[broneknotgeld]

Puszystyj

Przipominosz mi Rubynsa
Te łobrozki pełne miynsa
Chciołbych przilgnońć do cia zaroz
Yno by nos chop niy znaloz.

[broneknotgeld]

Jakoś te dziołchy cicho nom siedzom
Niczego niy chcom tu wlepić
Skocza po piwo niych ło tym wiedzom
W żolu sie musza pokrzepić.

[broneknotgeld]

Lipsta

Z lipstom sie dugo niy chodzi
Dyć pszoniu to może szkodzić
Bo przeca we wolnym czasie
Ze liptom położyć trza sie.

[broneknotgeld]

Niby randka

Randka z frelkom mi sie marzy
Na tym forum - wirtualnie
Może kedyś sie przidarzy
Było by to richtig fajnie.

[broneknotgeld]

Take pszonie to niy pszonie

Komputer to je hercowa
Kery jo nawet niy lubia
Do mie to prawie harowa
Durś przi tym trocha sie gubia

Frela to nigdy niy bydzie
Cołkym tu pewiyn żech tego
Do gowy mi to niy przidzie
Niy widza w tym nic piyknego

Widza w tym yno narzyńdzie
Dzisioj poczebne kożdymu
Tam i tukej i wszyńdzie
Tak myśla sie po bożymu.

[broneknotgeld]

Brak formy

Coś mi po dwóch piwach
Palica gupieje
Widza żech w pokrziwach
Możno sie pośmiejesz.

[broneknotgeld]

Jakby

Jakbyś tak spotkoł szaca łod żony
Jakby i łon był trocha zgoszony
Jakbyś go spytoł - Co Ci sie stało?
Jakby łodpedzioł - Twyj ślubny mało!

[broneknotgeld]

Siyła żuru

A wszysko to skiż tego żuru
Kerego jo niy znosza
Przipiyro frelki łon do muru
I chyba go przeprosza
Chopy tyż bardzi po nim jurnie
We łożkach sie sprawujom
Niy jedzom go dyć yno durnie
A z nimi jo - tyż ułom.

[broneknotgeld]

Biglowanie

Bigluja koszule bigluja galoty
Łod lot to noleży do moji roboty
Dyć jo durś trynuja skiż lepszy połowy
By kedyś i zmarszczki zbiglować ze głowy.

[broneknotgeld]

Co pobiglowane na bigel se wiyszom
Z inkszymi ciuchami już tego niy miyszom

[broneknotgeld]

Z samego wiyszanio za mało uciychy
Jo przi biglowaniu we myślach mom grzychy
A czasym tyż fraszka mi przidzie do łeba
Dyć ło tym wiym dobrze - biglować mi trzeba.

[broneknotgeld]

Dziołcha z biglym to je tela
Jakby była durś niydziela
Szwongu przi ni bydzie wiela
Aż wykończy cie ta frela.

[broneknotgeld]

Moj syn

Frelka nago mi sie śniyła
Chciołch jom macnońć - już zniknyła
Zbudził żech sie z tego żalu
No i było już po balu.

[broneknotgeld]

Pionty krziżyk

Dyć mi już leci pionty krziżyk
A modo frelka to je ryzyk
Jak bych jom na noc mioł se cało
Serce by tego niy szczimało.