ramon6
04.10.09, 16:00
IV Slonske Syminarium we Kamiyniu Slonskym
Po dziejsiynciu godzinach rajzy s Köln asz do Kamiynia zostou zech
bardzo serdecznie pszijynty bez pani Wiencek s Domu Wspolpracy
Polsko-Niemieckiej.
Jusz na samym poczontku cza pedziec, ze couke seminarium bouo bardzo
dobrze bes “Dom/Haus” I bez Kurija Opolskou (ks. Globisz)
zourganizowanou.
Zarousk po mie pszijechauo jeszcze poura ludzi s Niymiec s kerych
czynsc jusz uonskirok tysz jusz na tym seminarium boua.
Wszyjscy znoudli zimmry we zomku, tak ze niy mieli my za daleki na
fortragi.
Snioudanie, mittak i wieczerzou mieli my we, wele zomku lezoncym,
sanatorium sw. Jacka.
Izby som we zomku skromne ale pszitulne i niy kouzdou mou swoj bad,
ale mie to tam nic niy robiouo, te poura metrow do duszy isc.
Jedzynie bouo wedle mie bardzo dobre i bouo tego zatela.
Seminarium zaczuo sie we poniedziauek a skonczouo sie we czwortek.
Kouzdy dziyn miou swoj tymat, kery juzajs bou na czi czynsci
podzielony.
Zacznouo sie zawsze s historycznym vortrgoma a potym boua pokouzanou
we formie vortraga sytuacijou dzisiej, a po uobiedzie bouy juzajs
referaty uo psziszuojsci s danego tymatu.
Na koniec kouzdy czynsci bouy dyskusje do ktory zebrani byli
zachyncani.
Na wieczor tak uo 19:00 bouy dodatkowe programy, kere ale niy
musiauy nic s tymatym dnia miec do czyniyniou.
Dziyn piyrszy - poniedziauek
Tymat: Zwionski i Stowarzyszenia branzy gospodarczej.
Nojpiyrf bouo uotwarcie seminarium bez biskupa opolskego Andrzeja
Czaje (Wlous we bardzo wielke szczewiki po Nosolu), a po niym goudou
R. Galla (Posou we Sajmie) I Bernard Gaida, chef Niymcow we Polsce.
Niychca sie tukej za bardzo uospisywac, ale chca jyny tukej pedziec,
ze jedyn s najlepszych referatow coukego seminarium miou Dr.
Reinhard Klein na tymat :”Mentalitätsunterschiede im deutsch-
polnischen Geschäftsleben”.
Jak wtojs chce we Polsce gyszefty robic, to musi sie tyn referat
pszeczytac!
Zol bouo jadnak suchac jak Prezes Regionaly Izby Przemyslowo-
Handloayj we Glywicach, Pan Wiktor Pawlik, zignorowou referat Dr.
Klein, douwajonc do zrozumiynia, ze uonymu niymiecke firma juzajs
niysom asz tak poczebne, bo mou dojs ich s Holland I Francyje I s
tymi krajoma wedle Pawlika, niyma zoudnych problymow myntalnojsci.
We Wtorek bou tymat: Historyjou – zadbac uo nia i jom pielyngnowac.
Moderacja miou Cornelius Ochmann, kery bardzo rigorous paczou na to
zeby zoudyn niy przekroczou czasu jaki miou na swoj referat
Tukej mi bardzo zostou we pamiynci referat uod Dr. Linka s Katowic
uo vereinach na Slonsku pszed i po1900 asz do Wojny domowy.
Uoszczarowany zech juzajs bou s referatu uod Adriana Sobka s Haus
Schlesien in Königswinter-Heisterbacherrott.
Couki czas wymiyniou wiela to Haus Schlesien mou kontaktow s
polskymi Universytetoma, ale jak zech sie go spytou s wielomy
niymieckymi Universytetoma uoni do kupy robiom, to niy poradziou mi
ani jednego wymiynic!!!
Po pouedniu bouy juzajs przedstawiane muzea slonske we Niymcach i we
Polsce.
Niykej toch sie tak czu jak bych bou jako jedyny ze starego Egiptu
na referatach uo starym Egipcie.
Uoni uo nous zawdy goudali we czasie pszeszuym!
Na wieczor boua wystawa “Eduard Pant”
Sroda, dziyn czeci, Temat: Kojsciou (przedpoledniym), Mniyjszojsc
(popouedniu)
Bardzo ciekawy referat Prof. ks Worbs s Opolou uo “Qickborn” (Bardzo
ciekawy tymat cza we Necu uobejzec)
Na tyn som Tymat wypowiadou sie jedyn Prof s Köln kery niymou se
Slonskym nic do czyniyniou, ale bes tyn tymat tam co chwilou jejzdzi.
Tysz referat uo rymoncie Katedry we Opolu. We kuli pod krzizoma
snoudli dokumynty we kerych boua opisanou budowa kojscioua, mapa
miasta, spis rzymiesnikow itd.
Dokumynty i Bildy bouy bardzo dobrze zachowane, so dostali s
2piyrszy rynki” infos jak kejsik ludzie we Opoulu zyli.
Potym pokouzali sie Czech ksynzy s organizacij “Uodnowiynie Ducha
Swiyntego” .- tukej moga jyny tela pedziec, ze tukej by jako sekta
pszejsli i byli pod kontrolom uod Verfassungsschutz.
Couke popouednie bouo posfiyncone sprawom Miynszojsci Niymieckich we
Polsce, Italii, Dani, Czechach.
Dloumie mozno nojciekawszy referat bou uod Dr. Bernata Lineka na
tymat “Proby inicjatyw spolecznych ludnosci niemieckiej na GS w
Polsce Ludowej”.
Miyndzy inkszymi wymiyniou tysz uorganizacja “Schwarzer Wolf
Hubertus” to bou dlomie stromszlag, bo szukom uod lout informacyji
uo tyj grupie. Duzo nowego ech sie dowiedziou.
Bardzo ciekawe bouy poruwnania na tymat wolnojsci jakou majom Niymce
we pojedynczych krajach. Nojgorzi je jym we Czechach a potym we
Polsce.
We programie wieczornym pszedstawioua Hellena Buchner swoja
Ksonszka “Hanyska”
i“Dzeci Hanyski”
Czwortek, dziyn uostatni.
Tymat dnia: Media, Kultura i tozsamosc.
Przedpouedniym interesujonce tymary uo klubach sportowych na Slonsko
po uobu stronach po teilongu. Kupa informacyji, ale sie szuo uobrous
s tamtych czasow zrobic.
We drugi czynsci przedpeuednowy dyskusyji na podium brali miyndzy
innymi Adam Celder, prezes, uod Erster Fußball Club Katowice i ks
Zouka s Zimnywodki jako hodowca slonskich gouambi.(blank ciekawe).
Popouedniu bou tymat uo mozliwojsciach zszafniyncia slonski
toszsamojsci we kery brali udziau Gorzelik,Gaida i Kotys.
Na wieczor bou jeszcze bardzo kontrowersyjny wykloud Prof. ks
Joachima Piegusa na tymat Kardynaua Hllonda i cyganstw polskego
kojscioua zaroski po wojnie na Slonsku.
Kupa tymatow i informacyj i bardzo dobrou organizacja i super
location, tak narous goudane – uoplaci sie te poura dni urlopu
wzionc i tam pojechac zeby sie cojsik uo heimat nauczyc, a niy jyny
u tanty Milki kououcz jejs.
Ach jeszcze jedno, zaroski pszi wrotach do zomku je gospoda “Eva”,
kaj idzie tysz fajnie pojejs i dobre slonske pifo wypic.
Myjsla ze we psziszuym roku sie tam jakis swous pszikolybie.
Ramon
