eli to prowda?

13.04.11, 18:23
abo gorolskie jamrowanie:
wyborcza.biz/biznes/1,101562,9414118,Wandy_wola_Niemca__Niby_ta_sama_marka__a_z_Niemiec.html
Tam o proszu nie wiem ale to samo godajom o kawie, skuli tego kiedys zech to testowou i jak Baca godo:
"go... profda"
    • berncik Re: eli to prowda? 13.04.11, 18:36
      To je prowda .Jak jo jada na slonsk to biera Jakops Kaffe dosc duzo, Proszek Persil,I Palmolif do pomywanio .Bo ten Polski Palmolif ten Kaffe i Persil to je dziadostwo.I to tak je od czsu jak we Polsce
      Te nasze Markety otwarli.Poloki som tak gupie za tymi zachodniemi produktami.a ci sprzedowajom nojwiekszy maras .A Polske produkty majom duzo lepsze.
      • artjomka Re: eli to prowda? 13.04.11, 20:20
        Tyn artykul z linka ech przeczytou. A i Wasze uwagi.
        Ale musza powiedziec, co niy wszyjstko je take zlote (abo czorne), jak wyglondo.
        Jo mom te doswiadczynia od dobrych parodziesiynciu lot. Njy z branzy proszkow abo kawy - ale bardzo bilskij. I to niy ino co do Polski - ale i swiata.
        Cza pedziec na poczontek. Kozdy mo to, co chce. Koncerny dostosowujom swoje produkty do potrzeb i smakow swojich klientow.
        Bierymy chocby kawa. Fto z Wos zrobiou sie "polsko plujka" ze Jacobsa abo Eduscho - "z paketu" z Niymiec - abo inaksij - kupiony w Niymcych? Jak niy jest to Slonzok, kery powie...o pierona ta kawa je sto razy mocniejszo - bo z Rajchu...(wic); gros pijoncym plujka w Polsce tako ze oryginalego Jacobsa niy podchodzi. Bo jakos tako lurowato. A ta kawa je po prostu polono na smak Njymca - i bes tosz smakuje inaksij.
        I niy ino kawa. Tysz cygarety (tabak), przygotowywane som pod smak kraju, kaj bydom kurzone. I niy idzie tukej o cyganienie. Specyfikacje som tak dopasowane, cobyy produkt sie w kraju przeznaczynio dobrze sprzedowol. I bes tosz "Niyost" kupione w Polsce woniajom inaksij jak te z Niymiec. Te juzajs inaksij jak szmuglowane abo oficjalnie kupione z Ukrainy. Juzajs te u Holandii tysz majom inkszy smak. Choc wszyjstkie majom ta samo nazwa. Niy chca jusz porownac jedny marki - kero kejsik reklamowou taki kowboj - kupione w Polsce, Niymcach abo w Malazji. Tam po jedny taki cygarecie mozesz niy chycic tchu - a jak w Indonezji poczynstujesz kogos takom cygaretom od nos, to cie wysmieje, co siana to on niy kurzy. Bo 30 mg smoly w ichniejszch cygaretach to nic zdroznego. A do tego jeszcze olejek gozdzikowy!
        A co do proszkow do pranio.
        Choc maszyny do pranio som na porownywalnym poziomie technicznym, wielko rola gro tukej woda. I to tysz je naliczone statystycznie, jak sie mjyszo komponynty proszku dlo Polski abo do Njymyiec - egal kaj sie te proszki produkuje.
        Bo cza pedziec, co dzisiej, w czasach globalizmu, wiela produktow robionych je kaj indzij, niz je sprzedowanych. A jakosc - szczegolnie u tych wielkich producyntow - musi sztimowac.
        No tak bych to jo widziou z mojigo podworka.
        Pyrsk!
        • berncik Re: eli to prowda? 13.04.11, 20:49
          artiomka:Ze tym Kafejem se zgodza ze robiom go do smaku .Ale ze Proszkem albo ze Palmolif ,NIE.Bo boua Siostra mojej na bezuchu i zglondaua jak moja pomywaua i godo zeby woda uni tak zaszaumowaua to musi wloc pou flaszki i ta woda je o podobnyj twardosci.nawet inacz Ci powiem.Towor tu we Niemcach jak kupisz ze angeboutu je gorszy kwalitet i to nie ino oblecze
          ale chemiczne jak proszki albo weichschpielery.My jusz downo przestali kupowac to co nom wciskajom bo to je meistens gowno wert
          • artjomka Re: eli to prowda? 13.04.11, 21:13
            Witom Berncik,
            ciynczko mi sie to je forsztelowac ze tymi proszkami i Weichspüler'ami.
            Jo by to sie tuplikowou, co woda mo inkszy sklad ( chocby koncyntracjo zelazua, abo inkszych czynsci). A mozno mycie szkorup po jodle w rynce (niy w maszynie) niy je z tradycji polonczone ze wielkiymi szominami?
            Bo ciynszko mi sie forsztelowac, coby tam kaj te mittle robiom - cyganiom. Niy dzisiej jusz - bo ryzyko za wielkie.
            Ale mozno i take rzeczy jeszcze sie dziejom.
            Wczesnij przezou ech take cojs w jedny fyrmie nalezoncy do wielkigo koncernu. Na Ukrainie. Tam robjyli na nocny zmianie produkt, kery sie traciou - bo bou potym sprzedowany jako szmugelware. A surowiec na to bou uszczuplany ze "normalnych" wyrobow.
            Njy kapnou ech do konca jak im sie bilans zgodzou i skont brali dodatkowo ilosc opakowan - ale tak bouo. Choc krotko potym, jak to pochytali, to zodyn niy chciol stracic robota (dojsc dobrze platno), skuli takich rzeczy.
            A zaroski pozmianach we Polsce tysz ech suyszou, jakse tamtejszy dyrektor w jedny firmie w Radomiu na boku przirobiou.
            Ale te czasy jusz minyiuy - przinajmni w Polsce na Wyngrach abo Czechach eli Slowacji - kaj ech dojsc czynsto jest.
            Pyrsk!
        • ballest Re: eli to prowda? 13.04.11, 21:32
          a jou Wom co innego skreslam:
          "Wandy wolą Niemca. Niby ta sama marka, a z Niemiec lepsza? "
          ta historycznou Wanda, co Niemca nie chciala sama bouo Niemkom ze Karyntii ;)

          ale tego za duzo Polokow chyba nie wie !
          • bratjakuba Re: eli to prowda? 13.04.11, 22:17
            Henkel odkupioł swoja przedwojynno fabryka w Raciborzu i robi tam cołko chemia do użytku domowego.Oczywiście na rynki wschodnie i zachodnie.
            Proszki i inksze środki chemiczne na rynek np nimiecki majom różny skład od tych przeznaczonych na rynek polski.
            . Te nimiecke zawiyrajom te same komponenty zasadnicze co i polske ale roztomańte inksze dodatki.
            Te dodatki we nimieckich proszkach som zazwyczaj noweszej generacji i bez to o 200% drogsze. Bez to i nimiecke proszki do pranio o tych samych kategoriach majom wyższe cyny.
            To jest stary chwyt marketingowy.Jak klient jest skłonny zapłacić wiyncy to handlowiec dycki bydzie wybiyroł towar drogszy. Wyższo cyna = wyższo marża = wiynkszy zysk. Obejrzijcie
            sklepy w eksluzywnych dzielnicach.
            Towor taki som, wszystek robiony w Chinach ale mo naszyty firmowy bajer ekskluzywnego producenta i już je trzi abo i dziesiyńć razy drogszy.
            Dodatki w tych proszkach nie wpływajom na proces prania ale pozwolajom na reklamowanie produktu pod gust miejscowej klienteli.
            W Niymcach lepszy sie sprzedowo Umweltschutz niż Effektivität.
            Dotyczy to wszystkigo od auta do papiyru toaletowego.
            Obejrzicie co Wom wciskajom przi kupnie kożdej rzeczy. Np taki fynikowy fotoaparat abo zygarek.
            Nikiej jego opakowanie je wiyncy wert niż zawartość a zanim sie dowiycie jak zrobić nim piyrszo fotka to przeczytocie dwie abo trzi strony o tym wiela lasow sie uchroniyło i co zaś sie do zrobi ze tej kastelki,w kierej zostoł sprzedany.
            • ballest Re: eli to prowda? 13.04.11, 22:27
              "Towor taki som, wszystek robiony w Chinach ale mo naszyty firmowy bajer ekskluzywnego producenta i już je trzi abo i dziesiyńć razy drogszy."

              BJ, - Mosz na mysli wyroby chemiczne????
              • bratjakuba Re: eli to prowda? 13.04.11, 22:54
                ballest napisał:

                > "Towor taki som, wszystek robiony w Chinach ale mo naszyty firmowy bajer
                > ekskluzywnego producenta i już je trzi abo i dziesiyńć razy drogszy."

                >
                > BJ, - Mosz na mysli wyroby chemiczne????
                --------------------------------------------------------------------------------------
                Ni mom na myśli konkretnego wyrobu a jedynie to,że cena towaru jest dostosowano do zamożności klienta,kiery go bydzie kupować.W tych ekskluzywnych Einkaufsmeilach tyn som towar mo wyższo cena bo przichodzi tam bogatszy klient niż do Liedla.
                Napisoł ech to jako uzasadniynie do tego czymu producenci produkujom drogszy niż by mogli.
                Bo to kształtuje zysk .(Wyższo cena -wyższo marża -wyższy zysk).
                • ballest Re: eli to prowda? 14.04.11, 08:13
                  Bo tu wlasciwie o proszkach do prania pisali a ta produkcja jest calkowicie zautomatyzowana, skuli tego "chinski vorteil" w przemysle chemicznym na ogol wcale znaczenie nie mou.
                  • 1fatum Re: eli to prowda? 14.04.11, 08:40
                    Zetknąłem się z wypowiedzią kogoś z firmy Henkel, gdzie udowadniano, że tak być musi, ponieważ polskie gospodynie domowe, nie potrafią korzystać z proszków do prania w taki sposób jak gospodynie w Niemczech.
                    Kiedy wyrówna się poziom kultury (technicznej), wtedy produkty będą identyczne.

                    Nie wiem jak to jest w damskim wydaniu, ale ja korzystam z miarki i proszku sypie tyle ile zaleca producent. O obserwacji wiem, że panie bez umiaru leją płynu do mycia naczyń.
    • gryfny Re: eli to prowda? 15.04.11, 15:21
      Pono Slowaki zrobieli jakies badania i im wyszlo ze ino "maras" sie produkuje do nowych we UE
      • artjomka Re: eli to prowda? 15.04.11, 17:44
        gryfny napisał:

        > Pono Slowaki zrobieli jakies badania i im wyszlo ze ino "maras" sie produkuje d
        > o nowych we UE

        Njy wierz w take gupoty Gryfny!
        Slowaki pijom dosc duzo piwa, kerym idzie sie tysz orzryc. A poza tym - kozdy moze pisac po pijoku czi po czi - niy ino Poloki!
        Pyrsk przi szlustydniu.
        PS: a czamu tak mysla - poczytej w tych postach na wjyrchu.

        • gryfny Re: eli to prowda? 21.04.11, 19:31
          Tja,sprawa je rozojowo
          wyborcza.biz/biznes/1,101562,9477924,KE_zbada__czy_koncerny_wysylaja_do_nas_zywnosc_gorszej.html
Inne wątki na temat:
Pełna wersja